Registered Members Only You should register with SL-Stun in order to view posts and open new topics. Please Signup with us now. Register
Forums Search ForumSearchAdvanced SearchTopicsPosts Unanswered Active Topics Prev Go to previous topic Next Go to next topic Last Post 20 Jul 2018 09:17 PM by Udari අමතක වෙන ලෙඩෙන් බේරෙන්නේ මෙහෙමයි 2729 Replies Sort: Oldest First Most Recent First You are not authorized to post a reply. Page 14 of 137 << < 1213141516 > >> Author Messages chamaramindMost Senior MemberPosts:13471 21 May 2017 06:04 PM ආදරෙයි ආදරෙයි අහස වගේ - ආදරෙයි ආදරෙයි අම්මට වගේ....... 0 chamaramindMost Senior MemberPosts:13471 21 May 2017 06:05 PM ආදරෙයි ආදරෙයි අහස වගේ - ආදරෙයි ආදරෙයි අම්මට වගේ....... 0 chamaramindMost Senior MemberPosts:13471 21 May 2017 06:08 PM එන්ඩොලයිකන දිලීරයෙන් පිළිකාවට පිළියමක් (ගයාන් සූරියආරච්චි) එන්ඩොලයිකන දීලීරවල පිළිකා නාශක ගුණය පවතින බව කැල‚ය විශ්වවිද්‍යාලයේ රසායනික විද්‍යා අධ්‍යනාංශය පවසයි. තෙත් කලාපීය වනාන්තරවල ශාකවල බහුලව එන්ඩොලයිකන දිලීර දැකිය හැකිය. ලයිකන යනු ශාක කඳන්, ගල් පර්වත ආදී ස්ථානවල හටගන්නා ජීවීන් කොට්ඨාසයකි. ඇල්ගියක් හා දිලීරයක් එකතු වී සාදන්නා වූ සහජීවනය තුළින් ලයිකනයක් සෑදෙන අතර එහි පටක තුළ නිදහසේ ජීවත්වන්නා වූ දිලීරය එන්ඩොලයිකන දිලීර ලෙස හඳුන්වයි. තවදුරටත් එම දිලීරවල ප්‍රතිඔක්සිකාරක, ප්‍රතිජීවක සහ ප්‍රතිදාහක ගුණයද නිරීඬණය කරමින් පවතින බව පර්යේෂකයෝ පවසති. කැලණිය සරසවියේ රසායන විද්‍යා දෙපාර්තමේන්තුවේ ජ්‍යෙෂ්ඨ මහාචාර්ය ප්‍රියානි පරණගම මහත්මියගේ ප්‍රධානත්වයෙන් මෙම කාලීන පර්යේෂණය සිදුකෙරෙන අතර 2006 වසරේ ඇමෙරිකාවේ ඇරිසෝනා විශ්වවිද්‍යාලයේ මහාචාර්ය ලෙස්ලි ගුණතිලක මහතා සමඟ සිදුකළ පර්යේෂණයකින් එන්ඩොලයිකන දිලීර ඖෂධීය ගුණ සහිත ජෛව සක්‍රීය සංයෝග සාදන බව ලෝකයේ ප්‍රථමවරට සොයාගනු ලැබුවේද මහාචාර්යවරිය විසිනි. › ලංකාවේ මෙවැනි පර්යේෂණයක් සිදුකෙරන්නේ ප්‍රථම වතාවට වන අතර මේ සඳහා ජාතික පර්යේෂණ සභාව මූල්‍ය දායකත්වය සපයයි. මෙම පර්යේෂණය පිළිබඳව වැඩිදුරටත් අදහස් දැක්වමින් මහචාර්ය ප්‍රියානි පරණගම මහත්මිය අප සමඟ පැවැසූවේ මෙවන් අදහසකි. ‘ එන්ඩොලයිකන දිලීරවලින් ඖෂධීය සංයෝග වෙන්කර ගැනීම මෑත කාලයේ පටන්ගත් නව ප්‍රභවික සංයෝග සාදන ප්‍රභවයක් ලෙස හඳුන්වන්න පුළුවන්. උදාහරණයක් ලෙස අප භාවිත කරන බොහෝමයක් ඖෂධවල මූලාරම්භය ශාකයක්, දිලීරයක්, ඇල්ගියක් හෝ ජලජ ජීවියකු වනවා. පිළිකා නාශක ඖෂධයක් ලෙස භාවිත කරන ‘වින්ක්‍රිස්ටීන්‘ යනු මිනීමල් ශාකයෙන් වෙන්කරගත් සංයෝගයකි. දිලීරවලින් මෙවැනි ඖෂධීය ගුණ ඇති සංයෝග නිස්සාරණය කර ගත හැකි බව මුලින්ම සොයාගනු ලැබුවේද පෙනිසිලින් ඖෂධය සොයාගත් පර්යේෂයෙණි. ඒ නිසා විවිධ සංයෝග නිර්මාණය කිරීමේ හැකියාව දිලීර සතුව පවතිනවා. එබැවින් තෙත් කලාපීය ශාකවල ජිවත්වන ලයිකන ඇතුළතස්වාධීනව නිදහසේ ජීවත්වන එන්ඩොලයිකන දිලීරවලින් ජෛව සක්‍රීය සංයෝග නිපදවීමේ හැකියාව ඇතිබව දැනටමත් පර්යේෂණවලින් සොයාගැනීමට හැකිවී තිඛෙනවා. මේ වනතෙක් ලෝකයේ හඳුනාගැනීමට නොහැකි වූ සංයෝග එන්ඩොලයිකන දිලීරවල අඩංගු වන බව අප සිදුකළ පර්යේෂණවලින් තහවුරු කරගැනීමට හැකි වී තිඛෙනවා.‘ ‘සිංහරාජ, හග්ගල, නකල්ස් වැනි ප්‍රදේශවල වනාන්තරවල ශාකවලින් ලයිකන එකතුකර ගෙන ඒවායින් එන්ඩොලයිකන දිලීර වෙන් වෙන් වශයෙන් අපේ පර්යේෂණාගරයේ වගා කිරීම ඇරැඹුවා. එහි අඩංගු වන සංයෝගවල ප්‍රතිජීවක, ප්‍රති ඔක්සිකාරක, ප්‍රතිදාහක, පිළිකා නාශක ගුණයයන් ඇත්දැයි අප සොයාබලනවා. එහිදී බොහෝ දුරට ඉතා සාර්ථකව භාවිත කළ හැකි සංයෝග සොයාගෙන ඒවා තවදුරටත් දියුණු කර වගා කිරීම හෝ සංස්ලේෂණ ක්‍රියාවලියක් තුළින් සංවර්ධනය කළ හැකි වෙතැයි අප විශ්වාස කරනවා.‘ ‘මෙම පර්යේෂණයේ තවත් අදියරක් ලෙස කඩොලාන පරිසරයේ ඇති ලයිකන විශේෂවල තිඛෙන එන්ඩොලයිකන දිලීර වෙන්කර හඳුනාගැනීමට සහ ඒවා මගින් සාදනු ලබන විවිධ සංයෝග හඳුනාගැනීමට පර්යේෂණ ආරම්භ කළා. මෙහිදී අධික ලවණ සහිත පරිසරයක වැවෙන කඩොලාන ශාක ශුෂ්ක පරිසරයකට අනුවර්තනය වී ඇති අයුරින්ම එම ශාකවල වැවෙන ලයිකන මෙන්ම එන්ඩොලයිකන දිලීරයන්ද එවැනිම අනුවර්තනයකට ලක්ව ඇති බැවින් එවැනි විශේෂවල මෙතෙක් හඳුනා නොගත් ආකාරයේ සංයෝග ඇතැයි විශ්වාස කරනවා. මේවන විට කඩොලාන ආශි්‍රතව ලයිකන 30 ක් පමණ සහ එහි එන්ඩොලයිකන දිලීර වර්ග 200 කට අධික ප්‍රමාණයක් හඳුනාගෙන තියෙනවා.‘ මෙම පර්යේෂණයේදී එක්රැස් කරගන්නා ලයිකන වර්ග උද්භිද විද්‍යාත්මකව හඳුනා ගැනීම සඳහා ඇමෙරිකාවේ චිකාගෝ විශ්වවිද්‍යාලයේ ලයිකන විශේෂඥ ආචාර්ය ගෝතමී වීරකෝන් මහත්මිය සහාය දක්වන අතර එන්ඩොලයිකන දිලීර හඳුනාගැනීම සඳහා කැලණිය විශ්වවිදයාලයේ උද්භිද විද්‍යා අධ්‍යනාංශයේ ආචාර්ය රේණුකා අත්තනායක මෙනෙවිය සහාය දක්වනවා.‘ යැයි මහචාර්ය පරණගම මහත්මිය පැවැසුවාය. ආදරෙයි ආදරෙයි අහස වගේ - ආදරෙයි ආදරෙයි අම්මට වගේ....... 0 Ind007kaMost Senior MemberPosts:12931 21 May 2017 06:12 PM බලන් ගියහම අපේ රටෙත් මාර වැඩ්ඩො ඉන්නෙ First they Ignore You , Then they Laugh at You, Then they Fight with you, Then You Win.... 0 chamaramindMost Senior MemberPosts:13471 21 May 2017 06:12 PM වස විස නැති පලතුරු හඳුනා ගන්නා අයුරු වස විස නැති පලතුරු ලෙස හඳුන්වමින් වෙළෙඳ පොළේ අලෙවි කරන පලතුරුවලට ඇත්තේ වැඩි ඉල්ලුමකි. මෙම ඉල්ලුම නිසාම එවැනි පලතුරු වර්ගවල මිල ගණන්ද අනෙකුත් පලතුරු වර්ගවල මිලට වඩා වැඩිය. වස විස නැති පලතුරු ලෙස හඳුන්වන්නේ කුමන වර්ගයේ පලතුරුවලටද? වර්තමානයේ වෙරළු ගෙඩියේ සිට ඇපල් ගෙඩිය දක්‌වා වස විස එක්‌කර ඇතැයි කියා ජනතාව තුළ මතයක්‌ පවතිනවා. ඇත්තටම අප වස විස ලෙස පවසන්නේ යම් පලතුරක අස්‌ වැන්න වැඩිපුර ලබා ගැනීමට යොදන රසායනික පොහොර වර්ගවලට සහ පලතුරු ඉක්‌මනින් ඉදවා ගැනීම සඳහා යොදන රසායන ද්‍රව්‍යවලටය. පලතුරු ඉදවීම සඳහා වර්තමානයේ බහුලව රසායන ද්‍රව්‍ය යොදාගනු ලබනවා. එසේ නොමැතිව ස්‌වභාවික අයුරින් පලතුරු ඉදවීමට ගියහොත් එම පලතුරු අස්‌වැන්නෙන් සියයට 30 ක් (30%) පමණ අපතේ යනවා. ශ්‍රී ලංකාවේ පලතුරු වර්ග ඉදවීම සඳහා භාවිතා කළ හැකි රසායන ද්‍රව්‍යයක්‌ ලෙස එතරල් (Eඑයර්ක) සෞඛ්‍ය අමාත්‍යාංශය විසින් අනුමත කර තිබෙනවා. මෙම රසායන ද්‍රව්‍යය භාවිතා කර කෙසෙල් ගෙඩි ගස්‌ලබු, අලි ගැටපේර, අඹ ඉද වීම කළ හැකියි. දින තුනක්‌ ඇතුළත එම පලතුරු හොඳින් ඉදවා ගැනීමට හැකියි. අන්නාසි, දොඩම්, ලයිම්, දිවුල්, මැන්ගුස්‌ යන පලතුරු වර්ගවලට මෙම රසායනික ද්‍රව්‍යය භාවිතා නොකළ යුතුයි. එතරල් භාවිතා කළ යුත්තේ හොඳින් පැසුනු පලතුරු වර්ග සඳහාය. නොමේරූ පලතුරු සඳහා මෙය යොදා ගැනීම සුදුසු නැත. පලතුරු වර්ගවලට මෙම රසායන ද්‍රව්‍යය ස්‌ප්‍රේ කිරීම හෝ එම රසායන ද්‍රව්‍යයේ ගිල්වීම නොකළ යුතුයි. මෙම එතරල් රසායන ද්‍රව්‍යය මගින් සිදු කරන්නේ පලතුරක්‌ ඉදීමට අවශ්‍ය එතලීන් වායුව නිපදවීම කඩිනම් කිරීමයි. පලතුරක්‌ ඉදෙන්නේ එම පලතුරු ගෙඩිය තුළින් එතලින් වායුව නිපදවන විටදීයි. ස්‌වභාවික ඉදුනු පළතුරක්‌ සහ එතරල් රසායන ද්‍රව්‍යය භාවිතා කර නිපදවු පලතුරක රසයේ ගුණයේ වෙනසක්‌ තිබෙනවාද? හොඳින් පැසුණු පලතුරු ගෙඩියක්‌ එතරල් භාවිතා කර නිසි අයුරින් ඉදවුවහොත් එහි රසයේ ගුණයේ වෙනසක්‌ නැහැ. නමුත් හොඳින් පැසීමට පෙර එම පලතුර ඉදවීමට උත්සාහ ගතහොත් එහි රසයේ සහ ගුණයේ වෙනසක්‌ තිබෙනවා. අපි උදාහරණයක් විදිහට කෙසෙල් ගෙඩියක්‌ අරගනිමු. කහපැහැති කෙසෙල් ගෙඩියක්‌ ඉදී ඇතැයි කියා අප සිතිය යුත්තේ එහි පොත්තේ පාට ගැන පමණක්‌ සැලකිලිමත් වීමෙන් නෙමෙයි. කෙසෙල් ගෙඩියේ දාර වැඩි නම් එය හොඳින් පැසුණු ගෙඩියක්‌ නොවෙයි. හොඳින් ඉදුනු කෙසෙල් ගෙඩියක දාර අඩුයි. එසේම කෙසෙල් ගෙඩිය ලෙල්ලෙහි කලු පැහැති තිත් ඇත්නම් එය කාබයිට්‌ වැනි රසායන ද්‍රව්‍යයක්‌ යොදා ඉද වූ ගෙඩිය. කෙසෙල් කැනක ගෙඩි ඉදෙන්නේ කැනේ පහළ ගෙඩිවල සිට ඉහළටයි කාබයිට්‌ යෙදූවිට මුළු කෙසෙල් කැනේම ගෙඩි තැන තැන කහ පාට වී තිබෙනු දැකිය හැකියි. මෙවැනි පලතුරුවල රසයේ වෙනසක්‌ ද තිබෙනවා. අඹ ගෙඩියක්‌ හොඳින් පැසී ඉදුනුවිට එම ගෙඩියේ ඇටය ශක්‌තිමත්ව තිබෙනවා. ඇටය ශක්‌තිමත් නැතිව ගෙඩිය කහපාටට පවතිනවා නම් එය කාබයිට්‌ වැනි රසායන ද්‍රව්‍යයන් භාවිතා කර ඉද වූ පලතුරු විය හැකියි. හොඳින් පැසුණු පසු ඉදුනු පලතුරක සුවඳ තිබෙනවා. එනිසා පලතුරක්‌ තෝරා ගන්නා විට පාට පිළිබඳව සැලකිලිමත් වනවා වගේම සුවඳ ගැනත් සැලකිලිමත් වුවහොත් හොඳ පලතුරක්‌ මිලදී ගත හැකියි. හොඳින් ඉදුනු අඹ ගෙඩියක්‌ අප ආහාරයට ගත යුත්තේ ලෙල්ලත් සමගයි. අඹ ගෙඩියේ ලෙල්ලේ විටමින් අඩංගුයි. නමුත් අප බොහෝ දෙනා ලෙල්ල සමඟ එය ආහාරයට ගන්නේ නැහැ. ලෙල්ල සමඟ ආහාරයට ගත්විට බඩේ අජීර්ණ ඇති වේ යෑයි කියා බිය වෙනවා. එසේ වන්නේ හොඳින් ඉදී නැති අඹ කෑමට ගැනීමේදීය. වර්තමානයේ බොහෝ ආන්දෝලනයට ලක්ව ඇති පලතුරක්‌ ලෙස ඇපල් හැඳින්විය හැකියි. මෙම පලතුරු කල් තබා ගැනීම සඳහා ශරීරයට අහිතකර රසායන ද්‍රව්‍ය එක්‌කර තිබෙනවාද? ඇපල් කල් තබා ගැනීම සඳහා වැක්‌ස්‌ වර්ගයක්‌ ආලේප කරනවා. එය ආහාරයට අහිතකර නැහැ. ඇපල් ගෙඩියේ අලවා ඇති ලේබලය සම්බන්ධවත් ඇතැම් දෙනා තුළ විවිධ මත පවතිනවා. ලේබලය අලවා ඇත්තේ ඇපල් ගෙඩියට රසායන ද්‍රව්‍ය එන්නත් කළ ස්‌ථානයට කියා පවසනවා. නමුත් ඇපල් ගෙඩියකට එසේ රසායන ද්‍රව්‍ය එන්නත් කරන්න බැහැ. ලේබලය අලවා ඇත්තේ එම ඇපල් ගෙඩිය අලෙවි කරන සමාගමේ විස්තර සටහන් කිරීමටයි. මෙය ජාත්‍යන්තර පිළිගත් නීතියකි. සමන්ත පෙරේරා ශ්‍රී ලංකා මහජන සෞඛ්‍ය පරීක්‍ෂකවරුන්ගේ සංගමයේ ගම්පහ දිස්‌ත්‍රික්‌ ශාඛාවේ මාධ්‍ය ප්‍රකාශක ආදරෙයි ආදරෙයි අහස වගේ - ආදරෙයි ආදරෙයි අම්මට වගේ....... 0 chamaramindMost Senior MemberPosts:13471 21 May 2017 06:15 PM පොඩ්ඩන්ට කවන්නේ කල්පනාවෙන් මවු කිරෙන් පෝෂණය වන බිළිඳාට මාස හතරක් පිරුණු පසු ඝන ආහාර හුරු කරවීම කළ යුතුය. එසේ ඝන ආහාර ලබාදීමේදී දරුවාට ආරක්ෂිතව ආහාර ලබා දීම කළ යුතුවේ. එහි දී අවධානය යොමු කළ යුතු කරුණු කිහිපයකි. ඒවා පහත පරිදි වේ. දරුවා වෙනත් ක්‍රියාකාරකමක යෙදෙන විට එනම්, සෙල්ලම්කිරීම, හිනා හෝ අඬන අවස්ථාවලදී ආහාර ලබා නොදිය යුතුය. ආහාර ලබා දීමේදී සෑම විටම දරුවන් වාඩි කරවා ලබා දෙන්න. ආහාර ගන්නා මොහොතේදී ඉතා කිට්ටුවෙන් අධීක්ෂණය කරන්න. ආහාර ලබා දීමේදී බලහත්කාරයෙන් කන්න බල කරන්න එපා. දැඩි අවදානම් සහිත ආහාර ලබා නොදෙන්න උදාහරණ - බිළිඳුන් හෝ කුඩාම දරුවන් වෙත, මස් හෝ චීස් කුට්ටි, මිදි, අමු එළවළු හෝ පලතුරු කුට්ටි දීම නොකළ යුතුය. ඇට වර්ග, පොරි, වෙනත් දැඩි අවදානම් සහිත ආහාර මෙන්ම රටකජු බටර්, චුවිංගම් මාස්මලො වැනි කටේ ඇලෙන දෑ දීමෙන්ද වැළකිය යුතුය. වයසින් වැඩේත්ම දුව පැන ඇවිදිමින් ආහාර ගැනීමට දරුවා පුරුදු වනු ඇත .එනමුත් ආහාර වර්ග ඉහළට විසිකර මුඛයට ගන්නා අවස්ථාවන් වළක්වාලන්න දරුවාගේ සෙල්ලම් උපකරණ පිළිබද අවධානය යොමු කරන්න .එහි ඇති කුඩා කොටස් දරුවා මුඛයට දමාගත හැක. දරුවා අනතුරුදායක වස්තු වලට ලගා නොවන පරිදි තබා ගන්න. කාසි, බොත්තම බැටරි, දාදු කැට හා පෑන් කොපු ආදිය දරුවාට හසු නොවන්නට වග බලා ගන්න කුඩා කල සිටම හොදින් හපමින් සෙමින් කන්නට උනන්දු කරවන්න. තමන්වම පෝෂණය කරගැනීමට දරුවා උනන්දු කරවන්න. කොළඹ ජාතික රෝහලේ පුහුණු කිරීමේ හෙද නිලධාරිනී පුෂ්පා රම්‍යානි සොයිසා සටහන- ඩයනා උදයංගනී ආදරෙයි ආදරෙයි අහස වගේ - ආදරෙයි ආදරෙයි අම්මට වගේ....... 0 chamaramindMost Senior MemberPosts:13471 21 May 2017 06:17 PM වහාම ඇස් පරීක්‍ෂා කළ යුතු අවස්‌ථා මෙලොව එළිය දුටුදා සිට මිය යනතුරුම ලොව දකින අපගේ ඇස් දෙක රැක ගැනීමට අපි කොයි කවුරුත් වෙහෙසෙන්නෙමු. හොඳින් ඇස් පෙනෙනවිට අපට ඇස් දෙකෙහි අගය එතරම් නොදැනුනත් ඇස් පෙනීම දුර්වලවනවිට අපි ඇස් දෙක පිළිබඳව වෙනදාට වඩා උනන්දුවෙන් යුතුව අවධානය යොමු කරන්නෙමු. ඇස් පෙනීම දුර්වල වනවිටදී පමණක්‌ නොව ඇසෙහි කිසියම් වෙනසක්‌ මතුවන විටදී ද අප වහාම ඇස් පරීක්‍ෂා කරවා ගත යුතුය. එසේ නොවුණහොත් ඇස් පෙනීම දුර්වල වීමට වඩා අකාලයේ ඇස් දෙක අන්ධභාවයට පත්වීමට ද හේතුවේ. ඇස් පරීක්‍ෂා කරගත යුතු විශේෂ අවස්‌ථා ඇස් දෙකෙන් විදුලි කොටනු මෙන් දැනෙනවිට, ඇසේ පෙනුම එකවර නැතිව යනු මෙන් දැනෙනවිට, අලුත උපන් දරුවාගේ දෙනෙතින් කඳුළු ගලනවිට යන අවස්ථාවලදී වහාම අක්‌ෂි වෛද්‍යවරයකු හෝ දෘෂ්ටි විශේෂඥවරයකු වෙත ගොස්‌ ඇස් පරීක්‍ෂා කරගත යුතුය. ඇස්‌වලින් විදුලි කොටනු දැනීම ඇස් දෙකින් වරින් වර විදුලි කොටනු මෙන් දැනෙන්නේ දෘෂ්ටිවිතානයට හානි සිදුවූ විටදීය. මෙලෙස දෘෂ්ටිවිතානය හානියට ලක්‌වීම සිදුවන අවස්‌ථාවක්‌ වනුයේ ඇසට තදින් පහරක්‌ වැදුන විටදීය. එවිට දෘෂ්ටිවිතානය ඉරීයැමට හෝ ගැලවී යැමට ලක්‌විය හැකිය. එබැවින් ඇසට දරුණු ලෙස පහරක්‌ එල්ල වූ විට වහාම ඇස් පරීක්‍ෂාවකට යොමුවිය යුතුය. දෘෂ්ටිවිතානය සම්පූර්ණයෙන් ගැලවී ගියහොත් ඒ සඳහා ප්‍රතිකාර කිරීම ඉතා අපහසුය. එබැවින් මුල් අවස්‌ථාවේදීම ප්‍රතිකාර සඳහා යොමුවීමෙන් දෘෂ්ටිවිතානය ගැලවී යැම නිසා සිදුවන ඇස් අන්ධවීම වළක්‌වා ගත හැකිය. පෙනීම එකවර නැතිවී යැම ඇතැම් පුද්ගලයන්ගේ ඇසේ පෙනීම එකවර නොපෙනී යැමක්‌ සිදුවේ. බොහෝවිට මෙවැනි අවස්‌ථාවනට ලක්‌වන්නේ කොලෙස්‌ටරොල් අධික බවින් පෙළෙන පුද්ගලයන්ය. මෙලෙස ඇස් පෙනීම එකවර නවතින්නේ ඇස් රුධිර නාලයක්‌ කොලෙස්‌ටරෝල් තැටියකින් අවහිරවූ විටදීය. එවැනි අවස්‌ථාවකදී වහාම ඇස් දෙක සම්බාහනය කරමින් විනාඩි 90 ක් ඇතුළත අක්‌ෂි සායනයකට ගොස්‌ ප්‍රතිකාර ලබාගත යුතුය. එසේ නොකළහොත් ඇසේ රුධිර සංසරණය නතරවී ඇස් අන්ධ වේ. එබැවින් කොලෙස්‌ටරෝල් අධික බවින් පෙළෙන පුද්ගලයන් මේ පිළිබඳව වැඩි අවධානයක්‌ යොමු කළ යුතුය. අලුත උපන් දරුවාගේ ඇසින් කඳුළු ගැලීම අලුත උපන් දරුවකුගේ ඇස් දෙකින් කඳුළු ගලන්නේ ඉපදී මාසයක්‌ පමණ ගතවූ විටදීය. ඉපදී සතියක්‌ ඇතුළත කඳුළු ගලයි නම්, ඇස් පිහාටු ඉදිමී ඇත්නම් දරුවා වහාම රෝහල් ගතකර ප්‍රතිකාර ලබාදිය යුතුය. මෙය දරුවාගේ කළු ඉංගිරියාව දිරායැමේ රෝගය (ධචයඑය්කපස්‌ භමදබ්එරමප) නිසා මතුවන රෝග ලක්‌ෂණයකි. බොහෝවිට මෙවැනි දරුවන් බිහිවන්නේ සමාජ රෝග වැළඳී ඇති මවුවරුනටය. සමාජ රෝග නිසා ඔවුනගේ යෝනි මාර්ගයේ ඇති විෂබීජ දරු ප්‍රසූතියේදී දරුවාගේ ඇහි පිහාටුවල තැවරීම නිසා මෙම රෝගය මතුවේ. මේ පිළිබඳව වැඩිදුර තොරතුරු ලබා ගැනීමට අවශ්‍ය නම් දුරකථන අංක 0112682277 ඇමැතිය හැකිය. අයි කෙයාර් දෘෂ්ටි අධ්‍යාපන ආයතනයේ අධ්‍යක්‍ෂ දෘෂ්ටි විශේෂඥ නරේෂ් ප්‍රදාන් උපුටා ගැනිම - දිවයින වෙබ්පුවතින් ආදරෙයි ආදරෙයි අහස වගේ - ආදරෙයි ආදරෙයි අම්මට වගේ....... 0 Ind007kaMost Senior MemberPosts:12931 21 May 2017 06:39 PM ස්තුත්යි මල්ලි තොරතුරු වලට First they Ignore You , Then they Laugh at You, Then they Fight with you, Then You Win.... 0 samanthaMost Senior MemberPosts:13190 21 May 2017 09:18 PM ඇස් දෙක පණ මෙන් රැක ගත යුතුයි.. සියළුදෙනාටම සෙතක් ශාන්තියක් සැලසේවා!!!! 0 maduranga001Most Senior MemberPosts:14118 21 May 2017 09:24 PM ඉතා වැදගත් ලිපි පෙළක් මල්ලි. ලිපි ටික ඔක්කොම කියෙව්වා. දැනුම බෙදා දුන්නට ස්තූතියි. ~~~~~ මේ නගරය මා ඔබ මුණ ගැසුණු නගරයයි ~~~~~ 0 ImalkaVeteran MemberPosts:4533 21 May 2017 10:34 PM මේ විස්තර බොහෝ ප්‍රයෝජනවත්..ස්තුතියි ඔබේ උත්සාහයට 0 DushanVeteran MemberPosts:2536 22 May 2017 05:07 AM ඉතා වැදගත් ලිපියක් බොහොම ස්තුති 0 santhaaBasic MemberPosts:249 22 May 2017 10:29 AM ගොඩාක් වටිනා තොරතුරු ටිකක් ..... 0 chamaramindMost Senior MemberPosts:13471 22 May 2017 05:45 PM රුවට මෙන්ම ගුණටත් කෝමාරිකා ලෝකයේ ජීවත් වන සත්ත්ව වර්ගයාගේ අඛණ්‌ඩ පැවැත්ම සඳහා පරිසර පද්ධතිය බෙහෙවින් උපකාරී වේ. සත්ත්ව වර්ගයාට අවශ්‍ය වන ආහාර, ජලය, ඖෂධ පරිසරය විසින්ම මිනිසාට සපයයි. පරිසරයේ ඇති විවිධ ශාක මගින් ඉතා ආරක්ෂිතව මෙම සත්ත්ව වර්ගයා අනාගතය පුරා රැගෙන යයි. කෝමාරිකා ශාකය මෙවැනි වූ අපූර්ව ශාකයකි. ඇමරිකාව, අප්‍රිකාව, ඉන්දියාව, පකිස්‌තානය, සහ ශ්‍රී ලංකාව වැනි රටවල මෙම ශාකය සරුවට වැඩේ. මෙහි මිනිස්‌ සිරුරට අවශ්‍ය ඇමටිනෝ අම්ලය අඩංගුය. ශරීරයට අවශ්‍ය ශරීරයේ නිපදවා ගත නොහැකි ඇමයිනෝ වර්ග හතක්‌ම මෙහි නිපදවයි. විටමින් Aලෑල Cග හා ඊ සියල්ල මෙම කෝමාරිකා තුළ අඩංගු වීමද විශේෂිතය. අපේ පැරැන්නන් විසින් විටමින් A ඌණතාවය නිසා ඇතිවන රාත්‍රි අන්ධභාවය සඳහා ඖෂධයක් ලෙස කෝමාරිකා යුෂ භාවිතය ඉතා ගුණදායි බව පවසන අතර සමහර පිළිකා, ප්‍රොaටීන් ඌණතාවය යන තත්ත්aවයන් සඳහාද බෙහෙවින් ගුණදායක වේ. මෙම අනර්ඝ ඖෂධීය ගුණයක්‌ ඇති ශාකය මගින් අක්‌ෂි රෝග, පෝෂණ ඌණතා රෝග, අර්ශස්‌ රෝග, රක්‌තහීනතාවය, චර්ම පිළිකා රූපලාවන්‍ය ප්‍රතිකාර දියවැඩියාව වැනි රෝග ගණනාවකට සුව ගෙන දීමට පොහොසත් බව පෙනී ගොස්‌ ඇත. සෑම ස්‌ත්‍රියක්‌ම වයසට යැමත් සමඟ ඇතිවන අර්තව චක්‍රයේ ස්‌වභාවික නැවතීම නිසා (ආර්තවහණය) යම් යම් රෝගී තත්ත්වයන්ට ගොදුරු වේ. එවන් තත්ත්වයකට පත්වූ කාන්තාවන්ගේ ශරීරය තුළ අඩුවන ඊස්‌ට්‍රජන් හෝමෝනවලට සමාන රසායනික ව්‍යqහයක්‌ මෙමගින් නිපදවනු ලබයි. මෙම තත්ත්වයේ සිටින ස්‌ත්‍රින් කෝමාරිකා පානයක්‌ ලෙස භාවිත කිරීම සුදුසු වේ. ඖෂධීය ගුණයෙන් යුත් මෙම පානය සකසා ගත හැක්‌කේ හොඳින් වැඩුණු කෝමාරිකා පිත්තක්‌ ගෙන මද සූරා ගැනීමෙනි. එම මද ප්‍රමාණය මෙන් හත් ගුණයක්‌ ජලය හා අවශ්‍ය ප්‍රමාණයට සීනි එකතු කර හොඳින් රත් කරන්න. වෙනම භාජනයකට පෙරා මෙය නිතරම වීදුරු භාගයක්‌ පමණ පානය කරන්න. ලෙඩ රෝග සුව වීම මෙන්ම තමන්ගේ රූ සුපුව රැක ගැනීමටද කෝමාරිකා ශාකයේ ඖෂධීය ගුණය හේතුවේ. රූ සපුව රැක ගැනීමට කෝමාරිකා යුෂ පානය කිරීමට අමතරව සම මත යුෂ ආලේප කිරීම සුදු පැහැති සමක්‌ ලබා ගැනීමට හේතුවකි. රසාංගනී හේරත් සංස්‌කරණය වසන්තා ශ්‍රියාකාන්ති ආදරෙයි ආදරෙයි අහස වගේ - ආදරෙයි ආදරෙයි අම්මට වගේ....... 0 chamaramindMost Senior MemberPosts:13471 22 May 2017 05:46 PM කොඳු ඇට පෙළ දිරාපත්වීම සහ අන්තර් කශේරුකා බිම්බ එළියට පැනීමේදී ඇතිවන රෝග ලක්‍ෂණ කොඳු ඇට පෙළ දිරාපත්වීමේදී හෝ කැල්සියම් තැන්පත්වීමකදී අන්තර් කශේරුකා බිම්බ (කාටිලේජ) දිරාපත් වේ. එවිට දැත්වලට එන ස්‌නායු තෙරපීමකට ලක්‌වන තත්ත්වයක්‌ තිබේ. එවිට බෙල්ලේ සිට තද වේදනාවක්‌ කැක්‌කුමක්‌ ඇතිවන අතර බෙල්ල හැරවීමට පවා නොහැකි වේ. බෙල්ලේ සිට ඇඟිලි දක්‌වා හිරියක්‌ සමඟ වේදනාවක්‌ ගමන් කරනු දැනේ. මෙවැනි අවස්ථාවලදී මෝටර් සයිකල් පදින අයට එය අමාරු තත්ත්වයක්‌ දැනේ. දැත්වලින් වැඩ කරන අයට වැඩ කරන්නට අමාරුවේ. රෝගය හඳුනාගත හැකි වන්නේ අත් දෙකෙහි හිරිය, වේදනාව දැනීමෙනි. රෝගය හඳුනා ගැනීමෙන් මේ සඳහා සාර්ථක ප්‍රතිකාර ක්‍රම තිබේ. තවද නිතර පරිගණකයේ සිටින අයට මෙන්ම වැඩිපුර කොට්‌ට තබා නිදන අයට මෙම බෙල්ලේ වේදනාව තීව්‍ර වීමට එම කාරණා හේතු වේ. දරුවන් තුන් හතර දෙනකු සිටින මවක්‌ දරුවන්ට කිරිදීම නිසාවෙන් පෝෂණය අඩුවීමේදී, තරුණ කාලයේ නිරෝගීව සිටියත් මහලු වයසේදී පෝෂණ ඌනතාව බලපෑම මත අස්‌ථි දිරාපත්වීමේදී මෙවැනි රෝගාබාධවලට ලක්‌වීමේ හැකියාව ඉහළය. නිසි පෝෂණයක්‌ නොවීම මත එහි බලපෑම අස්‌ථිවලට මෙන්ම අන්තර් කශේරුකා බිම්බ (කාටිලේජ) වලට බලපෑම මත ඒ සඳහා බලපෑම් ඇතිවීමේදී කාටිලේජ වර්ධනයට ප්‍රතිකාර අවශ්‍ය වන තත්ත්වයකට පත් වේ. එසේ නොවූ විට කොඳු ඇට පෙළ ආශ්‍රිතව නොයෙක්‌ රෝගාබාධවලට ලක්‌වන තත්ත්වයක්‌ තිබේ. තෙරපුණු ස්‌නායු පෝෂණය වෙනුවෙන් දේශීය ප්‍රතිකාර ක්‍රම තුළ තෙල් සත්කාර ප්‍රතිකාර තිබේ. එමගින් කාටිලේජ වර්ධනය කිරීමේ හැකියාව ඇත. කොඳුඇට පෙළ ආශ්‍රිතව බෙල්ල ප්‍රදේශයේ රෝගාබාධවලදී අස්‌ථි පටක බුරුල් වන තෙල්, පත්තු භාවිත කළ යුතුය. අස්‌ථි බුරුල් කිරීමෙන් පසු තෙරපී ඇති ස්‌නායු සඳහා ඖෂධීය තෙල් ප්‍රතිකාර නැවත ලබා දිය යුතුය. එමගින් අස්‌ථි දිරාපත් වීම වළකින අතර එතැන් සිට ඉදිරියට දිරාපත්වීම නවතිනු ඇත. තුනටිය ආශ්‍රිත කාටිලේජ දිරාපත් වීමේදී ස්‌නායු තෙරපුම බලපාන්නේ පාද වලටය. එවිට කොඳුඇට පෙළ තෙරපුමකදී පාදවලට හිරිය වේදනාව ගමන් කරනු ඇත. කොඳුඇටපෙළේ ලම්බා 1, 2, 3, 4, 5 යන අස්‌ථිවලින් තට්‌ටම සිට පාද ඇඟිලි දක්‌වා හිරිය වේදනාව ගමන් කරයි. වැඩිපුර බර ඉසිලීම, වැරදි වාඩිවීම, නිසි පෝෂණයක්‌ නොලැබෙන අයට කැල්සියම් ඌනතාවය ඇතිවිට මෙම රෝග ලක්‍ෂණ ඇති වේ. ලම්බා 3, 4, 5 යන අස්‌ථි තෙරපුණු විට ලිංගික අප්‍රාණික බව ගැහැනු පිරිමි දෙපිරිසටම ඇතිවේ. කාන්තාවන්ට යෝනි මාර්ගයේ අපහසුතාව දැනේ. ගුද මාර්ගය ඇතුළට යනවා ලෙසට දැනෙන තත්ත්වයක්‌ තිබේ. නිසි පෝෂණයක්‌ නොලැබීම. අඩු වයසින් විවාහ වීම, ඔරොත්තු නොදෙන බර ඉසිලීම, එනම දරා ගැනීමට නොහැකි බර එසවීම, කොඳුඇට පෙළ ආශ්‍රිත වේදනාවන් ඇතිවීමට හේතු වේ. මෙම වේදනාව ක්‍ෂණිකව හට ගන්නේ බර ඉසිලීම වැනි තත්ත්වයන් වලදීය. අනිකුත් කාරණා මත රෝග තත්ත්වයන් ඇතිවීම කාලයක සිට සිදුවේ. රෝග ලක්‍ෂණ නිවැරැදිව හඳුනාගැනීමෙන් ප්‍රතිකාර සඳහා යොමුවීම වැදගති. ආදරෙයි ආදරෙයි අහස වගේ - ආදරෙයි ආදරෙයි අම්මට වගේ....... 0 chamaramindMost Senior MemberPosts:13471 22 May 2017 05:49 PM තරුණ පරපුරට වැළඳීමේ භාවික උන්මාදය මානසික රෝගයක්‌ වැළඳීමට මුල්වන ප්‍රධාන හේතුවක්‌ වන්නේ මොළයේ රසායනිකව ඇතිවන වෙනස්‌වීම් එනම් දේශීය පාරම්පරික ක්‍රමයට අනුව මොළය ක්‍රියාත්මක වන සත්ත්ව, රජස්‌ සහ තමස්‌ යන ශක්‌තීන්වල ඇතිවන අසමතුලිතතාවයන්ය. මානසික රෝග ගැන කතා බහ කිරීමේදී වර්තමාන සමාජයේ තරුණ පරපුරට වැළඳීමේ වැඩි ප්‍රවණතාවයක්‌ ඇති මානසික රෝගයක්‌ ලෙසට භාවික උන්මාදය නමැති මානසික රෝගය ලෝක සෞඛ්‍ය සංවිධානය මගින් හඳුනාගෙන ඇත. විශේෂයෙන්ම වයස අවුරුදු 15-35 අතර වයස්‌ කාණ්‌ඩවලට මෙම රෝගය වැළඳීමේ වැඩි ප්‍රවණතාවයක්‌ තිබෙන බව අනාවරණයවී ඇත්තේ සමීක්‍ෂණවල ප්‍රතිඵලයක්‌ හැටියටය. මුලින් සඳහන් කළ පරිදි මානසික රෝගයට මූලික හේතු කාරක වන මොළයේ ඇතිවන විපර්යාසයන් නිසා පුද්ගලයාගේ සිතුම් පැතුම්වල හැඟීම්වල සහ සංවේදනයේ වෙනසක්‌ ඇති වීමට පුළුවන. මෙම රෝගයේදී (භාවික උන්මාදයේදී) ප්‍රධාන වශයෙන්ම ඇති වන්නේ හැඟීම්වල සහ මනෝභාවයන්ගේ උච්චාවචනයන් ඇතිවීමයි. කිසිවෙක්‌ තුළ චිත්ත සන්තාපයේ සර්ව සුබවාදී හෝ සර්ව අසුබවාදී මනෝ භාවයක්‌ බලාපොරොත්තු විය නොහැක. දුක සතුට ඕනෑම අයෙකුට පොදුවන නමුත් මෙම රෝගී තත්ත්වයේදී දැනෙන දුක හෝ සතුට අසීමාන්තික ලෙස එම පුද්ගලයාගේ මනෝ භාවයන්හි පහළ වැටීමක්‌ හෝ ඉහළ යැමක්‌ සිදුවන්නේ නම් මෙන්ම එම තත්ත්වය සති දෙකකට වඩා පවතී නම් භාවික උන්මාදයේ මූලික රෝග ලක්‍ෂණ ලෙසින් එම රෝග ලක්‍ෂණ හඳුනා ගැනීමට පුළුවන. එසේත් නොමැති නම් ද්විත්ව ධ්‍රැවික මානසික රෝගය ලෙසින්ද මෙම රෝගය හඳුන්වා දිය හැක. මනෝභාව ධ්‍රැව දෙකක්‌ අතර දොaළනය වීම නිසාවෙන් ද්විත්ව ධ්‍රැවික යන නම යෙදී තිබෙන්නේය. දේශීය නීලම්මහර පාරම්පරික මානසික රෝග වර්ගීකරණයේ දුක සහ සතුට මාරුවෙන් මාරුවට කාලයෙන් කාලයට ඇතිවන රෝගී තත්ත්වයක්‌ ලෙසින් මෙය විග්‍රහ කර තිබේ. මෙම රෝගී තත්ත්වයේ දුක වැඩිපුර දැනෙන අන්තයට මනෝ භාවයේ හැඬුම් අන්තයද සතුට වැඩිපුර දැනෙන අන්තය සිනාසුම් අන්තය යෑයිද හඳුන්වාදී තිබේ. මෙය බටහිර මනෝ විද්‍යාවේදී මේනියාව (උන්මාදය) සහ ඩිප්‍රෙෂන් (විශාදය) ලෙසට හඳුන්වාදී ඇති අතර දේශීය වර්ගීකරණයේ වාතෝන්මාද ලක්‍ෂණයක්‌ හැටියට හඳුනාගෙන ඇත. සුළඟේ වේගය යම් ආකාරයකට වෙනස්‌ වන්නේද එසේම අපේ මනෝ භාවයන්හි අන්තයන්ද විටින් විට අනපේක්‍ෂිතව වෙනස්‌ වන ආකාරය දේශීය ග්‍රන්ථවල උන්මාද රෝග නිධාන යටතේ පැහැදිලි කර දී තිබේ. සුළඟ විටෙක වේගයෙන් හමයි. විටෙක මන්දගාමි වෙයි. මේ ආකාරයෙන් පුද්ගලයාගේ චර්යාවන්, සිතුම් පැතුම් හැසිරීම් මෙම රෝගයේදී විටෙක මන්දගාමී වන අතර විටෙක අධි ක්‍රියාකාරී තත්ත්වයට පත්වෙයි. මෙම මනෝභාවයන්හි වැටීම සහ ඉහළ යැම පවතින කාල සීමාව රෝගියාගෙන් රෝගියාට වෙනස්‌ විය හැකිය. කෙනකු මාස 3 ක් පමණ දුකෙන් කනගාටුවෙන් කනස්‌සල්ලෙන් බොහෝ මන්දගාමීව කාලය ගත කිරීමට පුළුවන. මෙය හැඬුම් අන්තයේ ලක්‍ෂණයි. ඉන්පසු එක විටම හෝ ක්‍රම ක්‍රමයෙන් සතුට වැඩිවන තත්ත්වයක්‌ එනම් අධි ක්‍රියාකාරී තත්ත්වයක්‌ පෙන්නුම් කිරීමට පටන් ගනියි. මෙය සිනාසුම් අන්තයේ රෝග ලක්‍ෂණයි. මෙහිදී කනට විවිධාකාර වූ ශබ්ද ඇසීම ශ්‍රව්‍ය භ්‍රාන්තීන් ලෙස හඳුන්වන අතර ඇසට විවිධ භයංකර රූප මැවී පෙනීම දෘශ්‍ය භ්‍රාන්තීන් වශයෙන් සිනාසුම් අන්තයේ තවත් රෝග ලක්‍ෂණ පුරාණ වෙද පොත්වල සඳහන් කර ඇත. තමන්ගේ ජීවිතයේ වැඩ කටයුතු ඉතා හොඳින් සාර්ථකව කරගෙන සිටි අයෙක්‌ හිටි හැටියේ තමන් පෙරදා අත්විඳි සතුට තමන්ට නොදැනෙන බව දැනී යනවා නම් තමාට තිබෙන සියලු භෞතික සැප සම්පත් එපා වී යනවා නම් අන් අයට කතා කිරීම, අන් අයගේ ඇසුර තමන්ට මහත් කරදරයක්‌ සේ දැනෙනවා නම් තමන්ගේ පිරිසිදුකම, කෑම රුචිය, තමන්ගේ බාහිර පෙනුම පිළිබඳ උනන්දුව අඩුවෙනවා නම් තීරණ ගැනීමේ හැකියාව අඩුවීගෙන යනවා නම්, වෙනදාට වඩා තමන් තුළ කේන්ති යැම, නොරිස්‌සුම් ගතිය වැඩි වෙනවා නම්, තමා පිළිබඳ තමාගේ වටපිටාව පිළිබඳ තමාගේ අනාගතය පිළිබඳ නිරන්තරයෙන් අසුබවාදී සහ සෘනාත්මක අර්ථකථනයකට ලක්‌ කරනවා නම් නින්ද වැඩිපුර හෝ අඩුවෙන් දැනෙනවා නම් අතපය රුදාව බඩ දැවිල්ල තමාට සුව නොවන රෝගයක්‌ තිබේ යයි සිතේ. සැක පහළ වීම වැනි තත්ත්වයන් ඇති වුවහොත් එය ඉහත සඳහන් කළ භාවික උන්මාදයේ විශාද අන්තයේ පොදු රෝග ලක්‍ෂණ විය හැක. එමෙන්ම මෙයට ප්‍රතිවිරුද්ධ සතුට ඉහවහා ගිය තත්ත්වයක්‌ තමන්ට දැනෙනවා නම්, නින්ද නොයැම ඇතිවේ නම් පුද්ගලයාගේ චර්යාවේ අධි ක්‍රියාකාරීත්වයක්‌ පෙන්නුම් කරනවා නම් අධි ක්‍රියාශීලී තත්ත්වයක්‌ පෙන්වනවා නම් ඇතැම් විට මොවුන් මෙම අවස්‌ථාවේදී වැඩිපුර ත්‍යාගශීලීවන්ත වීමට උත්සාහ කරනවා නම්, වැඩිපුර මුදල් වැය කිරීමට පෙළඹෙනවානම්, අධික කේන්ති යැම, බිය සැක, අධික කෑම රුචිය වැනි තත්ත්වයන් ඇති වෙනවා නම් මෙය භාවික උන්මාදයේ සිනාසුම් අන්තය හෙවත් උන්මාදනීය අන්තයේ රෝග ලක්‍ෂණ හැටියට සඳහන් කළ හැකිය. මෙම රෝග තත්ත්වයේදී රෝගියා කලහාකාරී වීමෙන් ඇතිවන සමාජ ප්‍රශ්න බොහෝමයකි. ලබන සතියේ ඒ පිළිබඳව විමසා බලමු. නීලම්මහර (මානසික රෝග විශේෂඥ) ආයුර්වේද වෛද්‍ය සමන් එස්‌. හෙට්‌ටිගේ ආදරෙයි ආදරෙයි අහස වගේ - ආදරෙයි ආදරෙයි අම්මට වගේ....... 0 chamaramindMost Senior MemberPosts:13471 22 May 2017 05:59 PM සුදු කබර සුවයට ප්‍රතිකාර තිබේ සුදු කබර (ලියුකොඩමා) ප්‍රතිශක්‌තිකරණය අසාමාන්‍ය ලෙස දුර්වලතාවයක්‌ මත ඇතිවන තත්ත්වයකි. රෝගය එලෙස ඇති වුවද මේ සඳහා ඇති දුර්මත බොහොමයකි. ස්‌වභාවික ප්‍රතිශක්‌තිය සිරුර තුළින්ම විනාශ කිරීම තුළින් ඇතිවන මෙම රෝගය මීයන්ගෙන් ඇතිවන බවට වූ කතාව සමාජයේ බොහෝ තැනකදී අසන්නට ලැබේ. මීයෝ රැලේ යන විටදී එක්‌ මීයකුගේ ශුක්‍රානු තවත් මීයකුගේ මුඛයේ ගෑවී තිබුණේ නම් එවැනි මීයෙක්‌ සපා කෑ විට (මූෂික විෂ) විෂ රුධිරයට ඇතුළු වී රෝගය ඇති විය හැකි බවට පරීක්‍ෂණ මගින් මේ වන විට සොයාගෙන තිබීමේදී ඉහත කතාවේ අසත්‍යතාවයක්‌ ඇති බව පිළිගත නොහැකිව තිබේ. එහෙත් මෙය විටෙක යම් හේතුවක්‌ පමණි. හේතුවක්‌ නොමැතිව වන අවස්‌ථා තිබේ. ස්‌වභාවික ප්‍රතිශක්‌තිය විනාශ වීමේදී වන්නේ සමේ මෙලනින් වර්ණකය (සමට පැහැය ලබාදී තිබෙන ස්‌වභාවික වර්ණකය) ඉවත් වී සුදු පාටට හුරු රෝස පාටක්‌ ඇති වීමයි. ඇතැම් විට කුඩා ස්‌ථානයක මෙම වර්ණ විපර්යාසය ඇති වී සමහර අවස්ථාවලදී ඉක්‌මණින් අන් ස්‌ථාන කරාද පැතිර යැමක්‌ දක්‌නට ලැබේ. ආයුර්වේදයේදී තොල්වල, අත්ලේ, පතුලේ කැලැල් මතු වූ විට සුව කරන්නට බැරි බවට මතයක්‌ තිබේ. කැලලක්‌ දෙකක්‌ දුටු විටම ප්‍රතිකාර සඳහා යොමුවීමෙන් පැතිරීම වළක්‌වා ගැනීමේ හැකියාව තිබේ. සුළුවෙන් කැලැල් දුටු විට නොසලකා හැරීම තුළ, ඇතිවන මානසික ආතතිය හමුවේ රෝගය සීඝ්‍රයෙන් පැතිර යන අයුරක්‌ තිබේ. ආතතිය වැඩිවීම තුළ ප්‍රතිශක්‌තිකරණය තවත් අඩුවීම රෝගය පැතිරීම වළක්‌වා ගැනීමට සුදුසු තත්ත්වයක්‌ නොවේ. සුදු කබර රෝගී තත්ත්වයට ප්‍රසිද්ධියේ ප්‍රතිකාර සඳහා යොමු නොවන බවක්‌ සමාජය හමුවේ පවතී. මේ සඳහා ඖෂධයක් නැතැයි යන ආකල්පය හමුවේ මුළුගැන්වීමට උත්සාහ දරයි. රෝගය රූපලාවණ්‍ය සමඟ ඇතිවන ගැටලුවක්‌ නිසාවෙන් සිතීම වැඩි වන අතර එය රෝගයේ පැතිරීමට උදව්වකි. ප්‍රතිශක්‌තිකරණය වර්ධනය කරන ආහාර එනම් පතෝල, වැටකොළු, වට්‌ටක්‌කා, වැනි ආහාර වැඩිපුර ආහාරයට එක්‌කර ගැනීමත් සමබර ආහාරයක්‌ ගැනීමත්, පිරිසිදු ජලය පානය මගින් රෝගය යම්තාක්‌ දුරකට පාලනය කර ගැනීමට හැකියාව තිබේ. එයට හේතුව ප්‍රතිශක්‌තිකරණය ඇතිකර ගැනීමට උත්සාහයක්‌ දැරීමයි. නොදැනුවත්කම සහ අනියත ලැඡ්ජාවක්‌ නිසාවෙන් ප්‍රතිකාර සඳහා යොමු නොවී සැඟවී සිටීම සැබැවින්ම සුදුසු කාරණාවක්‌ නොවන්නේ සුදු කබර සඳහා ප්‍රතිකාර ඇති නිසාවෙනි. පැතිරීම වලක්‌වා ගැනීමට, මෙන්ම ප්‍රතිශක්‌තිකරණය වර්ධනය කර ගනිමින් රෝග පාලනයට ප්‍රතිකාර ක්‍රම තිබේ. සැර ආහාර වර්ග එනම් ආම්ලික ආහාර සුදුසු වන්නේ නැත. වැඩිපුර අව්වේ යැම සුදුසු නොවන්නේ හිරු කිරණේ පාරජම්බුල අධෝරක්‌ත කිරණ සමට ගැටීම නිසා වෙනත් රෝග ඇතිවීමේ හැකියාවක්‌ තිබෙන නිසාවෙනි. තවද සම වියළීමේ ඉඩකඩ වැඩිය. ප්‍රතිකාර ගැන කතා කිරීමේදී චීන කටු ප්‍රතිකාරයෙන් සාර්ථක ප්‍රතිඵල ලබාගැනීමේ හැකියාව තිබේ. පළමුව රෝගියාගේ ප්‍රතිශක්‌තිකරණය වර්ධනය කරවන අතර කැලැල් සම මතුපිට පැතිරීම වැළැක්‌වීම සිදුකරමින් නැවත සම මතුපිට එම කැලැල් තත්ත්වයන් ඇතිවීම වැළැක්‌වීම මෙම ප්‍රතිකාර තුළින් සිදුකරනු ලැබේ. චීන කටු ප්‍රතිකාරයෙන් සාර්ථක ප්‍රතිඵල ලබාගැනීම සඳහා යම් කාලයක්‌ අවශ්‍ය වන්නේ සිරුරේ නැති වූ ප්‍රතිශක්‌තිය ඇතිකිරීමට සහ කැලැල් මැකී යැමටයි. නිසි පරිදි ප්‍රතිකාරයට යොමු විය යුතු වන්නේ සුදු පැහැති වර්ණය සමේ පැහැයට හරවා ගැනීමටයි. වෛද්‍ය අමිලා කේ. ජයසිංහ ආදරෙයි ආදරෙයි අහස වගේ - ආදරෙයි ආදරෙයි අම්මට වගේ....... 0 Ind007kaMost Senior MemberPosts:12931 22 May 2017 06:15 PM නිට්ටාවට සුව කරන්න බැහැ වගෙ First they Ignore You , Then they Laugh at You, Then they Fight with you, Then You Win.... 0 maduranga001Most Senior MemberPosts:14118 22 May 2017 10:28 PM සුදු කබර රෝගය පොතු කබර රෝගය නිට්ටාවට සුව කර දෙනු ලැබේ. හිස කෙස් සුදු වීම වහාම නතර කර දෙනු ලැබේ. තට්ටය ප්‍රශ්නයක් ද? හිස කෙස් නැවත සිටුවා යථා තත්ත්වයට පත් කර දෙනු ලැබේ. පත්තර වල මේවා පිටු ගණන් තියෙන්නෙ. අද කාලේ මේකත් හොඳ සල්ලි හොයන බිස්නස් එකක්. අවන්කවම සුවපත් කරන අයත් ඇති. නමුත් මේවයින් පිඩා විදින අයගේ මානසික තත්ත්වය ප්‍රයෝජනයට අරගෙන දැන් සල්ලි ගරන මාවතකුත් වෙලා මේක. ඒ නිසා නිවැරදි ප්‍රතිකාර කරන අය අද බොහොම පරෙස්සමෙන් හොයා ගන්න වෙන්නේ. ~~~~~ මේ නගරය මා ඔබ මුණ ගැසුණු නගරයයි ~~~~~ 0 samanthaMost Senior MemberPosts:13190 22 May 2017 10:30 PM අද ගොඩාක් ඉන්නේ හොර වෙද්දු. සියළුදෙනාටම සෙතක් ශාන්තියක් සැලසේවා!!!! 0 You are not authorized to post a reply. Page 14 of 137 << < 1213141516 > >> Forum Support --Announcements --Stun Support Forum STUN MEMBERS AREA --Welcome to the Stun Community --General Discussions --Wishes --Suggestions for Stun --ස්ටන් සුහද හමු News and Discussions --News Discussions --Srilankan News --World News -- Sports News --Political News Room Fun, Humor and Games --Humor --Games and Quiz Games ----ස්ටන් අවුරුදු උත්සවය --Hobbies SL-Stun Audio --Audio - Sinhala --Audio - English -- Audio - Hindi and Tamil - --Audio - Instrumental SL-Stun Video Beautiful Sri Lanka --Beautiful Nature in Sri Lanka --Wild Life --Srilankan Heritage --Accomodations, Bunglows, Rest ... --Sri Lankan Events and Culture Aviation and Transportation --Aircrafts and Airports --Automobiles Health and Beauty --Health Corner --Your Beauty Creative Zone --Poems --Short stories --Lyrics --Song Chords --Creative Ideas --Story Teller Books and E-Books --Sinhala Novels --English Books --Educational Books --Non-Fiction Books Technical Area and Science --PC, Mac, Linux & Software --Gadgets and Cameras --Science and Education --Mobile Phones,Games and Applic... Art and Culture --Arts and Crafts ----ආදරවන්තයින්ගේ අඩවිය --Photography --Interviews with Stars --World Heritage Religions -- Buddhism ----ස්ටන් වෙසක් කළාපය --Christianity ----ස්ටන් එක්ක නත්තල් --Islam --Hinduism Sri Lankan History --National Heroes Food and Beverages --Recipes Default Group --Sample Forum 1 --Sample Forum 2 --Sample Forum 3 Default Group --Sample Forum 1 --Sample Forum 2 --Sample Forum 3 Default Group --Sample Forum 1 --Sample Forum 2 --Sample Forum 3 Default Group --Sample Forum 1 --Sample Forum 2 --Sample Forum 3 Default Group --Sample Forum 1 --Sample Forum 2 --Sample Forum 3 Default Group --Sample Forum 1 --Sample Forum 2 --Sample Forum 3 Forums Health and Beauty Health Corner