බොහෝ දෙනා සාමාන්‍යයෙන් සිදු කරන්නේ කොමඩු ගෙඩියක් කැපූ පසුව එහි ඇට සියල්ලම කරදරයක් සේ සලකා ඉවත් කර දැමීමයි. අද වනවිට පාරිභෝගිකයන්ගේ පහසුව සඳහා ඇට රහිත කොමඩු පවා අලෙවි කිරීමට තිබෙනවා. කෙසේ වෙතත් ඔබ කොමඩු ඇට වියළා තබා ගන්නවා නම් එමගින් ඔබට විශාල සෞඛ්‍යය ප්‍රතිලාභ රැසක් අත් කර ගන්නට පුළුවන්.

කැලරි ඉතා අවම වශයෙන් අන්තර්ගත වන කොමඩු ඇට තුළ අන්තර්ගත වන අතිශය වැදගත් පෝෂ්‍ය පදාර්ථයන් ලෙස ප්‍රෝටීන්, විටමින් B ඇතුළු අනෙකුත් විටමින් වර්ග, මැග්නීසියම්, පොස්පරස්, යකඩ, පොටෑසියම්, කොපර්, මන්ගනීස් සහ සින්ක් සඳහන් කරන්නට හැකියි. මෙන්න අනෙක් ප්‍රතිලාභ.

දියවැඩියාව නිසි ලෙස කළමනාකරණය කිරීම

දියවැඩියාව පාලනයට සහ දියවැඩියාව නිසා ඇතිවන විවිධ රෝගී තත්වයන්ට සුවයක් සලසා ගැනීමට කොමඩු ඇට භාවිතා කරන්නට පුළුවන්.

කොමඩු ඇට තුළ අන්තර්ගත වන ඇමයිනෝ අම්ල මගින් රුධිර නාලිකා ලිහිල් කිරීම සිදු කරනවා. එසේම, කොමඩු ඇට සතුවන මැග්නීසියම් මගින් කාබෝහයිඩ්‍රේට පරිවෘත්තිය ක්‍රියාවලියට භාජනය කර රැධිරයේ සීනි මට්ටම නියාමනය කිරීමත් සිදු කරනවා.

මෙවන් හේතු නිසා “Applied Sciences and Environmental Management” සඟරාවේ පවා 2014 වසරේදී කොමඩු ඇට මගින් දියවැඩියාව සුව කරන බවට අධ්‍යයන වාර්තාවක් පළකරනු ලැබුවා. මෙම සෞඛ්‍ය ප්‍රතිලාභ ලබා ගැනීමට පහත පියවරයන් අනුගමනය කරමින් කොමඩු ඇට භාවිත කර තේ පානයක් සකස් කර පානය කරන්න.

ජලය කෝප්ප හතරකට කොමඩු ඇට අහුරක් එක්කරන්න. එය රත්කර ගැනීමට සුදුසු භාජනයකට එක්කර එහි කට වසා විනාඩි 45ක් පමණ රත් කර ගන්න. පසුව එම පානය සිසිල් කර පානය කරන්න. මෙය තේ පානයක් ලෙස දිනපතා පානය කිරීමට හුරුවන්න.

තෙහෙට්ටුව දුරු කිරීම

කොමඩු ඇට අහුරක් ආහාරයට ගැනීම මගින් ශරීරයේ ශක්ති මට්ටම වර්ධනය කර තෙහෙට්ටුව දුරු කර ගන්නට පුළුවන්.

කොමඩු ඇට යකඩවලින් පොහොසත් වන නිසා ශක්තිය නිපදවීමට අවශ්‍ය වන ඔක්සිජන් ශරීරය පුරාවට ගෙනයාමට රුධිරයේ හිමොග්ලොබින් වෙත උපකාර කරනු ලබනවා. එසේම, ශරීරයේ ප්‍රතිශක්තිකරණ පද්ධතියේ වර්ධනයට සහ යකඩ මගින් කැලරි ශක්තිය බවට පත් කිරීම සඳහාත් කොමඩු ඇට උපකාර වනවා.

ශරීරයේ තෙහෙට්ටුව දුරැ කිරීමට අවශ්‍ය කරන “L-citrulline” ඇමයිනෝ අම්ලයත් කොමඩු ඇට තුළ අන්තර්ගත වනවා.

හදවත සෞඛ්‍යසම්පන්නව තබා ගැනීම

ඔබ කොමඩු ඇට ආහාරයට ගන්නවා නම් ඔබේ හදවත හොඳ තත්වයෙන් තිබෙන බව තහවුරු කර ගන්නට පුළුවන්.

කොමඩු ඇට තුළ මොනසැකරයිඩ, පොලිසැකරයිඩ සහ මේද අම්ල අන්තර්ගත වනවා. මේවා මගින් හෘදයාබාධ සහ ආඝාතය වැනි දරුණු රෝග තත්ත්වයන්ගෙන් ආරක්ෂාව සලසනවා. එසේම මෙම සෞඛ්‍ය සම්පන්න මේදයන් විසින් නරක කොලෙස්ටරෝල් මට්ටමත් නිසි ලෙස අඩු කරනු ලබනවා.

ඊටත් අමතරව කොමඩු ඇට තුළ අන්තර්ගත වන පොටෑසියම් මගින් හදවතේ සෞඛ්‍යය වර්ධනය කරන අතර ඇමයිනෝ අම්ලයන් වන “citrulline” සහ “arginine” මගින් ධමනි නිසි ලෙස පවත්වා ගෙන රැධිර නාල පද්ධතියේ සෞඛ්‍යය වර්ධනය කරනු ලබනවා.

රුධිර පීඩනය නිසි ලෙස පවත්වා ගැනීම

කොමඩු ඇට තුළ අන්තර්ගත වන ඇමයිනෝ අම්ලයන් අතරින් “arginine” මගින් ශරීරය විසින් නිපදවන “arginine” ප්‍රමාණයට වඩා වැඩි ප්‍රමාණයක් ශරීරයට සපයාදී රුධිර පීඩනය නිසි ලෙස නියාමනය කරනු ලබනවා.

ශරීරය තුළ මැග්නීසියම් අඩු වූ විට රුධිර පීඩනය ඉහළ යන නිසා කොමඩු ඇට තුළ අන්තර්ගත වන මැග්නීසියම් ප්‍රමාණය රුධිර පීඩනය නිසි ලෙස පාලනය කිරීමට උපකාර වනවා. ශරීරයේ මැග්නීසියම් අගය අඩුවීම නිසා පොටෑසියම් මට්ටමත් පහළ බසිනවා. මේ නිසා ශරීරයට ලැබෙන මැග්නීසියම් ප්‍රමාණය පිළිබඳ නිසි සැලකිල්ලක් දැක්විය යුතු වනවා.

මාංශ පේශි සෞඛ්‍යසම්පන්නව පවත්වා ගැනීම

ශාරීරික ක්‍රියාකාරකම්වල යෙදීමෙන් පසුව ඇතිවන මාංශපේශී වේදනාව දුරුකර ගැනීමට කොමඩු ඇට ඉතා ඵලදායී වනවා. මාංශ පේශී පටක වර්ධනයට කොමඩු ඇට සතු “L-citrulline” උපකාර වනවා. මෙමගින් මාංශපේශී ලිහිල් කර ක්‍රියාශීලී බවක් ඇති කරවනවා.

කොමඩු ඇට තුළ අන්තර්ගත වන මැග්නීසියම් මගින් ශරීරයට අවශ්‍ය කරන කැල්සියම් අවශෝෂණය කිරීම වේගවත් කරවන නිසා මාංශපේශී ශක්තිමත් කිරීම මෙන්ම මාංශපේශී වල ඇතිවන වේදනාවද දුරුකරනු ලබනවා.

මේද දහනය

කොමඩු ඇට “citrulline” ලෙස හඳුන්වන සංයෝගයකින් පොහොසත් වනවා. මෙම සංයෝගය පරිවෘත්තීය ක්‍රියාවලියට භාජනය වීම මගින් ශරීරයට අත්‍යාවශ්‍ය ඇමයිනෝ අමලයක් වන “arginine” නිෂ්පාදනය කරනවා.“Arginine” මගින් ශරීරයේ තැන්පත් වී ඇති මේදය දහනය කිරීමද සිදු කරනවා.

කොමඩු ඇට තුළ කැලරි අවම වන නිසා ශරීරයේ බර අඩු කර ගැනීම සඳහා එය උපකාරයක් වනවා. කොමඩු ඇට සතුව මේදය සුළු ප්‍රමාණයක් අන්තර්ගත වුවත් ඒවා ශරීරයට සෞඛ්‍ය සම්පන්න වන මේදය ( monounsaturated” සහ “polyunsaturated) ලෙස හඳුන්වන්නට පුළුවන්.

මොළයේ ක්‍රියාකාරීත්වය වර්ධනය

කොමඩු ඇට ෆෝලික් අම්ලය සහ විටමින් B9 සපයා ගැනීමට ඇති ඉතා හොඳ මුලාශ්‍රයක් වනවා. මොළයේ නිසි වර්ධනයක් සඳහා මෙය අත්‍යාවශ්‍ය වන අතර ගර්භනී මව්වරැන්ට ෆෝලික් අම්ල ඌනතාවයක් ඇතිවූ විට දරු ප්‍රසූතියේදී විවිධ ගැටලු ඇති වන්නට ඉඩ තිබෙනවා.

කොමඩු ඇට සතු සෞඛ්‍යය සම්පන්න මේද අම්ලයන් විසින් “neurotransmitters” වල ක්‍රියාකාරිත්වය වේගවත් කර මතක ශක්තිය සහ ඥාන ශක්තිය වර්ධනය කිරීමත් පොටෑසියම් මගින් පරිකල්පන හැකියාව වර්ධනය කිරීමත් ප්‍රතිඔක්සිකාරක මගින් මොළයේ සෛල ආරක්‍ෂා කිරීමත් සිදුකරනු ලබනවා.

අක්‍ෂි ආබාධ දුරු කිරීම

කොමඩු ඇට සතු විටමින් A සහ විටමින් C දෑස් සඳහා සුවදායක වනවා. කොමඩු ඇට ආහාරයට ගැනීමෙන් වයස් ගත වීමේදී සිදුවන අක්‍ෂි වියළීම, අක්‍ෂිවල ඇතිවන ස්නායු ආබාධ සහ “glaucoma” වැනි රෝග මෙන්ම වෙනත් අක්‍ෂි රෝග වලින් වැලකී සිටින්නට පුළුවන්.

හිසකෙස්වල සෞඛ්‍යය වර්ධනය කිරීම

හිසකෙස් යනු වැඩි වශයෙන් ප්‍රෝටීන් වලින් සැදුම්ලත් අංගයක් නිසා ප්‍රෝටීන් අඩංගු වන ඕනෑම ආහාරයක් හිසකෙස් සඳහා ගුණදායක වනවා. කොමඩු ඇට තුළ ප්‍රෝටීන් වැඩි වශයෙන් අන්තර්ගත වන නිසා කොමඩු ඇට ආහාරයට ගැනීම මගින් හිසකෙස් වල වර්ධනය වැඩි කර ගන්නට පුළුවන්.

කොමඩු ඇට තුළ අන්තර්ගත වන යකඩ මගින් හිසකෙස් සවිමත් කිරීම සහ හිසකෙස් වර්ධනය වේගවත් කිරීම මෙන්ම හිසකෙස් වියළි මලානික වීම නවතා දමනවා. එමෙන්ම බැදගත් කොමඩු ඇට තුළ අන්තර්ගත වන කොපර් මගින් මෙලනින් නිෂ්පාදනය වීම වේගවත් කර හිසකෙස් සඳහා පැහැපත් වර්ණයක්ද එක්කරනු ලබනවා.

කොමඩු ඇට ආහාරයට ගන්නවාට අමතරව කොමඩු ඇට මගින් සකස් කළ තෙල් හිසෙහි ආලේප කිරීම මගිනුත් හිසකෙස්වල නිසි වර්ධනයක් ඇතිකර ගන්නට පුළුවන්.

සම පැහැපත් කර ගැනීම

කොමඩු ඇට තුළ අන්තර්ගත වන විටමින් C සම පැහැපත් කර අකලට වියපත්වීම දුරු කරන ප්‍රබල ප්‍රතිඔක්සිකාරකයක් වනවා. විටමින් C මගින් සමේ වර්ධනයට අවශ්‍ය වන කොලේජන් නිෂ්පාදනය වීමත් වේගවත් කරනු ලබනවා. තවද, කොමඩු ඇට සතු “oleic” අම්ලය සහ “linoleum” අම්ලය මගින් සමේ තෙතමනය ආරක්‍ෂා කර සමට සිදුවන විවිධ ආසාදනයන් දුරු කරනු ලබනවා.

නොයෙකුත් මානසික ආතතීන් නිසා දරුවන්ට නින්ද නොයාම හා සම්බන්ධ ගැටලු ඇතිවිය හැකිය. දැඩි මානසික ආතතිය හෝ අවපීඩනය නිසා ද නින්දේ දී ගැටලු ඇතිවිය හැකිය. 

දරුවාගේ නින්ද පිළිබඳ ඔබට යම් අවබෝධයක් තිබිය යුතුය. සාමාන්‍යයෙන් මාස 06ක දරුවෙක් රාත්‍රී කාලයේ හොඳට නිදා ගනී. වෛද්‍යවරැ කියන්නේ 10%ක් පමණ දරුවන්ටත් නින්ද පිළිබඳ ගැටලු පවතින බවයි. සමහරවිට දරුවන්ගේ නින්ද පිළිබඳ ගැටලුවලට ස්ථිර හේතුවක් සොයාගන්න අපහසුයි. ඉතාමත් කුඩා අවදියේ සිටින දරුවන් පවා බාහිර පරිසරයේ තිබෙන මානසික ආතතීන් නිසා නින්ද පිළිබඳ ගැටලුවලට ගොදුරු වෙන්න පුළුවන්. අපි පුංචි කතාවකින් මෙය පැහැදිලි කර ගනිමු. 

කසුන්ගේ වයස මාස 17යි. කසුන් අපට යොමුවුණේ ඔහුගේ මව මඟින්. මව කසුන් පිළිබඳ මෙසේ පැවසුවා. දැන් මාස 02ක පමණ කාලයක සිට කසුන්ට හරියට නින්ද යන්නේ නැහැ. නිතරම නින්දෙන් අවදි වෙනවා. කසුන් වෙනදා සෙල්ලම් කළේ හරිම උනන්දුවෙන් සහ හරිම ආදරයෙන්. නමුත් දැන් එයාගේ සෙල්ලම් වලසුන් එක්ක (ටෙඩීලා) සෙල්ලම් කරන්න කසුන්ට ආශාවක් නැහැ.

අපි මෙසේ කසුන්ගේ අම්මාගෙන් ඇසුවා. ඔබේ ගෙදර පරිසරය තුළ යම් විශේෂ සිද්ධියක් පසුගිය මාස කිහිපය තුළ සිදුවුණා ද කියලා.

කසුන්ගේ මව මෙසේ කීවා.

මම මගේ ස්වාමියාගෙන් දික්කසාද වෙලා දැන් මාස 07ක් වෙනවා. කසුන් තාත්තට හරිම කිට්ටුයි. වෙනදා තාත්තා ගෙදර ආවම කසුන් තාත්තා ළඟට දුවගෙන එනවා. සුරතල් වෙනවා. මම දැන් ස්වාමියාගෙන් වෙන්වී සිටින නිසා, ඔහු වෙනම ජීවත් වෙනවා. සමහරවිට කසුන්ට තාත්තා නැති අඩුව දැනෙවාද දන්නෙ නැහැ.

කසුන්ගේ අම්මා කීවේ පසුගිය මාස කිහිපය තුළ ඇයට කරදර රාශියකට මුහුණ දෙන්න සිදුවුණා කියලා. ඇයට කිහිප වතාවක්ම ගෙවල් මාරුකරන්න සිදුවෙලා තියෙනවා. දරුවාගේ ඩේ කෙයා (දිවා සුරැකුම් මධ්‍යස්ථානය) එකත් කිහිප වතාවක්ම වෙනස් කරන්න සිදුවෙලා තියෙනවා. 

ඉතින්, කසුන් මෙම ගැටලුවෙන් එළියට ගන්නේ කෙසේද?

කසුන්ගේ මව වෛද්‍යවරයා සමඟ සාකච්ඡා කළා. නින්ද පිළිබඳ ගැටලුව සමථයකට පත් කර ගැනීමට මාස 05ක පමණ කාලයක් ගතවුණා. වෛද්‍යවරයා විසින්  කසුන්ගේ මව සඳහා ලබාදුන් උපදෙස් මාලාව තමා මේ.

සතියකට එක් වතාවක් හෝ කසුන්ගේ පියාට දරුවා හමු වී සුරතල් කිරීමට ඉඩදීම.

කසුන්ගේ මව රැකියාවක නියැලේ. නමුත් වෛද්‍යවරයා උපදෙස් දී තිබුණේ වැඩ අවසන් වී ගෙදර පැමිණි පසු දවසට පැයක් හෝ පමණ කාලයක් දරුවා සමඟ ළඟින් දරැවාට දැනෙන ලෙස ළංවීමයි. එම අවස්ථාවේදී රෑපවාහිනිය නතර කරන ලෙසත්, දුරකථන ඇමතුම්වලින් ඈත්වන ලෙසත් උපදෙස් දී ඇත.

පදිංචිය නිතර වෙනස්වීම, ඩේ කෙයා එක නිතර වෙනස් වීම පිළිබඳව වෛද්‍යවරයා වැඩිදුරටත් උපදෙස් දී තිබුණි. (මේ නිසා දරැවා අසහනයට පත් වී ඇත)

දරුවාගේ හැසිරීම සහ රාත්‍රී කාලයේදී දක්නට ලැබෙන නින්දේ ස්වභාවය පිළිබඳ දිනපතා වාර්තා කර තබා ගන්නා ලෙස උපදෙස් දී තිබුණි.

නින්ද පිළිබඳ විද්‍යාත්මකව තේරුම් ගනිමු.

අප කොපමණ වේලාවක් නිදා ගත යුතුද?

මෙය වයස අනුව බලපායි. කුඩාම දරුවන්ට දිනකට පැය 17ක නින්දක් අවශ්‍ය වේ. නමුත් වයසින් වැඩෙත්ම නින්ද පැය 09ත් 10ත් දක්වා අඩුවනු ඇත.

වැඩිහිටියන්ට අවශ්‍ය වනුයේ පැය 07ක් 08ක් වැනි නින්දක්ය. කිසිම හේතුවක් නැතිව උදෑසන දෙකට හෝ තුනට අවදිවීම මානසික අවපීඩනයේ ලක්ෂණයක් බව හඳුනාගන්න. 

ඉතා අඩුවෙන් නින්ද යාම.

දුම්පානය, මත්පැන් පානය, අධික ලෙස ශරීරය වෙහෙසීම, අධික උෂ්ණත්වය, නිදා ගන්නා ස්ථානය වෙනස්වීම, දැඩි මානසික ආතතියකින් මනස පෙළීම, අධික ලෙස ආහාර ගැනීම ද නිසා ඔබේ නින්ද අඩුවිය හැකිය. 

සුවදායක නින්දකට අවශ්‍ය උපදෙස්

නින්දට යාම සඳහා නිශ්චිත වේලාවක් වෙන්කර ගන්න.

නින්දට යාමට පෙර සිත සැහැල්ලු කරගන්න.

ආගමික වතාවත් සඳහා යොමුවන්න.

භාවනාවක් පුරුදු කරන්න.

නිදි යහන, නිදන කාමරය ලස්සනට තබා ගන්න.

සවස් කාලයේදී යම් ව්‍යායාමයක යෙදෙන්න.

තේ සහ කෝපි වැනි පානයක් රාත්‍රී නින්දට පෙර ගැනීමෙන් වළකින්න. රාත්‍රී ආහාරය වේලාසනින් ගන්න.

මත්පැන් පානය අවම කරන්න. (අපහසුනම් වෛද්‍යවරයෙකු සමඟ සාකච්ඡා කරන්න).

ඔබ දැඩි ලෙස මානසික පීඩා විඳින යම් කරුණක් වේනම් නින්දට යාමට පෙර එය කොළයක ලියා තබන්න.

ඔබගේ මනසට හෝ සිතට වද දෙන කරදරකාර  සිතුවිලිවලින් ගැලවීමට අපහසු නම් ඒ පිළිබඳ වෛද්‍යවරයෙකු සමඟ සාකච්ඡා කරන්න.

වෛද්‍යවරයෙකුගේ උපදේශයෙන් තොරව නිදිපෙති ගැනීමෙන් වළකින්න. (මෙය ඉතාම හානිකර දෙයක් බව මතක තබාගන්න.)

කිරිබත්ගොඩ මූලික රෝහලේ 
මනෝ වෛද්‍ය නයනානන්ද කුමාරනායක