බටර් අහිතකර නෑ

බටර් ආහාරයට ගැනීම ශරීර සෞඛ්‍යයට අහිතකර නැතැයි පර්යේෂකයෝ පෙන්වාදෙති. බටර් ආහාරවලට එකතු කරගැනීමෙන් හදවත් රෝග ඇතිවීමේ අවදානම ඉහළ නැංවීමක් සිදු නොවන ඔවුහු පවසති.

දිනකට බටර් තේ හැන්දක ප්‍රමාණයක් ආහාරයට ගැනීම මර්තත්‍යාව කෙරෙහි සිදු කරන්නේ ඉතා සුළු බලපෑමක් බවත් ආඝාතය හෝ හදවත් රෝග සම්බන්ධයෙන් සැලකිය යුතු සබඳතාවක් දක්නට නැතැයි ද පර්යේෂකයෝ පෙන්වා දෙති. එපමණක් නොව ඉතා සුළු ප්‍රමාණයකින් දියාවැඩියාව ඇති වීමේ අවදානම පහත හෙළීමට බටර් ආහාරය ගැනීම උපකාරී වන බව ද මෙහිදි අනාවරණය වී තිබේ.

බොස්ටන් හි ටුෆ්ට්ස් විශ්වවිද්‍යාලයේ පර්යේෂකයන් පිරිසක් කරන ලද පර්යේෂණයකින් මෙම කරුණු අනාවරණය වී තිබේ. පර්යේෂකයන් පිරිස 2005 වසරේ සිට රටවල් 15කට අධික සංඛ්‍යාවක කරන ලද අධ්‍යයන නමයක ප්‍රතිඵල අධ්‍යයනය කරමින් අවසාන ප්‍රතිඵල ප්‍රකාශයට පත්කර ඇත. 

වයස අවුරුදු 44ත් 71ත් අතර පසුවන වැඩිහිටියන් 640,000කට යොදාගනිමින් කරන ලද පර්යේෂණ මාලාවක ප්‍රතිඵල මෙලෙස අනාවරණය කර තිබේ.

බටර් ආහාරයට ගැනීමෙන් දෙවැනි වර්ගයේ දියාවැඩියා රෝගය ඇතිවීමේ අවදානම සියයට 4කින් අඩු කරන බව ද මේ පර්යේෂණයෙන් අනාවරණය වී ඇත. කෙසේ වෙතත් මෙම කරුණු සනාථ කිරීම සඳහා තවදුරටත් පර්යේෂණ සිදු කළ යුතු බව ද පර්යේෂකයෝ පවසති.

හර්ෂණ තුෂාර සිල්වා
ඬේලිමේල් ඇසුරිනි

ඉන්ජෙක්ෂන් ගහපු කාලෙ ඉවරයි

එන්නත් කටු යොදා ගෙන ඖෂධ ශරීරගත කිරීම තවදුරටත් අවශ්‍ය නොවන නව නිපැයුමක් දැන් හඳුන්වා දී තියෙනවා. ඔබට තියෙන්නේ වෛද්‍යවරයා නියම කරන පැලැස්තරය සමෙහි අලවා ගැනීමයි. මේ නව ක්‍රමය ඇමරිකාවේ මැසචුසෙට්ස් විශ්ව විද්‍යාලයේ නව සොයා ගැනීමක්. ඒ පිළිබඳව එහි පර්යේෂකයන් කියන්නේ මේ නව ක්‍රමයෙන් ක්ෂුද්‍ර ඉඳිකටු තුඩු සහිත ‘පච්චයක්’ වැනි පැලැස්තරයක් යොදා ගෙන වඩාත් ආරක්ෂිතව, වේදනා රහිතව අනාගතයේ දී එන්නත් ලබා දිය හැකි බවයි.

ඔවුන් කියන විදියට ඒඞ්ස් වැනි රෝග තත්වයන් ඇති කරන එච්අයිවී ආසාදනවලදී සාමාන්‍යයෙන් එන්නත් දීමේ ක්‍රමයෙන් සිදු වන අවදානමට මුහුණ නොදී මේ නව ක්‍රමයෙන් ඩීඑන්ඒ එන්නත පහසුවෙන් ලබා දිය හැකි බවයි. ‘මයික්‍රොනීඞ්ල් පච්ච’ යනුවෙන් හැඳින්වෙන මේ නව ක්‍රමයේ පැලැස්තරය තනා ඇත්තේ බහුඅවයවික ස්තර ගණනාවක් ඇති ඩීඑන්ඒ එන්නතක් ඇතුළත් කරලයි.

මේ බහුඅවයවික පටල, ‘මයික්‍රොනීඞ්ල්’ (ඉසියුම් ඉඳිකටු තුඩු) භාවිත කරමින් සමට මිලිමීටර් බාගයක් යටින් තැන්පත් කළ හැකියි. අපිචර්මයේ පිහිටි ප්‍රතිශක්ති සෛලවලට ඩීඑන්ඒ ලබා දෙන්නට ඒ ගැඹුර ප්‍රමාණවත්. අපට වේදනාව දැනෙන සමෙහි ස්නායු තුඩු තියෙන්නේ ඊට වඩා පහළින් නිසා මේ ‘මයික්‍රොනීඞ්ල්’ පච්චයේ ඇති ඉතා සියුම් ඉඳිකටු තුඩු ඒවායෙහි ගෑවෙන්නේ නෑ. ඒ නිසා වේදනාව දැනෙන්නේ නැහැ.

සම යට දී මේ බහුඅවයවික පටල එහි ඇති ජලය මිශ්‍ර වීම නිසා අනුක්‍රමයෙන් දිය වී දින හෝ සති ගණනාවක් තිස්සේ එහි අන්තර්ගත කර ඇති එන්නත සිරුර තුළට මුදා හැරෙනවා. බහුඅවයවික පටලය බිඳුණු පසු ඒ බහුඅවයවික කොටස් ඩීඑන්ඒ රැහැන් සමග දැවටී ඒවා ආරක්ෂා කර ගනිමින් ඒවාට සෛල තුළට රිංගා ගැනීමට උදවු කරනවා. මේ ඉසියුම් ඉඳිකටු තුඩු සහිත පැලැස්තරය සම මත ඇල වූ සැණෙන් එහි ඇති ඖෂධය ශරීර ගත වෙන්න පටන් ගන්නවා. ඒක ‘පච්චයක්’ වැනි දෙයක් ඇති කරනව වගෙයි.

මේ ඉසියුම් ඉඳිකටු තුඩු සැලසුම් කරන්න පුළුවන් සමෙහි ඉහළම ස්තර පමණක් විනිවිද යන විදියට. එතකොට ස්නායු අන්ත හා රුධිර නාළවලට ඒවා ළං වෙන්නේ නැහැ. කිසිම වේදනාවක් දැනෙන්නේ නැහැ, අධස්චර්මීය (පිට හමට යටින් වූ) කොටසට එන්නත් කිරීමට ගන්නා ඉන්ජෙක්ෂන් කටුවලින් වගේ. “මේවා භාවිත කරන විට සිරින්ජ අවශ්‍ය වන්නේත් නැහැ.” යැයි මහාචාර්ය ඩැරල් අර්වින් කියනවා. ඔහු මැසචුසෙට්ස් තාක්ෂණික විශ්ව විද්‍යාලයේ ජෛව විද්‍යා ඉංජිනේරු හා වාස්තවික විද්‍යා ඉංජිනේරු අංශයේ මහාචාර්යවරයෙක්. “ඔබට කරන්න තියෙන්නේ මිනිත්තු කීපයක් මේ පැලැස්තරය අලවා තබා එය ඉවත් කිරීම පමණයි. එවිට ඖෂධ කොටස සහිත බහුඅවයවික පටලය සමට කා වැදී පවතිනවා.” ඔහු කියනවා. පර්යේෂකයන් කියන විදියට මේ ‘මයික්‍රොනීඞ්ල් පච්ච’ දැනට භාවිත කෙරෙන්නේ නව පරම්පරාවක ඩීඑන්ඒ එන්නත් සිරුරු ගත කිරීමට පමණයි.

වර්තමානයේ භාවිත වන එන්නත් සිරුර තුළ ප්‍රතිශක්තිය වර්ධනය වීමට උදවු වෙන්නේ ආක්‍රමණශීලී වෙතැයි සැලකෙන රෝග කාරකවලට ප්‍රතිශක්ති පද්ධතියට නිරාවරණය කිරීමෙනුයි. විද්‍යාඥයන්  දැන් සංවර්ධනය කර ගෙන යනවා ඩීඑන්ඒ එන්නතක් ස්පර්ශයෙන් බෝවෙන රෝගවලට. ඒ අනුව ඒවා එන්නත් කළ අයගේ සිරුරු තුළ ආක්‍රමණශීලී රෝග සඳහා අනතුරු හැඟවිය හැකි අණු නිපදවෙනවා. ඒවා හඳුනා ගෙන වඩා ඉක්මනින් ඒවාට එරෙහිව ක්‍රියාත්මක වීමට සිරුරේ ප්‍රතිශක්ති පද්ධතියට හැකි වෙනවා. මෙය සම්ප්‍රදායික එන්නත්වලට වඩා ඉතාමත් කාර්යක්ෂමයි.  කෙසේවෙතත්, පර්යේෂකයන්ට අධික ලෙස වෙහෙසෙන්නට සිදු වුණා, වඩාත් සාර්ථකව මේ එන්නත් සිරුරු ගත කළ හැකි ක්‍රමවේදය සොයා ගන්න. ඒ සඳහා දැන් ඔවුන් විදුලි දහරක් භාවිත කරනවා.

විද්‍යාඥයන් මේ පැලැස්තර රීසස් වඳුරන්ට යොදා පරීක්ෂා කර බැලුවා, මේ ඩීඑන්ඒ එන්නත දුන් පසු කොයිතරම් ප්‍රෝටීන් ප්‍රමාණයක් ඒ සතුන් තුළ නිපදවෙනවාද කියා. ඒ වඳුරන්ගේ සිරුරු තුළ කලින් සාමාන්‍ය අධස්චර්මීය ඉඳිකටු යොදා ගෙන දෙන එන්නතට වඩා 140 ගුණයකින් ප්‍රෝටීන් නිපදවෙන බව හෙළි වුණා. “මේ ඉසියුම් ඉඳිකටු තුඩු සහිත පැලැස්තරය හරියට බළල් දිවක් වගේ තමයි, අතට දැනෙන්නේ.” යැයි එහි එක් පර්යේෂකයකු වූ පීටර් ඩිමුත් කියනවා. ඔහුත් මැසචුසෙට්ස් තාක්ෂණික විශ්ව විද්‍යාලයේ ජෛව විද්‍යා ඉංජිනේරු හා වාස්තවික විද්‍යා ඉංජිනේරු අංශයේ විද්‍යාඥයෙක්. “අපට මේ ක්‍රමයෙන් එන්නත දෙන ආකාරය කෙළින් ම පාලනය කරන්න පුළුවන්. එන්නත ශරීර ගත කරන කාලය හා ප්‍රතිශක්තිය වර්ධනය කර තබා ගත යුතු කාලය නිශ්චිතව පවත්වා ගෙන යන්න පුළුවන්, පැරණි ක්‍රමයට වඩා සාර්ථකව.” යනුවෙන් පීටර් ඩිමුත් වැඩිදුරටත් කියනවා.

ඬේලිමේල් ඇසුරිනි

ශාක ඵලවලින් මිනිස් සිරුරට ලැබෙන ‍පෝෂණය මිල කළ නොහැකිය. ඒවායේ අඩංගු විවිධ රසායනිකයන් ලෙඩ රෝග රැසක් මැඩලීම සඳහා උපකාරී වෙයි. 

පෙන්වා සතුටුවීම

කෙල්ලෙක් වගේ පියයුරු විශාල වෙලාද?

පපුව රිදෙන්නේ හදවත් රෝගයකටමද?

හදවත සහ රුධිර නාල ආශ්‍රිත රෝගාබාධ විශේෂයෙන්ම හෘදයාබාධ නැතිනම් හාට් ඇටෑක් ලෙස හඳුන්වන තත්ත්වය ගැන කතාකරනකොට පපුවේ කැක්කුම තමා ප්‍රධාන රෝග ලක්ෂණය. නමුත් පපුවේ එන හැම කැක්කුමක්ම හෘදයාබාධයක ලක්ෂණයක්ද? වෛද්‍ය විශේෂඥයන් පෙන්වා දෙන්නේ එය එසේ නොවන බවයි. හෘදයට කිසිම සම්බන්ධයක් නැති හේතුන් සහ රෝගාබාධ නිසා පපුවේ කැක්කුම හටගන්නත් පුළුවනි. අද අපි කතා කරන්න යන්නේ හෘදයාබාධයකදී එන පපුවේ කැක්කුම සහ හදවතට කිසිම සම්බන්ධයක් නැති රෝගාබාධ නිසා ඇතිවන පපුවේ කැක්කුම් ගැනයි.

මාංශ පේශීන්ගේ කැක්කුම

වැඩිපුර ව්‍යායාමවල නිරත වූ විට එහෙමත් නැත්නම් අධික බරක් ඔසොවාගන ගියවිට ඔබේ පපු කුහරය ආශ්‍රිත මාංශ පේශිවලට දැඩි පීඩනයක් ඇතිවිය හැකියි. ඒවා ඇදීමට ලක්විය හැකියි. මෙහෙම වුණාම එන වේදානවත් දරන්න අමාරුයි. තදින් හුස්ම ගන්නා විටත්, අදාළ ප්‍රදේශය ඇඟිලිවලින් තද කරන විටත් වේදනාව අධික වෙන්න පුළුවනි. වේදනාව මගහැරෙන තුරු ව්‍යායාම නොගෙන සිටීම වැදගත්. උණුසුම් පොට්ටනියකින් තැවීම වගේම, අයිස් තැබීමත් වේදනානාශක ආලේපනයක් ගෑමත් සුදුසුයි.

         

වෛරස් හේතුකොට ඇතිවන ස්නායු වේදනාව හෙවත් - ෂින්ගල්ස්

ඔබේ පපුවේ හෝ පිටේ වේදනාත්මක පළු බිබිලි සහිතව පපුවේ වේදනාවක් එනවා නම් බොහෝවිට ඔබට ෂින්ගල්ස් (Shingles) නමැති රෝගය වැළඳී තිබෙන්නට පුළුවනි. කක්කල් කැස්ස ඇතිකිරීමට හේතුවන වෛසරය මගින් පපුවේ මාංශ පේශි ආශ්‍රිත ස්නායු ගැංගේලියම් ඉදිමීමට ලක්වීම නිසා මේ වේදනාව හටගත හැකියි. ෂින්ගල්ස් නිකම්ම හොඳවන අවස්ථා තිබුණත් මේ වගේ වෙලාවට වෛද්‍ය උපදෙස් ගැනීම තමා වඩාත් වැදගත්.

                  

හර්නියා

ඔබේ පෙනහළුවලට පහළින් ඇති පුංචි ඉඩකඩ තුළදී මුඛයේ සිට ආහාර රුගෙන එන ගලනාලයත්, ආමාශයත් එක්වෙන තැනක් තිබෙනවා. අධික ලෙස කහින විට අධික බරක් ඔසොවන විට, නැත්නම් මළ පහ කිරීමට අධිකව දරන උත්සාහය නිසා අමාශයේ කොටසක් මේ ඉඩකඩ වෙත තෙරපී එන්න පුළුවනි. මෙය Hiatal Hernia හැටියටයි හඳුන්වන්නේ. පපුවේ වේදනාව මෙහි රෝග ලක්ෂණයක්. ඊළඟට රාමතෙල් පිටවීම, ඉදිමුම වගේම උගුරේ තිත්ත රස දැනීමත් දක්නට පුළුවන්. මේ සඳහාත් වෛද්‍ය උපදෙස් පැතීම සුදුසුයි.

        

පිත්තාශ ගල්

ඔබේ පිත්තාශය තුළ ඇති ආහාර දිරවීමට උපකාරීවන පිත ඝනවීම නිසා කැටිති ඇතිවිය හැකියි. මේවා සාමාන්‍ය වැලිකැට ප්‍රමාණයේ ඉඳලා ගොල්ෆ් බෝලයක ප්‍රමාණය දක්වා වෙනස් වෙන්න පුළුවනි. පිත්ත ප්‍රනාල සහ පිත්තාශය අතර මේවා සිරවීම නිසා ඉතා ක්ෂණික තද කැක්කුමක් බඩේ පපුවේ වගේම පිටපැත්තේත් දකුණු උරහිස ආශ්‍රිතවත් හටගන්න පුළුවන්. මේක බොහෝමයක් වෙලාවට හටගන්නේ හොඳට කටබඩ පුරා කාලා රෑට නිදාගන්න දවසටයි. මේ සඳහා වෛද්‍ය උපදෙස් පැතිය යුතුයි.

        

සිපිලිස්

ලිංගිකාශ්‍රිතව බෝවන උපදංශ නැමැති මේ රෝගය නිසාත් පපුවේ කැක්කුම හටගන්නා අවස්ථාවක් තියෙනවා. ඒ මේ රෝගය පෙනහළු ආක්‍රමණය කළ විටයි. පෙනහළු පටල ආශ්‍රිතව තරලය පිරීමට ලක්කරන්න මෙය හේතුවෙනවා. එවිට ඉතා තියුණු පපුවේ වේදනාවක් සමග සෙම් සහිත කැස්ස හටගන්න පුළුවනි. මේ සඳහා ප්‍රතිජීවක ඖෂධ ලබාගත යුත්තේ වෛද්‍ය උපදෙස් මතයි. 

        

පුප්පුසීය අවරෝධනය: Pulmonary Embolism 

ඔබේ ශරීරයේ යම් තැනක ලේ කැටියක් හටගෙන, එය පෙනහළු කරා ගමන් කර සිරවූ විට පෙනහළුවලට අවශ්‍ය තරම් රුධිරය ලැබෙන්නේ නෑ. තදින් හුස්ම ගන්නා විට කහින විට, කෑම ගිලිනවිට එහෙමත් නැත්නම් ඉදිරියට නැවෙන විට පපුවේ වේදනාවක් මේ නිසා හටගන්න පුළුවනි. මහන්සි වෙලා වැඩක යෙදෙන විට මේ කැක්කුම ඉහළ යන අතර වැඩ නැවැත්තුවත් අඩුවෙන පාටක් නැති බව පෙනීයන්න පුළුවනි. මේ වගේ අවස්ථාවක වහාම වෛද්‍ය ප්‍රතිකාර සඳහා යොමුවිය යුතුයි. ලේ කැටි දියකර හරින්න දැන් ඖෂධ තියෙනවා.

        

ප්ලූරා ප්‍රදාහය: Pleurisy 

තද හුස්මක් ගන්නා විට, කහින විට හෝ කිවිසන විට පපුවේ වේදනාවක් එනවා නම් එයින් අනතුරැ ඇඟැවෙන්නේ ඔබේ පෙනහළු ආවරණය කර ඇති පටල ඉදිමී ඇති බව වෙන්නට පුළුවනි. ප්ලූරිසියාව නැත්නම් පෙනහළු පටල ප්‍රදාහය කියන මේ තත්ත්වය වෛරස් හෝ බැක්ටීරියා ආසාදනයක් නිසාත් ඇතිවිය හැකියි. මේ සඳහාත් ඖෂධ ලබාගත යුත්තේ වෛද්‍ය උපදෙස් මතයි.

     

ප්ලීහා අවරෝධය: Blocked Spleen

ඔබේ වම් උරහිස් කූඩුවට පහළින් පිහිටා ඇති මේ අවයවය රෝගාබාධවලින් ඔබව රුකගන්නා අවයවයක්. යම් අවස්ථාවක ලේ කැටියක් මගින් මෙය වෙත ලැබෙන රැධිරය අවහිර විය හැකියි. නැතිනම් ආසාදනයක්, රෝගාබාධයක් නිසාත් මේ තත්ත්වය ඇතිවිය හැකියි. එවිට මෙහි පඨකවලට රැධිරය නෙලැබීම නිසා මිය යා හැකියි. ප්ලීහාව බිඳවැටීම කියලා හඳුන්වන මේ තත්ත්වයේදී සමහරැන්ට කිසිම රෝග ලක්ෂණයක් පහල නොවුණත් තවත් පිරිසකට ඒ අයගේ වම් පැත්තේ පපුවේ වේදනාවක් හටගන්නට පුළුවනි.

         

ඇන්ජයිනා හෙවත් පපුවේ වේදනාව

හෘදයවස්තුවට නිසි ලෙස රුධිරය නොලැබෙන විට පපුව මිරිකනවාක් වැනි පීඩනයක් සහිත තත්ත්වයක් දැනිය හැකියි. මෙය හඳුන්වන්නේ Angina තත්ත්වය හැටියටයි. සමහරැන්ට උරහිස්, අත, බෙල්ල, පපුව සහ පිටපැත්තේ මේ වේදනාව දැනෙන්නට පුළුවනි. අධිකව ආහාර ගැනීම, මානසික පීඩනය අධික විඩාව වාගේ දේවල් නිසා මෙය ඉහළ යන්නු පුළුවනි. සමහරවිට මේ වේදනාව වෙනත් හෘද රෝගාබාධයක පූර්ව රෝග ලක්ෂණයක් වන්නට පුළුවනි. ඔබේ රුධිරයේ කොලෙස්ටරෝල් මට්ටම ඉහළ නම්, දියවැඩියාවට ගොදුරු වෙලා නම්, ව්‍යායාම ගැනීම අඩු නම්, පෝෂ්‍යදායී ආහාර නොගන්නේ නම් මේ තත්ත්වය ඉහළ යා හැකියි. මේ හැර Asthma හෙවත් ඇදුම නිසාත් උරහිස් කූඩුව ආශ්‍රිත ආතරයිටීස් නිසාත් එහෙමත් නැත්නම් ආසාදනයක්, තුවාල වීමක් නිසා හටගන්නා Costochondritis නමැති තත්ත්වය නිසාත් පපුවේ වේදනා ඇති විය හැකියි.

 

 

සුගත් පී. කුලතුංගආරච්චි

ජීවය අහම්බයක්‌ ද වාසනාවක්‌ ද ?


පරිණාමයේ මෙන්ම විශ්වයේද පැවැත්ම කෙරෙහි විශේෂ බලපෑමක්‌ සහ වෙනස්‌කම සිදුකරනු ලද්දේ ජීවය (Life) ඇති වීමයි. ජීවය පෘථිවියට පමණක්‌ සීමාවූවක්‌ද නැතහොත් එය වෙනත් ඈත විශ්ව වලත් පවතින්නේ ද යන ගැටලුව දැනට සියවස්‌ ගණනාවක සිට විද්‍යාඥයින් අතර පවතින මතවාදයකි.

වෙනත් විශ්වවල ජීවය පවතින්නේ නම් මෙම විශ්වවල ජීවත් වන ජීවීන් ගැන විස්‌තර ලබා ගැනීමට හැකිවිය යුතුය. ඔවුන් කෝ කොහිද? මේ විද්‍යාඥයන්ගේ පැනයයි. බොහෝ දෙනා සිතා සිටින්නේ මේ පැනයට ළඟදීම විසඳුමක්‌ ලැබෙන බවයි.

විශ්වය යනු විශාල ස්‌ථානයකි. මෙවන් විශ්වයක මේ අන්දමට මිනිසා වැනි බුද්ධිමත් ජීවියෙකු සිටීම ද මේ තත්ත්වය අත්පත් කර ගැනීම ද විශාල වාසනාවකි. විද්‍යාඥයන් විශ්වාස කරන්නේ විශ්වයේ ඈත තවත් බුද්ධිමත් ජීවීන් (Intelligent aliens) ජීවත් වන බවයි. ඔවුන් සම්බන්ධව සමහර තොරතුරු නොමැති වීම පවතින ප්‍රධානතම ගැටලුව වී ඇත.

අතීතයේදී බිහිවූ මෙවැනි ජීවීන් වහා ඇති වී නැතිවී නැති බව විද්‍යාඥ මතයයි. මෙම ජීවීන් ඉතිරි වී ජනපද බිහිවීමටත් පෙර විනාශ වී ගොස්‌ ඇත. එසේ නැතහොත් පරිසර තත්ත්වය සුබදායී වූ අවස්‌ථාවක ඉතිරි වූ පිරිස ජීවත් වන්නට ඇත. කෙසේ වුවත් මේ සියල්ල මතවාදයන් පමණි.

ජීවය පැන නැඟුණේ පෘථිවිය මත පමණි. ජීවයේ පැවැත්ම සඳහා ප්‍රධාන වශයෙන්ම අත්‍යවශ්‍ය සාධකයක්‌ වන්නේ ශක්‌තිය (Energy) යි. මේ නිසා විශ්වය පුරා සරල ජීවීන් විසිරී සිටින්නට ඇත. එහෙත් මෙම සියලුම ජීවීන් සංකීර්ණ ජීවීන් පරිණාමය නොවීය. සතුන් බිහිවූයේ මේ අනුවය. විශ්වයේ ජීවය ඇති වීමත් පෘථිවිය මත පළමු සංකීර්ණ සතුන් බිහිවීමත් අතර කාල පරතරයන් පවතින අතර මෙයට හේතුව සොයාගැනීම කළ යුතුව ඇත.

ජීවීන් අතිවිශාල ශක්‌ති ප්‍රමාණයක්‌ තම පැවැත්ම සඳහා උපයෝගී කරගනියි. අප ගන්නා ආහාරවලින් උත්පාදනය වන්නේ ATP නම් ඉන්ධන ප්‍රභවයකි. සියලු ජීවී සෛල බලගැන්වෙන්නේ මෙම ATP වලිනි. මෙම ශක්‌ති ප්‍රභවය දිගින් දිගටම ප්‍රතිචක්‍රීකරණය වෙයි. මෙම ඉන්ධන නිපදවීමේ දී එන්සයිම ජෛව විද්‍යාත්මක අයන වර්ග ආදිය ද සාධක වන අතර ශක්‌තිය ලෙස ජූල් (Jule) ඒකකයෙන් නිපදවීම සිදුවෙයි.

ජීවී සෛල බිහිවූ අයන සෛලවල හැඩැති ශක්‌ති ප්‍රභේදය ද වර්තමානයේ පවතින එන්සයිම තරම්ම සාර්ථක හා කාර්යක්‌ෂම නොවීය. ආරම්භක සෛලවලට වඩා වැඩි ශක්‌ති ප්‍රමාණයක්‌ අවශ්‍ය විය. ඒ මෙම සෛල ඉන් පසුව ගුණනය වීම අවශ්‍ය නිසාය. විශේෂයෙන් අද සෛලයකට අවශ්‍ය ප්‍රමාණයට වඩා මිලියන සංඛ්‍යාත ශක්‌ති ප්‍රමාණයන් ආදී ජීවී සෛලවලට අවශ්‍ය වන්නට ඇත. විශ්වය සම්බන්ධයෙන් ද මේ ස්‌වභාවය සත්‍ය විය.

ආරම්භක සෛලවලට මේ තරම් අති විශාල ශක්‌ති ප්‍රමාණයන් අවශ්‍ය වන නිසා එය ආරම්භක ජීවය ඇති වීම කෙරෙහි ද බලපාන්නට ඇත. පෘථිවිය ආරම්භයේ දී මෙහි පැවති ආරම්භක ශක්‌ති ප්‍රභේදය කුමක්‌ ද යන්න විමසා බැලිය යුතුය. අකුණු ගැසීම හෝ වනි තරංග හරහා ආරම්භයේ දී ශක්‌තිය ලබා ගැනීම සිදුවන්නට ඇතැයි සැලකුණ ද එය මෙසේ නොවන බව ඇතැම් විද්‍යාඥ මතයයි.ශක්‌තිය බහුල ජීවය ඇති වීමට පෙර ගැටුම පෘථිවිය මත ශක්‌තිය නිර්මාණය වන්නට ඇත.

වර්තමානය වන විට පෘථිවියේ ජීවත් වන ජීවීන්ට අවශ්‍ය වන බොහෝ ශක්‌තිය ලබාගන්නා ප්‍රභවය වන්නේ සූර්යයා ය. ප්‍රභාසංස්‌ලේෂණය සංකීර්ණ ක්‍රියාවලියක්‌ වන ආරම්භක ජීවී සෛල තුළ මෙම සාන්ද්‍රණය ක්‍රියාත්මක වූවා දැයි නිසියාකාරව ප්‍රකාශ කළ නොහැකිය. එසේ නව පළමු සෛලයට ජීවය සැලසුණේ කුමන අන්දමටද? යන පැනය ඉස්‌මතු වී ඇත.

මෙහිදී විද්‍යාඥයින් පවසන්නේ පළමු සෛලවලට අවශ්‍ය ශක්‌ති හයිඩ්‍රජන් සහ කාබන්ඩයොක්‌සයිඩ් වායුන් වලින් එන ඒවායේ ප්‍රතික්‍රියාවලින් ලබාගන්නට ඇත. මෙම්‍ H2 සහ C2 ප්‍රතික්‍රියාවල ප්‍රතිඵලය ලෙස කාබනික අණුද නිර්මාණය වෙයි. මේ සමඟ ශක්‌තිය ද නිර්මාණය වෙයි. මේ අන්දමට ශක්‌තිය නිපදවන විට එම ශක්‌තිය දිගින් දිගටම නිපදවන විට එම ශක්‌ති මල්ල අවසානයේදී (buckets of energy) දිගු අණු දාම බිහිකරන අතර මෙම අණු නිපදවන ප්‍රතික්‍රියා අවසානයේ දී ජීවී සෛල නිපදවීමට මග පෙන්වයි. ජීවය (blocks
of life) නිපදවෙයි.

මෙහි දෙවන උපකල්පනය ජීවීන් තුළින්ම ශක්‌තිය උත්පාදනය වූ බවයි. මේ මතවාදය 1961 වසරේ දී ඉදිරිපත් වූ අතර මෙය මතබේදයට ලක්‌විය. 1961 වසරේ දී මෙම මතය ඉදිරිපත් කළ බ්‍රිතාන්‍ය ජෛව විද්‍යාඥ පීටර් මිචෙල් පැවසුවේ සෛල රසායනික ප්‍රතික්‍රියාවලින් නොව විද්යුතය නිකුත් වීම ක්‍රියාත්මක වන බවයි. සෛල තුළ ප්‍රොaටෝන සාන්ද්‍රණයේ වෙනස්‌ වීම මේ සඳහා බලපානු ලැබේ. ප්‍රොaටෝන ධන ආරෝපිත වන බැවින් සෛල පටලයට පටක සහ ඇතුළත වන ආරෝපණ වෙනස්‌වීම මිලි වෝල්ට්‌ 150 කි. මෙය නොසැලකිය හැකි තරම් කුඩා ප්‍රමාණයක්‌ වුවද මිලිමීටරයෙන් මිලියන 05 ක පංගුවක්‌ තරම් කුඩා සෛල පටලයක්‌ හරහා මෙය ගමන් කිරීම එයට සාපේක්‍ෂව ඉතා විශාල ශක්‌තිය නිමවයි.

එකම මීටරයකට මිලියන 30 පමණ විද්යුතයක්‌ ජනනය කරයි. එය අකුණු සරයකට සමානය. "පක්‍ෂමධරයන් (Flagella) තම කක්‍ෂිකාවන් චලනය කරන්නේ මෙවන් ශක්‌තීන් යොදා ගෙනය. මෙය මෙසේ පැවසුව ද ඉතා සංකීර්ණ ක්‍රියාදාමයන් වෙයි. ATP නිෂ්පාදනයට එන්සයිම වර්ග ඉහත ආකාරයේ ප්‍රොටෝන ශක්‌ති උපක්‍රමයේ ක්‍රියාත්මක වෙයි.

ආරම්භක යුගයේ පැවැති මෙවැනි ප්‍රාථමික සෛලවලට වඩා වැඩි ශක්‌ති ප්‍රමාණයක්‌ අවශ්‍ය විය. මෙය පරිණාමික ක්‍රියාවලියක ප්‍රතිඵලයකි. සාගරය ආශ්‍රිතව නිර්මාණය වූ භාෂ්මික (හුණුගල් මය) කුහර ආශ්‍රිතව (alkaline termal vents) මුල්ම ජීවීයා ගොඩනැඟෙන්නට ඇතැයි සැකකරයි. මුහුදු වතුර පෘථිවි ගැඹුරේ ප්‍රදේශයේදී යකඩ මැග්නීසියම් හා ඛනිජ ලවණ සමඟ ප්‍රතික්‍රියා කිරීමේ ප්‍රතිඵලයක්‌ ලෙස මෙම ඇල්කයින සඳහා නිර්මාණය වේය.

විවිධ ඛනිජ ලවණ (mineral oliveline) සහ ජලය එකතුව මෙම නිර්මාණය වන පාෂාණ ආශ්‍රිතව තවදුරටත් විදාරණය වීම් ඇති කරයි. මේ නිසා මෙම පැලුම් ආශ්‍රිතව අල්කයින ප්‍රොටෝන අඩු හයිඩ්‍රජන් වායු වලින් පිරි ද්‍රව්‍ය බිහිවෙයි. මෙහිදී මේවා සාගර මතුපිටට පැමිණෙයි. ඒවායේ වූ ඛනිජ ලවණ ඉවතට ගමන් කරන අතර, මෙහි ප්‍රතිඵලයක්‌ ලෙස මීටර 60 පමණ උස න්‍යෂ්ටික කඳු නිර්මාණය වෙයි. මේවා ආශ්‍රිතව ජීවයක්‌ නිර්මාණය අවශ්‍ය පරිසරය නිර්මාණය වෙයි. මේ සියල්ල සිදුවූයේ මීට වසර මිලියන 04 ට පෙරදීය.

ආරම්භක යුගයේදී පෘථිවිය මත වර්තමානයට වඩා වැඩිපුර වායුව පැවතුණි. මේ නිසා සාගර අදට වඩා ආම්ලික වූ අතර ඒ නිසාම වැඩි ප්‍රොaටෝන ප්‍රමාණයක්‌ විය. මෙම සාගරය ආශ්‍රිතව නිර්මාණය වූ හුණුගල් අවකාශ ආශ්‍රිතව ඒවායේ බිත්ති (අයන බිත්ති) වල විවිධ රසායන ප්‍රතික්‍රියා සිදු විය. විවිධ යකඩ,නිකල්, ටොලුබ්ඩ් නම් මේ අතර ප්‍රධාන විය. CO2 වායුව කාබනික අණු බවට පරිවර්තනය කර ගැනීමට වර්තමාන සෛල අදට වඩා භාවිත කරන්නේ මෙම අණු වර්ගයයි.

මේ අන්දමට සාගරය ආශ්‍රිතව සිදුවන ප්‍රොaටෝන හුවමාරු සාන්ද්‍රණයේ ප්‍රතිඵල ලෙස කාබනික අණු නිර්මාණය වන්නේ ද විමසා බැලිය යුතුය. මේ සම්බන්ධව ස්‌ථිර මතවාදයන් තවමත් ප්‍රකාශ කළ නොහැකි බව විද්‍යා මතයයි.

සාගර මත ආරම්භයේදී CO2 සහ වායු අතර ප්‍රතික්‍රියාවන් නොවුණු නමුත් පසුකාලීනව මෙම බාධක බිඳවැටීම ජීවී සෛලවල දැනට පවතින ඇමයිනෝ අම්ල, ලිපිඩ සහ සීනි සහ න්‍යෂ්ටික අම්ල සෑදීමට මඟ සාදන ලදී. මෙහිදී ශක්‌තිය නිදහස්‌ විය. මේ අනුව ජීවය ඇතිවිට ශක්‌ති සාධකයකින් සිදුවීය. පෘථිවිය තනි ඒකකයක්‌ ලෙස සැලකූ විට යෝධ බැටරියක්‌ වැනිය. එහි වාසය කරන සෛල තනි තනි ශක්‌ති ඒකක වෙයි. මේ අනුව සාගරයේ න්‍යෂ්ටික පර්වත, ආම්ලික සාගර ජලය සහ CO2 වායුව එකතු වීම හා ප්‍රතික්‍රියා කිරීමේ ප්‍රතිඵලය ජීවයට මුල පිරීමයි.

විශ්වයේ බහුල වශයෙන්ම පවතිනුයේ ජලය සහ Olivine ඔලිවයින් යනු කොළ දුඹුරු පැහැ පාෂාණ විශේෂයකි. බොහෝ ග්‍රහලෝකවල වායු ගෝලය CO2 වලින් ඉතාමත් පෝෂිතය. මේ සියල්ල එකතුව ප්‍රතික්‍රියා කරන අතර, මෙය Serpentinisotion ලෙස හැඳින්වෙයි. තෙත් පාෂාණ කඳු සහිත ග්‍රහ ලෝකයක මේ ප්‍රතික්‍රියා සිදුවිය හැකිය. මේ අනුව ඉහත සාධක නියමිත ප්‍රමාණවලින් පවතින ඕනෑම ස්‌ථානයක්‌ ජීවය හටගත යුතු බව විද්‍යාඥ මතයයි.

මේ අන්දමට ඉතා සරල ජීවයක්‌ නිර්මාණය වී එය ඉන් පසුව සංකීර්ණ තත්ත්වයට පත්වන්නට ඇත. මෙය එසේ වුවද සරල ලෙස ජීවය මෙසේ නිර්මාණය වී නොමැත. එයට හේතුව සරල ජීවියා ඇති වූ පසුව සංකීර්ණ ජීවීයා බිහිවීමට පෘථිවියට උපත ලැබීමට ගතවූ කාලයේ අඩකට ආසන්න අතිවිශාල කාල සීමාවක්‌ ගත වී ඇත. මෙය කෙතරම් දීර්ඝ කාලයක්‌ පුරා සිදුවේද යත් එහි සරල ජීවියකුගෙන් සංකීර්ණ ජීවියකු බිහිවීමටත් වසර මිලියන 04 කට වරක්‌ සිදු වී ඇත. එයද ඉතා අහම්බයෙන් සිදු වූවකි.

එක්‌ සරල සෛලයන්ට සංකීර්ණ සෛලයක්‌ බවට පත් වීමට වසර මිලියන සංඛ්‍යාවක්‌ ගත වන්නේ නම් ඒ අතර මැද සෛල බොහෝ විට වඳ වී යැමට හෝ තවමත් වඳවී යමින් හෝ පවතින ඇත. මේ සියල්ල අතහැර දමා බැක්‌ටීරියාවන් බිහිවූ අතර මේ අතර විශාල සුන්‍යෂ්ටිකයන් ද බිහිවන්නට වූහ. සාමාන්‍ය සුන්‍යෂ්ටික සෛලයක්‌ බැක්‌ටීරියා සෛලයන්ට වඩා 15000 ගුණයක්‌ පමණ විශාලය.

දැනට පෘථිවිය මත පවතින සියලුම සංකීර්ණ ජීවීන් එකට දිලීර සතුන්, ශාක ආදී සියල්ල සුන්‍යෂ්ටිකයන්ය. මේ සියලු දෙනාගේම පරිණාමය පොදු ප්qරවයකුගෙන් සිදුවී ඇත. මේ නිසා එම ප්qරවයා නොසිටියා නම් ඩයිනෝසරයින් වානරයින් මෙන්ම වෙනස්‌ ශාක සහ සතුන්ද නොමැතිය.

සෛල විශාල ලෙස සංකීර්ණ වීමට ඒවායේ දී භාවිත වන ශක්‌ති ප්‍රමාණයන්ද බලපායි. සුන්‍යෂ්ටික සෛල මෙහිදී වැඩි වශයෙන් ශක්‌තිය නිපදවීම සෛල අභ්‍යන්තරය ද විශාල වීමට වැඩි ශක්‌ති ප්‍රමාණයක්‌ යොදා ගනියි. දැන් ඒ වෙනුවට මයිටොකොන්ඩි්‍රයා නම් ව්‍යqහයක්‌ ඇති විය.

බැක්‌ටීරියාවන් තුළ මයිටොකොන්ඩි්‍රයා ඇති වීම පරිණාමික වශයෙන් ඉතා වැදගත් වූ අතර පසුව සෛල එකිනෙක සම්බන්ධ වී සංකීර්ණ සෛල බිහිවීම ජීවීන්ට පැවතීම තවදුරටත් තහවුරු කරන්නට විය.

පරිණාමයේදී සරල ජීවියකුගේa සිට සංකීර්ණ ජීවියකු බිහිවීම ආශ්වර්යක්‌ නොවෙයි. ස්‌වාභාවික වර්ණයෙන්ද නතර වන්නක්‌ නොවෙයි. එය තවදුරටත් සිදුවෙයි. තවමත් බැක්‌ටීරියාවන් වසර මිලියන ගණනාවක්‌ මුළුල්ලේ සිටින නමුත් ඔවුන් තවමත් සරල ජීවී කොට්‌ඨාශයකි. ඔවුන්ට පරිණාමය වී සංකීර්ණ ජීවියකු වීමට තවමත් හැකිවී නොමැත. මේ නිසා ජීවය ඇති වීම සහ පරිණාමය තවදුරටත් අභිරහස්‌ රැසක්‌ සඟවාගත් ස්‌ථානයකි.

මේ අන්දමට පෘථිවියට සමාන අනෙක්‌ ග්‍රහලෝකවල ජීවය ඇතිවන්නට ඇත. එහෙත් ඒවායේ තවමත් ඇත්තේ අපගේ තාක්‌ෂණයට හසු නොවන ඉතා කුඩා සෛලීය ජීවීන් වන්නට ඇත. මක්‌නිසාද යත් පෘථිවිය මතද සංකීර්ණ ජීවියකු බිහිවූයේ වසර මිලියන 04 කට වරක්‌ බැවිනි. එසේ නැතහොත් මෙම ග්‍රහලෝක වල සිටි ජීවීන් කුමන හෝ ස්‌වාභාවික ජනනයකින් අපට පෙර විනාශ වී යන්නට ඇත.

ඩලීව් ලයින් (දුබුරු පැහැති පාශාණ)

වෛද්‍ය ජී.ජී. චමල් සංජීව
පශ්චාත් වෛද්‍ය විද්‍යා උපාධි අධයHන ආයතනය, කොළඹ.

සැත්කමට ඕනෑකියූ ලක්‍ෂ 40ත් ඉතුරුයි
රෝහිත රාජපක්‍ෂ දැන් සුවෙන්

ආයුර්වේදය යනු රෝග නිරෝග කිරීමේ මහා ප්‍රතිකාර විධි රාශියකින් සමන්විත රෝග නිට්‌ටාවටම සුව කිරීමේ වෛද්‍ය ක්‍රමයකි. ආයුර්වේදය යන නම ඇසූ සැණින්ම බොහෝ දෙනකුට මතකයට නැඟෙන්නේ බුද්ධදාස රජ සමයයි. ආයුර්වේද ප්‍රතිකාර ක්‍රම පිළිබඳ කෙළපැමිණි දැනුමකින් සපිරි පුද්ගලයකු ලෙසත් එතුමා සතු එම දැනුම තුළින් මෙරට ජනතාව පමණක්‌ නොව සතා සිවුපාවුන් පවා සුවය ලැබූ ආකාරයත් මෙරට ජනී ජනයෝ හොඳින්ම දන්නාහ. මෙරට ආයුර්වේදයේ ස්‌වර්ණමය යුගය ලෙස අදටත් බොහෝ දෙනා පවසන්නේ බුද්ධදාස රජ සමය බවය. බුද්ධදාස රජු හා සමාන එතුමා කළ විශිෂ්ට ප්‍රතිකර්ම ක්‍රම යළි මතකයට නංවන අපේ විශිෂ්ඨ ආයුර්වේද වෛද්‍ය පරම්පරාවන් තවමත් මෙරට තුළ සිටිති. විස්‌මිත වෙදකම් තුළින් මිනිසුන් මවිත කරන අග්‍රගණ්‍ය වෛද්‍යාචාරීන් නිසා මෑත යුගයේ යළිත් ආයුර්වේදයේ දැවැන්ත පිබිදීමක්‌ රට වටෙන්ම ලියලමින් පවතී.

පාරම්පරික හා පොත්පත්වල දැනුමෙන් සන්නද්ධ මෙම වෛද්‍යවරුන් ආයුර්වේද ශාස්‌ත්‍රය අනාගතයට උරුම කරලීම සඳහා කරනු ලබන්නේ ඉතා විශිෂ්ට වූ මෙහෙවරකි. බටහිර වෛද්‍ය ක්‍රමයේ පිහිට පතා අවසන එහි ප්‍රතිකාර නොමැතිව රෝහල්වලින් නිවෙස්‌ කරා යොමු කරන ඉතා අසාධ්‍ය තත්ත්වයේ රෝගීන් මෙම ඉසිවරු බඳු වෙද මහත්වරු කරා යොමු කිරීමෙන් පසු නිසි ආයුර්වේද ප්‍රතිකාර ලැබීමෙන් පසු සුවය ලබන්නේ නිවැසියන් ඥති මිත්‍රාදීන් පමණක්‌ නොව තම ජීවිතයේ අවසන් හුස්‌ම පොද පමණක්‌ දරාගෙන සිටි එම රෝගීන් පවා විස්‌මයට පත් කරලමිනි. මෙවැනි දක්‍ෂ, බුද්ධිමත් හා ආයුර්වේද වෙදකම පිළිබඳ පූර්ණ දැනුමෙන් සපිරි ඉසිවරු අතරින් මෙරට මෙන්ම පිටරටවල ද පතළ නමකි, මහඇලගමුවේ ලංකානන්ද වෙදහාමුදුරුවෝ. කුස්‌වල වෙද හාමුදුරුවෝ නමින් ප්‍රසිද්ධියට පත් මෙම වෙද හිමියන්ගෙන් ප්‍රතිකාර ලබා යළි ජීවිතය ලද පිරිස අති බහුතරයකි. රටේ කුමන හෝ පළාතකට ගියත් එහි උන්වහන්සේගෙන් ප්‍රතිකාර ලබා තම රෝග සුව කරගත් කිහිපදෙනෙක්‌ම හමුවෙති. ඒතරමටම කුස්‌වල වෙද හිමියන්ගේ ප්‍රතිකාරවල මහිමය රට තුළ ප්‍රචලිතව ඇත. විශේෂයෙන්ම සඳහන් කළ යුතු දෙයක්‌ වන්නේ මෙම නිරෝගී සුව විඳින පුද්ගලයන් ඉතා දරුණු මාරාන්තික රෝගාබාධයන්ට ලක්‌ව උන්වහන්සේගේ ප්‍රතිකාර හමුවේ සුවය ලැබූවන් වීමය. මොළයේ රෝගාබාධ, ස්‌නායු රෝගාබාධ, දියවැඩියාව, ඇස්‌ රෝග, හදවත් රෝග, පිළිකා රෝග, ගෙඩි, දද, වණ, කුෂ්ට, ආදී ලෙස සිරුරේ හට ගන්නා ඕනෑම රෝගයකට උන්වහන්සේ සතුව ප්‍රතිකාර ඇත. ප්‍රතිකර්ම ඇත. එම සියලු සර්වාංග රෝග සුව කිරීමේ හැකියාව ඇත.

කුස්‌වල වෙද හිමියන්ගෙන් ප්‍රතිකාර ලබා උන්වහන්සේගේ විශ්මිත වෙදකම් මහිමයෙන් රෝග සුව කර ගත් අය සොයා රටවට යන අපගේ ගමනේ මෙවර නවාතැන් පොළ වූයේ මිණිපුරය නොහොත් රත්නපුරයට යාබද කුරුවිට නම් සුන්දර ප්‍රදේශයේ කඳන්ගොඩ ගල්ලෙන් විහාර මාවතේ රෝහිත රාජපක්‍ෂ මහතාගේ නිවසය.

නගරයේ කර්කෂ පරිසරයෙන් මිදී තවමත් ග්‍රාමීය පරිසරය නමැති සළුපිළිවලින් සැරසී සිටින කුරුවිට ප්‍රදේශයට අප රැගත් රිය ආසන්න වෙත්ම ගතට නෙතට මෙන්ම හිතටද දැනුණේ මහත් සැනසිලිදායක සුවයකි. බැලූ බැලූ අත අහස උසට නැඟුනු තුරුලතාවෝ කඳු මුදුන්වල සිට ලතාවකට මෙන් එහෙ මෙහෙ පැද්දුනේ අප යන මග දෙපසට සිහින් සුපිරිසිදු සුළං ධාරා එක්‌කරන්නට මෙනි. පරිසරයේ සුන්දරත්වය සිත් සේ විඳගනිමින් රෝහිත රාජපක්‍ෂ මහතාගේ ප්‍රිය බිරිඳ ශ්‍යාමා මහත්මිය ලබාදුන් පෙරමග සලකුණු ඔස්‌සේ අප ඔවුන්ගේ නිවසේ ආලින්දයට ගොඩ වන විට හිරු ද තම දෛනික රාජකාරියෙන් බොහෝ වැඩ කොටසක්‌ නිමවා අවරට හැරෙමින් තිබුණි.

මඳ වේලාවක්‌ ආ ගිය තොරතුරු කතා බහ අනතුරුව ශ්‍යාමා මහත්මිය ලබාදුන් උණුම උණු කිරි කෝප්පයකින් සප්පායම් වූ අප පැමිණි කාරණය ඇරඹුවේ රෝහිත රාජපක්‍ෂ හා ප්‍රිය බිරිඳ අප අසළ අසුන් ගනිද්දීය.

මීට වසර ගණනාවකට පෙර රෝහිතට තම බිරිඳ මුණගැසී තිබුණේ ඔහුගේ ව්‍යාපාරික කටයුතු අතරතුරදීය. පසුව දෙන්නා දෙමහල්ලෝ එක වහළක්‌ යටට එක්‌ වුවත් තුන් වැන්නෙක්‌ ඔවුන්ගේ කැදැල්ලට එක්‌කර ගැනීමට ඔවුන්ට වරම් නොලැබිණි. රෝහිත මැණික්‌ ව්‍යාපාරයට සම්බන්ධව තම රැකියාව කළ අතර ශ්‍යාමා මහත්මිය රාජ්‍යදැව සංස්‌ථාවේ නිලධාරිනියක්‌ ලෙස සේවය කළාය. සතුට, ප්‍රීතිය දොaතින් දරාගෙන ඉතා සැනසිලිදායක ලෙස මේ යුවළගේ ජීවිතය ගලාගෙන යද්දී 2015 ජුලි 29 දින නිවසේ සතුට සැනසිල්ලට මඳ විරාමයක්‌ තැබුවේ ඔවුන් දෙදෙනා සිහිනෙන් වත් නොසිතූ ලෙසටය.

"එදා මට අද වගේ මතකයි. මහත්තයා පාරේ වැටී සිටින බවට ලැබුණු ආරංචියත් සමග මා වහ වහා ඔහු සොයා දිව ගියා. රෝගී තත්ත්වයේ සිටි ඔහුව අප රෝහල් ගත කළා. බිම ඇද වැටීමෙන් ඔහුගේ හිසේ වම්පැත්ත තැලී ගොස්‌ තිබුණා. රෝහල් ගත කරනු ලැබූ ඔහුට පියවි සිහිය තිබුණේ නැහැ." ශ්‍යාමා මහත්මිය අප හා පැවසුවේ තමන් එදා මුහුණ දුන් ඒ අමිහිරි සිද්ධියේ ආරම්භය පිළිබඳවය. සිදුවීම් පෙළ පෙළින් පෙළ ඇය අප හා තවදුරටත් පැවැසුවේ මෙසේය.

මහත්තයා රෝහල් ගත කළ පසු ඔහුව පරීක්‌ෂා කර බැලූ වෛද්‍යවරු විශේෂඥ පරීක්‌ෂණ කිහිපයකටද ඔහුව යොමු කළ අතර එහිදී ඔවුන්ගේ නිගමනය වුණේ හිසේ ලේ කැටි 13 ක්‌ හටගෙන ඇති බවත් ඒවා ඉවත් කිරීම කළ යුතු බවයි. මේ වන විටත් මහත්තයාට හරියට සිහියක්‌ තිබුණේ නැහැ.

ඒ අනුව රත්නපුර රෝaහලේ සිට මහත්තයාව කොළඹ ජාතික රෝහලේ ස්‌නායු අංශයට මාරු කර යෑව්වා. සති දෙකක පමණ කාලයක්‌ කොළඹ මහ රෝහලේ ප්‍රතිකාර ලැබුවා. ජාතික රෝහලේදී හිසේ තිබුණු ලේ කැටි 13 ඉවත් කළා. ඊට පසු නැවතත් රත්නපුර රෝහලට මාරුකර එව්වා. කිසිම දිනක රෝහල් ගතව ප්‍රතිකාර ලබා නොතිබූ නිසාත් මෙවැනි දරුණු ඛේදවාචකයට අප ලක්‌ව නොතිබූ නිසාත් මේ කාලය තුළ මා දැඩි කැළඹීමකට පත්ව සිටියේ, නෑදෑ හිතවතුන්ද ඔවුන්ට හැකි ලෙස අපට පිහිට වුණා.

රත්නපුර රෝහලට මාරුකර එවීමෙන් පසු දින කිහිපයකින් මහත්තයාව ගෙදර එව්වා. නමුත් ඔහු පූර්ණ සුවය ලබා නොතිබුණු බව පෙනෙන්නට තිබුණා. වෙනදා තිබූ ක්‍රියාශීලිභාවය සම්පූර්ණයෙන්ම පහව ගොස්‌ තිබුණා. තනිව වැඩක්‌පළක්‌ කර ගැනීමට නොහැකි තත්ත්වයක සිටියේ. ඒ වගේම ඔහුගේ මතකය අඩුවුණා. තව කෙනෙකුව අඳුරන්නේ නැති ස්‌වභාවයක්‌ තිබුණා. ඔහුගේ නම, ගම තොරතුරුද පවා අමතකව තිබුණේ.

පසුව මහත්තයාව රත්නපුර රෝහලේ මනෝ වෛද්‍ය ඒකකයට යොමුකර මනෝ වෛද්‍ය ප්‍රතිකාර ලබා ගත්තා. යම් යම් වෙනස්‌වීම් ඇති වුවත් ඔහුගේ තත්ත්වයේ එතරම් සාර්ථක බවක්‌ ගුණයක්‌ දක්‌නට ලැබුණේ නැහැ.

මෙලෙස වසර එකහමාරක්‌ පමණ මනෝ වෛද්‍ය ප්‍රතිකාර ලබා ගත්තා. මේ කාලයේ ඔහු වැඩි ලෙසම සිටියේ නිදිමත ගතියෙන් ශරීරයේ ක්‍රියාශීලිත්වයක්‌ තිබුණේම නැහැ. ඉතා කාර්යබහුල

රැකියාවක නිරතව හොඳ ක්‍රියාශීලීත්වයකින් සිටි ඔහු මෙලෙස බලාගත් අත බලාගෙන කිසි කල්පනාවක්‌ නොමැතිව සිටින අයුරු දකින විට ඇත්තටම මට දරාගන්න බැරි වේදනාවක්‌ දැනෙනවා. නමුත් කෙසේ හෝ මහත්තයාව සුවකර ගන්නවායි දැඩි අධිෂ්ඨානය මගේ හිතෙන් පලා ගියේ නැහැ. එන ඕනෑම අවස්‌ථාවකට මුහුණ දී ඔහු වෙනුවෙන් කළ හැකි සියලුම දේ කෙසේ හෝ කරනවා කියන හැඟීSමේ මම දැඩිව සිටියා.

මෙලෙස නිවසට වී ප්‍රතිකාර ලබමින් සිටින විටදී මහත්තයාට දිනක්‌ ෆිට්‌ එක හැදුනා. එහිදී අප වහාම ඔහුව නැවතත් රෝහල් ගත කළා. එහිදී වෛද්‍යවරුන් පවසා සිටියේ මොළයේ වතුර පිරී ඇති බවත් සැත්කමක්‌ මගින් එය ඉවත් කළ යුතු බවයි. මෙම සැත්කම සඳහා ලක්‌ෂ 40 ක්‌ පමණ මුදලක්‌ වැය කිරීමට සිදුවනු ඇතැයිද මෙවැනි සැත්කම්වලට භාජන වූ අයගෙන් දැන ගැනීමට ලැබුණා.

මේ වන විට එතරම් මුදලක්‌ද මා සතුව තිබුණේ නැහැ. නමුත් එම සැත්කමට ඔහුව යොමු කිරීමට මට දැඩි බියක්‌ද දැණුනා. කළයුතු දෙයක්‌ නොමැතිව දස අතේ කල්පනා කරමින් සිටින විට තමයි මට මගේ කාර්යාලයේ හිතවතකුගෙන් කුස්‌වල වෙදහාමුදුරුවෝ ගැන දැන ගැනීමට ලැබුණේ. මගේ නැන්දා කෙනෙක්‌ ගෙන් හාමුදුරුවෝ පිළිබඳ තවත් තොරතුරු දැන ගන්න ලැබුණා.

උන්වහන්සේ ළඟට ප්‍රතිකාර ගැනීමට පැමිණෙන්නේ ඉතා අසාධ්‍ය තත්ත්වයේ රෝගීන් බවත් ඔවුන් ටික දිනකින්ම වෙද හාමුදුරුවන්ගේ ප්‍රතිකාරවලින් සුවය ලබන බවත් දැන ගැනීමට ලැබීමෙන් පසු මට එය මහත් අස්‌වැසිල්ලක්‌ වුණා. මම වහාම මහත්තයාවත් රැගෙන උන්වහන්සේව හමුවීමට නුවර ගියා. එහිදී මහත්තයාව පරීක්‌ෂා කර බැලූ වෙද හාමුදුරුවෝ උන්වහන්සේ ලබාදෙන ඖෂධ නිසි අයුරින් ලබා දුන්නොත් මහත්තයාව සුවකළ හැකි බව පැවසුවා. ඇත්තටම මහත්තයා අසනීප වූ දා සිට ගෙවුණු වසර දෙකක්‌ පමණ කාලය තුළ මට අසන්නට ලැබුණු ප්‍රීතිමත්ව වදන් පෙළ එය වූවා.

ඒ අනුව වෙදහාමුදුරුවෝ ප්‍රතිකාර ඇරඹුවා. 2017 පෙබරවාරි මාසයේ තමයි අප වෙද හාමුදුරුවන්ගෙන් පළමුව ප්‍රතිකාර ඇරඹුවේ. ඒ අනුව මාසය දෙක තුන ප්‍රතිකාර කරන විට ක්‍රමයෙන් මහත්තයාගේ රෝගී තත්ත්වය වෙනස්‌ වන අයුරක්‌ දිස්‌වූවා. ඇවිදීමට අපහසුව සිටි ඔහු ඇවිදින්න පටන් ගත්තා. නිදිමත ගතිය පහව ගොස්‌ පෙර තිබූ ප්‍රබෝධමත් ගතිය සිරුරට එක්‌වෙන බව පෙණුනා. තමන්ගේ නම පවා අමතකව සිටි ඔහුට යළිත් මතකය පැමිණෙමින් තිබුණා.මේ වෙනස දකින කොට මටත් දැඩි සතුටක්‌ ඇතිවුණා. ඇත්තටම ඒ ගෙවී ගිය සුන්දරත්වය යළි අපේ ගෙපැලට ගොඩ වදින අයුරක්‌ දිස්‌වුණා. මෙලෙස මාස කිහිපයක්‌ යන විට පෙර සිටි තත්ත්වයට සියයට 95 ක්‌ පමණ සුව වුණා. ඇත්තටම දැන් නම් සිතට දැනෙන්නේ කියා නිම කළ නොහැකි සතුටක්‌. දැන් ඔහු පූර්ණ සුවදායක තත්ත්වයට පත්ව සිටිනවා. දැන් ඉතිං මහත්තයලාට ඔහු සමග කතා කරන කොට ඔය කියපු කිසි රෝගි තත්ත්වයක්‌ පෙනෙන්නේ නැහැ නේද? යෑයි ඇය අපගෙන් විමසුවේ සුන්දර සිනහවකින් මුව සරසා ගනිමිනි.

ඇත්තටම ශ්‍යාමා මහත්මිය පැවසූ අයුරු කිසි රෝගී තත්ත්වයක්‌ දැන් නම් ඔහුගෙන් පෙනෙන්නට නොමැත. ඔහු කඩිසරව ඔබ මොබ යයි. අතීත සිදුවීම් හොඳ හැටි මතකයෙන් කතා කරයි. සිරුරද සාමාන්‍ය පුෂ්ඨ§මත් බවකින් යුක්‌තව ඇත. ඇත්තටම ශ්‍යාමා මහත්මිය කියූ අසනීප තත්ත්වයේ සිටි අයෙක්‌ බව දැන් ඔහු දකින කිසිවකුට කීමට නොහැක.

රෝගී තත්ත්වයට පෙර සිටි තත්ත්වයට ඔහු නැවත පත්ව සිටියත් එදා කරපු එක්‌ දෙයක්‌ තවම ඔහු කරන්නේ නැතැ. ඒ රැකියාව වූ මැණික්‌ ව්‍යාපාර කටයුතුවලට ඔහු තවම අත ගසා නැත. ශ්‍යාමා මහත්මිය උදැසනම රැකියාවට යැම සඳහා මහ පාරට ගොස්‌ ඇරලවා ඇය නැවත සවස නිවසට පැමිණෙන විට මඟට ගොස්‌ ඇය කැඳවා ගෙන ඒම අද ඔහුගේ ප්‍රධානම දෛනික රාජකාරිය වී ඇත. පාරේ සිට ඔහුගේ නිවසට ඇති පඩිපෙළේ පඩි 52 ක්‌ ඇත. දවසට 10-12 වතාවක්‌ මෙම පඩිපෙළ තරණය කිරීම ඔහු කිසිදු අපහසුතාවකින් තොරව සිදුකරන අතර අපට ද එම පඩිපෙළ තරණය කිරීමේදී මඟදී දෙපාරක්‌ ගිමන් හරින්නට සිදු විය.

අපගේ කතාබහ අවසන්ව ඇත. රෝහිත යුවළගේ හුරතලය නොඅඩුව ලබමින් සිටින සැලී නම් බලු පැටවා අප කතාව ඇරඹු මොහොතේ සිට අවසන් වන තුරු සාවධානව සිට ඇතැම් වෙලාවට හිස වැනුවේ ශ්‍යාමා මහත්මියගේ කතාවට සාක්‌ෂි සපයන්නට මෙනි.

"ඇත්තටම වෙද හාමුදරුවෝ නොසිටියා නම් මහත්තයාට මොනවා වෙයිද කියා සිතා ගන්නවත් බැහැ. උන්වහන්සේගේ ආයුර්වේද වෙදකමේ බලමහිමයෙන් මේ කරන සේවය අති විශිෂ්ඨයි. ඇත්තටම අප වගේම රටේ බොහෝ පිරිසකට උන්වහන්සේ නැවත නිරෝගී සුවය මෙන්ම සතුටද ලබා දී තිබෙනවා. උන්වහන්සේ මේ කරන පින්ම ඇති මෛත්‍රී බුදුන් දැක නිවන් දකින්න." අවසන් වශයෙන් ශ්‍යාමා මහත්මිය අප සමඟ පැවැසුවාය.

අවට පරිසරය අන්ධකාරයේ හිමි හිමීට ගිලෙමින් ඇත. 61 වියේ සිටින රෝහිත රාජපක්‌ෂ සහ ශ්‍යාමා යුවළට සතුට පිරි දිවියකට සුබ පතා අමාරුවෙන් නැගි පඩි 52 බැස රියට ගොඩවූ අතර තවත් පැය දෙකක්‌ ගෙවුණු පසු ගහකොළ පිරුණු සුන්දර පරිසරයෙන් මිදී නැවතත් කොන්ක්‍රීට්‌ වනාත්තරයට පැමිණ තිබුණි.

ඇත්තටම වෙද හාමුදරුවෝ නොසිටියා නම් රෝහිතට මොනවා වෙයිද කියා සිතා ගන්නවත් බැහැ. උන්වහන්සේගේ ආයුර්වේද වෙදකමේ බලමහිමයෙන් මේ කරන සේවය අති විශිෂ්ඨයි. ඇත්තටම අප වගේම රටේ බොහෝ පිරිසකට උන්වහන්සේ නැවත නිරෝගී සුවය මෙන්ම සතුටද ලබා දී තිබෙනවා. උන්වහන්සේ මේ කරන පින්ම ඇති මෛත්‍රී බුදුන් දැක නිවන් දකින්න.

සුව වූ රාජපක්‍ෂ මහතාගේ නිවසෙහි
දුරකතන අංකය 045 22 61056