විශ්වවිද්‍යාල දෙකක ඉගෙන ගන්න දියණියක ගෙත් පුතකුගෙත් පියකු වීමට තරම් නිර්මල වාසනාවන්ත වුණේ ඇත්තට ම බිරියගෙ කැපවීම් හින්ද කියල යි ඔහු නිතර ම කල්පනා කරන්නෙ. ලොකු දෑවැද්දක් එක්ක නිර්මල, නීතා ගෙ අතිනත් අරන් අද වෙන කොට හවුරුදු විසි අටකට කිට්ටු යි. දුවයි පුතයි අතරෙ පරතරේ හවුරුදු දෙකකට පොඞ්ඩක් වැඩියි.

නිර්මල රජයේ ආයතනයක විධායක තත්ත්වයේ රැකියාවක් කරතත් බිරිය නීතා රස්සාවක් කරන්නෙ නැතුව ගෙදරට වෙලා ඉන්නෙ ඊට අවශ්‍ය සුදුසුකම් නැතිවම නෙවෙයි. ඕනැවටත් වැඩියෙන් සුදුසුකම් තියාගෙන.

නිර්මල ගෙ ගම දකුණු ලකේ අග නගරෙ. නීතා නං ගෙන්දගං පොළොවෙ උපන්නත් ඇගේ අම්මා තාත්තත් බෙන්තර ගෙඟන් එගොඩ. ඈ අම්ම තාත්තලගෙ ගම් පළාතට ගිහින් තියෙන්නෙ බොහොම කලාතුරකින් නිසා දෙමාපියන් ගෙ ගම් දෙකේ විස්තරයක් ඒ හැටියට කියන්න දන්නෙ නෑ. හැබැයි කවුරු හරි එක්ක වංහුං කතා කරන කොට නං කියන්නෙ මමත් ඉතින් බෙන්තර ගෙඟන් එහා පැත්තෙ තමා කියල යි.

කාර්ය බහුල ජීවිතයක් ගත කරන නිර්මල ළඟ දි දොහක ගමේ ගියේ පවුලේ ඥාතියකු ගෙ අවමඟුල් උත්සවේකට. එදා ඔහුට පුංචි කාලෙ, තරුණ කාලෙ, එකට හැදී වැඩුණු සෑහෙන නෑදෑ පිරිසක් වගේ ම, යාළු යෙහෙළි පිරිසකුත් මුලිච්චි වුණා. වෙනදට ගමේ ගියාට වඩා වැඩි සතුටක් සංතෝෂයක් එදා ඔහු තුළ ඇති වුණා. ඒකට ප‍්‍රධාන ම හේතුව වෙන මොකක්කත් නෙවෙයි, නිර්මල ගෙ පළමු පෙම්වතිය, ඔව් පළමු පෙම්වතිය වූ දයානි ගෙ රූපෙ හවුරුදු බෝ ගණනකට පසුව දකින්න ලැබීම ය කීවොත් ඇති වැරැද්දක් නෑ... ඒ රූපෙත් තමන් ගෙ රූපෙත් දැන් බොහෝ වෙනස්වී ඇතත් එසමයේ දැක්ක සුන්දර පෙනුම යම් තරමකට වෙනස්වෙලා ඇතත් ඇගේ බැල්මෙ හැසිරීමෙ වෙනසක් නැතැ යි නිර්මල ගෙ හිත කොඳුර කොඳුරා කීවෙ.

ඈ දැක්ක ගමන් නිර්මල ගෙ පංචස් කන්දය ම උණු වූවා වගේ හැඟීමක් දැනුණා. ඇගේ ඇස් දෙකේ එදා වගේ ම කාන්තිය බේරෙනවා වගෙයි ඔහුට හිත කීවෙ. නිර්මල තරබාරු ශරීරයකට අද වෙන විට උරුමය කීවත් ඇත්තට ම දයානි ගෙ නං බැරල් එකක් වගේ බෙල්ල යි කඳ යි බඩ යි අනෙක් බොහෝ ගෑනුන්ගෙ වගේ ආරා නෙරා නැති වගක් තමා නිර්මල දැක්කෙ.

දයානි දුටුව සැණින් ඉස්සෙල්ලා ම ඔහුට ඇතිවුණු හැඟීම් විස්තර කරන්න අමාරුයි. ඔහු හිතුවෙ තමා මහා නරුමයෙක් කියා. ඉස්කෝලෙ යන කාලෙ ඇති වුණු ආදර සම්බන්දෙට පොල්ල හරස් කළේ දයානි ගෙ අම්මා... ඒකට මුල් ම හේතුව නිර්මල ල ගෙ පවුල්වල උදවිය ඔවුන් ගෙ මේසෙකට පුටුවකට ගන්න බැරි ය කියන කාරණාව. මාපියන් නිර්මලට අකමැති ය කියා හරස් වුණාට මොකද ඔහු ත් එක්ක ඇරඹූ ඇසුර මොන විදිහකින්වත් කඩා දාන්න, බිඳ දාන්න, නතර කර දාන්න තරම් හිතක් තිබුණේ නෑ... දයානිට.

ඉස්සෙල්ලා නිර්මල බෝම බයාදු ලීලාවෙන් ඈ වෙත බැල්මක් හෙළුවා. දයානී ඔහු දිහා බැලූවෙ අසරණ බවක් පාමින්. හැදුණු වැඩුණු දියණියක හා පුතකු ඔහුට සිටින වග ඈ දැන හිටියා. ඒ තොරතුරු ඈ අහුල ගත්තෙ මිතුරු මිතුරියන් ගෙන්. ඒත් ඉතින් උස් මහත් වුණු දරුවන් දෙන්නකු ඉන්න තාත්තා කෙනෙක් වුණත් ඔහු දැක්කහම ඈ කෙසේ නම් ඉවත බලන්න ද? හවුරුදු විසි ගණනකට ඉස්සර තමන් හා අදරෙන් පෙමින් වෙළී මිමුණූ බොහෝ දේ මේ දැන් ඇගේ මතක පොතෙන් දිග හැරෙද්දී දෙයියනේ ඉතින්.....

ඇගේ හිතේ පෙරළි කරන අතීත සිද්ධි නිර්මල ගෙ ඇස් ඉදිරියෙ දිස්වෙන්න පටන් ගත්තෙ හීනෙකින්වත් නො හිතපු විදිහට. ඉතින් ඈ එක්ක වචනයක් දෙකක් හරි කතා කරන්න ඕනැ ය කියන අදහස ඔහුට හංගන් ඉන්න පුළුවන් වුණේ නෑ, ඔහු හෙමි හෙමින් තම ප‍්‍රථම පේ‍්‍රමය පුද කළ ඈ වෙත ඇදුණෙ කාන්දමක් වගේ.

ඔහු අභියස ඈ හුන්නේ බිම බලා ගෙන කකුලක මාපටැඟිල්ලකින් පොළොව හාර හාරා. ඔහු ගොතගසමින් ඇගේ නම කීවා. ඒත් ඒ හඬ කටින් පිටවුණේ නෑ වගෙයි. දෙතුන් පාරක් දයානි කියා කීවාට පසුවයි ඒ අකුරු තුන වාතලයට මුසු වුණේ.

ඔහු ගේ ඇමතීම ඈට ඇහුණෙ කොහේදෝ සිට ඇසෙන්නා වූ ආමන්ත‍්‍රණයක් සෙයකින්. කඳුළු පිරුණු දෙනෙතින් දයානී ඔහු දිහා බැලූවෙ හවුරුදු බොහෝ ගණනකට පෙර බැලූ විදිහට ම. ඒ බැල්මත් එක්ක නිර්මල ගෙ පපුව හෝස් ගාල පත්තු වුණා. මුලින් සිරුර පුරා විදුලි සරක් දුවන්න වගෙ යි ඔහුට දැනුණෙ. සැණෙකින් ඒ විදුලි සර ගතත් සිතත් දවා හළු කරන්නා වගෙයි සිය සිරුර වෙළා පැතිරෙන විලාසයක් දැනෙත්ම නිර්මලට තමන් ඈට පිටුපා පලායෑම කිසි ලෙසකින් වත් සමාවක් ලද හැකි වරදක් නොවේදැ යි ඔහු තමන් වෙතම වරද පටවා ගනිමින් යළිත් ඈ වෙත නෙත් රැඳෙව්වා. ඒ බැල්මට ඔහුට හසුවූයේ ඉතා ඕනෑකමින් තමා දිහා බලා ඉන්න දයානිගෙ ඇස්. දෙන්නගෙ ඇස් දෙන්නට හොරෙන් මොනවදෝ කතා කරනව වගේ.

‘‘මට ආරංචි වුණා. ඒත් මං කොහොම ද ඔයාට මූණ දෙන්නෙ කියන ගැටලූව හින්ද යි මං නො ආවෙ.... ඒත් ඉතින් මොනවා කරන්න ද? වෙන්න තියෙන දේවල් තමා ඒ ඔක්කොම.’’ ඔහු ඈ දිහා බලා ගෙන ඒ වචන ටික පිට කළේ කඩින් කඩ. එදා වූ හමුව යළි පරණ සබඳතාවය අලූත් කර ගන්නට දෙන්නට ම ඕනෑ කරන වග දයානි ගෙ වචනවලින් ඔහු හොඳින් තේරුම් ගත්තා. දෙන්න ගෙ ජංගම දුරකතන අංක දෙන්න අතරෙ හුවමාරු වුණේ ඒ හින්ද වෙන්නැති. ඊට පස්සෙ නිර්මල කීප වංගියක් ගමේ ආවෙ කාට කාටත් හොර රහසින්.

තම පැරණි පෙම්වතිය අද වැන්දඹුවක් වී සිටීම ගැන නිර්මල දොස් පවර ගත්තෙ තමන්ට ම. ඇත්තට ම මං මොන ප‍්‍රශ්න තිබුණත් ඈ මා අත්හැරියෙ නෑ. ඇගේ ගෙදරින් කොච්චර ප‍්‍රශ්න ආවත් අපේ ඇසුර නවත්තන්න දයානි කොහොමටවත් කැමති වුණේ නෑ... මමයි අපේ ආශ‍්‍රය කඩා බිඳ දැම්මෙ. මම කසාද බඳින තුරු ඈ මා අපේක්ෂාවෙන් උන්නා. එහෙම තමාට ම දොස් නඟා ගත්තු නිර්මල දයානි ගෙ ඇසුර යළි වගා කර ගත්තා. දෙන්නට ම ඒ උවමනාව තිබුණු බව යි පෙනුණෙ.

කොහොම කොහොම හරි දෙන්නා ගාල්ලෙ විවිධ තැන්වල දි හමුවී ආදරෙන් පෙමින් වෙළී මාස කීපයක් තිස්සෙ දහ දොළොස් වතාවක් විතර පේ‍්‍රමාලාපයෙ යෙදුණ. දවසක් දයානිට නිර්මල යෝජනා කළේ ලිංගිකව එක්වෙමු කියා යි. සමහර විට ඇගේ ලිංගික අවශ්‍යතාවය ඔහු තේරුම් අරන් ද කියන්න දන්නෙ නෑ, ඈ සිය පළමු පෙම්වතා ගෙ ඒ යෝජනාවට අකමැත්තක් පෙන්නුවෙත් නෑ.

දෙන්නාට ම ඒ උවමනාව තදින් තිබුණා වගෙ යි හරියට. ඉතින් දෙන්නා පිය නැඟුවෙ ඉහළ මට්ටමේ සංචාරක හෝටලේකට. ඒ හෝටලේ කාමරයකට ගිය නිර්මලයි දයානියි උනුන් එකිනෙකා වැළඳගෙන පැයකට වැඩි කාලයක් ගෙවෙන්න ඇති.

ලිංගික ව එක්වීමේ අවශ්‍යතාවය දයානිට ඇති වග වටහා ගන්න නිර්මල මැනවින් තේරුම් ගත්තා. ඔහුගෙ ඕනැකමත් හොඳින් ඈට දැනුණා. ඔවුන් අනඟ රංගනයේ යෙදෙන්නට ලක ලෑස්ති වෙද්දි පුතත් දීග දෙන වයසෙ පසුවන දියණියත් නිර්මලගෙ හිතට කොහේදෝ සිට රිංගුවා. දරුවන් දෙන්නා ගේ මූණු ඔහු මනසේ සැරිසරන්නට වෙත් ම දයානි එක්ක පැවැත්වීමට සැරහුණු සම්භෝග අවශ්‍යතාවය ඔහුගෙන් පහවුණේ හිරු දැක්ක පිනි බිඳක් වගේ. සිය සිරුර මුළුමණින් ම පාහේ අප‍්‍රාණික වන වගක් නිර්මලට දැනෙන්න පටන් ගත්තා.

දයානිට ඔහු ගේ මේ හැසිරීම අදහා ගන්න බැරි තරම්. තමන් හා ලිංගික ඇසුරකට ඇරයුම් කළේ ඔහු යි. ඒත් ඕනෑම දේකට මූණ දෙන්න සූදානමින් ඒ කටයුත්තට සැරහුණු ඈට සිය පළමු පෙම්වතා ගේ හැසිරීමේ ක්ෂණික වෙනස්කම ඈට හිතා ගන්න බැරි කරම්. ඔහු ගේ ක‍්‍රියාශීලී බව පහවී හටගත්තු අප‍්‍රාණික භාවය ඈට කොහෙත් මහිතා ගන්න බැ.

‘‘ඇයි නිර්මල.... මොකද?’’ ඈ ඔහුගෙන් විමසුවේ විශ්මය දනවන වුවනින්. ඒ වුවනෙහි කිසියම් දුකක් කනගාටුවක් වගේ ම වේදනාවකුත් ගැබ්වෙලා.

නිර්මලට ඈ නැඟූ පැනයට පිළිතුරු නැහැ. තාමත් පුතණුවනුත් දියණියත් ඔහුගේ මනැසේ රැඳී සිටින්නෙ තාත්තා මැදිකර ගත්තු ගමන්... තාත්තගෙ මූණ දෙපැත්තෙන් කොල්ලයි කෙල්ලයි දෙකම්මුල් තද කරන්... ඊළඟට ඔහු ගේ ඉදිරිපිටට හිනා කටක් පුරෝ ගත්තු ගමන් එන බිරිය ගෙ පැහැපත් සුන්දර වත කමල දිස්වෙන්නෙ උතුරා යන සෙනෙහෙන් ආදරෙන් දිදුලමින් වගේ. ඇගේ වුවනෙන් ගිලිහෙන කාන්තිය ඔහු පත් කළේ අවුල් ජාලයකට.... ස්වකීය පළමු පෙම්වතා දිහා දයානි බලා ඉන්න අයුරු ඔහුට පේන්නෙ නැතිව වගේ. ඈ අනිමිසලෝචයෙන් එක දිගට විනාඩි ගණනාවක් බලා හිට දිගු හුස්මක් පිට කළා. ඇගේ ඒ හුස්මත් එක්ක ඔහුට සිදු වූයේ කුමක්දැ යි යන්න ඔහුතමාගෙන් ම ප‍්‍රශ්න කළා, සිය දරු දෙන්නත් බිරියත් මනැසේ කරක් ගහද්දී ඔහුට තව දුරටත් දයානී හා රැඳී සිටීමට නො හැකි ස්වභාවයක් දැනුණ. ඔහු සයනයෙන් මෑත් වී හිස සලමින් කීප විටක් කාමරයේ ඒ පැත්තට මේ පැත්තට සක්මනේ නිරත වන හැටි ඈ බලා සිටින්නේ ඇස් දෙක නළලෙ තියන්. ඈ කීප වංගියක් ම ඔහු ඇමතුවත් හේ කිසිවක් නො බිණ නාන කාමරයට රිංගා මූණකට දොවා ගෙන ලකලෑස්ති වී සමාවන්න දයානි සමාවන්න ය යි සෝබරව පවසා ඈත් කැටිව හෝටලෙන් නික්මුණේ වෙන කිසිවක් නො පවස. ඈ මොටර් රියෙන් බස්සවා ඔහු කොළඹ පැත්තට හැරී රිය පැදවූයේ හිතට නැෙඟන සිතිවිලි ගොන්නක් එක්ක පොර බද බදා.

ඒ හිතිවිලි අතර තමා තම දරු දෙන්නටත් බිරියටත් ද්‍රෝහී වූවා නෙවේද යන්නත් බිරියට මුසා බස් පවසා ආ ගමන ගැනත් සිහියට නංවා ගත්තා. ඒ දැඩි කලකිරීමකින් වගේ ම වේදනාවකින්. දැන් දැන් ඔහුට තමා කෙරෙහි ම ඇති වන්නේ කේන්තියක්. ගෙදර ආ ඔහු බිරිය විසින් පිළිගත්තේ බොහොම සෙනෙහෙයෙන්. ඈ ඔහු ඇමතුවේ බෝ දයාර්ද්‍රව. ඇගේ ඇමතීම ඔහුට ගෙන දුන්නේ තව තවත් වේදනාවක්, දුකක්. බිරියට මුහුණ දීමට නිර්මලට හැකියාවක් නැතිව වගේ. ඔහු කිසියම් ගැටලූවකට මැදිවී ඇතැ යි බිරිය වටහා ගත්තෙ සැමියාගේ හැසිරීම් කෙරෙහි ඈ සතු අත්දැකීම් අනන්ත අප‍්‍රමාණ නිසා.

එතැන් පටන් නිර්මලට වරින් වර මේ සිද්ධිය මතකයට නැෙඟන්න පටන් ගත්තෙ තමා කෙරෙහි ම ලොකු කලකිරීමක් එක්ක. එතකොට ඔහුට දරා ගන්න බැරි තරමේ කෝපයක් ඇති වෙනවා. කිසිවකු පෙන්නන්න බැහැ. දයානි ගේ හමුවෙන් හටගත් සිද්ධි එකින් එක මනසේ රඟ දෙනවා. අන්තිමට ඔහුට ඈ කෙරෙහි උපන්නෙත් කේන්තියක්. විටෙක ඒ කේන්තිය යටපත් වී ඈ කෙරෙහි අනුකම්පාවක් මුසු වූ හැඟීම් මාලාවක් නිර්මලගේ හිතේ පැළපදියම් වෙනවා. මාසයක් දෙකක් ගතවෙන විට නිර්මලට දරුවන් දෙන්නා හෝ බිරිය හෝ විතරක් නෙවෙයි කාර්යාලයේ සෙසු ලොකු පුංචි නිලධාරීන් පවා පේන්න බැරි තත්ත්වයක් ඇති වුණා. විටෙක දරුවන් දෙන්නා කෙරෙහි ඔහු තුළ පවතින ආදරය ස්නේහය වැඩිවෙද්දී දයානි කෙරෙහි කෝපයක් මතු වෙනවා. අම්මා තාත්තා නිසා තමාට දයානි අහිමි වූ බවත් ඒ හින්දා වෙනත් පුද්ගලයකු හා විවාහ වීමට ඈට සිද්ධවී කනවැන්දුන් කතක් වීමට සිද්ධ වෙච්චි බවත් සිහියට නැෙඟත්ම ඈ වෙත යළි කරුණාවේ දයාවේ හැඟීම් බුරුතු පිටින් මතුවෙනවා. ඒත් එක්කම බිරිය හිතට කඩා වදිනවා. ඇගේ නිවසේ සිට පාසල් යද්දී අක්ක නගෝ දෙන්නා තමා වෙනුවෙන් ඇති කර ගත්තු ගැටුම් හිතේ ඇඳෙන කොට නිර්මලට බිරිය කෙරෙහි ඇති වෙන්නෙ ලොකු ආදරයක්. බිරියගෙ ආදරයට ස්නේහයට ස්වාමි භක්තියට තමා ද්‍රෝහීවූවා නොවේද යන හැඟීම් ප‍්‍රබලව මතුවෙද්දි ඔහු මානසිකව විඳින පීඩාව දරා ගන්න බැරි තරම්. ඔහුට තමා කරන්නේ කියන්නේ කුමක්දැ යි යන්නවත් තේරුම් ගැනීමත් අපහසු වුණා. කායිකව මෙන්ම මානසිකව ද ඔහු නිතරම වින්දෙ ලොකු පීඩාවක්. එය දැන් දැන් ඔහුට දරා ගන්න හරිම අපහසුයි.

අන්තිමට මේ පීඩාවෙන් මිදෙන්න කිසිවකුට නො දැනෙන පරිද්දෙන් හුදකලාව ම ගොස් මනෝ වෛද්‍යවරයෙක් හමුවෙන්න ඔහු කල්පනා කළා . වෛද්‍යවරයා ඔහු කී කතාවට සාවධානව කන් දුන්නා. ඔහු විශාදයෙන් පෙළෙන බව ස්වකීය අත්දැකීම්වලින් වටහා ගත්තු මනෝ වෛද්‍ය විශේෂඥවරයා මාස ගණනාවකට සරිලන සේ ඖෂධ නියම කළේ මාසිකව පැමිණීමට ද උපදෙස් දෙමින්. මේ තත්ත්වයෙන් මිදී යළි ස්වකීය දෛනික වැඩ රාජකාරි නිසි රිසි සේ කරමින් සාර්ථකව විවා දිවිය නිර්මල ගත කරන්නෙ මනෝ වෛද්‍ය උපදෙස් ද අඩුවක් නැතිව පිළිපැද්ද හින්දා.

සුගතපාල මැන්දිස්

පුරස්‌ථිත ග්‍රන්ථිය ඉදිමෙන්නේ ඇයි?

විශේෂඥ වෛද්‍ය ඒ. ඒ. ඡේ. පුෂ්පකුමාර - පිරිමියකු මහලු වියට පත්වන විට පුරස්‌ථිත ග්‍රන්ථිය ඉදිමීම සුලබ සහ සාමාන්‍ය තත්ත්වයක්‌. මෙය කෙතරම් සාමාන්‍යද යත් කෙනෙකු මහලු වන අතර හිසකෙස්‌ සුදු වීමත්, පුරස්‌ථිතය ඉදිමීමත් සිදුවන බවට කියමනක්‌ පවා තිබෙනවා. වයස අවුරුදු 60 ආසන්න වන පිරිමින්ගෙන් 50% කට මේ රෝගය තිබෙනවා. වයස 85 වන පිරිමින්ගෙන් 90% කට මෙය හටගන්නවා. පිරිමින්ගේ මුත්‍ර වහනය සිදු වන්නේ මුත්‍රා බොක්‌කේ සිට මුත්‍ර වාහිනිය ඔස්‌සේ. පුරස්‌ථිතය මැදින් තමයි මුත්‍රා වාහිනිය ගමන් කරන්නේ. පුරස්‌ථිතය ඉදිමෙන්නට පටන් ගත් විට ක්‍රමයෙන් මුත්‍රවාහිනිය තෙරපෙන්නට පටන් ගන්නවා. මේ නිසා මුත්‍ර වහනයට බාධා ඇතිවෙනවා.

පුරස්‌ථිතය ඉදිමෙන්නට පටන් ගත්තාම එහි සෛල ප්‍රමාණයෙන් ඉහළ යන්නට පටන් ගන්නවා. එතකොට නිsසි පරිදි මුත්‍රා පිටකර ගැනීමට බැරිව රෝගියා පීඩා විඳින අතර මුත්‍රා පිටකිරීම තටමමින් කිරීමට සිදුවෙනවා. වෙනදා රාත්‍රියට එක්‌ වරක්‌ පමණක්‌ මුත්‍රා කරන කෙනෙකුට දහ දොළොස්‌ වතාවක්‌ අවදි වෙමින් මුත්‍රා බැහැර කරන්නට සිදුවෙනවා. ඒ එක්‌කම මුත්‍රා බොක්‌කේ මාංශ පේෂි ඝනකම් වීමටත් දැඩි වීමටත් පටන් ගන්නවා. මේ සියලු කරුණු නිසා පුරස්‌ථිත ග්‍රන්ථිය ඉදිමුණ කෙනෙක්‌ මුත්‍රා කරන විට මුත්‍රා බොක්‌ක සම්පූර්ණයෙන් ම හිස්‌ වන්නේ නැහැ.

පුරස්‌ථිතය ඉදිමීමේ රෝග ලක්‍ෂණ පහත සඳහන් වෙනවා.

1. මුත්‍රා පිට කිරීමේදී මුත්‍රා ධාරාව ඉතා සෙමින් දුර්වල ලෙස ගලා යැම.

2. මුත්‍රා බොක්‌ක සම්පූර්ණයෙන් හිස්‌ නොවූ බවට දැනීමක්‌ සහ හැඟීමක්‌ හට ගැනීම.

3. මුත්‍රා පහ කිරීම පටන් ගැනීමට දුෂ්කර වීම.

4. නිතර නිතර මුත්‍රා පහ කිරීමට සිදුවීම.

5. මුත්‍ර පහ කිරීමේ හදිසි අවශ්‍යතා මතුවීම.

6. රාත්‍රි කාලයේදී නිතර නිතර අවදි වෙමින් මුත්‍ර පහ කිරීම.

7. මුත්‍ර පහ කිරීමෙන් විනාඩි කිහිපයකට පසු නැවතත් එම අවශ්‍යතාව හට ගැනීම.

ප්‍රශ්නය - මෙහි අවදානමක්‌ තිබෙනවද?

විශේෂඥ වෛද්‍ය පුෂ්පකුමාර - ස්‌ථිර වශයෙන් ම තිබෙනවා. මුත්‍රා බොක්‌ක තුළ මුත්‍ර එකතු වී දිගින් දිගටම තිබුණාම මුත්‍ර මාර්ගයේ ආසාදන ඇති විය හැකියි. ඉන් පසු මුත්‍රා බොක්‌කේ ගල් හට ගැනීමේ අවදානමක්‌ ඇති වෙනවා. මුත්‍ර සමඟ රුධිරය එකතු වීම සහ උග්‍ර මුත්‍ර අඩස්‌සියක්‌ ඇති විය හැකියි. මේ සියල්ලේම අවසන් ප්‍රතිඵලය විය හැක්‌කේ මුත්‍ර බොක්‌ක සහ වකුගඩු හානියට පත් වීමයි.

ප්‍රශ්නය - පුරස්‌ථිත ග්‍රන්ථි ශරීරයට අත්‍යවශ්‍ය ද?

විශේෂඥ වෛද්‍ය පුෂ්පකුමාර - පිරිමියකුගේ ලිංගික ජීවිතයේ වැදගත්ම කාර්යභාරයක්‌ ඉටු කරන ඉJද්‍රියක්‌ ලෙස පුරස්‌ථිතය සලකන්නට පුළුවන්.

ශුක්‍ර නිෂ්පාදනය වීම වෘෂණ කෝෂ තුළ සිදුවන අතර එය පුරුෂ ලිංගයෙන් බැහැරට ගෙන යන ශුක්‍ර තරලය නිෂ්පාදනය කරන්නේ පුරස්‌ථික ග්‍රන්ථිය මගිනුයි. පිරිමියෙක්‌ ක්‍රමයෙන් වැඩිවියට පත්වන අතර අවස්‌ථා දෙකකදී පුරස්‌ථිත ග්‍රන්ථිය වර්ධනය වෙනවා. මුලින්ම නව යොවුන් වියේදී පුරස්‌ථිකය දෙගුණ වෙනවා. පසුව අවුරුදු 25 දී පමණ නැවත එය වර්ධනය වෙනවා. ඉන්දියානු ආයුර්වේදයේ එන හැටියට පුරස්‌ථිත ග්‍රන්ථිය ඉදිමීම සමනය කිරීම සඳහා වට්‌ටක්‌කා ඇට ඉතා හොඳ ඖෂධයක්‌. දිනකට දෙවරක්‌ කැරට්‌ යුෂ මිලි ලීටර් 500 බැගින් හෝ නිවිති යුෂ මි. ලී. 200 ක්‌ සහ කැරට්‌ යුෂ මි. ලී. 300 ක්‌ මිශ්‍රකර පානය කිරීමෙන් හෝ පුරස්‌ථිකය ඉදිමීම වළක්‌වා ගත හැකිය. වට්‌ටක්‌කා ඇට නම්, වියළා ග්‍රෑම් 90 ක්‌ පමණ කුඩුකර එළවළු සමඟ මිශ්‍ර කර අනුභව කළ යුතුයි.

නොමිලේ විස්‌තර සඳහා - 0766739977, 011-5288055

ප්‍රශ්නය - වැහැරුණු, ඉරුණු හෝ ගෙවුණු කාටිලේජයක්‌ යළි අලුත්වැඩියා කළ හැකිද? පසුගිය සති කිහිපය තුළ අප කතා කළේ එම කාරණය ගැනයි. බටහිර වෛද්‍ය විද්‍යාවට අනුව ශරීරයේ සෙසු ගෙවී යන පටක සතු අලුත්වැඩියාවට පත්වීමේ හැකියාව කාටිලේජ වලට නැහැ. ඒ වගේම කාටිලේජයකට තුවාලයක්‌ සිදුÊවුණාම එයට ප්‍රතිකාර නොකළොත් ඉතාම ඉක්‌මනින් මුළු කාටිලේජය පුරාම පැතිර යනවා. එහෙම නේද?

වෛද්‍ය වසන්ත උදයජීව - කාටිලේජයේ වැඩි හරිය නිර්මාණය වී තිබෙන්නේ කොලැජන් නමැති ප්‍රොaටීනයෙන්. යම් ක්‍රමවේදයක්‌ තිබෙනවා නම් කොලැජන් යළි වර්ධනය කරන්නට කාටිලේජය හරිගස්‌සන්නට පුළුවන්.

ප්‍රශ්නය - එවැනි කාටිලේජ වර්ධක තිබෙනවාද?

වෛද්‍ය වසන්ත උදයජීව - ආයුර්වේදය තුළ ඕනෑ තරම් තිබෙනවා. මෑකරල්, බෝංචි, මුංඇට වැනි රනිල භෝගවල ඕනෑ තරම් තිබෙනවා කාටිලේජ වර්ධක. ඊට අමතරව බිත්තර, සෝයා බෝංචි, කජු, රටකජු, ජෙලි වැනි ද්‍රව්‍යවලිනුත් කාටිලේජ වර්ධනය කර ගන්නට පුළුවන්. විටමින් C බහුලව තිබෙන පලතුරුවලට හැකියි, කාටිලේජ වර්ධනය වීමේ ක්‍රමවේදය ආරක්‍ෂා කරන්නට. දෙළුම්වලත් තිබෙනවා. කාටිලේජ වර්ධනය කරන විශේෂ ගුණයක්‌.

ප්‍රශ්නය - කාටිලේජ වැහැරීමත් සමඟම ඒවා දෙපස තිබෙන අස්‌ථි එකිනෙක ගැටෙන්නට පටන් ගන්නවා. මේ තත්ත්වය නැති කර ගන්නේ කොහොමද?

වෛද්‍ය වසන්ත උදයජීව - ආයුර්වේදය සතුව තිබෙනවා සාම්ප්‍රදායික තෙල් වර්ග රැසක්‌. මේ තෙල් වලට පුළුවන් ලිහිස්‌සි තෙල් වශයෙන් ක්‍රියා කරමින් කාටිලේජ අතර ඝර්ෂණය වළක්‌වන්නට. ඒ අතර ආයුර්වේදය සහ දේශීය වෙදකම යන දෙකම සම්මිශ්‍රණය කර අප නිපදවපු විශේෂ තෙල් වර්ග කිsහිපයකුත් තිබෙනවා. ඒ එක්‌කම කාටිලේජ වර්ධනය කරන කසාය වර්ග කිහිපයක්‌ම ආයුර්වේදයේ එනවා. මහලු අයගේ කාටිලේජ වර්ධනය කිරීම දුෂ්කරයි. එහෙත් ඒවා පවා වර්ධනය කළ හැකි ඖෂධ ආයුර්වේදයේ තිබෙන බව අමතක නොකළ යුතුයි.

ලබන සතියට

නොමිලේ විස්‌තර සඳහා 0718341834, 0372230667 අංකයට කතා කරන්න

සාකච්ඡා කළේ අශේන් රඹකොස්‌වැව

ප්‍රශ්නය - හෘද රෝගීනට ගිතෙල් වලින් ලබාගත හැකි ප්‍රයෝජන පිළිබඳව අප ඔබ සමග වරක්‌ සාකච්ඡා කළා. එවැනි තවත් ඖෂධීය ශාක වර්ග තිබෙනවද?

වෛද්‍ය චාන්දනී වික්‍රමආරච්චි - -සුදුලූනු දොඩම්, නිවිති, සුපිරි වෙළඳසල්වල තිබෙන Broccoli බතල, නැවුම් පළතුරු, නැවුම් එළවළු, රතු ලූනු සහ ලොකු ලූනු, කොකෝවා සහ චොකලට්‌ හෘදයාබාධ නිවාරණයට ඉතාම සුදුසුයි.

ප්‍රශ්නය - ඒවා ඉතාම සුදුසු ආහාර ලෙස හඳුනාගෙන තිබෙනවාද?

වෛද්‍ය චාන්දනී වික්‍රමආරච්චි - Coronoary artery රෝගය කියල හෘද රෝගයක්‌ තිබෙනවා. මෙයට සිංහලෙන් කියන්නෙ කිරීට ධමනි රෝගය කියලයි. මෙහිදී හෘදයේ කිරීට ධමනිය අවහිර වෙනවා.

එවිට හෘදය තුළට ප්‍රමාණවත් තරම් රුධිරය සහ ඔක්‌සිජන් ගමන් කරන්නෙ නැහැ. ඊළඟට තිබෙනවා රුධිරයේ ස්‌පන්දන රිද්මය වෙනස්‌ වීමේ රෝගයක්‌. හෘදයේ ක්‍රියාවලිය අත්හිටුවීම, හෘද කපාට රෝගය, හෘද පේෂී රෝගය උපතේ සිටම හෘදය දුර්වල වීම යන රෝග තිබෙනවා. මේ රෝග සියල්ලටම වඩාත් හොඳ ප්‍රතිකාරය තමයි ඉහත සඳහන් කළ ශාක අතරින් සුදුලූනු.

ප්‍රශ්නය - සුදුලූනුවල තිබෙන සුවිශේෂ ගුණය විස්‌තර කළ හැකිද?

වෛද්‍ය චාන්දනී වික්‍රමආරච්චි - Allium sativum ලෙස හැඳින්වෙන සුදුලූණු දියුණු ලෝකය විසින් හඳුන්වනු ලබන්නේ සුපිරි ආහාරයක්‌ ලෙසයි. නවීන විද්‍යාඥයන්ගේ පොදු මතයක්‌ තමයි ලොව වැඩිම ඖෂධීය ගුණය කහවලින් ලැබෙන බව. දෙවැනි තැන හිමිවන්නේ සුදුලූනුවලටයි. සුදුලූනු තරම් පර්යේෂණවලට ලක්‌වූ වෙනත් ශාකයක්‌ නැති තරම්. මේ මොහොතවන විට සුදුලූනු ගැන පර්යේෂණ 5100 ක්‌ පමණ යුරෝපීයයන් සිදුකර තිබෙනවා. ආඝාතය, පිළිකාව, ආසාදන ඇතුළු රෝග ගණනාවක්‌ සුව කරන්නට අවශ්‍ය ද්‍රව්‍ය සුදුලූනුවල තිබෙනවා. ඇමරිකාවේ ජාතික පිළිකා පර්යේෂණ ආයතනය පසුගිය දශක ගණනාව පුරාම පිළිකාව ගැන පර්යේෂණ කළා. පිළිකා රෝගීන් විසින් පරිභෝජනය කළ යුතු බවට ඔවුන් නිල වශයෙන් නිර්දේශ කළ එකම ආහාරය තමයි සුදුලූනු. හෘදයාබාධයක්‌ හට ගැනීමට රුධිර නාල අවහිර වීම ක්‍රම කිහිපයක්‌ මගින් සිදුවෙනවා. පළමුවෙන්ම නාලවල කොලෙස්‌ටරෝල් බැඳෙන්න පුලුවන්. එහෙමත් නැත්නම් කැල්සියම් බැඳෙන්න පුලුවන්. රුධිර කැටියක්‌ හිරවෙන්න පුලුවන්. මේ කොයි ක්‍රියාවේදිත් හදවත බේරාගන්න පුලුවන් ඖෂධ සුදුලූනු යොදාගෙන නිපදවන්න පුලුවන්. එය බටහිර විද්‍යාව පවා පිළිගන්නා සත්‍යයක්‌.

ලබන සතියට

නොමිලේ විස්‌තර සඳහා 0713464276/ 0759061771

අංකයට කතා කරන්න

සාකච්ඡා කළේ අශේන් රඹකොස්‌වැව

ප්‍රශ්නයඃ- කනට වැළෙදන සෙසු රෝග මොනවාද?

ආචාර්ය වෛද්‍ය ශ්‍රියානි පීරිස්‌ - සමහරුන්ගේ කන් නිතරම කසනවා. මෙහෙම දිගින් දිගටම කසන විට කනෙන් කිසියම් දියරයක්‌ ගලනවා. මෙය සිදුවන්නේ කන තුළ දිළීර තත්ත්වයක්‌ හට ගත් විටයි. මෙවැනි තත්ත්වයක්‌ තිබෙන විට කන තුළින් දුඟදක්‌ හමනවා. පරණ පාන් වතුරේ පොඟවලා දවසක්‌ විතර තැබුවාම එන ගඳට මේ ගඳ සමානයි. විවිධ හේතු මත මේ දිලීර හටගන්නවා. සමහර විට ඔලුවේ හිස්‌ සොරි තිබුණාමත් කනේ පුස්‌ හටගන්නවා. ඒ හිස්‌සොරි කන ඇතුලට ගිහින් තැන්පත් වන නිසයි. ඒ වගේම දියවැඩියා රෝගීන්ටත් කනේ පුස්‌ වර්ග හට ගන්නවා. කෙනෙක්‌ කන කසන විට එය තුළට විවිධ දේවල් ඇතුළු කරනවා නම් ඒ මගින් අවට පරිසරයේ තිබෙන පුස්‌ වර්ග කන තුළට ගිහින් තැන්පත් වෙන්නට පුළුවන්. ඒ වගේ දේවල් කන ඇතුළට දමලා කන කසද්දී කනේ ඇතුල් ස්‌ථරය තුවාල වෙනවා. එතකොට ඒ තුවාල වූ තැන පුස්‌ හට ගන්නටත් පුළුවන්. ආයුර්වේදයෙ එනවා කර්ණ කණ්‌ඩු කියලා තත්ත්වයක්‌. කන තුළ හටගන්නා දිලීර තත්ත්වය තමයි මෙයින් හඳුන්වන්නේ. මේ දිලීර සුදු පාටට තියෙන්නත් පුළුවන්. කළු පාටට තියෙන්නත් පුළුවන්.

මේ අතර පිට කනේ බිත්තිවල හට ගන්නවා කුඩා තුවාල විශේෂයක්‌. අප මේවා හඳුන්වන්නේ කර්ණ විද්‍රධි කියලයි. මෙය ඉතාම වේදනා සහගත තත්ත්වයක්‌. මෙවැනි රෝග තත්ත්යක්‌ තුළ කන අල්ලන්නටවත් බැරිවන තරමට රිදෙනවා.

මෙහිදී තවත් වැදගත් දෙයක්‌ කිව යුතුයි. ඒ කනේ සැරව ගැලීම ගැනයි. මෙහි අවස්‌ථා දෙකක්‌ තිබෙනවා. පළමුවැන්න තමයි කන තුළ සැරව හට ගත්තත් පිටතට නොගැලීම. එයට හේතුව කන් බෙරය හිල්වුණොත් තමයි සැරව පිටතට ගලාගෙන එන්නේ. ඒ කියන්නේ ඇතුළෙන් පිටට සැරව ගැලීම. බාහිර කනේ මොනවා හරි ප්‍රශ්නයක්‌ වුණොත් සැරව පිටට ගලනවා. ඒ එක්‌කම තවත් වැදගත් දෙයක්‌ තමයි කුඩා දරුවන්ගේ දීර්ඝ කාලීන උගුරේ ආසාදන. උගුර සහ කන අතර සම්බන්ධයක්‌ තිබෙනව බව මා මීට පෙර සතියක කිව්වා. එය හටගන්නේ යුස්‌ටේකීය නාලය හරහා. ඉතින් මේ යුස්‌ටේකීය නාලය හරහා මැද කනේ සෙම එකතු වෙනවා. ඊළඟට කල්ගත වෙද්දී එතැන ආසාදනයක්‌ ඇති වෙනවා. කර්ණ පටලය නොරාගෙන ඇවිත් පුපුරනවා. එවිට මැද කනේ සිට දියර පිටතට එනවා. මෙය ඉතා පරෙස්‌සමින් සැලකිල්ලට ගත යුතු තත්ත්වයක්‌. මැද කනේ සෙම එකතු වුණාමත් ලොකු වේදනාවක්‌ හට ගන්නවා. රෝගියාගේ කුස පිරුණ තත්ත්යක්‌ එනවා. ශ්‍රව්‍ය දුර්වල වෙනවා. මන්ද යත් යුස්‌ටේකීය නාලය අවහිර වීමයි.

ලබන සතියේදී බිහිරි භාවය ඇති වීමට හේතු

ලබන සතියට

සාකච්ඡා කළේ -සංඛනාද වෙදගෙවත්ත

ප්‍රශ්නය :- මෙයට තෙසතියකට පමණ පෙර අප ඔබ සමඟ සාකච්ඡා කළා Carpal Tunnel Syndrome කියන රෝග තත්ත්වය ගැන. මෙහිදී සිදුවන්නේ අතේ මැණික්‌ කටුව හරහා ගමන් කරන ස්‌නායු හිර වී අත හිරිවැටී පණ නැති වී යැමයි. මුලදී මහපට ඇඟිල්ල දබරැඟිල්ල සහ මැද ඇඟිල්ල යන තුනේ තුඩුවල හටගන්නා හිරියකින් මේ රෝගය පටන්ගන්නා බව අප පැහැදිලි කළා. ඊළඟට අත සම්පූර්ණයෙන්ම පණ නැතිව යනවා. මෙය අත් දෙකටම හැදෙනවාද?

වෛද්‍ය ආර් කේ. වීරසේකර :- ඔව්. ඒ විතරක්‌ නොවෙයි අත් දෙකම අකර්මන්‍ය වීමේ අවදානමකුත් එනවා. එය එක පැත්තක්‌. ඊළඟ කාරණය තමයි මෙය වැළඳෙන්නේ කාටද කියන එක. අත් දෙකම නිතරම පරිහරණය කරන හිසකෙස්‌ සැකසුම්කරුවන්ට, රියෑදුරන්ට, ගෘහණියට, පෙදෙරේරුවන්ට, කරණවෑමියන්ට මේ රෝගය බහුලව වැළඳීමේ ඉඩකඩ තිබෙනවා.

ප්‍රශ්නය :- මෙහි රෝග ලක්‍ෂණ දිගටම තිබෙනවාද?

වෛද්‍ය ආර්. කේ. වීරසේකර - මුලින්ම රෝග ලක්‍ෂණ හටගන්නේ රාත්‍රි කාලයේදී. එයට හේතුවන කාරණයක්‌ තිබෙනවා. දවස පුරාම දැතින් වැඩකරන කෙනකු විවේක ගන්නේ රාත්‍රි කාලයට. ඒ වනවිට අත්වල ස්‌නායු හොඳටම මහන්සි වෙලා. මෙන්න මේ වෙලාවට රෝග ලක්‍ෂණ පිටදාන්නට පටන් ගන්නවා. අත් හිරි වැටෙන බව රෝගියාට නියම විදියට දැනෙන්නේ එවිටයි. උදේ වනවිට ස්‌නායු ලිහිල් වෙනවා. ඒ පැය කිහිපයක්‌ වැඩ නොකර විවේකීව ස්‌නායු තබා ගන්නට හැකි වූ නිසයි. යළි උදේ සිට වැඩ කරන්න පටන් ගත්තාම ස්‌නායු වෙහෙස වෙනවා. සවස්‌ වනවිට රෝග ලක්‍ෂණ මතුවෙනවා. මෙය තමයි රෝග ලක්‍ෂණ පිළිබඳ චක්‍රය.

ප්‍රශ්නය :- දීර්ඝ වශයෙන් දෙඅත් පරිහරණය කිරීම හැරුණු විට වෙනත් කවර හේතු නිසා ද මේ රෝගය හටගන්නේ?

වෛද්‍ය ආර්. කේ. වීරසේකර :- ස්‌ථුලභාවය එක හේතුවක්‌. රුමැටික්‌ ආත්‍රයිටීස්‌ රෝගය ඊළඟ හේතුව. තයිරොයිඩ් ග්‍රන්ථියේ හටගන්නා සංකූලතා නිසාත් මෙය හටගන්නවා. ඇතැම් දියවැඩියා රෝගීන්ටත් මේ රෝගය ඇතිවෙනවා. පරිගණකයේ දිගු වෙලාවක්‌ සිටින සහ අධික ලෙස කම්පනය වන උපකරණ පාවිච්චි කරන අයටත් මෙය වැළඳෙන්නට පුළුවන්.

ප්‍රශ්නය :- මේ රෝගය නිශ්චය කරන්නේ කොහොමද?

වෛද්‍ය ආර්. කේ. වීරසේකර :- Electrodiagnostic පරීක්‍ෂණය කියන පරීක්‍ෂණය මගින් මේ රෝගය හඳුනාගන්නට බටහිර විද්‍යාවට පුළුවන්. ආයුර්වේදය මගින් මෙය හඳුනාගන්නේ නාඩි බැලීම ආශ්‍රයෙන්.

නොමිලේ විස්‌තර සඳහා - 0766739977, 011-5288055

සාකච්ඡා කළේ සංඛනාද වෙදගෙවත්ත