ටික කලක සිටන් - Tika kalaka sitan (Chandrasena Hettiarachchi) -

Registered Members Only

You should register with SL-Stun in order to view posts and open new topics. Please Signup with us now.

Register

Forums
Search Forum
Advanced SearchTopicsPosts

Prev Go to previous topic

Go to next topic

Last Post 15 Dec 2021 05:16 AM by ගැල්කරුවා ගේ ජීවිතය රචනා

ටික කලක සිටන් - Tika kalaka sitan (Chandrasena Hettiarachchi)

172 Replies

Sort:

Page 4 of 9

4

Author

Messages

isurusam

Super Senior Member
Posts:7342

26 Jan 2015 07:23 AM	Quote Reply
watina phadili krimak.thanks.

Ind007ka

Most Senior Member
Posts:12931

27 Jan 2015 07:05 PM	Quote Reply
•නව දැලි හේනක පෑව වැඳිරි රුව "මා පෙම් කළ ජනපද කල්‍යාණිට හිමියනි මට කළ නොහැක නිගා..." පද රචනය, සංගීතය හා ගායනය එකම පුද්ගලයා අතින් නිමැවෙන අවස්ථා සිංහල ගීතය තුළ හමුවන්නේ ඉතා කලාතුරකිනි. ආනන්ද සමරකෝන්, සුනිල් ශාන්ත, ෂර්ලි වෛජයන්ත ආදීන්ගේ නිර්මාණ තුළ මේ තත්ත්වය කලාතුරකින් දක්නට හැකිය. මේ අතර සෝමතිලක ජයමහ නම් වූ ගාන්ධර්වයාට හිමිවන්නේ සුවිශේෂත්වයකි. අප අතර කීර්තියට පත්වූ ගී නිර්මාණ කීපයකම මේ ත්‍රිපුද්ගල සංයෝගය සෝමතිලක ජයමහ නම් වූ කලාකරුවා අතින්ම සම්පූර්ණ වී තිබේ. කාව්‍යක්කාරයෙකු, සංගීතඥයෙකු මෙන්ම මධුර හඬකට හිමිකම් කියමින් සුගායනයේ යෙදීමේ හැකියාව වූ කලී කෙනකුට කලාතුරකින් දායාද වන භාග්‍යයකි. එක්තරා විරෝධාකල්ප නිර්මාණයක් ලෙස සැලකිය හැකි මේ නිර්මාණයට පසුබිම් වන්නේ සද්ධර්මරත්නාවලියේ හමුවන නන්ද තෙරුන්ගේ වස්තුවයි. නන්ද තෙරුන්ගේ වස්තුවෙහි නන්ද තෙරුන් පැවිදි වන්නේ ස්වේච්ඡාවෙන් නොව බුදුහිමියන් කළ ඉල්ලීමක් මතයි. මාලිගයේ දන් වැලඳීමෙන් පසු බුදු හිමියන් පාත්‍රය නන්ද කුමරාට දුන් නිසා ඔහුට එය රැගෙන ජේතවනාරාමය තෙක් පසුපසින් යන්නට සිදුවෙයි. එසේ යන විට ඔහු සමඟ සරණ ගිවිස සිටි ජනපද කල්‍යාණිය, ස්නානය කරමින් සිට මුදන ලද වරලස සමඟ මඟට පැමිණ, ඉක්මනට ආපසු එන ලෙස ඔහුට ප්‍රකාශ කරයි. මේ අදහස කුමරුගේ හිතට තදින් කාවැදුණු නිසා ඔහු පැවිදි වුවද නිසි පරිදි බණ භාවනා නොකරයි. ශාසනය කෙරෙහි ඇල්ම අතහරියි. එසඳ බුදුහිමියන් ඔහු ව තව්තිසා දිව්‍යලෝකය කරා ගෙන යති. යන අතරමඟදී අලුත දැවුණු හේනක් ද දැවී ගිය වැඳිරියක ද ප්‍රදර්ශනය කරති. දිව්‍යාංගනාවන් දුටු නන්ද කුමරාට දැනෙන්නේ ජනපද කල්‍යාණිය දැවුණු හේනේ වැඳිරිය හා සමාන බවකි. "ස්වාමීනි කුමක් වදාරන සේක්ද? මේ දෙවඟනන් දුටු කලට ඒ දනව් කලන බිසවු නම් අතුරු මඟ නවදැළි සේනේ අප දුටු දා වක ගැසී ගිය වැඳිරි මෑල්ලත් වටිත් දැයි කී සේක්" *(සද්ධර්මරත්නාවලිය)* සද්ධර්මරත්නාවලිය තුළින් හමුවන නන්දගේ චරිතය වූ කලී අවස්ථාවාදී පෙම්වතකුගේ චරිතයකි. එහෙත් මෙහි පද රචකයා උත්සාහ කරන්නේ එම ආකල්පය අභියෝගයට ලක් කරමින් පරමාදර්ශී සංවේදී ප්‍රේමවන්තයකු ගේ චරිතයක් ‘නන්ද’ තුළින් ප්‍රතිනිර්මාණය කිරීමටයි. "නව දැලි හේනක පෑව වැඳිරි රුව ලෙස උවමින් දෙනුවන් රවටා මා පෙම් කළ ජනපද කල්‍යාණිට හිමියනි මට කළ නොහැක නිගා" තම සැළමුතු ප්‍රේමය දිව්‍යාංගනාවන් ඉදිරියේ පාවාදීමට මේ ප්‍රේමවන්තයා සූදානම් නැත. ආදරය වෙනුවෙන් බුදුහිමියන්ට පවා අභියෝග කිරීමට රචකයා මවනා නන්ද සමත්වෙයි. සැබෑ ආදරයක පැවතිය යුතු කෘතවේදී බව සහ පරිත්‍යාගශීලී බව මේ තුළ අන්තර්ගතය. *"සුරඟන රූ සිරි දුටිමි හැඳින්නෙමි* *සිත්ලෙස දෙනුවන් බඳුන් පුරා* *මා හඳුනන මගෙ හදගත් කලණිය* *මට නුදුරුයි සුරඟනට වඩා"* මෙහි මුණගැසෙන පෙම්වතා සුරඟනන්ට ගැරහීමක් සිදු නොකරයි. ඔහු පවසන්නේ තමා සුරඟනන් ගේ රූ සිරි හොඳින් දුටු බවයි. ඒත් අතපොවන්නට බැරි දුරක සිටින සුරඟනන්ට වඩා අතළඟ සිටින ජනපද කල්‍යාණිය තමාට වටිනා බව ඔහු ප්‍රකාශ කර සිටී. සුරඟනන් ගේ රූ සිරි හොඳින් වින්ද බවට ඔහු කරන ප්‍රකාශය නිසාම පෙම්වතාගේ අවංකභාවය වඩා හොඳින් ඉස්මතු වෙයි. එසේම නිර්මාණයට අව්‍යාජත්වයක් එක්වෙයි. "*මා සිත සුවපත් කරලනු නොහැකිය* *සෝ ළතැවුල් දෙයි රැය ද දිවා* *නෙත දුටු සුරඟන රූසිරි කුමට ද* *හද දුටු ජනපද කලණ නිසා"* ආදරය අරුම පුදුමය. එහි උස්මිටිකම් නොමැතිය. “හිත ගිය තැන මාලිගාව“ යන කියමන මෙන්ම “දුවන මුවන් දැක නොදමන් නෙළූ පලා” යන ජනශ්‍රැතියේ එන ප්‍රකාශයන් ද මේ රචනාව තුළින් ඉස්මතු වෙයි. ඔහු ව්‍යංග්‍යයෙන් පවසන්නේ ඇසින් හඳුනා ගැනීමට වඩා හදවතින් හඳුනාගැනීම ප්‍රබල බවයි. එය පහසුවෙන් බිඳ දැමිය නොහැකි බන්ධනයක් බවයි. බෞද්ධ සාහිත්‍යකරුවා බුද්ධ චරිතය වීරත්වයට පත් කිරීමට මේ ප්‍රබන්ධයන් කළ ද නන්ද කුමරාගේ චරිතය දෙස දෙවරක් සිතීමට මේ ගීතය ඉවහල් වෙයි. තම වැඩිමහල් සහෝදරයාට ඇති ගෞරවය නිසා ඔහු පැවිදිවූයේ අකැමැත්තෙනි. ඔහුගේ හිතේ රැඳුණ අවසාන ඡායාව වූයේ තමාට ඉක්මනින් ආපසු එන ලෙස පැවසූ ජනපද කල්‍යාණියගේ ඡායාවයි. මගේ මනස ඉදිරියේ මැවෙන්නේ අකැමැත්තෙන් මහණ වී බවුන් වඩන නන්ද හිමියන්ගේ රූපයයි. හිත එකඟ කරන්නට තැත් කරන වාරයක් පාසා, කෙස්වැටිය මුදාගෙන ඔහුට අත වැනූ ඒ සුන්දරිය ඔහුට සිහිවෙයි. ජේතවනාරාමයේ වැටෙන් රිංගා ඇය සොයා යාමට ඔහුට සිත් දෙයි. රමණීය තනු නිර්මාණයෙහි මෙන්ම සුගායනයෙහි සෝමතිලක ජයමහ දක්වන සමත්කම නැවත; නැවතත් නිර්මාණය තුළ මතුවෙයි. ඒ තුළින් මතුවන නන්ද කුමරාගේ සුසුම මගේ හදවත මොහොතකට පාරයි. "නව දැලි හේනක පෑව වැඳිරි රුව ලෙස උවමින් දෙනුවන් රවටා මා පෙම් කළ ජනපද කල්‍යාණිට හිමියනි මට කළ නොහැක නිගා *සුරඟන රූ සිරි දුටිමි හැඳින්නෙමි* *සිත්ලෙස දෙනුවන් බඳුන් පුරා* *මා හඳුනන මගෙ හදගත් කලණිය* *මට නුදුරුයි සුරඟනට වඩා* *"මා සිත සුවපත් කරලනු නොහැකිය* *සෝ ළතැවුල් දෙයි රැය ද දිවා* *නෙත දුටු සුරඟන රූසිරි කුමට ද* *හද දුටු ජනපද කලණ නිසා"* පද රචනය, සංගීතය සහ ගායනය - සෝමතිලක ජයමහ ගීතය මෙතනින් download කරගන්න... (Nawa Deli Henaka - Somathilaka Jayamaha) සෝමතිලක ජයමහ උපුටා ගැනුම : සිඵමිණ පුවත්පතෙහි පුන්කලස අතිරේකය සඳහා ධම්මික බණ්ඩාර මහතා විසින් ලියන ලද ලිපියකිනි. "කියවල ඉවර වෙලා අදහසක් එකතු කරලම යන්න.. " First they Ignore You , Then they Laugh at You, Then they Fight with you, Then You Win....

ham123

Veteran Member
Posts:1636

27 Jan 2015 09:10 PM	Quote Reply
lassana sinduwak. thanks indika ayye ~~~~ ඇසිල්ලක දුටු සිහිනෙන් හිත හුඟක් රිදුනා~~~~

Rosi

Super Senior Member
Posts:5335

31 Jan 2015 04:23 PM	Quote Reply
kemathima geetha kipayakam thiyenwa.....godak welawata theruma danne nane hariyatama,me wage lipi godak hodai me wage geetha hodata rasa vidinna...hemotama sthutiii.

samantha

Most Senior Member
Posts:13190

31 Jan 2015 05:21 PM	Quote Reply
මමත් ආස කරන ගීත අතරින් එක ගීතයක්. සියළුදෙනාටම සෙතක් ශාන්තියක් සැලසේවා!!!!

isurusam

Super Senior Member
Posts:7342

31 Jan 2015 05:35 PM	Quote Reply
lasana song ekak..........

indika76

Most Senior Member
Posts:10449

01 Feb 2015 04:50 AM	Quote Reply
අපට යම් දෙයක අගය දැනෙනුයේ එය අපෙන් ඉවත්ව ගිය විටයි.. අප සතුට තිබෙන දෙයින් සෑහීමට පත්වීමට පුළුවන් නම් ගොඩක් වටිනවා...

ham123

Veteran Member
Posts:1636

01 Feb 2015 09:10 AM	Quote Reply
දැන් ඉතින් නුඹත් ගියා කළුවරයි අනේ... මේ අනන්ත රාත්‍රියේ සඳේ නුඹ කොහේ තාරුකා කියන්නකෝ නිදන්නෙ ඈ කොහේ අඳුරේ ගිලී නොපෙනී ගියේ සුසුමයිලු මා ඇගේ යුග නෙත් මගේ කඳුළින් තෙමී තනිවේද මා අනේ ජීවිතේට මං කියූ තාරකාවියේ දැන් ඉතින් නුඹත් ගියා කලුවරයි අනේ අම්බරේහි සඳ නොවී එළිය දුන් ලියේ දැන් ඉතින් නුඹත් ගියා කලුවරයි අනේ ගායනය - දමිත් අසංක පදරචනය, තනුව හා සංගීතය - තනුජ සංජය හේරත් හුඟ දෙනෙක්‌ ආදරය කරන්නේ ඔවුනොවුන් එකිනෙකාට අයිතියි කියා හිතලා... ඒත්... මේ ආදරවන්තයන් බොහෝමයක්‌ම අයිති ඔවුන්ට නොවෙයි. වෙනත් අයට ඒ නිසා සමහරවිට මේ අය අසම්මත පෙමක රස බලන්නන්. ඒත් ආදරය කියන්නේ වෙන් වෙන්න පුලුවන් බැඳීමක්‌ද එය හරිම අමාරුයි තේරුම් ගන්න. මේ අනන්ත රාත්‍රියේ සඳේ නුඹ කොහේ තාරුකා කියන්නකෝ නිදන්නෙ ඈ කොහේ රාත්‍රිය අනන්තයි හඳ පෙනෙන්නටත් නැහැ හැංගිලා ඇය කොහේ ඇත්ද ඒ බව දන්නේ තාරුකා විතරයි. මේ රාත්‍රියේ ඈ කොහේ නිදනවාද අතිශය දුක්‌බර වෙන්වීමක්‌ පෙරදී කීවාක්‌ මෙන් මේ අසම්මත ආදරයක්‌. අපි මේ සිංදුව ලියූ තරුණයාට කතා කළා. ඔහු තනුජ සංජය ඔහු විවාහයට සූදානම් වෙනවා. තව දවස්‌ තුනකින් සංජය විවාහ වෙනවා. සිංදුව නම් මගේ අත්දැකීමක්‌ නොවේ. ඔය සිංදුව ලියද්දි මම අපොස උසස්‌ පෙළ විභාගයට ඉගෙන ගන්නවා. 2002 දී විතර මගේ මිතුරෙකුගේ අත්දැකීමක්‌. කාලයක්‌ එකට සිටි දෙදෙනෙක්‌ පාසල් කාලයෙදිත් මේ අය පෙම්වතුන්. ඒත් ඒ දෙන්නාටම වෙන්වෙන්න සිද්ධ වුණා. දැන් මේ දෙන්නාම අයිති වෙනත් දෙදෙනකුට. එහෙම දැන දැනත් කිට්‌ටු වෙන්න තමයි හිතෙන්නේ. අඳුරේ ගිලී නොපෙනී ගියේ සුසුමයිලු මා ඇගේ යුග නෙත් මගේ කඳුලින් තෙමී තනිවේද මා අනේ මේ පෙම්වතාත් පෙම්වතියත් සුසුම් හෙළනවා. ඒ වේදනාබර සුසුමන් ඒවා අන්ධකාරයේ ගිලිලා නොපෙනී යනවා. ඔහුගේ දෙනෙත් යුග කඳුළින් බොඳවෙලා. දැන් ඉතින් මා තනිවේවි. ඔහුට දුකක්‌ ඇතිවෙනවා. මේ පෙම්වතුන් දෙදෙනාම අනුන්ගේ... එකතු වෙන්න බැහැ. ඔහුට නිතරම ඈ සිහිවෙනවා. ජීවිතේට මං කියූ තාරකාවියේ දැන් ඉතින් නුඹත් ගියා කලුවරයි අනේ ඔහුගේ ජීවන ගමනේදී හරි මං කියාදුන්නේ ඇය. හරියට පාර කියන තාරකාවක්‌ වගේ. ඒත්... ඒත් දැන් ඇය නැහැ. ඒ තාරකාව සැඟවිලා ගිහින් ජීවිතේම අන්ධකාරය වෙළාගෙන.. මම සෞන්දර්ය විශ්වවිද්‍යාලයයේ ඉගෙනුම ලැබුවා. දැන් විශ්වවිද්‍යාල ජීවිතේට ආයුබෝවන් කියලා රැකියාවක්‌ බලාපොරොත්තුවෙන් ඉන්නවා. දමිත් අසංකට මම තවත් ගීත කීපයක්‌ම ලියුවා. මේ අනන්ත රාත්‍රියේ ගීතයට තනුව සහ සංගීතය නිර්මාණය කළේත් මම. තනුජ තවත් විස්‌තර අපට කීවා. ඒ විවාහ උත්සවයේ වැඩවලට එහාට මෙහාට දුවන ගමන්... අම්බරේහි සඳ නොවී එළිය දුන් ලියේ දැන් ඉතින් නුඹත් ගියා කළුවරයි අනේ ආදරවන්තියේ... ඔයා මට අයිති නැහැ. හරියට අඹරේ පායන සඳ වගේ... හඳ අයිති අහසට ඒත් ඒ හඳ මට එළිය දෙනවා. ඔයාත් ඒ වගේ... මට අයිති නැති ඔයා සඳක්‌ නොවී මට එළිය දුන්නා ඒත්... දැන් ඒ හඳ නැහැ. මගේ ජිවිතේ අන්ධකාරයි. දමිත් අසංක මේ ගීයෙන් රසික රසිකාවියන් බොහෝ දෙනෙකු අතරට ගියා. පදමාලාවෙන් දෙන අර්ථය වියෝව වඩාත් දැනෙන තනුව දමිත්ගේ දුක්‌බර හඬට වඩාත් හොඳින් ගැලපෙනවා. අජිත් අලහකෝන් ~~~~ ඇසිල්ලක දුටු සිහිනෙන් හිත හුඟක් රිදුනා~~~~

Rosi

Super Senior Member
Posts:5335

01 Feb 2015 09:51 AM	Quote Reply
අඳුරේ ගිලී නොපෙනී ගියේ සුසුමයිලු මා ඇගේ යුග නෙත් මගේ කඳුළින් තෙමී තනිවේද මා අනේ lassana therumak ,,,eth asu pamanin eka therenne ne,,,,sthutii nangi.

indika76

Most Senior Member
Posts:10449

01 Feb 2015 07:20 PM	Quote Reply
මම ආස ගීතයේ මේ කොටසට ජීවිතේට මං කියූ තාරකාවියේ දැන් ඉතින් නුඹත් ගියා කලුවරයි අනේ පාර පෙන්වූ තාරකාව එනම් ජීවිතයට තිබූ එක ආලෝකය නැතිවූ විට දැනෙන වේදනාව මනාව පෙන්නුම් කරලා තියෙනවා...

maduranga001

Most Senior Member
Posts:14118

01 Feb 2015 07:25 PM	Quote Reply
කතා දෙකක් නෑ. ගීතයේ රහ තියෙන්නේ මෙතැන. (එක එක්කෙනාට දැනෙන්නේ වෙනස් වෙනස් විදියට..) දැන් ඉතින් නුඹත් ගියා කලුවරයි අනේ පුදුම තනිකමක් දැනෙනවා ඒ කොටස ඇහෙනකොට.. ~~~~~ මේ නගරය මා ඔබ මුණ ගැසුණු නගරයයි ~~~~~

ham123

Veteran Member
Posts:1636

01 Feb 2015 08:03 PM	Quote Reply
"දැන් ඉතින් නුඹත් ගියා කලුවරයි අනේ" මමත් ගොඩක් ආසයි මෙ කොටසට ~~~~ ඇසිල්ලක දුටු සිහිනෙන් හිත හුඟක් රිදුනා~~~~

kingD

Veteran Member
Posts:3309

01 Feb 2015 08:06 PM	Quote Reply
ආදරවන්තියේ... ඔයා මට අයිති නැහැ. හරියට අඹරේ පායන සඳ වගේ... හඳ අයිති අහසට ඒත් ඒ හඳ මට එළිය දෙනවා. ඔයාත් ඒ වගේ... මට අයිති නැති ඔයා සඳක්‌ නොවී මට එළිය දුන්නා ඒත්... දැන් ඒ හඳ නැහැ. මගේ ජිවිතේ අන්ධකාරයි. ගොඩක් සංවේදී ගීතයක් Business, you know, may bring money, But friendship hardly ever does.

isurusam

Super Senior Member
Posts:7342

06 Feb 2015 08:57 PM	Quote Reply
ළඳුනේ..ළඳුනේ… ඔබේ දෑස දැකගත්තෙමි සැඳෑ කලෙක ළඳුනේ.. අමරසිරි පීරිස් මහතාගේ ගැඹුරු හඬින් ගැයුන ළඳුනේ ගී පද පේලි රසික හද දිනා ගනිද්දී ගීතයේ අර්ථය පිළිබඳවද යම් තාක් දුරකට රසික අවධානය නිරායාසයෙන්ම යොමු උනා කීවොත් නිවැරදියි.. රන්බණ්ඩා සෙනෙවිරත්නයන් අතින් ලියවුනු ගීතය සංගීතවත් වුනේ ප්‍රේමසිරි කේමදාසයන්ගේ අව්‍යාජ සංගීතයෙන්.. ගීතයක වචන වලට, හැගීම් වලට පන දෙන්න කේමදාසයන් තරම් තවත් විශිෂ්ටයෙක් සිටි නැති තරම්.. විටෙක එතුමා මේ ගීතය පිලිබඳ පවසන්නේ මානව දයාවෙහි උපරිම තලය ස්පර්ශ කරන ගීතයක් ලෙසයි. ඔබද මේ ගීතයෙන් කියවෙන්නේ කුමන ආකාරයේ ළඳක් පිලිබඳවදැයි දන්නවාට නිසැකයි.. සරලවම කිවහොත් ගීතයෙන් කියවෙන්නේ සමාජය තුල නොයෙක් අයුරින් ගැරහුමට ලක්වෙන ගණිකා වෘත්තියේ නියැලෙ සිටින කාන්තාවක් ගැනයි. ගීතයේ සරල අර්ථය එසේ වෙද්දී ගීතය පිටුපස තිබෙන අනුභූතිය යම් සිද්ධි දාමයක් හරහා බැඳුනක්. ගීත රචක රන්බණ්ඩා සෙනෙවිරත්නයන්ගේ මිතුරෙකු මුහුණ දුන් සැබෑ සිද්ධියක් තමයි ගීතයට නිමිත්ත සපයා තිබෙන්නේ. එම මිතුරා එවකට මහනුවර අලුතින් නවාතැන් ගන්නට ලැබුනේ බෝඩිමක. එහි සගයන් පුරුද්දක් ලෙස සිදු කල දෙයක් තමයි සිය වැටුප ලැබුන දිනයට ආසන්න දිනයක ගණිකාවක් බෝඩිමට ගෙන ඒම. රන්බණ්ඩා සෙනෙවිරත්නයන්ගේ මිතුරාට මෙය තරමක් නුහුරු අත්දැකීමක් වුනා. තම අන් සගයන්ට වඩා තරමක් වෙනස් කෙනෙකු වූ ඔහු මෙම ක්‍රියාව ප්‍රතික්ෂේප කළා. සුපුරුදු ලෙසම රාත්‍රියේ බෝඩිමේ සගයන් පිරිස අභිසරුලියක් සමග ලැගුම් ගන්නට යෙදුනා. එම දිනට පසුවදා යෙදී තිබුනේ පෝය දිනයක් නිසා පසුදා සවස දළදා වඳින්නටත් පිරිස පිටත් වෙනවා. රන්බණ්ඩා සෙනෙවිරත්නයන්ගේ මිතුරාට එක්වරම පෙර දින රාත්‍රියේ ඔහුගේ බෝඩිමේ සගයන් සමග පැමිණි කාන්තාව ඇස ගැටෙනවා. මිතුරන්ටද ඇයව හඳුනා ගැනීමට එතරම් අපහසු නොවුනත් කිසිවෙක් නාදුනනා සේ සිටිද්දී ඇයද ඔවුන්ව මග හැර යනවා. මිත්‍රයාට එය තරමක් සිතේ කම්පනයක් ඇති කල කරුණක් බවට පත් වෙනවා. පෙර දින ඇයව ඇසුරු කල මිතුරන්ද ඇයව දැන් ප්‍රතික්ෂේප කරන්නේ ඉතා පිළිකුල් සහගතවයි. මේ සිද්ධිය කන වැකෙන රන්බණ්ඩා මහතා මේ දෙස බලන්නේ වෙනත්ම කෝණයකින් සැබවින්ම වැරදි කව්රුද, මෙම කාන්තාවට සමාජය ඉදිරියේ ඇති තත්වය කුමන ආකාරයේ එකක්ද යැයි නිසැකයෙන්ම ඔහුට සිතෙන්නට ඇති.. “ළඳුනේ..ළඳුනේ..” යන යෙදුම භාවිතා කරමින් ඉතා දයාබර ලෙස ඇයව ආමන්ත්‍රණය කරන්නේද ඒ හේතුවම නිසා වන්නට ඇති…. ළඳුනේ..ළඳුනේ.. ඔබේ දෑස දැකගත්තෙමි සැඳෑ කලෙක ළඳුනේ.. දෙනෝදහක් අතගත්තද සැමියකු නැති ළඳුනේ….. ඇය කොතරම් පිරිමින් ඇසුරු කරන්නට ඇතිද.. නමුත් ඇයට තවම ස්වාමියෙකු නැත. රන්බණ්ඩා සෙනෙවිරත්නයන් සමාජයේ බහුතරය මෙන් ඇය හට දොස් පැවරීම බැහැර කොට ඇයව විග්‍රහ කර ගැනීමට උත්සහ දැරීමක් සිදු කරනවා… නෑයෙක් නෑකම නොකියන වීදි සරණ ළඳුනේ තෙල් මල් ගෙන දෝතපුරා මුනිකුටියට පියමං වන ඔබේ දෑස දැක ගත්තෙමි සඳෑ කලෙක ළඳුනේ…. බුදුන් දැක නිවන් දකිමැයි දෙව්-රම යන පාර අහන ඔබද පටාචාරවකි ඔබද කිසා ගෝතමියකි… ජීවිතය යන්තමින් හෝ අමුණා ගැනීමට මුදල් සොයා ගැනීමට ඇයට සිදුව ඇත්තේ වීදි වල සරි සරීමටයි. නෑදෑයෙකුවත් නොමැති ඇයට ඇති එකම පිහිට බුදුන් සරණයි.. බුද්ධ කාලයේදීද අසරණ වූ කාන්තාවන් නිවනට යොමු වූ ලෙස ඇයද බුදුන් සරණ පතයි. එනිසාම ඇය බුදුන් කල පටාචාරාවක්.! කිසා ගොතමියක්.! පිරිමින්ගේ පාප කන්දට දෝස විඳින ළඳුනේ අඳුරේ පව් කරන දනා එළියේ රවන ළඳුනේ…. ළැම පමනක් ලොවට පෙනෙන ළය නොපෙනෙන ළඳුනේ කුහුඹුවකුට වරදක් නැති වැරදිකාර ළඳුනේ… ඇයට හිමිව ඇති සමාජ තත්වය උදෙසා සැබවින්ම වග කිව යුත්තේ ඇය පමණක්ම නොවෙයි. ඇය සියලු ගැරහුම් ලබන්නේ ඈ වෙත පැමිණෙන පිරිමින් නිසාවෙනි. රාත්‍රියේ ඇගේ පහස ලබන්නන් සමාජය ඉදිරියේ කිසිඳු පවක් නොකරන්නාක් මෙන් ඇයව හෙලා දකියි. සමාජය සම විටම දකින්නේ අයගේ මතුපිට ස්වරූපය පමණකි. ඇය මෙම තත්වයට ඇද දැමීමට හේතු වූ කරුණ කුමක්ද, කොතරම් දුකක් ඇගේ සිතේ ඇතිද යන්න රචකයා ශ්‍රාවකයාගෙන් සියුම් ලෙස ප්‍රශ්න කරනවා.. අවසානයේ ඇය දෙස යතාර්තවාදීව නිගමනයකට එළඹෙනවානම් ඇය කිසිවෙකුට කල වරදක් නොමැත. නමුත් සමාජය ඉදිරියේ ඉබේම වැරදි කාරියක් බවට පත් වී තිබේ.. “ළඳුනේ..” ගීතය ගැන තවත් කිව යුතුම දෙයක් ඇත.ඒ මේ ගීතය ගායනයට අමරසිරි පීරිස් මහතාව යොදා ගැනීම අහම්බෙන් සිදු වූ බවයි. ගීත පටිගත කිරීමට සියලු කටයුතු සුදානම් කොට තියෙද්දිත් පෙර මෙම ගීතය ගායනය කිරීමට දායක වීමට සිටි ගායකයා පැමිණියේ නැත. එවිට කේමදාසයන්ට සිහි වුවේ සිය වාදය වෘන්දයේ එවකට වයලීනය වාදනය කරන අමරසිරි පීරිස් මහතාවයි.. එසේ මෙම ගීතය ගායනයට අමරසිරි පීරිස් මහතාට වරම් ලැබුණු අතරම ඔහුගේ හඬ ගීතයට ගැලපෙන අයුරු ඉවෙන් මෙන් කේමදාසයන් දැන ගැනීමෙන් ඇති විශිෂ්ට නිර්මාණයක් සමග ඇති විශිෂ්ට ගායන ශිල්පියෙක් රටට දායාද විය … ගායනය : අමරසිරි පීරිස් පද : රන්බණ්ඩා සෙනෙවිරත්න සංගීතය : ප්‍රේමසිරි කේමදාස

kingD

Veteran Member
Posts:3309

06 Feb 2015 09:43 PM	Quote Reply
මේ සින්දුව හුග දෙනෙක් රස වින්දට ඒකෙ අර්ථය දැනගෙන නෙමෙයි හුගක් අය රස විදින්නෙ .... ස්තුතියි මල්ලි Business, you know, may bring money, But friendship hardly ever does.

Rosi

Super Senior Member
Posts:5335

07 Feb 2015 11:11 AM	Quote Reply
sthuthii isuru.... apuru therumak thiyena thawath lassana sinduwak. නෑයෙක් නෑකම නොකියන වීදි සරණ ළඳුනේ තෙල් මල් ගෙන දෝතපුරා මුනිකුටියට පියමං වන ඔබේ දෑස දැක ගත්තෙමි සඳෑ කලෙක ළඳුනේ…. බුදුන් දැක නිවන් දකිමැයි දෙව්-රම යන පාර අහන ඔබද පටාචාරවකි ඔබද කිසා ගෝතමියකි…

Ind007ka

Most Senior Member
Posts:12931

11 Feb 2015 07:19 PM	Quote Reply
"“ළඳුනේ..” ගීතය ගැන තවත් කිව යුතුම දෙයක් ඇත.ඒ මේ ගීතය ගායනයට අමරසිරි පීරිස් මහතාව යොදා ගැනීම අහම්බෙන් සිදු වූ බවයි. ගීත පටිගත කිරීමට සියලු කටයුතු සුදානම් කොට තියෙද්දිත් පෙර මෙම ගීතය ගායනය කිරීමට දායක වීමට සිටි ගායකයා පැමිණියේ නැත." me siduweema pilibandawa apita amarasiri peiris mahatha pudgalikwa atta wistharaya kiwwa ape company show ekata apu welawe.me song eka record karanna hitapu mul gayakaya thamai edward jayakodi mahatha..namthuth kemadasa mahatha samaga wuu matha gatumak hethuwen thami me song eka amarasiri kiyana e kaale kemadasa master ge wadaka manadalaye wayaleen wadakaya gayana kale. thawa deyak kiwa yuthumai..amarasiri peiris ge songs ithama lassanai hangum barai thamai..namuth ohu sunil/victor wage ho jothi wage hitha honda gayek nam newei..kala lokayae ithama adambara kaara mula amathaka gayakayek lesai anith kalakaruwo mohuwa handunwanne First they Ignore You , Then they Laugh at You, Then they Fight with you, Then You Win....

Ind007ka

Most Senior Member
Posts:12931

11 Feb 2015 07:24 PM	Quote Reply
විකසිත පෙම් පොකුරු පියුම් - අමරදේව මම ඔබට කතාවක් කියන්නම්. මේ කතාවත් සොඳුරු හිත ගාව පිටුව මත පල වෙන තවත් එක සත්‍ය කතාවක්. පෙම්වතෙක්, මනාලියක්, මනමාලයෙක් සහ මනාලියගේ මස්සිනා හෙවත් මේ ලියුම්කරු. අසම්පූර්ණ නමුත් සොඳුරු ආදරයක්. මම කියන්නම්. මේ මොහොත වෙනකොට ඔහු රජයේ මණ්ඩලයක සැලකිය හැකි තරමේ රැකියාවක් කරන්නෙක්. නමුත් මනමාලියගේ පාර්ශ්වයේ නෑදෑයන් ගෙන යන රිය පැදවූවේ ඔහු. මනමාලියයි, මනමාලියයි පේරාදෙණිය මල් වත්තේ දොරටුවෙන් දෑත් පටලාගෙන එන හැටි ඒ දෑස් බලා ඉන්නව මං බලාගෙන. නෑදෑ පිරිවර නැවතත් මංගල ජෝඩුව උන්නු, අද දවසේ සතුටු සාමීචිය පැවැත්වෙන ශාලාව කරා පිටත් වුණා. රතු පාට මංගල ඇඳුමකිනුත්, රතු පාට මල් කලඹකිනුත් සැරසිලා සිය හිමිගේ දෑතේ වෙලිලා ඇය වේදිකාව මත අසුනක වාඩිගෙන ඉන්නවා. දෙපාර්ශ්වයේම හිත මිතුරන්ගේ සුභ පැතුම් පිළිගන්න ගමන්. කථානායකයා ඉන්නේ මගේ ළඟ! මම ඔහු ගැන ඔබට කියන්නම්. අද පතිකුලයට යන ඇය ගැන මංගල යෝජනාවක් ගෙන ආව අනෙකා ඔහු. තමන් කැමැත්තෙන් පසු වුණු බලාපොරොත්තු තියාගෙන උන්නු ඇගේ මංගල දිනයේ මගේ ලඟ මේ වාඩි වෙලා ඉන්නේ ඔහු. තවත් එක් පෙම්වතෙක්. ඔව්! සත්තකින්ම... ශාලාවේ පසෙක අමුත්තන් වෙනුවෙන් මධුවිත පිරෙනවා. මං ඒ දිහා බලන ගමන් ඔහු දිහත් බලනවා. කවදත් මිත්‍රශීලී ඔහු වෙඩින් කේක් කන ගමන් බීම වීදුරුව තොල ගානවා. වේදිකාව මත ඉන්න සංගීතකාරයෝ දෙන්නා තම තමන් ප්‍රිය කරන ගීත ගයද්දි මට ඔහුගේ හදවතින් අමරදේව ගේ ගීතයක් ඇහෙනවා ඇහෙනවා වගේ. මොහොතකට කලින් තොල ගෑව මධුවිත බොහෝ සිතුවිලි පුබුදු කරවලා. හිතට කලාකාමී අදහස් ගලා එනවා. හමුවීමට වඩා වෙන්වීම සොඳුරු මේ අරුමැසි ලෝකයේ තවත් එක් කලාත්මක අවස්ථාවක්. වෙනසක් නොපෙන්වා සිනාසෙන ඒ පිරිමි දෙනෙත් දිහා බලාගෙන මම මනමාලියගේ මස්සිනා විදිහට - ලොකු අයියා විදිහට - තවත් එක් පෙම්වතෙක්ගේ හදවතින් මතුවෙන්නට අමරදේවට ඉඩ දෙනවා. රුධිර නාලිකාවලට පවා ඇල්කොහොල් මුසු වෙද්දි එක්තරා සොඳුරු පෙම්වතෙක් වෙනුවෙන් මගේ හිත වැලපෙනවා. සත්තකින්ම... ජීවිතය කියන්නේ මහ පුදුම දෙයක්! විකසිත පෙම් පොකුරු පියුම් ඔබේ පයට පොඩි වී ගියාදෙන් පතිකුලයට අද මට පිටුපා යන මගේ සොඳුරු ළඳුනේ මගේ සොඳුරු ළඳුනේ... හිතේ කඳුළු බිඳු රෑ තනි යහනේ ඉහ ඉද්දර හිඳ ඉකි බිඳිනා සඳ ආදර සැමරුම් ප්‍රේම පුරාණේ ඔබට විරහ ගිනි නොගෙනේවා ඔබට විරහ ගිනි නොගෙනේවා... විකසිත පෙම්... තනිකම රජයන පාලු විමානේ ගොම්මන් කළුවර හඬා වැටෙද්දී ඔබ දිවි අරණේ රුවන් විජිතයේ මැණික් පහන් වැට දැල්වේවා මැණික් පහන් වැට දැල්වේවා... විකසිත පෙම්... පද රචනය - අජන්තා රණසිංහ සංගීතය - ප්‍රේමසිරි කේමදාස ගායනය - ඩබ්. ඩී. අමරදේව ------------------------------------------------ තමන්ව හැර යන පෙම්වතියට ඇසිඩ් ගසන, මරා දමන, සිය දිවි නසා ගන්නා සාම්ප්‍රදායික, සුචරිතවාදී පෙම්වතුන්ට වඩා ආචාර්ය අජන්තා රණසිංහයන් මේ ගීතය හරහා සිංහල සමාජයට දායාද කරන පෙම්වතා කොයි තරම් අගනේද? ඔහු වචනයේ පරිසමාප්ත අර්ථයෙන්ම පරමාදර්ශී පෙම්වතෙක්. ප්‍රේමයේ සුන්දරත්වය, නුරාව වගේම විරහවත්, දුකත් සම සිතින් විඳ දරා ගන්න ඔහුට අපූරු හැකියාවක් තිබෙනවා. මං ඔබෙන් ප්‍රශ්නයක් අහන්නද? පශ්චාත් යුධ මානසිකත්වයේ ඉන්න, කසිකබල් කලා නිර්මාණ හරහා තාරුණ්‍යයේ රසිකත්වය මොට කරපු නිර්වින්දිත සමාජයකට අවශ්‍ය මෙවන් පෙම්වතුන් පෙම්වතියන් නොවේද? ලියුම්කරු විදිහට හිත ගාව රැඳුණු හැම හැම වචනයකින්ම මා බලාපොරොත්තු වෙන්නෙත් තාරුණ්‍යයේ සිතුම් පැතුම් වෙනස් වීම තමයි. ඉතින් එන්න සොඳුරු හිත ගාවට. First they Ignore You , Then they Laugh at You, Then they Fight with you, Then You Win....

ham123

Veteran Member
Posts:1636

11 Feb 2015 08:35 PM	Quote Reply
lassana sinduvak. Sthuti ayye me vistara valata ~~~~ ඇසිල්ලක දුටු සිහිනෙන් හිත හුඟක් රිදුනා~~~~