පිටි සමග සුදු ලූනු කරපිංචා ලූ‍නු ගම්මිරිස්කුඩු හොදින් කලවම් කරන්න. බතල බාගෙට තම්බා ⁣අගල් බාගයක් පමණ ඝනකමට රවුම් පෙති කපා ගන්න. දැන් මෙම බතල පෙති කලින් සකස් කල පිටි මිශ‍්‍රනයේ කලවම් කරන්න. එවිට බතල පෙතිවල තෙතමනයට පිටි මිශ‍්‍රනය  ඒවායේ ඇලේ. දැන් මෙම බතල පෙති බටර් තවරාගත් බදුනක දෙපැත්ත දමමින් රොටි පුළු‍ස්සාගන්නා ආකාරයට පුළු‍ස්සා ගන්න. මද ගින්දරේ කරනොවන්න මේවා පුළු‍ස්සාගත යුතුයි.

ඇඹරැල්ලා හීනියට ලියා ගන්න. ගෙඩිය පිටින් තට්ටු කරමින් හොදින් කැපෙන පිහියක ආධාරයෙන් මෙය කරගත් හැකිය. සිහින්ව ලියා ගත් ඇඹ⁣රැල්ලා සමග අනෙක් සියලූ‍ දෑ එක්කොට අනාගන්න.

තම්බාගත් අළුකෙසෙල් තරමක් ලොකුවට කපා ගන්න. හොදින් රත්වු තෙලට කොච්චි කරල් ටික දමා මදක් බැදෙන විට ලියාගත් ලූනු හා අනෙකුත් සියල්ල දමන්න. ලූනු මැලවෙන විට අලූ‍කෙසෙල් එක් කරන්න. කෑලි නොකැඩෙන සේ කලවම් කර ලිපෙන් බා ගන්න.

අල තම්බා හොදින් පොඩි කරගන්න. තෙල් ස්වල්පයක් ලිපතබා රත් වු පසු ඉගුරු සුදුලූණු බී ලූනූ රම්පෙ කරපිංචා දමා තෙම්පරාදු කර ගන්න. එයට තම්බා පොඩිකරගත් අල හා ලූණු ගම්මිරිස් එක්කොට කලවම් කර ලිපෙන් බා ගන්න. පතෝල එක් පැත්තකින් පමණක් පලා ඇට ඉවත් කර ගන්න. වතුර ටිකක් හොදින් උතුරවා සුද්ද කරගත් පතෝල එයට දමා විනාඩි තුනක් පමණ තබා වතුර බේරෙන්නට තබන්න.  කඩල පිටි පොල්කිරි කහ සහ ලූ‍ණු ස්වල්පයක් සමග අනා උකු මිශ‍්‍රනයක් සදා ගන්න. හීනියට කපාගත් කරපිංචා හා කුඩු කරගත් සූදුරු කැබලි ස්වල්පයක්ද මෙම මිශ‍්‍රනයට එක් කිරීමෙන් වඩා රසවත් වේ.  දැන් පලාගත් පතෝල කැබලි තුළට අල මිශ‍්‍රණය පුරවා ඉරටු කැබැලි දෙකක දෙපසට ගසා සවි කරගන්න. මෙය පිටි මිශ‍්‍රණයේ ඔබා හොදින් රත්වූ තෙලේ රන්වන් පාට වනතෙක් බැද ගන්න.

අර්තාපල් මෘදුවනතුරු තම්බා ‍පොතුහැර ‍පොඩිකරගන්න. රතුලූනු, අමුමිරිස්, මුකුණුවැන්න, කරපිංචා ඉතා සිහින්ව කපාගන්න. දැන් බඳුනක් ගෙන එයට හලාගත් පිටි, අර්තාපල්, කපාගත් සියලු දෑ සමග මාගරින්, ලුණු එකතුකර අතේ නොඇලෙන ගානට අනාගන්න. සාමාන්‍ය ආකාරයට ගුලි සාදා වඩා දෙපැත්ත දමා පුළුස්සා ගන්න.

සියඹලා

 

සියඹලා ශාකයේ විද්‍යාත්මක නාමය වන්නේ Tamarindus indica වේ. කුලය ෆැබසියෙ (Fabaceae) වේ. සියඹලා ශාකය නිවර්තන කලාපික සදාහරිත වෘක්‍ෂයක් ලෙස පිළිගැනේ.තව ද දකුණු ආසියාවට හා නිවර්තන අප්‍රිකාවට ආවේණික ශාකයක් වේ. සාමාන්‍යයෙන් මෙම ශාකය උචිත පරිසර සාධක යටතේ අඩි 80 - 100 පමණ උසට වැඩේ. කුඩා පොකුරු වශයෙන්, කහ පාට මල් හට ගනී.

සුළඟට ඉතා හොඳින් ඔරොත්තු දෙන ශාකයකි.ශාකයේ බීජ, අක්‍රමවත් වකයන් පෙන්වන​, අඟල් 3 - 4 ක් දිග​, කරල් තුළ හට ගනී. කරල තුළ පවතින දුඹුරු පහැති මාංසල කොටස ආහාරයට ගත හැකි ය​. ඇඹුල් රසැති එය කුළු බඩුවක් වශයෙන් පෙර දිග රට වල බහුලව භාවිතා කරනු ලැබේ.

සියඹලා ආහාරයට ගැනීමෙන් ආහාර රුචිය වැඩි කරනු ලබයි.ඒ නිසා බඩගින්න වැඩි වේ.ව්‍යංජන රස ගැන්වීම සඳහා සියඹලා උපයෝගී කර ගන්නා ඒ නිසාවෙනි. වාත සමනය කිරීමේ ගුණයෙන්ද යුතු සියඹලා අජීර්ණය සහ හෘද රෝගවලට ද ගුණදායක වේ. දීර්ඝ කාලීනව මල බද්ධයෙන් පීඩා විඳින රෝගීන්ට සියඹලා ඇඹුල් ආහාරයට ගැනීමෙන් තමන්ගේ මල බද්ධ තත්ත්වය සුව කර ගැනීමට පුළුවන. තව ද අර්ශස් රෝගය,මෙන් ම ලේ ධාතුව දූෂණය වීමෙන් හට ගන්නා විවිධ රෝගවලට ද සියඹලා ගුණදායක වේ.

තව ද සමෙහි ඇති වන විවිධ ආසාදන තත්ත්වයන්වලට ද සියඹලා ගුණදායක වන අතරම විෂබීජ නාෂක ගුණයෙන් ද යුක්ත ය. මුඛයේ , උගුරේ, හට ගන්නා වේදනාකාරී තුවාල සුව කිරීම සඳහා ද සියඹලා වඩාත් ප්‍රයෝජනවත් වේ. සියඹලා ඉහළ ඖෂධීය ගුණයකින් යුක්ත වන නිසා පුද්ගල ශරීරයේ ‍තිබෙන කොළෙස්ටරෝල් ඉවත් කර රුධිර නාල හා හෘද වස්තුව පිරිසුදු කිරීම කරනු ලබයි. තවම මෙමඟින් රුධිර නාළ ශක්තිමත් වේ.

පවනි