Registered Members Only You should register with SL-Stun in order to view posts and open new topics. Please Signup with us now. Register
Forums Search ForumSearchAdvanced SearchTopicsPosts Unanswered Active Topics Prev Go to previous topic Next Go to next topic Last Post 07 Jun 2017 11:40 AM by Rosi පාට හතයි රස හතයි හත් මාළුව හදන්නේ මෙහෙමයි... 130 Replies Sort: Oldest First Most Recent First You are not authorized to post a reply. Page 2 of 7 << < 12345 > >> Author Messages indika76Most Senior MemberPosts:10449 11 Oct 2016 05:38 AM Posted By සඳුනි on 11 Oct 2016 05:20 AM කොල්ලන්ටම තනියෙන් හදන් කන්න කියමු නේද? කෙල්ලන්ට වඩා හොදට අපට උයන්න පුළුවන්... 0 Ind007kaMost Senior MemberPosts:12931 11 Oct 2016 05:43 AM බයවෙන්න දෙයක් නැහ බයිට් පැකට් තියෙන කල් First they Ignore You , Then they Laugh at You, Then they Fight with you, Then You Win.... 0 sha733Super Senior MemberPosts:7332 11 Oct 2016 05:45 AM සොසේජස් එකනං ගොඩක් ලේසියි. අනික බයිට් එකට මරැ 0 PoddiVeteran MemberPosts:2100 11 Oct 2016 05:58 AM මස් කන එක නවත්තන්න කලින් කියලා , දැන් මස් වලින් කෑම හදන හැටි දානවා ..... ********මගේ ලොව දිලෙන හිරුට සදුට ආදරෙයි මම පණ වගේම********* 0 DanuLiyanageVeteran MemberPosts:3457 11 Oct 2016 06:16 AM niyama recipy tikak thiynwa neda මොහොතක් වත් මා නොමැතිව ඉන්නට බැරි ඔබට, පුලුවන් උන හැටි පුදුමයි මාගෙන් සමුගන්න අඩියක් වත් මා නොමැතිව යන්නට බැරි ඔබට, පුලුවන් උන එක පුදුමයි මා මග හැර යන්න 0 hasithadSuper Senior MemberPosts:5795 11 Oct 2016 10:38 AM ෂා මරුනෙ. 0 ගීත්New MemberPosts:55 11 Oct 2016 11:41 AM නියමයි ලොකු ලොකු හෝටල් වලට යන්න ඕනෙ නෑ නෙ දැන් ගෙදරම හදාගන්න පුළුවන්නෙ 0 සඳුනිVeteran MemberPosts:2462 11 Oct 2016 11:52 AM Posted By indika76 on 11 Oct 2016 05:38 AM Posted By සඳුනි on 11 Oct 2016 05:20 AM කොල්ලන්ටම තනියෙන් හදන් කන්න කියමු නේද? කෙල්ලන්ට වඩා හොදට අපට උයන්න පුළුවන්... අනේ ඔයාගේ වයිප්ට කතා කරන්න පුළුවන් නම්බර් ඒකක් දෙන්නකෝ මම බෑ කිව්වේ නෑනේ ඉතිං.. දිනයක වැටහේවී........... 0 DanuLiyanageVeteran MemberPosts:3457 12 Oct 2016 05:55 AM කැමති නම් එන්නකො උයලා බලමු ඔන කෑමක් කියන්නකො මොහොතක් වත් මා නොමැතිව ඉන්නට බැරි ඔබට, පුලුවන් උන හැටි පුදුමයි මාගෙන් සමුගන්න අඩියක් වත් මා නොමැතිව යන්නට බැරි ඔබට, පුලුවන් උන එක පුදුමයි මා මග හැර යන්න 0 hasithadSuper Senior MemberPosts:5795 12 Oct 2016 08:15 AM ඇත්තට....ධනු මල්ලිටත් cook වැඩේ එහෙමත් පුලුවන් ඇතිනෙ. 0 DanuLiyanageVeteran MemberPosts:3457 12 Oct 2016 08:39 AM ආයෙත් අහලා අයියේ උයන්න නම් පුලුවන්. ඒත් උයන්නේ නැහැ නේ ඒක නිසා අමතක වෙලා යනවා. මොහොතක් වත් මා නොමැතිව ඉන්නට බැරි ඔබට, පුලුවන් උන හැටි පුදුමයි මාගෙන් සමුගන්න අඩියක් වත් මා නොමැතිව යන්නට බැරි ඔබට, පුලුවන් උන එක පුදුමයි මා මග හැර යන්න 0 සඳුනිVeteran MemberPosts:2462 13 Oct 2016 06:28 PM ධනු අයියා මටද අඩ ගැහුවේ උයන්න. හා හා මම ඒන්නම්කෝ. දිනයක වැටහේවී........... 0 DanuLiyanageVeteran MemberPosts:3457 14 Oct 2016 05:41 AM ඔව් ඔව් අපේ ගෙදර මම කුකරි ක්ලාස් එකක් කරනවා. එන්න. මොහොතක් වත් මා නොමැතිව ඉන්නට බැරි ඔබට, පුලුවන් උන හැටි පුදුමයි මාගෙන් සමුගන්න අඩියක් වත් මා නොමැතිව යන්නට බැරි ඔබට, පුලුවන් උන එක පුදුමයි මා මග හැර යන්න 0 samanthaMost Senior MemberPosts:13190 23 Oct 2016 12:16 AM රටට කරවල රස බෙදන පිටකොටුවේ කරවල මුඩුක්‌කුව රුවන් ජයවර්ධන ඡායාරූප - දිමුතු ප්‍රේමරත්න * තායිලන්තයෙන් විතරක් මාසෙකට හාල්මැස්‌සෝ ටොන් 1500 ක් ගේනව. * "කට්‌ට" කරවල කිලෝ 1000 ක් ගත්තොත් ලංකාවෙ "කට්‌ට" ඉන්නෙ කිලෝ 10 යි. * රටින් මාළු ගේනවා මෙහේ වේලනවා කරවල කියල විකුණනවා * ලෝකයෙන් වැඩිපුරම කරවල කන්නේ අපේ මිනිස්‌සු * අපි කරවල වේලනවා අඩුයි හැබැයි රසයයි, ගුණයයි ඉස්‌තරම් අපි......හාල්මැස්‌සන්ගෙන් පටන් ගමු.......සාමාන්‍යයෙන් එක මාසයක ලංකාවට තායිලන්තයෙන් විතරක් හාල්මැස්‌සෝ කරවල ටොන් එක්‌දහස්‌ පන්සීයක්‌ විතර ගෙන්වනව. සමහර කාලවලට ඊටත් වැඩි ප්‍රමාණ ගෙන්වන අවස්‌ථා තිබෙනව. ලංකාවට හාල්මැස්‌සෝ කරවල ගෙන්වන ප්‍රධානම රට තායිලන්තය. ඊට අමතරව මාලදිවයින පකිස්‌තානය ඩුබායි කියන රටවල් යම් තැනක්‌ ගන්නව. අපේ වෙළෙඳපොළට හාල්මැස්‌ස ආනයනය කරන තවත් රටක්‌ තමයි වියට්‌නාමය. ඔය.....සමහරු තායිවාන් හාල්මැස්‌ස කියල හාල්මැස්‌සො කරවල විකුණුවට තායිවානයෙන් අපේ රටට හාල්මැස්‌සො ආනයනය කරන්නෙ නෑ.....ඒක බොරුවක්‌. ලංකාවේ බත්පත රසකරන "කරවල හොද්ද" පිළිබඳ රසවත් තොරතුරු රැසක්‌ අනාවරණය කරමින් පිටකොටුව බංගසාල වීදියට යාබද ඕල්ඩ් බුචර් පටුමගෙහි පිහිටි විල්සන් ස්‌ටෝර්ස්‌හි අධිපති විල්සන් මහතා විසින් හාල්මැස්‌සන්ගෙන් ආරම්භ කළ හෙළිදරව්ව තෝරු, මෝරු දක්‌වා ඇදීගිය දිග කතාබහක්‌ විය. අපගේ හමුව සිදුවූයේ සතියේ දිනක බැවින් එවෙලෙහි ද බංගසාල වීදියත් එකල ඕල්ඩ් බුචර් මාවත ලෙසින් හැඳින්වූ අයි. එක්‌ස්‌. පෙරේරා මාවතත් රටේ නන් දෙසින් පැමිණි වෙළෙඳුන්ගෙන් අතුරු සිදුරු නැතිව පිරී පැවති බැවින් විල්සන් ස්‌ටෝර්ස්‌ අධිපති විල්සන් මහතා සහ මා අතර සිදුවූ කතාබහ ද වරින්වර අතරමග නතර කරමින් ඉදිරියට ඇදීගිය එකක් විය. එයට හේතු වී තිබුණේ එවෙලෙහි ද මහල් කීපයකින් යුත් විල්සන් ස්‌ටෝර්ස්‌හි තොග මිල ගණන් යටතේ කරවල මිලයට ගැනීම පිණිස විශාල පාරිභෝගික පිරිසක්‌ පැමිණ සිටීමය. පිටකොටුව ගෑස්‌පහ වීදිය පසුකොට මද දුරක්‌ ගියතැන "හෙට්‌ටි වීදිය" මුණගැසෙන අතර ඊට පෙර වම් අතට ඇති මාවත නම් කොට ඇත්තේ bankshall වීදිය නමින්ය. එය රටේ බොහෝ දෙනෙක්‌ තුළ ප්‍රකටව ඇත්තේ 'බංගසාල වීදිය' නමින්ය. රටට කරවල සපයන ප්‍රධානම තොග වෙළෙඳපළ පිහිටුවා ඇත්තේ බංගසාල වීදිය ආශ්‍රිතව වන අතර 'කරවල මුඩුක්‌කුව' නමින් ප්‍රකට ඕල්ඩ් බුචර් මාවත හෙවත් අයි. එක්‌ස්‌ පෙරේරා මාවත පිහිටා ඇත්තේ ද බංගසාල වීදියත්, පිටකොටුව ප්‍රධාන වීදියත් එකිනෙකට මුණගැසෙන අතුරු මාවතක්‌ පරිදිය. මේ සියලු තැන්හි බැලූ බැලූ අත දක්‌නට ලැබෙන්නේ විවිධ කරවල වර්ගවලින් පිරි වෙළෙඳසල් සමූහයක්‌ වන අතර අවටින් හමන සුළඟෙහි ද ඇත්තේ පිලීකාරම මුසු අමුතු සුවඳක්‌ය. අපි මුලින් කතා කළේ හාල්මැස්‌සන් ගැන හින්ද ඒක ඉවරකරලා ඉමු....යෑයි පවසමින් යළිත් විල්සන් මහතා කතා බහට එක්‌වන්නට වූයෙන් මම එයට බාධා කරමින් ඔහුගෙන් අතුරු පැනයක්‌ විමසීය. එහි අරමුණ වූයේ ඔහු පිළිබඳව පළමුව යම් වටහාගැනීමක්‌ ලබා ගැනීමය. "මම....මේ බිස්‌නස්‌ එකට එන්නෙ 1981 වර්ෂයේදී. මගේ ව්‍යාපාරයේ ආරම්භය මෙතන නොවෙයි. ඒ කාලේ මමත් මේ අද බඩුගන්න මෙතනට ඇවිත් ඉන්න මුදලාලිල වගේ පුංචි පහේ මිනිහෙක්‌. එහෙම පටන් ගත්ත ගමනක ප්‍රතිඵලය තමයි මේ තියෙන්නේ.....අපේ රටේ කවදත් කරවලවලට හොඳ ඉල්ලුමක්‌ තියෙනව. අද වෙනකොට මම කරවල පිටරටින් ගෙන්වන ව්‍යාපාරිකයෙක්‌ නිසා ලෝක මට්‌ටමින් ගත්විට කරවල පරිභෝජනය අතින් අපේ රට අංක එක බවට පත්වෙලයි තියෙන්නේ. මේක මම කියන කතාවක්‌ නොවෙයි. ජාත්‍යන්තර කරවල ව්‍යාපාරිකයන් ඉන්නෙත් ඒ මතයෙ. මම කරවල පිට රටින් ගෙන්වන බිස්‌නස්‌ එකට අත ගහන්නේ 1991 දී. ඒ වෙද්දී මට බංගසාල වීදියෙ කඩ තිබුණේ නෑ. එතනදී මම ගෙන්වන බඩුටික ගබඩාකරගන්න බිස්‌නස්‌ එක ඉදිරියට කරගෙන යන්න උදව් උපකාර කළේ අර.....එහා පැත්තෙ තියෙන නෙල්සන් ස්‌ටෝර්ස්‌ එකේ ප්‍රීමස්‌ අංකල් - මොකද? එදත් අදත් වැඩිපුරම මේ බිස්‌නස්‌ එක කරන්නෙ ද්‍රවිඩ ජාතික ව්‍යාපාරිකයෝ. අද වුණත් මේ කඩ අසූව සීය ගත්තත් සිංහල ව්‍යාපාරිකයන් ඉන්නෙ හතර පස්‌ දෙනයි. අපි ආපහු පටන් ගත්ත තැනට යමු...මම කිය කිය හිටියේ හාල්මැස්‌සො කරවල ගැනනෙ. මුලින් කිව්ව වගේ රටවල් කීපයකින් ප්‍රධාන වශයෙන් අපේ රටට හාල් මැස්‌සෝ ගෙන්වද්දී අපේ රටවටා ඇති මුහුදින් අල්ලන හාල්මැස්‌සන් වෙළෙඳපොළට එනව. විශේෂයෙන් අපේ රටේ හාල්මැස්‌සන් මාළු බහුලව පවතින මුහුදු ප්‍රදේශ තමයි මීගමුව, හලාවත, මොරටුව, පානදුර සහ මුලතිව්, එරාවුර් කියන ප්‍රදේශ. ඔය අතරින් රසින් වැඩි හොඳම තත්ත්වයෙන් යුත් හාල්මැස්‌සන් කරවලවලට ප්‍රසිද්ධම ස්‌ථාන දෙක තමයි මුලතිව් සහ එරාවුර් කියන ප්‍රදේශ දෙක. ඊළඟට පිට රටින් මෙරටට හාල්මැස්‌ස කරවල ගෙන්වද්දී අංක එක ගන්නෙ තායිලන්තය, ඊළඟට ඩුබායිවලින් එන හාල්මැස්‌ස, පකිස්‌තානය, ඉන්දියාව ඉන්නෙ ඊට පහළින්. කොහොමහරි ලංකාවෙ වෙළෙඳපොළේ තිබෙන කරවල වර්ග හතළිහක්‌ පනහක්‌ අතරින් එදත් අදත් වැඩිම ඉල්ලුමක්‌ තියෙන්නෙ හාල්මැස්‌සට. ඊළඟට අපිට එන කරවල අතර කට්‌ට, අඟුළුව, මෝර, බලයා කියන කරවල බහුලව එන්නෙ පකිස්‌තානයෙන්, ඉන්දුනීසියාවෙන් මෝර, හුරුල්ල ගෙන්වනව. ඊට අමතරව මාලදිවයිනෙන් බලය සහ කෙලවල්ල කරවල ගෙන්වනව. මාලදිවයිනේ කරවල කවදත් රසින් හොඳයි හැබැයි මිලෙන් වැඩියි. බල කරවල අපේ රටට බහුලව ගෙන්වන තවත් රටක්‌ තමයි පකිස්‌තානය. කරච්චියෙන් ගෙන්වන බලය රසින් අඩුයි. ඉන්දියාව ගත්තොත් ගුජරාට්‌, බොම්බෙ කියන පළාත්වලින් මෙරටට ගෙන්වන කරවලවලට හොඳ ඉල්ලුමක්‌ පවතිනව. මොකද ඒ කරවල රසින් හොඳ හින්ද. ඊට අමතරව තූත්තුකුඩියෙනුත් අපේ රටට කරවල එනව. මොන දීපංකරෙන් ආවත් ඔය සෑම කරවල වර්ගයක්‌ම මෙරට පාරිභෝගිකය අතට පත්වෙන්නේ බංගසාල වීදියයි 'කරවල වාඩිය' කියල හඳුන්වන මේ අවට ප්‍රදේශයයි හරහා විතරයි. විල්සන් මහතා මෙතෙක්‌ කරගෙන ආ කතාව මදක්‌ නතර කළ අතර එය අතුරු ප්‍රශ්නයක්‌ නැඟීමට හොඳම අවස්‌ථාව විය. මා නැගූ පැනය වූයේ දේශීය වශයෙන් බහුලව නිපදවන කරවල වර්ග කවරේ ද යන්නයි. මෙහෙමයි......ලංකාවෙ කරවල කර්මාන්තය නැතුව නෙවෙයි. මම මුලින් කිව්වනේ හාල්මැස්‌ස කරවල බහුලව ලැබෙන ප්‍රදේශ මොනවද කියල. ඒ වගේම තමයි හලාවත, මීගමුව ගත්තොත් හුරුල්ල, සාලය, ලින්න, මුහුදු කුකුළා වැනි කරවලවලට ප්‍රසිද්ධයි. ඊට අමතරව දින විස්‌ස තිහ මුහුදු ගිහිල්ල අල්ලන බලයට ලුණු ගහල මුහුදෙම වේලල ගෙනවිත් බෝට්‌ටු බලය කියල වෙළෙඳපොළට එවනව. ඊට අමතරව මාළු කඩෙන් බල මාළු අරන් ගිහින් ඒවාට ලුණු ගහල වේලල වෙළෙඳපොළට එවන පිරිසකුත් ඔය අතරේ ඉන්නව. ඒ හින්ද බිස්‌නස්‌ එකේදී පාරිභෝගික විශ්වාසය රැක ගන්නනම් මේ හැම දෙයක් පිළිබඳව හොඳ අවබෝධයක්‌ තියෙන්නම ඕන. මීගමුව, හලාවත පැත්තෙන් එන සාලය හුරුල්ල වගේ කරවල ගත්තත් මේවයෙ වර්ග කීපයක් තියෙනව. කොහොම වුණත් ලාභෙට තිබෙන කරවල රසින් අඩුයි. රසින් වැඩි කරවල හොද්දක රහ බලන්න නම් තත්ත්වයෙන් උසස්‌ දේ මිලට ගන්නම වෙනව. වෙළෙන්ඳගෙන් වෙළෙන්ඳට බිස්‌නස්‌ එක වෙනස්‌නෙ. සමහරු බලන්නේ වැඩි ලාභය, තවත් පිරිසක්‌ අඩු ලාභය වැඩි වෙළෙඳම. ඒ ඕනම දේකට හරියන කොලිටිය මෙහේ තියෙනව. උදාහරණයක් කියන්නම් කට්‌ට කරවල කියමුකෝ, ලංකාවෙන් හම්බවෙන කට්‌ට කරවල රසින් ඉතාමත් ඉහළයි. හැබැයි ලංකාවෙ 'කට්‌ට' කියල විකුණන කරවල කිලෝ දාහක්‌ ගත්තොත් එතන ඇත්තටම ලංකාවෙ මුහුදෙන් හම්බවෙන කට්‌ට කරවල කිලෝ දහයක්‌වත් නෑ. පිටරටින් කට්‌ට මාළු ගෙන්වල ඒවා මීගමුව වගේ ප්‍රදේශවලට යවල ඒවා වේලල තමයි ලංකාවෙ කට්‌ට කියලා විකුණන්නේ. ඉස්සර වගේ නෙවෙයි ඇතැම් ව්‍යාපාරිකයෝ මහා පරිමාණයෙන් පිටරටින් මාළු ගෙන්වල ලංකාවේදි ඒවා කරවල බවට පත් කරල විකුණනව. ඒක හඳුනගන්න පුළුවන් එකම ක්‍රමය තමයි රසවත් බවින් අඩුවීම. ඒකෙන් වෙන හානිය තමයි තරමක්‌ දුරට හෝ කරවල වෙළෙඳපොළ බිඳවැටීම. සමහර ව්‍යාපාරිකයන් එහෙම කරන්න පෙළඹිල තියෙන එක හේතුවක්‌ තමයි මොනවහරි විකුණලා තමන්ගේ ලාභය වැඩිකර ගැනීම. අද වෙනකොට පිටරටින් කරවලවලටත් වඩා බහුල ලෙස කට්‌ට, මෝර, අඟුළු, බලය, තලපත් කියන මාළු වර්ග ගෙන්වල ඒවා ලංකාවේදී කරවල බවට පත්කරනව. ඇත්තම කියනවනම් ඒක වරදක්‌. මොකද ඔය හේතුන් නිසා කරවල පිළිබඳ පාරිභෝගිකයන්ගේ තිබුණු විශ්වාසය අඩුවෙලයි තියෙන්නේ. හැබැයි මෙහෙම දෙයක් තියෙනව, අවුරුදු තිහ හතළිහක්‌ තිස්‌සේ මේ බිස්‌නස්‌ එකේ ඉන්න කිසි කෙනෙක් තත්ත්වයෙන් අඩු කරවල පාරිභෝගිකයන් අතට පත් කරන්නෙ නැහැ. ඒ අය එදත් අදත් තමන්ගෙ නම කැත කරගන්නෙ නැතුව හරිදේ අලෙවි කරල මිනිස්‌සුන්ගේ විශ්වාසය දිනාගත්ත පිරිසක්‌. ඔය කොයි ආකාරයට ආවත් මෙතනදී සිද්ධ වෙන්නෙ එහෙම එන කරවල රට පුරා බෙදාහැරීමනෙ. මෙතැන තොග සහ සිල්ලර කියන දෙවිදියටම බිස්‌නස්‌ එක වෙනව. හැබැයි තොග වෙළෙඳම තමයි බහුලව සිද්ධ වෙන්නෙ. එතනදී මතක්‌ කළ යුතු විශේෂ කරුණක් තමයි ලංකාවේ ඒ ඒ පළාත්වල බහුලව විකිණෙන කරවල වර්ග තියෙනව. උදාහරණයක් විදියට බස්‌නාහිර පළාත ගත්තොත් කට්‌ට, තලපත්, තෝර, පරව් විශේෂයි. මේ පළාතෙ වැඩිපුර අලෙවියක්‌ තියෙන්නෙ ඔය කියන කරවල වර්ගවලට. යාපනය පැත්ත ගත්තොත් කොළඹින් ඒ පැත්තට වැඩිපුරම යන්නෙ හාල්මැස්‌ස, පරව්, කට්‌ට වගේ කරවල වර්ග. ඒ වගේම තමයි රජරට පැත්තෙ වැඩිම ඉල්ලුම තියෙන්නෙ මෝර, අඟුළුව, බලය, හුරුල්ල. වයඹ පැත්ත ගත්තොත් බස්‌නාහිරට සමාන වර්ගවලට ඒ පැත්තත් ප්‍රසිද්ධයි. ඔය වගේ පළාතෙන් පළාතට ඒ අයට අවේණික රස තියෙනව. මාතර පැත්ත ගත්තොත් කට්‌ට, තලපත්වලට ඉල්ලුම අඩුයි. ඒ පැත්තෙ වැඩිපුරම ඉල්ලුම තියෙන්නෙ කෙලවල්ල, බලය, ලින්න, බොම්බිලි වැනි කරවල වර්ගවලට. ඔය වගේ පළාතෙන් පළාතට ආවේණික රසයන් තියෙනව. රටේ කොතැන මොන වර්ගයේ කරවල විකුණුවත් ඒවා ඒ ඒ පළාතට යන්නෙ මෙතනින්. ඒ හින්ද තමයි රත්තරන්වලට හෙට්‌ටි වීදිය ප්‍රසිද්ධ වෙලා තියෙනව වගේම කරවලවලට බංගසාල වීදිය ප්‍රසිද්ධ වෙලා තියෙන්නෙත්....... ව්‍යාපාර ආරම්භයේදී 'හාල්මැස්‌සකු' තරමේ කුඩාවට ඇරඹි තම ව්‍යාපාරය මේ වන විට දැවැන්ත ව්‍යාපාරික ජාලයක්‌ දක්‌වා ව්‍යාප්ත කොට ඇතත් විල්සන් ස්‌ටෝර්ස්‌ අධිපති විල්සන් මහතාගේ කතා බහ තුළත්, ඇඳුම පැළඳුම ආදියේත් දක්‌නට ලැබුණේ ඔහු ඉතාමත් සරල ජීවිතයක්‌ ගතකරන සුහදශීලී පුද්ගලයකු බවය. අපේ රස නහරවලට එකතු වී ඇති "කරවල සුවඳ" සොයාගිය ගමනේදී තවත් ව්‍යාපාරිකයන් රැසක්‌ රටේ නන්දෙසින් පැමිණි තොග වෙළෙඳුන් පමණක්‌ නොව එදිනෙදා පරිභෝජනය සඳහා තම නිවෙස්‌ වෙත කරවල ටිකක් රැගෙන යැම ආදිය සඳහා පැමිණි බොහෝ දෙනෙක්‌ සමගින් අපි කතාබහ කළ අතර ඒ සෑම මුවකින්ම පිටවූ පොදු ප්‍රකාශයක්‌ වූයේ දුගී පැලේ පටන් රජමැති ඇමැති සිටුවරු වෙසෙන තැන්වල පවා පදමට ලුණු ඇඹුල් තුනපහ ගොරක සමඟ මුසුවී 'කරවල හොද්ද' ඉදෙන බවත් එය දේශීය බත්පත රසවත් කිරීම පිණිස ඇති ප්‍රධානම රසයක්‌ බවත්ය. සොබාදහමට රහස්‌ ගනුදෙනු ඇත. සාගරයත් ගොඩබිමත් එකිනෙකට මුණගැසෙන වෙරළ මත සයුර ඉතිරිකර යන්නේ සුදු පෙන පිඩුම පමණක්‌ නොව රහස්‌ කෙඳිරුම් ද එහි තබා යනවා විය හැක. සයුර මහපොළොවට තම ලෙහිහොවා වැඩූ මත්ස්‍ය සම්පත දන්දෙන්නෙත් එය මාළු කරවල බවට පත්කරමින් කෝටි සංඛ්‍යාත මිනිසුන්ගේ බත්පත රස කරන්නෙත් මහ සයුරත් ඉන් තුනෙන් එකක් වූ ගොඩබිමත් සමඟ ඇතිකරගත් රහස්‌ ගනුදෙනුවක්‌ නිසාවෙන් විය හැක. සොබාදහමට කතා කළ හැකිනම් ඒ රහස්‌ අපටද මුමුනනු ඇත. සියළුදෙනාටම සෙතක් ශාන්තියක් සැලසේවා!!!! 0 chamaramindMost Senior MemberPosts:13471 23 Oct 2016 12:21 AM ඔය පැත්තේ නම් කරවල සුවද.යන්න බෑ ආදරෙයි ආදරෙයි අහස වගේ - ආදරෙයි ආදරෙයි අම්මට වගේ....... 0 smt90Veteran MemberPosts:1736 23 Oct 2016 12:37 AM මම නම් කරවල කන්නේ නැ පොස්ට් එකට ස්තුතියි 0 samanthaMost Senior MemberPosts:13190 23 Oct 2016 01:00 AM නිවසේ ආහාර නාස්තියට මේ පිළියම් යෙදුවොත් පර්ස් එකටත් සෑහෙන වාසි වෙයි කෑම කියන්නෙ අපිට අත්‍යවශ්‍යම සාධකයක්. ලෝකෙ විනාස වෙන දවසෙ උනත් අපි අපේ කෑම වේල් නම් මිස් කරන එකක් නෑ. කෑම ඒ තරමටම අපේ ජීවිතවලට සම්බන්ධයි. අපි කෑමට ගන්නා ආහාර ගැන අපි නොයෙක් විදිහට හිතනවා. රසට කෑම හදන හැටි,පෝෂණය ලබාගන්න සහ නොයෙක් රෝගාබාධ වලට හොඳ කෑම ගන්න හැටි ගැන අපි අන්තර්ජාලය පවා පීරල හොයනව. මේ සියල්ලක්ම ගැන හිතුවත් ආහාර සම්බන්ධයෙන් අපි අඩුවෙන්ම අවධානය යොමු කරන එක් කරුණක් තියනව. ඒ තමයි ආහාර නාස්තිය ( food wastage ) අවම කරගැනීම. මේක ඉතාම වැදගත් කරුණක්. විශේෂයෙන්ම ඔබේ ආර්ථිකයට ඔබ හිතනවාට වඩා බලපාන කරුණක් තමයි මේ ආහාර නාස්තිය. අපි අද ඔබට ගෙන එන්නේ ඔබේ නිවසේ ආහාර නාස්තිය අවම කරගන්න පොඩි උපදෙස් ටිකකුයි. මේ දේවල් මේ විදිහට පිළිපැදලා මාසෙ අන්තිමට බලන්නකො. අනිවා ඔබේ ආර්ථිකයට දැනෙන වෙනසක් වෙලා තියේවි. 1. ආහාර මිලදී ගැනීමේ ලැයිස්තුවක් හදන්න Source – lifeinyellow.com නිවසේ ආහාර නාස්තිය අවම කරගන්න වැඩේ පටන් ගන්න වෙන්නෙ නිවසෙන් නම් නෙමෙයි. ඒ ස්ථානය තමයි ඔබ ආහාර ද්‍රව්‍ය මිලදී ගන්නා වෙළදසැල. ඔහේ හිතුමතේ ආහාර ද්‍රව්‍ය මිලදී ගන්න යන්නෙ නැතිව ඒ තැනට සැලසුමක් ඇතිව යන එක තමයි වැදගත් වෙන්නෙ. ඕනෑවට වඩා ආහාර ද්‍රව්‍ය මිලදී ගන්න යන්න එපා. ඔබ ආහාර ද්‍රව්‍ය මිලදී ගන්න යන්නේ සතියකටනම් ඒ සතිය තුළ ගෙදර පිළියෙල වෙන ආහාර වේල් ගැන සිතින් පොඩ්ඩක් ගණන් හදලා පොඩි ලැයිස්තුවක් හදාගන්න. මස් මාලු, එළවලු වගේ ඉක්මනින් නරක් විය හැකි ආහාර අවශ්‍ය ප්‍රමාණයට විතරක් ගන්න. 2. කඩේ යාම Source – independent.co.uk ආහාර ද්‍රව්‍ය මිලට ගන්න වෙළඳ සැලකට යන්න කලින් අවධානය යොමු කල යුතු ප්‍රධාන දෙයක් තියනවා. ඒ තමයි ආහාර ද්‍රව්‍ය මිලදී ගන්න යද්දි කිසිම වෙලාවක බඩගින්නෙ නම් යන්න එපා කියන එක. මොකද කුසගින්නේ පසුවෙද්දි අනවශ්‍ය විදිහට ආහාර ද්‍රව්‍ය මිලදී ගැනෙන්න තිබෙන ඉඩ බොහොම වැඩියි. ආහාර මිලදී ගැනීමේදී නිතරම කල් ඉකුත්වීමේ දිනය පරික්ෂාවට ලක් කරන්න මතක තියාගන්න. ඒ වගේම තමයි එළවලු මිලට ගැනීමේදී ලැජ්ජා වෙන්නෙ නැතිව තමන්ට අවශ්‍ය ප්‍රමාණ විතරක් ගන්න. උදාහරණෙකට තනි පුද්ගලයෙක් ලොකු ග්‍රෑම් ගානක එළවලු ගන්න එක තේරුමක් නෑ. පැකට් ගණන් ගන්න ඒවා පාචිච්චියට ප්‍රමාණෙන් වැඩිනම් ලූස් ගන්න පුලුවන් 3. ආහාර ඇසිරීම සහ ගබඩාකිරීම Source – pinterest.com ආහාර වර්ග ඇසිරීමේ වැරදි නිසාත් හුඟක් වෙලාවට අහාර නාස්ති වෙනවා. මස්, මාළු වගේ දේවල් ගෙදරට ගෙනාව හැටියෙම ඔබට වේලකට අවශ්‍ය ප්‍රමාණ වලට වෙන් කරල වෙන වෙනම ඇසුරුම් කරල අධිශීතකරණයේ තැන්පත් කරන්න. කිරි, බිත්තර වගේ දේවල් ශීතකරණයේ දොරෙහි නිසි තැන තැන්පත් කරන්න. එළවළු වර්ග වෙන වෙනම මලු වල අසුරා එළවළු සඳහා ඇති කොටසේ තැන්පත් කරන්න. ඉක්මණින් තැලෙන තක්කලි, සලාද කොළ වගේ දේවල් එහි උඩින්ම තබන්න. හුළං නොවදින්න ඇසුරුම් කළ යුතු දේවල් එයා ටයිට් බෑග් වල හෝ බෝතල් වල අසුරන්න. සීනි, බිස්කට් ආදී පැණි රස ද්‍රව්‍ය කූඹින් වැනි සතුන්ගෙන් ප්‍රවේසම් වන ලෙස අසුරන්න. 4. වැඩිපුර ඉතිරි වෙන කෑම වලින් ලෙෆ්ටෝවර් හදාගැනීම Source – foodnetwork.com ඉස්සර නම් ගෙදරකට කෙනෙක් ගොඩ වෙන්නෙ කලින් දැනුම් දෙන්නෙ නැතුවමයි. එහෙම ආවත් දෙතුන් දෙනෙක්ට කන්න ඇති තරම් වැඩිපුර කෑම හුඟක් වෙලාවට අම්මලා ගෙදර හදල තියෙනවා. නමුත් කාර්යබහුලකම එක්ක මේ සිරිත් දැන් වෙනස් වෙලා. ගෙදරකට ගොඩ වෙන්න කලින් කෝල් එකක් දීලයි ඕනම කෙනෙක් එන්නෙ. ඉතින් එහෙම එකේ වැඩිපුර උයලා අහක දාන්න එපා. ගෙදර ඉන්න ප්‍රමාණෙට උයන්න හුරු වෙන්න. එහෙම උයලත් ඉතිරි වෙන කෑම වලින් වෙනත් කෑමක් හදාගෙන රස බලන්න. 5. ආහාර කල්තබා ගැනීමේ ක්‍රම Source – recipeshubs.com, salkkaaram.com සමහර ආහාර නිකම්ම තිබ්බම වැඩි කාලයක් තියාගන්න බෑ. එහෙම දේවල් අසුරන්න සහ කල් තියාගන්න අපිට වෙන විදියකට සකස ගන්න පුළුවන්. උදාහරණයක් කිව්වොත් කරපිංචා හොඳට සෝදලා පවනේ වේලලා වීදුරු බෝතලේක දාල ශීතකරණයේ දැමීමෙන් වෙනදට වඩා කාලයක් පාවිච්චි කරන්න පුළුවන්. කෙසෙල් ගෙඩි ගෙනාවම කාලා ඉවර වෙන්න කලින් කලු වෙලා ඉක්මණින් නරක් වෙනවා නේද? මීට පස්සෙ කෙසෙල් ගෙනාවම කෙසෙල් වල නැට්ට පැත්ත විතරක් Clear Wrap වලින් එහෙමත් නැත්නම් තුනී පොලිතින් එකකින් හොඳින් ආවරණය කරල තියන්න. වැඩි කලක් තියාගන්න පුළුවන්. ඒ වගේම සුදු ලූනු, අමු මිරිස්, තක්කලි වගේ ආහාර අච්චාරු වගේ දේවල් දාලා කල් තියාගන්න පුළුවන්. ඒ ගැන අපි ඉදිරි ලිපියකින් වඩා පැහැදිලිව කියන්නම්. 6. නිතර ඉතිරි වෙන දේවල් ගැන සටහනක් Source – mashable.com සතියකට අවශ්‍ය එළවළු, මස්, මාළු ගෙනාවට පස්සෙ සමහර එළවළු, මාළු වර්ග ගෙදර අය ඒ තරම් ප්‍රිය නොකිරීම නිසා ඒ වගේ දේවල් වැඩිපුර අහක දාන්න උනා හෝ ඉතුරු උනා නම් ඒ ගැන සටහනක් තියාගන්න. නැවත ඒ දේවල් මිලදී ගන්න කොට ඔබට අවශ්‍ය ප්‍රමාණය විතරක් ගන්න හෝ ඒ දේ නොගෙනම ඉන්න මතක තබාගන්න පුළුවන්. 7. ආහාර පුරුදු Source – abcnews.go.com කෑම ගනිද්දි තමන්ට ප්‍රමාණවත් පමණට විතරක් බෙදාගන්න. ඒ ගැන සැකයක් තියනවනම් ටිකක් අඩුවෙන් කෑම බෙදාගෙන ආහාරයට ගන්න. මදි උනොත් විතරක් නැවත වරක් බෙදාගන්න. කන්න බැරි තරම් පිඟානට බත් බෙදාගෙන අනල ඉතිරි කිරීමෙන් ඒ ආහාර එහෙමම යන්නෙ කුණු කූඩෙට. මොකද Leftovers වලින් ආහාර හදන්නවත් පසුව ආහාරයට ගැනීමට ශීතකරණයේ දාලා පාවිච්චි කරන්නටත් ඒ කෑම සුදුසු නොවන නිසා. සියළුදෙනාටම සෙතක් ශාන්තියක් සැලසේවා!!!! 0 samanthaMost Senior MemberPosts:13190 23 Oct 2016 01:01 AM පොඩ්ඩන්ටම කියාපු මේ ස්නැක්ස් 6 හැදුවොත් පොඩ්ඩෝ කෑමට වැඩ්ඩෝ වෙනවා නිසැකයි පොඩ්ඩොන්ට කෑමක් කවා ගන්න එක යුද්ධයක් කරනව වගේ. හැබැයි ඉතින් එක එක විදියට එයාලටම අතට අරන් කන්න පුළුවන් තාලෙට මොනා හරි හදල දුන්නොත් නොකා ඉන්නෙත් නෑ. බත් කවා ගන්නම බැරි පොඩ්ඩෙක්ට මොන හරි කමක් නෑ කනවනම් කියලයි හුඟක් අම්මල කියන්නෙ. එහෙම හදන්න පුළුවන් පොඩි පොඩි ස්නැක්ස් රෙසිපි ටිකක් තමයි අද මේ කියන්න හදන්නෙ. 1. Buttermilk Hush Puppies Source – wideopencountry.com මේ විදියට හදලා සෝස් ටිකක් එක්ක හරි නැතුව හරි දීල බලන්නකො කන්නෙ නැද්ද කියල අවශ්‍ය ද්‍රව්‍ය ෆ්‍රෙශ් මිල්ක් කප් 1 දෙහි යුශ මේස හැඳි 1 පිටි කප් 2 බේකින්ග් සෝඩා තේ හැඳි 1\2 ලුණු තේ හැඳි 1\2 සිහින්ව කපාගත් එලවළු වර්ග කීපයක් කප් 1\2ක් (පොඩ්ඩො වැඩිය කන්න අකමැති ඒත් එයාලට ගුණ පලා වර්ගයක් එහෙමත් එකතු කරන්න පුළුවන්) ෆ්‍රෙශ් මිල්ක් වලින් මේස හැන්දක් ඉවත් කර එයට දෙහි යුශ මේස හැන්දක් එක කර පැය භාගයක් පමණ තියන්න. (බටර්මිල්ක් ගෙදරදීම හදාගන්නෙ මෙහෙමයි) පසුව එයට අනෙක් සියළු ද්‍රව්‍ය එක් කර හොඳින් මිශ්‍ර කරගන්න. මේ මිශ්‍රණයෙන් මේස හැන්දක පමණ ප්‍රමාණයක් හොඳින් රත් වූ තෙල් වලට දමා රන්වන් පැහැ වන තුරු ගැඹුරු තෙලේ බැදගන්න. 2. Easy Mini Pizza Source – foodnetwork.com පීසා එපා කියන්නෙ මොන පොඩ්ඩද? ඕනෙම එළවළුවක් දාලා දීල බලන්න මේ වගේ මිනි පීසා එකකට, බැහැයි නොකිය කයි. අවශ්‍ය ද්‍රව්‍ය පිටි කප් 1 බේකින්ග් පව්ඩර් මේස හැඳි 1\2 යෝගට් කප් 1 (මෙශරින් කප්) තක්කලි සෝස් කැමති මස් වර්ගයක් හෝ සැමන් නිවිති කොල ටිකක් සිහින්ව කපාගත් කැරට්, ලීක්ස් සහ ලූණු මොසරැල්ලා චීස් පිටි, බේකින්ග් පව්ඩර් සහ යෝගට් එකට මිශ්‍ර කර ඩෝ එක සාදාගන්න. එය තෙත රෙද්දකින් වසා පසෙකින් තබා ගන්න. (අවම විනාඩි 15ක්) මස් හෝ සැමන් ටික ලූනු, කැරට්, ලීක්ස් සහ නිවිති සමඟ ලුණු ටිකක් එක් කර තෙම්පරාදු කරගන්න. (කැමති ඕනෑම එළවළු වර්ගයක් පාවිච්චි කරන්න පුළුවන්) සාදාගත් ඩෝ එකෙන් කුඩා කොටසක් ගෙන එය අල්ලක පමණ ප්‍රමාණයට පැතලි කර රොටියක් ආකාරයට සාදා ඒ මත තක්කලි සෝස් තවරාගන්න. එයට උඩින් සාදාගත් තෙම්පරාදුව දමා මොසරැල්ලා චීස් උඩින් දමා සෙල්සියස් 180ට රත් කරගත් උඳුනක දමා විනාඩි 20ක් පුළුස්සා කරගන්න. 3. Fried Bread and Cheese Balls Source – sophnstuff.wordpress.com සැන්ඩ්විචස් හදල දීලත් කන්න බෑ කියන පොඩ්ඩන්ට මේ විදියට රෑ කෑමක් හදල දුන්නොත් එයාලගෙ බඩත් පිරෙනව අම්මලගෙ හිතත් පිරෙනව. අවශ්‍ය ද්‍රව්‍ය පාන් පෙති කීපයක් චීස් වෙජස් තම්බා පොඩි කරගත් අල තම්බා පොඩි කරගත් චිකන් සිහින්ව කපාගත් පාස්ලි කොල ටිකක් ලුණු සහ ගම්මිරිස් කුඩු ටිකක් බිත්තරයක් පාන් කුඩු චීස්, අල සහ මස් ටික බෝල් එකකට දමා එයට රස අනුව ලුණු සහ ගම්මිරිස් එක කර හොඳින් මිශ්‍ර කරගන්න. එයට කුඩාවට කඩාගත් පාන් එක් කර කට්ලට් මෙන් බෝල සාදාගන්න. සාදාගත් බෝල බිත්තර සාරු වල දවටා පාන් කුඩු තවරා ගැඹුරු තෙලේ රන්වන් පැහැ වනතුරු බැදගන්න. 4. Honey and banana Pita Bread Source- yummly.co.uk මේ වෙනුවට ඕනෙම පිරවුමක් එකතු කරගන්න පුළුවන්. කැමති පලතුරක් හෝ එලවළුවක් එහෙමත් නැත්නම් මස් හෝ මාළු වර්ගයකින් ගැලපෙන්න පීටා බ්‍රෙඩ් එක පුරවල හදන්න. අවශ්‍ය ද්‍රව්‍ය පීටා බ්‍රෙඩ් ඉදුණු කෙසෙල් මී පැණි බටර් මෙන්න මේ රෙසිපියේ ඇති අන්දමට කුඩා ප්‍රමාණයේ පීටා බ්‍රේඩ් සාදාගන්න. එය දෙකට කපා මැදින් ඇති පොකට් එක තුලට බටර් තවරා පෙති කපාගත් කෙසෙල් පුරවා එයට මී පැණි එක් කර ගන්න. 5. Pineapple and Honey muffins Source – ahintofhoney.com පැණි රස කෑමකට පොඩ්ඩො ඕනෙම වෙලාවක හා කියනව. හවසකට එහෙමත් නැත්නම් පොඩ්ඩන්ගෙ පොඩි පහෙ උත්සවයකට මේ වගේ දෙයක් හදල දෙන්න එච්චරම අමාරු නැහැ. අවශ්‍ය ද්‍රව්‍ය බිත්තර 2 බටර් කප් 1\2 පාන් පිටි කප් 1 1\2 කුඩාවට කපාගත් අන්නාසි කප් 3\4 (කැමති පලතුරු වර්ගයක් ගන්න පුළුවන්) සීනි කප් 1\2 බේකින්ග් පව්ඩර් තේ හැඳි 1 බේකින්ග් සෝඩා තේ හැඳි 1\4 කුඩාවට කපාගත් කජු ස්වල්පයක් බටර්, සීනි සහ බිත්තර හොඳින් බීට් කරගන්න. එයට පිටි, බේකින්ග් පව්ඩර් සහ බේකින් සෝඩා එක් කර හැන්දකින් කලවම් කරගන්න. කපාගත් කජු සහ පලතුරු එක් කර හොඳින් මිශ්‍ර කරගන්න. බටර් තවරාගත් මෆින් ට්‍රේ එකකට මිශ්‍රනය දමා සෙල්සියස් 170ට පේර රත් කරගත් උඳුනක විනාඩි 20-25ක් බේක් කරගන්න. නිවුණු පසු මී පැණි උඩින් වත් කරගන්න. 6. පැණි දෙල් Source – upcscavenger.com උඩින් කියපු අළුත් අළුත් කෑම එක්කම අපි පොඩි කාලෙ කාපු කෑමකුත් පොඩ්ඩොන්ට හදල දෙමුද? හවසකට මෙහෙම දෙයක් හදල දුන්නොත් පොඩ්ඩො ආසවෙන් කයි අපේ පුංචි කාලෙ අපි කෑවා වගේම. අවශ්‍ය ද්‍රව්‍ය තීරු කපා ගත් දෙල් සීනි කප් 1 ලුණු චුට්ටක් කහ චුට්ටක් තීරු කපා ගත් දෙල් වලට ලුණුයි කහයි ටිකක් දාල මිශ්‍ර කරගෙන රන් වන් පාට එනකම් ගැඹුරු තෙලේ බැදගන්න. සීනි කප් එකට වතුර කප් 1\4ක් එකතු කරල සාමාන්‍ය ගින්දරේ උණු කරගන්න. හැන්දෙන් උඩට උස්සද්දි නූලක් වගේ වැක්කෙරෙන පදමට ආවම තවත් විනාඩි දෙකක් විතර තියෙන්න ඇරල ඒකට බැදගත්තු දෙල් ටික දාල කලවම් කරගන්න. නිවෙන්න තියල කෑමට ගන්න. කැමති නම් සීනි උණු කරල දානව වෙනුවට ලුණු කුඩු මිරිස් කුඩු ටිකක් බැදපු දෙල් වලට දාල ටිකක් සැරට කන්න ගන්නත් පුළුවන්. මේක නම් ලොක්කොත් එපා නොකියා කන කෑමක්. සියළුදෙනාටම සෙතක් ශාන්තියක් සැලසේවා!!!! 0 DanuLiyanageVeteran MemberPosts:3457 23 Oct 2016 01:36 AM owayn godak ewa kaala thiyenawa මොහොතක් වත් මා නොමැතිව ඉන්නට බැරි ඔබට, පුලුවන් උන හැටි පුදුමයි මාගෙන් සමුගන්න අඩියක් වත් මා නොමැතිව යන්නට බැරි ඔබට, පුලුවන් උන එක පුදුමයි මා මග හැර යන්න 0 hasithadSuper Senior MemberPosts:5795 23 Oct 2016 08:26 AM මේවා පොඩ්ඩන්ට විතරක් නෙමෙයි අපටත් කන්න හිතෙනවා දැක්කම. මොසරැල්ලා චීස් මෙහෙ තියෙනවද දන්නෑ...... 0 You are not authorized to post a reply. Page 2 of 7 << < 12345 > >> Forum Support --Announcements --Stun Support Forum STUN MEMBERS AREA --Welcome to the Stun Community --General Discussions --Wishes --Suggestions for Stun --ස්ටන් සුහද හමු News and Discussions --News Discussions --Srilankan News --World News -- Sports News --Political News Room Fun, Humor and Games --Humor --Games and Quiz Games ----ස්ටන් අවුරුදු උත්සවය --Hobbies SL-Stun Audio --Audio - Sinhala --Audio - English -- Audio - Hindi and Tamil - --Audio - Instrumental SL-Stun Video Beautiful Sri Lanka --Beautiful Nature in Sri Lanka --Wild Life --Srilankan Heritage --Accomodations, Bunglows, Rest ... --Sri Lankan Events and Culture Aviation and Transportation --Aircrafts and Airports --Automobiles Health and Beauty --Health Corner --Your Beauty Creative Zone --Poems --Short stories --Lyrics --Song Chords --Creative Ideas --Story Teller Books and E-Books --Sinhala Novels --English Books --Educational Books --Non-Fiction Books Technical Area and Science --PC, Mac, Linux & Software --Gadgets and Cameras --Science and Education --Mobile Phones,Games and Applic... Art and Culture --Arts and Crafts ----ආදරවන්තයින්ගේ අඩවිය --Photography --Interviews with Stars --World Heritage Religions -- Buddhism ----ස්ටන් වෙසක් කළාපය --Christianity ----ස්ටන් එක්ක නත්තල් --Islam --Hinduism Sri Lankan History --National Heroes Food and Beverages --Recipes Default Group --Sample Forum 1 --Sample Forum 2 --Sample Forum 3 Default Group --Sample Forum 1 --Sample Forum 2 --Sample Forum 3 Default Group --Sample Forum 1 --Sample Forum 2 --Sample Forum 3 Default Group --Sample Forum 1 --Sample Forum 2 --Sample Forum 3 Default Group --Sample Forum 1 --Sample Forum 2 --Sample Forum 3 Default Group --Sample Forum 1 --Sample Forum 2 --Sample Forum 3 Forums Food and Beverages Recipes