අවශ්‍ය ද්‍රව්‍ය
බැටරය සඳහා
කඩල පිටි හුණ්ඩු 2 යි
පාන්පිටි හුණ්ඩු 2යි
මිරිස් කුඩු තේ හැඳි 1 1/2
ලුණු රසට අනුව
කහ කුඩු තේ හැඳි 1/2
මිශ්‍ර කිරීම සඳහා ‍පොල්කිරි
අවශ්‍ය තරමට

මැද පිරවුම සඳහා
තම්බාගත් අල ග්‍රෑම් 500
ලොකුලූනු ග්‍රෑම් 200
ලීක්ස් ග්‍රෑම් 100
මිරිස් කුඩු මේස හැඳි 3
අමුමිරිස් කරල් 5යි
අබ ඇට තේ හැඳි 1/2
කරපිංචා කිනිත්තක්
රසට අනුව ලූනු
දෙහි යුෂ ස්වල්පයක්

සාදන ආකාරය
කඩල පිටි සහ පාන්පිටි හොඳින් මිශ්‍ර කර හලා ගන්න. දැන් එය බඳුනකට දමා එයට කහ කුඩු, ලුණු, මිරිස් කුඩු සහ ‍පොල්කිරි දමා ඉතාම උකු බැටරයක් සාදා ගන්න.
තම්බාගත් අල කුඩා කොටු ලෙස කපා ගන්න. ලොකුලූනු, ලීක්ස්, අමුමිරිස් ද සිහින්ව කපා ගන්න. දැන් තෙල් ටිකක් ළිප තබා රත්වන විට කපාගත් ලූනු, කරපිංචා, අමුමිරිස්, සියල්ල දමා හොඳින් තෙම්පරාදු කරගන්න. අබ ඇටද එකතු කරන්න. ලුණු, මිරිස් කුඩු සහ අලද දමා හොඳින් කලවම් කර ගන්න. දැන් තරමක ගුලි සාදා බැටරයේ ගිල්වා රත්වූ ගැඹුරු තෙලට දමා රන්වන් පාටට බැද ගන්න.

පොල් චට්නි (රතට හෝ කොළ පාටට)

අවශ්‍ය ද්‍රව්‍ය
මුරුංගා කරල් 1ක්
වම්බටු කරල් 2ක්
වට්ටක්කා කැබැල්ලක්
කැරට් අලයක්
බෝංචි කරල් 2-3ක්
අල ගෙඩියක්
තක්කාලි ගෙඩි 2-3ක්
අමුමිරිස් කරල් 3ක්
රතුලූනු ගෙඩි කීපයක්
කුඩා ඉඟුරු කැබැල්ලක්
සුදුලූනු බික් 2-3ක්
අබ ඇට තේ හැඳි 1
මාදුරු තේ හැඳි 1/2
කොත්තමල්ලි කුඩු තේ හැඳි 1
පරිප්පු අඬු කෝප්ප 1/2
ලුණු රසට අනුව
කරපිංචා කිනිත්තක්
සියඹලා බොර මේස හැඳි 2
තෙල් ටිකක්

සාදන ආකාරය
පරිප්පු ගරා සෝදාගන්න. දැන් ඉතිරි සියලුම එළවළු වර්ග සෝදා කුඩා කැබැලිවලට කපා ලුණු, සියඹලා ඇතුළු පහේ එකතු කර වතුර හොඳින් දමා තැම්බෙන්න හරින්න. ඉතා හෙඳින් තැම්බුණු පසු රතුලූනු, අබ ඇට, කරපිංචා තෙල් ටිකක් දමා තෙම්පරාදු කර සාදාගත් කරියට එකතු කරගන්න.

අවශ්‍ය ද්‍රව්‍ය
පිරිසිදු කරගත් උළුඳු ඇට හුණ්ඩු 1
සම්බා සහල් හුණ්ඩු 2
උළුහාල් තේ හැඳි 1/2
රසට අනුව ලුණු
රතුලූනු ගෙඩි කීපයක්
අබ ඇට තේ හැඳි 1/2
කරපිංචා කිනිත්තක්
අමුමිරිස් කරල් 2ක්
තෙල් ටිකක්

සාදන ආකාරය
සෝදා ගරා ගත් සහල් උළුහාල් සහ උළුදු වෙන වෙනම රැයක් පුරා පෙගෙන්නට දමන්න. දැන් ඒවා වෙනම සිහින් වන්නට අඹරා ගන්න. දැන් මේ වර්ග දෙකම එකට මිශ්‍රකර උකු පදමට අනා අවශ්‍ය  පමණ ලුණු දමා තෙල් ගාගත් රත්වූ තැටියක දමා තෝසේ පුළුස්සා ගන්න.
කැමැති නම් රතුලූනු, කරපිංචා, අමුමිරිස්, සිහින් වන්නට කපා තෙල් ස්වල්පයක් ළිප තබා ඒවා සමග අබ ඇටද තෙම්පරාදු කරගෙන මේ සාදාගත් පිටි මිශ්‍රණයට කලවම් කරගෙන තෝසේ සාදාගත හැකිය. තෙල් අගුණ අයට තෙම්පරාදුවක් නැතිව වුවද රසවත්ව තෝසේ සාදාගත හැකිය.