ටයි අඳින්න අපිට විවිධාකාර අවස්තාවන් උදාවෙනවා. ඒ වගේම ඒ ඒ අවස්ථාවන්ට උචිත විවිධ ටයි වර්ග තිබෙනවා. ගොඩක් වෙලාවට අපි යම් සමාගමක සේවය කරනවා නම් අපිට ඇඳිය යුතු නියමිත ඇඳුම අතරේ ටයි පටිය ඇඳීමත් විශේෂ තැනක් ගන්නවා. ඒ වගේම මාකටින් වගේ ක්ෂේත්‍ර වල වෘත්තිකයින් මේ ටයි පටිය වැඩිපුර අඳින නිසා මේකට විහිලුවට “වංචාපටිය” කියලත් කියනවා. ඉතින් මේ ටයි පටිය ගැන දන්නා දේට වඩා නොදන්නා දේවල් වැඩියි කියලයි අපිට නම් හිතෙන්නේ. ඒ නිසා කාගේ කාගේත් හිත සුව පිණිස අපි ටයි පටිය ගැන නොදන්නා කාරණා ටිකක් දැනගෙන සිටිමු.

1. කොටස්

ටයි එකේ විවිධාකාර කොටස් තිබෙනවා ඒ වගේම ටයි පටියක් ගන්නකොට සැලකිලිමත් වෙන්න ඕනේ කාරණා කිහිපයකුත් තියෙනවා. අපි එකින් එක දැනගමු.
 

i. ලයිනින්

Source – reddit.com

ටයි එකක් අතට ගත්තම මුලින්ම ටයි එකේ ලයිනින් එක ගැන සැලකිල්ලක් දක්වන්න. මේකට හේතුව තමා ටයි එකේ ලයිනින් එක නිසා ටයි පටිය අඳින්නට පහසු වෙනවා වගේම ටයි පටිය හැකිලිමෙන් වලකිනවා. සාමාන්‍යෙන් ටයි පටියක ලයිනින් එක නිමවෙන්නේ 100% ම වූල් වලින්.

ii. පෙනුම (ෆැබ්රික් එක)

Source – redaslaoui.com

ස්පර්ශ කර අතගා බැලීමෙන් ඔබට ටයි පටියේ ෆැබ්රික් එක ගැන අදහසක් ගත හැකියි. ටයි පටිය බොහොම පහසුවෙන් ගැට දැමීමට මේ සිල්කි ගතිය අපිට උදව් වෙනවා.

iii. රෝල් කරන්නට හැකි බව

Source – reachingkayo.com

ටයි පටියක් අතට ගත්තම එය රෝල් කරන්නට හැකිද කියා බලන්න. එසේ හැකි නම් එය අපි පැලඳු විට නියමිත හැඩයෙන් තිබෙන්නට මේ රෝල් කරන්නට හැකි බව උදව් වේවි.

2. ප්‍රමාණය අනුව ටයි පටිය

Source – reddit.com

ටයි එක පැළඳුවාට පසු එය ඔබේ කලිසමේ පටියේ ස්පර්ශ වෙනවා නම් තමයි ඔබ නියමිත අයුරින් එය පළඳා ඇති බව දැනෙන්නේ. ඒ වගේම ඔබ සාම්ප්‍රදායික ලෙසින් ටයිපටිය අඳිනවා නම් ඔබ අඳින කබායේ කබා පටි දෙක හමුවන තැන ගැලපෙන ආකාරයට ටයි පටියේ පළල නියමිත වෙන ලෙස සකසා ගත යුතු වෙනවා.

3. තැන අනුව ඩිසයින් එක

Source – fashionstork.com, pinterest.com

ඔබ සතුව වුල් ටයි පටි තිබේනම් ඒවා සාමාන්‍ය කැෂුවල් ඇඳුමකට හෝ ට්වීඩ් පැළඳුමකට සෑහෙනවා. එහෙත් ඔබ සතුව තියෙන්නේ සිල්ක් වලින් වියමන් කල ටයි පටියක් නම් එයින් හැඟවෙන්නේ එය පළඳින්නට හොඳම ස්ථාන වන්නේ රාජකාරි මට්ටමේ වැඩ කටයුතු සඳහා පමණක් බවයි.

මේ වර්ග දෙකම මාරු කරලා පැළඳුවා කියලා කිසිම වරදක් නැහැ. එහෙම වුනොත් ඔබ fashion sensation එකක් වෙනවට වඩා fashion disaster එකක් ලෙස අවට සමාජයට පෙනෙන්න තිබෙන ඉඩ වැඩියි.

4. ඇඳුමේ වර්ණය අනුව ටයි පටිය

Source – youtube.com

වර්ණ ගලපන්න කියලා කිව්වට වෙළඳපොලේ දහස් ගණනක වර්ණ වලින් යුතු ටයි පටි තිබෙනවා. ඒ වගේම ඒ වර්ණ වලින් ඔබේ ප්‍රතිරූපය ඔප් නැංවෙනවා කියන කාරණයත් සැලකිල්ලට ගන්න ඕනේ. ඔබ සහභාගී වෙන උත්සවය සහ අවස්තාව එහෙමත් නැතිනම් ඉසව්ව සම්බන්ධයෙන් මේ ටයි පටියේ වර්ණය වෙනස් වීම ඉතාම වැදගත් වෙනවා. ඔබේ කමිසය සහ කලිසමේ පාටට ගැලපෙන ටයි පටියේ වර්ණය ගලපා ගත යුතු වීම නම් අනිවා ෆැක්ට් එකක්.සාමාන්‍ය අවස්ථාවට අඳින ටයි පටියකට ඇති රීතිය වෙන්නේ ඔබේ කමිසයේ වර්ණයට වඩා තද පැහැති විය යුතු බවයි.

5. සමේ වර්ණය අනුව ටයි පටිය

Source – pinterest.com, pinterest.com

ඒ වගේම ඔබට තියෙන්නේ තලෙළු පැහැති සමක් නම් දීප්තිමත් වර්ණයක ටයි පටියක් පැළඳීම සුදුසුයි. ඔබට තියෙන්නේ පැහැපත් සමක් නම් ඔබ තෝරාගන්න ඕනේ මඳක් තද පැහැති ටයි පටියකුයි.

6. ටයි ගැට

Source – youtube.com, ties.com, ties.com

ටයි ගැට එහෙමත් නැතිනම් සිංහලෙන් කියනවා නම් tie knots එකකට එකක් වෙනස් වර්ග රාශියක් තියෙනවා. එහෙත් අපේ බහුතරය භාවිතා කරන්නේ ප්‍රධාන ධාරාවේ ටයි ගැට තුනක් තමයි. ඒ තමා Four In Hand Knot, Full Windsor knot සහ Half Windsor knot කියන ටයි ගැට ත්‍රිත්වය. අනික් වැදගත් ම දේ තමා මේ ටයි ගැට සියල්ලම ප්‍රධාන වශයෙන් සුදුසු වෙන්නේ එකකට වෙනස් ප්‍රධාන හේතු තුනකට වීම.

Four In Hand Knot : ප්‍රිය සාදයකට හෝ සුහද හමුවකට

Source – gents-guide.com

Full Windsor knot : සම්මුඛ සාකච්ඡා හෝ ව්‍යාපාරික හමුවලට

Source- atailoredsuit.com

Half Windsor knot : විවාහ උත්සව හෝ ප්‍රියසාදයන් වලට

Source- gents-guide.com

මේවාට අමතරව තව අතිරේක ටයි ගැට වර්ග 18ක් තියෙනවා. ඒ සෙට් එකම මේ ලින්ක් එක හරහා කියවන්න පුළුවන්.

7. ටයි බාර් එක

i. මොකද්ද මේ ටයි බාර් එක කියන්නේ?

Source – vuhoops.com

ටයි බාර් එක කියන්නේ ඔබ ටයි පටිය ඇන්දාට පස්සේ ටයි පටිය වෙනස් නොවී තියෙන්නට කමිසයට ටයි පටිය තබා පළඳින පුංචි ක්ලිප් එකටයි.

ii. කොතැනද පළඳින්නේ ටයි බාර් ?

Source – buzzle.com

දැන් මෙහෙම කියනකොට මේ ටයි බාර් එක පළඳින්න උවමනා කොතනටද කියලා අපේ යාළුවො බලනවා ඇති. ඒක මෙහෙමයි. සාමාන්යෙන් ටයි බාර් එක පළඳින්නේ කමිසයේ 3වැනි සහ 4 වැනි බොත්තම් අතරට වෙන්නයි. මීට උඩින් හෝ පහලින් ටයි බාර් එක පළඳින්න පුළුවන්. එහෙත් සම්මතය තමයි මේක. අනික ඔබ ටයි බාර් එක පළඳින හැම වෙලාවකම එය කමිසයත් ටයි එකත් එකතුවන විදියට තමා පළඳින්න ඕනේ. නිකම්ම ටයි බාර් එක ටයි එකේ පළඳින එක වැරදි විදිහක්.  තවත් කාරණයක් තියනවා. ඒ තමයි ටයි බාර් එකක් මිලදී ගනිද්දි කිසිම වෙලාවක ටයි එකේ පළලට සමාන හෝ ඊට වැඩි දිගකින් යුතු ටයි බාර් එකක් නොගන්න එක. ටයි බාර් එකේ දිග ටයි පටියේ පළලින් භාගයක් හෝ 3න් 2ක පමණ ප්‍රමාණයක් වීම තමයි වඩාත් සුදුසු වන්නේ.

iii. කමිසයේ ටයි එකේ වර්ණය අනුව ටයි බාර්

Source – dailyherald.com

කමිසයේ වර්ණය, ටයි පටියේ වර්ණය අනුව ටයි බාර් එකේ වර්ණයත් ඔබ තෝරා ගත යුතු වෙනවා. බොහෝ වෙලාවට බොහෝ දෙනෙක් පළඳින්නේ රන් පැහැති හෝ රිදී පැහැති ටයි බාර් වුනත් අද වෙනකොට කෆ්ලින්ක්ස් එක්ක ටයි බාර් එකකුත් මිලදී ගන්නට හැකි නිසා ඔබට පහසුවෙන්ම ඔබේ විලාසිතාවට ගැලපෙන ටයි බාර් එක වෙළඳ පොලෙන් පහසුවෙන් ම සොයා ගන්නට පුළුවන්.