මේව නම් අපට හරියන්නේ නෑ වගේ...
පාන් කෑල්ලක් මාලු හොද්දක පොගවන් පොල් ටිකක් එක්ක කනවා...

අවශ්‍ය ද්‍රව්‍ය

තම්බාගත් ඉඳිආප්ප 20ක් පමණ

තම්බාගත් කුකුල් මස් කැබැල්ලක්

ලොකු ලූනු ගෙඩියක්

කහ කුඩු ඉතාම ස්වල්පයක්

ලුණු රසට අනුව

ගම්මිරිස් රසට අනුව

සාදන ආකාරය

ඉදිආප්පව රැල් ටික ගලවා ගන්න. මස් කැබැල්ල කුඩා කොටු ලෙස කපා ගන්න.  ලූනු ගෙඩිය සිහින්ව ලියා ගන්න. බටර් ටික ළිප තබා රත්වනවිට මස් කැබැලි ටික, ලූනු දමා හොඳින් බැදෙන්නට හරින්න. කහකුඩු එකතු  කරන්න. දැන් ඉඳිආප්ප රැල් ටික , ලුණු, ගම්මිරිස් දමා හොඳට මිශ්‍ර කර ගෑරුප්පුවක්ද සමග කෑම පෙට්ටියට දමන්න.

අවශ්‍ය ද්‍රව්‍ය

චපාති රොටී 2ක්

ලොකු ලූනු ගෙඩියකින් 1/2ක් පමණ

අමුමිරිස් කරල් 2 ක්

කරපිංචා කිනිත්තක්

තුනපහ කුඩු ස්වල්පයක්

මිරිස් කුඩු ස්වල්පයක්

තම්බාගත් අර්තාපල් ගෙඩියක්

බටර් ටිකක්

ලුණු ස්වල්පයක්

සාදන ආකාරය

ලූනු ඉතා සිහින්ව කපා ගන්න. අමුමිරිස්, කරපිංචාද ඉතාම සිහින්ව කපා ගන්න. දැන් තම්බාගත් අල ගෙඩිය හොඳින් ‍පොඩි කර ගන්න. බටර් ටිකක් ළිප තබා රත්වන විට ලූනු, අමුමිරිස්, කරපිංචා දමන්න. බැදීගෙන එනවිට ලූනු, තුනපහ, මිරිස් කුඩු දමන්න. දැන් තම්බා ‍පොඩිකරගත් අල ටික දමා කලවම් කරගන්න. දැන් චපාති රොටිය ගෙන එහි මැදට දිග් අතට අල මිශ්‍රණය පුරවා ගන්න. දැන් එය දෙකට නවා තද කරන්න. දැන් බටර් ගා ගත් පෑන් එකක් ළිප තබා රත් කරන්න. සාදාගත් චපාතිය එහි දෙපැත්ත දමා යන්තමට පුළුස්සා ගන්න. කෑලි කපා කෑමට ගන්න.

අවශ්‍ය ද්‍රව්‍ය

සාමාන්‍ය ආකාරයට තම්බා ගත් සහල් පිටි පිට්ටු කැබලි 4ක් (සුදු සහල් පිටි පිට්ටු කැබලි 2ක් සහ රතු සහල් පිටි පිට්ටු කැබලි 2ක් නම් වඩාත් සුදුසුයි)

සිහින්ව අඹරාගත් ඉඟුරු සහ සුදු ලූනු මේස හැඳි 01

රම්පේ කැබැල්ලක්

කරපිංචා කිනිත්තක්

එන්සාල් කරල් 2ක්

බටර් හෝ මාගරින් මේස හැඳි 4

සිහින්ව කපාගත් කැරට් ග්‍රෑම් 100

සිහින්ව කපාගත් ලීක්ස් ග්‍රෑම් 100

සිහින්ව ලියාගත් ගෝවා ග්‍රෑම් 100

සිහින්ව කපාගත් සෝයා මීට් ග්‍රෑම් 100

(උණුවතුරේ ‍පොඟවා ගත්)

සාදන ආකාරය

දැන් පිට්ටු ටික වෙන වෙනම අතින් ‍පොඩිකර ගන්න. බටර් ටික ළිප තබා රත්වන විට සෝයා මීට් දමන්න. ඒවා රන්වන් පාටට බැදෙන විට අඹරාගත් ඉඟුරු, සුදුලූනු, රම්පේ, කරපිංචා දමන්න. දැන් කපාගත් එළවළු වර්ග, ලුණු එකතු කරන්න. එළවළු වර්ග හොඳින් තෙලෙන් තැම්බිගෙන එනවිට පිට්ටු දමා හොඳින් මිශ්‍ර කරගන්න.

අවශ්‍ය ද්‍රව්‍ය

සිහින්ව කපාගත් පාන්පෙති 6ක්

සිහින්ව ග්‍රේට් කරගත් කැරට් අලයක්

තම්බා ‍පොඩිකරගත් අල ගෙඩියක්

සිහින්ව ගා ගත් චීස් ග්‍රෑම් 25

ගම්මිරිස් කුඩු තේ හැඳි 1

ලුණු රසට අනුව

කිරි අඬු කෝප්පයක්

බටර් ග්‍රෑම් 50

බිස්කට් කුඩු

‍පොල්තෙල්

සාදන ආකාරය

කැරට්, අල, චීස්, ගම්මිරිස්, ලුණු එකතු කර බඳුනකට දමා හොඳින් මිශ්‍ර කරන්න. දැන් පාන් පෙතිවල බටර් තවරා ගන්න. පාන් පෙත්ත බැගින් ගෙන එහි මැද දිගට එළවළු මිශ්‍රණය රේඛාවක් ලෙස දමාගන්න. දැන්පාන් පෙති අතින් තද කොට රෝල් කරගන්න. එය රඳවා ගැනීමට අසීරු නම් කරපිංචා නැට්ටක් ගසා ගන්න. දැන් මේ පාන් රෝල් කිරිවල ‍පොඟවා බිස්කට් කුඩු මත පෙරළා රත්වූ ගැඹුර තෙලට දමා රන්වන් පාටට බැදගන්න.