අවශ්‍ය ද්‍රව්‍ය
වට්ටක්කා ග්‍රෑම් 250
කැරට් ග්‍රෑම් 250
ඉඟුරු ග්‍රෑම් 10
කිරි අඬු කෝප්පයක්
වතුර අවශ්‍ය තරමට
බටර් තේ හැඳි 2
ලුණු රසට අනුව
ගම්මිරිස් රසට අනුව

සාදන ආකාරය
‍පොතු ඉවත් කර සෝදාගත් වට්ටක්කා සහ කැරට් කුඩාවට කපා ගන්න. දැන් එයට ලුණු සහ වතුර දමා හොඳින් තැම්බෙන්නට හරින්න. හොඳින් තැම්බුනු පසු එය බ්ලෙන්ඩර් කර ගන්න.
දැන් බටර් ටික ළිප තබා රත්වන විට බ්ලෙන්ඩර් කරගත් කැරට්, වට්ටක්කා මිශ්‍රණය දමන්න. කිරි එකතු කරන්න. ලුණු, ගම්මිරිස් දමන්න. දැන් උණුවෙන් සුප් බෝල් වලට දමා කුඩාවට කපාගත් ඉඟුරු උඩින් දමා පිළිගන්වන්න.

අවශ්‍ය ද්‍රව්‍ය
කටු රහිත කුකුල් මස් ග්‍රෑම් 200
ස්වීට් කෝන් ටින් 1/2ක්
බිත්තරයක්
ලුණු රසට අනුව
ගම්මිරිස් රසට අනුව
තලතෙල් මේස හැඳි 1
චිකන් ස්ටොක් ලීටරයක්

සාදන ආකාරය
කුකුල් මස් තම්බාගෙන කුඩා කැබැලි වලට කපා ගන්න. දැන් තෙල් ටික ළිප තබා රත්වන විට කුකුල් මස් කැබැලි දමන්න. එයට ස්ටොක් වතුර, ලුණු, ගම්මිරිස් දමා තැම්බෙන්නට හරින්න. බිත්තරය ගසා දමා හැඳිගාමින් කුඩා කැබැලි වලට කැඩෙමින් මිශ්‍ර වන්නට හරින්න. ස්වීට් කෝන් ක්‍රීම් එකතු කරමින් මිශ්‍රකර ගන්න. උණුවෙන්ම බිමට ගන්න.

අවශ්‍ය ද්‍රව්‍ය
ඉස්සන් ග්‍රෑම් 100
මාළු කැබැලි ග්‍රෑම් 100
දැල්ලන් ග්‍රෑම් 100
කකුළුවන් මස් ග්‍රෑම් 50
අඹරාගත් ඉඟුරු ග්‍රෑම් 5
ලුණු රසට අනුව
ගම්මිරිස් රසට අනුව
ෆේ‍රෂ් මිල්ක් අඬු කෝප්ප 1/2
මිරිස් කුඩු තේ හැඳි 1/2
ලූනු කොළ ග්‍රෑම් 10

සාදන ආකාරය
මාළු වර්ග සියල්ල හොඳින් පිලී යන ලෙස සෝදා ‍පොතු කටු ඉවත් කර ගන්න. දැන් කිරි හැර අනෙක් සියලුම කලමනා භාජනයකට දමා වතුර එකතු කර හොඳින් තැම්බෙන්නට හරින්න. තැම්බිගෙන එන විට කිරි එකතු කර උඩින් කොළ සිහින්ව කපා දමා උණුවෙන්ම බිමට ගන්න.