නිට්ටාවටම සුව වෙනව නම් ලොකු දෙයක්

ලෝකයේ පවතින ආදිතම වෛද්‍ය ක්‍රමයක්‌ ලෙස කටු චිකිත්සාව හැඳින්විය හැකිය. ලේඛනගත ඉතිහාසය දෙස බලන විට හුවාන් ඩිනේජින් නම් චීන කහ අධිරාජ්‍යයාගේ අභ්‍යන්තර වෛද්‍ය ලියවිල්ල හරහා කටු චිකිත්සාව චීනයේ පාරම්පරික වෛද්‍ය ක්‍රමයක්‌ ලෙස හඳුන්වා දී තිබේ. ක්‍රි. පූ. දෙවැනි සියවසේ ලියෑවුණු මෙම කෘතියේ දී සු වෙන් හා ලින්ෂි යනුවෙන් කොටස්‌ 2 ක්‌ පවතී. මෙහි ලින්ෂි කොටසෙහි කටු චිකිත්සාව සහ මුක්‌ත පිළිස්‌සුම් කොටසක්‌ විස්‌තර වෙන අතර සු වෙන් කොටස අධ්‍යාත්මික ශාස්‌ත්‍රීය ලියවිල්ලක්‌ ලෙස පවතී. මෙම කෘතියෙහි නිලස්‌ථාන 565 ක්‌, කටු චිකිත්සාව සිදු කරන ආකාරය, සුව කරන රෝග හා එක්‌ එක්‌ රෝගියාට කටු යෙදිය යුතු ආකාරය මෙන්ම එකල භාවිත වු කටු වර්ග 9 ක්‌ පිළිබඳවත් සඳහන් වේ.
 
 කෙසේ වෙතත් කටු චිකිත්සාව මෙරට පැවැති නිල වෛද්‍ය ක්‍රමය යෑයි මතයක්‌ පවතී. පෘතුගීසි හා ලන්දේසි ආක්‍රමණය නිසා දේශීය වෛද්‍යවරුන් මරා දැමීම තුළ මෙම වෛද්‍ය ක්‍රම චීනයට ගෙනගොස්‌ චීන කටු චිකිත්සාව ලෙස වර්ධනය වූ බව දැක්‌වේ. කෙසේ වූවද චීන කටු ක්‍රමය යටතේ රෝග රැසකට ප්‍රතිකාර ලබාගත හැකිය.
 
 උස වැඩි කිරීම
 
 මේ සඳහා ලෝකයේ ඇති එකම වෛද්‍ය ක්‍රමය "කටු චිකිත්සාවයි" ශරීරයේ උස සම්බන්ධව ක්‍රියාකරන ප්‍රධාන ග්‍රන්ථිය පිටියුටරි ග්‍රන්ථියයි. පූර්ව පිටියුටරියෙහි වර්ධන හෝමෝනය (ඨරදඅඑය Hදරපදබැ) සොමැටොට්‌ ට්‍රොපික්‌ යන හෝමෝන මේ සඳහා ක්‍රියා කරයි. කටු චිකිත්සාව තුළින් ග්‍රන්ථි ක්‍රියාකාරීත්වයන්ගේ සමතුලිත තත්ත්වයක්‌ ඇති කළ හැකිය. මේ සඳහා ප්‍රධාන වශයෙන් Eබාදජරසබැ ඡදසබඑ භාවිත කරන අතර එයට අමතරව තෝරාගත් "යෝග" ව්‍යායාම කිහිපයකුත් උපකාර කරගෙන සාර්ථකව කරගත හැකිය. එවැනි සාර්ථක ප්‍රතිඵල අත්කරගත් බොහෝ දෙනෙක්‌ ඒ බවට සාක්‍ෂි දරනු ඇත.
 
 ආතරයිටිස්‌
 
 ආතරයිටිස්‌ වර්ග කීපයක්‌ වෙයි. ඔස්‌ටියෝ ආතරයිටිස්‌, රුමටොයිඩ් ආතරයිටිස්‌, රූමැටිකා සන්ධි ආසාදනය, ෙග්‍රෙව් ස්‌පොන්ඩිලෝසිස්‌, කටි ස්‌පොන්ඩිලෝසිස්‌, ගවුට්‌ මෙයින් ඉතාම සුලබ තත්ත්වය ඔස්‌ටියෝ ආතරයිටිස්‌ වෙයි. මෙහිදී සන්ධියක අස්‌ථි මතුපිට කාටිලේජ දිරාගොස්‌ අස්‌ථිය සිනිදු බව නැති වී රළු වෙයි. පෑදුණු අස්‌ථිය අසාමාන්‍ය ලෙස වර්ධනය වෙයි. වියපත් අයගෙන් 80% පමණ මෙය දක්‌නට ලැබේ. මෙහිදී සන්ධියේ ක්‍රියාකාරීත්වය අවුල් වී වේදනාකාරී වේ. කෙසේ වූවද ඇමෙරිකා එක්‌සත් ජනපදයේ හාවෙඩ් විශ්වවිද්‍යාලය මගින් කළ පරීක්‍ෂණයකදී "කටු චිකිත්සාව" මගින් එම අස්‌ථි ආශ්‍රිතව අයිසොපප්‍රීන් නමැති රසායනය ඇති වන බවත්, මෙමගින් කාටිලේජ නැවත වැඩීමක්‌ ඇතිකර ගත හැකි බවත් සනාථ කර ඇත.
 
 හිසරදය
 
 විවිධ වර්ගයේ හිසරදයන් ඇත. ආතතිමය හිසරදය ඔeබසදබ Headaජයෑ වාහිනීමය(ඪ්sජමක්‌ර) හිසරදය ඡදිඑ ඤබජමිsසදබ (අධික කම්පනයට, හැප්පීමකට පසුව ඇති වන හිසරදය) ඉදිරිපස පටක ආසාදනය (Sසබමිසඑසි) ඇතිවන හිසරදය, තවද මොළයේ රුධිර වාහිනී සංකෝචනය නිසා හටගන්නා ඉරුවාරදය (ඵසට්‌සබැ) වැනි තත්ත්වයන් ස්‌ථීර සුවයක්‌ ඇති කළ නොහැකි බව බටහිර වෛද්‍ය මතය වුවද "කටු චිකිත්සාවත්" සමහර යෝග ව්‍යායාම ක්‍රමත් යොදාගෙන මේ ආකාරයේ හිසරදයන් නිට්‌ටාවට සුව කළ හැකි බව මා හට පැවසිය හැකියි.
 
 මීට අමතරව වෛද්‍ය සුමිත්‍ර මනම්පේරි මහතාගෙන් ස්‌නායු රෝග, නින්ද නොයැම ඇතුළු සර්වාංග රෝග සඳහා ප්‍රතිකාර ලබාගත හැකි අතර වැඩිවිස්‌තර සඳහා දුරකථන අංක 0714222954/0777354220

හෙළ වෙදකම හා ආයුර්වේදයේ සීමාවන් නොමැති ලෙඩ රෝග අස්‌ථි සන්ධි කැඩුම් බිඳුම් හා සර්වාංගගත රෝග සඳහා අසීමිත වූ වෙදකම් රාශියක්‌ පවතී. එනම් පරීක්‌ෂණ හා නිගමන මත සිදුවන ප්‍රතිකර්මයන්ට වඩාත් සංකීර්ණ වූවක්‌ බව ඉතා ආඩම්බරයෙන් සිහිතබා ගත යුතුව ඇත.
 
 
 කොඳු ඇට පෙළේ පහළ සිට හා අත දිගේ යන වේදනාව හිරිගතිය හා දැවිලි තත්ත්වය හට ගනු ලබන්නේ කටී කශේරුකා හෙවත් ලම්බා අස්‌ථි 5 අතරින් එන ස්‌නායු තෙරපීමක්‌ නිසාවෙනි. මෙම තෙරපුමට හේතු වශයෙන් අධික ලෙස බර එසවීම අධික ලෙස ක්‍රීඩා කිරීම හා හදිසි අනතුරු හේතුවිය හැක.
 
 අධික ලෙස කොන්දෙන් නැවී සිටීම නිසාද මෙම තත්ත්වය හට ගැනේ. කෙසේ නමුදු ඔස්‌ටියෝ අතරයිටිස්‌, ඔස්‌ටියෝ පොරොසිස්‌, ඔස්‌ටියෝ ලිප්නිස්‌ යන තත්ත්වයන් යටතේද මෙම ස්‌නායු තද වීම සිදුවිය හැකිය.
 
 වයසත් සමග සිදුවන විශේෂයෙන් කාන්තාවන්ගේ ඔසප් තත්ත්වය නැවතීමත් සමග සිදුවන හෝර්මෝන බලපෑම කැල්සියම් තැන්පත් වීම වැරදි ලෙස සිටගෙන සිටීම හෝ ඉඳගෙන සිටීම හේතුවෙන්ද මෙම තත්ත්වය ඇති වෙයි.
 
 බටහිර වෛද්‍ය ක්‍රමයේ දැක්‌වෙන පරිදි ලම්බා අස්‌ථි ඛ1ලඛ2ලඛ3ලඛ4ලඛ5ල ලෙස සටහන් කරනු ලබන අතර මැදි වයස ඉක්‌මවූ පසු හෙවත් අවුරුදු 45 පසු වූ විට විශේෂයෙන් කාන්තාවන්ගේ දක්‌නට ලැබේ.
 
 ස්‌නායු තෙරපුමක්‌ සඳහා හෙළ වෙදකමේ හා ආයුර්වේදයේ වෙදකම් කිරීමට නොහැකි යෑයි තීරණය කරනු ලබන කොඳුඇට පෙළ ආබාධවලට සාර්ථක ලෙස ප්‍රතිකාර කළ හැකිය. ඒ සඳහා ඔබ සතුව ඇති ඞ - Raහ ඡායාරූප හා ඵගRගෂ සටහන් මගින් තීරණය කළ හැකි වෙයි. එයට අමතරව ආයුර්වේදයේ පවතින හෙළ වෙදකම හා සම්බන්ධ විධි මගින්ද තීරණය කළ හැකි වේ.
 
 කෙසේ වුවද බටහිර වෛද්‍ය ක්‍රමයේ විද්‍යාව මත පදනම් වූ සොයා ගත් ලෙඩ රෝග වලට පමණක්‌ ඖෂධ නියම කිරීම මෙන් නොව එයටත් එහා ගිය රෝගයන්ට ප්‍රතිකාර කිරීමත් හෙල වෙද කමේ හා ආයුර්වේදයේ දක්‌නට පිළිවන.
 
 බෙහෙත් පත්තු තෙල් ගුලි කල්ක මෙන්ම ක්‌වාත වර්ග භාවිත කිරීමද සිදුවන අතර දියවැඩියාව හා අධික රුධිර පීඩනය කොලෙස්‌ටරෝල් පවතින විට ඒ තත්ත්වයන් මත සලකා බලා ප්‍රතිකාර කිරීම සිදුකරයි.
 
 තැවිලි ක්‍රම හා තෙල් අභ්‍යංග ගත කිරීම් සමග ආහාර භාවිත කරන අන්දම පිළිබඳව සැලකිලිමත් විය යුතුය.
 
 අධික ලෙස කොඳු ඇට පෙළ නැවීමද හේතු විය හැකිය. මීට අමතරව ශරීරයේ පවතින අධික කැල්සියම් තත්ත්වය නිසා අස්‌ථි එකට එක සම්බන්ධ වීම නිසා ද මෙම තත්ත්වය හට ගැනේ.
 
 Deටදබ්ර්එසඩැ Sචපාසකදහි ඔස්‌ටියෝ ලිප්නිස්‌ ඔස්‌ටියෝ පොරොසිස්‌ යන තත්ත්වයන් යටතේද කොඳු ඇට පෙළ හෙවත් කශේරුකාවේ ස්‌නායු තෙරපීමට පිළිවන.
 
 හෙල වෙදකම හා ආයුර්වේදයේ මෙම රෝගී තත්ත්වය නිර්මාණය කර ගැනීමේදී ආයුර්වේද වෛද්‍යවරු හා වෙද මහත්වරු පාරම්පරික ක්‍රම (ඇනීමෙන්, නැවීමෙන්, දිග ඇරීමෙන්,ඇදීමෙන් හා ස්‌ථානික වේදනා හා හිරිවැටීම් වේදනා) යන තත්ත්වයන් විමසීමෙන් ද රෝග හඳුනාගනී.
 
 බටහිර වෛද්‍ය ක්‍රමය යටතේ ඞ - Raහ ඵගRගෂ Sජ්බ මගින් රෝගය පිළිබඳ විස්‌තරාත්මක ඡායාරූපයක්‌ ලෙසද ගෙන රෝග නිර්ණය කළ හැකි වේ. එහෙත් බටහිර වෛද්‍ය ක්‍රමය පරීක්‌ෂණ මත නිගමනයන්ට එළඹීම මගින් සොයා ගන්නා ලද රෝග සඳහා ඖෂධ නිකුත් කිරීම කරනු ලබන අතර අධික ලෙස වේදනා නාශක වර්ග භාවිත කරන අතර ආලේපයට ජෙල් වර්ග ලබාදීම සිදු කරයි.
 
 එසේම නමුදු රාවණා රජු යුගයේ සිට පැවත එන සිංහල හෙළ වෙදකම හා ආයුර්වේදයේ සෘෂිවරුන්ගේ බෙහෙත් වට්‌ටෝරු හා ශල්‍යකර්මයන් අද වන විට නොයෙකුත් බලවේගයන්ගේ ක්‍රියාකාරීත්වයන් මත යටපත් කරන තත්ත්වයට පත්ව තිබේ. ස්‌ථිර සාර නිට්‌ටාවට සුවවන ලොව පිළිගත් වෛද්‍ය ක්‍රමයන් ආයුර්වේදයේ හා හෙළ වෙදකමේ ඇති බව නොරහසකි.
 
 එනමුදු හෙළ වෙදකම හා ආයුර්වේදයේ සීමාවන් නොමැති ලෙඩ රෝග අස්‌ථි සන්ධි කැඩුම් බිඳුම් හා සර්වාංගගත රෝග සඳහා අසීමිත වූ වෙදකම් රාශියක්‌ පවතී. එනම් පරීක්‌ෂණ හා නිගමන මත සිදුවන ප්‍රතිකර්මයන්ට වඩාත් සංකීර්ණ වූවක්‌ බව ඉතා ආඩම්බරයෙන් සිහිතබා ගත යුතුව ඇත.
 
 පාරම්පරික පුස්‌කොළ වට්‌ටෝරුගත පත්තු වර්ග හා තෙල් වර්ග භාවිතය හා ගුලි කල්ක මගින් මෙම තත්ත්ව වළක්‌වාගත් පිරිස අධික බව අප වටහා ගත යුතු නොවේද ?
 
 වැඩිදුර විස්‌තර සඳහා දුරකථන අංක 0778488118 ඇමැතිය හැකිය.

හරිම වැදගත් ...ස්තුතියි අය්ය

මටත් මේ ප්‍රශ්නෙ තියෙනවා දකුනු අතේ. එපා වෙලා තියෙන්නේ.
ව්‍යායාමයක් දුන්නා බේත් ගන්න ගමන් කරන්න. සාර්තකයි.

හ්ම්...මැදිවිය පහු වෙච්ව අය වැඩිපුර පරිස්සම ගැන හිතන්න ඕන

අර්ශස් රෝගය සුව කරගන්න බැරිද

අර්ශස් රෝගය වැලඳීමට හේතු, මෙවැනි රෝගයකට ගොදුරු වුවහොත් ඒ සඳහා කළ යුතු ප‍්‍රතිකාර වැනි දෑ ගැන බොහෝදෙනා නිවැරදිව දන්නේ නැත. එමෙන්ම මෙවැනි රෝග කුඩා දරුවන්ටත් වැලඳිය හැකිය. අර්ශස් රෝගයෙන් පුද්ගලයකුු බේරාගන්නේ කෙසේද, මෙය මාරාන්තික තත්ත්වයට පත් විය හැකිද යන කරුණු කාරණා පහදාදීම මෙම සටහනේ අරමුණ වෙයි.

 

අර්ශස් යනු මොනවාද?

අර්ශස් යනු ගුදයේ සහ අධෝ මාර්ගයේ පහළ කොටසේ තිබෙන ලේ නහරවල හටගන්නා ඉදිමීමේ තත්ත්වයයි. මෙම ඉදිමීම ගුදය හා අධෝ මාර්ගයට ඉතා අපහසු ලෙස බලපායි. සාමාන්‍යයෙන් ගුදය සහ අධෝ මාර්ගය පහළ කොටසේ ඇතුළත අන්තර කොටසේ කුඩා ශිරා ජාලයක් එනම් රුධිරවාහිනී සමූහයක් තිබේ. මෙම ශිරා සමහර අවස්ථාවල ඒවාට ගලා එන සාමාන්‍ය රුධිර ප‍්‍රමාණයට වඩා වැඩිවීමක් සිදු වේ. එවිට ඒවා රුධිරය පිරී පළල් වේ. මෙසේ රුධිරයෙන් පිරුණු ශිරා සහ මතුපිටින් පිහිටි පටක ඉදිමීමේ තත්ත්වය අර්ශස් නමින් හඳුන්වයි.

 

හැදෙන්නෙ කොහොමද?

මෙම වෙනස්වීම ඇතිවීමට හා ඒවා අර්ශස්බවට පත්වීමට තුඩු දෙන නියම හේතුව මෙතෙක් හරි හැටි පැහැදිලි වී නැත. ඒ එසේ පැහැදිලිි හේතුවක් නොමැතිවත් සමහර අර්ශස් තත්ත්ව වර්ධනය වන නිසාය. බොහෝ අවස්ථාවල මෙයට ප‍්‍රධාන හේතුව ගුදය හා ඒ අවට ප‍්‍රදේශයේ පීඩනය විය හැකි යැයි විශ්වාස කෙරේ.

 

අවදානම වැඩි කරන හේතු මොනවාද?

ප‍්‍රධානම හේතුව මලබද්ධය හේතුවෙන් එකවර විශාල අසූචි කොටස් පිට කිරීමට සිදුවීම නිසා වැසිකිළියේදී තැටමීමයි. ඒ තැටමීමේදී ගුදයේ හා ඒ අවට ශිරා පීඩනය වැඩි කිරීමෙන් අර්ශස් වර්ධනයවීමට මග පාදයි. ගර්භිණී සමයේ අර්ශස් තත්ත්වය ඇතිවීම බෙහෙවින් සුලබය. මෙසේ වන්නේ ගුදය හා අධෝ මාර්ගයට ඉහළින් සිටින බිලිඳාගේ වැඞීමත් සමග ඇතිවන පීඩනය හා ගැබිනි සමයේ ඇතිවන හෝමෝනවල වෙනස්වීම ශිරාවලට බලපෑමයි. පුද්ගලයකු වයසට යන විට ගුදය ආස්තරයේ තිබෙන පටක අඩු ආධාරක තත්ත්වයකින් යුක්ත වේ. එයත් මේ සඳහා බලපායි. ගුදය ප‍්‍රදේශයේ ශිරාවල බිත්තිවල දුර්වලතා සමහරුන්ට උපතින්ම ඇති වේ. එසේ වන්නේ ප‍්‍රවේණී ගත සාධක නිසාය.

 

රෝග ලක්ෂණ මොනවාද?

අර්ශස් ප‍්‍රධාන කෙටස් දෙකකින් සඳහන් කළ හැකිය. එනම්.

1. අභ්‍යන්තර අර්ශස්
    
2. බාහිර අර්ශස්

 

අභ්‍යන්තර අර්ශස් සෑදෙන්නේ ගුදයේ වටේ ගැටියට සෙන්ටි මීටර 2 - 4 ක් පමණ උඩින් පිටුපස කොටසේය. මේවා ප‍්‍රමාණය හා උග‍්‍රතාව අනුව කොටස් හතරකට වර්ග කළ හැකිය. එනම්,

 

1 වර්ගය -

පසුපස පැසේජයේ ඇතුළත අන්තරයේ ඇතිවන සුළු ඉදිමීමේ තත්ත්වයයි. මේවා ගුදය පිටතින් දක්නට නොලැබෙයි. එහෙත් මෙම අර්ශස් බෙහෙවින් සුලබව දක්නට ලැබේ. මෙම අර්ශස් සමහරුන්ගේ විශාල විය හැකිය.

 

2 වර්ගය -

මෙම අර්ශස් මදක් විශාලය. මෙම අර්ශස් තිබෙන පුද්ගලයා වැසිකිළියට ගිය විට මේවායින් කොටසක් පිටතට පැමිණ ඇතුළට යයි.

 

3 වර්ගය -

ගුදයෙන් පිටතට පැමිණ තිබේ. මෙම අර්ශස් මෘදු ගැටිති මෙන් එම පුද්ගලයාගේ අතට අසු වෙයි. එසේම මේවා ඇඟිල්ලෙන් ඇතුළට තල්ලූ කිරීමටද පුළුවන. බොහෝවිට එසේ ඇතුළට තල්ලූ කිරීමට සිදු වේ. ඒ අපහසුතාවයෙන් මිදීම සඳහාය.

 

4 වර්ගය -

මෙම වර්ගයේ අර්ශස් ගුදයෙන් පිටතට නෙරා තිබේ. එහෙත් තුන්වැනි වර්ගය මෙන් මේවා ඇතුළට තල්ලූ කළ නොහැකිය. සමහරුන්ගේ මේවා බෙහෙවින් විශාල වේ. මේවා ඇති අයට ඉතාම අපහසුතා දැනේ.

 

රෝග ලක්ෂණ එකිනෙකට වෙනස්ද?

මෙම අර්ශස්වල රෝග ලක්ෂණ එකිනෙකට වෙනස්ය. කුඩා අර්ශස් ගෙඩි වේදනා රහිත වේ. එහෙත් මේවායේ වඩාත් සුලබ රෝග ලක්ෂණය වන්නේ වැසිකිළියට ගිය විට රුධිරය ගැලීමයි.

විශාල අර්ශස් ගෙඩිවලින් ශ්ලේෂමල වහනයවීමට පටන් ගනී. මේවායෙන් වේදනාව මෙන්ම නිතර කැසීම හා දැවිල්ල හට ගනී. මෙම ගෙඩි තිබෙන අයට හොඳින් මලපහ වුණත් තවත් වැසිකිළි යාමට වුවමනා වැනි හැඟීමක් ඇති වේ.

පිටතට පැමිණ ඇති අර්ශස් ගෙඩිවල ඇතිවිය හැකි සංකූලතා නම් ඒ තුළ රුධිර කැටියක් හට ගැනීමය. මෙම අර්ශස්වලින් තදබල වේදනාවක් ඇතිවිය හැකිය.

 

බාහිර අර්ශස් රෝගී තත්ත්වය හඳුනාගන්න

අර්ශස් රෝගීන් අතර සුලබව දක්නට ලැබෙන අභ්‍යන්තරව හටගන්නා අර්ශස් තරම් මෙම තත්ත්වය සුලබ නැත. බාහිර අර්ශස් තත්ත්වයේදී ගුදයේ පිටත ගැටියේ කුඩා ගැටිත්තක් මෙන් වර්ධනය වේ. මෙම තත්ත්වයේදී බෙහෝවිට රෝග ලක්ෂණ ඇති නොවේ. මේ නිසා රුධිර කැටියක් හටගන්නා අවස්ථා තිබේ. එසේ වුවහොත් වේදනාකාරී විය හැකිය. ඒ සඳහා ප‍්‍රතිකාර කිරීමට අවශ්‍ය වේ.

රුධිර කැටි සහිත බාහිර අර්ශස් තත්ත්වය පැය 48 - 72 කට පසු උච්ච අවස්ථාවකට පත් වේ. එසේ වුවහොත් දින 7-10 කට පසු ක‍්‍රමයෙන් පහව යයි. පිටත හටගන්නා රුධිර කැටි සහිත අර්ශස්වලින් දින කිහිපයක් යන තෙක් රුධිරය පිට වී ක‍්‍රම ක‍්‍රමයෙන් එහි සම හැකිළී යයි. සමහරුන්ට මෙම අභ්‍යන්තර මෙන්ම බාහිර යන අර්ශස් දෙවර්ගයම වර්ධනය වී තිබෙන අවස්ථා දක්නට ලැබේ.

 

ප‍්‍රතිකාර මොනවාද?

මෙවැනි තත්ත්වකින් වැළකීම ප‍්‍රතිකාරයට වඩා වැදගත්ය. මලබද්ධයෙන් වැළකීම සහ වැසිකිළි යාමේදී තැටමීමෙන් වැළකීම මෙම රෝගයෙන් මිදීමට ප‍්‍රධාන හේතුවක් වේ.

සෑමවිටම මල මොළොක්ව තබාගන්න. මේ සඳහා පහත ක‍්‍රමවේද අනුගමනය කරන්න.

නිතර ආහාරවේලට පලා, එළවළු, ධාන්‍ය වර්ග එකතු කරගන්න. එමෙන්ම තන්තු වැඩි එළවළු පලතුරු වැඩියෙන් ගන්න.

දියර වැඩියෙන් පානය කරන්න. දිනකට ජලය හෝ ජලය වැනි පාන වර්ග ලීටර් දෙකක්වත් ගත යුතුය. එනම් කෝප්ප 10 - 12 ක් පමණය. මෙසේ දියර වැඩියෙන් ගැනීමෙන් එයින් කොටසක් මුත‍්‍ර මගින් පිටවන අතර කොටසක් අන්ත‍්‍රයට ගොස් මල මොළොක් කරයි.

මලබද්ධය ඇති අය වේදනා නාශක ගැනීමේදී ‘කෝඬේන්’ අඩංගු වේදනා නාශක නොගත යුතුය.

වැසිකිළි යාම පිළිබඳ සැලකිලිමත් වන්න. අර්ශස් ඇති හෝ එවැනි ගැටළු ඇති විය හැකි අයගේ නිතර මළ බද්ධය ඇතිවන අය වැඩිපුර ජලය පානය කර මල පිටකිරීමේ අවශ්‍යතාව ඇති වූ වහාම වැසිකිළි යා යුතුය. කිසිම විටෙක එම අවශ්‍යතාව පාලනය කරගෙන නොසිටිය යුතුය. එසේ සිටීමෙන් මල තද වී ඒවා ගුදයේ විශාල වී පිට කිරීම ඉතාම දුෂ්කර වේ.

වැසිකිළියට ගොස් තැටමීම නොකළ යුතුය. සාමාන්‍යයෙන් නිසි ලෙසට දිනපතා මලපහ නොවන්නේ නම් දින කිහිපයකින් ඒවා පිට කිරීමේ අවශ්‍යතාව පැමිණියත් තැටමීමට සිදු වේ. එවැනි විටෙක තැටමීම නොකළ යුතුය. එසේ තැටමීමට අවශ්‍ය වන්නේ මල පිට කිරීමට අවශ්‍ය නිසා එම පුද්ගලයා වැසිකිළියේ වැඩි වේලාවක් සිටීම නිසාය. කිසිම විටෙක එසේ වැඩි වේලාවක් නොසිටිය යුතුය.

ඉහත සඳහන් ක‍්‍රම අනුගමනය කිරීමෙන් රුධිර වහනය හා අපහසුතාවට සහන සැලසෙයි. කුඩා නොවන හා පිටතට පෙනෙන අර්ශස් ගෙඩි ඇති අය ඉහත ප‍්‍රතිකර්ම අනුගමනය කළොත් බොහෝවිට කලක් යන විට ඒවා සුවපත් වේ.

එහෙත් අර්ශස් නිසා ඇතිවන අපහසුතාවට කැසීම ආදියට, ආලේපන, ක‍්‍රීම් හා ඇතුළට දමන ඖෂධ (සපොස්ටරිස්* තිබේ. ඒවා වෛද්‍ය උපදෙස් මත ගත හැකිය.

පිටතින් තිබෙන විට ගත හැකි මෘදු ආලේපන සපොස්ටරිස් මගින් අපහසුතාව බොහෝදුරට පාලනය කරගත හැකිය.

මේ හැර නිර්වින්දක අඩංගු සැකසුම්ද තිබේ. ඒවා වෛද්‍ය උපදෙස් මත කර ගත යුතුය. මේවා භාවිත කළ යුත්තේ දින 5 - 7 වැනි කෙටි කාලයකටය. දිගු කලක් එවැනි දෑ පාවිච්චි කළොත් ගුදය අවට සමේ දැවිල්ලක් හට ගනු ඇත.

අර්ශස් අවට ප‍්‍රදේශය විශාල ලෙස ප‍්‍රදාහයට පත්ව ඇත්නම් ස්ටෙරොයිඞ් අඩංගු ද්‍රව්‍ය වෛද්‍යවරයා විසින් නියම කරයි. එයින් ගුදය අවට තිබෙන ප‍්‍රදාහය හා ඉදිමීම අඩුකරගත හැකිය. එහෙත් මෙම ස්ටෙරොයිඞ් අඩංගු ක‍්‍රීම් වර්ග සතියකට වැඩි කාලයක් පාවිච්චි නොකළ යුතුය.

බෙහෙවින් වේදනාකාරී පිටතට නෙරූ අර්ශස් තිබේ නම් අයිස් බහාලූ පැක් එකක් විනාඩි 15 - 30 ක් පමණ එම ප‍්‍රදේශයේ තබාගෙන සිටීමෙන් වේදනාව සමනය වී සහනයක් ලැබෙනු ඇත.

ගැබිනි කාලයේ හටගන්නා අර්ශස් බොහෝවිට දරු ප‍්‍රසූතියෙන් පසු පහවී යයි.

මේ හැර බරපතළ ලෙස මෙම රෝගයෙන් පෙළෙන රෝගීන් සඳහා බෑන්ඩින් නම් ප‍්‍රතිකාරය කරනු ලැබේ. ඒ ගැන මීළඟ ලිපියෙන් දැන ගනිමු.