ස්‌නායු තෙරපීමෙන් ඇතිවන අත්පා හිරිය දැවීම හා කොඳුඇට පෙළ වේදනාව   

 
කොඳු ඇට පෙළේ පහළ සිට හා අත දිගේ යන වේදනාව හිරිගතිය හා දැවිලි තත්ත්වය හට ගනු ලබන්නේ කටී කශේරුකා හෙවත් ලම්බා අස්‌ථි 5 අතරින් එන ස්‌නායු තෙරපීමක්‌ නිසාවෙනි. මෙම තෙරපුමට හේතු වශයෙන් අධික ලෙස බර එසවීම අධික ලෙස ක්‍රීඩා කිරීම හා හදිසි අනතුරු හේතුවිය හැක.

 අධික ලෙස කොන්දෙන් නැවී සිටීම නිසාද මෙම තත්ත්වය හට ගැනේ. කෙසේ නමුදු ඔස්‌ටියෝ අතරයිටිස්‌, ඔස්‌ටියෝ පොරොසිස්‌, ඔස්‌ටියෝ ලිප්නිස්‌ යන තත්ත්වයන් යටතේද මෙම ස්‌නායු තද වීම සිදුවිය හැකිය.

 වයසත් සමග සිදුවන විශේෂයෙන් කාන්තාවන්ගේ ඔසප් තත්ත්වය නැවතීමත් සමග සිදුවන හෝර්මෝන බලපෑම කැල්සියම් තැන්පත් වීම වැරදි ලෙස සිටගෙන සිටීම හෝ ඉඳගෙන සිටීම හේතුවෙන්ද මෙම තත්ත්වය ඇති වෙයි.

 බටහිර වෛද්‍ය ක්‍රමයේ දැක්‌වෙන පරිදි ලම්බා අස්‌ථි ඛ1ලඛ2ලඛ3ලඛ4ලඛ5ල ලෙස සටහන් කරනු ලබන අතර මැදි වයස ඉක්‌මවූ පසු හෙවත් අවුරුදු 45 පසු වූ විට විශේෂයෙන් කාන්තාවන්ගේ දක්‌නට ලැබේ.

 ස්‌නායු තෙරපුමක්‌ සඳහා හෙළ වෙදකමේ හා ආයුර්වේදයේ වෙදකම් කිරීමට නොහැකි යෑයි තීරණය කරනු ලබන කොඳුඇට පෙළ ආබාධවලට සාර්ථක ලෙස ප්‍රතිකාර කළ හැකිය. ඒ සඳහා ඔබ සතුව ඇති ඞ - ර්‍අහ ඡායාරූප හා ඵගර්‍ගෂ සටහන් මගින් තීරණය කළ හැකි වෙයි. එයට අමතරව ආයුර්වේදයේ පවතින හෙළ වෙදකම හා සම්බන්ධ විධි මගින්ද තීරණය කළ හැකි වේ.

 කෙසේ වුවද බටහිර වෛද්‍ය ක්‍රමයේ විද්‍යාව මත පදනම් වූ සොයා ගත් ලෙඩ රෝග වලට පමණක්‌ ඖෂධ නියම කිරීම මෙන් නොව එයටත් එහා ගිය රෝගයන්ට ප්‍රතිකාර කිරීමත් හෙල වෙද කමේ හා ආයුර්වේදයේ දක්‌නට පිළිවන.

 බෙහෙත් පත්තු තෙල් ගුලි කල්ක මෙන්ම ක්‌වාත වර්ග භාවිත කිරීමද සිදුවන අතර දියවැඩියාව හා අධික රුධිර පීඩනය කොලෙස්‌ටරෝල් පවතින විට ඒ තත්ත්වයන් මත සලකා බලා ප්‍රතිකාර කිරීම සිදුකරයි.

 තැවිලි ක්‍රම හා තෙල් අභ්‍යංග ගත කිරීම් සමග ආහාර භාවිත කරන අන්දම පිළිබඳව සැලකිලිමත් විය යුතුය.
 අධික ලෙස කොඳු ඇට පෙළ නැවීමද හේතු විය හැකිය. මීට අමතරව ශරීරයේ පවතින අධික කැල්සියම් තත්ත්වය නිසා අස්‌ථි එකට එක සම්බන්ධ වීම නිසා ද මෙම තත්ත්වය හට ගැනේ.
 ඪෙටදබ්ර්එසඩැ Sචපාසකදහි ඔස්‌ටියෝ ලිප්නිස්‌ ඔස්‌ටියෝ පොරොසිස්‌ යන තත්ත්වයන් යටතේද කොඳු ඇට පෙළ හෙවත් කශේරුකාවේ ස්‌නායු තෙරපීමට පිළිවන.
 හෙල වෙදකම හා ආයුර්වේදයේ මෙම රෝගී තත්ත්වය නිර්මාණය කර ගැනීමේදී ආයුර්වේද වෛද්‍යවරු හා වෙද මහත්වරු පාරම්පරික ක්‍රම (ඇනීමෙන්, නැවීමෙන්, දිග ඇරීමෙන්,ඇදීමෙන් හා ස්‌ථානික වේදනා හා හිරිවැටීම් වේදනා) යන තත්ත්වයන් විමසීමෙන් ද රෝග හඳුනාගනී.
 බටහිර වෛද්‍ය ක්‍රමය යටතේ ඞ - ර්‍අහ ඵගර්‍ගෂ Sජ්බ මගින් රෝගය පිළිබඳ විස්‌තරාත්මක ඡායාරූපයක්‌ ලෙසද ගෙන රෝග නිර්ණය කළ හැකි වේ. එහෙත් බටහිර වෛද්‍ය ක්‍රමය පරීක්‌ෂණ මත නිගමනයන්ට එළඹීම මගින් සොයා ගන්නා ලද රෝග සඳහා ඖෂධ නිකුත් කිරීම කරනු ලබන අතර අධික ලෙස වේදනා නාශක වර්ග භාවිත කරන අතර ආලේපයට ජෙල් වර්ග ලබාදීම සිදු කරයි.
 එසේම නමුදු රාවණා රජු යුගයේ සිට පැවත එන සිංහල හෙළ වෙදකම හා ආයුර්වේදයේ සෘෂිවරුන්ගේ බෙහෙත් වට්‌ටෝරු හා ශල්‍යකර්මයන් අද වන විට නොයෙකුත් බලවේගයන්ගේ ක්‍රියාකාරීත්වයන් මත යටපත් කරන තත්ත්වයට පත්ව තිබේ. ස්‌ථිර සාර නිට්‌ටාවට සුවවන ලොව පිළිගත් වෛද්‍ය ක්‍රමයන් ආයුර්වේදයේ හා හෙළ වෙදකමේ ඇති බව නොරහසකි.
 එනමුදු හෙළ වෙදකම හා ආයුර්වේදයේ සීමාවන් නොමැති ලෙඩ රෝග අස්‌ථි සන්ධි කැඩුම් බිඳුම් හා සර්වාංගගත රෝග සඳහා අසීමිත වූ වෙදකම් රාශියක්‌ පවතී. එනම් පරීක්‌ෂණ හා නිගමන මත සිදුවන ප්‍රතිකර්මයන්ට වඩාත් සංකීර්ණ වූවක්‌ බව ඉතා ආඩම්බරයෙන් සිහිතබා ගත යුතුව ඇත.
 පාරම්පරික පුස්‌කොළ වට්‌ටෝරුගත පත්තු වර්ග හා තෙල් වර්ග භාවිතය හා ගුලි කල්ක මගින් මෙම තත්ත්ව වළක්‌වාගත් පිරිස අධික බව අප වටහා ගත යුතුයි.
 වැඩිදුර විස්‌තර සඳහා දුරකථන අංක 0770488118 ඇමැතිය හැකිය.
               

දරුවන්ට ඇතිවන මලබද්ධ සංකූලතා

දරුවාගේ ඇස් හොඳට පෙනෙනවාද

 හැසිරීමෙන් හොයාගන්න හැටි

කුඩා දරුවන් ‘තම දෙනෙත් මෙනැ’යි යන කියමනක් තිබේ. එය සත්‍යයකි. දරුවා මවට මිල කළ නොහැකිය. දෙනෙත් නැතිව ජීවිතයෙන් පලක් නැත. එනිසා දෙනෙත්ද එසේමය. එහෙයින් මවු ගුණයෙන් පිරි මවකට තම දරුවන් දෙනෙත් වැනිය. එනිසාම දරුවන් සේම දෙනෙත්ද රැුක ගත යුතු වේ. එහෙත් කුඩා දරුවන් කායිකව වර්ධනය වීමත් සමග ඔවුන් පරිසරයට හුරුවන්නේ දෙනෙත්වල උපකාරයෙනි. මේ නිසා නිරෝගී දෑසක් උරුමවීම අලූත උපන් දරුවාට කියවීම, ලිවීම හා අනෙකුත් ක‍්‍රියාකාරකම් සඳහා අවශ්‍ය ය. නිරෝගී දෙනෙතින් අපට ඈත ඇති දේ සහ ළඟ ඇති දේ හොඳින් පැහැදිලිව නිරීක්ෂණය කිරීමට හැකිය. එහෙත් දෑසින් දැකිය හැක්කේ එපමණක් නොවේ.

දරුවා පොතක් හෝ යමක් කියවන විට ෙඡ්දයේ හෝ පරිච්ෙඡ්දයේ කොටස් වරදින අවස්ථා තිබිය හැකිය. මවුපියෝ මෙවැනි දෑ නොසලකා හරිති. සමහරු ද`ඩුවම් කරති. එහෙත් මෙසේ වීමට හේතුව ගැන විමසිය යුතු වේ. මෙය නිතර සිදුවන්නේ නම් පෙනීමේ දුර්වලතාවක් නිසා සිදුවන්නේද යන්න ගැන අවධානය යොමු කළ යුතු වේ.

නිරෝගී දෑසින් එක සමාන අක්ෂර සහ සංඛ්‍යා නිවැරදිව හ`දුනා ගැනීමට සහ ඒවා මතකයේ තබා ගැනීමට ද උපකාරී වේ. උදාහරණ ලෙස අංක 6, 9 වැනි අංක සේම 'b' 'd' වැනි අක්ෂර නිරීක්ෂණය කිරීමෙන් පසුව ඒවා මතකයෙන් හඳුනා ගැනීමට උපකාරී වේ.

යම් දරුවකුගේ පෙනීමේ යම් දුබලතාවක් තිබේ නම් එමගින් ඉගෙනීමට බාධා ඇති වේ. මේ නිසා මුල් වර්ධන අවදියේ හෝ පූර්ව ළමාවියේදී දරුවාගේ බුද්ධි වර්ධනයේ හෝ අනෙකුත් ක‍්‍රියාකාරකම්වල යම් වෙනසක් පෙනේ නම් අනෙකුත් දරුවන්ට වඩා එය පැහැදිලි වුවහොත් මවුපියන් ඒ ගැන අවධානය යොමු කළ යුතුය. මීට හේතුව දරුවාගේ පෙනීමේ දුබලතාවක් තිබේ දැයි මවුපියන් නොපමාව කටයුතු කළ යුතුය යන්නය.

කියවන විට වැරදෙනවාද?

දරුවා පොතක් හෝ යමක් කියවන විට ෙඡ්දයේ හෝ පරිච්ෙඡ්දයේ කොටස් වරදින අවස්ථා තිබිය හැකිය. මවුපියෝ මෙවැනි දෑ නොසලකා හරිති. සමහරු ද`ඩුවම් කරති. එහෙත් මෙසේ වීමට හේතුව ගැන විමසිය යුතු වේ. මෙය නිතර සිදුවන්නේ නම් පෙනීමේ දුර්වලතාවක් නිසා සිදුවන්නේද යන්න ගැන අවධානය යොමු කළ යුතු වේ. මේ හැර දරුවාට ඉගෙනීමේ කටයුතුවලදී කියවීම මඟහරිනවා නම්, ඒ ගැන උද්යෝගය අඩු නම් එයට ඇතැම් විට පෙනීමේ දුර්වලතාවක් හෝ එහි පෙර නිමිත්තක් විය හැකිය. එනිසා මෙවැනි දෙයට ද`ඩුවම් කිරීම සුදුසු නොවේ. ඒ සඳහා දරුවාට ආදරයෙන් විමසිය යුතුය. පෙනීමේ යම් දුබලතාවක් තිබේ යැයි හැෙ`ග් නම් පමා නොකර අක්ෂි වෛද්‍යවරයකුගේ උපදෙස් ලබා ගැනීම වැදගත්ය.

අවධානයෙන් ඉන්න ඕනෑ අවස්ථා

දරුවාගේ ඇස්වල දුබලතා තිබෙන බව බොහෝ කාලයක් යනතුරු හ`දුනාගත නොහැකි වන අවස්ථා තිබේ. එහෙත් පහත සඳහන් නිරීක්ෂණ පෙන්වයි නම් වහාම ඒ සඳහා අවධානය යොමු කළ යුතුය.

දරුවා නිතර ඇස් දෙක පොඩි කරමින් හෝ දෙඇස් නිතර අතින් පිරිමදින්නේ නම් දරුවාගේ දෑස් නිරීක්ෂණය කිරීමේදී වපරයක් දක්නට ලැබේ නම්

දරුවා අසාමාන්‍ය ලෙස ඇසිපිය ගසන්නේ නම්

දරුවා නිතර හිසරදය ගැන හෝ යම් දෙයක් දෙස බැලීමෙන් පසුව හෝ කියවීමෙන් පසුව හිසරදය ගැන පවසන්නේ නම්

දරුවාගේ හිස එක් පැත්තකට ඇල කර බැලීමට පුරුදු වුවහොත්

සමහර දරුවන් දුර හෝ ළඟ ඇති වස්තුවක් දෙස බලන්නේ නම්

බොහෝ සමීපයට ගෙන පොත් කියවයි නම්

මෙම ඉහතින් දැක් වූ ලක්ෂණ බොහෝවිට දරුවාගේ පෙනීමේ හෝ පෙනීමට අදාළ ස්නායු පද්ධතියේ යම් වෙනස්කමක් නිසා සිදුවන අසාමාන්‍යතා විය හැකිය. මෙම ගැටලූ තිබේ නම් ඒ සඳහා සුදුසුකම් ලත් අක්ෂි වෛද්‍යවරයකුගේ උපදෙස් ලබා ගැනීම ඉතාම වැදගත්ය.

ඇස අභ්‍යන්තරයේ ගැටලූවක්ද?

දරුවාගේ ඇස් දෙස බැලීමේදී පහත සඳහන් වෙනස්කම් පෙනේ නම් එය දරුවාගේ පෙනීමේ යම් වෙනස්කමක් හෝ ඇස අභ්‍යන්තරයේ යම් ගැටලූ නිසා ඇතිවිය හැකි ගැටලූ බැවින් ඒ ගැන විශේෂ අවධානය යොමු කිරීම වැදගත් වේ.

දරුවාගේ දෑස් සාමාන්‍ය පිහිටිය යුතු ප‍්‍රමාණයට වඩා ඉදිරියට නෙරා ඇත්නම්

ඇස් පියන විට සම්පූර්ණයෙන් හෝ බාගෙට නොවැසී පෙනෙන්නේ නම්

නිතර ඇස් රතු පැහැ ගැන්වී තිබේ නම්

ඇසේ කුනීතයේ දුඹුරු පැහැගැන්වීමක් හෝ අවපැහැගැන්වී දිලිසෙන ගතිය අඩුව දිස්වේ නම්

ඇස්වලින් නිතර කබ හෝ කහ පැහැති ශ‍්‍රාවයක් පිටවන්නේ නම්

දරුවාගේ ඇස් ඉතා වේගයෙන් ඉහළ පහළ හෝ පැත්තෙන් පැත්තට වන චලනයන් දිස්වේ නම්

දරුවාගේ දෑස්වලින් නිතර කඳුළු හෝ පැහැයක් නැති ශ‍්‍රාවයක් ගලන්නේ නම්

දරුවාගේ ඡුායාරූපයක් ගත් විට දෑස් මධ්‍යයේ කරණිකාව සුදු පැහැයට දිස් වේ නම්

ඉහත ස`දහන් ලක්ෂණ දරුවාගේ ඇස්වල හෝ පෙනීමේ යම් ගැටලූ නිසා ඇතිවන බවට ඉ`ගියකි. මෙවැනි යම් වෙනස්කමක් දිස් වේ නම් මවුපියන් පමා නොකර සුදුසුකම් ලත් වෛද්‍යවරයකුගේ උපදෙස් ගත යුතුය.

ඇතැම් විට මවුපියෝ දරුවාගේ ඉහත සඳහන් ලක්ෂණ ගැන එතරම් සැලකිලිමත් නොවෙති.එහෙත් දරුවාගේ පෙනීමේ යම් දුබලතාවක් නිරීක්ෂණය නොවුණද වර්ධනයත් සමග දරුවාගේ ඇස්වල වේදනා, පෙනුම බොඳවීම හෝ කසන සුලූ ගතියක් ගැන පැවසිය හැකිය. එසේ පවතිනවා නම් ඒ ගැන නොසලකා හැරිය යුතු නොවේ. ඉතා ඉක්මනින් අක්ෂි වෛද්‍යවරයකුගේ උපදෙස් ලබා ගැනීම ඉතාම වැදගත්ය.

ඇස් පරීක්ෂා කිරීම ප‍්‍රමාද වුණොත් මොකද වෙන්නේ. ඒ ගැන ඊළඟ ලිපියෙන් කතා කරමු.

අක්කපාන දලු සම්බෝලය සිරුරට දෙන පුදුම ගුණය

අක්කපාන විශේෂයෙන් වැවෙන්නේ ගල්තලාවලය. ලංකාවේ බොහෝ ප්‍රදේශවල වැවෙන අක්කපාන, අප්‍රිකානු රටකින් මෙරටට සංක්‍රමණය වූ පැළෑටියකැයි විශ්වාස කෙරේ. ලංකාවේ පමණක් නොව නිවර්තන කලාපයේ රටවල් බොහොමයකදි අක්කපාන හඳුනාගත හැකිය. Kalanchoe pinnata විද්‍යාත්මක නාමයෙන් හඳුන්වන අක්කපාන බහුවාර්ෂික පැළැටියකි. ගල් තලාවන් දිගේ විහිදී ගාලක් ලෙස වැවෙන අක්කපාන, සමහර විටෙක පොළොවට ලම්භකව අඩි දෙකක් පමණ උසට ශාකයක් ලෙසද වැවේ. රෝස පැහැයට හුරු අලංකාර මල් පොකුරු හටගනී.

පොත් අස්සේ දමා මුල් අද්දවා ගැනීමට අමතරව, අක්කපාන සමඟ ඊට වඩා සබැඳියාවක් ළමා අපට තිබුණාදැයි නොදැන සිටි මුත් අපේ කෑමවේලේ බත්පත සමඟ ලැබෙන විවිධාකාර වූ ව්‍යාංජන අතර “අක්කපාන” කොළ සම්බෝලය තිබී ඇති බව දන්නේ වැඩිහිටි වූ අවධියේ අම්මාගේ අතීත මතක අප සමඟ බෙදාහදා ගත් දිනකය.

“ඉස්සර ගෙදරක අම්මා තමයි ගොඩ වෙදකම් සේරම කරන්නේ.. ඒවගෙන් හැම එකක්ම වගේ හරි ගියා මිසෙක වැරදුණේ නෑ… ගෙදර දරුවෙකුගේ බඩ පිපුමකට, සෙම්ප්‍රතිශ්‍යාවකට, අජිර්ණයකට අත් බෙහෙත් ඇය දැනගෙන හිටියා. ගෙයි කුස්සිය පැත්තේ සකසා ගත් ඉඩක පුංචි පුංචි බෙහෙත් පැළැටි වවල තියාගෙන හිටියා. ඉඟුරු පැළයක්, කහ පැළයක්. කරපිංචා ගහක්, ලුණුවිල ටිකක්, වැල් ගොටුකොළ ටිකක්, අමුක්කරා පැළයක් ඒ ඒ පුංචි ඉඩේ අනිවාර්යයෙන් තිබුණා… අනුපානයන් විදියට මීපැණි කුප්පියක් ඇගේ දුම්මැස්ස කිට්ටුව හංගලා තියාගෙන හිටියා...සුලභව හමු නොවන පළාත්වල “අක්කපාන” පැළේකුත් මේ ඉඩකඩේ වවාගන්න අම්මා අමතක කළේ නෑ….”

අක්කපාන කියූ සැණින් බොහෝ දෙනා දන්නේ එය මුත්‍රාශයේ හටගන්නා ගල් දිය කර යවන්නට හැකි අපූරු ඖෂධයක් ලෙසය. ආයුර්වේදයේ දී සංස්කෘතයෙන් “පාෂාණ බේදන” ලෙසද අක්කපාන හඳුන්වන්නේ එහි ඇති එම සුවිශේෂ ගුණය නිසාය. නමුත් අක්කපාන යනු ඒ වෙනුවෙන්ම පමණක් යොදාගත හැකි ඖෂධයක් නොවේ. බොහෝ දෙනා එතරම් නොදැන සිටියත්, අර්ශස් රෝගයටත්, එහි ප්‍රභේදයක් වන “රක්තාර්ශස්” රෝගයටත් අක්කපාන වලින් ගුණ ලබාගත හැකිය. තවදුරටත් විස්තර කරන්නේ නම් අධෝ මාර්ගය ආශ්‍රිත බොහෝ රෝග සඳහා ඖෂධයක් ලෙස “අක්කපාන’ යොදාගත හැකිය.

“අධෝ මාර්ගය ආශ්‍රිත රෝග බොහොමයක් ඇතිවෙන්නේ ආහාර ජීර්ණ පද්ධතියේ දෝෂ නිසා. ආහාර ජීර්ණ පද්ධතියේ දෝෂ ඇතිවෙන්නේ අපි ගන්නා ආහාර වල විවිධාංගීකරණය අඩු වුණහම… බත්, පාන්, කේක් විදියට ආහාරයේ නම් වෙනස් වුණාට ඒ තුනේම තියෙන්නේ පිෂ්ටය. ෆ්‍රයිඩ් රයිස් ගත්තත්, කොත්තු ගත්තත් තියෙන්නේ පිෂ්ටයයි, මේදයයි, ශරීරයට අහිතකර කෘතිම රසකාරකයි විතරයි.නමුත් තන්තු සහිත ආහාර වැඩිපුර ගැනීමෙන් විතරයි ආහාර ජීර්ණ පද්ධතියේ දෝෂ වළක්වාගන්න පුළුවන්. ”

ඒකාකාරී ආහාර රටාව නිසා ශරීරයේ ලේ ධාතුව දුෂ්‍ය වීමෙන් ග්‍රහණි සහ අධෝ මාර්ග ආශ්‍රිත දෝෂ තත්වයන් හටගනී. ඒවා කල් පැවැතීමෙන් ඒ ආශ්‍රිත රෝග හටගනී. එවැනි රෝග සඳහාද “අක්කපාන” හොඳ ඖෂධයකි. සතියකට දෙකකට වරක් අක්කපාන දලු දෙමිටක් ගෙන හීනියට ලියා, එයට යහමින් රතු ලූනු ද,අවශ්‍ය තරමට ගම්මිරිස්, දෙහි සහ ලුණු ද මුසු කර ගොටුකොළ මෙන් සම්බෝල සකසා ආහරයට ගැනීම රෝගී නීරෝගී සැමටම ගුණදායක එකකි. “අක්කපාන” කොළ මිරිකා දෙහි සමඟ මිශ්‍රකොට රසවත් පානයක්ද සකසා ගත හැකිය.

අක්කපාන ප්‍රභේද දෙකකි. එක් වර්ගයක පත්‍ර හීනිය. අනෙකේ පත්‍ර ලොකුය. සමහරෙක නාරටිය රත් පැහැතිය. සමහරෙක නාරටිය සුදු පැහැතිය. මේ ප්‍රභේද දෙකේම ගුණ දේශීය වෛද්‍ය විද්‍යාවට අනුව සැලකූ කළ රසයෙන් කෂාය සහ අම්ලය. ගුණයෙන් ලඝු සහ රූක්ෂය. මධුර විපාකයෙන් සහ ශීත වීර්යයෙන් යුතුය. දේශිය වෙදකමේදී සහ ආයුර්වේදයේදී අක්කපාන වලට ඖෂධීය වටිනාකමක් ලැබෙන්නේ එහි අැති ශීත වීර්යය ගුණය නිසාය.

නිවසේ දී සිදු වන කැඩුම්-බිඳුම් සහ තැළීම් වලදීද, හන්දි ඉදිමුම් හෙවත් සරල ආතරයිටීස් තත්වයන් හීදීද, වෛද්‍ය උපදෙස් ලැබෙන තුරු අත්බෙහෙතක් ලෙසද “අක්කපාන” යොදගත හැකිය. ඒ අක්කපාන කොළ මිටක් පමණ ගෙන ඇල්දියෙන් කොටා තලපයක් සේ අදාළ ස්ථාන වල ආලේප කිරිමෙනි. මෙමඟින් ඉක්මනින් ඉදිමුම අඩුවන අතර වේදනාවද අඩුවේ. සුළු අස්ථි පිපිරුම් තත්වයන් පෑහීමේ හැකියාවද “අක්කපාන” සතුවේ.

අක්කපාන කොළ එළඟි තෙල් සමග හොදින් අඹරා තුවාල මතු පිට ආලේප කිරීමෙන් තුවාල ඉක්මනින් සුව වේ. විසර ගෙඩි මත ආලේප කිරීමෙන් සැරව ඉවත් වේ .විදුරුමස පුපුරා ගොස් දත් ඒමේ දී ඇති වන වේදනාකාරී අවස්ථාවල අක්කපාන කොළ මී පැණි සමග ආලේප කරීමෙන් සුවය ලැබේ.

සමේ ඇති වන කැසිම් වලදී සහ වණ, තුවාල වලදී “අක්කපාන” කොල තැම්බූ දියෙන් සේදීමෙන් සහනය ලබාගත හැකිය. මුත්‍රාශයේ ගල් ඇති රෝගීන්ට තමන් ලබාගන්නා බටහිර වෛද්‍ය ප්‍රතිකාර අතර වුවද සතියකට වරක් දෙවරක් “අක්කපාන” භාවිතයෙන් වඩා හොඳ ප්‍රතිඵල ලබා ගන්නට පුළුවන. ඒ නටන උණුවතුරට අක්කපාන කොළ කිහිපයක් පොඩි කර දමා විනාඩි පහක් පමණ වසා තබා පෙරා බීමෙනි. අම්ල පිත්ත රෝගය, බඩ දැවිල්ල සහ බඩ පිපීම පවතින අයටද අක්කපාන කොළ නටන උණුවතුරේ තම්බා බීමෙන් සුවය ලබාගත හැක. තරුණ ගැහැණු දරුවන්ගේ මාසික වේදනා අවම කරගැනීම සඳහාද මේ ප්‍රතිකාරය සුදුසුය. වයස් ගත වනපුරෂයින්ට සෑදෙන පුරස්ථි ග්‍රන්ථි ඉදිමීමේන් අපහසුතා සඳහාද එම ප්‍රතිකර්මය යොදාගත හැකිය.

රක්තර්ශස්, රක්ත ප්‍රදර සහ රක්තාතීසාරය ඇති රෝගීනට “අක්කපාන” භාවිතා කළ හැක්කේ මෙලෙසය. අක්කපාන කොළ යහමින් ගෙන වණ්ඩුවේ තම්බාගෙන, එහි යුෂ ගෙන මේස හැඳි දෙකක් පමණ මීපැණි ස්වල්පයක් අනුපාන කොට බීමෙන් වේදනාව සමනය වී රක්ත මෝචනය අඩුවනු ඇත. මලබද්ධය පවතින අවස්ථාවන් වලදී දේශීය වෛද්‍ය ප්‍රතිකර්මයක් ලෙස “අක්කපාන” කොළ, කොහිල දඩු සමභාගව ගෙන කොටා, වණ්ඩුවේ තම්බා යුෂ රැගෙන මීපැණි සමඟ භාවිතා කළ හැකිය.

කාන්තාවන්ට ඇතිවන සියලු ප්‍රදර රෝග වළදී සහ අතීසාර අවස්ථාවන් වලදී ක්ෂණික ප්‍රතිකර්මයක් ලෙස අක්කපාන සමඟ තැඹිලි මල් තම්බා, එම වතුර පානය කරන්නට දීමෙන් වහා සුවය සලසා ගත හැකිය.

මානසික ආතතිය ඇති පුද්ගලයන් වෛද්‍යවරුන් හමුවේ පවසන ප්‍රධාන රෝග ලක්ෂණයකි. එම තත්වයට හේතු වන්නේ එවැනි පුද්ගලයින්ගේ රක්ත ධාතුවත්, පිත ධාතුවත් දූෂ්‍ය වීමයි. මෙයද අක්කපාන දලු මිටක් අතින් පොඩි කර, උණුවතුරේ තම්බා බීමෙන් සුවය සලසා ගත හැකිය. වෙනත් ආහාරවල අන්තර්ගත විෂ ද්‍රව්‍ය වලින් ආසාදිත වූ අක්මාවටද, අක්කපාන කොළ තැම්බු වතුර පානය හිතකරය. එමඟින් අක්මාවේ එක්රැස් වූ විෂ කොටස් දිය කර හරිනු ඇත. දිගින් දිගටම මෙවැනි විෂ ද්‍රව්‍ය අක්මාවේ තැන්පත් වීමෙන් ශරිරයේ හෝමෝන ක්‍රියාකාරිත්වය අඩපණ කෙරේ.

අක්කපාන වල කොළ දේශිය වෙදකමේදී ප්‍රයෝජනයට ගත් අතර ආයුර්වේද වෙදකමේදී එහි මුල්ද ප්‍රයෝජනයට ගෙන තිබේ. මෙහි මූල පද්ධතියේ ඇත අලය වැනි කොටස ගෙන හොදින් පිරිසුදු කර කුඩා කැබලි වලට කපා හොදින් වියළා කුඩු කර කෝපි මෙන් උණු වතුරට මිශ්‍ර කර පානය කිරීමෙන් මලබද්ධය වළක්වා ගත හැකිය. එයට අමතරව ආයුර්වේද චූර්ණ වර්ග සඳහාද අක්කපාන භාවිතා කරයි.

අක්කපාන කොළ ඉස්ම තල තෙල් හා මිශ්‍රකර සාදා ගන්නා තෛලය හිසෙහි ආලේප කිරීමෙන් අකලට කෙස් පැසීම වැළකීම හා යහපත් කෙස් කලඹක් ලබන්නට හැකිය . මුත්‍රාශයට අමතරව පිත්තාශය ආශ්‍රිතව හටගන්නා ගල් දිය කර හැරීමටද අක්කපාන භාවිතා කළ හැකිය.

මේ සියලු ප්‍රතිකර්මයන් පුරුද්දක් ලෙස නිතර භාවිතා කිරීමට පෙර පෙරදිග වෛද්‍ය උපදෙස් අනුගමනය කිරිම වැදගත්ය. එහෙත් ආහාරයට එක්කර ගැනිම මගින් හෝ සතියකට වරක් දෙවරක් අත්හදා බැලිමෙන් ශරිරයට කිසිදු අහිතකර බලපෑමක් ඇති නොවේ.

මේ අනුව බලන කළ අප නොසිතන පුළුල් පරාසයක රෝග සඳහා ප්‍රතිකර්මයක් ලෙස අක්කපාන භාවිතා කළ හැකිය. නමුත් අප එයින් නිසි ප්‍රයෝජනය නොගන්නේ ඒ පිළිබද අපේ පරම්පරාවේ ඇති දැනුමෙහි මදකම නිසාය. පරම්පරාවෙන් පරම්පරාවට ගලා ආ අපේ දේශිය ඖෂධ පිළිබඳ දැනුම කිසියම් අවස්ථාවක පස පරම්පරාවට ගලා නොයෑම නිසා මතුවූ හිඩැස නිසා මේ තත්වය ඇතිව තිබේ. සුළු රෝග ලක්ෂණයකදී පවා ඉවසිමෙන් ප්‍රතිකර්මයක් කරනු වෙනුවට වහ වහා රෝහලක් වෙත යාමට වත්මන් පරපුර හුරුවි සිටී.

“අපේ ගෙදර අම්මාගේ අතින් සිදුවූ “ගොඩ වෙදකම” වෙත අපි ආයෙත් නැඹුරු වීමෙන් යහපතක් මිසෙක අයහපතක් වෙන්නේ නෑ.. එදා අපේ කුස්සිය වටේ තිබණු ඖෂධීය පැළ අපිට අද දවසේ ගෙවත්තේ ‘විසිතුරු පැළ” ලෙස වුවත් වගා කරගන්න පුළුවන්. ඒ දැනුම පරම්පරාවෙන් තමන් වෙත නොලැබුණත් මෙවැනි ලිපි හරහා හෝ අලුත් පරපුර මේ ගැන උනන්දු වෙනවා නම් අපිට සුවදායක හෙට දවසක් ගැන බලාපොරොත්තුවක් තියාගන්න පුළුවන්.”

දියවැඩියාවේ අතුරු ලෙඩ හඳුනාගන්න

තරුණකම රකින අස්ථි සවිමත් කරන ජෙලටින්

මනසේ සැඟවුණු රහස් (DEFENCE MECHANISM)