කොලෙස්‌ටරෝල් වැඩි වූ අයකුගේ රුධිර පීඩනය කිහිප විටක්‌ පරීක්‍ෂා කළ විට එය රසදිය මිලිමීටර් 130/85 ට වඩා වැඩි නම් ඒ පිළිබඳ සැලකිලිමත් විය යුතුය
 
 අධිරුධිර පීඩනය යනු වර්තමානයේ බොහෝ අය භීතිකාවට පත් කරන තත්ත්වයකි. එයත් සමගම අපට අසන්නට ලැබෙන්නේ කොලෙස්‌ටරෝල් වැඩිවීම පිළිබඳවයි. කොලෙස්‌ටරෝල් වැඩි වන විට අධි රුධිර පීඩන තත්ත්වයක්‌ ඇතිවිය හැකි බැව් කවුරුත් දනිති. එමෙන්ම අධිරුධිර පීඩන තත්ත්වය ඇතිවීමට බලපානු ලබන කොලෙස්‌ටරෝල් වැඩිවීම පමණක්‌ නොවේ. ඊට වෙනත් හේතු ද ඇත.
 
 කොලෙස්‌ටරෝල් වැඩිවීම නිසා රුධිර පීඩනය වැඩි වන්නේ කෙසේද?
 
 හෘදයේ පිටතට රුධිරය ගමන් කරන රුධිර නාළ (ධමනි) වල අභ්‍යන්තර බිත්තියේ කොලෙස්‌ටරෝල් තැන්පත් වේ. මේ නිසා එම රුධිර නාවලවල අභ්‍යන්තර කුහරය සිහින් වේ. එවිට එම සිහින් වූ නාළයන් හරහා රුධිරය පෙරට වඩා වැඩි පීඩනයකින් ගලා යයි. මේ ක්‍රියාවලිය ශරීරයේ වැඩි රුධිර නාළ ප්‍රමාණයක සිදුවීමෙන් ඇති වන මුළු පීඩනය කෙළින්ම බලපාන්නේ රුධිරය පොම්ප කිරීමේ කාර්යයේ නිරත වන හෘදයටයි. මෙලෙස කොලෙස්‌ටරෝල් වැඩි වූ අයකුගේ රුධිර පීඩනය කිහිප විටක්‌ පරීක්‍ෂා කළ විට එය රසදිය මිලිමීටර් 130/85 ට වඩා වැඩි නම් ඒ පිළිබඳ සැලකිලිමත් විය යුතුය.
 
 කොලෙස්‌ටරෝල් වැඩිවීමෙන් ඇති භයානකම තත්ත්වය ඉන් හෘදයට ඉතා අහිතකර ලෙස බලපෑම් ඇති කිරීමයි. හෘද පේෂිවලට රුධිරය සපයන කිරීටක ධමනිවල අභ්‍යන්තර බිත්තියෙහි මෙලෙස කොලෙස්‌ටරෝල් තැන්පත් වේ. කාලයක්‌ තිස්‌සේ හෘදය තුළ ඇති රුධිර නාළ බිත්තිවල කොලෙස්‌ටරෝල් නම් මේදය තැන්පත් වී ඇතරෝමා  නමැති තෙල් කැටිද හටගත හැකිය. ඒවා මගින් රුධිර නාළ අවහිර වී ඉන් ඔබ්බට රුධිරය ගලා නොයයි.
 
 ඒ හේතුවෙන් එම රුධිර නාළවලින් රුධිරය සැපයුණු හෘදයේ කොටස්‌වල සෛල මිය යා හැකිය. එහි ප්‍රතිඵලය වන්නේ ඒ මොහොතේ පපුවේ තද වේදනාවක්‌ ඇති වීමත් එම වේදනාව උරහිසට, අත්වලට හෝ බෙල්ල දෙසට විහිදී යාමත්ය. මෙම ක්‍රියාවලියේ දරුණුතම අවස්‌ථාවේදී හෘදයේ ක්‍රියාකාරිත්වය ඇනහිට මරණයෙන් කෙළවර වන අවස්‌ථාද දක්‌නට ලැබේ.
 
 මෙවැනි අවාසනාවන්ත ඉරණමකට ගොදුරු නොවීමට තනි තනිව හිතා තමන්ගේ සෞඛ්‍ය පිළිබඳව තම තමන් සැලකිලිමත් විය යුතුය. ඒ සඳහා වඩාත්ම සුදුසු ක්‍රියාදාමය වනුයේ වයස අවුරුදු 35-40 ඉක්‌ම වන විට ආහාර පාලනය, ව්‍යායාම කිරීම සහ එමගින් අධික තරබාරුව ද වළක්‌වා ගැනීමත් නිරතුරුවම තම රුධිර පීඩනය පිළිබඳ අවධානයෙන් සිටීමත්ය.
 
 කොලෙස්‌ටරෝල් මට්‌ටම අනවශ්‍ය ලෙස ඉහළ යාම කෙරෙහිද සුවිශේෂී අවධානයක්‌ යොමු කළ යුතුය. මේ සියලු දැ පිළිබඳ දැනුවත් වෙනවා මෙන්ම මෙම තත්ත්වයෙන් මිදීමට නම් ඔබ යොමු විය යුතු සුදුසුම ප්‍රතිකාර ක්‍රම පිළිබඳව දත යුතුය. ඒ ගැන සොයා බැලීමේදී ඔබට සතුටු විය හැකි කාරණාවක්‌ තිබේ.
 
 එනම් රුධිර පීඩනය වැඩිවීමට හේතු වන කාරණාවන් සොයා බලා එම හේතූන් මුලිනුපුටා දැමීමේ සුවිශේෂී ක්‍රමවේදයක්‌ ආයුර්වේද වෛද්‍ය විද්‍යාව තුළ තිබෙන නිසාවෙනි. වත්මනෙහි පවතින්නේ යම් කෙනකුගේ රුධිර පීඩනය වැඩි වූ විට ප්‍රෙෂර් පෙත්කක්‌ බී එය අඩුකර ගැනීමේ ක්‍රමයකි. එම ක්‍රමය අනුව බොහෝ විට ප්‍රෙෂර් පෙති ජීවිත කාලය පුරාවටම ගත යුතු වේ. නමුත් දිගින් දිගටම ප්‍රෙෂර් පෙති ගැනීමෙන් අතුරු ආබාධ ඇතිවන බව දැන් නම් කවුරුත් පිළිගනිති. එබැවින් ප්‍රෙෂර් පෙති බී රුධිර පීඩනය පාලනය කිරීමට දිගින් දිගටම යොමු වීම සැබෑ ජයග්‍රහණයක්‌ නොවේ.
 
 නමුත් ආයුර්වේද වෛද්‍ය විද්‍යාව මීට හාත්පසින්ම වෙනස්‌ වේ. එහිදී සිදු වන්නේ රුධිර පීඩනය පමණට වඩා අඩු හෝ වැඩි නම් ඊට හේතු සොයා බැලීමයි. රුධිර පීඩනය වැඩි වූයේ කොලෙස්‌ටරෝල් නිසා නම් කොලෙස්‌ටරෝල් වැඩි වූයේ කුමන හේතුවක්‌ නිසාදැයි මෙහිදී සලකා බලයි.
 
 නිර්මාශිංකයන්ටද කොලෙස්‌ටරෝල් වැඩිවීමේ ප්‍රශ්න පැන නැගී ඇත. එයට හේතුව කුමක්‌ද?
 
 ආයුර්වේද මතානුකූව මෙය විස්‌තර කරනවා නම් මේ සියල්ලටම හේතුව ආහාර ජීර්ණයේ ඇති දොaෂ සහිත බවකි. අප ගන්නා සත්ව හෝ ශාකමය වූ ඕනෑම ආහාර වර්ගයක විවිධ ප්‍රතිශතවලින් මේද කොටස්‌ තිබේ. කොලෙස්‌ටරෝල් නිපදවෙන්නේ මෙම මේද කොටස්‌ ජීර්ණයේදී ඇති වන රසායනික පරිවර්තනයන් ගණනාවකිනි.
 
 කොලෙස්‌ටරෝල් යනු එක්‌තරා මට්‌ටමකින් රුධිරයේ තිබිය යුතු රසායනික පදාර්ථයන්ය. ඒවා හිතකර සහ අහිතකර ලෙස පවතින ප්‍රමාණයන් අනුව ක්‍රියා කරයි. කෙසේ නමුත් සිරුරට අහිතකර අන්දමින් කොලෙස්‌ටරෝල් ඉහළ යාමට හේතුව වන්නේ ශරීරයට සැපයෙන මේද කොටස්‌ ජීර්ණයේදී අක්‍රමවත් හෝ අවිධිමත් ලෙස රසායනික පරිවර්තනයන්ට ලක්‌වීමේ ප්‍රතිඵලයක්‌ ලෙසය. එනම් එය සරලව කිවහොත් මුලින් කී පරිදි ජීර්ණයේ දොaෂ සහිත බවකි. මෙම මේද කොටස්‌ නිවැරැදි ලෙස ජීර්ණය වූයේ නම් ශක්‌තිය ලෙස දේහ ක්‍රියාකාරිත්වය වැඩදායක වන අතර ඉතිරි ඒවා මළ කොටස්‌ ලෙස සිරුරෙන් බැහැර විය යුතුය. ශරීරයට අහිතකර ලෙස බලපාන මෙම ඇතැම් කොලෙස්‌ටරෝල් වර්ග ආයුර්වේද වෛද්‍ය විද්‍යාව තුළ හඳුන්වන්නේ පිත්තස්‌නේහ ලෙසය. සැබවින්ම මේවා නිවැරැදි ආකාරයට දිර වූ මේද කොටස්‌ නොවේ. එනම් බාගෙට දිර වූ ආහාර රසයකි. ඒවා ආම රසය (අමු ආහාර රසය) නම් වේ. මෙම අහිතකර කොලෙස්‌ටරෝල් තත්ත්වය හමුවේ ශරීරයට ඇති වන උපද්‍රව ලෙස රුධිර පීඩනය වැඩිවීම, අනවශ්‍ය ලෙස තරබාරු වීම, සුළු වැඩක්‌ කළ විට හෝ කෙටි දුරක්‌ පයින් ගිය විට අධික මහන්සියක්‌ දැනීම, අලස බව, නිදිමත වැඩිවීම හෝ නින්ද නොයාම, ඇඟපත රුදාව ආදී ලක්‍ෂණ පහළ වේ.
 
 මෙවැනි අවස්‌ථාවලදී අප අනුගමනය කරන නිවැරැදි ආයුර්වේද ප්‍රතිකර්ම පහත පරිදිය.
 
 ආම පාචක නම් වූ ඖෂධ යෙදීමෙන් රුධිර නාළ හෝ ශරීරයේ ඕනෑම තැනක ඇති අහිතකර කොලෙස්‌ටරෝල් නැවත ජීර්ණය වීම හෙවත් ක්‌ෂයවීම ආරම්භ වේ.
 
 මෘදු විරේචන ඖෂධ මගින් ඒවායේ ඇති අහිතකර පදාර්ථ මළ, මුත්‍ර හා දහදිය මාර්ගවලින් නිරන්තරයෙන්ම පිටකර හරිනු ලැබේ. ඒ අතරම යොදන ජීරක එන්සයිම සමබර කරවන ඖෂධ මගින් ශරීරයට අලුතින් ලැබෙන මේද කොටස්‌ නිවැරැදි ආකාරයට ජීර්ණය වී ශක්‌තිය ලෙස ශරීරයට ලබා දෙයි. මෙම ක්‍රියාදාමය මගින් කෙටි කලකින්ම රෝගීන්ට ඉතා සුවදායක තත්ත්වයක්‌ උදා වේ.
 
 වර්තමානයේ කාර්ය බහුල ජීවන රටාව අනුව ආයුර්වේද ඖෂධ භාවිත කිරීමට බොහෝ දෙනකු යොමු නොවන්නේ ඖෂධ වර්ග සෙවීම, තම්බා පිළියෙළ කිරීම වැනි කාර්යයන් දුෂ්කර වන බැවිනි. අප ඔබට සැපයෙන ඖෂධ ගොනුවට කෂාය වර්ග තිබේ නම් ඒවා තම්බා පිළියෙළ කළ බෝතල් ලෙසත් අනෙකුත් ඖෂධ පහසුවෙන් ඕනෑම කාර්ය බහුල තත්ත්වයකදී වුවද භාවිත කළ හැකි ලෙසත් ලබා දෙන්නේ ඔබේ පහසුව පිණිසමය.
 
 වැඩි විස්‌තර සඳහා 071 3009088, 071 3007000 අමතන්න

ස්‌නායු තෙරපුමකදී
 
 කොන්දේ කටී ප්‍රදේශය ආශ්‍රිතව වේදනාවක්‌ ඇති වී නම් ඇති වන රෝග ලක්‍ෂණය, (එම ස්‌ථානයේ කොන්දේ වෙනස්‌වීම ඇති වී තිබෙන ස්‌ථානයේ එනම් කශේරුකාවල හෝ අන්තර් කශේරුකා මඩල වෙනස්‌වීමක්‌ නිසා නම්) මුලින්ම එම ස්‌ථානයේ වේදනාවක්‌ ඇති වීමයි. කටී ප්‍රදේශය ලෙසින් හඳුන්වන්නේ කොඳු ඇට පෙළෙහි පහළ කොටස එනම් අන්තිම කශේරුකා පහ අයත් ප්‍රදේශයයි.
 
 එම ප්‍රදේශයේ වෙනස්‌වීමක්‌ වී නම් වෙනස්‌වීමේ ස්‌වභාවය හෝ ප්‍රමාණය අනුව වේදනාව අඩු වැඩි වශයෙන් දැනීමේ හැකියාව ඇත.
 
 මුලදී සුළු වෙනස්‌වීමක්‌ සිදු වුවත් එහිදී ඇතිවන සුළු වෙනස්‌වීමෙන් වන සුළු වේදනාව නොසලකා සිටියේ නම් එය ක්‍රම ක්‍රමයෙන් වැඩි වී ස්‌නායුවලට හානිවීම් පවා සිදුවීමට පුළුවන. මේ ආකාරයට ක්‍රම ක්‍රමයෙන් ස්‌නායු තෙරපීම වැඩිවන විට වේදනාවන් ඇති ස්‌ථාන ප්‍රමාණයත් වැඩිවිය හැකිය. එයට හේතුව වන්නේ මෙම ස්‌නායුව තෙරපුම වැඩිවෙන්න, වැඩි වෙන්න එම ස්‌නායුව මගින් ස්‌නායු සැපයීම කරන මාංශ පේශි තදවීමට පටන් ගැනීමයි. එම මාංශ පේශි තදවීමත් සමඟ එම මාංශ පේශිවලට සැපයෙන රුධිරය, ඔක්‌සිජන් වායුව සහ පෝෂණය අඩුවීම නිසාවෙන් පේශිවල තද ගතිය සහ පේශි දුර්වලවීමක්‌ ඇති වීමයි.
 
 මුලින් කොන්දේ පමණක්‌ ඇතිවන වේදනාව ක්‍රම ක්‍රමයෙන් උකුල, තට්‌ටම්, කලවා, බත්කෙණ්‌ඩ සහ පාදය දෙසට පැතිරීයැමක්‌ සිදු විය හැකිය.
 
 මෙය සාමාන්‍යයෙන් සුළු වේදනාවකින් පටන් ගෙන ක්‍රම ක්‍රමයෙන් උග්‍ර වී පාදය තබා ඇවිදීමට පවා නොහැකි තරමේ ප්‍රබල වේදනාකාරී තත්ත්වයකට උත්සන්න වීමේ හැකියාවක්‌ ඇත.
 
 මෙම වේදනාකාරී තත්ත්වය යටතේ ද නිවැරදි ප්‍රතිකාර කිරීමක්‌ සිදු නොකළේ නම් මෙම තත්ත්වය දිගින් දිගටම පැවතීම නිසා තද වී ඇති ස්‌නායුව හානි වීමට පටන් ගනී. එවිට ක්‍රම ක්‍රමයෙන් හිරිය ඇති වී පසුව දෙපා අප්‍රාණිකවීම දක්‌වා භයානක තත්ත්වයකට පත්විය හැකිය.
 
 ස්‌නායු තෙරපීමක්‌ ඇතිවීමට බලපාන හේතු ලෙසට වැටීම, අධික බර එසවීම, කොන්ද නවාගෙන බොහෝ වේලාවක්‌ එක දිගට වැඩ කිරීම, හදිසි අනතුරුවලට ලක්‌වීම, දරු ප්‍රසූතියේදී ඇතිවන සංකූලතා, පුටුවක වාඩි වීමේදී වැරදි ඉදිරියව් මත වැඩිවීම, වැරදි ඉරියව් මත බර එසවීම එනම් දණහිසෙන් නොනැමී කොන්දෙන් නැමී පහළ තිබෙන බරක්‌ එසවීම, වැරදි ව්‍යායාම සහ කොන්දට තද පහරක්‌ වැදීම වැනි කාරණා පෙන්වාදීමට පුළුවන.
 
 මෙහිදී රෝගය නිවැරදිව හඳුනාගැනීම ප්‍රධාන කාරණාව වන අතර රෝගය පිළිබඳ හසල දැනුමක්‌ ඇති වෛද්‍යවරයා ආකාර තුනකින් රෝගය හඳුනාගනු ඇත.
 
 වෛද්‍යවරයා විසින් තමාගේ සුරතෙහි මහපටැඟිල්ල රෝගියාගේ කොඳුඇට පෙළ පහළ සිට ඉහළට ස්‌පර්ශ කිරීම මගින් එම කශේරුකාවල කණ්‌ඨක ප්‍රසරයේ (කශේරුකාවක පිටතට නෙරා ඇති කොටස) සිදු වී ඇති වෙනස්‌වීම් මගින් පළමුව රෝගය නිර්ණය කරනු ලැබේ.
 
 එමගින් වෛද්‍යවරයා විසින් තෙරපී ඇති ස්‌නායුව හඳුනා ගැනීමක්‌ සිදුකරනු ඇත. ඉන්පසුව එම ස්‌නායුව මගින් ස්‌නායු සැපයුම් කරන පේශී පරීක්‍ෂා කිරීමක්‌ සිදුකරන වෛද්‍යවරයා දෙවන වතාවට රෝගය නිර්ණය කරනු ඇත.
 
 ඉන්පසුව එම ස්‌ථාන ස්‌පර්ශ කරමින් එම ස්‌ථානවල වේදනාවක්‌ ඇති දැයි රෝගියාගෙන් විමසීමක්‌ මගින් වෛද්‍යවරයා විසින් තෙවන වතාවටත් තමාගේ රෝග නිර්ණය නිවැරදි බවට ප්‍රත්‍යක්‍ෂ ගනු ඇත.
 
 මෙසේ තුන් ආකාරයකින් සිදුකරන රෝග විනිශ්චය මගින් රෝගය ඉතාමත් නිවැරදි රෝග විනිශ්චයක්‌ බවට වෛද්‍යවරයා විසින් කරණු සනාථ කරගැනීම සාර්ථක ප්‍රතිකාරයකට මග හෙළි කර ගැනීමකි.
 
 රෝග විනිශ්චයෙන් අනතුරුව වෙනස්‌ වූ කශේරුකා, අන්තර් කශේරුකා මඩල ස්‌ථානගත කිරීම මගින් එම ස්‌ථානයේ ස්‌නායු තෙරපීම නිවැරදි කරන අතර තද වී ඇති පේශී බුරුල් කිරීම මගින් මාංශපේශිගත වේදනාව දුරු කිරීමක්‌ සිදු කරයි. ඉන්පසු කශේරුකා නිවැරදි ලෙස ස්‌ථානගත කිරීමෙන් අනතුරුව ඒ හා සම්බන්ධ බන්ධනී ශක්‌තිමත් කිරීම මෙම ප්‍රතිකාරවලින් සිදු කරන නිසාවෙන් රෝගියා පූර්ණ වශයෙන් සුවපත්වීමත්, තමාගේ සුපුරුදු දෛනික කාර්යයන් සඳහා රෝගියාට යළිත් පිවිසීමට හැකිවීමත් තුළ දේශීය ආයුර්වේදයේ ඇති හාස්‌කම හොඳහැටි පැහැදිලිව පෙනෙනු ඇත.
 
 ඔබගේ රෝග ලක්‍ෂණ පිළිබඳ මෙයට වඩා වෙනස්‌ යමක්‌ තිබේ නම් හෝ රෝගය පිළිබඳ වැඩිදුර තොරතුරු නොමිලේ දැනගැනීමට අවශ්‍ය නම් 0713494113 අංකයෙන් වෛද්‍යතුමන් සම්බන්ධ කර ගැනීමේ හැකියාව තිබේ.
 
 සංස්‌කරණය - උපාලි ද සේරම් - වසන්තා ශ්‍රියාකාන්ති

වර්තමානයේ ස්‌මාර්ට්‌ ජංගම දුරකථන භාවිත කරන බොහෝ දෙනා එය භාවිත කරන්නේ හිස අඟල් කිහිපයක්‌ ඉදිරියට හෝ පැත්තකට නමාගෙනය.
 
 එසේ දිගු වේලාවල් බෙල්ල නවාගෙන දුරකථනය භාවිත කරන විට බෙල්ලට අසීමිත බරක්‌ අඛණ්‌ඩව ඇතිවීම නිසා බෙල්ලේ කොඳුඇට පේළිය අතර ඇති ස්‌නායුවලට බලපෑම් ඇති වේ.
 
 ස්‌මාර්ට්‌ ජංගම දුරකථන
 
 දිනපතා දිගු වේලාවක්‌ භාවිත කිරීම නිසා ඇතිවන කායික ගැටලු පිළිබඳව මෙතැන් පටන් අපි විමසා බලමු. එහිදී පළමුව බෙල්ලේ ඇතිවන ගැටලු පිළිබඳව අවධානය යොමු කරමු.
 
 බෙල්ලේ ඇතිවන ආබාධ
 
 අපගේ ශරීරයේ බර දරා සිටින්නේ සිරස්‌ ආකාරයටය. එනම් ඉහළ සිට පහළටය.
 
 බෙල්ල සෘජුව තබා ගැනීම හෙවත් කන සහ උරහිස සෘජු කෝණයකට සමාන එක මට්‌ටමක ඇතිවන විට හිසෙහි බර බෙල්ලට දැනෙන්නේ රාත්තල් 10 - 12 අතර ප්‍රමාණයකිනි.
 
 බෙල්ල ඉදිරිපසට හෝ දෙපසට නැවෙන විට හිසෙහි බර බෙල්ලට දැනෙන ප්‍රමාණය වැඩි වේ.
 
 එනම් හිස නැවෙන සෑම අඟලකදීම හිසෙහි බර දෙගුණයක්‌ වී බෙල්ලට දැනේ.
 
 ඒ අනුව අප අංශක 60 ක්‌ හිස නමන විට රාත්තල් 60 ක බරක්‌ බෙල්ලට දැනේ.
 
 වර්තමානයේ ස්‌මාර්ට්‌ ජංගම දුරකථන භාවිත කරන බොහෝ දෙනා එය භාවිත කරන්නේ හිස අඟල් කිහිපයක්‌ ඉදිරියට හෝ පැත්තකට නමාගෙනය.
 
 එසේ දිගු වේලාවල් බෙල්ල නවාගෙන දුරකථනය භාවිත කරන විට බෙල්ලට අසීමිත බරක්‌ අඛණ්‌ඩව ඇතිවීම නිසා බෙල්ලේ කොඳුඇට පේළිය අතර ඇති ස්‌නායුවලට බලපෑම් ඇති වේ.
 
 මෙලෙස බෙල්ල නමාගෙන ජංගම දුරකථනය භාවිත කරන විට බෙල්ලට දැනෙන හිසෙහි බර ප්‍රමාණය රාත්තල් 60 ක්‌ පමණ බව සමීක්‍ෂණ මගින් අනාවරණය කර ගෙන තිබේ.
 
 මෙවැනි බරක්‌ එක දිගට පැවතීම නිසා බෙල්ල දිගේ ගමන් කරන කොඳු ඇට පෙළ ස්‌නායු තෙරපීමෙන් බෙල්ලේ කැක්‌කුම ඇති වේ.
 
 වර්තමානයේ වයස අවුරුදු 15 ත් 40 ත් අතර වියේ පසුවන බහුතරයකට මතුව ඇති බෙල්ලේ කැක්‌කුමට හේතු වී ඇත්තේ මෙලෙස බෙල්ල නමාගෙන ජංගම දුරකථනය භාවිත කිරීමය.
 
 මීට අමතරව ඇතැම් දෙනා ඇඳේ දිගා වී බෙල්ල නමාගෙන දුරකථනය භාවිත කරති. එවැනි ඉරියව්වලදී ද කොඳුඇට පෙළ තෙරපුමට ලක්‌වීම නිසා කොඳුඇට පෙළ ස්‌නායුවල වේදනාවක්‌ හට ගනී.
 
 නිවැරැදි ඉරියව් අනුව දුරකථනය භාවිත කිරීම.
 
 ජංගම දුරකථනය භාවිත කරන විට හිස කෙළින් තබාගෙන ඇමතුම්වල නිරත වන්න.
 
 කෙටි පණිවුඩ යෑවීම, අන්තර් ජාලයේ සැරිසැරීම සිදුÊකරන විටදී හිස කෙළින් තබාගෙන ඇස්‌ මට්‌ටමක දුරින් දුරකථනය තබා ගෙන එය භාවිත කරන්න.
 
 දිගු වේලාවක්‌ දුරකථන ඇමතුම්වල යෙදෙන්නේ නම් ඊකමැ ඔදදඑය හෝ Haබා Fරුe වැනි උපකරණ භාවිත කරන්න.
 
 දිගු වේලාවක්‌ ජංගම දුරකථනය භාවිත කරන විට විනාඩි 15 කට වරක්‌ බෙල්ලේ ඉරියව් වෙනස්‌ කරන්න.
 
 දුරකථනය කෙළින්ම කන මත තබාගෙන දුරකථන ඇමතුම් ගන්නේ නම්, දිගු වේලාවක්‌ ඇමතුම්වල යෙදෙන්නේ නම් ජංගම දුරකථනය කන් දෙකට මාරු කරමින් ඇමතුමේ යෙදෙන්න.
 
 ස්‌මාර්ට්‌ ජංගම දුරකථන දිනපතා භාවිත කිරීම නිසා ඇතිවන කායික අපහසුතා මඟහරවා ගැනීම සඳහා දිනපතා යෝග ව්‍යායාම, ඇවිදීම, මාංශ පේෂි ඉහිල් කරන ව්‍යායාමවල යෙදීම මගින් ශරීරයේ මාංශපේෂි ස්‌නායු නිරෝගී ක්‍රියාකාරීත්වයෙන් සහ නම්‍යසුළු බවින් (Fකැංසඉaකැ) යුතුව පවත්වා ගැනීමට හැකිය.
 
 දුරකථන ඇමතුමේ යෙදෙන ඉරියව් වෙනස්‌ කරන අතරම පැයකට වරක්‌ කොන්ද පසුපසට තුන්වරක්‌ ඇදීම සිදු කරන්න.
 
 සන්ධි රෝග පිළිබඳ විශේෂඥ වෛද්‍ය ලලිත් විජයරත්න