අර හාල්මැස්සන් ඉස්ම හිඳෙන්න හදලා කාලා තියෙනවා.. කියලා තියෙන පරිදි කෙහෙල් කොලේ ඔතල ගත්තම තියෙන්නේ පුදුම රසක්..

Chamarage recipe nam niyamai.....onna mamath oyage කුකුළු මස් ඇඹුල්තියල් recipe eka save kara gatta......tnx chamara

අගනා කෑම වට්ටෝරු කිහිපයක්ම තියෙන්නේ, වේලාවක හදන් කන්නට ඕන. තනිමංකඩ ඉන්න මට නම් ගොඩක් වැදගත් ඕවා, ස්තුති චාමර ඔබට

අච්චාරු ටික නම් මරු.. මේවා මතක් වෙනකොට නම් ඉන්න බැහැ..

ඇයි ඒ විතරක්ද සැන්ඩ්විච් තොගයකුත් තියෙන්නේ.
එක එක විදියට හදපුවා.

හෙළ සූපවේදයේ රස රහස් රැගත් අවුරුදු කැවිලි 

ලිව්වේ  ප්‍රසන්නි ගී තරංගමා

 

ඒ අවුරුදු කෑම මේසය සඳහා බැඳුණු හෙළ සූපවේදයේ රස රහස රැගත් අවුරුදු කැවිලි අතිරේකය මෙලෙස ඔබේ දෝතට තිළිණ කරමිනි. ඔබේම දෑතින් සෑදුණු රසකැවිල්ලෙන් මෙවර අවුරුදු මේසය පිරේවා! තරුණී පැතුමයි.

අලුත් අවුරුදු කැවිලි මේසය වෙනුවෙන් පාරම්පරික සූපවේදී දැනුම ඔබට තිළිණ කරන ඈ සුජාතා ජයරත්න මහත්මියයි. කැවිලි සාදා ගැනීමේදී වැඩිදුරටත් දැනුවත්වීම් අවැසි නම් ඇගේ දුරකථනය 0773760101.

 

 

 

අග්ගලා

 උණු උණු පැණි අග්ගලයක් එක්ක කහට කෝප්පයක්...! අලුත් අවුරුද්දේ ගෙදරට එන අමුත්තන් මේ අපූරු සංග්‍රහයට ‘එපා’ නොකියාවි.

 ඉක්මනින්ම සකසා ගත හැකි රසකැවිල්ලක් නිසා නෑදෑ හිතවතුන්ට උණු උණුවේම අග්ගලා හදා පිළිගන්වන්න ඔබට පුළුවනි.

 අවශ්‍ය දෑ:

තම්බපු හාල් කිලෝ 1/2 ක්

සීනි ග්‍රෑම් 100 ක්

පැණි බෝතල් 1/4 ක්

ගම්මිරිස් කුඩු තේ හැඳි 1/2 ක්

ලුණු ස්වල්පයක්

කරදමුංගු කුඩු ස්වල්පයක්

 

සාදන ආකාරය:

තම්බපු හාල් රන්වන්පාටට පුපුරන තුරු කබලේ බැද පිටි අඹරා හලාගන්න. පැණි හා සීනි ළිප තබා උණුකරන්න. පත් පැණි වීමට පෙර එයට ගම්මිරිස් කුඩු - ලුණු හා කරදමුංගු කුඩු ස්වල්පය එකතු කර ළිපෙන් බාගන්න. එයට ගුළි සකසා ගත හැකි තරමට පිටි ටික ටික එකතුකර මිශ්‍ර කරන්න. දැන් මේ මිශ්‍රණයෙන් දෙහි ගෙඩි තරමට අග්ගලා ගුළිකර ගන්න. දැන් පැණි අග්ගලා බැදගත් හාල්වලින් කොටාගත් පිටි ටිකක දවටන්න.

මේ අවුරුදු කාලයේ අවශ්‍ය විටදී අග්ගලා හදන්න කල් තබාම අග්ගලා පිටි ටිකක් සකසා සුළං නොවදින පරිදි අසුරා තබාගන්න.

---

   අවුරුදු කිරිබත

රසබර කැවිලි පිරවරා හිඳින කිරිබත අලුත් අවුරුදු මේසයේ අග රැජන වැනියි.

අවුරුදු කිරිබත කටට රසට හදාගන්න රස රහසයි මේ.

අවශ්‍ය දෑ:

සුදු කුකුළු හාල් සේරු 1 යි

වියළි පොල් ගෙඩියක කිරි

ලුණු කැට මිටක්

සීනි මේස හැන්දක්

රම්පා කොළයක්

වතුර කෝප්ප 3 ක් පමණ

සාදාගන්නා ආකාරය:

හාල් සෝදා ගරා ගල් වැලි ඉවත්කර ඉඩ ඇති මුට්ටියකට දමන්න. ලුණු, රම්පා කොළයක් හා අතැඟිලි මැදට වතුර එකතු කරන්න. ඊළඟට එය ළිප තබා ගින්දර පාලනය කරමින් ඉදවා ගත යුතුයි. බතේ ඇට හොඳින් ඉදී ඇතිදැයි හැඳි මිටකින් කූරු ගා බලන්න. බත් ඇට හොඳින් ඉදී ඇති නම් පොල්කිරි හා සීනි මේස හැන්දක් එකතුකර පත්තකින් මිශ්‍ර කරන්න. අඩු ගින්දරේ කිරිබත ඉදවන්න. කැට කපා ගැනීමට කිරි බතේ දියාරු ස්වභාවය අඩු විය යුතුයි.

දැන් සකසා ගත් කිරිබත කෙසෙල් කොළ ඇතිරූ වට්ටියක් හෝ බන්දේසියක් මතට දමා පොල් කිරි ඉසිමින් කෙසෙල් කොළයකින් තුනී කරගන්න. මෙහිදී රෝලිං පින් එකක් භාවිත කරන්නේ නම් හොඳ නිමාවක් ලැබේවි. තුනී කරගත් කිරිබත මඳක් නිවුණු පසු කැමැති හැඩයකට එක සමාන ප්‍රමාණයෙන් කපාගන්න.

---

 මුං කැවුම්

කර කර ගා රසට හැපෙන මුං කැවුමක් අලුත් අවුරුදු මේසයේ අනිවාර්යය සංකේතයක් වගෙයි.

 රසයෙන් වගේම පෝෂණයෙන් අනූන මුං කැවුම් නිසි ප්‍රමිතියට හදා ගත්තෝතින් කල් තබා ගන්නත් පුළුවනි.

පිරවුමට අවශ්‍ය දෑ:

හාල් ග්‍රෑම් 500 ක පිටි

මුං ඇට ග්‍රෑම් 500 ක්

සීනි ග්‍රෑම් 450 ක්

වතුර කෝප්ප 1/2 ක්

ලුණු ස්වල්පයක්

කරදමුංගු කුඩු ටිකක්

බැදීමට තෙල්

බැටර් එකට අවශ්‍ය දෑ:

හාල් පිටි ග්‍රෑම් 100 ක්

පාන් පිටි ග්‍රෑම් 100 ක්

ලුණු ස්වල්පයක්

කහ කුඩු ස්වල්පයක්

පොල් බෑයක කිරි

සාදාගන්නා ආකාරය:

පළමුව මුං ඇට සෝදා වේළා කබලේ බැද කොටා පිටි හලා ගන්න. හාල් පිටි ටිකත් රන්වන් පැහැය වනතුරු කබලේ බැදගන්න. දැන් සීනි ටිකක් ද ළිප තබා කර කර එයට වතුර කෝප්ප භාගයක් දමා දියකර ගන්න. දැන් එයට ඉතිරි සීනි එකතු කරන්න. මේ පැණි ටික පත් පැණි ප්‍රමාණයට උණුකර ගත යුතුයි. ඉන්පසු එයට හාල් පිටි, මුං ඇට පිටි සහ මුං කප්පි ස්වල්පයක්, ලුණු ස්වල්පයක් සහ කරදමුංගු කුඩු ටිකක් එක්කර කලවම් කරන්න. මෙය හැඳිගාමින් හොඳින් තම්බා ගත යුතුයි. පිටි ටික එකතු වී අතේ නොඇලෙන පදමට ආ විට තම්බාගත් පිටි මිශ්‍රණය වෙනත් බඳුනකට ඉවත් කරන්න. මෙහිදී පිටි මිශ්‍රණය තද ගතියකට පත් වී ඇත්නම් පිටි මිශ්‍රණය සාදාගත් බඳුනට වතුර ටිකක් දමා එහි ඉතිරිය දියකර ළිප තබා උණු කරගන්න. එලෙස සකසා ගත් කැඳ පිටි මිශ්‍රණයට එක්කර හොඳින් අත් ගසන්න.

දැන් ලෑලල්ක් මත බැදපු පිටි ස්වල්පයක් තුනීකර ඒ මත පිටි මිශ්‍රණය අතුරා රෝලිං පින් එකකින් තුනී කරගන්න. ඉන්පසු පිටි මිශ්‍රණය කැබලිවලට කපන්න.

ඊළඟට ඔබ කළ යුත්තේ බැටරය සකසා ගැනීමයි. ඒ සඳහා හාල් පිටි, පාන් පිටි, ලුණු සහ කහ කුඩු පොල් කිරෙන් ඝනකම් දියරයක් ලෙස අනාගන්න. දැන් සාදාගත් මුං කැවුමේ මැද කොටස බැටරයේ ගිල්වා ගැඹුරු තෙලේ රන්වන් පාටට බැදගන්න.

 

අපි ගිය පාරත් අවුරුදු කෑම තොගයක හදන විදිය දැම්මා නේද .....ඔන්න මේ පාර චාමර මල්ලි ගානෙ.

බාල, තරුණ වැඩිහිටි සියලු දෙනා ප්‍රියකරන ප්‍රණීත රසයෙන් යුතු කිරිබතකි.

අවශ්‍ය ද්‍රව්‍ය :

කැකුළු සහල් කිලෝ ග්‍රෑම් 1 තල ඇට ග්‍රෑම් 250
සීනි ග්‍රෑම් 150 කරදමුංගු ඇට කීපයක්
කරාබු නැටි දෙක තුනක් මුංඇට ග්‍රෑම් 250
රුලං ග්‍රෑම් 250 වියළි මිදි ග්‍රෑම් 250
රටඉඳි ග්‍රෑම් 200 ‍පොල්ගෙඩි දෙකක්
කිතුල් හකුරු ග්‍රෑම් 250 කජුමද ග්‍රෑම් 250
‍පොල්පැණි අඬු කෝප්ප 1/2 ලුණු රසට අනුව

සාදන ආකාරය :
මුංඇට ගරා සෝදා පෙගෙන්නට හරින්න. දැන් සහල්වලට මිශ්‍රකර තැම්බිමට ප්‍රමාණවත් ලෙස වතුර තබා තැම්බෙන්නට හරින්න. මුංඇට තැම්බිගෙන එන විට පිරිසිදු කර සෝදා ගත් තල ඇට රුලං එකතු කරන්න. දැන් කරදමුංගු කරාබු නැටි තලා දමන්න. හකුරු සිහින්ව ලියා ගෙන උකුවට මිරිකාගත් ‍පොල්කිරිවලට මිශ්‍ර කරන්න. දැන් එයටම ලුණු, සීනි දමා කලවම් කරගන්න. බත හොඳින් මෘදු වී ගෙන එන විට ‍පොල්කිරි, පැණි සිහින්ව කපාගත් කජු, රටඉඳි වියළි මිදි දමා කලවම් කරන්න. මදගින්දරේ මිශ්‍ර කරමින් අත ගා ගන්න. කෙසෙල් කොළයක් මත වඩා කැමති හැඩයට කෑලි කපා ගන්න.

තායි චිලි ෆ්‍රයිඩ් රයිස්

අවශ්‍ය ද්‍රව්‍ය
බාස්මතී සහලින් පිසගත්
බත් ග්‍රෑම් 200
සිහින්ව කපාගත් ගෝවා ග්‍රෑම් 25
සිහින්ව කපාගත් නිවිති ග්‍රෑම් 25
සේර ග්‍රෑම් 5
අමුමිරිස් කරල් 3 යි
මාළු සෝස් තේ හැඳි 3
බිත්තර 1 යි
එළවළු තෙල් තේ හැඳි 3
කුඩාවට කොටු කපාගත්
කුකුල් මස් ග්‍රෑම් 50
කුඩාවට කපාගත් ඉස්සන් ග්‍රෑම් 50
ලූනු කොළ ග්‍රෑම් 50
චිලි ඔයිල් තේ හැඳි 2
ලුණු රසට අනුව, තෙල් අවශ්‍ය තරමට

සාදන ආකාරය
කුකුල් මස් කැබැලි සහ ඉස්සන් රත්වූ ගැඹුරු තෙ‍ලේ රන්වන් පාටට බැද ගන්න. සේර සිහින්ව කපා ගන්න. දැන් බඳුනකට තෙල් ටිකක් දමා ළිප තබන්න. එය රත්වූ පසු ගෝවා, නිවිති එකතු කර විනාඩියක් පමණ පිසගන්න. දැන් බිත්තරය කඩා දමා කූරු ගාන්න. දැන් සේර සිහින්ව කපාගත් අමුමිරිස් ද එකතු කරන්න. පිසගත් බත් වලට මාළු සෝස්, ලුණු එකතු කර විනාඩි කීපයක් කලවම් කරමින් පිසගන්න. දැන් චිලී ඔයිල් බැදගත් මස්, ඉස්සන්, කපාගත් ලූනු කොළ එකතු කර හොඳින් මිශ්‍ර කර උණුවෙන්ම පිළිගන්වන.

ස්පයිසි පීනට් චිකන්

අවශ්‍ය ද්‍රව්‍ය

කුඩා කොටු කපාගත්
කුකුල්මස් ග්‍රෑම් 200
කොටු කපාගත් ගර්කින් ග්‍රෑම් 15
කොටු කපාගත් ලොකුලූනු ග්‍රෑම් 15
කොටු කපාගත් බෙල්පෙපර් ග්‍රෑම් 15
කොටු කපාගත් තක්කාලි ග්‍රෑම් 15
රටකජු ග්‍රෑම් 15
පීනට් බටර් ග්‍රෑම් 75
තක්කාලි සෝස් තේ හැඳි 3
චොප් කරගත් ඉඟුරු තේ හැඳි 1
චොප් කරගත් සුදුලූනු
තේ හැඳි 1
ස්ටොක් වතුර අඬු
කෝප්ප 1
චිලි පේස්ට් තේ හැඳි 1
සීනි තේ හැඳි 1
එළවළු තෙල් අවශ්‍ය තරමට
ලුණු රසට අනුව

සාදන ආකාරය

කුකුල් මස් සෝදා කෑලි කපා රත්වූ ගැඹුරු තෙ‍ලේ රන්වන් පාටට බැදගන්න. දැන් බඳුනක් ළිප තබා එයට තෙල් මේස හැඳි 2ක් පමණ දමා රත්කරන්න. ඉඟුරු, සුදුලූනු එකතු කර බැදෙන්නට හරින්න. දැන් එයට ස්ටොක් වතුර එකතු කරන්න. ටික වේලාවක් පිස ගන්න. මෙයට තක්කාලි සෝස්, චිලි පේස්ට්, රටකජු, සීනි, රටකජු පේස්ට්, ලුණු එකතු කරන්න. දැන් බැදගත් කුකුල් මස් කැබැලි දමා කලවම් කරගන්න. ගර්කින්, තක්කාලි ලොකුලූනු, බෙල්පෙපර්ද මෙයට දමා හොඳින් කලවම් කර උණුවෙන්ම කෑමට ගන්න.

 

අවශ්‍ය ද්‍රව්‍ය

හොඳින් ඉදුනු නමුත් බෙරි නොවූ ඇඹුල් කෙසෙල් ගෙඩි 10ක් පමණ
දෙහි ගෙඩියක යුෂ
අයිසින් සීනි රසට අනුව
කුරුඳු කුඩු ස්වල්පයක්
කරදමුංගු කුඩු ටිකක්
වතුර අඬු කෝප්ප 1/2 පමණ

සාදන ආකාරය

කෙසෙල් ගෙඩි ලෙලි ගලවා බඳුනකට දමන්න. එයට දෙහි යුෂ දමා දෙහි යුෂ කෙසෙල්වලට හොඳින් කාවැදෙන ආකාරයට ගෑරුප්පුවකින් සිදුරු කරන්න. දැන් අයිසින් සීනි බඳුනකට දමා මේ කෙසෙල් ගෙඩි පෙරලමින් හොඳින් සීනි තවරා ගන්න. ඒ මතට හොඳින් කුළුබඩු කුඩු ද ඉසින්න. ඉන්පසු ළිප තැබිය හැකි බඳුනකට අඩුක් කර වතුර ඉතා ස්වල්පයක් දමා මදගින්දරේ පිසගන්න. උණුසුම තිබියදීම කෑමට ගන්න. නැතිනම් හොඳින්ම ශීතකර ආහාරයට ගන්න.

 

අවශ්‍ය ද්‍රව්‍ය

නෙළුම් අල ග්‍රෑම් 500
රතුලූනු ග්‍රෑම් 200
වෙන් නොවන සේ දෙකට
පලාගත් අමුමිරිස් කරල් 7යි
අබ තේ හැඳි 2 යි
පදමට ලුණු
පදමට ගම්මිරිස්
සීනි තේ හැඳි 1/2

සාදන ආකාරය
නෙලුම් අල පෙති කපා හොඳින් මඩ ඉවත්වන ලෙස සෝදා කහ කුඩු සහ ලුණු ටිකක් දමා බාගෙට තම්බා ගන්න. අබ ටික විනාකිරෙන්  අඹරාගන්න. දැන් මැටි වළඳක් ළිප තබා එයට විනාකිරි එකතු කර රත්කරන්න. දැන් ලූනු සහ අමුමිරිස් දමා යන්තමට තම්බා ගන්න. දැන් එයටම අඹරාගත් අබ, ලුණු, ගම්මිරිස්, සීනි සහ තම්බාගත් නෙළුම් අලද දමා හොඳින් මිශ්‍රකර දවසකට පමණ පසු කෑමට ගන්න.

 

කටට රසට බාබකිව් සෝස් සාදා ගන්නා අයුරු

අවශ්‍ය ද්‍රව්‍ය

අන්නාසි ග්‍රෑම් 250
ලූනු ග්‍රෑම් 25
ඉඟුරු ග්‍රෑම් 15
කජු මද ග්‍රෑම් 50
සුදුලූනු ග්‍රෑම් 10
අඹ චට්නි ග්‍රෑම් 50
හකුරු ග්‍රෑම් 50
තක්කාලි සෝස් මිලි ලීටර් 200
කෑලි මිරිස් ග්‍රෑම් 20
කෝන් ඔයිල් මිලි ලීටර් 50
ලුණු රසට අනුව

සාදන ආකාරය
අන්නාසි, ලූනු, ඉඟුරු, සුදුලූනු ඉතා කුඩාවට කපා ගන්න. කජු මද ටිකද කුඩාවට කපන්න. අඹ චට්නි ටික අඹරා ගන්න. දැන් තෙල් ටික ළිප තබා රත්වන විට එයට ලූනු, ඉඟුරු, සුදුලූනු දමා තෙම්පරාදු කරගන්න. දැන් එයට අන්නාසි කැබැලි සිහින්ව ගා ගත් හකුරු, ලුණු ඇතුළු සියල්ල දමා පදම එනතුරු පිසගන්න.

 

කැරමල් කස්ටඩ්

අවශ්‍ය ද්‍රව්‍ය
කිරි මි.ලී. 250
සීනි මේස හැඳි 8
බිත්තර 2 යි
සීනි මේස හැඳි 3 යි

සාදන ආකාරය
මුලින්ම සීනි මේස හැඳි 8 සමග බිත්තර හොඳින් ක්‍රීම් කරගන්න. දැන් එයට කිරි එකතු කර හොඳින් කලවම් කර ගන්න. සීනි මේස හැඳි දෙක බඳුනකට දමා උණුකර ගන්න. එය දුඹුරු පාට වන තෙක් කැරමල් කරගෙන සුදුසු බඳුනක් ගෙන එහි පතුල පුරා කැරමල් ටික දමා තවරා ගන්න. දැන් කිරි මිශ්‍රණය දමා කස්ටඩ් සවිවන තුරු වාෂ්පයෙන් තම්බා ගන්න.

චොක්ලට් බනානා බ්‍රෙඩ්

අවශ්‍ය ද්‍රව්‍ය

පාන්පිටි ග්‍රෑම් 250
කොකෝවා පවුඩර් ග්‍රෑම් 30
සීනි ග්‍රෑම් 200
බේකිං පවුඩර් තේ හැඳි 1
බේකිං සෝඩා තේ හැඳි 1/4
චොක්ලට් ග්‍රෑම් 85
බිත්තර 2 යි
මාගරින් ග්‍රෑම් 113
ඉදුනු ආනමාලු හෝ ඇම්බුම් ගෙඩි 3යි
වැනිලා බිංදු කීපයක්
ලුණු ස්වල්පයක්

සාදන ආකාරය
පිටි, බේකිං පවුඩර්, බේකිං සෝඩා, ලුණු, කොකෝවා පවුඩර් හොඳින් මිශ්‍රකර හලා ගන්න. එය පසෙකින් තබන්න. කෙසෙල් ගෙඩි ටික ලෙලි හැර බඳුනකට දමා හොඳින් ‍පොඩි කරගන්න. දැන් එයට මාගරින් ඩබල් බොයිල් ක්‍රමයට උණුකර දමන්න. බිත්තරද දමන්න. වැනිලා සහ සීනි දමා හොඳින් බිට් කරන්න. දැන් මේ මිශ්‍රණයට පිටි මිශ්‍රණය දමා හොඳින් කලවම් කර ගන්න. බටර් ගා ගත් 9 * 5 පාන් තැටියක දමා 180ංජ උෂ්ණත්වයේ මිනිත්තු 35ක් පමණ බේක් කර ගන්න.

අවුරුදු කෑම හදන කාලේ ඇවිත් නේද.. අපිට කොයින්ද කැවුම් කොකිස් .. අපේ ගෙදර තියෙන්නේ විදුලි ලිපක්. තාච්චි ගෙනාවට තියන්න බැහැ..

අපොයි....ගන්නත් නැද්ද සමන්ත අයියේ....?