අඹ ගෙඩි සෝදා ‍පොතු ඇට ඉවත් කර අඟ‍ලේ පමණ කොටු වලට කපා ගන්න. එය පසෙකින් තබන්න. දැන් මැටි ඇතිලියක් ගෙන එයට රතුලූනු, අමුමිරිස්, කරපිංචා කපා දමන්න. දැන් ඉතිරි පහේ වර්ග සමග කිරිද දමා හොඳින් මිශ්‍රකර ළිප තබන්න. කරිය නටාගෙන එද්දී කපාගත් අඹ කැබැලි එකතු කර මදගින්දරේ හිඳෙන තුරු පිසගන්න.

ඉස්සන් තම්බා ‍පොතු ඉවත් කර ගන්න. අඹ ‍පොතු ඇට ඉවත් කර කුඩා කොටුවලට කපන්න. බෙල්පෙපර් ද ඒ තරමේම කොටුවලට කපාගන්න. දැන් සලාද කොළද ඉතා කුඩාවට කපාගන්න. බඳුනක් ගෙන එයට මයෝනීස්, ලුණු, සෝස් දමා හොඳින් මිශ්‍රකර ලා රෝස පාට මිශ්‍රණයක් සාදා ගන්න. දැන් එයට කපාගත් සලාද කොල, බෙල්පෙපර් තම්බාගත් ඉස්සන්, අඹ කැබැලි දමා ‍පොඩි නොවන සේ හොඳින් මිශ්‍ර කර විදුරු භාජනයකට දමන්න.

අඹවල ‍පොතු ඇට ඉවත් කර කුඩාවට කපා ගන්න. දැන් ෆේ‍රෂ් ක්‍රීම් එකතු කර හොඳින් බ්ලෙන්ඩර් කර පල්පයක් ලෙස සාදා ගන්න. පලතුරු දීසි ගෙන එහි පතුලට මේ අඹ මිශ්‍රණය දමන්න. උඩින් අයිස්ක්‍රීම් දමා පිළිගන්වන්න.

අඹ ගෙඩි හොඳින් සෝදා ඇටය සහ ‍පොත්ත සමගම කෑලි 4කට හෝ 8කට කපා ගන්න. දැන් රතුලූනු, අමුමිරිස් කුඩාවට කපා ගන්න. අඹ කැබැලි වලට ලුණු, මිරිස්, තුනපහ, කහ කුඩු දමා හොඳින් අතගා පසෙකින් තබන්න. මැටි ඇතිලියක් ළිප තබා රත්වන විට රම්පේ, කරපිංචා කපාගත් ලූනු, අමුමිරිස්, උම්බලකඩ දමා තෙම්පරාදු කරගන්න. දැන් අඹ කැබැලිද දමා තෙම්පරාදු කරන්න. එම භාජනය සෝදාගත් වතුරද, තැම්බිම සඳහා අවශ්‍ය තරමට වතුරද එකතු කරන්න. දැන් සිහින්ව ලියාගත් හකුරුද දමා අඹ කැබැලි මෙලෙක් වනතුරු පිසගන්න.

මස් සෝදා ඉතා සිහින් කූරු වැනි තීරු කපා ගන්න. එයට ලුණු, ගම්මිරිස්, රෝස්මරී ඔරිගානෝ කලවම් කර පසෙකින් තබන්න. දැන් අඹ ගෙඩිය ‍පොතු සහ ඇට ඉවත්කර සිහින් දිගු තීරු ලෙස කපා ගන්න. බෙල් පෙපර්ද සිහින් තීරු ලෙස කපන්න. දැන් බටර් ටික ළිප තබා රත්වන විට මස් කැබැලි දමා හොඳින් තැම්බෙන්නට හරින්න. මස් කැබැලි තැම්බි ගෙන එනවිට බෙල් පෙපර් තීරු සහ අඹ කැබැලිද දමා හොඳින් මිශ්‍ර කර පිස ගන්න.