Posted By chamaramind on 15 Jan 2017 05:42 AM

පිපාසය නිවාගන්න බීම වර්ග

මේ දිනවල පවතින්නේ අධික දාහයක්. ගමනක් බිමනක් ගොස් නිවෙසට පැමිණි විට පිපාසය නිවාගන්නට සිසිල් බීමක් පිළියෙල කරගත හැකි නම් මොනතරම් වටිනවද?

හදිසියේ නිවෙසට පැමිණෙන අමුත්තකුට ඥාතියකුට සංග්‍රහ කරන්නත් කදිම ගෙවත්තෙන් සොයා හැකි වෙරළු, පැෂන් යන පලතුරු හා බීට් රූට්වලින් ඉතාමත් පහසුවෙන් පිළියෙල කරගත හැකි මේ බීම වර්ග ඔ‍බේ පාසල් යන දුවට පුතාටත් කදිමයි.

බීට් රූට් මිශ්‍ර කොළ ඇපල් පානය

අවශ්‍ය වන්නෙ

බීට් රූට් - 500g

කොළ පාට ඇපල් ගෙඩි - 2

පදමට සීනි

වතුර වීදුරු - 4

අයිස් කැට

සාදන ක්‍රමය:-

පළමුව බීට්රූට්වල පොතු ඉවත්කර කුඩාවට කපා වතුර දමා හොඳින් බ්ලෙන්ඩර් කර පෙරා ගන්න‍. දැන් ඇපල් ද කුඩාවට කපා වතුර වීදුරු දෙකක් දමා හොඳින් බ්ලෙන්ඩර් කර පෙරා ගන්න. පසුව පදමට සීනි සහ අයිස් එකතු කර යුෂ වර්ග දෙක එකට මිශ්‍ර කර පිළිගන්වන්න.

පැෂන් මූස්

මේ දේවල් අවශ්‍යයයි.

විපින් ක්‍රීම් පැකට් - 1

හොඳින් ඉදුණු පැෂන් ගෙඩි - 5

(පැෂන් පියුරි පිළියෙල කරගැනීම සඳහා)

බිත්තර - 10

සීනි - 500g

ජෙලටින් - 60g

වතුර අඬු කෝප්ප - 1 ½

පැෂන් පියුරි පි‍ළියෙල කර ගැනීමට ඉදුණු පැෂන් ගෙඩි දෙකට කපා තරමක භාජනයක් ගෙන එයට මඳ සියල්ල සූරා දමන්න. දැන් වතුර අඬු කෝප්පයක් දමා හොඳින් බීට් කර ගන්න.

පිළියෙල කරන්නේ මෙහෙමයි.

පළමුව විපින් ක්‍රීම් කෝප්පයකට දමා හොඳින් බීට් කර ගන්න. බිත්තර කඩා කහමද ටික වෙන්කර ගෙන භාජනයකට දමා හොඳින් බීට් කරගන්න.

දැන් තරමක භාජනයක් ළිප තබා එයට සීනි ග්‍රෑම් 500 සහ වතුර අඬු කෝප්ප භාගයක් දමා හොඳින් උණුකර ගන්න.

තරමක බෝල් එකක් ගෙන එයට උණු කරගත් සීනි (පැණි) දමා නිවෙන තුරු බීට් කර විපින් ක්‍රීම් සහ බිත්තර කහමද මිශ්‍රණය එකතු කර කලවම් කරගන්න.

දැන් මෙයට පැෂන් පියුරි දමන්න. උණු වතුර ටිකක් කෝප්පයකට ගෙන එයට ජෙලටින් ටික දමා හොඳින් දියකර මෙම මිශ්‍රණයට දමා හොඳින් කලවම් කර වීදුරු වලට දමා පැෂන් ඇට වලින් සරසා ශීතකරණයේ තබා සිසිල් වූ පසු බීමට ගන්න.

වෙරළු කිරි

අවශ්‍ය වන්නෙ

ඉඳුණු වෙරළු - 500g

කිරි (දියකරගත් පිටි කිරි) – 500ml

පදමට සීනි

පිළියෙල කරන ආකාරය

මුලින් ම ඉදුණු වෙරළු සූරා භාජනයකට දමන්න.‍ දැන් මෙයට කිරි මිලිලීටර් 100 පමණ දමා අතින් හොඳින් පොඩිකර ගන්න.

ඉන් පසුව එම මිශ්‍රණය ‍ෙපරා ඉතිරි කිරි සහ පදමට සීනි දමා හොඳින් බ්ලෙන්ඩර් කර වීදුරුවලට දමා පිළිගන්වන්න.

 සමන්ති වනිගසේකර

කමුද උළුදු වඩේ