අවශ්‍ය ද්‍රව්‍ය
පාන්පිටි ග්‍රෑම් 250ක පැටිස් ඩෝ එකක්
කැරට් අලයක්” කුඩා ලීක්ස් ගසක්
තම්බාගත් ග්‍රීන්පීස් අඬු කෝප්ප 1/2
තෙල් මේස හැඳි 2
කෑලි මිරිස් රසට අනුව හෝ
ගම්මිරිස් රසට අනුව
ලුණු රසට අනුව
පාන්පිටි අවශ්‍ය තරමට
බිස්කට් කුඩු අවශ්‍ය තරමට
බැද ගැනීමට තෙල්

සාදන ආකාරය
කැරට්, ලීක්ස් ඉතාම සිහින්ව කපා ගන්න. තෙල් ටික ළිප තබා රත්වන විට කපාගත් එළවළු, කෑලි මිරිස්, ලුණු දමා හොඳින් මලවා ගන්න. දැන් පැටිස් ඩෝ එක පිටි ඉස ගත් පැතැලි පෘෂ්ඨයක් මත හතරැස් හැඩයට තුනී කරගන්න. දැන් ඒ මත සාදාගත් එළවළු මිශ්‍රණය දමා හැන්දකින් එහාට මෙහාට කරමින් ඒවා පිටිවලට කා වැදීමට සලස්වන්න. මෙය පැදුරක් අකුලන ආකාරයට තද කරමින් රෝල් කරගන්න. නොගැළවෙන ලෙස ඇඟිලි තුඩු වලින් දෙපැත්ත තද කරගන්න. දැන් මෙය සෙන්ටි මීටරයක් පමණ ඝනකම ඇති පෙතිවලට කපා ගන්න. පිටි, වතුර දමා දියකර උකු බැටරයක් සාදා ගෙන එහි ගිල්වා පාන්කුඩු මත පෙරලා, රත්වූ තෙලට දමා බැඳගන්න.

අවශ්‍ය ද්‍රව්‍ය

බිත්තර 4ක්
කරපිංචා කිනිත්තක්
ලුණු රසට අනුව
කහ කුඩු ස්වල්පයක්
ගම්මිරිස් කුඩු ස්වල්පයක්
කුඩා කුරුඳු කැබැල්ලක්
තෙල් අවශ්‍ය තරමට
පාන්පිටි ග්‍රෑම් 150 පමණ
ලුණු ස්වල්පයක්
වතුර
බිස්කට් කුඩු ටිකක්

සාදන ආකාරය
බිත්තර තම්බා කටු ඉවත්කර දෙකට කපා ගන්න. අල තම්බා ‍පොඩිකර ගන්න. ලූනු, අමුමිරිස්, කරපිංචා, සුදුලූනු ඉතාම සිහින්ව කපාගන්න. දැන් තෙල් ටිකක් ළිප තබා රත්වන විට ලූනු, සුදුලූනු, කරපිංචා,  දමන්න. කටු හම ඉවත්කරගත් සැමන් ටික අතින් ‍පොඩිකර දමන්න. තම්බාගත් අල ටික දමන්න. දැන් ලුණු, කහ, ගම්මිරිස් දමා හොඳින් මලවා ගන්න. එය නිවෙන්නට හරින්න.
දැන් අතට මේ මිශ්‍රණයෙන් ගුලියක් ගන්න. එය බිත්තර පලුවට තබා සවිකර ගන්න. දැන් ලන්ච් ෂීට් එකකට මේ මිශ්‍රණයෙන් ටිකක් ගෙන තුනී කර එය මත බිත්තර පළුවට සවිවූ කට්ලට් එක තබා බිත්තර පළුව වටාද මේ මිශ්‍රණය හොඳින් දවටා බිත්තරය නොපෙනෙන සේ සකසා ගන්න.
දැන් පාන්පිටිවලට ලුණු සහ වතුර ස්වල්පයක් දමා උකු බැටරයක් සාදා ගන්න. සාදාගත් බිත්තර කට්ලට් එක එහි ගිල්වා බිස්කට් කුඩු මත පෙරලා හොඳින් බිස්කට් කුඩු අලවා ගන්න. දැන් නැවත එය බැටරයේ ගිල්වන්න. නැවත බිස්කට් කුඩු මත පෙරලා ගන්න. දැන් රත්වූ ගැඹුරු තෙලට දමා මදගින්දරේ රන්වන් පාට වනතුරු බැදගන්න. මේ ආකාරයට බැදගත් විට කට්ලට් එක පුපුරන්නේ නැත.

අවශ්‍ය ද්‍රව්‍ය
පාන්පිටි ග්‍රෑම් 250
සිහින්ව ගා ගත් ‍පොල් ග්‍රෑම් 50
ලූනු ග්‍රෑම් 7
අමුමිරිස් කරල් 2යි
තරමක කැරට් අලයක්
ලීක්ස් කොලයක් පමණ
ගම්මිරිස් ස්වල්පයක්
සුදුලූනු බික් 2ක්
ලොකු ලූනු ගෙඩියක්

සාදන ආකාරය
ලූනු, අමුමිරිස්, කරපිංචා, කැරට් සියල්ල ඉතාම සිහින්ව කපා ගන්න. දැන් පිටි වලට ලුණු දමා කලවම් කරගන්න. ‍පොල් එකතු කරන්න. දැන් ලූනු ද කපාගත් සියල්ලද දමා හොඳින් මිශ්‍රකර වතුර එකතු කරමින් අතේ නොඇලෙන ගානට අනා කොටස් 6කට කඩා තුනී රොටී සකසා කබලක හෝ තැටියක දෙපැත්ත දමා පුළුස්සා ගන්න.

අවශ්‍ය ද්‍රව්‍ය
කුකුල් මස් ග්‍රෑම් 200
අල ග්‍රෑම් 100
තරමක ලූනු ගෙඩියක්
අමුමිරිස් කරල් 5-6ක්
කරපිංචා කිනිත්තක්
ලුණු රසට අනුව
ගම්මිරිස් රසට අනුව
සුදුලූනු බික් 2යි කුරුඳු කැබැල්ලක්
පැටිස් ඩෝ එක අවශ්‍ය තරමට
බැඳගැනීමට තෙල්

සාදන ආකාරය
කුකුල් මස් කැබැල්ල ලුණු දමා තම්බා ගන්න. දැන් කුඩා කොටුවලට කපා ගන්න. අල තම්බා ‍පොඩි කරගන්න. ලූනු, අමුමිරිස්, සුදුලූනු, කරපිංචා කුඩාවට කපාගන්න. දැන් තෙල් ටිකක් භාජනයකට දමා රත්කරන්න. රත්වන විට කුරුඳු කැබැල්ල දමන්න. ලූනු, සුදුලූනු, කරපිංචා, අමුමිරිස් දමන්න. කුකුල්මස් කැබැලිද දමන්න. මේවා තෙම්පරාදු වන්නට හරින්න. එයට ලුණු, ගම්මිරිස් ද එකතු කරන්න. දැන් අල ටිකද දමා මදගින්දරේ ටික වේලාවක් මලවා ගන්න. දැන් කුරුඳු කැබැල්ල ඉවත් කරගන්න.
ඩෝ එක තුනී කර අවශ්‍ය තරමට රවුම් කපාගෙන මිශ්‍රණය ටික ටික තබා දෙකට නවා වටේට බිත්තර සාරු ගා අලවමින් රත්වූ තෙලට දමා රන්වන් පාටට බැදගන්න.