තරුණ සිත් නොසන්සුන් වීමට බලපාන ගැටලු

දරු දුක දැනෙන්න නම් මවුපිය පදවිය ලැබිය යුතු යෑයි කියා සාමාන්‍ය ජනවහරේ කතාවක්‌ පවතී. දස මසක්‌ කුස දරා මෙළොවට බිහිකරන දරුවා රැකබලා ගන්නට මව මෙන්ම පියාද අපමණ වෙහෙසක්‌ ගනිති. එසේ ලොකු මහත්වන දරුවන් පෙම් සබඳතා නිසා දිවි නසා ගනී නම් සුළු කරුණු නිසා දෙමාපියන් මරා දමයි නම් එය තරම් ෙ€දවාචකයක්‌ තවත් ලොව නැති තරම් යෑයි සිතේ. මෙලෙස තරුණ දූ දරුවන්ගේ සිත් නොසන්සුන් වන්නේ ඇයි දැයි කියා අපි අවධානය යොමුකරමු.

වෛද්‍යතුමනි, තරුණ දූ දරුවන්ගේ සිත් වර්තමානයේ නොසන්සුන් වීම් බහුලව දක්‌නට ලැබෙනවා. ඒ සඳහා හේතුවී ඇති කරුණු මොනවාද?

සෘෂි නාඩි වෛද්‍යවරුන් සඳහන් කර ඇති ආකාරයට අනුව මෙළොව උපදින දරුවකුගේ මනසේ සිතුවිලි ක්‍රියාකාරීත්වයට බලපාන කාලපරිච්ඡේද දෙකක්‌ තිබෙනවා.

පළමු කාල පරිච්ඡේදය මවුකුස තුළ පිළිසිඳගත් දා සිට වයස අවුරුදු 06 දක්‌වා කාල සීමාවය.

දෙවැනි කාල පරිච්ඡේදය වනුයේ වයස අවුරුදු 06 සිට වයස අවුරුදු 26 දක්‌වා වූ කාල සීමාවය.

පළමු කාල පරිච්ඡේදය පිළිබඳව අවධානය යොමු කළහොත් මෙහි ප්‍රධාන වගකීම දරුවාගේ මවට සහ පියාට හිමිවෙනවා.

දරුවකු බිහිකිරීමට වෙහෙසෙන මව සහ පියා තුළ ශාරීරික නිරෝගීතාවය මෙන්ම මානසික නිරෝගීතාවද පැවතිය යුතුය.

එනම් බිරිඳ සහ සැමියා අතර ආදරය බැඳීම සමීපව තිබිය යුතුය. ඔවුන් තුළ මතුවන එවැනි යහපත් සිතුවිලි උපදින දරුවාගේ මානසික නිරෝගී බවට හේතුවෙනවා.

දරුවා මුරණ්‌ඩුයි... කියන දෙයක්‌ අහන්නේ නැහැ කියා පවසන බොහෝ දෙමාපියන් පිළිබඳව විමසා බැලූ විට පෙනී යන්නේ දෙමාපියන් තුළ සමගියක්‌ නැහැ. තාත්තා මත්පැනට, මත්ද්‍රව්‍යවලට යොමුවෙලා. එහෙමත් නැතිනම් සමාජය දූෂණය වන ආකාරයේ කටයුතුවල නිරතවෙනවා.

අම්මාටත් තම දරුවන් ගැන එතරම් හැඟීමක්‌ නැහැ. නිතරම ඉන්නේ කෝපයෙන් යුක්‌තවයි. එවිට දරුවා කෙරෙහි ආදරයක්‌ කරුණාවක්‌ ඇතිවන්නේ නැහැ.

දෙමාපියන්ගේ මෙම ක්‍රියාවන් කුඩා කලම දරුවනට අත්විඳින්නට සිදුවූ විට එය ඔවුන්ගේ මනසේ රැඳෙන්නේ කිසිදා අමතක කළ නොහැකි අයුරිනි.

දරුවාගේ දෙවැනි කාල පරිච්ඡේදය වන වයස 06 ත් 26 ත් අතර වසර 20 ක කාලසීමාව තුළ දූ දරුවන්ගේ මනස නොසන්සුන් වීමට ප්‍රධාන වශයෙන් බලපාන්නේ පවුලේ පසුබිමත් සමාජයේ ඇසුරු කරන යහළු හිතමිත්‍රාදීන්ගේ පසුබිමත්ය.

(තෝ, උඹ, මූසලයා ආදී අසංවර වචනවලින් තම දූ දරුවන් අමතන දෙමාපියන්ගේද මනස සංවර නැත. ඔවුන්ගේ දරුවන් තුළ ද ඉතා ඉක්‌මනින් මනස නොසන්සුන් වේ.

දෙමාපියන් දරුවන්ගේ ඉදිරියේ බොරු කියන විට රණ්‌ඩු සරුවල්වන විට, තම ඥති හිතමිත්‍රාදීන් අපහාසයට ලක්‌කරන විට දරුවන්ද නිරායාසයෙන්ම එවැනි ක්‍රියාවන් සිදුකිරීමට යොමුවේ.

මෙවැනි පසුබිමක හැදී වැඩෙන දරුවන් තුළ නොසන්සුන්තාවය, කෝපාවිෂ්ඨ නාඩිය, යක්‍ෂ නාඩිය, ප්‍රේත නාඩිය ක්‍රියාකාරී වේ. එවිට ඔවුන් දෙමාපියන්ට පහරදීම, මරා දැමීම, දිවි නසා ගැනීම ආදී ක්‍රියාවන්ට සිත යොමුකරයි.

දූ දරුවන් ඉදිරියේ මත්පැන් පානයට, දුම් පානයට යොමු වූ බොහෝ පියවරුන්ගේ තරුණ පුතුන්ද තම පියා ගිය අඩි පාරේම යනු බහුලවම දැකිය හැකියි.

මව අනියම් සබඳතාවලට යොමු වූ තම සැමියා සමඟ නිතර රණ්‌ඩුසරුවල් වන පවුල් හි තරුණ දියණියන්ද එවැනි ක්‍රියාවල යෙදීමට හුරුවේ.

කොළඹට ආසන්න නගරයක මවක්‌ සහ තරුණ පුතකු මෑතකදී මා වෙත පැමිණ පුතාගේ මනසේ නොසන්සුන් බව ගැන පවසා සිටියා. පුතාට තාත්තා දකින විට ඉවසාගත නොහැකි කෝපයක්‌ මතුවන බව මව පැවසුවා. ඔවුන් සමඟ කතාබහ කරන විට හෙළි වූයේ පියා මත්පැන් පානයට යොමුවී ඇති බවත් නිවසට පැමිණ කෑකෝ ගසන බවත්ය. කුඩා කල සිට පුතාට දකින්නට අසන්නට ලැබුණේ පියාගේ අයහපත් ක්‍රියාවන් බැවින් තරුණවියට පත්වූ විට ඔහු තුළ තම පියා කෙරෙහි වෛරයක්‌ ගොඩනැගී ඇත. ඒ සමඟම එම දරුවාගේ නාඩි විකෘතිතාවක්‌ ද ඉතා ප්‍රබලව මතුව තිබේ.

මෙවැනි දරුවනට ඖෂධ මඟින් පමණක්‌ ප්‍රතිකාර ලබාදීම ප්‍රමාණවත් නැත. මනස සන්සුන් කිරීම සඳහා ආගම දහම අනුව කටයුතු කරන හැටි ඉවසීම ඇතිකර ගන්නා හැටි පුරුදු පුහුණු කළ යුතුය.

වැඩිහිටියන්ට ගරු කරන්න ඔවුනට ගරුසරු ඇතිව කතාබහ කරන්න කියා දිය යුතුයි. අද සමාජයේ වැඩිහිටියන්ට ගරුසරු ඇතිව ඇමතීම ඈත් වෙලා. ඔයා... මෙයා, හලෝ, පොර ආදී ලෙසින් ඇමතීම විලාසිතාවක්‌ කරගෙන තිබෙනවා.

අම්මා, තාත්තා, සීයා, ආච්චි, මාමා, නැන්දා වෛද්‍යතුමා, වෛද්‍යතුමිය, ගුරුතුමා, ගුරුතුමිය ආදී ලෙසින් ගරුසරු ඇතිව ලෙන්ගතුව කතාබහ කිරීම තුළින් දරුවාගේ සිත් තුළ යහපත් ආකල්ප, විනීත බව, ඉවසීම ආදිය පුරුදු පුහුණු කළ හැකියි.

මේ පිළිබඳව වැඩිදුර වෛද්‍ය උපදෙස්‌ සඳහා දුරකථන අංක 0776500677 මගින් වෛද්‍යතුමන් ඇමැතිය හැකිය.


මහාචාර්ය වෛද්‍ය
ජිනසිරි ලියන්වෙල
අඟුලාන දුම්රියපළ පාර ලියන්වෙල
සෘෂිනාඩි වෛද්‍ය මධ්‍යස්‌ථානය
සංස්‌කරණය
උපාලි ද සේරම්

වර්තමානයේ පිරිමින්ගේ
මඳ සරු බවට බලපා ඇති ප්‍රධාන හේතු

විවාහක යුවළකට දරුඵල පමා වන විට සමාජයේ වැඩිම පීඩාවට පත්වන්නේ කාන්තාවය. නමුත් වෛද්‍ය මතය නම් එහි වගකීම බිරිඳටත් සැමියාටත් දෙදෙනාටම සම සමව හිමිවන බවය. එබැවින් පළමුව අපි දරුඵල පමාවීමේදී සැමියාට පැවරෙන වගකීම ගැන විමසා බලමු.

වෛද්‍යමතුමනි, දරුඵල පමාවීම සම්බන්ධව සැමියාට බලපාන ගැටලු මොනවාද?

විවාහ වී දරුඵල ප්‍රමාදයි කියා පසුතැවෙමින් ප්‍රතිකාර ලබාගැනීමට මා වෙත පැමිණෙන අඹුසැමියන් බොහෝ දෙනකුට පවතින්නේ මඳ සරු බවය. මෙය ප්‍රතිකාර මගින් සුව කළ හැකි තත්ත්වයකි.

මෙම මඳ සරු බව සැමියාට බලපා ඇති ආකාරය පිළිබඳව සොයා බැලූ විට ඒ සඳහා බලපා ඇති ප්‍රධාන කරුණු තුනක්‌ තිබෙනවා.

පළමු කරුණ තමයි වැරදි අවබෝධය. දෙවැනි කරුණ, වැරදි ඇබ්බැහිවීමය. තෙවැනි කරුණ තමයි මානසික පීඩනය.

වැරදි අවබෝධය

විවාහ වී දරුඵල අපේක්‍ෂාවෙන් ල්sංගිකව එක්‌වන බොහෝ පුරුෂයන්ට තම බිරිඳගේ ඔසප් චක්‍රයේ සරු කාලය පිළිබඳ අවබෝධයක්‌ නැහැ. එනිසා බොහෝ අඹුසැමියන් සරු කාලයේ එක්‌ නොවී දරු ඵල ප්‍රමාදයි කියා පසුතැවෙනවා.

වැරදි ඇබ්බැහිවීම්

දරු කළලයක්‌ ඇතිවීමේදී පුරුෂයාගේ ශරීරයෙන් නිපදවන නිරෝගී සක්‍රීය ශූක්‍රාණුවක්‌ අවශ්‍යයි. ඒ සඳහා ඔහු සෞඛ්‍ය සම්පන්නව සිටිය යුතුයි. අධික ලෙස මත්පැන් පානය, දුම්පානය, මත්ද්‍රව්‍යවලට ඇබ්බැහිවීම නිසා පුරුෂයකුගේ වෘෂණ කෝෂ මගින් නිපදවන ශුක්‍රාණුවල දුර්වලතා හටගන්නවා. එම ශුක්‍රාණුවලට ඩිම්බයක්‌ සමඟ එක්‌වීමට හැකියාවක්‌ නැහැ.

මානසික පීඩනය

නිතරම සෘණාත්මක ආකල්පවල සිටින පිරිමින් තුළ මතුවන්නේ අසුබ ආකල්පය මට බැහැ. මම දන්නෙ නැහැ වැනි ආකල්ප තුළ සිටින විට ඔවුන් තුළ ඇති ආත්ම ශක්‌තිය පිරිහී යනවා.

වෛද්‍යතුමනි, මෙම ගැටලුවලට ඇති ප්‍රතිකාර මොනවාද?

වැරදි අවබෝධය සඳහා කළ යුත්තේ බිරිඳගේ ඔසප් චක්‍රයේ සරු කාලය පිළිබඳව නිසි වෛද්‍ය උපදෙස්‌ මත හඳුනාගෙන එම සරු කාලයේදී ලිංගිකව එක්‌වීමය. මෙහිදී බිරිඳත් සැමියාත් දෙදෙනාම එම සරු කාලයේදී එක්‌වීම සඳහා සූදානම් විය යුතුයි. ඒ සඳහා අවශ්‍ය හැඟීම් දෙදෙනා තුළම තිබීම අත්‍යවශ්‍යය.

වැරදි ඇබ්බැහිවීම්වලින් සම්පූර්ණයෙන්ම ඉවත් වී තමාගේ දුර්වල වී ඇති ශුක්‍රාණු ශක්‌තිමත් කර ගැනීමට අවශ්‍ය ඖෂධීය ප්‍රතිකාර වෛද්‍ය උපදෙස්‌ මත ලබාගත යුතුයි.

ලිංගික ශක්‌තිය වර්ධනය කරන ප්‍රතිකාර රැසක්‌ ආයුර්වේදයේ තිබෙනවා.

ලිංගික ශක්‌තිය වර්ධනය කර ගැනීමට සහ එය සාර්ථකව සිදුකර ගැනීමට මානසික නිරවුල් බව අත්‍යවශ්‍යය. එබැවින් නිවැරදි වෛද්‍ය උපදෙස්‌ ලබාගෙන එම ප්‍රතිකාර ක්‍රම කෙරෙහි විශ්වාසය තබාගැනීම තුළින් තමා තුළ බිඳවැටී ඇති මානසික තත්ත්වය යළි ගොඩනඟා ගත හැකියි.

පුරුෂයකු තුළ මඳ සරු බව ඇතිවීමට මෙම ප්‍රධාන කරුණුවලට වෙනත් කරුණු බලපෑ අය ද සිටිනවා. වැරදි ලිංගික පුරුදු, අධික උෂ්ණය සහිත ස්‌ථානවල රැකියාවේ නිරතවීම, විවිධ රෝග සඳහා දීර්ඝකාලීනව ප්‍රතිකාර ගැනීම ආදී හේතු නිසා ද මඳ සරු බවට පත් වූ පුරුෂයන් හමුවෙනවා. ඔවුනොවුන් නිසි වෛද්‍ය ප්‍රතිකාර මගින් මඳ සරු බව නැති කළ හැකියි.

මේ පිළිබඳව වැඩිදුර වෛද්‍ය උපදෙස්‌ සඳහා දුරකථන අංක 0775109862 මගින් වෛද්‍යතුමන් ඇමැතිය හැකිය.


ආයුර්වේද වෛද්‍ය
සුජීව විතාන
බටලන්ද සෙත්සුව ආයුර්වේද රෝහල

සංස්‌කරණය
උපාලි ද සේරම්

අඹු සැමියන් අතර ජීවිතය
එපා කරවන සැකය...


ව්‍යාධිවේදී ඊර්ෂ්‍යාව ස්‌වාමියා, බිරිඳ, පෙම්වතා පෙම්වතිය අතර ඇතිවන තත්ත්වයකි. පසුගිය සතියේ අපි ඔබට එහි මූලික හැඳින්වීම මතක්‌ කළෙමු.

ව්‍යාධිවේදී ඊර්ෂ්‍යාවට පත් වූ පුද්ගලයා එනම් ස්‌වාමියා, බිරිඳ, පෙම්වතා හෝ පෙම්වතිය විශ්වාස කරන අන්දමට තමන් ආදරය කරන පුද්ගලයා කිසියම් කෙනෙකුට විශේෂයෙන් විරුද්ධ ලිංගිකයකුට සමීප නොවිය යුතු යෑයි යන දැඩි ආකල්පයක්‌ මොවුන් ගේ මනස තුළ ගොඩනගාගෙන සිටී. මේ නිසාම තමන්ගේ සහකරු හෝ සහකාරිය දැඩි නීති රීතිවලට යටත් කර ගැනීමට මෙම රෝගීහු පෙළඹෙති.

අපි ඇයට කමලා යෑයි කියමු. ඇය වෛද්‍යවරයා හමු වී පවසා සිටියේ දිනකට තුන් හතර වතාවක්‌ ඇය ස්‌වාමියාගෙන් ගුටිකන බවකි. එයට හේතුව විමසීමේදී කමලාගේ පිළිතුර වුණේ, මම කාරෙකේ ගියත් මට වටපිට බලන්න බැහැ. ඒ වටපිට බලන වේලාවට ඒ සීමාව තුළ පිරිමි කෙනෙක්‌ හිටියොත් මට ගහනවා. එයා කියන්නේ උඹ අර පාරේ ඉන්න මිනිහා දිහා බැලුවා කියලයි.

මට කවදාකවත් ලස්‌සන නළුවෝ ඉන්න චිත්‍රපටයක්‌ ටී. වී. එකෙන්වත් බලන්න දෙන්නේ නැහැ. දවසක්‌ චිත්‍රපටයක්‌ බලබලා ඉන්නකොට එයා රූපවාහිනිය පොළවේ ගැහුවා.

ළඟදී දවසක්‌ එයාගේ යාළුවෝ කට්‌ටියක්‌ නිවසට පැමිණි වෙලාවේ තේ හදල තේ බන්දේසිය අල්ලන කොට මම යාළුවොත් එක්‌ක හිනා වුණා කියලා කුස්‌සියට ඇවිත් හොඳටම ගැහුවා.

මෙයාට රෑට නින්දක්‌ නැහැ. පොඩි සද්දයක්‌ ඇහුනත් මා ගැන සැකයි. එයා කියන්නේ හොර මිනිස්‌සු ගෙන්න ගන්න හදනවා කියලයි.

ගෙදරට මාළු කාරයා ආවත්, ලියුම්කාරයා ආවත් සැකයි.

ඇතැම් වෙලාවට මාත් එක්‌ක පාරේ යනකොට මිනිස්‌සු එක්‌ක රණ්‌ඩු වෙන්න ගිය අවස්‌ථා බොහෝමයි. එයා කියන්නේ මිනිස්‌සු මගේ දිහා බලනවා කියලා.

දවසට කිහිප වතාවක්‌ ගෙදරට කෝල් කරලා බලනවා මම ඉන්නවද කියලා. සමහර වෙලාවට අවේලාවේ නොකියා ගෙදරට එනවා. මාව පරීක්‍ෂාකර බලන්න.

කසාද බඳින්නට පෙරත්, පෙම්වතුන් ලෙස ඇසුරු කළ කාලයේදීත් මෙම තත්ත්වය සාමාන්‍ය ආකාරයට තිබුණු බව කමලා පවසනවා.

ඒ කාලයේ මෙයා මෙහෙම නොවුණාට නිතරම හරියට කේන්ති යනවා.

මේ තත්ත්වය ගොඩක්‌ වැඩි වුණෙත් අපි දෙන්නා කසාද බැඳලා හෝම් කමිං තිබුණු දවසේ පාටියට ආපු එයාගේ යාළුවෝ එයාට කරපු විහිළුවක්‌ නිසා. යාළුවෝ අතර හිටපු සුපර්වයිසර් කෙනෙක්‌ මගේ දිහා වැඩිපුර බැලුවා කියන විහිළුව තමයි දුරදිග ගියේ. මේ සැකය දිගින් දිගටම බරපතළ වුණා.

ඩොක්‌ටර්, මට මගේ ජීවිතය එපා වෙලා කමලා කියනවා.

මෙම කාරණා අනුව කෙනකුට සිතෙන්නට පුළුවන් විහිළු කරන එක තව කෙනෙක්‌ තුළ මානසික රෝගයක්‌ වර්ධනය වීමට බලපානවාද කියන කාරණාව. ඒක අසත්‍යයක්‌ කිසිසේත්ම එහෙම නැහැ.

ඉහත සිදුවීමේදී රෝගියාට රෝගය ඇති වූයේ විහිළුවෙන් පසුව නෙමෙයි. මානසික රෝගයක්‌ වැළඳීමේ හේතු බහුවිධයි. නානා හේතුකයි. එහෙත් බොහෝ විට රෝගීන් හේතුව හැටියට ඉදිරිපත් කරන්නේ ආසන්නතම හේතුවයි. එහෙත් මෙහි යථාර්ථය මොවුන්ට මින් පෙරත් මානසික රෝගයක්‌ තිබුණු බවයි.

පුංචි උදාහරණයක්‌ මේ. වී ඇටයක්‌ කාන්තාරයේ තිබුණාට පැළවෙන්නේ නැහැ. ඒ සඳහා අත්‍යවශ්‍ය පාරිසරික සාධක සපුරාලිය යුතුයි. එනම් වතුර ජලය අවශ්‍ය වන පාරිසරික සාධකයි. වී ඇටය කෙතරම් කල් කාන්තාරය තුළ තිබුණත් පැළ නොවන්නා සේම වැසි වැටීමට පටන් ගත් කල වී ඇටය පැළවීමට පටන් ගනීයි.

ඉහත කතාවේදීත් රෝගියා තුළ තිබුණු මානසික රෝගය ඉස්‌මතු වීමට බලපෑ පාරිසරික සාධකය වුණේ විවාහයයි. විවාහයෙන් පසු තමයි සැකයට කෙනෙක්‌ හමු වුණේ.

මානසික රෝගයකට බලපාන ප්‍රධාන සාධක 2 ක්‌ තිබේ. එකක්‌ ජානමය සාධකය අනෙක පාරිසරික සාධකයි.

ජානමය සාධක අපි සෑම අයකු තුළම තිබේ. නමුත් පාරිසරික සාධක සම්පූර්ණ නොවී නම් ඉපදී මැරීයන තාක්‌ කල් රෝගය ඉස්‌මතු නොවී තිබීමට පුළුවන.

කෙසේ නමුත් මෙම රෝගය ප්‍රතිකාර කළ හැකි රෝගී තත්ත්වයකි. මෙහි තිබෙන බරපතළම සහ වැදගත්ම තත්ත්වය මෙම රෝගී තත්ත්වයට භාජනය වූ පුද්ගලයන් මෙය රෝගී තත්ත්වයක්‌ කියාවත්, එය ප්‍රතිකාර කළ යුතු තත්ත්වයක්‌ කියාවත් පිළිගන්නේ නැතිකමයි. මේ නිසාම මොවුන් ප්‍රතිකාර සඳහා යොමුකර ගැනීම බොහෝ අසීරු වේ.

මොවුන්ගේ මනස තුළ ජනිත වන මෝහාත්මක සිතුවිල්ල කොපමණ කරුණු කාරණා මගින් පහදාදීමට හැදුවද පිළිගැනීමට කැමැත්තක්‌ නැත.

මෙම රෝගයද මෝහෝන්මාද ලෙස හැඳින්වෙන මානසික රෝගයට අයත් ලක්‍ෂණ සහිතය. නමුත් ප්‍රතිකාරයෙන් පසු මෙම තත්ත්වය වෙනස්‌ කළ හැකිය.

ශේක්‌ෂ්පියර්ගේ ඔතෙලෝ නමැති දෘශ්‍ය කාව්‍යයේ පවා මෙවැනි වූ සැකයට භාජන වුණු බිරිඳ ස්‌වාමියා විසින් ඝාතනය කළ අවස්‌ථාවක්‌ සඳහන් වී තිබේ. යථාර්ථයේදී ද මෙම සැකය නිසා විවිධාකාරයෙන් හිංසනයට ලක්‌වුණු පුද්ගලයන් අපට මුණගැසී තිබේ.

මෙහිදී විශේෂයෙන්ම සඳහන් කළ යුතු වන්නේ මෙම තත්ත්වය රෝගයක්‌ බව පිළි නොගැනීම සහ ඒ පිළිබඳ සමාජයේ අනාවබෝධය නිසා හුදෙක්‌ මෙය ඉදිරිපත් වන්නේ සමාජ ගැටලුවක්‌ ලෙසිනි. එනම් බොහෝ විට ගෘහස්‌ථ හිංසනයක්‌ ලෙසයි.

පුරාණ දේශීය පොත පතෙහි ව්‍යාධිවේදී ඊර්ෂ්‍යාව පිළිබඳ ලියෑවී ඇති අපූරු කවි දෙකක්‌ පහත සටහන්කර තිබේ. ඒ අනුව එදා රෝගය හොඳ අපූරුවට විස්‌තර කර ඇති අයුරු බලන්න.

අඹුට සැමි ගැන සැමිට අඹු ගැන
සැකයි හැම දෙන හැමතැනම ගැන
හිතක්‌ ඇති බව වෙන කෙනකු ගැන
කරයි මැසිවිලි නිතර මේ ගැන

නිදි වරමින් අඹු රකිමින්නේ
එන අය පිටතින් වළකින්නේ
සෙනෙහෙ බැම්ම ගැන හිතමින්නේ
සිත් තැවුලෙන් කල් ගෙවන්නේ
 

ඩෙංගු සුව කළ හැකියි
ඩෙංගුවලට ජීවිත බිලිවිය යුතු නැහැ


මාදව හිත්තැටියේ ගුණරත්න මුදලින්ද පිරිවෙන ආශ්‍රයෙන් පැවති වෙද පරම්පරාවේ මුලාරම්භය රන්නේ ශ්‍රී සුදර්ශි නායක හාමුදුරුවන්ගෙන් ආරම්භ වන අතර, වල්පොල රාහුල හාමුදුරුවෝ, නාඔටුන්නේ සරණපාල හාමුදුරුවෝ වැනි නායක හාමුදුරුවරුන් වෙද පාරම්පරාවට අයත්ය.

මෙම වෙද පාරම්පරාවේ පස්‌වැනි පාරම්පරාව ලෙසට නො. 98/7, සුව අසපුව, කැන්දලියෑද්ද පාළුව, ගණේමුල්ලේ පදිංචිව සිටින ඩී. ඩී. ඒ. හෙට්‌ටිආරච්චි වෙද මහතා පෙන්වාදීමට පුළුවන.

මාදව හිත්තැටියේ ගුණරත්න මුදලින්ද පිරිවෙන ආශ්‍රයෙන් විශේෂයෙන්ම බිහි වී ඇත්තේ සර්වාංග රෝග පිළිබඳ වෛද්‍යවරුන් වන අතර, ඒ අතරිනුත් සර්ප විෂට, රුධිර සංඝටක වෙනස්‌වීම් සම්බන්ධ රෝගවලට හොඳ ප්‍රසිද්ධියක්‌ දරා ඇත.

ඒ අනුව යමින් වෛද්‍ය හෙට්‌ටිආරච්චි මහතා රුධිර සංඝටක වෙනස්‌වීම් සම්බන්ධයෙන් ප්‍රතිකාර සඳහා දක්‌ෂතාවක්‌ දක්‌වන බව පෙනෙන්නට ඇත.

අද වන විට වසංගතයක්‌ ලෙසට සමාජය පුරා භීතියක්‌ ඇති කරලීමට සමත් වී ඇති ඩෙංගු රෝගය වෙනුවෙන් ප්‍රතිකාර සොයා ගැනීම සඳහා වූ පරීක්‌ෂණ ගණනාවකින් පසු ඩෙංගු රෝගය වෙනුවෙන් ඔහු සතු ඖෂධය සමාජයේ බොහෝ දෙනකුගේ කතා බහට ලක්‌වී ඇති අයුරක්‌ දක්‌නට ඇත.

දේශීය පාරම්පරික වෛද්‍ය හෙට්‌ටිආරච්චි මහතා ඩෙංගු රෝගය පිළිබඳ කතා කරමින්,

ඩෙංගු රෝගය දේශීය වෛද්‍ය පොත්වල සඳහන් වන්නේ දණ්‌ඩක ජොරය යන නමින්. එහි තේරුම පොළු මුඟුරුවලින් තැළුවා හා සමානව සිරුරේ වේදනාවක්‌ ඇතිවනවා කියන එකයි.

මෙය ඊරුaන ඉදබැ ෙeඩැර ලෙසින් හඳුන්වා තිබෙන්නේත් ඉහත කාරණාව නිසාමයි.

එම ඉතා පුරාණ පොතපත පරිශීලනය කිරීමෙන් හා මා ලබා තිබෙන දැනුම අනුව තමයි ඩෙංගුවලට ඖෂධය නිපදවූයේ.

ඩෙංගු ගැන දේශීය වෛද්‍ය ක්‍රමය තුළ පුරාණ වෛද්‍යවරු මෙය සුවකළ හැකි රෝගයක්‌ ලෙසට හඳුනාගෙන තිබෙනවා. ඇත්තම කතාව තමයි ඒ.

ඖෂධය පානයට දෙන්නේ පොල්මලේ ගොබළු සහ ගස්‌ලබු කොළ කොටා ලබා ගන්නා යුෂයෙන්. ගස්‌ලබු කොළ රුධිර පට්‌ටිකා වර්ධනයට ඉවහල් වන බව සොයා ගෙන තිබෙන කරුණක්‌. ඒ පිළිකා රෝගීන් සම්බන්ධ කළ පරීක්‌ෂණයකදී.

ඇත්තෙන්ම ඩෙංගු රෝගයට නෙමෙයි ඩෙංගු රක්‌තපාතය ඉතාම අසාධ්‍ය රෝගීන් මේ ඖෂධයෙන් සුවපත් වෙනවා. ඖෂධය ලබා ගැනීමෙන් ඩෙංගු රක්‌තපාත තත්ත්වයට යන එක වලකිනවා.

ඇතැම් වෛද්‍යවරු ඩෙංගු රෝගය සඳහා ඖෂධීය තෙල් භාවිත කරනවා. ඖෂධීය තෙල් සුදුසු වුවත් මෙම තත්ත්වයට පානයට ඖෂධ අවශ්‍යයි.

දේශීය වෙදකම අනුව උණ කියන්නේ බඩේ ගින්දර ඇති වී එය සිරුර පුරා යනවා කියන එකයි. මෙයට හිසතෙල් ආලේපය සුවයක්‌. එය පිළිගත යුතු වෙනවා. එහෙත් සුවයට පානීය ඖෂධ අවශ්‍ය වන බව අමතක කරන්න බැහැ.

ඖෂධය ලබා දෙන්නේ කොහොමද?


ඖෂධය සෑදීම සඳහා ඉතාම දුර්ලභ, වටිනා ඖෂධ රාශියක්‌ භාවිත වෙනවා. මාස හතරක පහක කාලයක්‌ ඒ වෙනුවෙන් වැය වෙනවා.

රෝගියාගේ වයස, රෝගය, වැළඳුනු දින ගණන යන කාරණා බැලීමෙන් පසු නියමිත මාත්‍රාවට ඖෂධය ලබා දෙනවා. ඖෂධය පැය හයෙන් හයට පැය දහඅටක්‌ ලබාදිය යුතුයි. රෝගය පැය 24 න් සුවයි. මම එය කියන්නේ ඉතාම වගකීමෙන් යුතුවයි.

මෙම ඖෂධයෙන් සිදුවන දෙය ටිකක්‌ මතක්‌ කරන්නම්. ඖෂධය මඟින් ලේවල ඝනත්වය අඩු කරනවා. ඒ අනුව ලේ ගැලීම නවතිනවා. ඖෂධය ඩෙංගු රක්‌තපාතය දක්‌වා යැම වැළැක්‌වීමටත්, රක්‌තපාතය සුව වීමටත් බලපාන කරුණු තමයි ඒ.

පාරම්පරික වෙදකම ඉදිරියට ගෙන යන්නේ කොහොමද?

මට පුතාලා දෙදෙනෙක්‌ ඉන්නවා. ලොකු පුතා කතරගම, තිස්‌සමහාරාම, බෙලිගල ප්‍රදේශයේ වෛද්‍යවරයෙක්‌ හැටියට සේවය කරනවා. පුතාත් ලියාපදිංචි වෛද්‍යවරයෙක්‌. නමින් ප්‍රදීප් අබේවර්ධන හෙට්‌ටිආරච්චි, පොඩි පුතා ළඟදී විදේශගත වෙනවා. එයාගේ නෝනා විදේශයක ඉන්න නිසා. එයාටත් මේ හැකියාව තිබෙනවා.

ඩෙංගු භීතිකාවක්‌ ඇති මෙවැනි කාලයක දේශීය වෙදකම තුළින් රෝගය සුවපත් කිරීමේ හැකියාව හඳුනාගෙන රාජ්‍ය අනුග්‍රහයක්‌ ලබා දෙන්නේ නම් කෙතරම් අගේ දැයි වෛද්‍ය හෙට්‌ට්‌ආරච්චි මහතා පැනයක්‌ න ඟයි.

කතාව සැබෑවක්‌ බව පෙනේ. බටහිර හෝ දේශීය ක්‍රමයෙන් හෝ රෝගයට සුවයක්‌ ලැබේ නම් ඩෙංගු රෝගය පිළිබඳ සිතේ හටගන්නා වූ බිය තුරන් කර ගැනීමේ හැකියාවක්‌ ලැබෙනු ඇත. සමාජයට සැනසුමක්‌ එක්‌වනු නොඅනුමානය.

සැබැවින්ම මෙම ප්‍රශ්නයට ඉක්‌මන් විසඳුමක්‌ ලබාගත යුතු අවස්‌ථාවක අපි දිවි ගෙවමු. විසඳුමක්‌ අත්‍යවශ්‍යය.

ඩෙංගු රෝගය බව සැක හැර දැනගත් විගස රෝහල්ගත වන ලෙසට සමාජය දැනුවත් කිරීමේදී ඒ අනුව කටයුතු කරන පසුබිම හමුවේ රෝහලේ නේවාසිකව ප්‍රතිකාර ගන්නා අතරතුර ප්‍රතිකාරය ලබා ගන්නා අයුරක්‌ තිබෙන බව පෙන්වා දුන් වෛද්‍ය හෙට්‌ටිආරච්චි මහතා ඖෂධය ලබා දී පැය 24 න් නිවසට ගිය අය බොහෝ බව පෙන්වා දෙයි. ඖෂධය භාවිතයෙන් කිසිදු මරණයක්‌ වාර්තා වී නොමැති බව ඔහු තවදුරටත් පෙන්වා දෙයි. රෝගය සඳහා විවේකය ඉතාම අවශ්‍ය බැවින් ඒ සඳහා අවධානය යොමු කළ යුතු බවද වෛද්‍ය හෙට්‌ටිආරච්චි පෙන්වා දුන්නේය.

උණ, හිසරදය ඇති විටත් ඩෙංගු උණ සෑදී ඇති අයටත් නිවසේදී සාදා දිය හැකි කදිම ඖෂධයක්‌ පිළිබඳ ඔහු විස්‌තර කළේය.

අවශ්‍ය ද්‍රව්‍ය

ඉඟුරු කලං 4 (ග්‍රෑම් 20)

කොත්තමල්ලි කලං 8 (ග්‍රෑම් 40)

සාදා ගන්නා ක්‍රමය

වතුර අඬු කෝප්ප අට එකට හිදුවා පෙරා එම කෝප්පය දෙකට බෙදා උදේ, සවස සීනි ටිකක්‌ සමඟ පානය කිරීමෙන් ඩෙංගු රෝගය සෑදීගෙන එන විට සුවයක්‌ ලබාගත හැක. උණ තිබෙන විට ආහාර නොගත යුතු බව දේශීය වෛද්‍ය පොතපතහි ඇති නිසාවෙන් ඒ අනුව කටයුතු කිරීම හොඳ වුවත් තමන්ගේ රුචිකත්වය අනුව ආහාර ගත හැකිය.
 

කොලෙස්‌ටරොල් අඩු කරන
එන්නතක්‌ නිපද වේ

හෘද රෝගවලට ගොදුරු වීම වැළැක්‌වීම සඳහා රුධිරගත කොලෙස්‌ටරොල් මට්‌ටම අඩු කරලිය හැකි එන්නතක්‌ සාර්ථක අන්දමින් නිපදවීමට ඔස්‌ටි්‍රයාවේ වියානා වෛද්‍ය සරසවියෙහි පර්යේෂකයින් පිරිසකට හැකි වී තිබේ.

මෙම එන්නත මීයන් යොදාගෙන සිදුකළ පර්යේෂණවලදී සාර්ථක ප්‍රතිඵල අත්කර ගෙන ඇති අතර මේ වන විට එන්නත මිනිසුන් සම්බන්ධයෙන් අත්හදා බැලීම ආරම්භ කර ඇතැයි ''යුරෝපියන් හාට්‌ ජ(ර්)නල්'' සඟරාව පවසයි.

කොලෙස්‌ටරොල් මට්‌ටම අඩු කරලන මෙම එන්නත මේද ස්‌ථරයන්a හෘදය වස්‌තුවෙහි ධමනිවල තැන්පත් වීම නතර කිරීම සඳහා නිපදවා ඇතැයි පර්යේෂකයෝ සඳහන් කර සිටිති.

මෙම එන්නත ස්‌වෙච්ඡා සේවකයින් 72 දෙනෙකු යොදාගෙන මිනිස්‌ ශරීරයට එය සාර්ථක අන්දමින් යොදා ගත හැකි ආකාරය පිළිබඳව මෙම දිනවල අත්හදා බැලීම් සිදුකෙරේ.

මෙම පර්යේෂණය මෙහෙයවන ව්‍යවහාරික විද්‍යාවන්ගේ පර්යේෂණ පිළිබඳ නෙදර්ලන්ත සංවිධානයේ වෛද්‍ය ගුන්තර් ස්‌ටාµaලර්ට අනුව මනුෂ්‍යයින් සඳහා මෙම කොලෙස්‌ටරොල් මට්‌ටම අඩු කරලන එන්නත ආරක්‌ෂිත හා ඵලදායි අන්දමින් ප්‍රතිකාරයක්‌ වශයෙන් යොදාගත හැකි ද යන්න නිශ්චිතව දැන ගැනීම සඳහා තවත් වසර ගණනාවක්‌ මෙම එන්නත පර්යේෂණයට භාජනය කළ යුතුව ඇත.

මෙම එන්නත තවත් වසර හයකින් ප්‍රතිකාරයක්‌ වශයෙන් එළිදැක්‌වුවද එයින් ජනතාව කොලෙස්‌ටරොල් සඳහා බලපානු ලබන අධික මේදය සහිත ආහාර වැඩියෙන් ආහාරයට ගැනීම හා ව්‍යායාම කිරීමෙන් වැළැකීම අදහස්‌ නොවන බව ඔහු සඳහන් කර තිබේ.

මෙම කොලෙස්‌ටරොල් මට්‌ටම අඩු කරන එන්නත නිර්මාණය කර ඇත්තේ රුධිරය තුළ නරක ලිපෝප්‍රොaටීන්, කොලෙස්‌ටරොල් (බෑඩ් කොලෙස්‌ටරොල්) හෙවත් එල් ඩී එල් හට ගැනීමට අවස්‌ථාව සලසන ''පී සී එස්‌ කේ 9'' නමැති ප්‍රොaටීනයට පහර දීම සඳහා ශරීරයේ ප්‍රතිශක්‌තිකරණ පද්ධතියට ආධාර කිරීම සඳහා බව පර්යේෂකයෝ පවසති.

මීයන් සම්බන්ධයෙන් මෙම එන්නත අත්හදා බැලූ අවස්‌ථාවේදී ඔවුනගේ රුධිරගත නරක කොලෙස්‌ටරොල් ප්‍රමාණය මාස 12 ක කාලයක්‌ තුළදී සියයට 50 ක්‌ දක්‌වා ප්‍රමාණයකින් කපා හැරීමටත්, ධමනි තුළ මේද ස්‌ථරයන් තැන්පත් වීමෙන් ආරක්‌ෂා කිරීමටත් එන්නත සමත් බව හෙළි වී තිබේ.

නරක කොලෙස්‌ටරොල් හෙවත් එල් ඩී ඒ හෘද රෝග වැළඳීමේ අවදානම ඉහළ නංවන බව වෛද්‍ය මතය වී තිබේ. හොඳ කොලෙස්‌ටරොල් හෙවත් එච්. ඩී. එල්. යහපත් අයුරින් ක්‍රියා කරන අතර රුධිරයෙහි පවතින වෙනත් වර්ගවල කොලෙස්‌ටරොල් අක්‌මාව දක්‌වා ප්‍රවාහනය කිරීමට එය උපකාරී වේ. අක්‌මාවේදී එම කොලෙස්‌ටරොල් බිඳීමට ලක්‌ වේ.

රුධිරගත කොලෙස්‌ටරොල් මට්‌ටම ඉහළ යැමට හේතුවන සාධකයන් අතර වැරැදි ආහාර පුරුදු අධික මත්පැන් පානය, දුම්පානය හා ක්‍රියාශීලීs නොවීම වේ.

දැනට අධික කොලෙස්‌ටරොල් රෝග තත්ත්වයක්‌ පවතින්නන්ට කොලෙස්‌ටරොල් මට්‌ටම අඩු කරලන ''ස්‌ටැටින්ස්‌'' වර්ගයට අයත් බෙහෙත් වර්ග නිර්දේශ කෙරෙන අතර ඒ හරහා හෘද රෝග වැළඳීමේ අවදානම අඩු කරලීම සිදු වේ. මෙම බෙහෙත් ඵලදායී හා මිලෙන් අඩු වුවද ඒවා සැම දෙනාටම ප්‍රතිඵලදායක නොවන බව අනාවරණය වී තිබේ.

දැනට ස්‌වෙච්ඡා සේවකයන් 72 දෙනකු යොදා ගෙන මෙම එන්නත සම්බන්ධයෙන් සිදු කරනු ලබන අත්හදා බැලීම මෙම වසර අවසානයේදී නිම වීමට නියමිතය. මෙම අත්හදා බැලීම අවසානයේ තවදුරටත් එය මිනිසුන් සම්බන්ධයෙන් අත්හදා බැලීමට අදාළ ආරක්‌ෂාව පිළිබඳ හා අතුරු ආබාධයන් පිළිබඳ ප්‍රශ්න මතුවේ දැයි විමසා බැලීම සිදු වේ.

මෙම නව එන්නත පිළිබඳව අදහස්‌ දක්‌වන බ්‍රිතාන්‍ය හෘද රෝග පදනමෙහි මහාචාර්ය ශ්‍රීමත් නිලේෂ් සාමානි පවසනුයේ ජනතාවගේ කොලෙස්‌ටරොල් මට්‌ටම පාලනය කිරීම සඳහා නව මාර්ග සෙයා ගැනීම අත්‍යවශ්‍යයෙන්ම වැදගත් බවයි. තවමත් මීයන් සම්බන්ධයෙන් පමණක්‌ සාර්ථකව අත්හදා බැලුවද මෙම එන්නත ඉදිරියේදී මිනිසුන්ගේ අධික කොලෙස්‌ටරොල් මට්‌ටම අඩු කර හෘද රෝග වැළඳීමේ අවදානම අඩු කරලීමට හේතු වනු ඇතැයි ඔහු සඳහන් කර සිටී.

මැක්‌කන්ගේ කෙල වලින්
දරුණු හෘද රෝග සුව අතට

මැක්‌කන්ගේ ඛේටයෙහි (කෙල) පවතින ප්‍රොaටීන් යොදාගෙන තරුණ තරුණියන්ගේ හදිසි මරණයන්ට පවා හේතු විය හැකි දරුණු හෘද රෝග තත්ත්වයකට ප්‍රතිකාර කිරීම සඳහා නව බෙහෙතක්‌ නිපදවිය හැකි බව බ්‍රිතාන්‍යයේ ඔක්‌ස්‌ෆ්ර්ඩ් සරසවියෙහි විද්‍යාඥයන් පිරිසක්‌ සිය පර්යේෂණවලදී අනාවරණය කරගෙන තිබේ.

මෙම පර්යේෂණයන්ට අනුව හෘදය වස්‌තුවෙහි අකර්මණ්‍යතාවයකට මඟ පාදන මයෝකාඩිටිස්‌ නමැති හෘද රෝග තත්ත්වය වැළැක්‌වීම සඳහා මෙම මැක්‌කන්ගේ ඛේටයෙහි අඩංගු ප්‍රොaටීන්වලට විශිෂ්ඨ ඝනයේ හැකියාවක්‌ ඇති බව තහවුරු වූ බව විද්‍යාඥයෝ ප්‍රකාශ කර සිටිති.

පර්යේෂණයන් පැවැත්වූ ඔක්‌ස්‌µaර්ඩ් සරසවියෙහි විද්‍යාඥයන්ට අනුව මැක්‌කන් යනු නවතම ඖෂධ නිපදවිය හැකි රන් ආකාරයකි. මෙම මැක්‌කන්ගේ ඛේටයෙහි අඩංගු ප්‍රොaටීන්, ආඝාතය (ස්‌ට්‍රොaක්&zwnj හා ආත්රයිටිස්‌ යන රෝගවලට ඵලදායි අයුරින් ප්‍රතිකාර කිරීමට යොදා ගත හැකි බව පර්යේෂණ වලින් අනාවරණය වී තිබේ.

මැක්‌කන්ට කිසිවෙකු නොදැනීම විදීමට හැකියාවක්‌ පැවතීම නිසා මිනිසාට හෝ සතුන්ට දිනකට අට වරක්‌ හෝ දස වරක්‌ කිසිදු වේදනාවක්‌ නොදැනෙන අයුරින් විඳීමට හැකි බව අනාවරණය වී තිබේ.

හෘදය වස්‌තුව අකර්මණ්‍ය කිරීමට හේතු වන "චෙමොකින්ස්‌" නමැති රසායනිකයන් නිකුත් වීම වැළැක්‌වීමට මැක්‌කන්ගේ ඛේටයෙහි අඩංගු ප්‍රොaටීන්වලට හැකි බව අනාවරණය වී තිබේ.

"මයෝකාඩිටිස්‌" වැනි හෘදය වස්‌තුව අකර්මණ්‍ය වීමට හේතු වන හෘද රෝග තත්ත්වයකදී ඇතැමුන්ට හදවත් බද්ධ කිරීමේ සැත්කමක්‌ පවා කිරීමට අවශ්‍ය වන නිසා මෙම සොයා ගැනීම වැදගත් එකක්‌ බව විද්‍යාඥයෝ පෙන්වා දෙති. 'මයෝකාඩිටිස්‌' නමැති හෘද රෝග තත්ත්වය දරුණු තත්ත්වයක්‌ වන අතර එම තත්ත්වය සුවපත් කිරීම සඳහා දැනට පවතිනුයේ ප්‍රතිකාර ක්‍රම කිහිපයක්‌ පමණකි. මෙම දරුණු හෘද රෝග තත්ත්වය වළක්‌වා මිනිසුන් විශාල පිරිසකගේ ජීවිත බේරා ගැනීම සඳහා ජීවිතාරක්‍ෂක ප්‍රතිකාරයක්‌ මැක්‌කන් ආශ්‍රයෙන් නිපදවීමට හැකියාව ඇති බව සොයා ගැනීම වැදගත් බව ඔක්‌ස්‌µර්ඩ් සරසවියෙහි මහාචාර්ය ෂවුමෝ භට්‌ටාවාර්ය පවසයි.

මෙම මැක්‌කන් ආශ්‍රිතව නිපදවන ඖෂධය මගින් හෘදයාබාදයන්, ආඝාතය (ස්‌ට්‍රොaක්&zwnj, ආතරයිටිස්‌, පැන්ක්‍රියටයිටිස්‌ වැනි රෝගවලට ප්‍රතිකාර කළ හැකි බව ඔහු සඳහන් කළේය.

මැක්‌කන්ගේ ඛේටයෙහි ප්‍රොaටීන් වර්ග 3000 ක්‌ පමණ අන්තර්ගත වන බව අනාවරණය වී ඇති අතර එය මැක්‌කාගේ වර්ගය මත ර¹ පවතී.

බටහිර විද්‍යාඥයින් දැන් කෘත්‍රිම ජාන යොදා ගෙන නිපද වූ යීස්‌ට්‌වල මැක්‌කන්ගේ ඛේටයෙහි අඩංගු ප්‍රොaටීන් වගා කිරීමට හැකි වී තිබේ.

මෙම පර්යේෂණයන් තවමත් පර්යේෂණාගාර තුළ සිදු කර ඇති නිසා මෙම නවතම ඖෂධයන් මනුෂ්‍යයන්ට භාවිත කිරීම සිදු කිරීමට තවත් වසර ගණනාවක්‌ ගත විය හැකි වුවද මැක්‌කන්ගේ ඛේටය අතිශයින් සාර්ථක ඖෂධයක්‌ නිපදවීමට හැකි ද්‍රව්‍යයක්‌ බව ඔහු කියයි.

අධ්‍යාත්මික ප්‍රතිකාරවලින්
පිළිකා රෝගීන් සුවපත් කෙරේ

අධ්‍යාත්මික ප්‍රතිකාර ඔස්‌සේ හීලින්පති වෛද්‍ය ක්‍රමයෙන් පිළිකා රෝගීන් සුවපත් කිරීමේ මධ්‍යස්‌ථානයක්‌ ප්‍රථම වරට ශ්‍රී ලංකාවේ ආරම්භ කර ඇත.

මෙම ප්‍රතිකාර මධ්‍යස්‌ථානය මාලමේ පොතුඅරාව පාරේ අංක 1034/13/D යන ලිපිනයේ "සෙත් අරණ හිලීන්පති වෛද්‍ය මධ්‍යස්‌ථානය ලෙස ස්‌ථාපිත කර ඇති අතර ඒ සඳහා මගපෙන්වනු ලබනුයේ ජර්මන් ජාතික හීලින්පති වෛද්‍ය තිලෝ ප්‍රෙන්ස්‌ ((Thilo Frens) මහතා ඇතුළු වෛද්‍ය කණ්‌ඩායමකි.

මෙම වෛද්‍ය ක්‍රමයේදී පිළිකා සුව කිරීමට විකිරණ ඇල්ලීමක්‌ සිදු නොකෙරේ. බටහිර ඖෂධ භාවිතා කිරීමක්‌ද නොමැත. ස්‌වභාවික පදනමට අනුකූලව අපටම ආවේණික වූ ඉපැරැණි ඖෂධ භාවිතා කෙරේ. මෙම ස්‌වභාවික ඖෂධ සහ අධ්‍යාත්මික ප්‍රතිකාර ඔස්‌සේ පිළිකා රෝගීන්ට කළ ප්‍රතිකාර සාර්ථක වී ඇතැයි සෙත් අරණ හීලින්පති වෛද්‍ය මධ්‍යස්‌ථානය පවසයි.

පිළිකා රෝගයට ලොව විශ්මිත ප්‍රතිකාර ක්‍රමයක්‌ ලෙස සැලකෙන සයිකෝ සුමැටික්‌, සයිකෝ සුබනටික්‌ යන ක්‍රමවේදයන් ඔස්‌සේ මෙම අධ්‍යාත්මික ප්‍රතිකාර ක්‍රමයේ ගුණාත්මකභාවය ඉහල නංවා ඇතැයි සෙත් අරණ හීලින්පති වෛද්‍ය මධ්‍යස්‌ථානය පවසයි.

මෙම වෛද්‍ය මධ්‍යස්‌ථානයේ 100% ක්‌ ශාකමය ආහාර හා පලතුරු යුෂ භාවිතයට ගැනෙන අතර රෝගීන් සඳහා වන ආහාර පවා සකස්‌ කෙරෙනුයේ විශේෂ ආකාරයකට අනුවය. එහිදී දුර්ලභ ශාක හා පලතුරු භාවිතා කරමින් පිළිකා රෝගීන්ගේ සිරුරේ ප්‍රතිශක්‌තිය ඉහළ නැංවීම වෙනුවෙන්ම ආහාර සකස්‌ කිරීම සිදුවේ. කායික ශක්‌තිය ගොඩනැඟීමට අමතරව රෝගීන්ගේ මානසික ශක්‌තිය ඉහළ නැංවීම සඳහා ද මෙම වෛද්‍ය මධ්‍යස්‌ථානය සුවිශේෂී ක්‍රම රැසක්‌ ක්‍රියාත්මක කරයි

නිහඬ හා නිසංසල පරිසරයක පිහිටා ඇති මෙම වෛද්‍ය මධ්‍යස්‌ථානයේ අභ්‍යන්තරය සැලසුම් කර ඇත්තේ රෝගියකුට තමා රෝගියකු සේ නොහැඟෙන ආකාරයට වීම විශේෂත්වයකි. එහි ඇති නුග වෘක්‍ෂය සහිත වැලි මළුව රෝගීන්ගේ මනස සැහැල්ලු කිරීමේ සහ අධ්‍යාත්මික ශක්‌තිය වර්ධනය කර ගැනීමට සමත්ය. රෝගීන් වෙනුවෙන් දිවා රාත්‍රී සේවයේ නියුතු ප්‍රසන්න කාර්ය මණ්‌ඩලයක්‌ මෙහි සේවය කරන බව එම මධ්‍යස්‌ථානය පවසයි.

මේ පිළිබඳ වැඩිදුර විස්‌තර 0113627300 හෝ 0702214146/0714692881 යන දුරකථන අංකවලින් ලබා ගැනීමට පිළිවන.