නිසි රෝග පරික්ෂාවකින් ප්‍රතිකාර කළයුතු ගැස්ට්‍රයිටිස්

නීරෝගී දිවියකට නීරෝගී සැලැස්මක්

නීරෝගී දිවියකට, නීරෝගී ජීවන රටාවකට මෙම පියවර 10 ඔබට මහඟු රුකුලක් වනු ඇත. මුලින්ම ඔබ කළ යුතු වන්නේ, දවසේ වැඩ කටයුතු සැලැසුම් කිරීමය.

දවසේ ඔබ කිරීමට සූදානම් සියලුම වැඩ සවිස්තරාත්මකව සටහන් කරන්න.

එදින ඔබ කෑමට බලාපොරොත්තු වන්නේ මොනවද සටහන් කරන්න. ප්‍රධාන කෑම වේලවලට අමතරව ඔබ කෑමට බලාපොරොත්තු වන්නේ මොනවාදැයි කල්පනා කර බලන්න. ඒවාද සටහන් කර ගන්න. ඔබේ සැලැස්මට නොගැලපෙන හෝ අහිතකර හෝ ආහාර පාන ගැනීමෙන් වැළැකිය යුතුය. ක්‍රියාවන්ගෙන් ද වැළැකිය යුතුය. එසේ නොකිරීමට ඔබ ඔබටම උපදෙස් දෙන්න.

සෑම දිනකම ඔබ කිරීමට සූදානම් වන සියලු දේ එසේ සැලැසුම් කළ පසු, නින්දෙන් අවදි වූ වේලාවේ සිට යළි රාත්‍රී නින්දට යනතෙක් ඔබ ඔබේ සැලැස්මට අනුව කාර්ය බහුල වනු ඇත.

ඔබේ සිතේ වැඩ කරනු ඇත්තේ ද එම සැලැස්ම පමණි. එවිට, ඔබේ බර ගැන හෝ ඔබේ වෙනත් අසනීප තත්ත්වයන් ගැන හෝ මනසට වදයක් නොවනු ඇත. ඔබ වඩ වඩාත් ක්‍රියාකාරී වනු ඇත. නොකරන දේවල් හෝ කළ දේවල් ගැන යළි සිතමින් පසු තැවෙනවාට වඩා සැලැස්මකට අනුව එදිනෙදා ක්‍රියාකාරකම් සිදු කිරීම නීරෝගී දිවියකට පළමු පියවර වේවි.

දෙවැනි පියවර වන්නේ, එදිනෙදා ඔබට ඇති ‘ඉලක්ක’, එසේත් නැතිනම් ඔබේ බලාපොරොත්තු සහ සිහින කෙසේ විය යුතුදැයි ලියා තැබීමය. ඔබට අමතක වී ගිය, ජීවිතේ ඔබ කළ යුතු දේ ලියා තැපිය යුතුය. සමහරවිට ඔබට ඒවා කර ගන්න අමාරු වෙන්න පුළුවනි. එසේත් නැතිනම් ඒවා විකාර යැයි ඔබට සිතෙන්නටත් පුළුවනි. ඔබ කළ යුතු වන්නේ ඒකාකාර දෛනික ජීවන රටාවෙන් මිදීමය. පවතින ජීවන රටාව අලුත් කර ගැනීම ඔබ කළ යුතුය. සමහරවිට ඔබේ සමහර බලාපොරොත්තු උදා කර ගැනීම මේ ජීවිතයේ දී කර ගැනීමට නොහැකි වේවි.

එසේ වුවත්, ඒවා ලියා තැබීම ඔබ කළ යුතුය. එසේ කළ විට, ඒවා කරා ළඟා වීමට ඔබට ධෛර්යය ලැබෙනු ඇත. ඒ සඳහා ඔබේ සිත පෙළඹෙනු ඇත.

තෙවැනි පියවර වන්නේ, ඔබේ අනාගත සැලැසුම්වලට මඟ පාදා දෙන එක දීර්ගකාලීන ක්‍රියාකාරකමකට අත ගැසීමය. එසේ නොකරන්නේ නම්, ඔබ සැමදා ඒකකාරී වේවි. ඒකාකාරී ජීවන රටාවෙන් මිදී, අලුත් දෙයක් එසේත් නැතිනම් වෙනස් දෙයක් ඔබ කළ යුතුයි. එසේ කටයුතු කළොත්, සතිය අවසන් වෙද්දී ඔබේ ප්‍රධාන අරමුණ කරා ටිකෙන් ටික ඔබ ළං වනු ඇත.

සිවුවැනි පියවර වන්නේ, ආපසු හැරී නොබැලීමය. කිසිවක් ගැන පසුතැවෙන්නේ නැතිව ඔබ කළ යුත්තේ ඉදිරියට යෑමය. අතපසුවීම්, දුක් දොම්නස් ගෙන දෙන සිදුවීම් ගැන පසුතැවෙමින් සිටීමෙන් ඔබ වැළැකිය යුතුය. දුක්මුස් වේදනාකාරී මතකයන් ඇතිනම් ඒවා අමතක කර, සිතට මෙන්ම ගතට ද සහනයක් සතුටක් ගෙනෙන අලුත් මතකයන් ඇති කර ගත යුතුයි. ‘අයියෝ, මං එහෙම නොකර සිටියා නම්’ ‘ඇයි මං එහෙම කළේ’ ආදී ප්‍රශ්න අසන්න යන්න එපා. එවැනි ප්‍රශ්න අසමින් මනසට වද දෙන්න එපා. මඟ හැරුණු සියල්ල අමතක කර, ජීවිතේ අර්ථවත් කර ගත යුතුය. රැකියාව දියුණු කර ගන්නේ කෙසේද ? සැමියාට හොඳ බිරියක, බිරියට හොඳ සැමියකු වන්නේ කෙසේදැයි සිතිය යුතුයි. ඔබ ඔබේ අරමුණු කරා යා යුතුයි. ඊයේ දිනය ඔබට අමිහිරි වුවත් අද හෙට දිනය සොදුරු දිනයක් බවට පත් කර ගැනීම කළ හැක්කේ අන් කිසිවකුට නොව, ඔබටම පමණි.

පස්වැනි පියවර වන්නේ, හේතු ඉදිරිපත් කිරීමෙන් වැළැකීමය. අපට අපේ අරමුණු කරා යෑමේදී බාධා එල්ල වෙයි. එම බාධාවලට හේතු ඉදිරිපත් නොකර බාධක ජය ගැනීම ඔබ කළ යුතුය. එම බාධා ඔබේ ජීවිත ගමනට හේතුවක්, එසේත් නැතිනම් සමාව දිය හැකි කරුණක් නොකර ගත යුතුයි. බාධක එකිනෙක ජය ගනිද්දී, ඔබ තව තවත් ශක්තිමත් වනු ඇත.

නීරෝගී ජීවන රටාවකට අවශ්‍ය වන සය වැනි පියවර වන්නේ, ඔබ කරන කියන හැමදේකම වගකීම ඔබ බාර ගැනීමය. ඔබට සිදුවන දේවල් සම්බන්ධයෙන් වරද වෙන අයට පැටවිය යුතු නැත. වෙන අයට දොස් පැවැරිය යුතු වන්නේ ද නැත. ඔබ සම්බන්ධයෙන් කරන කියන සහ සිදුවන සියලුම දේට වගකිව යුත්තේ ඔබම පමණි. එහෙයින්, දෛනික සැලැස්මකට ඔබ කටයුතු කළ යුතු වෙයි. දිනපතා ව්‍යායාම ගත යුතුය. ඔබේ ජීවිතය ක්‍රිකට් ක්‍රීඩාවක් යැයි සිතන්න, එහිදී ඔබ සිටින්නේ ප්‍රේක්ෂකාගාරයේ හෝ ඔල්වරසන් දෙන්නන් අතරේ හෝ නොවේ. පුහුණුකරු ඔබ නොවේ. ඔබයි පිටිය මැද සිටින පිතිකරු හෝ පන්දු යවන්නා. ඔබ ඔබට ඕනෑ විදියට ක්‍රීඩාව වෙනස් කර ජය ගත යුතුයි. කරන කියන හැමදේකම වගකීම බාර ගනිමින් යන්න ඉදිරියට.

සත්වැනි පියවර වන්නේ, ඔබට ඔබේ අරමුණු කරා යන ගමනේදී එල්ල වන බාධා සහ බාධා කරන්නන් මඟ හැරීමය. එම බාධා තේරුම් ගන්න. බාධා කරන පුද්ගලයන් හඳුනා ගන්න. උදෑසන නීරෝගී ආහාර වේල අමතක කර කඩචෝරු කෑමෙක් වළකින්න. එසේ නොකරන්නැයි ඔබ ඔබටම විධානයක් දෙන්න. නීරෝගී ජීවන රටාවකට අවශ්‍ය විදියට ඔබ ජීවත් විය යුතුයි. ඔබ රේස් අශ්වයකු යැයි සිතන්න. රේස් අශ්වයකුට ඇස් ආවරන පළදවන්නේ අවට කිසි දෙයක් නොපෙනී, ඉදිරිය පමණක් පෙනෙන ලෙසිනි. ඔබත් ඉදිරිය පමණක් බලන්න, ඔබේ අරමුණු කරා යන ගමනේ දී, වටපිට නොබලන්න. එසේ යද්දී ඔබට සුළු සිත් තැවුල් ඇතිවේවි. අපහසුතා ඇතිවේවි. එහෙත් හෙට දවස යහපත් වේවි. ඔබ ඔබටම ස්තුති කර ගනු ඇත.

අට වැනි පියවර නම්, අනාගතය ගැන සිතීමයි. සිතන්න අදින් තව වසර 20 කින් ඔබ කොතැන සිටීවි ද ? කොහොම කෙනෙක් වේවිද ? වසර 20 කින් ඔබ මහල්ලකු වී සිටීවි. අරමුණු කරා ගොස් ඒවා ඉටු කරගත් කෙනෙකු ලෙස ඔබට ඔබ දැකිය හැකිදැයි සිතා බලන්න. ඒ අනුව ඉදිරියට යන්න උත්සහ ගත යුතුය. නව වැනි පියවර වන්නේ, ඔබ ළං කර ගත යුත්තේ ඔබ මෙන් ධනාත්මක දැක්මක් ඇති පුද්ගලයන්ය. ඔබ ස්ථුල පුද්ගලයකු නම්, ඔබ සමීපව ඇසුරු කර ගත යුත්තේ, ඔබට ඔබේ අධි බර අඩු කර ගැනීමට උපදෙස් දෙන සහ සහාය දෙන අවංක පුද්ගලන් පමණි. ‘අයියෝ මොනවා කරත් බර අඩු කර ගන්න බැහැ’ යැයි මැසිවිල නගන මිතුරන් ඇසුරු කිරීමෙන් වැළකිය යුතුය. ධනාත්මක චිත්තනය ඇති ඔබට නිවැරදි උපදෙස් ලබා දෙන මිතුරු මිතුරියන් පමණක් නොව, නෑදෑයින් පවා ඔබ ඇසුරු කළ යුතුය. ඔබේ අරමුණුවලට සමාන අරමුණු ඇති අය ඇසුරු කිරීමෙන් ඔබට ඔබේ අරමුණු වෙත යෑමට ශක්තිය සහ ධෛර්යය වැඩි වැඩියෙන් ලැබෙනු ඇත. එවැනි පුද්ගලයන් ඇසුරු කරන්න, එකිනෙකාට උදවු කර ගන්න.

දස වැනි පියවර වන්නේ, ව්‍යායාමවලට ආදරේ කිරීමය. ව්‍යායාම කිරීම සතුටින් කළ යුතු දෙයකි. එය මනසට හෝ සිරුරට වදයක් හෝ කරදරයක් හෝ නොවිය යුතුය. මානසික සංවර්ධනය ද එසේමය. ව්‍යායාම නොකර සිටීමට හේතු ඇති කර ගත යුතු නැත. උදෑසන හෝ සැවන්දෑවේ ඇවිදීමට ඔබ ප්‍රිය කරන තැනක් තෝරා ගැනීම කළ යුතුය. සුන්දර නැවුම් වාතයෙන් පිරිසරයක් ඒ සඳහා තෝරා ගත යුතුය. එසේ ඇවිදින විටදී, ව්‍යායාම සඳහා ඇවිදිනවා යැයි සිතන්න. වටපිට බලමින් නොයන්න. ඇවිදීම පමණක් නොව, ක්‍රීඩා කරන්න, ඇරොබික්ස් සහ යෝග ව්‍යායාම ද ඔබ නිරෝගීව තැබීමට උපකාරී වෙයි. ඔබ නර්තනයේ යෙදෙන්නකු නම්, ගෙවතු අලංකරණය කරන්නකු නම්, වත්තේ වැඩපල කරන්නකු නම් එය ද ව්‍යායාමයක් වනු ඇත. ව්‍යායාම කිරීමට නොහැකි නම්, පා පැදියක් භාවිතා කරන්න. එවිට ඔබට ව්‍යායාම උපකරණ අවශ්‍ය වන්නේ ද නැත. ඔබට සතුට ගෙන දෙන විදියේ, ක්‍රියාකාරකම් තෝරා ගැනීම ඔබ කළ යුතුවෙයි.

අවසන් වශයෙන්, නීරෝගී ජීවන රටාවකට අවශ්‍ය අමතර කාරණාවක් වන්නේ, ඔබට කළ හැක්කේ දැනට ඔබ කරන ප්‍රමාණය පමණක් යැයි කිසිම විටෙක සිතන්න යන්න එපා. ඔබට කළ හැකි දේ බොහොමයි. ඔබට බැරි දෙයක් නැතැයි යන සිතුවිල්ල සහ අධිෂ්ඨානය පමණක් ඔබට ප්‍රමාණවත් වෙයි. නීරෝගී ජීවන රටාවක් සඳහා ඔබ සකස් කරන මඟ එළිපෙහෙළි කර දීමට එම අධිෂ්ඨානයට හැකි වනු ඇත. ඔබ අවංකවම ඒ ගැන සිතන්න, එවිට ඔබට කරන්න බැරි දෙයක් නැත. ළඟා වීමට බැරි තැනක් නැත.

මද්‍යසාර ඔබගේ ශරීරය දුර්වල කරයි

මළ බද්ධය වධයක්‌ ද?

නිරෝගි දිවියක්‌ සඳහා බත් අඩුවෙන් කමු - එළවලු / පලතුරු වැඩියෙන් ආහාරයට ගනිමු
 - මළ බද්ධය සමහර පුද්ගලයින් විවිධ හේතූන් මත අත්විඳින ඉතා අසහනකාරී තත්ත්වයකි. නිසි පරිදි නිතිපතා පහසුවෙන් මළපහ පිට නොවේ නම් එම අපද්‍රව්‍ය ආහාර මාර්ගයේ අවසන් කොටස්‌, එනම් ගුද මාර්ගය සහ මහාන්ත්‍රයේ අවසන් කොටස තුළ එක්‌ රැස්‌වීම නිසා මෙම තත්ත්වය ඇතිවේ. එහිදී සිරුරට මෙම මළවල අඩංගු ජලය විශාල ප්‍රමාණයක්‌ සිරුරට නැවත අවශෝෂණය කරගැනීම හේතුවෙන් මළ අපද්‍රව්‍ය තද සහ වියළි බවට පත්වේ. ඒ නිසාම ඉන්පසු ඒවා සිරුරින් පිටකිරීම තවත් අපහසු වේ. සමහර විට එලෙස වියළි මළපහ තැටමීම මගින් අපහසුවෙන් පිටකිරීම නිසා ගුදයේ පටක ඉරීයැමක්‌ සිදුවිය හැක. එවිට අධික වේදනාවක්‌ සමඟින් රුධිරය පිටවීමක්‌ සිදුවීම හේතුවෙන් ඉන්පසු එම පුද්ගලයා අවශ්‍යතාව තිබුණත් මළපහ නොකර සිටීම නිසා එම මළ තවදුරටත් වියළී මළ බද්ධය තවදුරටත් තීව්‍ර කරයි.
 
 මෙම තත්ත්වය ඇතිවීමට වැඩිපුර අවදානමක්‌ ඇති පිරිස ලෙස, වැඩිහිටියන්, කාන්තාවන්, විජලනයට පත්වූවන්, කෙඳි අඩු ආහාර අනුභව කරන්නන් සහ ශාරීරික ව්‍යායාම අඩු පුද්ගලයින් දැක්‌විය හැකිය. මීට අමතරව සමහර වේදනා නාශක, මානසික රෝග සඳහා ගන්නා සමහර ඖෂධ, අධික රුධිර පීඩනය සඳහා ගන්නා සමහර ඖෂධ හේතුවෙන් ද 'ගැස්‌ට්‍රයිටිස්‌' රෝගයට භාවිත කරන ඇලුමිනියම් සහ කැල්සියම් අඩංගු ප්‍රතිආම්ලික ඖෂධ සහ යකඩ සහිත ඖෂධ මගින් ද මළ බද්ධය ඇතිවිය හැකිය.
 
 තේ, කෝපි වැනි 'කැෆේන්' අඩංගු ආහාර, පැණිබීම, මෙන්ම මත්පැන් පානය කිරීම මගින් ද සිරුරේ ජලය වැඩිපුර කිරීමක්‌ සිදුවන නිසා ද මෙවන් තත්ත්වයක්‌ ඇතිවිය හැකිය.
 
 මළබද්ධය සෑදීම ශාරීරික හේතූන් රාශියක්‌ හේතුවෙන් සිදුවේ.
 
 ආහාර මාර්ගයේ සිදුවන්න අවහිරතා මෙම තත්ත්වය ඇති කිරීමට ප්‍රධාන වශයෙන් හේතුවේ. පෙර කී පරිදි ගුද මාර්ගයේ ඉරීම් තුවාල ඇතිවීම ඉන් එක්‌ හේතුවකි. ආහාර මාර්ගයේ විශාල ලෙස පණුවන් සිරවීම, කෙඳි සහිත ආහාරයක්‌ වැඩිපුර ආහාරයට ගෙන ප්‍රමාණවත් පරිදි ජලය පානය නොකිරීම හේතුවෙන් ද මෙවන් තත්ත්වයක්‌ ඇතිවිය හැකිය. ආහාර මාර්ගයේ අවහිරවීමක්‌ ඇතිවිට වමනය, ඔක්‌කාරය, උදරයේ වේදනාව වැනි රෝග ලක්‌ෂණ ද ඇතිවේ. මහාන්ත්‍රයේ ඇතිවන පිළිකා, ගුද මාර්ගයේ පිළිකා ද මෙවන් අවහිරවීම් ඇතිකරනු ලබයි. එවිට මළ සමඟ රුධිරය පිටවීමක්‌ ද බොහෝ විට දක්‌නට ලැබේ.
 
 ආහාර මාර්ගය මත සිරුර අභ්‍යන්තරයේ උදරය කොටසේ ඇතිවන වර්ධනයන් එනම් ගර්භාෂ පිළිකා, මූත්‍රාශ පිළිකා වැනි තත්ත්වයන් මෙන්ම ගර්භණී වීම නිසා ගර්භාෂය විශාල වීම හේතුවෙන් ද ආහාර මාර්ගයේ පහළ කොටස්‌ අවහිරවීම සිදුවිය හැකිය. මීට අමතරව සමහර කාන්තාවන්ගේ යෝනි මාර්ගය තුළට ගුදමාර්ගය කිඳාබැසීම මගින් ද හර්නියා රෝග තත්ත්වයේදී ද මෙලෙස ආහාර මාර්ගයේ අවහිරවීමක්‌ සිදුවිය හැකිය. බඩවැල තුළ ඇතිවන සමහර රෝග තත්ත්වයන් හේතුවෙන් ඒ තුළ තුවාල කැළල් ඇතිවීමත් එමගින් බඩවැලේ කුහරය කුඩාවීමත් සිදුවිය හැක. එමෙන්ම බඩවැල් ගැටගැසීමත් ආහාර මාර්ගයේ අවහිරතා ඇතිකරනු ලබයි. මීට අමතරව බඩවැල ආශ්‍රිතව සිදුකරන ශල්‍යකර්ම වලින් පසුවත් ආහාර මාර්ගයේ ජීර්ණය වූ ආහාර ගමන් කිරීම අඩාල වීම සිදුවිය හැකිය.
 
 ගුදමාර්ගය ආශ්‍රිත මාංශපේශිවල ක්‍රියාකාරීත්වයේ දෝෂයන් මෙන්ම මළ පිටකිරීමට අවශ්‍ය වන ශ්‍රොaණි කුහරය තුළ ඇති මාංශපේශීවල දුර්වලතාවන් ද මෙම තත්ත්වය ඇතිකරනු ලැබේ.
 
 සිරුරේ ඇතිවන සමහර රෝග තත්ත්වයන් ද රෝග ලක්‌ෂණයක්‌ ලෙස මළ බද්ධය ඇතිකරනු ලැබේ. ස්‌වයං සාධක ස්‌නායු පද්ධතියේ රෝග තත්ත්වයන්, පාකින්සන් රෝගය, මල්ටිපල් ස්‌කෙලෙරොසිස්‌ නම් රෝගය, ආඝාතය, සුසුම්නාවට හානි සිදුවීම මෙන්ම මානසික ආතතිය, අවපීඩනය වැනි තත්ත්වයන් මීට උදාහරණ ලෙස දැක්‌විය හැකිය.
 
 සිරුරේ සමහර හෝමෝනවල ඇතිවන වෙනස්‌කම් හේතුවෙන් ද මෙම තත්ත්වය ඇතිකරනු ලැබේ. දියවැඩියාව, පැරාතයිරොයිඩ් ග්‍රන්ථියේ ක්‍රියාකාරීත්වය අඩාලවීම, තයිරොයිඩ් ග්‍රන්ථියේ ක්‍රියාකාරීත්වය අඩාලවීම වැනි රෝග තත්ත්වයන් වලදී හෝමෝනවල සිදුවෙන ඌනතාවන් නිසා සිරුරේ සමායෝජනය බිඳවැටීම හේතුවෙන් ද ගර්භණී බවට පත්වීම නිසා සිදුවන හෝමෝන වෙනස්‌වීම නිසා ද මෙලෙසින් මළ බද්ධය ඇතිවේ.
 
 මෙම තත්ත්වය දිගටම පැවතීම නිසා ගුද මාර්ගය අවට පටක ඉරීයැම, අර්ශස්‌ රෝගය, මළ ද්‍රව්‍ය ගුද මාර්ගය තුළ සිරවීම මෙන්ම ගුද මාර්ගය පහත් වී එළියට නෙරා ඒමත් සිදුවිය හැකිය.
 
 කෙසේ වෙතත් ප්‍රමාණවත්ව කෙඳි සහිත ආහාර, පලතුරු ආහාරයට ගනු ලැබුව ද ජලය ප්‍රමාණවත්ව පානය කර නිසි පරිදි සිරුර ක්‍රීයාකාරීව පවත්වාගත්ත ද ඔබ මළපහ කිරීමේ අපහසුතාවකින් පෙළෙන්නේ නම් වහාම වෛද්‍ය පරීක්‌ෂාවකට යොමුවීම වඩාත් සුදුසු වේ.
 

ගෙරවීම ලෙඩක්ද?

ඔබත් නින්දෙන් ගොරවන්නෙක්ද? නැත්නම් තමන්ගේ සහකාරයා සහකාරියගේ ගෙරැවිල්ලෙන් නිදි නැති රාත්‍රියකට හිමිකම් කියන්නෙක්ද? නින්දෙන් ගෙරැවීමට හේතුවන කාරණා ගැනයි මේ.

ගෙරැවිල්ලට හේතුවන්නේ උගුරේ ඉහිල් වූ මාංශ පඨක ඔබ හුස්ම ගන්නා විට කම්පනයට පත්වීමයි. මේ සඳහා ඔබේ මුඛයේ අභ්‍යන්තර ස්වභාවික හැඩය, ශරීර සෞඛ්‍ය තත්ත්වය, ශරීර බර වගේ බොහෝ කාරණා බලපානවා. නාසයෙන් හුස්මගැනීම වළක්වන ඕනෑම කාරණයක් ගෙරවීමට හේතුවක් වෙනවා. සෙම්ප්‍රතිශ්‍යාව, නාසයේ මස්දලු වැඩීම ඒ වගේ හේතු. නමුත් මේ තත්ත්වය දිගටම පවතිනවා නම් වෛද්‍ය උපදෙස් පැතීම සුදුසුයි.

• නිදාගන්නා පැත්ත

උඩු අතට නිදාගන්නා විට මේ තත්ත්වය වැඩියි. මේ නිසා නිදාගන්නා ඉරිව්ව වෙනස් කළ යුතුයි.

• නාස් සිදුර

ඊළඟට නාසයේ නාස්පුඩුවල හැඩයත් ගෙරවිල්ලට බලපානවා. එක් නාස් සිදුරක් අනෙකට වඩා කුඩාවීම තමයි ප්‍රධාන හේතුව.

• මුඛ කුහරයේ හැඩය

මුඛයේ හැඩයත් ගෙරැවිල්ලට බලපානවා. නාසයත් මුඛයත් වෙන්කරන උඩුහනුව සම්බන්ධ මුඛයේ ඉහළ කාටිලේජ කොටස පහත්ව තදට පිහිටා ඇතිනම් වාතය ගමන් ගන්නා මාර්ගය අවහිර විය හැකියි. උපතින් මේ තත්ත්වය ආවත් දේහබර වැඩි වනවිට මේ තත්ත්වය තවත් ඉහළ යයි. මෙවිට බර අඩු කරගන්නට ක්‍රියාකරනවා වගේම එයින් ප්‍රතිඵලයක් නොවේ නම් ශල්‍යකර්මයක් කරා යන එක හොඳයි.

• සමහර ඖෂධ

සමහර ඖෂධ නිසාත් උගුර ආශ්‍රිත පේශි ඉහිල් වී ගෙරවිලි සද්ද පිටවෙනවා. ආතතිය වළක්වන සහ සමනකාරක ඖෂධ බොහෝවිට මෙයට හේතුවක්. වෛද්‍ය උපදෙස් මත එබඳු ඖෂධ වෙනස් කළ යුතුයි.

උදේ නැගිටින විට උගුර කට වියලී ගොස් ඇති ස්වභාවයක් දැනෙනවා නම්, කෙඩෙත්තු ගතිය සහ තවමත් නිදිමත ගතිය දැනෙනවානම් වෛද්‍යවරයකු හමුවී උපදෙස් ලබාගත යුතුයි. එයින් හැඟෙන්නේ නිසි පරිදි හුස්ම ගැනීම සිදුවී නැති බවයි. එවිටත් ගෙරවීම සිදුවෙනවා. මේ තත්ත්වය දිගටම තිබුෙණාත් ඔක්සිජන් අඩු වීම නිසා මරණීය අවදානමක් ඇතිවිය හැකියි. මේ නිසා වෛද්‍ය ප්‍රතිකාර ලද යුතුයි.

ඉක්මන් කෝපය දරුණු අසනීපයක්

මහත නිසා හැදෙන පිළිකා වර්ග 13ක්!

ඇඟ හොඳට ආරලා මහත දෙහෙතට ඉන්නවා කියන්නේ පොහොසත් බව පෙන්වන ලක්ෂණයක් හැටියටයි සමාජයේ සැලකෙන්නේ. නමුත් එය මිත්‍යාවක් බවත්, පමණට වඩා ඇඟ තරබාරු වීම රෝගයක් බවත් ඔබ දන්නවාද? අන්තරාසර්ග ග්‍රන්ත පිළිබඳ සහ දියවැඩියා රෝග පිළිබඳ විශේෂඥ වෛද්‍ය ප්‍රසාද් කටුගම්පල පෙන්වාදී ඇත්තේ තරබාරුව රෝගයක් ලෙස සලකා එය වැළැක්වීමට වහාම කටයුතු කළ යුතු බවයි. පිළිකා රෝග 13කට (ග්‍රැෆික් රූපය බලන්න) තරබාරැව කෙලින්ම බලපානා බව දැන් සොයාගන තිබේ. ඒ හැරත් දියවැඩියාව, අධි රැධිර පීඩනය, අධි කෙලෙස්ටරෝල්, හෘදය සහ වාහිනී ආශ්‍රිත රෝග, නිදන්ගත වකුගඩු ආබාධ, අක්මාවේ මේදය තැන්පත්වීම, සිරෝසිස්, කොන්දේ රුදාව, දණහිස් රුදාව මෙන්ම නින්ද අවහිර වීමටද තරබාරුව වගකියන බව සනාථ වී තිබේ. කොටින්ම තරබාරුව යනු ලෙඩ ගොඩකට පාර කපන මහ ලෙඩකි.

අධි බර සහ තරබාරුව දැන් අන්තර්ජාතිකවද ගැටලුවක් බවට පත්ව තිබේ. ලෝකයේ පසුගිය වසර 10ක වාර්තා සලකා බැලූ විට සෑම ස්ත්‍රීන් 10 දෙනකුගෙන් 4ක්ද, පිරිමින් 10 දෙනකුගෙන් 3ක්ද තරබාරුවට හෝ වැඩි දේහ බරක් දැරීමේ රෝගී තත්ත්වයට ගොදුරුව තිබේ. භයානකම කාරණාව වන්නේ තරබාරුව මගින් පිළිකා වැළඳීමට ඉහළ දායකත්වයක් සපයන අතරම පිළිකා රෝගයෙන් සුවය ලබා ඇති අයට නැවත පිළිකා හටගැන්වීමටද දැඩි ලෙස බලපෑමයි.

තරබාරුව සඳහා බලපාන ප්‍රධාන සාධක ලෙස දක්වා ඇත්තේ, එක තැනම වාඩිවී වැඩි කලක් ගත කරන කාර්යශීලී නොවන වත්මන් ජීවිතයයි. ඊළඟට ඉවක් බවක් නැතිව ගන්නා ආහාර පානයන්ය. සීනි, ලුණු සහ තෙල් අධික එනිසාම “කටට රස” ලෙස හඳුන්වාදෙන ආහාර සහ පානවලට ඇබ්බැහි වීම මෙහිදී ප්‍රධාන බලපෑමක් කරයි.

අනෙක් අතට තමන්ට එදිනෙදා ජීවිතය පවත්වාගන යාමට අවශ්‍ය කැලරි ප්‍රමාණය හෙවත් ශක්ති ප්‍රමාණයටත් වඩා අධික ශක්ති ප්‍රමාණයක් ශරීරගතවන ලෙස ලොකු ලොකු ආහාර වේල් ගිලදැමීමට පුරුදු වීමයි. පළතුරු සහ එළවළු භාවිතය අවම වීම තවත් සාධකයකි. මේ තරම් සුපිරිසුදු සෞඛ්‍ය සම්පන්න පානයක් වන ජලය සොබාදහම ලබාදී ඇතත් මත්පැන් සහ කෘත්‍රිම රසායන යෙදූ පාන වර්ග සඳහා මුල්තැන දීම අනෙක් කාරණයයි. එකතැනට වී ක්‍රමානුකූල ව්‍යායාම රහිත අක්‍රිය දිවියක් ගෙවනවා මදිවාට දුම්පානයේ යෙදීමත් දිනකට අවශ්‍ය නින්ද නිසි ලෙස නොලැබීමත් තවත් ප්‍රබල හේතුවෙකි. තයිරොයිඩයේ අක්‍රමිකතා මෙන්ම ජානමය බලපෑම්ද තරබාරුව සඳහා බලපාන තවත් සාධක දෙකකි.

තරබාරුව වළක්වා නිරෝගී ජීවිතයක් ගත කිරීමට නම් සමස්ථ සමාජයටම හඳුන්වා දිය යුතු මූලික සංකල්ප කිහිපයක් දැන් තරබාරුව පිළිබඳ ලෝක ෆෙඩරේෂණය එළිදක්වා තිබේ. ඉහත සඳහන් කළ තරබාරුවට හේතුවන කාරණා වැළැක්වීම එහි අරමුණයි.

එසේ නොකර මේ යන විදිහටම ගියහොත් 2025 වනවිට ලෝකය පුරා, ලංකාවේද ඇතුළු බිලියන 2.7ක් තරබාරැ ලෙඩුන් බවට පත්වනු ඇතැයි සෞඛ්‍ය අංශ අනතුරු අඟවා තිබේ.

සරල ප්‍රතිකාර

• සීනි යෙදීම අඩු කිරීම හෝ කොහෙත්ම සීනි නොදැමූ පාන වර්ග ගැනීම.

• සීනි කෘත්‍රිමව එක්කර ඇති ආහාර පානවර්ග ගැනීමෙන් වැළැකීම.

• මත්පැන් භාවිතය අත්හැරදැමීම හෝ පාලනයට ලක් කිරීම.

• වැඩියෙන් පළතුරු සහ එළවළු වර්ග ආහාරයට එක්කර ගැනීම.

• ආහාරයට ගන්නා කැමවේල් ප්‍රමාණය පාලනය කිරීම (ලොකු ලොකු බත්ගෙඩි ගිල දැමීම පාලනය)

• කඩචෝරු, කෘත්‍රිම ආහාර, කලින් සැකසූ ආහාර ගැනීමේදී පමණ දැන කටයුතු කිරීම.

• දිවා ආහාරය සඳහා යාමට පෙර පොඩි රවුමක් ඇවිද යාම.

• වෙළඳපලට, කාර්යාලයට, පාසලට යනවිට ඇවිදීම. සයිකලයක නැගී යාම වැනි ක්‍රියාශීලී ප්‍රවාහන ක්‍රමයක් භාවිතාව.

• විදුලි සෝපාන වෙනුවට සැමවිටම තරප්පු පෙළ භාවිතය.

• දිනපතා ව්‍යායාමවල යෙදීම.

• තමන්ගේම ක්‍රියාකාරී අරමුණු එල්ලයන් සොයා ගැනීම. නැතිනම් වැඩකටයුතු කාලසටහනකට කිරීම.

• කාර්යාලය තුළදීත් එක තැනක වැඩිවී නොසිට වරින්වර ඇවිදීමට අවස්ථාවක් යොදාගැනීම මගින් කාර්යශීලී බව රඳවා ගැනීම.

• උසට සරිලන මහත පවත්වාගන යාම සහ නිසි කළ වෛද්‍ය පරීක්ෂණවලට යොමුව තරබාරැව ගැන විමසිලිමත් වීම.

 සුගත් පී. කුලතුංගආරච්චි