ගව මස්‌ උපයෝගී කර ගනිමින් මැලේ ජාතිකයන් විසින් පිළියෙල කරගනු ලබන ඔවුන් අතර ඉතා ජනප්‍රිය බොජුන් වර්ග 4 ක්‌ පිළිබඳව පසුගිය දෙසතියේදී මෙවන් ලිපි දෙකක්‌ මගින් දැනටමත් ඔබ දැනුවත් වී ඇත. එසේ ඔබ හඳුනාගත් හරක්‌ මස්‌ මිශ්‍ර ආහාර වර්ග වලට අමතරව හරක්‌ මස්‌ මූලික කර ගත් තවත් ආහාර වර්ග කීපයක්‌ම තිබීමෙන් විවිධාකාරයේ භෝජන වර්ග මගින් හරක්‌ මස්‌වල රස බැලීමට මැලේවරු තුළ පවතින අභිරුචිය පිළිබඳව ප්‍රාමාණික අවබෝධයක්‌ ඔබට ලබාදෙනවා ඇත. එවන් හරක්‌ මස්‌ වෑංජන කීපයක්‌ පිළිබඳව දැන් අපි විමසා බලමු.
 
 කුඩාවට සිහින් ලෙස ලියන ලද හරක්‌ මස්‌ පලහා ගනිමින් (Grilled) මැලේ ගෘහණියන් විසින් පිළියෙල කරගනු ලබන රසවත් ආහාර වර්ගය පිළිබඳව මීට දෙසතියකට පෙර විමසා බැලුවෙමු. මෙවර ලිපියෙන් මුලින්ම විමසා බැලෙන්නේ ළිපේ තබා තම්බා පිස ගන්නා සිහින් ලෙස ලියා කුළුබඩු රැසක්‌ මගින් රසගැන්වූ හරක්‌මස්‌ වෑංජනයක්‌ පිළිබඳවය. එකී වෑංජනය හැඳින්වෙන්නේ සිහින් ලෙස ලියන ලද හරක්‌ මස්‌ වෑංජනය (Mince Meat Curry) නමිනි. ඒ සඳහා යොදා ගනු ලබන ද්‍රව්‍ය මෙසේ ය.
 
 1) සිහින් ලෙස ලියන ලද හරක්‌ මස්‌ කිලෝ 1/2 ක්‌.
 
 2) සුදු ලූනු සහ ඉඟුරු තලප තේ හැඳි 01 ක්‌
 
 3) මිරිස්‌ කුඩු මේස හැඳි 01 ක්‌
 
 4) තුනපහ කුඩු මේස හැඳි 01 ක්‌
 
 5) පොඩිකර ගත් දුරු වර්ග තේ හැඳි 1/2 ක්‌
 
 6) පෙති කැපූ ලොකු ලූනුq ගෙඩි 1/2 ක්‌
 
 7) පෙති ගැසූ අමු මිරිස්‌ කරල් 1/2 ක්‌
 
 8) සිහින්ව ලියන ලද කොත්තමල්ලි කොළ මේස හැඳි 2 ක්‌
 
 9) තක්‌කාලි ඉස්‌ම කෝප්ප 1/4 ක්‌
 
 10) යෝගට්‌ කෝප්ප 1/4 ක්‌
 
 11) රසගැන්වීම පිණිස ලුණු ස්‌වල්පයක්‌
 
 12) තෙල් ස්‌වල්පයක්‌
 
 සාදා ගන්නා ක්‍රමය
 
 සිහින් ලෙස ලියා ගන්නා ලද මස්‌ වලට තක්‌කාලි ඉස්‌ම, තෙල් සහ යෝගට්‌ හැර මේ සඳහා යොදාගනු ලබන සෙසු සියලුම ද්‍රව්‍ය එක්‌කොට හොඳින් මුසු කර පදම් වෙන්නට හරින්න. ඉන්පසු එකී මිශ්‍රණයෙන් ගෝලාකාර හැඩයේ බෝල සකසා ගන්න. තක්‌කාලි යුෂ සහ තෙල් ළිපේ තබා හොදි වැනි දියාරු ද්‍රHවයක සැකසෙන තෙක්‌ උණුකර ගන්න. පසුව මස්‌ බෝල හා ඉහත ද්‍රව්‍ය එකට මිශ්‍ර කරගන්න. පසුව එකී මස්‌ බෝල හොඳින් තැම්බෙන තෙක්‌ ළිපේ තබා පිස ගන්න. අනතුරුව යෝගට්‌ ප්‍රමාණය ඊට එක්‌කොට විනාඩි 5ක්‌ පමණ හොඳින් පිසෙන තෙක්‌ උණු වෙන්න හරින්න.
 
 මෙම වෑංජනය උණු උණුවේම රස විඳීමට මැලේවරු කැමැත්තක්‌ දක්‌වති. මැලේවරු පිළියෙල කර ගන්නා හරක්‌ මස්‌ මූලික කරගත් තවත් රසවත් ආහාර වර්ගයක්‌ වන්නේ "මැලේ චූනා" වෑංජනයයි. (Meley Chooka Currey) මැලේ භාෂාවෙන් "චූනා" යන නමින් හඳුන්වන්නේ විනාකිරිය. විනාකිරි වලින් රස ගැන්වුණ හරක්‌ මස්‌ වෑංජනය යන්න මෙහි අර්ථයයි. එකී මැලේ චූනා වෑංජනය සකසා ගැනීම පිණිස පාවිච්චි කරනු ලබන ද්‍රව්‍ය මෙසේය.
 
 1) ඝන හරක්‌ මස්‌ පෙති කිලෝ 2ක්‌
 
 2) පෙති ගැසූ ලොකු ලූනු ගෙඩි 2 ක්‌
 
 3) සුදුලූනු මේස හැඳි 3ක්‌
 
 4) ඉඟුරු තලප මේස හැඳි 3ක්‌
 
 5) අඟල් 01 ප්‍රමාණයේ රම්පෙ කොළ කැබලි 4ක්‌
 
 6) අඟල් 01 ප්‍රමාණයේ සේර කොළ කැබලි 4ක්‌
 
 7) කරඳ මුංගු 8 ක්‌
 
 8) කුරුඳු පොතු 01 ක්‌
 
 9) ගම්මිරිස්‌ කරල් 20 ක්‌
 
 10) විනාකිරි කෝප්ප 1/4 ක්‌
 
 11) ගිතෙල් කෝප්ප 1/4 ක්‌
 
 12) රස ගැන්වීම පිණිස ලුණු ස්‌වල්පයක්‌
 
 සාදා ගන්නා ක්‍රමය
 
 සාස්‌පානකට ගිතෙල් දමා රත්කොට සුදුලූනු, ඉඟුරු, රම්පේ, සේර, ලොකු ලූනු, ගම්මිරිස්‌, කරඳමුංගු හා කුරුඳු පොතු ඊට එක්‌කොට දුඹුරු පැහැ ගැන්වෙන තෙක්‌ හැඳි ගාන්න. පසුව ඊට ඝනාකාර හැඩයට කැපූ මස්‌ කැබලි එක්‌කොට මිශ්‍රණයේ යුෂ මස්‌ පෙතිවල සෑම පැත්තකම හොඳින් තැවරී දුඹුරු පැහැ ගැන්වෙන තෙක්‌ ළිපේ තබා බැද ගන්න.
 
 අනතුරුව ඊට විනාකිරි සහ ලුණු එක්‌කර රස ගන්වන්න. පසුව එය මඳ ගින්නේ තබා මොළොක්‌ ලෙස පදම්වන තෙක්‌ පිස ගන්න. මෙකී පිස ගැනීම සඳහා විනාඩි 45 කට ආසන්න කාලයක්‌ ගතවනවා ඇත. මෙසේ සැකසෙන ආහාරය සාමාන්‍යයෙන් හැඳින්වෙන්නේ "මස්‌ ස්‌ටු" (Meat Stew) නමිනි.
 
 පාවිච්චි කරන ද්‍රව්‍යයන්ගේ සහ සකස්‌ කරගන්නා ආකාරයේ මඳ වෙනස්‌කම් සහිතව තවත් මස්‌ ස්‌ටු වර්ගයක්‌ සාදා ගැනීමට මැලේ ගෘහණියෝ හුරුවී සිටිති. එය හැඳින්වෙන්නේ (Daging Cuke) නමිනි. (Cuka) සහ (Chooka) යන වදන් දෙකට මැලේවරු උච්චාරණය කරන්නේ චූකා යනුවෙනි. ඒ වචන දෙකෙන්ම අරුත් ගැන්වෙන්නේ විනාකිරිය. හරක්‌ මස්‌ භාවිත කරමින් විනාකිරි සුවිශේෂී කොට ඒ සඳහා යොදා ගනිමින් සකස්‌ කරගන්න මෙකී ආහාරය සඳහා යොදා ගන්නා ද්‍රව්‍ය මෙසේය.
 
 1) ඝන හැඩයට හෝ පෙති ලෙස කපා ගත් හරක්‌ මස්‌ කිලෝ 1/2ක්‌
 
 2) හොඳින් පෙති ගැසූ ලොකු ලූනු ගෙඩි 3 ක්‌
 
 3) හොඳින් පෙති ගැසූ සුදු ලූනුq බික්‌ 3 ක්‌
 
 4) හොඳින් පෙති ගැසූ අඟල් 2 ඉඟුරු කැබැල්ලක්‌
 
 5) හොඳින් කුඩුකරගත් කළු ගම්මිරිස්‌ තේ හැඳි 01ක්‌
 
 6) සුදුසු විනාකිරි ප්‍රමාණයක්‌
 
 7) රස ගැන්වීම පිණිස ලුණුq ස්‌වල්පයක්‌
 
 8) අමු සහ ඉදුණු මිරිස්‌ කරල් 2-3 ක ප්‍රමාණයක්‌
 
 9) වතුර කෝප්ප 3 ක්‌
 
 සාදා ගන්නා ක්‍රමය
 
 හරක්‌ මස්‌, ජලය, විනාකිරි, ලූනු, සුදු ලූනු, ඉඟුරු, ගම්මිරිස්‌ සුදුසු බඳුනකට දමා මස්‌ මොළොක්‌ වන තෙක්‌ තම්බා ගන්න. ඉන්පසු මිරිස්‌ සහ ලුණු ඊට මුසු කොට පදමට සැකසෙන තෙක්‌ ගින්නේ නටන්නට හරින්න. උණු උණුවේම මෙකී මස්‌ ස්‌ටු ආහාරයට ගැනීමට මැලේවරු රුචියක්‌ දක්‌වති. බිස්‌ටේක්‌ (Bestake) යන වැරදි ව්‍යවහාරයෙන් හඳුන්වන්නේ මෙකී වෑංජනයයි. එහි නිවැරදි උච්චාරණය බීෆ්ස්‌වේක්‌ (Beefsteak) ය. එහි අර්ථය වන්නේ "පලහා ගත් ගව මස්‌" යන්න වේ.
 
 මැලේ ගෘහණියෝ ගව මස්‌ ඇසුරෙන් සකස්‌ කර ගන්නා තවත් සුවිශේෂී වෑංජනයක්‌ වේ. ඒ ගව පෙණහලු යොදා ගනිමින් පිළියෙල කර ගන්නා"ඩෙං ඩොං ගෝ රෙං" (Dendeng Goreng) ය. (poru poru) නමින් මැලේවරු නම්කරන ගව පෙණහලු වලින් සකස්‌ කර ගන්නා මේ ආහාරය ඔවුන් නම් කළේ "ටෙං ටෙං ගෝරෙං" (Tenteng Goreng) යනුවෙනි. "ඩෙං ඩොං ගෝ රෙං" නමින් බිඳීගොස්‌ ඇත්තේ එකී නාමයයි. මෙය ගව පෙණහලු පෙති ලෙස කපා තුනපහ සමඟ මුසුකොට පදම් කර ගන්න. ගින්නේ පලහා ගැනීමෙන් වියළි ස්‌වභාවයෙන් ගන්නා මාංශ සිහින් තීරුවලට කපා සකස්‌කර ගනු ලබන රසවත් ආහාරයකි.
 
 Ö එඩ්වඩ් චJද්‍රසිරි