බෝ නොවන රෝග අතරින් ආමාශගත රෝගයක්‌ ලෙස ප්‍රධාන තැනක්‌ ගනු ලබන ගැස්‌ට්‍රයිටිස්‌ රෝගය නිසාවෙන් වර්තමාන සමාජයේ බාල වැඩිහිටි වයස්‌ භේදයකින් තොරව පොදුවේ සෑම දෙනෙක්‌ම දරුණු ලෙස පීඩා විඳින බව පෙනී යන්නකි.

අප බොහෝ කාලයක්‌ පුරා ආහාර ගැනීමේදී ඇතිකරගෙන සිටින අයහපත් ආහාර පුරුදු හා ආහාරයේ පමණ නොදැන අනුභව කිරීම මෙම රෝගී තත්ත්වයට ප්‍රධාන හේතුව වී ඇත.

මෙම රෝගයේ යථා ස්‌වභාවය පරීක්‌ෂා කර බැලීමේදී පෙනී යන්නේ උදර කුහරය තුළ (ආමාශය) අධික පීඩනයක්‌ පැවතීම නිසාවෙන්, උදර කුහරය තුළ ඇති වාතය දරුණු ලෙස වර්ධනය වී තිබීමය. තවත් බොහෝ දෙනෙකුට ආමාශය තුළ ඉවසිය නොහැකි දැවිල්ලක්‌ ඇති බව පවසයි. මෙම තත්ත්වයට හේතුව වන්නේ, ආමාශයේ ඇතිවී තිබෙන සියුම් තුවාලයි. මෙම තුවාල නිසි ලෙස සුව නොවන තාක්‌කල් රෝගියා ගැස්‌ට්‍රයිටිස්‌ රෝගයෙන් පෙළේ. වර්තමානයේ මෙම රෝගී තත්ත්වයට නොයෙක්‌ ප්‍රතිකාර කිරීමෙන් බොහෝවිට ලබාගත හැක්‌කේ, තාවකාලික සුවයක්‌ පමණකි. නමුත් ගැස්‌ට්‍රයිටිස්‌ රෝගය නිට්‌ටාවට සුවකර ගැනීමට පාරම්පරික හෙළ ඔසු බොහොමයක්‌ පවතින අතර එමගින් අත්දුටු හා ප්‍රත්‍යක්‌ෂ රෝග නිවාරණයක්‌ කරා යා හැකි බවද තහවුරු වී ඇති බව කිව යුතුය.

හිස කැරකැවිල්ල, වමනය, අතපය දරදඬුවීම ආදී රෝග ලක්‌ෂණ මෙම රෝගී තත්ත්වය උත්සන්න වීම හේතුවෙන් පෙන්නුම් කරයි.

මෙම රෝගය ඇතිවීමට ප්‍රධාන වශයෙන්

Õ නිසි වෙලාවට ආහාර නොගැනීම සහ සමබර ආහාර වේලක්‌ නොගැනීම

Õ නොදිරවන සුලු ආහාර, පිටි වර්ග බහුල ආහාර ගැනීම (විශේෂයෙන් ඊට්‌ස්‌ අඩංගු ආහාර) මෙන්ම අධික තෙල් සහිත කෑම බහුල වශයෙන් ආහාරයට ගැනීම (ෂෝට්‌ඊස්‌ට්‌ වර්ග)

Õ ක්‌ෂණික ආහාරවලට ඇබ්බැහිවීම (Junk Foods)

Õ මානසික ආතතිය (Stress)

Õ මත්පැන් පානය කිරීම

Õ වෛරය, ක්‍රෝධය, ඊර්ෂ්‍යාව වැනි සිතේ ඇතිවන කිළිටි සහගත සිතුවිලි ආදී ප්‍රධාන හේතු වේ.

විශේෂයෙන් ගැස්‌ට්‍රයිටිස්‌ රෝගයෙන් පෙළෙන අයෙක්‌ අවධානය යොමු කළ යුතු කරුණු වන්නේ

Õ නිසි වේලාවට සමබර ආහාර වේලක්‌ ලබා ගැනීම.

Õ අධික ශීතල මෙන්ම අධික උෂ්ණ ආහාර පානයන්ගෙන් වැළකී සිටීම.

Õ රාත්‍රියට පිටි සහිත ආහාර ගැනීමෙන් වැළකීම.

Õ ආහාර ජීරණය වීමට ඔබ ගන්නා ආහාර පාන මෙන්ම මානසික සමබරතාවය අත්‍යවශ්‍ය බැවින් සැමවිටම මානසික ආතතියෙන් තොරව මානසික සුවයෙන් කල් ගෙවිය යුතුය.

Õ තමන් ගන්නා ආහාර වේලට තන්තු බහුල ආහාර, විශේෂයෙන් ධාන්‍ය වර්ග, එළවළු වර්ග එකතු කර ගැනීමෙන් මෙම රෝගයෙන් ආරක්‌ෂා විය හැකිවේ.

Õ එමෙන්ම යහපත් ජීවන පැවැත්මක්‌ ඇති කර ගැනීම වැදගත්වන බව කිව යුතු වේ.

මෙම රෝගය පිළිබඳව වැඩි දුරටත් කථාබහ කිරීමේදී කනගාටුවෙන් වුවද කථා කළ යුත්තේ වන්නේ අද මෙම රෝගී තත්ත්වයට පාසල් දරුවන්ද ගොදුරුවී පැවතීම සම්බන්ධයෙනි. ඊට ප්‍රධාන හේතුව වී ඇත්තේ පාසල් දරුවන්ගේ ජීවන රටාවට අහිතකර අයුරින් අධ්‍යාපන රටාව පවත්වාගෙන යාම බව කිව යුතුය. ඒ අතර,

Õ දරුවන්ට නිසිලෙස වැඩීමට අවශ්‍ය පෝෂණ ගුණයෙන් සපිරි සමබර ආහාර වේලක්‌ නොලැබීම.

Õ ඒ වෙනුවට ඔවුන්ට ක්‌ෂණික ආහාරයක්‌ හෝ පාන්, බනිස්‌ සමඟ ෂෝට්‌ඊට්‌ස්‌ වැනි දේ ලබාදීම.

Õ දරුවන් කෙළිදෙලෙන් ගතකරන ළමා කාලය ඔවුන්ට අහිමි කරමින් අනවශ්‍ය ලෙස ඔවුන් උපකාරක පන්තිවලට යොමුකිරීම.

දරුවා දවසේ වැඩි කොටසක්‌ අසුන්ගෙන සිටීම නිසා දරුවාගේ ආමාශයේ වාතය තදින් තෙරපීමකට භාජන වීම මෙන්ම දරුවාගේ ශාරීරික ක්‍රියාකාරිත්වය අවම වීම.

මන්ද ඉහත පැවසූ ආකාරයට නිසි අහරක්‌ කුසට නොලැබෙන දරුවාට මවුවරුන් විසින් කුමන හෝ යමක්‌ කුසට පුරවා උපකාරක පන්ති සඳහා යොමු කිරීම නිසා මෙම රෝගී තත්ත්වය තීව්‍ර වන බව දෙමව්පියන් වන ඔබ සිතිය යුතුම කරුණකි.

ඇළේ දොළේ සිසිල කැටිකර ගනිමින් වෙල් එළියේ දුව පැන නටපු අපේ දුවා දරුවන් වර්තමානයේ නාන කාමරයට සීමාවී ස්‌නානය කිරීමට සිදුවීමද, එයද නිදහසේ සිදුකර ගැනීමට පවා ඔවුන්ට කාලය හරස්‌වීම නිසාවෙන් ඔවුන්ගේ ශරීරයේ පවතින උෂ්ණත්වය නිසියාකාරව බැහැර නොවීමද, ගැස්‌ට්‍රයිටිස්‌ රෝග තත්ත්වය උග්‍රවීමට ප්‍රධාන ලෙස බලපායි.

දරුවන් දවසේ වැඩි කාලයක්‌ සපත්තු පැළැඳ සිටීම නිසා දරුවන්ගේ පාදවලින් රස්‌නය පිටව නොයැම නිසා දරුවන්ගේ ශරීර උෂණත්වය හරියාකාරව බැහැර නොවීමද ගැස්‌ට්‍රයිටිස්‌ රෝගී තත්ත්වය උග්‍ර වීමට සෘජුම හෝ වක්‍රව බලපෑම් සිදු කරයි.

එදා මානසික සුවයෙන් කෙළිදෙළෙන් ගත කරනු ලැබූ දරුවන්ට ගහක ඉදුනු පලතුරක්‌ කඩා ගෙන කෑමට ඕනෑ තරම් අවකාශය තිබුණද, අද වන විට ඒ සියල්ලම ඔවුන්ට අහිමිව ගොස්‌ තිබේ. කාබයිට්‌ ගසා ඉදවනු ලැබූ පලතුරු හැර සාමාන්‍ය ලෙස ගහේ ඉදුණ ගුණදායක පලතුරක්‌ අනුභව කිරීමට ලැබෙනුයේ කීයෙන් කීදෙනෙකුටද?

මෙය අනාගත පරපුරේ ඉතාම අභාග්‍ය සම්පන්න ඉරණමක්‌ බව පෙන්වා දිය හැකි අතරම, මෙම අභාග්‍ය සම්පන්න තත්ත්වයෙන් අනාගත පරපුර බේරාගැනීමට අප දියත්කර ඇති මහා කඩුපුල් සංවිධානය මගින් ගමින් ගමට ගොස්‌ අහිංසක අසරණ රෝගීන්ට පිළිසරණ වෙනවාත් සමගම නිරෝගිමත් සමාජයක්‌ අනාගතයට දායාද කිරීමට අපි වෙත එන සියලු දෙනාම දැනුවත් කරමින් ජාතික මට්‌ටමින් පූර්ණ අනුග්‍රාහකත්වයක්‌ සපයමින් අපේ සංවිධානය මේ වන විටත් කටයුතු සිදුකරමින් පවතී.

මතු පරපුර රැක ගැනීම මෙන්ම නිරෝගිමත් අනාගත පරපුරක්‌ රටට දායාද කිරීම ඔබේද මගේද වගකීම ලෙස සලකා නොපමාව ක්‍රියාකිරීමට කාලය එළැඹ ඇති බව පසක්‌ කළ යුත්තකි.

ප්‍රශ්නය - පසුගිය සතියේ අප සාකච්ඡා කළේ කොඳුඇට පෙළේ ඇට පුරුක්‌ අතර කාටිලේජ දියවීම නිසා පිට මැදින් පහළට නිශ්ක්‍රීය වූ අයකු ගැන. එම තැනැත්තාගේ කාටිලේජ දිරා යැමට හේතු වූයේ හදිසි අනතුරකින් ඇට පුරුක්‌වලට හානි වූ නිසයි. අද ඔබ අපට කියන්නට ඕනෑ ඔබ මේ තත්ත්වයට ප්‍රතිකාර කළේ කොහොමද කියන එක.

වෛද්‍ය එම්. ඒ. මදනායක - වෛද්‍යවරයකුගෙන් ප්‍රසිද්ධියේ නෑසිය යුතු ප්‍රශ්නයක්‌ තමයි රෝගියාට කළ බෙහෙත කුමක්‌ද කියන එක. එය දැන ගැනීමේ අයිතිය තිබෙන්නේ රෝගියාටත්, ඔහුගේ හෝ ඇයගේ භාරකරුවන්ටත් විතරයි. ලෙඩකට බෙහෙත් හදන හැටි ප්‍රසිද්ධියේ කීවම කම්මලේ යකඩ තලන අයත්, කුඹුරු කොටන අයත්, ක්‌ලාක්‌ මහත්තයාත්, කිසිදු දැනුමක්‌ නැතිව හොර වෙදුන් වීමට බලා සිටින අයත් බෙහෙත් හදා ප්‍රතිකාර කරන්න පටන් ගන්නවා. එවිට රෝගීන් මැරෙනවා. අඩු ගණනේ ඇඳකට වෙලා අවුරුදු කිහිපයක්‌ විවේකීව ජීවත් වෙන්න පුළුවන් රෝගියා සතියකින් මැරෙනවා. ඒ නිසා අපට බෙහෙත් කිව හැක්‌කේ එක්‌කෝ දළ වශයෙන්. නැත්නම් අත් බෙහෙත් විදියට. හැබැයි කොඳු ඇටවල කාටිලේජ දිය වෙනවාට අත්බෙහෙත් නැහැ. මේ වගේ රෝගියකු ගෙනාවම අප මුලින්ම කරන්නේ කසාය මගින් ශරීරයේ විෂ තත්ත්වයන් නැති කරලා රුධිරය පිරිපහදු කිරීමයි. මොකද මේ රුධිරය තමයි ශරීරය පුරාම ගමන් කරමින් ඒ ඒ තැන්වලට ඖෂධීය සාරය ගෙන යන්නේ. මේ සඳහා රෝගියාගේ ශරීරය පොඩි ළමයකුගේ ශරීරය වගේ විෂ රහිත කළ යුතුයි. කසාය වලින් කරන්නේ ඒක. සතියක්‌ තුළ එමගින් විෂ නැති කරන්න පුළුවන්. මේ කසායවල තිබෙනවා විෂ නැති කරන කොහොඹ, බිංකොහොඹ වැනි දේවල්. ඊළඟට තමයි තෙල් ගාලා පිරිමදින්නෙත් තැවීම සිදු කරන්නෙත්. බෙහෙත් වලින්. ඇට පුරුක්‌ අතර කාටිලේජ වර්ධනය වෙනවද නැද්ද කියන එක මට පිට පිරිමදින විට ඇඟිලිවලින් කියන්න පුළුවන්.

ප්‍රශ්නය - ඔබ පසුගිය සතියේදී කීවා කාටිලේජ වර්ධනයට බණ්‌ඩක්‌කා සුදුසුයි කියලා.

වෛද්‍ය එම්. ඒ. මදනායක - අපේ දේශීය දැනුම එහෙම තමයි. බෙහෙත් කරන අතර බණ්‌ඩක්‌කා ආහාරයට ගැනීම ඉතාම සුදුසුයි. හැබැයි සෙම බහුල රෝගියකු නම් වෛද්‍යවරයාගෙන් උපදෙස්‌ අරගෙන තමයි එය කළ යුත්තේ.

ප්‍රශ්නය - බණ්‌ඩක්‌කාවල ගුණ මොනවද?

වෛද්‍ය එම්. ඒ. මදනායක - බණ්‌ඩක්‌කාවල 90% ක්‌ ම තියෙන්නේ ජලය. ඉතිරි සියයට දහය තුළ විශාල වශයෙන් පෝෂ්‍ය පදාර්ථ තිබෙනවා. මේ එළවළුව විටමින් A බහුලයි. ඊළඟට B1, B2, B6 කියන විටමින් තිබෙනවා. විටමින් C සහ සින්ක්‌, කැල්සියම් දෙකත් මෙහි තිබෙනවා. ෆයිබර් තන්තු සහ Folic අම්ලය මෙහි අඩංගුයි. ඊට අමතරව යකඩ, මැග්නීසියම්, පොටෑසියම්, කැල්සියම්, K විටමිනය, මෙහි තිබෙනවා. බණ්‌ඩක්‌කා ආහාර වේලට යොදා ගත්තාම මළ බද්ධය නැති වෙනවා. කොලෙස්‌ටරෝල් අඩු වෙනවා. ගුද මාර්ගයේ පිළිකා හට ගැනීම වළකිනවා. ආතතිය නැති වී ශරීරයේ ශක්‌තිය ඉහළ යනවා. බඩවැලේ හටගන්නා තුවාල, ඉරිටබල්, බවල් සින්ඩ්‍රම් හෙවත් ආහාර ගත් වහාම මළ පිටවීම. පෙනහලුවල හට ගන්නා ප්‍රදාහය යනාදිය මෙයින් වළකිනවා.

ප්‍රශ්නය - කාටිලේජ වර්ධනයට සුදුසු වෙනත් ආහාර මොනවාද?

වෛද්‍ය එම්. ඒ. මදනායක - රනිල භෝග ඉතා හොඳයි. දොඩම්, දෙළුම්, දුඹුරු සහලින් පිසූ බත්, කජු, රටකජු, ආමන්ඩ් යනාදියත් ඉතාම සුදුසුයි.

ප්‍රශ්නය - කොඳු ඇට පෙළෙහි කාටිලේජ විනාශ වූ තැන් සහිතව ඔබ වෙත පැමිණි රෝගියාට කළ ප්‍රතිකාරවල තත්ත්වය කුමක්‌ද?

වෛද්‍ය එම්. ඒ. මදනායක - මා අපගේ සාම්ප්‍රදායික රහස්‌ වෙදකම් සහිත ආහාර ලබා දීමෙන් පසු රෝගියා සුව වුණා. අවුරුදු පහළොවක්‌ විස්‌සක්‌ තිස්‌සේ විනාශ වූ කාටිලේජ ප්‍රතිසංස්‌කරණය කර රෝගියා ඇවිද්දවීමට අපට ගත වුණේ ඉතා සුළු කාලයක්‌ විතරයි. අද මේ රෝගියා සුවපත් වෙලා සාමාන්‍ය ජීවිතයක්‌ ගත කරනවා.

නොමිලේ විස්‌තර සඳහා

0412251321/ 0710827836

සාකච්ඡා කළේ රොහාන් ලංකාභරණ

කොලෙස්‌ටරෝල් වැඩිවීම නිසා සිරුරේ රුධිර පීඩනය වැඩිවීම සිදුවන්නේ කෙසේද?

වෛද්‍ය රන්පත රුවන් රත්නායක :- හෘදයෙන් පිටතට රුධිරය ගමන් කරන රුධිර නාළවල අභ්‍යන්තර බිත්තිවල මෙම කොලෙස්‌ටරෝල් තැන්පත් වීම සිදුවේ. එවිට එම නාළවල අභ්‍යන්තර කුහරය සිහින් වීම සිදුවේ. එම සිහින් වූ නාළ හරහා රුධිරය ගමන් කිරීමේදී පෙරට වඩා වැඩි පීඩනයක්‌ දැරීමට සිදුවේ. සිරුරේ රුධිර නාළ කිහිපයක මෙලෙස කොලෙස්‌ටරෝල් තැන්පත් වීම නිසා රුධිරය ගමන් කිරීමට වැඩි පීඩනයක්‌ දැරීමට සිදුවේ. එවිට මෙම වැඩි පීඩනය දැරීම නිසා හෘදයට දරුණු බලපෑම් ඇතිවිය හැකිය.

Ö මෙලෙස රුධිර නාළ අවහිර වීමෙන් ශරීරයට ඇතිවන බලපෑම් මොනවාද?

Ö වෛද්‍ය රන්පත රුවන් රත්නායක :- කාලයක්‌ තිස්‌සේ මෙලෙස රුධිර නාළවල කොලෙස්‌ටරෝල් තැන්පත් වීමෙන් ඇතරෝඩා නමැති තෙල් කුටි හටගැනීම සිදුවේ. එවිට රුධිර නාළ අවහිර වී ඉන් ඔබ්බට රුධිරය ගලා යැම ඇනහිටීම සිදුවේ. එවිට එම නාළ හරහා රුධිරය ගලායන හෘදයේ සෛල කොටස්‌වලට නිසි පරිදි රුධිරය නොලැබීමෙන් එම සෛල මැරී යා හැකිය. එවිට පපුවේ වේදනාවක්‌ හටගන්නා අතර ඒ තත්ත්වය තීව්‍ර වීමෙන් හෘදය ඇනහිටී මරණය පවා ළඟවීමේ අවදානමක්‌ පවතී.

Ö මේ තත්ත්වයෙන් මිදීමට අනුගමනය කළ යුතු ක්‍රමවේද මොනවාද?

Ö ආයුර්වේද වෛද්‍ය රන්පත රුවන් රත්නායක මහතා :- විශේෂයෙන්ම කළ යුත්තේ තම ශරීර සෞඛ්‍ය පිළිබඳ නිසි සැලකිල්ලක්‌ දැක්‌වීමය. ඒ අනුව අවුරුදු 35 -40 ඉක්‌මවන හැමෝම ආහාර පාලනය කිරීමට කටයුතු කළ යුතුයි. ව්‍යායාම කිරීම, වෙහෙස වී වැඩකටයුතුවල යෙදීම ඉතා හොඳයි. අධික ලෙස සත්ත්ව තෙල් අඩංගු ආහාර වර්ග පාලනයක්‌ කරවා ගැනීම, බිත්තර කහ මද, මස්‌ වර්ග පාලනයකින් යුතුව ආහාරයට එක්‌කර ගත යුතුය.

ආහාර ජීර්ණයේදී ඇතිවන යම් යම් ගැටලුකාරී තත්ත්ව නිසා කොලෙස්‌ටරෝල් හටගැනීම සිදුවේ. මේද කොටස්‌ අක්‍රමවත් ලෙස හෝ අවිධිමත් ලෙස රසායනික පරිවර්තනයකට ලක්‌වීම හේතුවක්‌ ලෙස කොලෙස්‌ටරෝල් ඉහළ යැමට හැකිය. මෙම කොලෙස්‌ටරෝල් හිතකර සහ අහිතකර ලෙස සිරුරට බලපායි. නිවැරදි ලෙස මේදය ජීර්ණය වුණේ නම් ඒවා ශක්‌තිය ලෙස එක්‌ වේ.

Ö ආයුර්වේද ප්‍රතිකාර මගින් මෙම කොලෙස්‌ටරෝල් විනාශ කිරීම සඳහා ප්‍රතිකර්ම තිබෙනවාද?

Ö ආයුර්වේද වෛද්‍ය රන්පත රුවන් රත්නායක මහතා :- ආයුර්වේදයේ මෙම කොලෙස්‌ටරෝල් හඳුන්වන්නේ පිත්තස්‌නේහ ලෙසය. එනම් නිවැරදි ලෙස නොදිරවූ මේද කොටස්‌ය. ඒවා ආම රසය ලෙස ද හඳුන්වනු ලැබේ. ආයුර්වේද ප්‍රතිකාර ඇරඹීමට පෙර ශරීරයේ කොලෙස්‌ටරෝල් හටගන්නා ක්‍රමවේද ද නිසිලෙස වටහාගෙන ප්‍රතිකාර ඇරඹිය යුතුය. ආම පාමක නම් ඖෂධ මගින් රුධිර නාළ හෝ වෙනත් තැනක ඇති අහිතකර කොලෙස්‌ටරෝල් නැවත ජීර්ණය කරවීම සිදුවේ. මෘදු විරේඛන ඖෂධ මගින් එම අහිතකර පදාර්ථ මළ, මුත්‍ර හා දහදිය මාර්ගවලින් පිට කිරීම සිදුකරයි.

ඒ හා සමඟම ලබාදෙන ජීරක එන්සයිම සමබර කරවන ඖෂධ මගින් ශරීරයට අලුතෙන් එක්‌වන මේද කොටස්‌ නිවැරදි ආකාරයට ජීර්ණය වී ශක්‌තිය ලෙස නැවත ශරීරයට ලබාදීම සිදුකරයි. මෙලෙස ප්‍රතිකාර කිරීම තුළින් ඉතා කෙටි කලකින්ම කොලෙස්‌ටරෝල් රෝගයට ගොදුරුව සිටින රෝගීන්ට සුවය ලබාගැනීමේ හැකියාව ලැබෙනු ඇත.

විද්‍රදියක්‌ හට ගැනීමට පාදක වන්නේ මෙන්න මේ කියන තත්ත්වයන් සමූහයයි. විද්‍රදි කියන ගෙඩි විශේෂය සිරුරේ බොහෝ තැන්වල හට ගන්නවා. අක්‌මාවෙත් හටගන්නවා. එහෙත් වඩාත්ම පීඩාකාරී වූ ප්‍රදේශය තමයි ගුදය ආශ්‍රිත ප්‍රදේශය. ආයුර්වේදයට පුළුවන් කිසිදු අතුරු ආබාධයක්‌ ඇති නොවන ලෙස මෙවැනි රෝග සුව කරන්නට.

ප්‍රශ්නය - රක්‌ත ශෝධනය කරන්නේ කොහොමද?

වෛද්‍ය පුෂ්පකුමාර - ශාකසාර ආශ්‍රයෙන් නිපදවපු විවිධ ඖෂධ සහ කෂාය වර්ගවලින් තමයි රක්‌ත ශෝධනය හෙවත් රුධිරය පිරිසිදු කිරීම සිදු කරන්නෙ. කරපිංච කියන්නේ රක්‌ත ශෝධනය ඉතාම හොඳින් සිදු කරන ඖෂධයක්‌. මෙයින් කැඳ හදල බිව්වම රුධිරයේ තිබෙන කොලෙස්‌ටරෝල් විතරක්‌ නොවෙයි විෂ සහිත සෙසු අංශු ඉවත් වෙනවා.

ප්‍රශ්නය - විද්‍රදි සඳහා යොදා ගන්නා ඖෂධ ගැන විස්‌තරයක්‌ කරන්න...

වෛද්‍ය පුෂ්පකුමාර - ඒක තීරණය කරන්නේ රෝගියාගේ විද්‍රදියේ ස්‌වභාවය අනුවයි. විද්‍රදිය මුල් අවස්‌ථාවේදී හඳුනා ගත් විට කරන ප්‍රතිකාරය නෙමෙයි එහි සැරව පිරී තිබෙන විට කරන්නෙ. එය Fistula තත්ත්වයට පරිවර්තනය වෙමින් තිබෙනවා නම් කරන්නට සිදුවන ඖෂධය කලින් කී අවස්‌ථා දෙකටම වඩා වෙනස්‌ වෙනවා. සැරව පිරුණු තත්ත්වයේ පවත්නා විද්‍රදියක්‌ තව දින දෙකකින් පුපුරුවා හල යුතු බව වෛද්‍යවරයාට සිතෙනවා නම් ඔහු පාවිච්චි කරන ඖෂධ වර්ග පෙර කී අවස්‌ථා තුනටම වඩා වෙනස්‌.

මෙහිදී පාවිච්චි කරන ඖෂධ ගැන කතා කරනවා නම් දළුක්‌ කිරි යොදා ගැනීම සිදු වෙනවා. ක්‍ෂාර වර්ග යොදනවා. සමහර විට හුනු මී පැණි සමඟ මිශ්‍රකර නොපිපිරූ ගෙඩිය මත ගානවා. රතුලූනු එළඟිතෙල්වලින් අඹරලා උණු අළුපල්ලෙ තම්බලා අඹරලා ගානවා. වැල්පෙනෙල ජලයෙන් අඹරලා ගානවා.

ප්‍රශ්නය - විද්‍රදි වර්ග කීයක්‌ තිබෙනවද?

වෛද්‍ය පුෂ්පකුමාර - කිහිපයක්‌ම තිබෙනවා. ගුද විද්‍රදිවලදී බාහිර සහ අභ්‍යන්තර කියලා වර්ග දෙකක්‌ තිබෙනවා. අභ්‍යන්තර විද්‍රදිය මහත් වේදනා දෙන දෙයක්‌. රෝගියා කියන රෝග ලක්‍ෂණ අනුව ගුද අභ්‍යන්තරය පරීක්‍ෂා කරලා තමයි අභ්‍යන්තර විද්‍රදියක්‌ සොයා ගන්නේ.

සාකච්ඡා කළේ සංඛනාද වෙදගෙවත්ත

නොමිලේ විස්‌තර සඳහා - 0766739977, 011-5288055