කොහිලවල පිට ‍පොත්ත හැර අඟ‍ලේ පමණ කැබැලි වලට කපා නූල් ඇර ගන්න. දැන් ඉතාම සිහින් කෙඳිති ලෙස ලියාගන්න. අමුමිරිස් සහ රතුලූනුද ලියා ගන්න. දැන් බඳුනක් ගෙන එයට ‍පොල්, රතුලූනු, අමුමිරිස්, ලුණු, දෙහි යුෂ දමා මිශ්‍ර කරන්න. කොහිල අල කෙඳි දමා ‍පොඩි නොවන සේ මිශ්‍රකර රස බලන්න.

ගොටුකොළ සෝදා දිය බේරා ගන්න. රතුලූනු සිහින් පෙතිවලට කපාගන්න. අමුමිරිස් දික් අතට කැබලි කපාගන්න. රටකජුද ‍පොතු ගලවා පියලි කරන්න. දැන් මේ සියල්ල වෙන වෙනම රත්වූ ගැඹුරු තෙ‍ලේ රන්වන් පාටට බැද තෙල් බේරෙන්නට හරින්න. අවසානයේ ඒවා බඳුනකට දමා ලුණු, කෑලි මිරිස්, දෙහි යුෂ දමා උඩ දමමින් කළවම් කර ගන්න.

ලොකු ලූනු, තක්කාලි සිහින් පෙතිවලට කපාගන්න. මාලු මිරිස්ද සිහින් දිගැටි තීරු ලෙස කපාගන්න. දැන් මේ සියල්ල දමා එයට ලුණුදෙහි, ගම්මිරිස් සහ මී කිරි දමා ‍පොඩි නොවන සේ මිශ්‍රකර කෑමට ගන්න.