පැහැපත් සමක්‌ ජීවිතයට අත්‍යවශ්‍යම සාධකයක්‌ බවට වර්තමානයේ පත්ව ඇත. අද සමාජයේ බොහෝ දෙනා සම පැහැපත් කර ගැනීම සඳහා විවිධ වූ ක්‍රමවේද අනුගමනය කරනු දක්‌නට ලැබේ. මෙවැනි විශ්ව ක්‍රම අනුගමනය කිරීම තුළින් සම නොයෙක්‌ ආකාරයෙන් විවිධ ආසාධන තත්ත්වයන්ටද පත් කර ගත් අය බොහෝය. එසේම සම තුළ ඇතිවන විවිධ රෝගාබාධයන් ගැනද අප අසා ඇත. එම නිසා සමේ රෝග පිළිබඳ නැකත පාඨකයින් දැනුවත් කිරීම සඳහා මෙවර අප ආයුර්වේද වෛද්‍ය රත්පත රුවන් රත්නායක මහතා සමඟ සාකච්ඡා කළෙමු. මේ පළවන්නේ එහිදී අප හා පැවැසූ අදහස්‌වල සාරාංශයකි.
 
 සමෙන් ඉටුවන කාර්යයන් මොනවාද?
 
 * සිරුරේ ඇති අභ්‍යන්තර ඉන්ද්‍රයන් ආරක්‌ෂා කිරීම.
 
 * සිරුරේ ඇතැම් ස්‌ථානවලට හැඩයක්‌ ලබා දීම.
 
 * සිරුරෙහි උණුසුම නියත මට්‌ටමක තබා ගැනීමට දායකවීම.
 
 * ශරීරයට එකතු වූ විෂ, අපද්‍රව්‍ය බහිස්‍රාවී ක්‍රියාව මගින් බැහැර කිරීම.
 
 නමුත් විවිධ හේතූන් මත පැන නැගෙන ගැටලුකාරී තත්ත්වයන් ගණනාවකින් සම රෝගවලට ගොදුරු වේ. එය ශරීරයට බාහිරින් පැමිණෙන ක්‍ෂුද්‍ර ජීවී ආසාදනයක්‌ විය හැක. එවැනි බෝවන රෝග තත්ත්වයන් ස්‌පර්ෂයෙන්, ලිංගික ක්‍රියා මගින් හෝ අපිරිසිදුකමින් සම්ප්‍රේෂණය වේ. එවන් අවස්‌ථාවකදී වත්මනෙහි ඇති දියුණු තාක්‍ෂණික ක්‍රම මගින් නිපදවන ලද ක්‍ෂුද්‍ර ජීවී නාශක ඖෂධ වඩාත් යෝග්‍ය වුවද එසේ පිටතින් පැමිණෙන විෂබීජ මගින් සමෙහි ආසාදනයන් ඇති වන්නේ කුමක්‌ නිසාදැයි සලකා බැලිය යුතුය.
 
 සැබැවින්ම ඊට හේතු වනුයේ ක්‍ෂුද්‍ර ජීවීන්ට පහසුවෙන් වැඩිවීමට අවශ්‍ය පරිසර තත්ත්වයන් (උෂ්ණත්වය හා තෙතමනයන්) එම පුද්ගලයන්ගේ කායික අභයන්තර හේතුන් මගින් ඇතිවන බැවිනි. එවැනි අවස්‌ථාවලදී පිටතින් පැමිණෙන විෂබීජයන්ගේ ආසාදනයන් විකර්ෂණය කළ හැකි ඒවාට ඔරොත්තු දෙන ඉහළ ප්‍රතිශක්‌තීන් ගොඩනගා ගැනීමට දියුණු ආයුර්වේද වෛද්‍ය ක්‍රම ඇසුරු කිරීම යෝග්‍ය වේ.
 
 ක්‍ෂුද්‍රජීවී ආසාදනයන්ගෙන් තොරව එනම් බෝ නොවන තත්ත්වයන් යටතේ සමේ ස්‌වභාවික තත්ත්වයට හානි පමුණුවමින් හටගන්නා විවිධ සමේ රෝග නිට්‌ටාවටම සුව කර ගත හැකි ක්‍රමයන් තිබේදැයි සොයා බැලිය යුතුය.
 
 මෙවැනි අවස්‌ථාවලදී මිහිමත ඇති සියලු වෛද්‍ය ක්‍රම අභිබවමින් ආයුර්වේද වෛද්‍ය ක්‍රමය පෙරමුණේ සිටී.
 
 ඉහත කී බෝ නොවන සමේ රෝග ඇති වීමට ප්‍රධානතම හේතුව වන්නේ විවිධ හේතූන් නිසා රක්‌තය දූෂණයට ලක්‌වීමයි.
 
 රක්‌තය දූෂණය වන හේතු මොනවාද?
 
 * ශරීර ප්‍රකෘතිය උපතේ සිටම පුද්ගලයකුට උරුම වන "වා" "පිත්" "සෙම්" දොaෂයන් අතුරින් පිත් දොaෂයය අධික වූ උෂ්ණාධික ශරීර තත්ත්වයන් ඇති අයගේ සම පැසවීම බහුල වන අතර එයට "වා" "සෙම්" දොaෂ වල දායකත්වයෙන් සම වියළීම, ඉරිතැලීම හෝ කැසීම ආදී ලක්‌ෂණ මතුවේ.
 
 * ආහාර විහරණයන් පරිභෝජනය කරන ආහාරවල ආම්ලික ප්‍රභවයන් බිලිං, ගොරකා, සියඹලා, තක්‌කාලි අන්නාසි ආදී විටමින් සී පදාර්ථ බහුල ආහාරවල ඇති ඇස්‌කොබික්‌ ඇසිඩ්, සිට්‌රික්‌ ඇසිඩ් බහුලත්වය හේතුවෙන් සහ උෂ්ණාධික ආහාර (දෙල්, කිරි අල, ඉස්‌සෝ, දැල්ලෝ, බලමාළු, කකුළුවෝ) අධිකව පරිභෝජනය නිසා කෙලින්ම රක්‌ත දොaෂ ඇති වේ.
 
 ඊට අමතරව රාත්‍රි නිදි වැරීම, දහවල නිදාගැනීම, තද අව්වේ ගමන් බිමන් යැම, කෑ පිට කෑම, විරුද්ධ ආහාර භෝජනය මත්පැන් භාවිතය ආදී අහිතකර විහරණයන් (ක්‍රියාවන්) නිසා රක්‌ත දොaෂ හට ගනී.
 
 * ආහාර ජීර්ණ පද්ධතියේ දුර්වලතාවන් ඇතැම් පුද්ගලයන්ගේ ආහාර ජීර්ණයේ පවතින දුර්වලතාවන් නිසා ගන්නා ආහාර ශරීරයට ගත හැකි අවසාන ඵල දක්‌වා භේදනය නොවී අවශෝෂණය වී (මෙය ආයුර්වේද වෛද්‍ය විද්‍යාව තුළ ආමරසය හෙවත් අමු ආහාර රසය ලෙස දැක්‌වේ.) රක්‌තයට එකතු වීමෙන් නිරන්තරයෙන් රක්‌තය දූෂණය වේ.
 
 * මානසික හේතු මත - නිතර ඇතිකර ගන්නා වෛර ක්‍රෝධ සිතුවිලි, කනස්‌සල්ල, නිතර කේන්ති ගැනීම්, කාර්යබහුලත්වය නිසා ඇතිවන මානසික පීඩනය ආදී හේතූන් නිසා රක්‌ත දොaෂ හට ගනී.
 
 * දිගු කලක්‌ දියවැඩියාව පැවතීම - දැයවැඩියා රෝගයෙන් පෙළෙන්නන්ගේ රුධිරයට නිරතුරුවම විෂ කොටස්‌ එකතුවන්නේ එයද ආහාර ජීර්ණයේ විකෘතියක්‌ වන බැවිනි. දීර්ඝකාලීනව දියවැඩියාවට ඉවක්‌ බවක්‌ නැතිව පෙති ගිලින්නන් එමගින් සමේ රෝග වැනි අතුරු ආබාධ ඇති වන්නේ යෑයි නිතර මැසිවිලි නගති. "දියවැඩියා රෝගීන් පෙළෙන අතුරු ආබාධ සුවකළ හැකියි" යන මාතෘකාව යටතේ ඉදිරියේදී මේ පිළිබඳ දීර්ඝ ලෙස සාකච්ඡා කෙරේ.
 
 ඉහත හේතු නිසා හට ගන්නා වර්තමානයේ බහුල බෝ නොවන සමේ රෝග මොනවාද?
 
 * සමේ පලු දැමීම - ඇතැම් අයට විවිධ දැ ස්‌පර්ශ වීම (ශාක වල බූව, දළඹුවන් ආදී) නිසා විෂම වූ ආහාර වර්ග හෝ කෘමි දෂ්ඨන (මදුරුවන්. මකුණන්...) නිසා සිරුර පුරා පලු දැමීම සහ අසාත්මිකතාවලින් ආරම්භ වී ඇතැම් විට දරුණු පීඩාවන් ඇති කරවන අවස්‌ථා තිබේ.
 
 ඇතැම් අයට කැසීම් නිසා හෝ සවස්‌ කාලයේ දිය නෑම, ඇඟපත සේදීම වැනි අවස්‌ථා වල පලු දැමීම ඇති වේ. (කාන්තාවන් අතර මෙම තත්ත්වය බහුලය.)
 
 * මදුරුවන් දෂ්ඨ කළ විට හෝ ඉබේටම තැන් තැන් වල ඇති වන කුඩා බිබිලි විශේෂයන් කැසීම නිසා ඇතමුන්ගේ තුවාල හට ගනී. ක්‍රමයෙන් වේගවත්ව මේවා පැතිරී යයි. ඇතැම් විට තෙත් වු දියර වගුරයි. මෙවැනි පැතිරෙන සුළු තුවාල ශරීරයේ ඕනෑම තැනක හට ගත හැකිය.
 
 * ඊටත් වඩා ප්‍රබලව රක්‌ත දොaෂ ඇති අයට දෙපා වල දණහිසින් පහළ ප්‍රදේශවල සම පුපුරා තෙත දියර ගලන අධික කැසීම් සහිත වාතරක්‌ත අවස්‌ථාවන් මතුවේ. ඇතැම් විට මේවා පාද හෝ ඇඟිලි කරු ආශ්‍රිතව සන්දිවල කැසීම්වලින් ආරම්භ වේ.
 
 * සමේ රෝගවල දරුණුතම අවස්‌ථාව වනුයේ විවිධාකාරයෙන් හට ගන්නා කුෂ්ඨ රෝගයන් ය. මේවා බොහෝ විට පෙර භව වලදී කරන ලද අකුසල කර්මමයන්ගේ බලපෑම් මගින් ඇති වන පීඩාකාරී අවස්‌ථාවන් වේ.
 
 ඒ ඒ පුද්ගලයන්ට ආවේණික වූ කර්මානුරූප හේතුන් අනුව එවැනි කුෂ්ඨ රෝගවල ව්‍යාප්තිය සිදුවී ස්‌ථානගත වන බැවින් ඖෂධ ප්‍රතිකාරයන්ට සමගාමීවම මෛත්‍රී සහගතව සිදුකළ හැකි අධ්‍යාත්මික පුණ්‍ය ක්‍රියාවන්ට යොමු වීම මෙවැනි අවස්‌ථාවලදී සිදු කළ යුතුවේ.
 
 සමේ රෝග ඇතිවන බොහෝ අවස්‌ථාවලදී එම රෝගවලට සමගාමීව ඇති වන විවිධ වූ වෙනත් කායික රෝග ද හටගනී. ඇදුම, පීනස, අර්ශස්‌, බඩ පුරවා දැමීම, මළබද්ධය, බඩගින්න අඩුවීම හෝ අධික බඩගින්න ආශ්‍රිත ජීර්ණ පද්ධතියේ දොaෂ, (ගැස්‌ට්‍රයිටිස්‌ මේ අතුරින් ප්‍රධානත්වයක්‌ ගනී.) හිසේ කැක්‌කුම, නින්ද නොයාම, අධික නිදිමත, අධික ලෙස කේන්තියාම, ඇස්‌ කන් කැසීම, උගුරේ සෙම පැටලීම, සෙම්ගෙඩි, නිතර සෙම ඇවිස්‌සීම්, ආදී බොහෝ රෝග හා රෝග ලක්‍ෂණ අවස්‌ථානුකූලව ඒ ඒ පුද්ගලයන්ට ආවේණික ලෙස ප්‍රමුඛ වේ.
 
 විමර්ශනශීලීව ආයුර්වේද වෛද්‍ය විද්‍යාත්මක රීතීන්ට අනුව රෝග සුවපත් කිරීමේ නියෑළෙන්නට එක විට එක රෝග තත්ත්වයක්‌ හෝ ලක්‌ෂණයක්‌ පිළිබඳව පමණක්‌ සලකා බැලීමකින් තොරව ඉහත සියලු ලක්‌ෂණයන් හෝ රෝග තත්ත්වයන් පිළිබඳව පුළුල්ව සොයා බලා සැලසුම් සහගතව ප්‍රතිකාර කිරීමෙන් එවන් වූ සියලු රෝග නිට්‌ටාවවටම සුවකර ගත හැකිය.
 
 වත්මන් සමාජයේ බුද්ධිමත් විමර්ශනශීලී සියල්ලන්ම පාහේ ආයුර්වේද වෛද්‍ය ක්‍රමය පිළිබඳව තිරසාර විශ්වාසයක්‌ ගොඩනගාගෙන තිබුණද මෙම වෛද්‍ය කර්මයන් හිදී අමුද්‍රව්‍ය සොයා, කපා කොටා සකස්‌කරගෙන කෂාය තැම්බීම සහ වෙනත් ඖෂධ පිලියෙළ කරගැනීම් නිසියාකාරයෙන් සිදුකර ගැනීමට අපහසුවීම නිසා මෙම විශිෂ්ට වූ වෛද්‍ය ක්‍රමයට අවතීර්ණ නොවේ.
 
 නමුත් ඉපැරණි ප්‍රෙෘඪ ඉතිහාසයකට උරුමකම් කියන අපගේ හෙළ වෙදකමෙහි සශ්‍රීක මූලාශ්‍රයයන්ගෙන් පෝෂණය වූ රන්පත වෙද පරපුරෙහි විස්‌මිත වෙදකම් නිර්මාණශීලීව යාවත්කාලීන කර ඇත්තේ රෝග නිට්‌ටාවටම සුවපත් කර ගැනීමට නව මඟක්‌ විවර කරමිනි.
 
 ඕනෑම කාර්යබහුල අවස්‌ථාවන්හිදී රැකියාවන් කරන අතර තුර පහසුවෙන් භාවිතයට ගත හැකි ලෙස නියමිත ප්‍රමිතීන්ට අනුකූලව උත්කෘෂ්ට වූ ඖෂධීය ගුණයෙන් යුතු බෝතල් ලෙස පිළියෙල කළ කෂාය වර්ග, පෙති ලෙස සකස්‌ කළ කෂාය වර්ග, ගුලි වර්ග, කල්ක, චූර්ණ නිෂ්පාදනය කර ඇත්තේ විවිධ පීඩාවන්ගෙන් පෙළෙන සුවහසකගේ රෝග පහසුවෙන් නිට්‌ටාවටම සුවපත් කිරීම උදෙසාමය.

දියවැඩියාව රෝගයේ දී ස්‌නායු ආබාධ නිසා ඇති වන රෝග ලක්‌ෂණ පහළ වීම විවිධ ස්‌වරූපයෙන් ඇතිවිය හැක. ඇතැම් විටෙක සංවේදන විකෘතිතා ලෙස ද ඇතැම් විටක චාලක හෙවත් අවයවල ක්‍රියාකාරිත්වයේ විකෘතිතා ලෙස ද පුද්ගලයාගේ අනුදැනුමකින් තොරව සිදු කෙරෙන අනිච්ඡානුග ක්‍රියාකාරිත්වයන්ගේ විකෘතිතා ලෙස ද රෝග ලක්‌ෂණ පහළ විය හැක. බොහෝවිට මෙම රෝග ලක්‌ෂණ රෝගීන් හට විවිධ ආකාරයෙන් අවබෝධ විය හැක. වැඩි දෙනකුට අත් පාවල ඇති වන සංවේදන විකෘතිතා අත් පා වල ඇති වන හිරියක්‌ ලෙස දැනීමට පුළුවන. අත් පා වල දැවිල්ල, සීතල ගතිය හෝ පුපුරු ගැසීම ඉදිකටුවකින් අනින්නාක්‌ වැනි සියුම් වේදනාවක්‌ ලෙස හෝ අත් පාවල තද ගතියක්‌ ලෙස හෝ උණුසුම, සීතල සහ වෙනත් ස්‌පර්ශ සංවේදන සාමාන්‍ය කෙනකුට වඩා වැඩි තීව්‍රතාවකින් රෝගියා හට දැනීමට පුළුවන.

ඇතැමි කෙනකුට අතුල් පතුල් වල යමක්‌ ඇල වී ඇත්තාක්‌ සේ දැනීමක්‌ හැඟීමක්‌ ඇතිවිය හැක.

තවත් සමහරෙකුට ඇතැමි සංවේදන නොදැනීම, උණුසුම සීතල නොදැනීම හෝ සමහරවිටෙක යමක ගැටීමේ දී ඇති වන සාමාන්‍ය වේදනාවන් නොදැනීම, පැළඳ සිටින සෙරෙප්පු, පාවහන් වැනි දේ තමා නොදැනුවත්වම ගැලවී යැම ආදී විවිධ සංවේදන දුර්වලතා රෝගීනට ඇතිවිය හැක. මෙවැනි තත්ත්වයන් සමඟ ඇතැමි විට ඇවිදීමේ දී හෝ හිටගෙන සිටින විට දී සමබරතාව පවත්වා ගැනීමේ අපහසුව නිසා විසි වීම, වැටීම, ඇවිදීමේ දී අවට ඇති මේස පුටු ආදියේ හැප්පීම, පොළවේ ඇති ගල් වල ගොඩැලි ආදියේ ගැටීම, ඇතැම් විට මෙවැනි ගැටීම් නිසා පාද වල තුවාල වීම සහ තුවාලයක්‌ ඇති වූ බව රෝගියාහට නොදැනීම වැනි තත්ත්වයන් ඇති විය හැක.

සංවේදන විකෘතිතාවලට අමතරව අත් පා වල චාලක විකෘතිතා ඇති විය හැක. අත් වල මාංශ පේශි වල ඇති වන අප්‍රාණිකත්වය නිසා අත් වලින් සිදු කරන සියුම් ක්‍රියාකාරකම් නිසි පරිදි කිරීමට අපහසු විය හැක. එදිනෙදා පරිහරණය කරන විවිධ උපකරණ එනම් පිඟන් කෝප්ප හැඳි ගෑරුප්පු යතුරු පෑන පැන්සල වැනි උපකරණ නිසි පරිදි හැසිරවීමේ අපහසුතාවන් අත්වල හට ගන්නා චාලක නියුරෝන විකෘතිතා වල මූලික අවස්‌ථාවේ දී ඇති වී රෝග තත්ත්වය වර්ධනය වීමත් සමඟ බර එසවීමේ අපහසුව, ඇඟිලි චලනය කිරීමේ අපහසුව, උරහිස මට්‌ටමෙන් ඉහළට අත් එසවීමේ අපහසුව සහ අත් වල සම්පූර්ණ අප්‍රාණිකත්වය ආදී නොයෙකුත් ආකාරයේ දුෂ්කරතා ඇතිවීමට පුළුවන. පාද වල හට ගන්නා චාලක නියුරෝන විකෘතිතා වලදී මුල් අවස්‌ථාවේ දී පාදයේ මහපටැඟිල්ලේ අප්‍රාණිකත්වය, වළලුකර සන්ධිය නිසි පරිදී ක්‍රියා නොකිරීම, පාද තල නිසි පරිදි එසවීමේ අපහසුව ඒ නිසා ඇවිදීමේ දී ඇතැම් විට පා ඇඟිලි බිම දිගේ ඇදී යැම පියගැට පෙළ නැඟීමේ බැසීමේ අපහසුව සමබරතාව පවත්වා ගැනීමේ අපහසුව වාඩි වී සිටින අසුනින් නැගිටීමේ අපහසුව දණහිස සන්ධියෙන් බර උසුලා ගැනීමට නොහැකි ව, දණහිස්‌ සන්ධි වලංගු නොමැතිව ඇද වැටීම, දෙපා කලවා උකුල අප්‍රාණිකව එකතැන් වීම සහ දෙඅත් දෙපා සම්පූර්ණයෙන්ම හෝ අර්ධ වශයෙන් අප්‍රාණික වීම වැනි තත්ත්වයන් ඇතිවිය හැක.

ඉහත සඳහන් සංවේදක සහ චාලක නියුරෝනවල ඇති වන විකෘතිතාවලට අමතර ව පුද්ගලයාගේ අනුදැනුමකින් තොරව ක්‍රියාත්මක වන ස්‌වයංසාධක ස්‌නායු පද්ධතියේ ඇති වන විකෘතිතා ද දියවැඩියා රෝගීන් හට ඇති වීමට පුළුවන. ස්‌වයංසාධක ස්‌නායු පද්ධතියේ ක්‍රියාකාරිත්වය අනුව පාලනය වන ව්‍යqහයන් වන හෘදය රුධිර වාහිනී ආමාශයාන්ත්‍රික ව්‍යqහය සහ මෞත්‍රලිංගික පද්ධතිය ආශ්‍රිත විකෘතිතා ඇති විය හැක. එහිදී හෘදයේ සංකෝචන ප්‍රසාරණ ක්‍රියාකාරිත්වයේ රිද්මීය විකෘතිතා, රුධිර පීඩනයේ වෙනස්‌ කම් සහ ලිංගික අප්‍රාණිකත්වය වැනි තත්ත්වයන් ඇති විය හැකි අතර තවත් විවිධ රෝග ලක්‌ෂණ පහළ වීමට පුළුවන. සමහර විටෙක රෝගියාට තම හෘදයේ ගැස්‌ම දැනෙන්නට පටන් ගනී. රුධිර පීඩනයේ වෙනස්‌කම් නිසා ක්‌ලාන්තය, කරකැවිල්ල, හිසරදය, අවධානය යොමුකිරීමේ අපහසුව, කැළඹිලිකාරී මානසික ස්‌වභාවය, ඇඟපත අප්‍රාණික බව, කම්මැලි ස්‌වභාවය, නිතර ඇති වන හිස බර බව සහ නිදිමත ගතිය වැනි අපහසුතා ද වමනය ඔක්‌කාරය වැනි තත්ත්වයන් ද, ගිලීමේ අපහසුතාව, මළ බද්ධය හෝ අතීසාරය වැනි තත්ත්වයන් ද ඇති වීමට පුළුවන. ඉහත සඳහන් රෝග ලක්‌ෂණවලට අමතරව පීඩාවට පත් වන ස්‌නායුව සහ එමගින් පාලනය කරන අවයවය හෝ ඉන්ද්‍රිය අනුව විවිධ වෙනත් රෝග ලක්‌ෂණ සහ අපහසුතා ද ඇති විය හැක. මෙම රෝග ලක්‌ෂණ වෙනත් රෝග පීඩා වලදී ද ඇති විය හැකි බැවින් රෝග තත්ත්වය නිවැරදිව හඳුනාගත හැක්‌කේ මනා වෛද්‍ය පරීක්‌ෂණයකින් පමණක්‌ බව අවබෝධ කර ගත යුතුය. මෙවැනි තත්ත්වයන් නොසලකා හැරීම නිසා හෝ නිසි පරිදි හඳුනාගෙන ඊට සුදුසු ප්‍රතිකර්ම නොගැනීම නිසා බොහෝ දරුණු උපද්‍රවකාරී තත්ත්වයන්ට රෝගියා ගොදුරු විය හැක. මෙවැනි ස්‌නායු පීඩා ඇති වීම වැළැක්‌වීමටත්, වඩාත් සාර්ථක ලෙස පාලනය කිරීමට හෝ සුවපත් කිරීමටත් ආයුර්වේද ප්‍රතිකාර මහත් සේ උපකාරී වන බව අවබෝධ කර ගත යුතු ය.

ස්‌මාර්ට්‌ ජංගම දුරකථන (Smart Mobile Phone) නවීන තාක්‌ෂණික පහසුකම් භාවිත කරන වර්තමාන සමාජයේ අත්‍යවශ්‍ය උපකරණයක්‌ බවට පත්ව ඇත.

පුද්ගල සන්නිවේදන කටයුතු සඳහා සමාජ ජාලය ඔස්‌සේ තොරතුරු ලබා ගැනීමට දැනුම වැඩිකර ගැනීම සඳහා පහසුකම් සපයා ගැනීමට ගමන් මාර්ග තොරතුරු දැන ගැනීමට දින පොතක්‌ ලෙස භාවිතා කිරීමට වේලාව දැනුම් දෙන උපකරණයක්‌ ලෙස භාවිත කිරීමට (Alarm) තමා ප්‍රියකරන ගීත ගබඩා කරගෙන අවශ්‍ය මොහොතක රසවිඳීමට ආදී කටයුතු රැසක්‌ ක්‍ෂණිකව සිදුකර ගත හැකි නිසා ස්‌මාර්ට්‌ ජංගම දුරකථනය තරුණ තරුණියන් ඇතුළු බොහෝ දෙනාගේ ආකර්ශනය දිනාගෙන තිබේ.

එය කොතෙක්‌ද යත් ශ්‍රී ලංකාවේද භාවිත වන ජංගම දුරකථන සංඛ්‍යාව ජනගහණයට වඩා දෙගුණයකි.

ඇමෙරිකා එක්‌සත් ජනපදයේ වයස අවුරුදු 11 ත් 15 ත් අතර නව යොවුන් වියේ පසුවන දැරියන් අතර ස්‌මාර්ට්‌ ජංගම දුරකථන භාවිතය පිළිබඳව සිදුකළ සමීක්‍ෂණයකට අනුව ඔවුන් ජංගම දුරකථනයක්‌ දිනකට පැය 3 - 4 ක්‌ එක දිගට භාවිත කරන බවත් දිනකට දුරකථන පණිවුඩ 50 ක්‌ පමණ හුවමාරු කරගන්නා බවත් අනාවරණය වී ඇත.

මේ අනුව ස්‌මාර්ට්‌ ජංගම දුරකථනයත් තරුණ පරපුරත් අතර සමීප සම්බන්ධතාවක්‌ ඇති බව වටහාගත හැකිය.

එලෙස මෙම දුරකථන සමීප සම්බන්ධතාවය නිසාම එය ඔවුනගේ ශරීර සෞඛ්‍යයට ද බලපෑම් එල්ල වන්නට පටන් ගෙන ඇත.

වෛද්‍යතුමනි, ස්‌මාර්ට්‌ ජංගම දුරකථනය අපගේ සෞඛ්‍යයට බලපාන්නේ කෙසේද?

ලෝක සෞඛ්‍ය සංවිධානයේ නිර්වචනයට අනුව යම් පුද්ගලයකු නිරෝගී සෞඛ්‍යසම්පන්නව ජීවත්වන බව තීරණය කරනුයේ ශාරීරික, මානසික සහ සමාජයීය නිරෝගීතාවය අනුවය.

ඒ අනුව යම් පුද්ගලයකු ශාරීරිකව යම් රෝගයකට ලක්‌ව සිටී ද එම තැනැත්තා නිරෝගී සෞඛ්‍ය සම්පන්න නැත. එසේම මානසික සහ සමාජීය වශයෙන් රෝගීව සිටීද එවැනි පුද්ගලයන්ද නිරෝගී සෞඛ්‍ය සම්පන්න නැත.

ස්‌මාර්ට්‌ ජංගම දුරකථනයට අසීමිතව භාවිත කරන විට ඊට ඇබ්බැහි වීමක්‌ සිදුවේ. එය හොඳින් වැටහෙන්නේ ජංගම දුරකථනය අසීමිතව භාවිත කරන පුද්ගලයකුගෙන් එම දුරකථනය පැය කිහිපයකට හෝ අහිමි වූ විටදීය. එවිට එම තැනැත්තා දැඩි කනස්‌සල්ලට පත්වේ. ඇතැම් විට මානසික පීඩාවට ද ලක්‌වේ.

ඊට අමතරව ස්‌මාර්ට්‌ ජංගම දුරකථන දිනපතා දිගු වේලාවක්‌ විවිධ ඉරියව් යටතේ භාවිත කිරීමේදී කායික ගැටලුවලටද ලක්‌වේ.

බෙල්ලේ කැක්‌කුම, හන්දි සහ මාංශ පේෂිවල වේදනාව, ස්‌නායු වේදනාව, නිතර ආසාදන රෝගවලට ගොදුරුවීම ඇස්‌වල ආබාධ ඇතිවීම නින්දට බාධා ඇතිවීම, ශරීරයේ බර වැඩිවීම, මාර්ග අනතුරුවලට ලක්‌වීම වැනි කායික රෝග රැසක්‌ ස්‌මාර්ට්‌ ජංගම දුරකථන භාවිතයට ඇබ්බැහිවීම නිසා ඇතිවේ.

වර්තමානයේ බෙල්ලේ වේදනාව, අත්වල ඇඟිලි හිරිවැටීම සහ වේදනාව වැනි රෝගාබාධ ඇති බවට පවසමින් ප්‍රතිකාර සඳහා එන තරුණ තරුණියන් බහුතරයට එම රෝග හට ගෙන ඇත්තේ ස්‌මාර්ට්‌ ජංගම දුරකථන අසීමිත ලෙස දිනපතා භාවිත කිරීම නිසා බව ඔවුන්ගේ රෝග නිධාන පිළිබඳව සොයා බලනවිට හෙළිවී ඇත.

ස්‌මාර්ට්‌ ජංගම දුරකථන භාවිතය නිසා ඇතිවන කායික රෝග සහ ඊට ප්‍රතිකාර ලබන සතියේ විමසා බලමු.

දැනට දශක ගණනාවක සිටම වෛද්‍ය මතය වී පැවතිනුයේ සම්පූර්ණ යොදය සහිත කිරි (ෆුල් ෆැට්‌ මිල්ක්&zwnj සංතෘප්ත මේදය (සැටුරේටඩ් ෆැට්‌ස්&zwnj අන්තර්ගත වීම හේතුවෙන් හෘදය වස්‌තුවට හිතකර නොවන බව හා ඒ හරහා බෝ නොවන රෝගවලට අත වැනීමක්‌ සිදුවන බවයි. මේ නිසාම එම සංතෘප්ත මේදය හරහා ශරීරයේ බර වැඩිවීම සිදුවන බවට විශ්වාස කිරීම හේතුවෙන් බොහෝ දෙනකු දැනටත් යොදය රහිත (නන්ෆැට්&zwnj හෝ යොදය අඩු (ලෝ ෆැට්&zwnj කිරි හා කිරිපිටි පානයට හුරු වී සිටිති. එහෙත් සම්පූර්ණ යොදය සහිත කිරි හෘදය වස්‌තුවට හිතකර බව නොබෝදා ඩෙන්මාර්කයේ, කෝපන්හේගන් විශ්වවිද්‍යාලයේ පර්යේෂකයින් පිරිසක්‌ විසින් සිදුකරන ලද පර්යේෂණයකදී අනාවරණය කරගෙන තිබේ.

මෙම පර්යේෂණයට අනුව රුධිරගත හොඳ කොලෙස්‌ටරෝල් හෙවත් "එච්. ඩී. එල්" (ගුඩ් හයි ඩෙන්සටි ලිපෝප්‍රොaටීන්යි. කොලෙස්‌ටරෝල්) මට්‌ටම වර්ධනය කර හෘද රෝග වැළඳීමේ අවදානම අඩු කරලීමට සම්පූර්ණ යොදය සහිත කිරි පානය මහෝපකාරී වන බව අනාවරණය වී තිබේ.

මෙම පර්යේෂණයට සහභාගි වූ නිරෝගී වැඩිහිටි ස්‌වෙච්ඡා සේවකයින් 18 දෙනෙකුට දිනකට සම්පූර්ණ යොදය සහිත කිරි හෝ මේදය ඉවත් කළ කිරි මිලි ලීටර් 500 බැගින් දිනපතා සති තුනක කාලයක්‌ පානය කිරීමට සලස්‌වා තිබේ.

අනතුරුව අනිකුත් වර්ගවල කිරි ඒ අයුරින් ම දිනපතා ඔවුන්ට පානය කිරීමට ලබාදී ඔවුන්ව පරීක්‍ෂාවට ලක්‌කර තිබේ.

මෙහිදී පරීක්‍ෂණයට සහභාගි වූවන්ගේ රුධිරගත මේදය ප්‍රමාණයන්ට විශේෂයෙන් ම හොඳ කොලෙස්‌ටරෝල් (එච්. ඩී. එල්) හා නරක කොලෙස්‌ටරෝල් (එල්. ඩී. එල්) මට්‌ටම සඳහා විවිධ වර්ගයේ කිරි වර්ග බලපානු ලබන අයුරු පරීක්‍ෂා කර තිබේ.

මෙම පරීක්‍ෂණයේදී දිනපතා සම්පූර්ණ යොදය සහිත කිරි පානය කිරීම හා හෘද රෝග වැළඳීම අතර සම්බන්ධතාවක්‌ නොමැති බව පෙනී ගොස්‌ ඇති අතර දෙවැනි සතියේ දියවැඩියාව වැළඳීමට ද එම කිරි පානය කිරීමේ සම්බන්ධතාවක්‌ නැති බව තහවුරු වූ බව පර්යේෂකයෝ පවසති.

මෙයට පෙර මෑතකදී සිදු කරන ලද අධ්‍යයනයකදී හෙළි වී ඇත්තේ සම්පූර්ණ යොදය සහිත කිරි පානය දියවැඩියාව වැළඳීමේ අවදානම අඩු කරලන බවයි.

නවතම පර්යේෂණයන්ට අනුව ඩෙන්මාර්ක්‌ පර්යේෂකයින් විසින් පෙන්වා දෙනුයේ හෘදය වස්‌තුවේ ධමනිවල තැන්පත් වන නරක කොලෙස්‌ටරෝල් අක්‌මාව වෙත රැගෙන ගොස්‌ එය කුඩා අංශුවලට කඩා ශරීරයෙන් බැහැර කිරීමට හේතු වන හොඳ කොලෙස්‌ටරෝල් ප්‍රවර්ධනය කිරීමට සම්පූර්ණ යොදය සහිත කිරිවලට හැකි බවයි.

2016 වසරේදී පර්යේෂකයින් විසින් මෙම මතය බිඳලමින් කියා සිටියේ මෙතෙක්‌ විශ්වාස කළ පරිදි අඩු මේදය සහිත චීස්‌ ආහාරයට ගැනීමෙන් කොලෙස්‌ටරෝල් මට්‌ටම, අධි රුධිර පීඩනය හෝ ඉණෙහි ප්‍රමාණය අඩු නොකරන බවයි.

මාස තුනක කාලයක්‌ ස්‌වෙච්ඡා සේවකයන් පිරිසකට සාමාන්‍ය යොදය සහිත චීස්‌ හා අඩු මේදය සහිත චීස්‌ අනුභව කිරීමට සැලැස්‌වුවද එම කාලය අවසානයේ පෙනී ගොස්‌ ඇත්තේ එම චීස්‌ දෙවර්ගයම අනුභව කළ අයගේ හෘද රෝග වැළඳීමේ අවදානමෙහි වෙනසක්‌ නොමැති බවයි.

මෙම පර්යේෂණ පත්‍රිකාව 'යුරෝපියන් ජ(ර්)නල් ඔෆ් ක්‌ලිනිකල් නියුටි්‍රෂන්' හි පළකර තිබේ.

ඒමන්ති මාරඹේ

වරක්‌ එන්නත් කිරීමෙන් ශරීරය පුරාම පැතිර ඇති පිළිකා සෛල විනාශ කරලන අතුරු ආබාධ අවම හෝ කිසිදු අතුරු ආබාධයක්‌ ඇති නොවන පිළිකා නාශක එන්නතක්‌ නිපදවීමට ඇමරිකා එක්‌සත් ජනපදයේ ස්‌ටැන්ෆ්ර්ඩ් විශ්වවිද්‍යාලයේ පර්යේෂකයින් පිරිසක්‌ සමත්ව තිබේ.

දැනට පිළිකාවන්ට ප්‍රතිකාර කිරීම සඳහා පුළුල් වශයෙන් භාවිත වන 'කීමෝතෙරපි' ඇතුළු පිළිකා නාශක ප්‍රතිකාරයන් නිපදවා ඇති පර්යේෂකයින් කණ්‌ඩායම මෙම නව එන්නත ද නිපදවා තිබේ.

මෙම එන්නත මීයන් සම්බන්ධව සිදු කරන ලද අත්හදා බැලීමකදී එක්‌ එන්නතක්‌ පිළිකා සෛලයකට එන්නත් කිරීමෙන් සිරුර පුරා පැතිර යා හැකි පිළිකා සෛල විනාශ කර මුළු සිරුරටම පිළිකාවෙන් ආරක්‍ෂාව ලබා දෙන බව තහවුරු වී ඇතැයි පර්යේෂකයින් උපුටා දක්‌වන එක්‌සත් රාජධානියේ පළවන 'ඩේලි මේල්' පුවත්පත පවසයි.

මෙම එන්නත පිළිකාවන්ට එරෙහිව සටන් කිරීම සඳහා සිරුරෙහි ප්‍රතිශක්‌තිකරණ පද්ධතිය ක්‍රියාකරවන සංයෝගයන් දෙකකින් සමන්විත වන අතර මීයන් සම්බන්ධයෙන් සිදු කරන ලද අත්හදා බැලීම්වලදී ලැබී ඇති සාර්ථක ප්‍රතිඵල හේතුවෙන් එන්නත වසා පද්ධතිය ආශ්‍රිත පිළිකාවන්ගෙන් පෙළෙන රෝගීන් 15 දෙනකුට සායනික මට්‌ටමින් අත්හදා බැලීමට පර්යේෂකයෝ තීරණය කර තිබේ. මීයන් සම්බන්ධයෙන් සිදු කරන ලද අත්හදා බැලීමේදී මීයන්ගේ ශරීරය පුරාම පැතිර තිබූ පිළිකා සෛල විනාශ කරලීමට මෙම එන්නත සමත් වූ බව ස්‌ටෑන්ෆ්ර්ඩ් විශ්වවිද්‍යාලයේ පිළිකා රෝග විශේෂඥ වෛද්‍ය මහාචාර්ය රොනල්ඩ් ලෙවි පවසයි.

මහාචාර්ය ලෙව්ට අනුව මෙම පිළිකා නාශක එන්නත විවිධ වර්ගයේ පිළිකාවන් සඳහා සාර්ථකව යොදා ගැනීමේ හැකියාව පවතී. "එහෙත් මෙම ප්‍රතිකාරවල අතුරු ආබාධයන් බොහොමයක්‌ පවතී."

අප විසින් නිපදවා ඇති පිළිකා නාශක එන්නතෙහි ඇති විශේෂත්වය නම් සංයෝගයන් දෙකක්‌ සුළු වශයෙන් යොදා ගෙන පිළිකා සෛලය ඉලක්‌ක කරගෙන භාවිත කිරිමයි, මෙම එන්නත වරක්‌ දුන් විට මීයන්ගේ ශරිරය පුරා තිබූ පිළිකා සෛලයන් විනාශ කර ශරීරයෙන් තුරන් වූ අයුරු දැක ගත්තා" යෑයි මහාචාර්ය ලෙවි සඳහන් කර තිබේ. මිනිසා සම්බන්ධයෙන් මෙම එන්නත අත්හදා බැලීමේදී අඩුම මට්‌ටමින් වසා සෛල පිළිකාවන් පැතිර ඇති රෝගීන් 15 දෙනෙකු ඒ සඳහා යොදා ගැනීමට මහාචාර්ය ලෙවි ප්‍රමුඛ පර්යේෂණ කණ්‌ඩායම කටයුතු යොදා ඇති අතර මෙම අත්හදා බැලීම සාර්ථක වුවහොත් එය මිනිසාගේ විවිධ පිළිකා සෛලවලට ප්‍රතිකාර කිරීම සඳහා යොදා ගැනීමට ඔවුහු බලාපොරොත්තු වෙති.

සංස්‌කරණය - ඒමන්ති මාරඹේ, උපාලි ද සේරම්, වසන්තා ශ්‍රියාකාන්ති