සීගිරි අප්සරාවගේන් පැරණි පෙම්වතාට...

ඔව් මට දුන්නා නුඹ ප්‍රේමය මම දනිමි
දහසක් පැතුම් පැතුවේ අපි එකට බැදී
කුමරුන් මගේ රුව මත්තේ හිත පැටලී
පැතුවේ මෙමා කරගන්නට අග මෙහෙසී

හැඩුවා එදා නුඹ පාමුල හැපී හැපී
රැක ගනු කියා ඉල්ලූයේ වැටී වැටී
කුමරුට බියේ නුඹ මා අත් හල විටදී
කුමරුන් සමග ගියෙ මා හදවත මැරී වැටී

මා පෙම් කලා නුඹ හට එය හොදින් දනී
රජු හට මා පුදා නුඹ සැගවුනු බවද දනී
ගැහැණිය රැකගන්න නොහැකිව ලතවන පිරිමී
සක්වල රජ උවත් දුහුවිල්ලක් නොවටී

ඔහු මා නුඹෙන් ඩැහැගත්තා නපුරු ගතී
පවුරු බැන්දෙ මා රැකගන්නට වෙහෙසී
රජෙකු නොවී ඔහු මට වූයේය සකී
නුඹ හිස් කල හිතට ප්‍රේමය දුන්නා බැදී

කලක් ගතවෙලා අප දැන් මුන නොගැසී
පවුරට නැගුනු රුව දුටුවද මේ ලගදී
සිත තුල චපල ගති නැවතත් උඩ මතුවී
මා සිහිවූයේ රුව දුටුවට පසුද සකී

කසුප් නිරිදු නපුරෙකි මා එය නම් දනිමී
හදවත ගලකි සීගිරියත් වෙයි දෙවෙනී
ඒ හද මත්තෙ මගෙ රුව සිත්තම් විලසී
මා සිතුවම් කලා සීගිරියේ ලොවක් දකී

දුටුවද මගේ රුව සීගිරියේ ඇදී ඇති
කුස රැලි වැටී ඇත තිසරුන් ඇත සැගවී
සැමදා දකින මුත් මගෙ රුව යන වැහැරී
තාමත් මා කසුප් රජුගේ අග මෙහෙසී

වස්තුව සැපත රූපය නම් ඇති තැනදී
ගැහැණිය චපල වන බව මුලු ලොවක් දකී
නැත එය මුසාවකි සිහිකර බැලු විටදී
ගැහැණුන් චපල හිත් නැති පිරිමින් ලගදී

....... මදූ.....