අඹ සෝදා ‍පොතු හැර කුඩාවට කපන්න. දැන් එයට වතුර එකතු කර හොඳින් බ්ලෙන්ඩර් කර ගන්න. ඉන්පසු මෙයට සීනි ලුණු එකතු කර ළිප තබා පදමට පිස ගන්න.

පාන්පිටි වලට බේකිං පවුඩර් කලවම් කර හොඳින් හලා ගන්න. රටඉඳිවල ඇට ඉවත් කර කුඩාවට කපා බඳුනකට දමන්න. බබේං සෝඩා වලට වතුර ටිකක් දමා දිය කර රටඉඳිවලට දමා පැය 3ක් පමණ පෙඟෙන්නට තබන්න. දැන් බටර් සහ සීනි හොඳින් බිට් කරන්න. හොඳින් බිට් වන විට හලාගත් පිටි ටික ටික දමමින් මිශ්‍ර කරගන්න. දැන් රටඉඳි මිශ්‍රණයද එකතු කර හොඳින් මිශ්‍ර කරන්න. මෙය පැය 1 1/2 පමණ විවේකීව තබා බටර් ගා ගත් තැටියකට දමා මධ්‍යම උෂ්ණත්වයේ විනාඩි 45ක් පමණ බේක් කරගන්න.

ඇපල් සෝදා ‍පොතු හැර කුඩාවට කපන්න. දැන් භාජනයක් ගෙන එයට වතුර එකතු කර බාගෙට හිඳෙන තුරු ළිප තබා පිසගන්න. ඉන්පසු ඉතිරි කළමනා සියල්ල දමා හොඳින් මිශ්‍ර කර විනාඩි කීපයක් පිසිමින් පදම ගන්න. පදමට ආ විට ළිපෙන් බා ගන්න.

නෙළුම් අලවල මඩ වැලි ඉවත් වන සේ හොඳින් සෝදා සිහින්ව පෙති කපාගන්න. ඒවා ගැඹුරු තෙ‍ලේ දමා රන්වන් පාටට බැද ගන්න.  දැන් ලූනු සිහින් රවුම් ලෙස කපා ගන්න. තක්කාලි තීරු කපා ගන්න. මාලුමිරිස් හරස් අතට කපා ගන්න. ඉඟුරු, සුදුලූනු තලා ගන්න.  දැන් බැදගත් තෙල්වලින් ස්වල්පයක් බඳුනකට දමා රත් කරන්න. ඊට තලාගත් ඉඟුරු, සුදුලූනු දමන්න. තෙම්පරාදු වන විට කෑලි මිරිස්, ලුණු එකතු කරන්න. කහ කුඩු දමන්න. තක්කාලි, සීනි එකතු කරන්න. දැන් නෙළුම් අල දමා දිගට කපාගත් ලූනු ගස් කීපයද දමා කලවම් කරගන්න.