හෘද රෝග වැඩි ඇයි ?

හෘදය වස්තුවේ හිතකර පැවැත්ම නිරෝගී සෞඛ්‍යයක් පවත්වා ගැනීම කෙරෙහි බොහෝසේ බලපායි. ඒත් හෘද රෝග අවදානම දිනෙන් දින වැඩිවෙනවා මිස අඩු නොවේ. ඇමෙරිකාවේ පමණක් හෘද රෝගවලින් මිය යන සංඛ්‍යාව වසරකට මිලියනයක් පමණවේ. හෘදය වස්තුවේ බිත්ති තුළින් දිනකට රුධිරය විශාල ප්‍රමාණයක් පොම්ප කිරීම පැය 24 පුරාම සිදුවේ. 

හෘදය වස්තුවේ දකුණු පැත්තේ ඇති මාංශ අපිරිසුදු රුධිරය එකතු කරමින් පෙනහලුවලට මුදා හරී. මෙහිදී පෙනහලු සහ හෘදය වස්තුව අතර ගෑස් හුවමාරුවක් සිදුවේ. මෙය ඉතා සංවේදනීය සහ සූක්ෂ්ම ආකාරයට සිදුවේ. හෘදය වස්තුවේ වම් පැත්තේ ඇති මාංශ පේශී පිරිසුදු රුධිරය එකතු කරමින් පෙනහලුවලට මුදා හරී. මෙකී රුධිරය ශරීරයට මුදා හැරෙන රුධිරයයි.

හෘදය වස්තුවේ පහළ ඇති lower ventricles  ගණකම් සහ ශක්තිමත් බවින් වැඩියි. ඉහළ ඇති ධමනිවලට artria වඩා වම් පැත්තේ ඇති ventricles වටා ඇති මාංශ පේශී බිත්ති දකුණු පැත්තේ බිත්තිවලට වඩා ගණකම් බවින් වැඩිය. ඊට හේතුව වන්නේ ශරීරයේ systemic circulation සඳහා රුධිරය විශාල ප්‍රමාණයක් නිරන්තරයෙන් මුදා හැරීමට හෘදය වස්තුවට දැඩි තෙරපීමක් කිරීමට සිදුවන නිසයි.

බොහෝවිට හෘදය වස්තුව අක්‍රිය වීමට හේතු වන්නේ දකුණු හෘදය වස්තුවට අවශ්‍ය රිද්මයානුකූල ලේ ප්‍රමාණය පොම්ප කිරීමට නොහැකි වීමයි. එය බොහෝවිට දකුණු හෘදය වස්තුවේ ඇති මාංශ පේශී ඉතා දුර්වල වීම හෝ නිසි ක්‍රියාවලියට වැඩ කිරීම අත් හරින විට සිදු වේ. මෙම අත් හැරිම සිදු වූ විට හදවත අක්‍රිය වේ. එබැවින් මෙවන් හේතු ඇති රෝගීන්ගේ ජීවිතවලට බෙහෙත් මගින් හෘදය වස්තුව නිසි ක්‍රියාවලියේ තබා ගැනීමට උපකාර අවශ්‍ය වේ.

කෙටි හුස්ම ගැනීම , දරුණුව දැනෙන මහන්සිය, කකුලේ ඇති වන ඉදිමීම, හෘද රෝගයකට සිරුර මුහුණ දෙනවාදැයි කල්තියා දනවන සාධකයි. එහෙත් මෙම සියලු  හඳුනා ගැනීම් වෙනත් රෝග සඳහාද ඇති විය හැකියි.  මෙම රෝග ලක්ෂණ ඇත්නම් සුදුසු වෛද්‍යවරයකු ලවා පරීක්ෂා කොට ස්ථිර කර ගත හැකියි. ක්ෂණිකව හදවත් බිඳ වැටීම වැඩි විය හැකියි. එවිට එය ක්ෂණිකව සිදුවූ හදවත් බිඳ වැටීමක් ලෙස නිර්වචනය කළ හැකිය. මෙම රෝග ලක්ෂණ කාලයක් තිස්සේ අඩු වැඩි වෙමින් පැවතී තිබී හෘදය වස්තුව බිඳ වැටේ. එය chronic heart failure වශයෙන් හැඳින්වේ.

-ආචාර්ය චන්දිමා විජේගුණවර්ධන

-සටහන- මාධවී ධර්මරත්න

මාරාන්තික තරබාරුව මට්ටු කරමු

ක‍ීමෝ ප්‍රතිකාරයෙන් පිළිකා සෛල පැතිරීම වැඩි වෙන හැඩ

පිළිකා රෝගය සුව කිරීම සඳහා දෙනු ලබන කීමෝ ප්‍රතිකාරය Chemotherapy මඟින් පිළිකාව සුව වෙනවා වෙනුවට එය තවදුරටත් වර්ධනය විය හැකි යැයි අලුත්ම විද්‍යාත්මක පර්යේෂණයකින් හඳුනාගෙන තිබේ.

ඇමෙරිකාවේ නිව්යෝර්ක් හි ඇල්බට් අයින්ස්ටයින් වෛද්‍ය විද්‍යාලයේ පර්යේෂණ කණ්ඩායමක් විසින් ම‍ෑතදී කරන ලද පර්යේෂණයකින් අනතුරුව ඔවුන් මේ බව පවසා තිබේ. පියයුරු පිළිකාව මර්දනය කිරීම සඳහා මෙතෙක් භාවිතා කළ පළමු ප්‍රතිකාරය ලෙස කීමෝ ප්‍රතිකාරය සලකනු ලැබිණි. එහෙත් එය තාවකාලික පිළියමක් පමණක් වෙතැයි එකී පර්යේෂකයෝ පෙන්වා දෙති.

ඔවුන් පවසන පරිදි ක‍ීමෝ ප්‍රතිකාරය මඟින් පිළිකා ගෙඩි හකුළුවන අතර එම පිළිකා සෛලවලට රුධිර සංසරණ පද්ධතියට ඇතුළුවීමට මාර්ගය සලස්වයි. එමඟින් පසුකලෙක වඩා බලවත්ව පිළිකාව වර්ධනය වීමට ඉඩ සැලසෙන බව ද ‍ඔවුහු පවසති.

සිරුරේ වෙනත් අවයව වෙත පිළිකා සෛල පැතිරී ගිය පසුව පිළිකාව සුවපත් කිරීම අසීරු කාරියකි. මේ තත්ත්වය පිළිකාවේ හත‍රවෙනි මට්ටම ලෙස හැඳින්වේ‍. මෙම පර්යේෂණයෙහි ප්‍රධානියා වන වෛද්‍ය ජෝර්ජ් කැරගේනිස් පවසන්නේ කීමෝ ප්‍රතිකාරය පිළිබඳ රෝගීන් බිය ගන්වනවා වෙනුවට පිළිකා ගෙඩිවල සෛල පැතිරීම අධ්‍යයනය කරමින් ප්‍රතිකාර කිරීම වඩාත් සාර්ථක ක්‍රමයක් සොයා ගත යුතු බවය. සැත්කමට පෙර දෙනු ලබන ක‍ීමෝ ප්‍රතිකාර වේල් කිහිපයකින් අනතුරුව පිළිකා ගෙඩිවලින් ඉවත් කරගන්නා සෛල පරීක්ෂාවට බඳුන් කර බලා පැතිරීම වැඩිවන ස්වභාවයක් පෙනේ නම් කීමෝ ප්‍රතිකාරයට පෙර සැත්කම සිදු කිරීම එක් විකල්පයක් විය හැකි බව ද වෛද්‍ය කැරගේනිස් කියයි. එසේ වූ විට සැත්කමින් අනතුරුව ක‍ීමෝ ප්‍රතිකාරය කිරීමට උපදෙස් දෙන බව ද ‍‍ඔහු කියයි.

කීමෝ ප්‍රතිකාරය පෙති හෝ රුධිර වාහිනිගත කිරීමෙන් (සේලයින් වැනි ආකාරයෙන්) ලබාදිය හැකි ය. පිළිකා ගෙඩිය හකුළුවා එහි සෛල ගෙඩියෙන් ඈත් කරවීම එමඟින් සිදු කෙරේ. කීමෝ ප්‍රතිකාර මඟින් පිළිකාව පැතිරීම ඉක්මන් කෙරෙන බව කියැවුණු පළවැනි වතාව මෙය නොවේ. 2012 දී සීට්ල් හි ෆ්‍රෙඩ් හච්සන් පිළිකා පර්යේෂණ මධ්‍යස්ථානය මඟින් කරන ලද පර්යේෂණ වාර්තාවකින් ද පෙන්වා දුන්නේ කීමෝ ප්‍රතිකාරය මඟින් පිළිකා සෛලවලට රුධිරයට ඇතුළුවීම පහසු කරවන බවයි. මේ තත්ත්වය පාලනය කිරීම සඳහා කීමෝ ප්‍රතිකාරයේදී පිළිකා සෛල මැරීමට වඩාත් සැර විෂ මාත්‍රාවක් ඖෂධයට ඇතුළු කළ යුතු බව මානව ජීවවිද්‍යාව පිළිබඳ මහාචාර්ය පීටර් නෙල්සන් පවසයි. එලෙස විෂ වැඩි මාත්‍රාවක් එක් කිරීම රෝගීන්ට මාරාන්තික වන බව ද ඔහු කියයි. එසේ හෙයින් කීමෝ ප්‍රතිකාරයෙහි ඖෂධය පිළිකා සෛල මැරීම සඳහා බලගැන්වීමේදී අඩු විෂ මාත්‍රාවක් යෙදීම මැනැවින් පාලනය කිරීමට වෛද්‍යවරුන් විසින් වගබලා ගත යුතු බව ද මහාචාර්යවරයා කියයි. මෙය දෙ ආකාරයකින් හානිදායක ය. පිළිකාවේ අවසන් අදියර නැත්නම් හතරවැනි අදියර ලෙස සැලකෙන මෙහිදී පිළිකාවට ප්‍රතිකාර කිරීම ඉතාම අසීරු ය. ඒ වනවිට පිළිකා ගෙඩි වඩා බලවත් වන අතර ප්‍රතිකාරවලට ප්‍රතිරෝධී බවක් දක්වයි. බොහෝ අවස්ථාවල ඒ වනවිට පිළිකාව ශරීරයේ සැත්කම්වලට බඳුන් කළ නොහැකි තරම් සියුම් ඉන්ද්‍රියයන් වෙත පැතිරේ.

මෙම ගැටලුව සඳහා විසඳුමක් සෙවීමට ඔවුහු තවමත් වෙහෙසවෙමින් සිටිති. දැනට පර්යේෂණයට බඳුන් කරන ලද්දේ පියයුරු පිළිකාවට එරෙහිව කීමෝ ප්‍රතිකාරය ක්‍රියාත්ම වන ආකාරය පමණක් වන අතර ඉදිරියේදී වෙනත් පිළිකා සඳහා එය ක්‍රියාකරන ආකාරය පිළිබඳ පර්යේෂණ ද දියත් කරන බව වෛද්‍ය කැරගේනිස් පවසයි.

ද ටෙලිග්‍රාෆ් ඇසුරිනි.

සාගරිකා 

තරුණකම රැකදෙන මෝරතෙල්

පිරිමින්ට වින කටින ලොකුම ලෙඩේ

එන්ට එන්ටම දරුණු වන ඩෙංගු උවදුරෙන්
බේරෙන්න මෙන්න ආයුර්වේද විසඳුම...


මේ කාලය රටට බෙහෙවින් විපත්තිදායක සමයක්‌ බව පෙනේ. කලක සිට පැවැති නියං තත්ත්වය හේතුවෙන් ගොවිතැනට සිදුවූ මහාපරිමාණ හානිය නිසා රට තුළ දැඩි ආහාර ප්‍රශ්න ජනිත වූයේය. ඉන්පසුව පැවැති අධික වැසි නිසා ජල ගැලීම්, නිවාස හානි සහ නායයාම් නිසා ජාතික වශයෙන් සිදුවූයේ පිරිමසාලිය නොහැකි තරම් ආපදා තත්ත්වයකි. මෙවන් දැඩි දුෂ්කරතාවන්ට මුහුණ පා ප්‍රබල විපතකට පත්ව සිටින ජනතාවට "ඩෙංගු" උණ රෝගයත් මාරාන්තික තත්ත්වයට රට පුරා ව්‍යාප්ත වී රෝහල් පිරී ඉතිරී යන තරමට රෝගය ප්‍රබලවීම ජනතාවට උසුලා සිටිය නොහැකි තරම් බලවත් විපතක්‌ වී තිබේ.

පසුගියදා පුවත්පත් වාර්තා කරන්නේ පසුගිය මස (ජුනි) ලංකාවේ ඩෙංගු රෝගීන් වාර්තා වූයේ, 15000 ක්‌ බවයි. නමුත් මේ මාසය (ජූලි) වන විට 76000 (හැත්තෑහයදහස) ද ඉක්‌මවා ඇති බවක්‌ වාර්තා වේ.

මෙම උණ රෝගය සීග්‍රයෙන් පැතිර යැම වළකාලීමටත්, මාරාන්තික තත්ත්වයට පත් නොවී රෝගීන් සුවපත් කිරීමේ වගකීම, වගකීමකින් යුක්‌තව ඉටුකිරීමට තරම් හැකියාවක්‌ ඇති ආයුර්වේදය වැනි පොහොසත් වෛද්‍ය ක්‍රමයක්‌ පවතින ශ්‍රී ලංකාව වැනි රටකට මෙවන් සෞඛ්‍ය අභියෝගයකට මුහුණපෑමට සිදුවීම සැබැවින්ම ශෝචනීය තත්ත්වයකි.

මේ රටේ සෞඛ්‍ය සේවය පවත්වාගෙන යාම සඳහා ප්‍රධාන වශයෙන් වෛද්‍ය ක්‍රම දෙකක සහාය ලබාගනී. එනම් බටහිර වෛද්‍ය සේවය සහ ආයුර්වේද වෛද්‍ය සේවයයි. මෙම වෛද්‍ය ක්‍රම දෙකටම සමාන්තර තත්ත්වයක්‌ නීතිමය වශයෙන් හිමිව ඇතත්, රට තුළ බටහිර වෛද්‍ය ක්‍රමයට පවතින "සුජාත" තත්ත්වය. ආයුර්වේදයට නොපවතින බව නොකියා නොහැකිය. මේ පිළිබඳව සාකච්ඡා කිරීම සඳහා වෙනමම ලිපියකට අවකාශ තබාගෙන මෙම ලිපිය ප්‍රස්‌තුත මාතෘකාව කෙරෙහිව යොමුවීම වඩාත් උචිත යෑයි මම සිතමි.

බහුල ලෙස රෝගීව මියයමින්, වසංගත ස්‌වරූපයෙන් රෝගය පැතිර යමින් මෙම "ඩෙංගු" උණ රෝගය කොතරම් බරපතළ තත්ත්වයක්‌ උදාකර ඇත්දැයි කියතහොත්, රටේ රාජ්‍ය නායකයා පවා මීට මැදිහත් වන තත්ත්වයට පත්ව තිබේ. පසුගිය සතියේ ජාතික රූපවාහිනිය මගින් ප්‍රචාරය වූ මීට අදාළ වැඩසටහනට ජනාධිපතිතුමන්ද, සෞඛ්‍ය අමාත්‍යතුමන්ද බටහිර වෛද්‍යවරුන්ද, වෙනත් විද්වතුන්ද, විද්යුත් ජනමාධ්‍ය නියෝජිතවරුන්ගේද, සහභාගිත්වයෙන් එදින මධ්‍යම රාත්‍රිය දක්‌වාත් ප්‍රචාරය වූ සහ ජුලි 1 දින දහවල් කාලයේ නැවත ප්‍රචාරයවූත් සාකච්ඡාව ගැනද යමක්‌ කියයුතුව තිබේ.

එම සාකච්ඡාව අවසානයේදී එකී සාකච්ඡාව මෙහෙයවූ ජාතික රූපවාහිනියේ මාධ්‍යවේදී චමින්ද කුලරත්න මහතා විසින් මෙම "ඩෙංගු" උවදුර මැඬලීම සඳහා ආයුර්වේදයෙන් ගතහැකි කාලෝචිත සේවය විමසීම පිළිබඳව චමින්ද කුලරත්න මහතාට අපි ස්‌තුති කරමු. "ඩෙංගු උණ රෝගය" සාර්ථකව සුවකිරීමට සහ පැතිරයාම ඵලදායීව වළකාලීමට ආයුර්වේදය තුළ පවතින ප්‍රබල හැකියාව පිළිබඳව ජනතාවට දෛනිකව ප්‍රයෝජන ගතහැකි කාලෝචිත උපදේශයක්‌ ලබාදීමට දේශීය වෛද්‍ය අමාත්‍යංශය නියෝජනය කරමින් අදහස්‌ දැක්‌වීම සඳහා ආයුර්වේද වෛද්‍යවරයකු එහි නොසිටීමෙන් එහි පැවැති හිඩැස පුරවාලිය නොහැකි වීම ගැන අපි කනගාටු වෙමු.

උණ රෝග සුව කිරීම සඳහා බෙහෙවින් සාර්ථක ඖෂධ වේදයක්‌ සහිත ආයුර්වේදය පොහොසත් තත්ත්වයක පවතින ශ්‍රී ලංකාව වැනි රටක දිනකට රෝගීන් රැසක්‌ මියයමින්, වසංගත තත්ත්වයෙන් පැතිර යන "ඩෙංගු" වැනි උණ රෝගයක්‌ ජාතික සෞඛ්‍ය සේවයට අභියෝගයක්‌ වන තරමට පත්ව තිබීම සැබැවින්ම ශෝචනීය තත්ත්වයකි.

මා මේ බව සඳහන් කරනුයේ, මීට වසර දසක දෙකතුනකට (1985) පූර්ව කාලයේදී "ඩෙංගු උණටත්" වඩා බෙහෙවින් ප්‍රබල වූ මදුරු මාර්ගයෙන් ව්‍යාප්ත වූ, නූතන වෛද්‍ය වේදය ජැපනීස්‌ එන්සෙපලයිටීස්‌ යනුවෙන් හැඳින්වූ "මොළේ ඉදිමීමේ උණ රෝගය"ද අනුරාධපුර ප්‍රදේශයේ දිනකට රෝගීන් 10-15 ක්‌ පමණ මිරමින්, වසංගත තත්ත්වයෙන් පැතිර ගියාය. දරුණු උණ රෝගය සුවකිරීම සඳහා බටහිර වෛද්‍ය ක්‍රමය ඖෂධයක්‌ ඒවන විටත් නිපදවා නැති බව ශ්‍රී ලංකාවේ බටහිර වෛද්‍යවරුන්ද ඒ සඳහාම ලෝක සෞඛ්‍ය සංවිධානය (උHධ) මගින් වූ බටහිර විශේෂඥ වෛද්‍යවරුන්ද ප්‍රකාශ කිරීමෙන් අනතුරුව රජයට කරගත හැකි විකල්ප සෞඛ්‍ය විසඳුමක්‌ නොමැති අවස්‌ථාවේත් ආයුර්වේදයට භාරවූ එම වගකීම සාර්ථකව ඉටුකරමින් ඉතා කෙටි කාලයක්‌ තුළදී (එක්‌ මාසයක්‌ ඇතුළතදී) රෝගය සුවකළා පමණක්‌ නොව වසංගත ස්‌වරූපයෙන් පැතිරයැම වළකාලීමටද එදා ආයුර්වේද වෛද්‍යවරු ක්‍රියා කළහ. එම විශ්මිත ආයුර්වේද වෛද්‍ය සේවය අන්තර්ජාතික ඇගයීමකට ලක්‌වීම නිසා ඒ සඳහා ලෝක සම්මානයක්‌ද ආයුර්වේදයට හිමිවූයේය.

එදා සෘෂි යුගයේ සිට පැවත එන විශ්මිත ආයුර්වේදය මෙදාත් විශ්වකර්ම ලෙස අන්තරාදායක තත්ත්වයේ පසුවන ලෙඩුන් පවා සුවකරමින් සනාථකර ඇත්තේ, වත්මන් ආයුර්වේදයද ජාතික සෞඛ්‍ය සේවය සඳහා නැතිවම බැරි විෂයයක තත්ත්වයක පවතින බවය.


ආයුර්වේදය යනු ප්‍රතිජීවී නොව සජීවී ඖෂධවේදයක්‌ සහිත වෛද්‍ය දර්ශනයකි. සැබැවින්ම උණ රෝග සුවකිරීම සඳහා බෙහෙවින් පොහොසත් ඖෂධවේදයක්‌ සහිත මේවන විට ලෝක ආකර්ෂණයද දිනා ඇති ආයුර්වේදය වැනි සොබාදහමටද අනුකූල වූ වෛද්‍ය ක්‍රමයක්‌ පවතින ශ්‍රී ලංකාව වැනි ග්‍රීෂ්ම කලාපීය රටකට මදුරු බලපෑමෙන් හටගන්නාවූ "ඩෙංගු" වැනි උණ රෝගයක්‌ අභියෝගයක්‌ වන තරමට ප්‍රබලවී තිබීමෙන් පෙනීයන්නේ අපේ ජාතික සෞඛ්‍ය සේවයේ පවතින දුබල භාවයයි. මෙවන් අවස්‌ථාවලදී ආයුර්වේදයේද උපරිම සේවය කාලෝචිතව ලබාගැනීමට තරම් ශ්‍රී ලංකාවේ දේශීය වෛද්‍ය අමාත්‍යාංශයද සමත් වූයේ නම් "ඩෙංගු" මැඬලීමට කියුබාවේ හෝ ඔස්‌ටේ්‍රලියාවේ මදුරුබීජ නාශක සොයා යැමට අවශ්‍ය නොවිය හැකිව තිබුණි.

ආයුර්වේදය යනු ඝාතක - නාශක හෝ මාරක විෂයයක්‌ නොවේ.

මරණය කරවන තැනැත්තා මාරක ඝාතක හෝ නාශක වන අතර, ජීවය කරවන්නා "ජීවක" නම්වේ. මෙවැනි මදුරු උවදුරු පැවැති අවස්‌ථාවලදී සොබාදහම විසින් මිනිසාගේ රැකවරණය සඳහා දායාද කළ පැලෑටි කිහිපයක්‌ම තිබේ.

"මදුරුතලා" පැළෑටිය ඉන් ප්‍රධාන තැනක්‌ ගනී. එම පැළෑටිය මගින් මදුරුවා මර්දනය කරන නිසා එය "මදුරුතලා" නමින් නම්දී ඇත. එය "මදුරුමරා" යනුවෙන් නම් නොවූයේ එම පැළෑටිය මාරක - ඝාතක හෝ නාශක තත්ත්වයක්‌ නොවූ හෙයිනි. එසේම - පැඟිරිමානා - අගිල් - සාම්බ්‍රානි වැනි දැද මදුරුවා පලවා හැරීමට විශේෂ ගුණදායී වූ පැළෑටීන්ය. මේවා සංයෝග කර එමගින් උදේ - සවස නිවාස තුළ දුම් ඇල්ලීමෙන් ඉතා පහසුවෙන් මදුරුවා පලවා හැර ආරක්‍ෂා විය හැකිය. අපේ පැරණි මවුවරු දෛනික චාරිත්‍රයක්‌ වශයෙන් පවත්වාගත් ගෙමිදුල් වටේ අතුපතුගා එක්‌වන කොළරොඩුවලට ගිනි දැල්වීමෙන් පැන නඟින දුමාරය නිසාද මදුරු උවදුරෙන් ආරක්‍ෂා වීමට ආරක්‍ෂක චාරිත්‍රයක්‌ වූයේය.

ශ්‍රී ලංකාව වැනි ග්‍රීෂ්ම කලාපීය රටවල මැසි - මදුරු - මකුණු - මකුළු ආදී විවිධ කෘමීන් බහුලවීම අසාමාන්‍ය තත්ත්වයක්‌ නොවේ. මෙම ස්‌වාභාවික තත්ත්වය මත මෙකී සත්ත්වයා සමූල ඝාතනය කිරීමද කළ හැකි දෙයක්‌ නොවේ. සැබැවින්ම මිනිසාගේ රැකවරණය සඳහා අප රටට අදාළ නොවූ ඉහත කී මාරක - ඝාතක හෝ නියත පිළිවෙත පවත්වාගත යුතුද නොවේ. එහෙත් මිනිස්‌ වාසස්‌ථාන ආශ්‍රිත ප්‍රදේශ තුළ එකී රෝගකාරක සත්ත්aව උවදුරෙන්

රැකවරණ සලසා ගැනීම සඳහා පරිසරය පිරිසිදුව තබා ගැනීම අත්‍යවශ්‍ය වන බවද නොසළකා නොසිටිය යුතුව ඇත.

ඩෙංගු උවදුරෙන් ආරක්‍ෂා වීම සඳහා මදුරු මර්දක ඉහත කී දේශීය ඔසු ධූපය පිළිබඳ ජනතාව දැනුවත්කර එම ඔසුදුම් ජනතාව වෙත පහසුවෙන් සපයාදීමෙන් මෙම රෝග ව්‍යාප්තිය සාර්ථකව වළකාගත හැකිය.

ඉහත කී "ඩෙංගු උණ" පහසුවෙන් සුව කිරීම සඳහා ආයුර්වේදයේ එන "රසෞෂධ" ඔසු වර්ග ජනතාවට හඳුන්වාදී ඒවා පහසුවෙන් ලබාගැනීමේ ක්‍රමවේදයක්‌ දේශීය වෛද්‍ය අමාත්‍යාංශය යටතේ ඇති ආයුර්වේද ඖෂධ සංස්‌ථාවට පහසුවෙන් සිදුකළ හැකිය. මෙකී උණ රෝග සුවපත් කිරීමේ ප්‍රබල හැකියාවක්‌ ඇති ආනන්ද භෛරව රසය ශ්‍රී ජයමංගල රසය, ශ්‍රී ජයතිලක රසය, සෞභාග්‍ය රසවටිකාව ආදී බෙහෙවින් ගුණදායක වූ රස ඖෂධ ඉතා ඵලදායී ප්‍රතිකාරයෝ වෙති.

මෙම ඖෂධ වර්ග නිෂ්පාදනය කිරීම වෛද්‍යරුන්ට ඉතා දුෂ්කරය. එනිසා නාවින්නේ පිහිටි ශ්‍රී ලංකා ආයුර්වේද ඖෂධ සංස්‌ථාව සතු මහා පරිමාණ ඖෂධ නිෂ්පාදනාගාරය මගින් එහි සේවයේ නියුතු උසස්‌ දැනුමැති වෛද්‍ය මණ්‌ඩලයේ හා පළපුරුදුකම්වලින් අනූන පුහුණු කාර්ය මණ්‌ඩලයේද සහාය ඇතිව මෙම ඖෂධ හා ඉහතකී මදුරු මර්දක ධූපය මහා පරිමාණයෙන් නිපදවා රට පුරා බෙදාහැරීමෙන් මෙම මදුරු උවදුර ඉතා පහසුවෙන් හා ඉතා කෙටි කාලයක්‌ තුළදී මර්දනය කළහැකි බව අත්දැකීම් සහිත වෛද්‍යවරයකු වශයෙන් වගකීමකින් යුක්‌තව ප්‍රකාශ කරමි.

වෛද්‍යාචාර්ය එම්. බී. රත්නායක

තරුණ කමට හොඳ නින්දකට
හොඳම බෙහෙත චොකලට්‌...

නවතම පරීක්‍ෂණවලින් හෙළිවෙයි


චොක්‌ලට්‌ කිව් සැණින් අපගේ දිවට දැනෙන රසය මුළු ජීවිත කාලය පුරාවටම සිහිනෙන් ගෑ සුවඳක්‌ සේ රැඳී පවතින්නේය. චොක්‌ලට්‌ සඳහා වැඩියෙන්ම ප්‍රසිද්ධියක්‌ උසුලන්නේ ස්‌විටිසර්ලන්තයයි. එහි නිපදවන කිරි මිශ්‍ර චොකලට්‌ද දුඹුරු පැහැ (Dark) චොක්‌ලට්‌ රසයද ඔවුන්ටම ආවේණික වන්නේ ඒවායෙහි අඩංගු විවිධ සංඝටක, අමුද්‍රව්‍ය නිසාය. ප්‍රධාන වශයෙන් චොක්‌ලට්‌ සෑදීම සඳහා යොදා ගන්නා අමුද්‍රව්‍ය වන්නේ "කොකෝවා" ඇටයි. කුඩා දරුවන්ට හා යොවුන් වියෙහි පසුවන්නන්ට චොක්‌ලට්‌වලින් ලැබෙන පෝෂණය අතිමහත්ය. ඒ එහි අඩංගු අධික කැලරි ප්‍රමාණයයි. නමුත් ටිකක්‌ වයස්‌ගත වන විට මෙම චොක්‌ලට්‌වල අඩංගු කැෆේන් (Caffeine) හා තියෝබ්‍රොaමයින් (theobromine) යන රසායනික ද්‍රව්‍ය නිසා වැඩිහිටියන්ට යම් සංකූලතා හටගන්නා බව වෛද්‍ය ලෝකයේ කවුරුත් පවසන්නේය. මේ පිළිබඳව දිගින් දිගටම පර්යේෂණයන්හි නිරත වූ විද්‍යාඥයන් විසින් මේ නොබෝදා අපූරු සොයා ගැනීමක්‌ ලොවට ඉදිරිපත් කෙරුණා. ඒ වියපත් කා හටත් ඉතා සුබ පණිවිඩයක්‌ ගෙන ආවා.

චොක්‌ලට්‌වල අන්තර්ගත ස්‌වභාවික කොකෝවා ඇට සමඟ මිශ්‍ර වී ඇති රසායනිකයක්‌ වන ෆ්ලෙවනෝල් පිළිබඳව විද්‍යාඥයන්ගේ තියුණු ඇස යොමු වුණා. ඉතාලියේ L' Aquila විශ්වවිද්‍යාලයේ Valentina Socci හා Mechele Ferrara නම් විද්‍යාඥයන් මේ පිළිබඳව විශේෂ අවධානයක්‌ යොමු කරමින් පර්යේෂණ කටයුතුවල යෙදුණා. මේ අනුව මීට පෙර ඉදිරිපත් කළ තර්කයන්ට වඩා හාත්පසින් වෙනස්‌ ප්‍රතිඵලයක්‌ ලබා ගැනීමට මොවුනට හැකි වුණා. මෙම පර්යේෂණය සඳහා යොදා ගත් වැඩිහිටි පුද්ගලයන්ට දින 5 සිට මාස 3 දක්‌වා දිගු කාලීනව චොක්‌ලට්‌ (ෆ්ලෙවනෝල්) ලබාදීමට ක්‍රියා කරනු ලැබුවා. ඔවුන් බහුතරයකගේ කාර්ය සාධනය හා ක්‍රියාශීලීභාවය වැඩි වී තිබුණා. විශේෂයෙන්ම මතක ශක්‌තිය වර්ධන වී තිබූ බව හෙළි වුණා. එමෙන්ම දෘශ්‍ය තොරතුරු පද්ධතිය එනම් ඇස ආශ්‍රිත ඉන්දියයන්හි ක්‍රියාකාරීත්වය වැඩි දියුණු වී තිබුණා. තවද රාත්‍රි නිදිවරන්නන් (රාත්‍රි සේවා මුර සේවකයන්) සමූහයකට කොකෝවා මිශ්‍ර දුඹුරු චොක්‌ලට්‌ අතිරේක ආහාරයක්‌ ලෙස ලබා දුන් විට රාත්‍රි නින්ද නොලැබීම නිසා වන සංජනන ඌනතාවන්ගෙන් ඔවුන් මිදී තිබුණා. පසුවදා ඔවුන් ඉතා ක්‍රියාශීලීව සිටිනු දක්‌නට ලැබුණා.

මෙම ප්‍රතිඵල මත මෙම විද්‍යාඥයන් ඉතා වැදගත් නියාමනයන්ට එළඹී තිබුණා. එනම් වැඩිහිටියන් සඳහා මෙම චොක්‌ලට්‌වල අඩංගු ෆ්ලෙවනෝල් රසායනිකය වෙනස්‌ ආකාරයකින් ක්‍රියා කළ බවයි. ඔවුන්ගේ වාචික ව්‍යක්‌ත භාවයද ඉහළ ගියා. යමක්‌ කෙරෙහි අවධානය වැඩිවීම සිදුව තිබුණා. මෙයට හේතු වී තිබුණේ මෙම ෆ්ලෙවනෝල් රසායනිකය මඟින් හෘදයේ කන්තුක වාහිනීවල යථා පැවැත්ම වැඩි දියුණු කිරීම මඟින් මොළයට සැපයෙන රුධිර පරිමාව වැඩි වීමයි. මේ නිසා මස්‌තිෂ්ක අර්ධ ගෝල අතර ඇති "හයිපොකැම්පස්‌" නමැති ප්‍රදේශය වඩාත් උද්දීපනය වී තිබුණා. මේ මඟින් වියපත් වීමේදී සිදුවන මතක ශක්‌තිය දුර්වල වීම, dementia‌ (චිත්ත වික්‌ෂේපය) තත්ත්වය. රුධිර නාළ තුළ රුධිරය කැටි ගැසීම වැනි උපද්‍රව මඟ හැරී තිබුණා.

මේ අනුව මෙතෙක්‌ දුර්මතයක්‌ව පැවති වියපත් අය සඳහා චොක්‌ලට්‌ ලබා නොදීම මේ සොයා ගැනීමත් සමඟම අහෝසි වී යනු ඇත. අඳුරු පැහැ චොක්‌ලට්‌ (Dark Chocolate) අනුභවය මින්පසු ළමුන් අතර, පමණක්‌ නොව වැඩිහිටියන් අතරද ප්‍රචලිත වනු ඇත. එමඟින් ඔවුන්ගේ මනසෙහි සිදුවන බුද්ධි හානියට වඩාත් හොඳ පිළියමක්‌ මෙමඟින් ලැබෙනු ඇත. අපේ වැඩිහිටියන් වඩාත් ක්‍රියාශීලීව හෙට දින යළි ඔවුන්ගේ සුපුරුදු ක්‍රියාකාරකම් ආරම්භ කරනු ඇත.

සිසිර කිත්සිරි