වෛද්‍ය පර්යේෂණ ආයතනයේ වාර්තාවලට අනුව වෛරස්‌ ඛාණ්‌ඩ 4 ක්‌ ඉන්ෆ්ලූඑන්සා උණ රෝගයට හේතු වී තිබේ. මෙහි රෝග කාරකය ලෙස නියුමොකොකල් වෛරසය, ඇඩිනො  වෛරසය ,රෙස්‌පිරේටරි සින්සිටියල්  සහ ඉන්ෆ්ලූඑන්සාව වෛරසය හඳුනා ගෙන ඇත. ශ්‍රී ලංකාවේ පසුගිය වසර කීපයකම වාර්තා ගත්කල මැයි, ජූනි සහ ජූලි යන මාසවල ඉන්ෆ්ලූඑන්සාව රෝගය වඩාත් ව්‍යාප්ත වී ඇති බවට වාර්තා ඇත.
 
 RSV වෛරසය මගින් ඇති කරන ඉන්ෆ්ලූඑන්සාව කුඩා ළදරුවන් හට වැළඳුනහොත් ඔවුන්ගේ ශරීරයේ ප්‍රතිශක්‌තිකරණ අඩු බැවින් එය ශ්වසන පද්ධතිය පුරා ව්‍යාප්තවී නියුමෝනියා තත්ත්වය දක්‌වාම ව්‍යාප්ත විය හැක.
 
 * රෝaගය පැතිරෙන අයුරු.
 
 මෙම රෝගය පුද්ගලයකුගෙන් වෙනත් පුද්ගලයකුට කිවිසුම් මගින්, කැස්‌සෙන් හෝ ස්‌පර්ශ කිරීමෙන් බෝවිය හැකිය. එබැවින් ශරිර සෞඛ්‍ය පිළිබඳ වඩාත් සැලකිලිමත් විය යුතුවේ. කැස්‌ස හෝ කිවිසුම් යැම ඇතිවිට පිරිසිදු ලේන්සුවක්‌ හෝ මුඛ ආවරණයක්‌ භාවිතා කිරීම, රෝගියෙකු ස්‌පර්ශ කළ පසු සබන් හෝ විෂබීජ නාශකයක්‌ යොදා අත් සේදීම වැනි සෞඛ්‍ය පුරුදු ඇතිකර ගැනීම තුළින් මෙම රෝගය පැතිරී යැම වළක්‌වාගත හැක.
 
 අවදානම් පුද්ගලයන් මෙම රෝගය සුළු වශයෙන් වැළඳිය හැකි අතර එය වඩාත් දරුණු තත්ත්වයටද පත්වී මරණය දක්‌වා උත්සන්න විය හැක. කුඩා දරුවන්, ගර්භණී මව්වරුන්, කිරිදෙන මව්වරුන්, වයස්‌ගත උදවිය, පිළිකා සහ වකුගඩු රෝගී තත්ත්වයන් ඇති රෝගීන් , දියවැඩියා රෝගීන් සහ හෘදයාබාධ රෝගීන් , වඩාත් පහසුවෙන් මෙම රෝගයට ගොදුරු විය හැක. අවුරුදු 5-18 දක්‌වා වයස කාණ්‌ඩවල ළමයින්ට මෙම රෝගය වැළඳීමේ ප්‍රවනතාවයක්‌ ඇත.
 
 * රෝග ලක්‌ෂණ
 
 මෙම රෝගයේ රෝග ලක්‌ෂණ එක්‌වරම මතුවන අතර එය ඉතා දරුණු ලෙස පෙන්නුම් කළ හැක.
 
 තද සිතල සහ ඇඟ වෙව්ලීම සමග උණ හට ගැනීම සිදුවේ. හිසරදය, වියළි කැස්‌ස , පපු පෙදෙසෙහි වේදනාව ඇතිවිය හැක. උගුර ආසාදනය වීම නිසා ගිලීමේ අපහසුතාවයන් ඇතිවේ. කුඩා දරුවන්ට සහ වයස්‌ගත වැඩිහිටියන්ට හුස්‌ම ගැනීමේ අපහසු තාවයන් ඇතිවේ. අධික මහන්සිය, තෙහෙට්‌ටුව සහ නින්ද නොයැම වැනි රෝග ලක්‌ෂණද ඇතිවේ. ශරීරයේ වේදනාවද තදබල ලෙස දැනේ. ඇස්‌ රතු වී ඇසේ ආසාදන තත්ත්වයක්‌ද ඇතිවිය හැක. මෙය අන් අයට පහසුවෙන් පැතිරි යාහැක.
 
 රෝගය වඩාත් උත්සන්න වූ විට හිසෙහි ඇති කෝටරක නමැති කුහර දක්‌වාද පැතිර යා හැකිය.. එමෙන්ම හෘදය පෙදෙසට පැතිරිමෙන් හෘදයාබාධවලටද ගොදුරු විය හැකිය. එමෙන්ම බැක්‌ටීරීයා ආසාදනයටද ලක්‌වී දරුණු රෝග තත්ත්වයන් ඇතිවිය හැකිය.
 
 * ලබාදෙන ප්‍රතිකාර
 
 ලෝක සෞඛ්‍ය සංවිධානයේ නිර්දේශයන්ට අනුව ශ්‍රී ලංකාවේ ජාතික ඖෂධ අධිකාරිය විසින් ඉන්ෆ්aලූඑන්සා එන්නත වසරක්‌ පාසා වඩාත් අවදානම් පුද්ගලයන්හට ලබාදීමට අවසර දී ඇත. එමෙන්ම එකම පුද්ගලයකුට විවිධ වෛරසයන් නිසා කිහිප වතාවක්‌ මෙම රෝගය වැළඳිය හැක. එබැවින් ඉන්ෆ්aලූඑන්සාව වැළැක්‌වීමට දෙනු ලබන එන්නත කෙරෙහි විශේෂ අවදානයක්‌ යොමුකළ යුතුවේ.
 
 දැනට භාවිතා වන ඡ්කසඩසzමප්ඉ නමැති එන්නත රෝගය වළක්‌වා ගැනීම සහ ව්‍යාප්තවීම වැළැක්‌වීම සඳහා යොදාගන්නා අතර එමගින්ද සාර්ථක ප්‍රතිඵල ලබාදී ඇත.රෝගයට ප්‍රතිකාර ලෙස eමර්පසබසාase සබයසඉසඑදර දිeකඒපසඩසර නමැති ඖෂධය ලබා දීමෙන්ද සාර්ථක ප්‍රතිඵල ලබාදී ඇත.
 
 ඉන්ෆ්aලූඑන්සා A වෛරසය ( H1N1 ) නිරතුරුවම අප රටෙහි ව්‍යාප්ත වෙනු දැකිය හැකිය. මෙය මුලින්ම 2009 / 2010 වර්ෂවල ව්‍යාප්ත විය. එසේම Type B වෛරසය සහ ඔහචැ C වෛරසයද ව්‍යාප්තවන අනිකුත් වෛරසයන් වේ. මෙයින් Type C වෛරස මගින් ඇතිවන ඉන්ෆ්aලූඑන්සාව A සහ B තරම් දරුණු රෝග තත්ත්වයක්‌ නොවන අතර එය පැතිරීමද එතරම් සුලභව දක්‌නට නොලැබේ. එබැවින් ඉන්ෆ්aලූඑන්සා එන්නතට ඇතුළත් වන්නේ A සහ B යන වෛරසයන්ට අවශ්‍ය ප්‍රතිශක්‌තිකරණය පමණි.
 
 RSV වෛරසය ඉතා දරුණු ලෙස ඉන්ෆ්aලූඑන්සාව ඇති කරන රෝගී තත්ත්වයකි. පෙනහළු දක්‌වා පැතිරෙන මෙම වෛරසය මගින් නියුමෝනියා තත්ත්වයක්‌ද ඇතිවේ. විශේෂයෙන් කුඩා දරුවන් හට මෙම රෝගය වැළඳීමේ ප්‍රවණතාවයක්‌ ඇත.

දියවැඩියාව ගැන කතා බහ කිරීමේදී එහි වර්ග 26 ක්‌ තිබෙන බව ඔබ මෙතෙක්‌ දැන සිටියා ද? සැබැවින්ම එහි වර්ග 26 ක්‌ තිබේ. එනම් සෙම නිසාවෙන් ඇතිවන වර්ග 16 ක්‌, පිත නිසාවෙන් 06 ක්‌ වාතය නිසාවෙන් 4 ක්‌ ලෙස වර්ග වේ.
 
 ලුණු ඇඹුල් රස නිතර ගැනීම, නොදිරවන සුළු සීතල සෙවල සහිත ආහාර නිතර ගැනීම, අලුත් ධාන්‍ය, ගොඩදිය මස්‌ නිතර ගැනීම, ව්‍යායාම නොකිරීම, ආහාර අනුභව කර නිදා ගැනීම යන කරුණු කාරණා දියවැඩියාව (මධුමේහ) ඇතිවීම වෙනුවෙන් නොකළ යුතු දේය. එවැනි නොකළ යුතු දේ කිරීමේදී මේදස්‌ රස මාංශ ධාතු දූෂණය වී දියවැඩියාවට මග පාදනු ලැබේ. එහිදී සිදුවන්නේ මේවා මුත්‍රාශයට පැමිණ ප්‍රමේහ රෝග සෑදීමයි.
 
 (පිත්, සෙම්, ක්‍ෂය වූ විට විරුද්ධ ආහාර පාවිච්චි කළ විට, වාතය කිපී ඇට ධාතුව හැර සෙසු ධාතුව, වසා, තෙල්, ඇටමිදුළු සඳ මිදුළු මුත්‍රාශයට පමුණුවා ප්‍රමේහ සිව් ආකාරයකින් සෑදීමයි.
 
 කඵ, පිත දෙකෙන් රෝගය ඇතිවීම හඳුන්වන්නේ දුකසේ සාධ්‍යයි යනුවෙනි. වාතය නිසා ඇතිවන ප්‍රමේහ අසාධ්‍ය ලෙසින් හඳුන්වනු ලැබේ.
 
 මෙසේ සප්ත ධාතු දූෂිත වීම හේතුවෙන් ශරීරයේ සෛල ක්‍රියාකාරීත්වය දුර්වල වීමේ ක්‍රියාවලිය සිදුවන බව නොදැන බොහෝ රෝගීහු දියවැඩියාව යන රෝගය සඳහා එකම ඖෂධ ගුණයෙන් යුත් ඖෂධ දීර්ඝ කාලීනව භාවිත කිරීමෙන් ශරීර අභ්‍යන්තරයේ පද්ධතීන් විශාල වශයෙන් හානියකට පත් කර ගනිති.
 
 මෙම හානි වීමේදී නිසි ලෙස බහිශ්‍රාවය පිටතට නොයැම හේතුවෙන් මේවා ශරීරය තුළ තැන තැන එකතු වීමෙන්ද, කෘත්‍රිම රසකාරක යෙදූ නුසුදුසු ආහාර පාන හේතුකොට ගෙනද, ආගන්තුක දේ ශරීරය තුළ ගොඩනැඟීමට පටන්ගනී. මෙය කල්ගත වනතුරු හඳුනා ගැනීමට නොහැකි වනුයේ අද සිටින බොහෝ වෛද්‍යවරුන්ට නාඩි පරීක්‍ෂාවෙන් හෝ රෝගියාගේ අංග ලක්‍ෂණ, දේහ ලක්‍ෂණ පිරික්‌සීමෙන් හෝ රෝග හඳුනාගැනීමේ ඥානය ගිලිහී ගොස්‌ තාක්‍ෂණික මෙවලම් මගින් සිදු කරන පරීක්‍ෂණ වාර්තා මත ප්‍රතිකාර කරන කාර්මික ශිල්පීන් වැනි අය න්‍යායකින් තොරව දිනෙන් දින බිහිවීම සහ ඔවුන්ගේ පැවැත්ම සඳහා ප්‍රමිතියෙන් තොරවූ ඖෂධ විදේශික සමාගම් මගින් වෙළෙඳ පොළ ආක්‍රමණය කර තිබීම නිසාවෙනි.
 
 එමෙන්ම දිනපතා බලන රුධිර පරීක්‍ෂාව මත ජීවන රටාව උකසට තබමින් ප්‍රමිතියෙන් තොර ඖෂධ භාවිතය, අතහැර මෙම රෝග ශරීරය තුළ ගොඩනැඟêමට ඇති ඉඩකඩ තවදුරටත් ඇති වීම වළක්‌වමින් පාරම්පරික වසර දහස්‌ ගණනක්‌ තුළ නිරෝගී ජාතියක්‌ ලෙස පැවැත එන, අප වරදා ගත් තැන පිළිබඳ සොයා බලා අපට අතපසු වූ අපේම ක්‍රමවේදයන්, සිරිත් විරිත්, ආහාරපාන යළි භාවිතයට හුරුවීමට කාලය එළැඹ ඇතැයි සිතමි.
 
 සෙම නිසාවෙන් හටගන්නා දියවැඩියාවට කසායක්‌.
 
 අරළු, රසකිඳ, තෙළුඹුදැලි කලං 3 බැගින් ගෙන තලා වතුර පත අට එකට සිදුවා නිවා මී පැණි හා බොන්නේ ග්ලේශ්මා ප්‍රමේහ රෝගයටයි. (සෙම නිසා වන දියවැඩියාවටයි.)
 
 ඔබේ දියවැඩියා රෝග තත්ත්වය අනුව ඒ පිළිබඳ වැඩිදුරටත් නොමිලේ විස්‌තර දැනගැනීමට 0779971700 අංකයෙන් වෛද්‍යතුමන් සම්බන්ධ කර ගැනීමේ හැකියාව තිබේ.
 
 
 සෘෂි නාඩි සහ මැදවච්චියේ පාරම්පරික පිළිකා රෝග වෛද්‍ය සංජීව අල්විස්‌ - නිට්‌ටඹුව

වසර දහස්‌ ගණනකට පෙර ලොව පහළ වී අදටත් නොනැසී නැවුම් වෙමින් නවීන පර්යේෂණ වලින් ඔප වැටෙමින් පවතින ජීවිතය පිළිබඳ විද්‍යාව ආයුර්වේදයයි.
 
 නීරෝගීව, ප්‍රීතිමත්ව, දීර්ඝායුෂ වැළඳීමට අවැසි සියලු මාවත් විවර කර ඇත්තේ ද ආයුර්වේද දර්ශනයේ පමණි. ඔබ පංචකල්‍යාණයෙන් බබළවන්නට ද, මනා පෞරුෂයකින් හෙබි ධනාත්මක සිතිවිලි පහළ කර එතුළින් ප්‍රීතිමත් ජීවිතයක්‌ ගෙවන්නට ද සෘෂි ඥානය මනාව පෙළ ගැස්‌වූ දිව ඔසු සංයෝජන දහස්‌ ගණනකින් ආයුර්වේද වෙද පුස්‌ථක පරිපූර්ණය.
 
 බාහිර පෙනුම ඔපදමා ගැනීම හා විලාසිතා පමණක්‌ රූපලාවණ්‍ය ලෙස සලකන නවීන රූපලාවණ්‍ය ක්‍ෂේත්‍රයට, ආයුර්වේද වෛද්‍ය ක්‍රමයේ දක්‌වා ඇති ශාරීරික, මානසික නිරෝගීතාව පවත්වා ගනිමින් රුව රකින, රුව වඩන ආහාර, විහරණ ඔසු සංකලන විස්‌මය දනවයි.
 
 දිගු ඝන නීල වරලසක්‌, පැහැපත් මෘදු සමක්‌, සුන්දර ප්‍රිය මනාප මුහුණක්‌, ආකර්ශෂණීය දීප්තිමත් නෙතු සඟලක්‌, මුතු මෙන් බබළන දසන්, ලාවන්‍ය ගෙන දෙන හැඩැති සිරුරක්‌, මල් පෙත් මෙන් සුමුදු පා යුගලක්‌, තරම් වන සිහිනයක්‌ නොදකින ස්‌ත්‍රියක්‌ මිහිපිට වේ දැයි සැක සිතෙන තරමට රුව අලංකරණය පිළිබඳ ඇති උනන්දුව පෙරමුණේ සිටියි. මනා පෞරුෂයකින් හෙබි පෙනුමක්‌ සඳහා පුරුෂ පක්‍ෂය ද, විවිධ ආකාරයේ ව්‍යායාම, සහකාරක ආහාර වර්ග, (Fදදා Sමචචකැපැබඑ) විටමින් වර්ග හා හෝමෝනමය ඖෂධ වර්ග බහුලව භාවිත කරයි.
 
 සොබා දහමේ නැවුම් සුවය දනවන,ඉක්‌මන් ඵලදායී ප්‍රතිඵල ලබා දෙන ආරක්‍ෂාකාරී, රුධිර සංසරණය ක්‍රමවත් කරන, ස්‌නායු උත්තේජනය කරන, දීප්තිමත් පෙනුමක්‌ ලබා දෙන, මානසික ආතතිය දුරු කරන තරුණ පෙනුම දිගුකල් රැක දෙන (රසායන ප්‍රතිකර්ම) අනවශ්‍ය මුදල් නාස්‌තිය වළකන, අනවශ්‍ය විෂ රසායනික ද්‍රව්‍ය ශරීර ගතවීම මඟහරවන ඖෂධීය රූපලාවණ්‍ය ක්‍රම පිළිබඳ ඔ දැනුවත් වීම වැදගත් ය.
 
 රසදිය, ලෙඩ්, තැලේට්‌, ට්‍රයික්‌ලොසෝනි, 1, 4 ඩයසේන් පැරබන්, ඊතයිල් ඔක්‌සයිඩ් ආදී සිරුරට විෂ සහිත කෘත්‍රිම රසායනික අඩංගු රුව අලංකාරක භාවිතයෙන් සිරුර තුළ හට ගන්නා කෙටි කාලීන හා දීර්ඝ කාලීන විෂ තත්ත්වයන් සුළු ආසාත්මිකතාවයන්ගේ සිට දරුණු පිළිකා රෝග තත්ත්ව දක්‌වා පරාසයක සිරුරට වින කරයි.
 
 දිනපතා ඔබ භාවිත කරන නිය, තොල්, ආලේපන, පිරිසිදු කාරක සම පැහැපත් කරන, ලප කැලැල් මකන, තෙතමනය රඳවන ආලේප, හිසකේ පිරිසිදු කාරක, වර්ණ කාරක, හා රූපලාවණ්‍යාගාර මගින් කරනු ලබන සමහර සත්කාර මගින් වෛද්‍ය උපදෙස්‌ වලින් තොරව වෙළෙඳ ප්‍රචාරවලින් දැනුවත් වී ලබා ගන්නා අතිරේක විටමින් හා ආහාර ව්‍යායාම වලින් දරුණු අතුරු ආබාධ හට ගනියි.
 
 සුන්දර මුහුණක, හැඩැති සිරුරක දිගු කෙස්‌ කළඹක හිමිකාරියක වන්නට ඔබේ ඇති ආශාව ඔබ රෝගියකු කිරීමෙන් වළක්‌වා ගන්නට ආයුර්වේද රූ අලංකරණ රහස්‌, රුව රැකීම, රුව වැඩීම රුව සම්බන්ධ රෝග සඳහා ප්‍රතිකාර යන ත්‍රිවිධ ආකාරයෙන් ඔබව සුරකී.
 
 ආයුර්වේද ඖෂධ මගින් නිපදවා ඇති රසායනික විෂ ද්‍රව්‍ය අඩංගු නොවන විශේෂ සේදුම්කාරක, පැහැපත් කාරක, තෙතමන රැඳවුම් කාරක, සම රැලි වැටීම වළකන, තරුණ පෙනුම දිගු කල් රඳවන ආලේපන මෙන්ම ප්‍රතිකාර හා ප්‍රතිකර්ම වලින් ආයුර්වේදය ඉතා පොහොසත්ය.
 
 මුහුණේ කුරුලෑ හට ගැනීම, සම්පූර්ණයෙන් නවතා එමගින් හටගත් ලප කැළැල්, වළ ගැසීම්, අවපැහැ ගැන්වීම් ඉවත් කර සුන්දර මුහුණක හිමිකාරියක්‌ වීමට, බාහිර අව් වැසි දූවිලි අපද්‍රව්‍ය හා නොයෙක්‌ කෘත්‍රිම ආලේපන මගින් අවපැහැ ගැන්වුණු මුහුණේ, ගෙල ප්‍රදේශයේ, ඇස්‌ යට හා සිරුරේ ඕනෑම ස්‌ථානයක අව පැහැයන් ඉවත් කර දීප්තිමත් සමක්‌ හිමිකර ගැනීමට, අකලට ගැලවී සුදු වී, දුර්වල වූ හිසකෙස්‌ නැවත යථා තත්ත්වයට පත් කර ගැනීමට, අධිකව මේදය තැන්පත් වීමෙන් සිරුරේ සිහින් හැඩය මඟහැරී අධික තරබාරු බවින් සැඟවී ගිය ඔබේ රුව සිරුර කෙට්‌ටු කර නැවත මතුකර ගැනීමට, සිරුරේ ප්‍රියමනාප භාවයට බාධා කරන විවිධ රෝග නිට්‌ටාවට සුව කර ගැනීමට, වයස්‌ගත වීම පමා කරන තරුණ පෙනුම දිගුකල් රැක දෙන, බාහිරව මෙන්ම සිරුර අභ්‍යන්තරයේ අවයව වල තාරුණ්‍ය හෙවත් නිරෝගී ක්‍රියාකාරීත්වය ආරක්‍ෂා කරන වැඩිදියුණු කරන විශේෂ ප්‍රතිකාර ක්‍රමය වන රසායන වාජීකරණ ප්‍රතිකාර හා ප්‍රතිකර්මවල සුවිශේෂත්වය විඳ ගැනීමට, යුවතියන් රුවැත්තියන් කළ හැකි අති ප්‍රබල රුව රහස්‌වල පහස විඳ ගැනීමට ආයුර්වේද ප්‍රතිකාර බොහොමයක්‌ ලබා ගත හැකිය.
 
 වේද ග්‍රන්ථ, පුරාණ ග්‍රන්ථ, සංහිතා ග්‍රන්ථවල සඳහන් කරුණු කැටිකර උතුරු ඉන්දියානු සුරූපී බවේ ප්‍රායෝගික අත්දැකීම් සමඟ මුසුකර නිපද වූ ඖෂධීය රූ අලංකරණ නිෂ්පාදන මගින් සිදුÊකරනු ලබන මුහුණ සඳහා  මුළු සිරුර සඳහා  හස්‌ත හා පාද සඳහා කරනු ලබන  ප්‍රතිකාර,  (නිල ස්‌ථාන සම්බාහන ඇතුළුව)
 
 හිසකෙස්‌ සඳහා ශිරෝ අභ්‍යංග, ශිරෝධාර ආදී මුර්ධනී තෛල විධි පූර්ව කරනු ලබන නස්‌න ප්‍රතිකාර ඇතුළුව අධික තරබාරු බව සඳහා විශේෂිත ආහාර වටටෝරු, ඖෂධ මෙන්ම සිරුරේ තෙල් ගැල්වීම, ඖෂධීය කුඩු වර්ග වලින් සම්බාහනය කිරීම  වාෂ්ප ස්‌වේද හෝ නාඩි ස්‌වේද  ලබාදීම මගින් සති දෙකක්‌ ඇතුළත අවම බර 10 ණට පමණ අඩුකර ගත හැකි සුවිශේෂී දින චර්යා විධි, කෘෂ බව දුර්වල බව සඳහා විශේෂ ආහාර විහරණ විධි සමඟ ඖෂධීය ප්‍රතිකාර මගින් ශක්‌තිමත් මාංශපේෂී වර්ධනය කර මනා පෞරුෂයකින් හෙබි නිරෝගී පුද්ගලයකු වීමට මඟÊපාදයි.
 
 මෙවන් විශාල පරාසයක පැතිරුණු රූ අලංකරණ විධි පිළිබඳ දැනුවත් වීමට නම් සුදුසුකම් ලත් වෛද්‍යවරයකු වෙත යොමු විය යුතුය.
 
 වැඩිදුර තොරතුරු සඳහා දුරකථන අංක 0711331883
 
 ඇමතිය හැකිය.
 
 වෛද්‍ය එම්. වී. ආර්. විජයන්තමාලා
 බී. ඒ. එම්. එස්‌. (ගෞරව) - කොළඹ විශ්වවිද්‍යාලය
 එම්. ඩී. රස ශාස්‌ත්‍ර - ජෝත්පූර් ආයුර්වේද විශ්වවිද්‍යාලය - ඉන්දියාව.
 ආයුර්වේද රූපලාවණ්‍ය විශේෂ පුහුණු (ඉන්දියා)
 වෛද්‍ය නිලධාරී, ගම්පහ වික්‍රමාරච්චි ආයුර්වේද ශික්‍ෂණ රෝහල යක්‌කල.

කංසා එසේත් නැතිනම් ගංජා යනු අප රටේ සාමාන්‍ය ජනතාවට වගා කිරීම සහ ළඟ තබා ගැනීම නීතියෙන් තහනම්ව ඇති ශාකයකි. නමුත් මෙය රෝග රැසක්‌ සුවකිරීමට ගුණයක්‌ ඇති ඖෂධීය ශාකයකි. එබැවින් මෙහි ඇති ඖෂධීය ගුණය පිළිබඳව අපි අවධානය යොමුකර බලමු.
 
 වෛද්‍යතුමනි කංසා හෙවත් ගංජා, ශාකයෙහි ඇති ඖෂධීය වටිනාකම කෙසේද?
 
 කංසා එසේත් නැතිනම් ගංජා යන ශාකය විද්‍යාත්මකව හඳුන්වන්නේ කැනබීස්‌ සැටීවා (Caබබ්ඉසි Saඑසඩ්) යන නාමයෙනි. ආයුර්වේද ප්‍රතිකාර ක්‍රමයේදී කංසා යනු ඉතා සුවිශේෂී ඖෂධයකි. මෙය අවුරුදු දහතුන් දහසකටත් වඩා පැරැණි ඖෂධයකි. නමුත් බ්‍රිතාන්‍ය ජාතිකයන් විසින් අපේ රට යටත් කරගත් පසු කංසා ශාකය තහනම් වගාවක්‌ බවට පත්කළා. නමුත් මේ වන විට මෙම ශාකය ලොව බොහෝ රටවල ඖෂධයක්‌ ලෙස පමණක්‌ නොව වෙළෙඳ වටිනාකමකින් යුත් ශාකයක්‌ ලෙස වගාකරනු ලබනවා.
 
 කංසා ආයුර්වේදය තුළ පිළිකා නැසීමට, මොළයේ සෛල විනාශ වීම අඩුකිරීමට, ජව සම්පන්න බව ආරක්‍ෂා කිරීමට, චර්ම රෝග සුවකිරීමට, විෂබීජ නාශකයක්‌ ලෙස භාවිතයට, බඩේ අජීර්ණ සඳහා යොදාගනු ලබනවා.
 
 කංසා ආයුර්වේදය තුළ ඖෂධ සඳහා යොදා ගන්නේ එහි ඇති මත්ගතිය ඉවත් කිරීමෙන් පසුයි. ඒ සඳහා ගිතෙල්වලින් බැදගනු ලබනවා. එනම් ශෝධන ක්‍රම භාවිත කිරීම හෙවත් පිරිසිදු කරගන්නා ක්‍රම භාවිත කර කංසා ඖෂධ සඳහා යොදාගනු ලබනවා.
 
 පිළිකා නසන ගුණ
 
 කංසා ඖෂධය පිළිකා රෝගීන් සඳහා ක්‍රම කිහිපයකින් භාවිත කරනු ලබනවා. කංසා යුෂ පානයට දීම, කංසා තම්බා දීම වැනි ක්‍රම මගින් පිළිකා රෝගීන්ට කංසා ප්‍රතිකාරය ලබා දෙනවා. ඉන් පිළිකා රෝග තත්ත්වයන් වර්ධනය පාලනය කිරීම, පැතිරී යැම පාලනය, පිළිකා නිසා මතුවන සංකූලතා වළක්‌වා ගැනීම සහ වේදනාව සමනය සිදුකරගත හැකියි. එනිසා කංසා පිළිකා නාශක ඖෂධයක්‌ බවට ලොවම පිළිගෙන තිබෙනවා. එය ආයුර්වේදය තුළ පමණක්‌ නොව බටහිර වෛද්‍ය ක්‍රමය තුළ පවා පර්යේෂණ මගින් අනාවරණය කරගෙන තිබෙනවා.
 
 මොළයේ සෛල විනාශ වීම අඩුකරයි
 
 වර්තමානයේ ලොව ඉතා වේගයෙන් පැතිරී යන රෝගයක්‌ බවට පත්ව ඇති "ඇල්ෂයිමර්" නමින් හැඳින්වෙන මොළයේ සෛල විනාශ වීමේ රෝග තත්ත්වයට කංසා ඖෂධය ඉතාමත් ගුණදායක බව අනාවරණය වී තිබෙනවා.
 
 ඇල්ෂයිමර් රෝගයේදී මොළයේ සෛල විනාශ වීම නිසා අමතක වීම, මානසික ව්‍යාකූල තත්ත්වයන් හට ගැනීම ආදිය මතුවේ. මෙම තත්ත්වයන් නිසා ඇල්ෂයිමර් රෝගීන් ජීවිතය විඳිනවාට වඩා විඳවති. මෙම රෝගී තත්ත්වය මහලුවීමේදී ඇතිවන නමුත් ඇතැම් දෙනාට ඊට පෙර මතුවේ.
 
 චර්ම රෝග සඳහා
 
 සමේ ඇතිවන කැසීමේ රෝග රැසකට ආලේප සඳහා යොදාගන්නා ඖෂධ නිපදවීමේදී භාවිත කරන ඖෂධයක්‌ බවට කංසා යොදා ගන්නවා.
 
 ආයුර්වේද ප්‍රතිකාර වලදී ඇතැම් කැසීමේ රෝග සඳහා කංසා කොළ කොටා කසන ස්‌ථානවල ආලේප කිරීමට වෛද්‍යවරු භාවිත කරනවා.
 
 කායික ශක්‌තිය වර්ධනය
 
 යම් පුද්ගලයකුගේ කායික සහ ලිංගික ශක්‌තිය හොඳින් පවත්වාගෙන යැම නිරෝගී ලක්‍ෂණයකි. ඒ සඳහා කංසා ඖෂධය ඉතා වැදගත් මෙහෙවරක්‌ ඉටුකරනු ලබයි. ලිංගික ශක්‌තිය සම්බන්ධව පීඩා විඳින කාන්තාවන් සහ පිරිමින් සඳහා ලබාදෙන ඖෂධවල අඩංගු අමුද්‍රව්‍යයක්‌ ලෙස කංසා භාවිත කරනවා. රණහංස රසායනය, මදනමෝදක, කාමේශ්වර මෝදකය ආදී ඖෂධවල කංසා අඩංගුයි.
 
 ලිංගික ශක්‌තිය වර්ධනය කිරීම මෙන්ම කායික ශක්‌තිය වර්ධනය කරන ප්‍රති ඔක්‌සිකාරක ඖෂධයක්‌ ලෙසද කංසා භාවිත කරනවා. මෙමගින් සමේ පැහැපත් බව, හිසකෙස්‌ වර්ධනය, සම රැලිවැටීම පාලනය ආදිය සිදුවෙනවා. බටහිර වෛද්‍ය ක්‍රමයේදී විටමින් භාවිතය මගින් ලබාගන්නා මෙම ඖෂධීය ගුණය කංසා මගින්ද ලබාගත හැකියි.
 
 බඩේ අජීර්ණයට
 
 ආහාර වර්ග අජීර්ණය නිසා හටගන්නා නොයෙක්‌ බඩේ අජීර්ණ සඳහා කංසා කොළ කිහිපයක්‌ මීපැණි සහ දෙහි ඇඹුල් ටිකක්‌ දමා කොටා සාදාගත් අත් බෙහෙත් ලබාදීම සිදුකරනවා.
 
 එසේම කංසා කොළ ටිකක්‌ කොටා ගිතෙල් සහ මී පැණි ටිකක්‌ සමඟ මිශ්‍රකර කල්කයක්‌ ලෙස භාවිත කිරීමද ආයුර්වේදයේ සිදුකරනවා.
 
 එමගින් ශරීරය තුළ ප්‍රතිශක්‌තිය වර්ධනය වීම ඇතිවෙනවා.
 
 විෂබීජ නාශකයක්‌
 
 කංසා යනු ඉතා හොඳ විෂබීජ නාශකයකි. එනිසා කංසා කොළ කිහිපයක්‌ ආහාර සකස්‌ කරන විට යොදා ගැනීමෙන් ආහාරවල ඇති විෂබීජ විනාශ වීමත් ආහාරවල රසය වැඩිවීමත් සිදුවෙනවා.
 
 එනිසා අප ආහාරයට කරපිංචා යොදා ගන්නා ලෙස කංසා කොළ කිහිපයක්‌ ආහාර පිසීමේදී එක්‌කර ගැනීම අතීතයේ අපේ පැරැන්නෝ සිදුකරනු ලැබුවා.
 
 වෛද්‍යතුමනි, කංසා මෙතරම් ගුණදායක නම් එය අප රටේ තහනම් වගාවක්‌ බවට පත්කර ඇත්තේ ඇයි?
 
 මෙය ඉංග්‍රීසීන් විසින් සිදුකළ ක්‍රියාවකි. ඔවුන් අප රටේ කංසා වගාව තහනම් කර දුම්කොළ වගාව හඳුන්වා දුන්නා. දුම්කොළ යනු උග්‍ර විෂ සහිත ශාකයකි. කංසා සම්බන්ධව මේ වන විට බ්‍රිතාන්‍යය, ඔස්‌ටේ්‍රලියාව, නවසීලන්තය, ඇමරිකාව වැනි දියුණු රටවල් සිදුකළ පර්යේෂණ අනුව එහි ඇති ඖෂධීය ගුණය හඳුනාගෙන එය ඖෂධ සඳහා යොදා ගැනීමටත් වගාවක්‌ ලෙස ව්‍යාප්ත කර අපනයන වගාවක්‌ ලෙස වෙළෙඳ වටිනාකමක්‌ ලබා ගැනීමටත් පියවර ගෙන තිබෙනවා. ඒ සඳහා ඔවුන් ඊට අදාළ නීති සම්පාදනය කර තිබෙනවා. එනිසා අප රට තුළ වගාකළ සහ හොඳින් වගා කළ හැකි කංසා ශාකය ඖෂධ සඳහා යොදා ගැනීමට හැකි පරිදි පවතින නීතිරීති සංශෝධනය කළ යුතුයි.
 
 මේ වගේ වටිනා ඖෂධීය ශාකයක්‌ වගාකිරීම තහනම් කිරීම හෝ විනාශ කිරීම තුළින් සිදුවන්නේ අපේ ආයුර්වේද වෛද්‍ය ක්‍රමයට බරපතළ පාඩුවක්‌ සිදුවීම සහ මෙම ඖෂධය පිටරටින් ගෙන්වීමට සිදුවීම නිසා විශාල මුදලක්‌ වෙනත් රටවලට ඇදී යැමයි.
 
 කංසා ගුණදායක ඖෂධයක්‌ වුවත් අනවශ්‍ය ලෙස භාවිත කිරීම ශරීරයට අහිතකරයි. සමහරු මෙය මත්වන ද්‍රව්‍යයක්‌ ලෙස භාවිතයට යොමුවී සිටිනවා. එය පුරුද්දක්‌ බවට පත්කර ගෙන තිබෙනවා. එය පිළිගත නොහැකියි. එනිසා නිවැරැදි ලෙස කංසා භාවිතය සඳහා නීතිරීති සකස්‌ කර මෙය ඖෂධයක්‌ ලෙස භාවිතයට යොදා ගැනීමට පියවර ගැනීම සඳහා කාලය උදාවී තිබෙනවා.
 
 වැඩි විස්‌තර සඳහා දුරකථන අංක 0714406218 ඇමතිය හැකිය.