සොරයිසිස්‌ සුව කරන්න පංචකර්ම ප්‍රතිකාරයක්‌

ප්‍රශ්නය - සොරයිසිස්‌ රෝගය ජානමය උරුමය හෝ රුධිරය මත පදනම් වූ ප්‍රශ්නයක්‌ නිසා සුව කිරීමට බැරි බව නවීන විද්‍යාවට අනුව කටයුතු කරන ඇතැම් බටහිර වෛද්‍යවරුන් කියනවා. එවැනි තත්ත්වයක්‌ තුළ ආයුර්වේදය මගින් මේ රෝගය සුව කළ හැකි බව ඔබ හිතනව ද?

වෛද්‍ය ශ්‍රී ලක්‌මාල් සුගතදාස - වසර දහස්‌ ගණනක්‌ පැරැණි ආයුර්වේදයේ පදනම මොකද්ද කියන එක මෙහිදී සොයා බලමු. පුරාණ සෘෂිවරු හඳුන්වන අන්දමට ආයුර්වේදය කියන්නේ සෞඛ්‍ය සම්පන්න සිරුරක්‌, සෞඛ්‍ය සම්පන්න මනසක්‌, පිරිසිදු ආත්මයක්‌ ඇති කිරීමට උපකාරී වන දෙයක්‌. කරුණු වශයෙන් ගත්තත් පෝෂ්‍යදායක ආහාර, යෝග ව්‍යායාම වැනි ව්‍යායාම, භාවනා, ශරීරයේ විෂ නැසීම, (වායුව) ඒ පදනමේ අත්තිවාරම බව දැක්‌විය හැකියි. වාත පිත්ත කප යන ත්‍රිදොaෂ ශරීරය ක්‍රියාත්මක කරන බලවේග බව ඒ අනුව කියෑවෙනවා. මේ ත්‍රිදොaෂ අසමතුලිත නම් ඔබ රෝගී වෙනවා. ආයුර්වේදය මගින් නිතරම උත්සාහ කරන්නේ ත්‍රිදෝෂවල සමතුලිත භාවය තබා ගැනීමටයි. එසේ සමතුලිත කළාම සොරයිසිස්‌ වැනි රෝග සුව කළ හැකියි.

සොරයිසිස්‌ රෝගය සඳහාම කරන පංචකර්ම ක්‍රම පවා අතීතයේදී තිබුණ. මා මේ කියන්නේ වසර දහස්‌ ගණනකට ඉස්‌සර කළ ප්‍රතිකාර විධියක්‌. ඒ අනුව මුලින්ම ඖෂධ මිශ්‍ර කළ එළඟිතෙල් රෝගියාට ආහාරයට දුන්නා. ඊළඟට බඩ විරේක සහ ලය විරේක කළා. තුන්වනුව ඖෂධීය මෝරු හිසට වත් කළා. සතරවනුව ඖෂධ සමග මිශ්‍ර කළ තුනී මැටි මුළු මහත් ශරීරයේම ගෑවා. අවසන් වශයෙන් ඖෂධ යොදාගෙන වස්‌ති කළා. මේ ඖෂධවල මාත්‍රාව නියම වුණේ රෝගියාගේ සහ ඔහු තුළ හට ගන්නා රෝගයේ මට්‌ටම අනුවයි. අද මා ඔබට දෙනවා සොරයිසිස්‌ රෝගය සුව කිරීම සඳහා අත්දුටු කසායක්‌, ශෝධන දියරයක්‌ සහ ආලේපනයක්‌ සාදා ගන්නා අන්දම.

1. කසාය - අස්‌වැන්න, පොල්පලා, නෙරෙංචි, කටුවැල්බටු, එළබටු ගෙන මැටි මුට්‌ටියකට දමා වතුර කෝප්ප 8 ක්‌ පුරවා 1 කෝප්පයට සිඳ අනුපාන වශයෙන් සහිඳ ලුණු සහ මී පැණි යොදා දිනකට කෝප්ප භාගය බැගින් උදේ සවස පානය කළ යුතුයි. මේ ප්‍රතිකාරය දින 15 ක්‌ නොකඩවා කළ යුතුයි.

ශෝධන දියරය, පාවට්‌ටා, ඇත්තෝර, අත්තික්‌කා පොතු නුගපොතු, බෝ පොතු, මාවේවැල්, කොහොඹ පොතු, ගංසූරිය පොතු, සහ කොළ, නිදිකුම්බා පස්‌ පංගුව සමව ගෙන තම්බා පොතු කබර හටගත් තැන උදේ සවස සේදිය යුතුයි. මෙය මාස 3 ක්‌ එක දිගට කිරීම වැදගත්.

ආලේපය - අනිත්ත ගසේ පස්‌පංගුව සහ පාවට්‌ටා පස්‌ පංගුව සමව ගෙන අඹරා දින 7 ක්‌ උදේ සවස කබර ඇති ස්‌ථානවල ආලේප කළ යුතුයි.

සුද යැමේ රෝගය සුවකිරීමට ආයුර්වේදය සතුව ප්‍රතිකාර තිබෙනවා

* කාන්තාවන්ට මෙතෙක්‌ වැළඳෙන ශ්වේත ප්‍රදරය හෙවත් සුද යැමේ රෝගය ඇතිවීමට ප්‍රධාන හේතු ලෙස දැක්‌විය හැක්‌කේ මොනවාද?

* ආයුර්වේද වෛද්‍ය රන්පත රුවන් රත්නායක මහතා -

මෙම රෝගය වැළඳීමේ ප්‍රධානතම හේතුවක්‌ ලෙස දැක්‌විය හැක්‌කේ සිරුරේ ඇතිවන අධික උෂ්ණාධික බවයි. විශේෂයෙන්ම උෂ්ණාධික ආහාර ගැනීම තුළින් සිරුරේ උෂ්ණාධික බව ඉහළ යැමෙන් මෙම සුද යැමේ රෝගී තත්ත්වය ඇතිවීමට හේතුවක්‌ විය හැකියි. විශේෂයෙන්ම කාන්තාවන් විසින් සිදුකරන නොයෙක්‌ වැරදි ක්‍රියාකාරකම් හා වැරදි සෞඛ්‍ය පුරුදු මෙම රෝගය ඇතිවීමට ප්‍රධාන ලෙසම බලපෑම් කරනු ලබනවා. මෙන්න මේ නිසා මෙම රෝගය වැළඳෙන රෝගයකට වඩා වැළඳ ගන්නා රෝගයක්‌ යෑයි කීවොත් නිවැරැදියි.

තමාගේ සනීපාරක්‍ෂාව නිවැරැදි ලෙස පවත්වා නොගැනීම, හොඳ සෞඛ්‍ය පුරුදු නොමැතිවීම, කෘමි ආසාදන (පණු රෝග) ලිංගික චර්යාවන්, වැඩිපුර සිටගෙන සිටීම හෝ වැඩිපුර හිඳගෙන සිටීමද, බර ඉසිලීම, පොදු වැසිකිළි හෝ අපිරිසිදු වැසිකිළි භාවිතය, බහු පුරුෂ සේවනය කියාද මෙම සුද යැමේ රෝගය ඇති වීමේ හේතු ලෙස දැක්‌විය හැකියි.

* මෙම රෝගය සමගම වෙනත් රෝගයන්ද ඇතිවිය හැකිද?

ආයුර්වේද වෛද්‍ය රන්පත රුවන් රත්නායක මහතා -

ඇත්තටම මේ සුද යැමේ රෝගය සමඟ ඒ පසුපසට එන තවත් රෝග රැසක්‌ද තිබෙනවා. ඒ අතරින් ආහාර අරුචිය, මළ බද්ධය, විටින් විට අක්‍රමවත් ලෙස මළ පිටවීම සිදුවිය හැකියි. මීට අමතර ශරීරය ක්‌ෂය වීම, කැසීම් ඇතිවීම, පලු දැමීම හා විවිධ සමේ රෝග ඇතිවීම, පීනස තත්ත්වය වර්ධනය වීම, අර්ශස්‌ රෝගය ඇතිවීම, හිස කැක්‌කුම, ශරීරයේ අප්‍රාණිකත්වය, අධික කේන්ති යැමද ඇතිවිය හැකියි.

* මෙම රෝගය වැළඳුණු කාන්තාවන්ට ඇතිවන අපහසුතා ගැන සඳහන් කළොත්.

* ආයුර්වේද වෛද්‍ය රන්පත රුවන් රත්නායක මහතා

මෙම රෝගය වැළඳුණු කාන්තාවන්ට විවිධාකාර ගැටලු තත්ත්වයන්ට මුහුණදීමට සිදුවෙනවා.

විශේෂයෙන්ම යෝනි මාර්ගය අවට නිතර කැසීමේ තත්ත්වයක්‌ ඇතිවීම, ඉකිලි ආශ්‍රිත ප්‍රදේශය දක්‌වාම එය පැතිරීම, නිතර නිතර මුත්‍රා ආසාදනවලට ගොදුරු වීම බහුලවම දැකිය හැකි අපහසුතාවනුයි.

ඊට අමතරව පිරිස්‌ අතර ගැවසීමේදී පොදු මගී ප්‍රවාහන සේවාවලදී, කාර්යාලයේදී, මෙවැනි රෝගී කාන්තාවන් දැඩි අපහසුතාවලට ලක්‌විය හැකියි.

* මෙම රෝගී තත්ත්වය වැළඳුනු කාන්තාවන්ගේ රෝග ලක්‍ෂණ මොනවාද?

* ආයුර්වේද වෛද්‍ය රන්පත රුවන් රත්නායක මහතා -

සෑම කාන්තාවකටම සරු කාලයේදී ඩිම්බ පිටකිරීම සිදුකරන අතර එවැනි අවස්‌ථාවල පිටකරන ස්‍රාවයේ ගන්ධයක්‌ හෝ වර්ණයක්‌ නොමැත. නමුත් මෙම රෝගී තත්ත්වය වැළඳුණු විට ඇතැම් විට කිරි පැහැයටද තරමක උකු ස්‍රාවයක්‌ ලෙසද පිටකිරීම සිදුකරනවා. තවද සුදු පැහැති ලෙස යෝනි මාර්ගය අවට පැතිරී පැවතීමද සිදුවිය හැකියි. මීට අමතරව රතු පැහැයට හා ලා රතු පැහැයටද, කහ මෙන්ම තද කහ පැහැයෙන්ද මෙම ස්‍රාවයන් පිටවිය හැකියි. එවිට එම කාන්තාවන්ට මෙම රෝගී තත්ත්වය වැළඳී ඇති බව තීරණය කළ හැකියි.

* ශ්වේත ප්‍රදර රෝගය සුවකිරීම සඳහා ආයුර්වේදය සතුව ප්‍රතිකාර තිබෙනවාද?

* ආයුර්වේද වෛද්‍ය රන්පත රුවන් රත්නායක මහතා -

ශ්වේත ප්‍රදරය රෝගය සඳහා පමණක්‌ නොව ඕනෑම රෝගයක්‌ සඳහා ආයුර්වේදය සතුව ඖෂධ තිබෙනවා. විශේෂයෙන්ම කිව යුතුයි ආයුර්වේද ප්‍රතිකාර තිබෙන්නේ රෝග සුවපත් කිරීම සඳහා නොව එම රෝග නිට්‌ටාවටම සුව කිරීම සඳහායි. ඒ අනුව ශ්වේත ප්‍රදරය රෝගයටද ආයුර්වේදය සතුව ප්‍රතිකාර ක්‍රම තිබෙනවා. ඒ සඳහා රෝගීන් නිසි දැනුමක්‌ සහිත වෛද්‍යවරයා තෝරා ගැනීම කළ යුතු වෙනවා. මෙම රෝගයට ප්‍රතිකාර කිරීමේදී ඒ හා සම්බන්ධ අනිකුත් රෝගාබාධයන්ද වැළඳී ඇත්දැයි නිවැරැදි පරීක්‍ෂාවකින් පසු රෝගීන්ට නිවැරැදි ප්‍රතිකාර ලබාදීමෙන් මෙය සුවකිරීමේ හැකියාව ආයුර්වේදයට තිබෙනවා.

* විශේෂයෙන්ම කාර්යබහුල කාන්තාවන්ට ආයුර්වේද ප්‍රතිකාර ලබාගැනීමේදී ඒවා සොයා ගැනීමේ අපහසුව තිබෙනවා නේද?

* ආයුර්වේද වෛද්‍ය රන්පත රුවන් රත්නායක මහතා -

වර්තමානයේ ආයුර්වේද ඖෂධ වෙනදා මෙන් සොයා යැම අවශ්‍ය නොවේ. මන්ද දැන් සියලුම ඖෂධ සකස්‌ කළ ඒවා ලෙස තිබෙන නිසා ඕනෑම කාර්යබහුල අයෙකුට මෙම ප්‍රතිකාර ලබා ගැනීමේ පහසුව දැන් තිබෙනවා. එම නිසා ඕනෑම රෝගියකුට දැන් කිසිදු අපහසුවකින් තොරව ආයුර්වේද ප්‍රතිකාර කරා යොමු වීමෙන් රෝග සුවකර ගැනීමේ හැකියාව පවතිනවා.

කන කෑම ඇඟට නොඅල්ලන ඇනොරෙක්‌සියා රෝගය

ප්‍රශ්නය - අනුභව කරන ආහාර ඇඟට නොඇල්ලීම නිසා හට ගන්නා කෘෂ භාවය ගැන පසුගිය සතියේදී අප ඔබ සමඟ කතා කළා. ඒ අතර තවත් යමක්‌ පැහැදිලි කර දිය යුතුයි. ඇඟ කෙට්‌ටු කරන රෝගයකුත් තිබෙනවා නේද?

වෛද්‍ය අයේෂා කළුආරච්චි - Anorexia කියල ඉංග්‍රීසියෙන් හඳුන්වන රෝගයක්‌ තිබෙනවා. මෙයට අක්‍ෂුධාව යන ආයුර්වේද නම යොදනවා. මෙහිදී සිදුවන්නේ අදාළ පුද්ගලයා සිය කැමැත්තෙන්ම ආහාර ගැනීමෙන් වැළකී සිටීමයි. මෙය මානසික ප්‍රශ්නයක්‌ ලෙස සැලකෙන අතර, නූතන යුගයේ තිබෙන භයානකම මානසික රෝගයක්‌ බවයි කියෑවෙන්නේ.

ප්‍රශ්නය මෙය හට ගන්නේ කොහොමද?

වෛද්‍ය අයේෂා කළුආරච්චි - සමහරු ශරීරයේ හැඩය පවත්වා ගෙන යැම සඳහා අඩුවෙන් කෑම ගෙන වැඩියෙන් ව්‍යායාම කරන්නට පුරුදු වෙනවා. මෙහෙම කල් ගතවේගෙන යන විට එය පුරුද්දක්‌ බවට පත්වෙනවා. ඊළඟට මේ තත්ත්වය මනසට කි¹ බහිනවා. තවත් කල් ගත වෙද්දී තමන්ගේ ශරීරය කොතරම් කෘෂ වුණත් ආහාර අඩු කිරීම සහ දැඩි ලෙස ව්‍යායාම කිරීම එසේම පවත්වාගෙන යැමට ඔවුන් උත්සුක වෙනවා. අනොරෙක්‌සියා රෝගය හුඟක්‌ තද වුණාම කන්න බැරිව යනවා. කාපු ගමන් මළ පහ වෙනවා. බඩ බුරුලට යනවා.

ප්‍රශ්නය - මෙය වැළඳීමට බලපාන වෙනත් හේතු මොනවද?

වෛද්‍ය අයේෂා කළුආරච්චි - අධික විඩාව, ආතතිය යන කාරණා නිසා හටගන්නා හෝමෝන වෙනස්‌කම් නිසා මෙය හට ගන්නට පුළුවන්. විභාගවලට පාඩම් කිරීමේදී හටගන්නා පීඩනය, පාසලේදී හෝ කාර්යාලය තුළ දී අන් අයගේ උසුළු විසුළුවලට ලක්‌වීම නිසා හටගන්නා මානසික නොපහන්භාවය යන කරුණුත් එයට බලපානවා.

නොමිලේ විස්‌තර සඳහා
- 0766739977, 011-5708567

කුරුලෑව ගැන ඔබ නොදත් කතාවක්‌

ප්‍රශ්නය - වාතය සහ පිත මූලික කරගත් කුරුලෑ ගැන අප පසුගිය සතියේ කතා කළා. අද අප ඔබෙන් විමසන්නේ කප මූලික කරගත් කුරුලෑ තත්ත්වය ගැනයි.

වෛද්‍ය චූලා විඡේරත්න - ශරීරයේ තෛලමය සංයුතිය ඉහළ යැම සහ කප දොaෂය කෝප වීම අතර සම්බන්ධයක්‌ තිබෙනවා. ඒ නිසා කප දොaෂය සමතුලිත මට්‌ටමක තබා ගැනීම කළ යුතුයි.

ප්‍රශ්නය - ඒ සඳහා කළ යුත්තේ කුමක්‌ද?

වෛද්‍ය චූලා විඡේරත්න- මුලින්ම කළ යුත්තේ සැහැල්ලු ආහාර ගැනීමයි. ඒ අතර කිරි ආහාර ගැනීම හැකි තරම් අඩු කළ යුතුයි. ආහාර ගන්නා අතර උණුසුම් ඉඟුරු තේ පානය කළ හැකි නම් එය ආහාර ජීර්ණ ක්‍රියාවලිය උත්තේජනය කරන්නක්‌ විය හැකියි. හැබැයි එම ඉඟුරු තේ කිරි මිශ්‍ර නොකළ පානයක්‌ විය යුතුයි. නිතරම බෝංචි ආහාරයට ගන්න. එමගින් අතිරේක කප වියෑළී යැම සිදුවනවා. ඇපල්, පෙයාර්ස්‌, දෙළුම්, ඇප්‍රිකොට්‌ යන පළතුරු වර්ග ඉතාම සුදුසුයි. ඒ අතර කෙසෙල්, අලිගැටපේර, අන්නාසි, දොඩම්, පැණි කොමඩු, රට ඉඳි වැනි අධි පෝෂණීය පලතුරු වර්ගවලින් වැළකී සිටිය යුතුයි. පොල් ආහාර යට ගැනීම හැකි තරම් අඩු කරන්න. එළවළු වර්ග වැඩි වැඩියෙන් ආහාරයට ගැනීම වැදගත් වන අතර, බතල සහ තක්‌කාලි වැනි පැණිරස ගුණයෙන් යුතු කෑම අත්හල යුතුයි. ගම්මිරිස්‌, මිරිස්‌, අබ , ඉඟුරු යනාදිය ඔබේ ආහාරයට එක්‌ කර ගන්න. තෙල් හැකි තරම් අඩුවෙන් ආහාරයට ගන්න. බාර්ලි, ඉරිඟු වැනි ධාන්‍ය වර්ග කප දොaෂය සහිත රෝගියාට ගුණදායක වන අතර බත් කෑම හැකි තරම් අඩු කළ යුතුයි.

ඔබේ ආහාරයට කෘත්‍රිම වර්ණක, කෘත්‍රිම රස කාරක වැනි දේ මිශ්‍ර වී තිබේ නම් එම ආහාර පරිභෝජනයට නොගත යුතුයි. රසායනික ද්‍රව්‍ය නොයෙදූ ආහාරවලට යොමු වීමෙන් වැදගත් ප්‍රයෝජන ලබාගත හැකියි. හැකි තරම් වතුර බොන්න. ඒ සමඟම විඩාපත් වූ විට එක දිගට වැඩ නොකර මහන්සිය පහව යන තුරු පැත්තකට වී සිටීම ඉතා වැදගත්.

මස්‌ ආහාරයට ගැනීමෙන් වැළකී සිටිය හැකි නම් ඉතාම හොඳයි. ඒ වගේම බිත්තර සහ මාළු වලින් වැළකී සම්පූර්ණයෙන්ම නිර්මාංශ විය හැකි නම් හොඳයි.

නොමිලේ විස්‌තර සඳහා - 0766739977, 011-5288055

මොකද්ද මේ පාකින්සන් රෝගය?

ප්‍රශ්නය - අද ඔබ සමඟ අප කතා කරන්නට අදහස්‌ කරන්නේ Parkinson නමැති රෝගය ගැනයි. මෙයට වසර 30 කට පෙර පාකින්සන් නමින් රෝගයක්‌ ගැන මේ රටේ ජනයා දැන ගෙන හිටියේ නැහැ. එහෙත් අද වන විට මේ රෝගය ගැන නිතර කියෑවෙනවා. මොහොමඩ් අලි නමැති බොක්‌සිං ශූරයාට මේ රෝගය හැදුනා. රොනල්ඩ් රේගන් නමැති ඇමරිකන් ජනාධිපතිවරයාට මෙය වැළඳුනා. දැන් ඒ දෙදෙනාම මිය ගිහින්. මොකද්ද මේ පාකින්සන් රෝගය?

වෛද්‍ය මහාචාර්ය සුජාතා එදිරිවීර - මෙය වසර දහස්‌ ගණනක්‌ පැරැණි රෝගයක්‌. ආයුර්වේදය තුළ මේ රෝගය සහ එයට ප්‍රතිකාර එදා සිටම තිබුණා. මේ රෝගයට කියන ආයුර්වේද නම කම්පවාන. මෙහිදී සිදු වන්නේ රෝගියාගේ අත් පා වෙව්ලන්නට පටන් ගැනීමයි. මෙය අනිච්ඡානුගතව, එනම් ඉබේම හට ගන්නා වෙව්ලීමක්‌. ඒ නිසා රෝගියාට දෛනික කටයුතු කරගෙන යන්නට බැරි වෙනවා. බටහිර වෛද්‍ය විද්‍යාව තුළ මෙයට බෙහෙත් තිබෙනවාද කියලා මා දන්නේ නැහැ. එහෙත් ආයුර්වේද ප්‍රතිකාර මගින් ඉතා සාර්ථකව මෙය සුව කරන්න පුළුවන්.

ප්‍රශ්නය - මේ පිළිබඳ බටහිර විද්‍යාත්මක නිර්වචනය කුමක්‌ද?

වෛද්‍ය මහාචාර්ය සුජාතා එදිරිවීර - මධ්‍ය ස්‌නායු පද්ධතියේ හටගන්නා රෝගී තත්ත්වයන් නිසා පෞද්ගලික ක්‍රියාත්මකභාවය කඩාකප්පල් වන බව තමයි බටහිර විද්‍යාව මගින් කියන්නේ. (මෙය ඉතා දීර්ඝ උත්තරයක කෙටි අදහසකි) මෙහි රෝග ලක්‍ෂණ ඉතා සෙමින්, ඉතා ක්‍රමානුකූලව දිගු කාල පරාසයක්‌ තිස්‌සේ මතු වෙන්නට පටන් ගන්නවා. සර්වාංගය වෙව්ලීම, ශරීරයේ දැඩි බව හෙවත් අත් පා එහා මෙහා කරන විට ඇතිවන දුෂ්කරතාව ඇවිද ගන්න බැරි වීම තමයි ප්‍රමුඛ රෝග ලක්‍ෂණ. එයට සමානුපාතිකව සිතුවිලිවල වෙනස්‌කම් ඇති වෙනවා. නිතර අමතක වෙනවා. මෙය වර්ධනය වී Dementia නමැති රෝග තත්ත්වය හටගන්නවා. මේ දැන් කළ දේ ඊළඟ මොහොතේදී අමතක වීමෙන් රෝගියා ලොකු අමාරුවක වැටෙනවා. ඊළඟට ආතතිය සහ අසහනය හට ගන්නවා. සංවේදීතාව කඩාකප්පල් වෙනවා. නින්ද නැතිවීම මානසික ප්‍රශ්න හට ගන්නවා.

ප්‍රශ්නය - මේ රෝගයට හේතුව කුමක්‌ද?

වෛද්‍ය මහාචාර්ය සුජාතා එදිරිවීර - බටහිර වෛද්‍ය විද්‍යාවට අනුව නම් එයට හේතුවක්‌ නැහැ. සමහර පර්යේෂකයන් විශ්වාස කරන්නේ ජානමය විකෘති සහ පාරිසරික හේතු නිසා මෙය හටගන්නා බවයි. පවුලක එක්‌ අයකුට මේ රෝගය තිබෙනවා නම් අනෙකාටත් එය හැදෙන්නට පුළුවන්. ඒ රෝගය බෝවන නිසා නොව ජානමය උරුමය නිසා විය හැකියි.

සාකච්ඡා කළේ -සංඛනාද වෙදගෙවත්ත

ආත්‍රයිටිස්‌ රෝගීනට සාරණ හරිම ගුණයි

ප්‍රශ්නය - ඔස්‌ටියෝ ආත්‍රයිටිස්‌ රෝගය ගැන නැවත වරක්‌ සිහිපත් කර දීමේ ලිපියක්‌ අප පසුගිය සතියේ ලිව්වා.

වෛද්‍ය වසන්ත උදයජීව - මෙහිදී වැදගත් කරුණක්‌ මතක්‌ කර දිය යුතුයි, පාඨකයාගේ දැන ගැනීම පිණිස. ඔස්‌ටියෝ ආත්‍රයිටිස්‌ නරක්‌කර ගත්තොත් උකුල් ඇටය සහ දණහිස්‌ පොල්කටුව සැත්කමක්‌ මගින් බද්ධ කිරීමට සිදු වෙනවා. උදාහරණයක්‌ හැටියට ගත්තොත් වසර 2015 දී ඇමරිකානුවන් හයලක්‍ෂයකට අලුතෙන් උකුල් ඇට බද්ධ කරන්නට සිදුවුණා මේ රෝගය නිසා. ඒ වගේම ඇමරිකානුවන් දහහතරලක්‍ෂයකට අලුතින් දණහිස්‌ පොල්කටු බද්aධ කිරීමට සිදුවුණා. මා ඇමරිකාව උදාහරණයට ගත්තේ ඒ රටේ සෞඛ්‍ය ක්‍ෂේත්‍රය තුළ හැම දෙයක්‌ ගැන ම සංඛ්‍යාලේඛන තිබෙන නිසයි. ලංකාවේ එවැනි තත්ත්වයක්‌ නැති නිසා උදාහරණයට ගන්න බැහැ.

ප්‍රශ්නය- මේ රෝගය සම්බන්ධයෙන් ආයුර්වේද ප්‍රවේශය කුමක්‌ද?

වෛද්‍ය වසන්ත උදයජීව - ආයුර්වේදය කියන්නේ නැහැ කිසිද ුරෝගයක්‌ සුව කරන්න බැහැ කියලා. ඕනෑම රෝගයක්‌ එක්‌තරා අවස්‌ථාවකදී සුව කරන්නට ආයුර්වේදයට පුළුවන්. ඒ නිසයි ආයුර්වේදයේදී කියන්නේ ඕනෑම රෝගයක්‌ ආරම්භයේදී වෛද්‍යවරයා හමුවෙන්න කියලා. ඒ වගේම ආයුර්වේදයේ කියෑවෙනවා ඕනෑම ලෙඩකට ශාකසාර ඖෂධ තිබෙන බව. මෙයට වසර දහස්‌ ගණනකට පෙර ජීවත් වූ දක්‍ෂ ආයුර්වේද වෛද්‍යවරයකු වූ රාවණ රජතුමා හඳුනාගෙන තිබෙනවා ශාක වර්ග 5999 ක්‌ ලෙඩ රෝග 5999 කට බෙහෙත් වශයෙන් යොදා ගත හැකි බව. ශාකසාර ඖෂධ වගේම භාවනා ක්‍රම සහ යෝග අභ්‍යාසත් ආයුර්වේද ප්‍රතිකාරයට එකතු වනවා. ඔස්‌ටියෝ ආත්‍රයිටිස්‌ රෝගය ගත්තොත් එයට ඉතාම හොඳ ප්‍රතිකාරයක්‌ වශයෙන් ක්‍රියාකරන්නට සාරණවලට පුළුවන්.

ආත්‍රයිටිස්‌ ප්‍රදාහය ඇති කරන ප්‍රමුඛ එන්සයිමය වන 5-lipoxygenase පරදවන්නට සාරණවලට පුළුවන්. ඒ වගේම කහවලට පුළුවන් Lipoxygenase, cyclo oxygenase, phospholipase 2 යන එන්සයිම පරදවන්න. අශ්වගන්ධ හෙවත් අමුක්‌කරාවලට පුළුවන් ආත්‍රයිටිස්‌ ප්‍රදාහය ඇති කරන අංශු විනාශ කරන්නට. ඉඟුරු, අරළු, බුලු, නෙල්ලි යන ඖෂධ තුළත්a ඉහත සඳහන් ගුණය තිබෙනවා. ආත්‍රයිටිස්‌ ඖෂධවලට හාතවාරිය ඇතුළත් කළාම ශරීරයට සිසිල් ගුණය ලැබෙනවා. භාවනාව මගින් පුළුවන් ආත්‍රයිටිස්‌ වේදනාවට එරෙහිව හිත යොදවලා එය දමනය කරන්නට. ඒ වගේම රෝගය නිසා හටගන්නා ආතතිය නැති කරන්නටත් භාවනාවට පුළුවන්.

ප්‍රශ්නය - හැම සතියේම ඔබ අපට කසායක්‌ දෙනවා. ඒ මගින් ආත්‍රයිටිස්‌ වේදනාව නැතිකර දීම තමයි අරමුණ. හැබැයි රෝගය නිට්‌ටාවට සුව කර ගන්න නම් ඖෂධ පන්තියක්‌ පාවිච්චි කළ යුතුයි. ඔබ අපට මෙවර දෙන කසාය කුමක්‌ද?

වෛද්‍ය වසන්ත උදයජීව - අරළු, කලාඳුරු අල, පාවට්‌ටා මුල්, කිරිබදු අල, හාතවාරිය අල, රසකිඳ, බැවිල මුල් කලං 2 බැගින් ගෙන වතුර කෝප්ප 8 කට දමා, එය කෝප්ප 1 ට සිඳ පෙරා අනුපාන වශයෙන් සීනි හෝ මී පැණි දමා උදේ සවස කෝප්ප භාගය බැගින් දින 12 ක්‌ පානය කළ යුතුයි. එනම් කසාය හැලි 12 යි.

තයිරොයිඩයට හැදෙන වෙන පිළිකා මොනවද?

ප්‍රශ්නය - පසුගිය සතියේදී අප ඔබ සමඟ සාකච්ඡා කළේ පැපිලරි කාසිනෝමා නමැති තයිරොයිඩ් පිළිකා තත්ත්වය ගැනයි. තයිරොයිඩ් ග්‍රන්ථියේ හට ගන්නා පිළිකා වර්ග අතුරින් වැඩියෙන්ම සුවපත් කළ හැක්‌කේ පැපිලරි කාසිනෝමාව බව ඔබ අපට පැහැදිලි කළා. තයිරොයිඩ් ග්‍රන්ථියට වැළඳෙන සෙසු පිළිකා වර්ග ගැන නැවත මතක්‌ කර දිය හැකිද?

වෛද්‍ය චාන්දනී වික්‍රමාරච්චි - Anaplastic thyroid cancer, Medullary thyroid, follicular thyroid යනුවෙන් තව වර්ග 3 ක්‌ තිබෙනවා. මෙයින් පළමු වන වර්ගය වන Anaplastic පිළිකාව ඉතාම සංකීර්ණයි. එහි ව්‍යqහයේ තිබෙන අවුල් සහගත ස්‌වරූපය නිසා රෝග නිශ්චය ඉතාම දුෂ්කරයි. ඒ වගේම එයට බෙහෙත් අහන්නේ නැති ගතියක්‌ තිබෙනවා. මෙහි ආක්‍රමණශීලී ස්‌වභාවය ඉතාම වැඩියි. ඒ අනුව පිළිකාව තිබෙන ප්‍රදේශයේ අවට ඇති සෛල ඉතා ඉක්‌මනින් විනාශ කරමින් පැතිර යන්නට එයට පුළුවන්. මේ සියලු කරුණු සලකා බලන විට එය සුව කිරීමේ සම්භාවිතාව ඉතාම අඩුයි. එනම් 7% - 14% වගේ ප්‍රමාණයක්‌. කොහොම වුණත් මෙය හට ගන්නා මුල් අවධියේදී හඳුනාගත් විට සුව කරන්න පහසුයි.

ප්‍රශ්නය - නවීන වෛද්‍ය විද්‍යාව තුළදී මෙය සුව කරන්න යොදා ගන්න ප්‍රතිකාර මොනවද?

වෛද්‍ය චාන්දනී වික්‍රමාරච්චි - විකිරණ ප්‍රතිකාර සහ රසායනික ප්‍රතිකාර යන දෙක මේ සඳහා යොදා ගන්නවා.

ප්‍රශ්නය - මෙය හට ගැනීමට හේතු මොනවද?

වෛද්‍ය චාන්දනී වික්‍රමාරච්චි - විකිරණයට නිරාවරණය වූ හෝ විකිරණ ප්‍රතිකාරවලට නිරාවරණය වූ අයට (හිසට හෝ ගෙලට) ඇනාප්ලාස්‌ටික්‌ පිළිකාව හැදෙනවා. එවැනි නිරාවරණයන් හෝ ප්‍රතිකාරවලින් වසර 5 සිට 20 දක්‌වා කාලය තුළදී මේ පිළිකාව හට ගන්නට පුළුවන්.

ප්‍රශ්නය - මෙහි රෝග ලක්‍ෂණ මොනවද?

වෛද්‍ය චාන්දනී වික්‍රමාරච්චි - අනෙක්‌ තයිරොයිඩ් පිළිකාවලට පොදු රෝග ලක්‍ෂණ, එනම් ගෙල ඉදිරිපස ගෙඩියක්‌ හට ගැනීම, ස්‌වරභංගය හෙවත් හරි හැටි කතා කර ගන්නට බැරි වීම, ගෙල ප්‍රදේශයේ ග්‍රන්ථීන් ඉදිමීම, ආහාර ගිලීමට අපහසු වීම, හුස්‌ම ගැනීමට අපහසු වීම, උගුර සහ ගෙල ප්‍රදේශවල වේදනාවක්‌ හට ගැනීම, සෙම්ප්‍රතිශ්‍යාවට සම්බන්ධ නැති වේලුම් කැස්‌සක්‌ නිතර හට ගැනීම වැනි දේවලට රෝගියා මුහුණ දෙනවා.

ප්‍රශ්නය - මේ රෝගයට ප්‍රතිකාර කරන විට ඔබ නූතන වෛද්‍ය විද්‍යාවේ එන විද්‍යාගාර වාර්තා හෝ චිකිත්සක වාර්තා සැලකිල්ලට ගන්නවද?

වෛද්‍ය වික්‍රමාරච්චි - ඔව්. නවීන විද්‍යාව හරි දියුණුයි. ඒ මගින් රෝග හඳුනාගැනීමටත්, එම රෝගය පවතින අවස්‌ථාව (Stage) හඳුනා ගැනීමටත් එමගින් පුළුවන්. ඒ නිසා එවැනි වාර්තා කියවා බැලීමටත්, රුධිර පරීක්‍ෂණ වාර්තා කියවීමටත් දේශීය වෛද්‍යවරයා මෙන්ම ආයුර්වේද වෛද්‍යවරයාත් දැන ගත යුතුමයි. තමන්ට ආවේණික වෛද්‍ය ක්‍රමය පහසුවෙන් පරිහරණය කරන්නට එය ලොකු උදව්වක්‌ විය හැකියි. විය යුත්තේත් එයම තමයි.

නොමිලේ විස්‌තර සඳහා
0713464276/ 0759061771
අංකයට කතා කරන්න
සාකච්ඡා කළේ අශේන් රඹකොස්‌වැව

අම්ල පිත්ත රෝගය
පාලනය කරගන්නා අයුරු

අපට කුසගිනි දැනෙන්නේ ආමාශයේ අම්ල ශ්‍රාවී සෛල මගින් හයිෙඩ්‍රාක්‌ලෝරික්‌ අම්ලය (HCL) ශ්‍රාවය වන විටදීය. එවිට අප ආහාර ලබාගත යුතු බව මොළය මගින් දැනුම් දෙන්නේ කුසගිනි ඇති කරමිනි. එම අවස්‌ථාවේදී අප ආහාර නොගත්ත ද ආමාශය තුළ දිගින් දිගටම අම්ල ශ්‍රාවය වේ. මෙසේ ආහාර නොමැති හිස්‌ ආමාශය තුළට දිගින් දිගට අම්ල ශ්‍රාවය වීම මගින් ආමාශයේ ඇතුළත ශ්ලේෂ්මල පටලය තුවාල වේ.

අම්ල පිත්ත රෝගය හෙවත් ගැස්‌ට්‍රයිටිස්‌ (Gastritis) රෝගයට ගොදුරු වන පිරිස්‌ දිනෙන් දින වැඩිවීමක්‌ දක්‌නට ලැබේ.

ළමා, තරුණ, මහලු කියා වයස්‌ භේදයකින් තොරව මෙම රෝගයට ගොදුරුවීමට බලපා ඇති හේතුව කුමක්‌දැයි කියා අපි විමසා බලමු.

ආයුර්වේද වෛද්‍ය ක්‍රමයට අනුව අම්ල පිත්ත ලෙසත් අනෙකුත් වෛද්‍ය ක්‍රමවලට අනුව ගැස්‌ට්‍රයිටිස්‌ ලෙසත් හඳුන්වන මෙය ආහාර ජීරණ පද්ධතිය ආශ්‍රිතව හටගන්නා රෝගයකි.

ආමාශය, ගලනාලය, ග්‍රහණිය ආදී ඉන්ද්‍රියයන් මෙම රෝගය නිසා පීඩාවට පත්වේ.

එසේ පීඩාවට පත්වන්නේ ආහාර ජීර්ණයට අදාළ හයිෙඩ්‍රාක්‌ලොරික්‌ (HCL) අම්ලය ශ්‍රාවයේ ඇතිවන වෙනස්‌කම් හේතුවෙනි. එවිට ආමාශයේ ඇතුළත බිත්තිවලට (Mucous
Membrane) හානි සිදුවීමෙන් ආසාදන හටගනී. මෙය අම්ල පිත්ත රෝගයේ එක්‌ අවස්‌ථාවක්‌ ලෙස සරලව හැඳින්විය හැකිය.

අප ගන්නා ආහාර ගලනාලයෙන් ආමාශයට ඇතුළුවන තැන කපාටයක්‌ පවතී. එමගින් ආමාශය තුළ තිබෙන ආහාර ගලනාලයට පැමිණීම වළක්‌වාලනු ලබයි.

මෙම කපාටය ක්‍රියාකාරිත්වයේ ඇතිවන යම් යම් අසාමාන්‍යතා නිසා ආමාශය තුළ තිබෙන අම්ලය ගලනාලයට අසාමාන්‍ය ලෙස ගලායැමක්‌ ද සිදුවේ. මෙහිදී ගලනාලයේ ඇතුළත බිත්තිවලට හානි සිදුවීමෙන් ගලනාලය ආසාදනය වීම, උගුර දැවිල්ල, ඔක්‌කාරය, වමනය ආදිය ඇති වේ. මෙලෙස අසාමාන්‍ය ලෙස අම්ල ශ්‍රාවය නිසා ග්‍රහණියේ ඇතුළත බිත්ති හානිවීම හා ආසාදනයට ලක්‌වීම ද සිදු වේ. මෙය ද අම්ල පිත්ත රෝගයේ එක්‌ අවස්‌ථාවකි.

අම්ල පිත්ත රෝගය ඇතිවීමට බලපාන හේතු අම්ල පිත්ත රෝගය ඇතිවීමට ප්‍රධාන වශයෙන්ම බලපානුයේ නියමිත වේලාවට ආහාර නොගැනීමය. මෙය දීර්ඝකාලීනව පැවතීමෙන් ඉහත සඳහන් කළ ආසාදන හටගනී.

අපට කුසගිනි දැනෙන්නේ ආමාශයේ අම්ල ශ්‍රාවී සෛල මගින් හයිෙඩ්‍රාක්‌ලෝරික්‌ අම්ලය (HCL) ශ්‍රාවය වන විටදීය. එවිට අප ආහාර ලබාගත යුතු බව මොළය මගින් දැනුම් දෙන්නේ කුසගිනි ඇති කරමිනි. එම අවස්‌ථාවේදී අප ආහාර නොගත්ත ද ආමාශය තුළ දිගින් දිගටම අම්ල ශ්‍රාවය වේ. මෙසේ ආහාර නොමැති හිස්‌ ආමාශය තුළට දිගින් දිගට අම්ල ශ්‍රාවය වීම මගින් ආමාශයේ ඇතුළත ශ්ලේෂ්මල පටලය තුවාල වේ.

නියමිත වේලාවට ආහාර නොගැනීමට අමතරව ස්‌ටෙරොයිඩ් වැනි ඖෂධ වර්ග දිගු කාලයක්‌ ගැනීම (ශ්වසන රෝග සඳහා ගනු ලබන ඖෂධ) නිසා ද අම්ල ශ්‍රාවය උත්තේජනය වීමෙන් අම්ල පිත්තය හටගැනීමට බලපායි.

ඊට අමතරව නිතර තෙල් මිරිස්‌ අධික ආහාර ගැනීම නිසා ද අම්ල ශ්‍රාවී සෛල උත්තේජනයට ලක්‌වේ.

බැක්‌ටීරියා ආසාදනය (Helicobacter pylori) මානසික ආතතිය, මද්‍යසාර භාවිතය නිසා ද අම්ල පිත්තය ඇතිවීමට බලපාන තවත් හේතු ලෙස දැක්‌විය හැකිය.

අම්ල පිත්තය දැනුම් දෙන රෝග ලක්‍ෂණ

අම්ල පිත්තය ඇති පුද්ගලයන්ට බහුලව මතුවනුයේ ආහාර ගැනීමෙන් පසු බඩ පුරවා දැමීම, කටට තිත්ත හෝ ඇඹුල් රස දැනීම, උදරයේ ඉහළින් හෝ වම්පස මැදට වන්නට වේදනාව හටගැනීම, බඩ පුරවා දැමීම, වමනය, ඔක්‌කාරය, ආහාර දිරවීමේ අපහසුතා, මළබද්ධය ආදියයි.

මෙවැනි අවස්‌ථාවලදී නිසි වෛද්‍ය ප්‍රතිකාර සඳහා යොමු නොවී රෝගය තවදුරටත් වර්ධනය වුවහොත් ආමාශ බිත්තියේ සියුම් ලේ ගැලීම් හටගැනීම, තුවාල හටගැනීම (Gastric
ulcer) දක්‌වා රෝගය උත්සන්න වේ. අවසානයේදී ශරීරයට අවශ්‍ය පෝෂක කොටස්‌ ආහාර මගින් උරාගැනීමට නොහැකි මට්‌ටමට පත්වීම හා රුධිර වහනය වීම නිසා රක්‌ත හීනතාවට (Anemia) පත්විය හැකිය.

අම්ල පිත්තය සුවකර ගැනීම

යම් පුද්ගලයකු අම්ල පිත්ත රෝගයට ගොදුරුවීමේ පසුබිමක පසුවේ නම් එවැනි පුද්ගලයන් වහාම ඉන් මිදීමට අවශ්‍ය පියවර ගත යුතුය. නිසි වේලාවට ආහාරපාන ගැනීම අධික තෙල් මිරිස්‌ සහිත ආහාර ගැනීම සීමා කිරීම, මද්‍යසාර භාවිතය වැළැක්‌වීම, මානසික ආතතිය පාලනය කරගැනීමට පියවර ගත යුතුය. අම්ල පිත්ත රෝගය ඇතිවීමේදී මතුවන මුල්ම රෝග ලක්‍ෂණ හඳුනාගත් වහාම නිසි වෛද්‍ය ප්‍රතිකාර සඳහා යොමුවීම වැදගත්ය. අම්ල පිත්ත රෝගය ආයුර්වේද ඖෂධ ප්‍රතිකාර මගින් සාර්ථකව පාලනය කරගත හැකිය.

වැඩිදුර තොරතුරු සඳහා දුරකථන අංක 0774941118 මගින් වෛද්‍යතුමිය ඇමැතිය හැකිය.

ආයුර්වේද වෛද්‍ය කුමුදුනී ද සිල්වා
සෙත්සුව ආයුර්වේද රෝහල, බටලන්ද
සංස්‌කරණය
උපාලි ද සේරම්