බුලත් විටක් කාලා අලි අමාරුවක වැටිලා

2015 මාර්තු මස 30 10:21:21 | ක‍්‍රිස්ටෝපර් සීපියන් , අනුරාධපුරය

මිතුරකු තම උපන් දිනයට මිතුරන් කිහිප දෙනකුට ආරාධනා කළේය. එය මධුවිත සපිරි සාදයක් විය. සවස්වනවිට මිතුරන් කිහිප දෙනෙක් පැමිණියේ වෑන් රථයකිනි. එය පැදවූ මිතුරා මත්පැන් පානය නොකරන්නෙකි. තවත් මිතුරෙක් පැමිණියේ වෙනත් නගරයක සිට තම යතුරු පැදියෙනි. සාදය ආරම්භ විය. මිතුරන් බොහෝ දෙනා මධුවිතින් සන්තර්පණය වුවත් යතුරු පැදියෙන් ආ මිතුරා මත්පැන් පානය කළේ පදමටය. 

හේතුව මග දිගට පොලිස් නිලධාරීන් සිටින බැවිනි. මධ්‍යම රාත‍්‍රිය පසුවනතුරු සාදය පැවැත්විණි. අවසානයේදී රාත‍්‍රි ආහාර ලබාගත් මිතුරන් නිවෙස් බලා පිටත්වූහ. යතුරු පැදියෙන් ආ මිතුරා සුළු වේලාවක් නිවැසියන් සමඟ පිළිසඳරේ යෙදී පසුව බුලත් විටක්ද සපමින් යතුරු පැදියේ නැඟී නිවෙස බලා එන්නට විය. ටික දුරක් පැමිණි විටදී ඔහුගේ හිස බ‍්‍රමණය වන්නට විය. රාත‍්‍රි භෝජන ශාලාවක් අසල යතුරු පැදිය නැවැත්වූ හෙතෙම භෝජන ශාලාවේ හිමිකරුට තම අසනීපය පැවසීය. ”සමහර විට බුලත් විට කෑවාම කැරකිල්ල හැදෙනවා” යැයි පැවසූ මුදලාලි ශීතකළ වතුර වීදුරුවක් බොන්නට දී ඇඳි පුටුවක හාන්සි කරවීය. පැයකට පසු පියවි සිහිය ලද තරුණයා, ”මුදලාලිට බොහොම ස්තූතියි.” පවසා යතුරු පැදියට ගොඩ විය.

”මහත්තයා බුලත් විටක් කාලා මත් වුණාම අයිස් වතුර ටිකක් බොන්න. නැත්නම් සීනි ටිකක් කන්න.”

මුදලාලි උපදෙසක් දීමටද අමතක කළේ නැත. 

කොඩිවිනය කපන්න සොහොනට යද්දී යකැදුරු පිස්සු නටලා

2015 මාර්තු මස 31 10:20:22 | (තිහගොඩ - උපසේන ලියනගේ)

තමා විසින් පරීක්‍ෂා කළ පේනයකට අනුව ස්ථීරවම නිවෙසට කොඩිවිනයක් කර ඇති බව දැනගෙන එය කැපීමට එම නිවෙසට ගිය යකැදුරකු ගෙහිමියා හා එක්ව කළ අපූරු කටයුත්තක් පිළිබඳව පසුගියදා දකුණු පළාතේ ගමකින් අසන්නට ලැබිණ.

මේ යකැදුරා කොඩිවිනය කැපීමට නම් තමා සකස් කළ පූජා කට්ටලයක් සොහොනකදී ජීවම් කිරීටම අවශ්‍ය බව ගෙහිමියාට කියා තිබේ. නිවසේ සිට සොහොන් බිම දක්වාම දුම්මල වරම් ගයමින් නට නටා යායුතු බව පැවසූ ඔහු තමාගේ කකුලේ ආබාධයක් නිසා පයින් යා නොහැකි නිසා වාහනයක් සපයන ලෙස කියා තිබේ. ගෙහිමියා අසල්වැසි හිතවතකුගේ වෑන් රථයක් මේ සඳහා සූදානම් කළ අතර ඉන් ගමන ආරම්භ කරත්ම එතුළට නැගගත් යකැදුරා දුම්මල වරම් ගයමින් නටන්නට පටන්ගෙන තිබේ.

මෙය දුටු වෑන් රථයේ රියැදුරාට දෙවියන් සිහිවී ‘‘ ඕක ඇතුළේ ඔය වැඬේ නම් කරන්න එපා.’’ කියා ඔහු බිමට බැස්සවූ අතර මන්තර ගුරුකම් ලත්තැනම ලොප්වුණාලූ.

කඬේ වහලේ පොල්කූරු ගලවා දත් හෑරුවැයි මුදලාලිට ඩෝං ගිහින්

2015 අපේ‍්‍රල් මස 01 10:00:20 |(ඉබ්බාගමුව සම්පත් සෙනෙවිරත්න)

පොල්අතු සෙවිලි කළ තම තේ කඩයට බුලත් විට මිලදීගැනීමට පැමිණෙන පාරිභෝගිකයන් දත් හෑරීම පිණිස නිතරම වහලේ පොල්කූරු කැඞීම නොඉවසූ මුදලාලි මහතා ඔවුන්ට ඇති තරම් දත් හැරීම සඳහා වෙනම පොල්කූරු මිටියක් කඩයේ එල්ලා තැබූ පුවතක් පොල්පිතිගම ප‍්‍රදේශයෙන් වාර්තා වේ. කරඹේ ප‍්‍රදේශයේ පිහිටි කුඩා තේ කඩයකි.

පොල් අතු සෙවිලි කළ වහලයක් සහ බිමට ගොම මැටි ගා ඇති මෙය අතීත සිංහල ගැමි සංස්කෘතිය සිහිගන්වයි. නිතර කඩය හා ඒ අවට මිදුල හොඳින් අතු පතු ගා පිරිසිදුව තබා ගැනීමට වෙහෙසෙන මුදලාලිට මෙන්ම මුදලාලි හාමිනේට තිබෙන ලොකුම ගැටලූව වූයේ බුලත් විට මිලට ගන්නා උදවිය ඒවා සපා මිදුලට කෙලගැසීමත් ඉන් පසු දත් ශුද්ධ කිරීමට වහලයේ ඇති පොල්කූරු කැඞීමත්ය.

එම නිසා බුලත් විටක් විකුණන සෑම අවස්ථාවකම ඕනෑම කෙනකුට මිදුලට කෙල ගහන්න එපා යැයි අවවාදයක් දීමට මොවුන් දෙදෙනා කටයුතු කළත් පොල්කූරු කඩන්නත් එපා යයි කීවත් තම පාරිභෝගිකයින් අමනාපවිය හැකි බැවින් අපූරු පොල්කූරු කඩන්නන් ගෙන් වහලය බේරා ගැනීමට උපායක් මෙම දිනවල යොදා තිබේ.

වහලයේ පොල්කූරු කඩන්න එපා. දත් හාරන්න පොල්කූරු අන්න යනුවෙන් සඳහන් තරමක් විශාල පුවරුවක් කඩයේ වහලයේ අසල එල්ලා හොඳින් ශුද්ධ කරන ලද පොල්කූරු මිටියක් ද එතන එල්ලා ඇත්තේ ඕනෑම කෙනකුට ඕනෑම වෙලාවක දත් හැරීමට පොල්කූරු ගැනීමටය.

Posted By kingD on 19 Apr 2015 11:07 PM

කඬේ වහලේ පොල්කූරු ගලවා දත් හෑරුවැයි මුදලාලිට ඩෝං ගිහින්

2015 අපේ‍්‍රල් මස 01 10:00:20 |(ඉබ්බාගමුව සම්පත් සෙනෙවිරත්න)

 

පොල්අතු සෙවිලි කළ තම තේ කඩයට බුලත් විට මිලදීගැනීමට පැමිණෙන පාරිභෝගිකයන් දත් හෑරීම පිණිස නිතරම වහලේ පොල්කූරු කැඞීම නොඉවසූ මුදලාලි මහතා ඔවුන්ට ඇති තරම් දත් හැරීම සඳහා වෙනම පොල්කූරු මිටියක් කඩයේ එල්ලා තැබූ පුවතක් පොල්පිතිගම ප‍්‍රදේශයෙන් වාර්තා වේ. කරඹේ ප‍්‍රදේශයේ පිහිටි කුඩා තේ කඩයකි.

පොල් අතු සෙවිලි කළ වහලයක් සහ බිමට ගොම මැටි ගා ඇති මෙය අතීත සිංහල ගැමි සංස්කෘතිය සිහිගන්වයි. නිතර කඩය හා ඒ අවට මිදුල හොඳින් අතු පතු ගා පිරිසිදුව තබා ගැනීමට වෙහෙසෙන මුදලාලිට මෙන්ම මුදලාලි හාමිනේට තිබෙන ලොකුම ගැටලූව වූයේ බුලත් විට මිලට ගන්නා උදවිය ඒවා සපා මිදුලට කෙලගැසීමත් ඉන් පසු දත් ශුද්ධ කිරීමට වහලයේ ඇති පොල්කූරු කැඞීමත්ය.

එම නිසා බුලත් විටක් විකුණන සෑම අවස්ථාවකම ඕනෑම කෙනකුට මිදුලට කෙල ගහන්න එපා යැයි අවවාදයක් දීමට මොවුන් දෙදෙනා කටයුතු කළත් පොල්කූරු කඩන්නත් එපා යයි කීවත් තම පාරිභෝගිකයින් අමනාපවිය හැකි බැවින් අපූරු පොල්කූරු කඩන්නන් ගෙන් වහලය බේරා ගැනීමට උපායක් මෙම දිනවල යොදා තිබේ.

වහලයේ පොල්කූරු කඩන්න එපා. දත් හාරන්න පොල්කූරු අන්න යනුවෙන් සඳහන් තරමක් විශාල පුවරුවක් කඩයේ වහලයේ අසල එල්ලා හොඳින් ශුද්ධ කරන ලද පොල්කූරු මිටියක් ද එතන එල්ලා ඇත්තේ ඕනෑම කෙනකුට ඕනෑම වෙලාවක දත් හැරීමට පොල්කූරු ගැනීමටය.

 

 

ඇත්තනේ ,,,,,

GossipClanka.com

ත්‍රීරෝදයකට වී තරුණියක සමග පෙම් සුව විදිමින් සිටියදී ඒ දෙස බැලුවේ යැයි කෝපයට පත් තරුණයකු කාන්තාවකට පහරදී ඇතැයි හෝමාගම මූලස්ථාන පොලීසිය පවසයි, පහර කෑමට ලක්වූ කාන්තාව පොලීසියට කරන ලද පැමිණිල්ලකට අනුව සැකකාර තරුණයා අත්අඩංගුවට ගෙන ඇත. මෙම සිද්ධිය හෝමාගම ශ්‍රී මහින්ද මාවතේදී සිදුව තිබේ, 22 හැවරිදි තරුණයාගේ පහර කෑමට ලක් වූ කාන්තාව හෝමාගම රෝහලේ ප්‍රතිකාර ලබන බවත් පොලීසිය කියයි. සැකකාර තරුණයා තරුණියක සමග ත්‍රීරෝදයේ දෙපස වැසි ආවරණවලින්ද වසාගෙන එම රථයේ පිටුපස පෙම් සුව විදිමින් සිට ඇත, ඒ අවස්ථාවේ ත්‍රීරෝදය අසලින් ගමන් ගත් කාන්තාව එම නවතා තිබූ ත්‍රීරෝදයේ වැහි ආවරණය ඉවත් කර ඒ තුළට එබී තිබේ, මෙහිදී කෝපයට පත් තරුණයා මුලින්

කාන්තාවගේ කම්මුලටත්, පසුව පොල්ලකින් කාන්තාවගේ පාදයකටත් පහරදී ඇතැයි ද පොලීසිය කියයි. හෝමාගම මූලස්ථාන පොලීසියේ ස්ථානාධිපති ප්‍රධාන පොලිස් පරීක්ෂක උපුල් ලියනගම මහතාගේ උපදෙස් මත විවිද පැමිණිලි අංශයේ ස්ථානාධිපති පොලිස් පරීක්ෂක අශෝක රණබාහු මහතාගේ මෙහෙය වීමෙන් නිලධාරීහු කණ්ඩායමක් වැඩිදුර පරීක්ෂණ පවත්වති.

2015-04-30

වාර විභාගය අතර තුර මෙගා ටෙලි නාට්‍යයක දෙබස් හුවමාරුවක්

(නයිනමඩම - චන්දන ප‍්‍රනාන්දු)
මේ දිනවල පැවැත්වෙන පාසල් වාර විභාගය අතරතුර පාසල් ශිෂ්‍යාවන් දෙදෙනකු අතර හුවාමාරු වූ කඩදාසියක් ගැන සොයා බැලීමේදී එය එක්තරා නාලිකාවක විකාශනය වන මෙගා ටෙලි නාට්‍යක පෙරදින විකාශනය වූ කොටසක විස්තරය තම යෙහෙළියට දීමට උත්සාහ දැරීමේ සිදුවීමක් පසුගියදා වෙන්නප්පුව අධ්‍යාපන කොට්ඨාසයේ පාසැලකින් වාර්තා විය.

සිද්ධිය මෙසේය.

මේ දිනවල පළමු පාසල් වාර විභාගයට ලියමින් සිටි වෙන්නප්පුව ප‍්‍රදේශයේ පාසලක සිසුවියන් පිළිබඳව නිරීක්‍ෂණය කරමින් සිටි එම ශාලාව බාර ගුරුතුමියට බොහෝ සිසුවියන් තම ප‍්‍රශ්න පත්තරයට දෑස් යොමා සිටියත් සිසුවියන් දෙදෙනකු අතර යම් කතාබහක් සිදුවන බව දැක තිබේ.

මේ පිළිබඳව අවධානයෙන් සිටි ගුරුතුමියට එම සිසුවියන් දෙදෙනා අතර යම් දෙයක් හුවමාරුවූ බව දැක එය තම බාරයට අරගෙන කියවීමේදී මේ බව හෙළිකරගන්නට හැකි වී තිබේ. එම අවස්ථාවේදී කලබල නොවූ ගුරුතුමිය විභාග කාල සීමාවෙන් පසු පාසලේ විදුහල්පතිට මේ ගැන දැනුම් දී ඇත.
සිසුවියන් දෙදෙනාගෙන් විමසීමේදී පවසා ඇත්තේ පෙර දින ඉහත ටෙලි නාට්‍ය තම යෙහෙළියට නැරඹීමට නොහැකි වූ බව දැන්වූ නිසා තමන් එය ලියාගෙන ඇයට ගෙනත් දුන් බවයි. ගුරුතුමියගේ විමසිලිමත්භාවයට ස්තූති කර ඉගෙනීමේ වටිනාකම කියා දී දැඩි ලෙස අවවාද කර විදුහල්පති එම සිසුවියන් දෙදෙනා පන්ති කාමරයට පිටත් කර යැවූ බව වාර්තා වේ.

වහලයේ සිටි කුරුල්ලෙක් සීසීටීවී කැමරාවේ දිසාව මාරු කරලා

ආයතනයක සීසීටීවි කැමරා කිහිපයක් සවිකර තිබිණි. දිනක් ආයතනයේ නිලධාරියෙක් කැමරා දසුන් පරීක්ෂා කරන විට පිටත සවිකර ඇති කැමරාවක දසුන් වෙනදා මෙන් නොව වෙනත් දිශාවකට යොමුවී ඇති බව පෙනී ගියේය.

කලබලවූ ඔහු කළමනාකරුට ඒ බව දැන්වීය. පසුව ඔවුන් කැමරාවේ දසුන් පරීක්ෂා කළත් කිසියම් හෝඩුවාවක් ලබාගැනීමට නොහැකි විය. ඔවුන්ගේ සැකය යොමුවූයේ ආරක්ෂක නිලධාරීන් වෙතය. ”සර් ඒ අය කැමරාව පහත් කරලා හොර වැඩක් කරනවා ඇති” එක් නිලධාරියෙක් පැවසීය. කළමනාකරුගේ උපදෙස් අනුව නිලධාරියෝ දෙදෙනෙක් ඉදිරිපස ගොඩනැගිල්ලේ හිමිකරුගේ අනුදැනුම මත රාත‍්‍රියේ එයට නැග කුමක් සිදුවන්නේ දැයි පරීක්ෂාවෙන් එළිවෙන තුරු බලා සිටියහ. සැකයට තුඩුදෙන කිසිවක් වුණේ නැත. නිදි මැරීමෙන් හොඳටම හෙම්බත්වී සිටි ඔවුන් දෙදෙනා කාර්යාලයට පැමිණ විස්තරය හොර රහසේ කළමනාකරුට දන්වා නිවෙස් කරා පියනැගුවේ හොඳ නින්දක් බලාපොරොත්තුවෙනි. කළමනාකරු කැමරා සවිකළ ආයතනයට කතාකොට කවුරු හෝ කැමරාව පහත් කර ඇති බව දැන්වීය. සීසීටීවි ආයතනයේ නිලධාරීන් වහා පැමිණ ඉනිමගකට නැග කැමරාව පිරික්සූවිට කැමරාව උඩ තිබූ කුරුළු වසුරු දැකගත හැකිවිය. කැමරාව නැවත සකස් කළ ඔවුහු කළමනාකරු හමුවී, ”සර් කැමරාව කවුරුවත් වෙනස් කරලා නැහැ. ඒක උඩ රෑට ලොකු කුරුල්ලෙක් ඉන්නවා. ඒ නිසයි කැමරාව පහත් වුණේ” යනුවෙන් පැහැදිලි කළහ. අපි බොරුවටනේ ඒ අයව සැක කළේ. කළමනාකරු තවකෙකුට පැවසීය.
(ක‍්‍රිස්ටෝපර් සීපියන්)

මත් වෙළෙඳාමෙන් සිව් වසරක් ‘ළිඳේ’

(තිහගොඩ උපසේන ලියනගම)
තරුණ වියේදී විවිධ මත්ද්‍රව්‍ය වෙළෙඳාමට ඇබ්බැහි වී සිටි ඔහු යහපත් පුද්ගලයකුවූයේ හොඳ බිරිඳක් ලැබීම නිසාය. ඇගේ මග පෙන්වීම අනුව හොඳ ජීවිතයක් ගත කළත් දරුවන් තිදෙනකු ලද පසු ඔහු යළිත් මත් ව්‍යාපාරවලට සම්බන්ධවන ලකුණු පෙනිණ. මේ ගැන දොස් කී බිරිඳට ඔහු කීවේ ‘‘ළිඳට වැටුණු එකා ළිං කටින්ම ගොඩ ආ යුතු’’ බවකි.

පසුගියදා මත්ද්‍රව්‍ය ළඟ තබා ගැනීමේ චෝදනාව මත අත්අඩංගුවට ගත් ඔහුට උසාවියෙන් රුපියල් දස දහසක දඩයක් සමඟ සිව් වසරක සිර දඬුවමක් නියමවිය.
ඔහු බේරා ගැනීමට බිරිඳ ලොකු උත්සාහයක් දැරුවත් එය සාර්ථක නොවූ තැන ‘‘දැං ඉතිං අවුරුදු හතරක් ආයෙත් ළිඳේම ඉන්න වේවි’’ කියා ඇය උසාවි භූමියෙන් පිටතට ආවේ කඳුළු සලමින්ලූ.

දකුණු පළාතේ වියළි කලාපයට ආසන්න ගමකින් ඇසුණු පුවතකි.

Posted By Ind007ka on 29 Apr 2015 06:25 PM

පෙම්සුව නැරඹු කතකට පහර දුන් තරුණයා දැලේ

GossipClanka.com

ත්‍රීරෝදයකට වී තරුණියක සමග පෙම් සුව විදිමින් සිටියදී ඒ දෙස බැලුවේ යැයි කෝපයට පත් තරුණයකු කාන්තාවකට පහරදී ඇතැයි හෝමාගම මූලස්ථාන පොලීසිය පවසයි, පහර කෑමට ලක්වූ කාන්තාව පොලීසියට කරන ලද පැමිණිල්ලකට අනුව සැකකාර තරුණයා අත්අඩංගුවට ගෙන ඇත. මෙම සිද්ධිය හෝමාගම ශ්‍රී මහින්ද මාවතේදී සිදුව තිබේ, 22 හැවරිදි තරුණයාගේ පහර කෑමට ලක් වූ කාන්තාව හෝමාගම රෝහලේ ප්‍රතිකාර ලබන බවත් පොලීසිය කියයි. සැකකාර තරුණයා තරුණියක සමග ත්‍රීරෝදයේ දෙපස වැසි ආවරණවලින්ද වසාගෙන එම රථයේ පිටුපස පෙම් සුව විදිමින් සිට ඇත, ඒ අවස්ථාවේ ත්‍රීරෝදය අසලින් ගමන් ගත් කාන්තාව එම නවතා තිබූ ත්‍රීරෝදයේ වැහි ආවරණය ඉවත් කර ඒ තුළට එබී තිබේ, මෙහිදී කෝපයට පත් තරුණයා මුලින්

 

කාන්තාවගේ කම්මුලටත්, පසුව පොල්ලකින් කාන්තාවගේ පාදයකටත් පහරදී ඇතැයි ද පොලීසිය කියයි. හෝමාගම මූලස්ථාන පොලීසියේ ස්ථානාධිපති ප්‍රධාන පොලිස් පරීක්ෂක උපුල් ලියනගම මහතාගේ උපදෙස් මත විවිද පැමිණිලි අංශයේ ස්ථානාධිපති පොලිස් පරීක්ෂක අශෝක රණබාහු මහතාගේ මෙහෙය වීමෙන් නිලධාරීහු කණ්ඩායමක් වැඩිදුර පරීක්ෂණ පවත්වති.

2015-04-30

 

බලාගෙන කොල්ලෝ ...........

රා බී උපන් ඇඳුමින් නාලා අඩනිරුවතින් ගෙදර ගිහිල්ලා

(පුත්තලම ජූඞ් සමන්ත)
නිවාඩු දිනයකි. හලාවතxමාදම්පේ පැත්තේ ගමක පදිංචි තරුණයින් දෙදෙනකුට අපූරු අදහසක් පහළ විය. ”රා බොමුද” එක් තරුණයකු යෝජනා කළේය. යෝජනාව ස්ථීර විය. දෙදෙනාම තිප්පොළකින් රා බෝතල් කීපයක්ද රැුගෙන ගමන් කරන්නේ ගමේ වැව් බැම්ම මතටය.

කිසිවකුගෙන් බාධාවක් නැත. වැවේ කිසිවකු නැත. තරුණයෝ දෙදෙනා හිතේ හැටියට රා බෝතල් කීපය අවසන් කරන්න පටන් ගත්හ. ”වැවට බැහැලා නාමුද?” නැවතත් යෝජනාවකි. එයද ස්ථීර විය.

”ඒත් නාන්න අඳින්න රෙදි කොහෙන්ද?” ගැටලූවකි. ”කව්රුවත් නැහැනේ. අපි දෙන්නා විතරනේ. ඔන්න ඔහේ නිකම්ම බහිමු....” අනිකා යෝජනා කළේය. එම යෝජනාවද ස්ථීර විය. පසමිතුරෝ දෙදෙනා උපන් ඇඳුමින් වැවට බැස්සාහ. රා මත නිසා වැවේ සිටිනා වේලාව ගැනද දෙදෙනාගෙන් එකෙකුටවත් නිනව්වක් නැත. ඇති තරම් වැවේ දිය කෙළියේය. ඊට කිසිවකුගෙන් බාධාවක් නොවීය. ඉර අවරට ගොස් තිබුණි. ”හොඳටම හවස් වෙලා. ගොඩට යමු.” එක් මිතුරෙක් යෝජනා කළේය. දෙදෙනාම උපන් ඇඳුමින් වැවෙන් ගොඩට පැමිණියහ. දෙදෙනාටම ”රා” මත හිඳුණේ ගොඩට පැමිණි පසුවය.

එක් මිතුරකුගේ ඇඳුම් අතුරුදන් වී තිබුණේ ඔහුගේ ජංගම දුරකතනය ද සමගය. ”දැන් ඉතිං කුමක් කරන්නද...” යැයි වැව් බැම්මේ ඇති කුඹුක් ගසකට මුවා වී කල්පනා කළ මිතුරන් දෙදෙනා ඉතිරි වී තිබූ ඇඳුම් ටික බෙදාගෙන එතැනින් පිටවී ඇත.

තම මිතුරෙකු උපන් ඇඳුමින් වැවේ දිය කෙළින බව දැනගත් අයෙකු විසින් මෙම සොරකම සිදුකර ඇති බව දින කීපයකට පසුව දැන ගන්නට ලැබුණිු

පවුල් සමඟියට උපදෙස් දුන් මිතුරාගේ පවුලත් කැඩිලා

(තිහගොඩ - උපසේන ලියනගම)
වයඹ පළාතේ පාසල් ගුරුවරියක වූ ඔහු තම බිරියත් සමග නිතර පැවැති ආරවුල් නිසා දිවි ගමන ගෙන ගියේ මහත් කලකිරීමකිනි.

විදුහලේ මාර්ගෝපදේශන ගුරුවරයා සමග මේ පිළිබඳව කතා කළ විට ඔහු මේ ගැටලූවලට න්‍යායාත්මක මෙන්ම ප‍්‍රායෝගික ක‍්‍රියාකාරකම් කීපයක් කියා දී ඒවා අත්හදා බලන ලෙස ඉල්ලීය. ඔහුගේ උපදේශන සාර්ථක විය. දැන් මේ දෙදෙනා කිරි පැණි වගේය. මේ සුහදතාවට මග පෙන්වූ තම හිතවතාගේ නිවෙස සොයා මේ දෙදෙනාම පසුගියදා ගියේ අවුරුදු තෑගි ද රැගෙනය. එහෙත් නිවසේ සිටියේ හිතවතා සහ ඔහුගේ දුව පමණකි. ”වයිෆ් අවුරුදු ගමනක් ගිහිං” කී ඔහු මුළුතැන් ගෙට ගියේ අමුත්තන්ට තේ හදන්නටය.

ඒ අතරතුර අමුත්තන් අසලට ආ දුව ”තාත්තා කීවේ බොරු හැමදාම අම්මයි තාත්තයි රණ්ඩු වෙනවා අද තාත්තා අම්මට ගැහුවා. අම්මා අඬාගෙන මහගෙදර ගියා.” කීවෙන් අමුත්තන් දෙදෙනාට තරු පෙනුණාලූ.

බසයේ අසුන ඉල්ලා ගත් ගැබිනිය සැමියාත් වාඩි කරගෙන

කොළඹ බලා ධාවනය වූ බසයකි. සෑම අසුනක්ම මගීන්ගෙන් පිරී තිබිණි. බසය බස් නැවතුමේ නැවැත් වූ විට ගැබිනි කාන්තාවක් ඇයගේ සැමියා සමඟ එයට ගොඩවූවාය. ආසනවල සිටි සමහරු ගැබිනි කාන්තාව දුටු විට නිදි කිරන්නටත්, තවත් සමහරු බසයෙන් පිටත බලන්නටත් වූහ.

තරුණියක් තම ජංගම දුරකතනයේ හෑන්ඞ්ස්ෆී (Hands Free) උපකරණය කන්දෙකෙහි රඳවාගෙන සංගීතයට සවන් දෙමින් සිටි අතර ගැබිනි කාන්තාව දුටු ඇය ද දෑස් පියා ගත්තාය. කිසිවකු අසුනක් නොදෙන බව පෙනී ගියෙන් මැදි වයසේ මහත්මයෙක් තම අසුන ගැබිනි මව වෙත දීමට කටයුතු කළේය. පසුව තම ගමන් බෑගය ද අතින් එල්ලාගත් ඔහු සිටගෙන ගමන් කරන්නට විය. පැය භාගයක් ගත විය. ගැබිනි කාන්තාව අසල වාඩි වී සිටි කාන්තාව අසුනින් නැඟිට බසයෙන් බැසීම සඳහා දොරටුව අසලට ගමන් කරන්නට වූවාය. ගැබිනි කාන්තාව වහා එම අසුනමත තම බෑගය තබාගත් අතර එතැනට අසුන පිරිනැමූ මගියා වාඩිවීමට පැමිණියත්, තම සැමියාට කතා කළ ඇය ”මෙතනට ඇවිත් වාඩි වෙන්න” යැයි පැවසුවාය. සැමියා එතැනට පැමිණි පසු අසුන දීමට ඇය කටයුතු කළාය.

දෙදෙනාම අල්ලාප සල්ලාපයේ යෙදෙමින් ප‍්‍රීතියෙන් ගමන් කරන්නට වූහ. ගැබිනි කාන්තාවට අසුන පිරිනැමූ මගියා තම බරැති ගමන් බෑගයත් අතේ රඳවාගෙන ඉතාමත් අපහසුවෙන් සිටගෙනම කොළඹට පැමිණියේය.
(ක‍්‍රිස්ටෝපර් සීපියන් - අනුරාධපුරය)

වැඩි වාසියට ගිහින් තිබුණු ටිකත් නැතිවෙලා

(නයිනමඩම චන්දන ප‍්‍රනාන්දු)
නොදන්නා කර්මාන්තයක් කරන්න ගිහින් ලොකු අලාභයක් කරගත් ලොරි හිමියකුගේ සිද්ධියක් පසුගියදා වයඹ පළාතේ සාගරයක් ළඟ තිබෙන ප‍්‍රධාන නගරයකින් වාර්තා විය.

මෙම ලොරි හිමියා කාලයක් රාජ්‍ය සේවයේ සිට වයස සපිරෙන්නත් පෙර ඉක්මනින් තමන්ගේ පාරිතෝෂිතයත් අරගෙන ගෙදර නතරවුණ කෙනෙකි.
ගෙදර නතර වූ මෙම හිටපු රාජ්‍ය සේවකයාට තමන්ට ලැබුණ මුදල් ටික ආයෝජනය කරන්න විවිධ ආකාරයේ යෝජනා එද්දී තමන්ගේ අසල්වැසියන් බොහෝම ජයට කරගෙන යන ව්‍යාපාරයක් ගැන හිතා උවමනා ලොරියක් අරගෙන තිබුණේ ලොකු බලාපොරොත්තුවකිනි.

එම ව්‍යාපාරයේ ස්වභාවය අනුව ලොරි රථයට පළපුරුදු සහයකයකු උවමනා වුවත් සේවකයාට ලොකු මුදලක් ගෙවීමට වෙන බව දැක ගෙදර හිටපු තමන්ගේ පුතකු ලොරියේ සහයකයා ලෙස යොදාගෙන පළමු දවසේම ලොරිය පසුපසට ගැනීමට යද්දී නිවෙසක තාප්පයක් කඩාගෙන ගොස් නතර විය. ලොරි හිමියාට අවබෝධ වෙලා තියෙන්නේ තම පුතා ලොරිය පසුපසට ගැනීමට සංඥා ලබාදී ඇත්තේ දුරකථනයකින් ඔහුගේ යහළුවෙක් සමග කතා කරමින් බවය.

තමන්ගේ අලූත්ම ලොරියට වූ අලාභය දරාගෙන නිවෙස් හිමියාගේ කැඩුණු තාප්පයට අලාභය ගෙවා තමන් කරගත් අණුවන ක‍්‍රියාව ගැන ලොරි හිමියා කල්පනා කරමින් සිටී.

කොට්ටා පොරයට ආ දෙදෙනා බිමට පැන අතින් පයින් ගහගෙන

(තිහගොඩ උපසේන ලියනගම)
සිංහල අවුරුදු චාරිත‍්‍ර කියා දීම සඳහා කන්ද උඩරට ප‍්‍රදේශයේ පැවැති උත්සවයකි. සියලූ චාරිත‍්‍ර විධි අකුරටම කි‍්‍රයාත්මක වූ අතර කොට්ටා පොර තරගය එහි ජනපි‍්‍රයම අංගය විය.

එහි අවසාන වටයට තේරී ආ තරුණයන් දෙදෙනා කරට කර තරගය පවත්වා ගෙන යන අතර තුර එක් අයකුගේ ප‍්‍රහාරක කොට්ටය පටලැවී දෙදෙනාම බිම පතිත වූහ.

එහෙත් බිම සිටගෙනත් නොනැවතී එකිනෙකාට පහර දෙනු දුටු සංවිධායකයෝ ඔවුන් ගෙන් කොට්ටා දෙක උදුරා ගත්තත් පසුව අතින් පයින් පහරදීමට පටන් ගැනීම නිසා මහා කලබලයක් වූයෙන් ඔවුන් කී‍්‍රඩා භූමියෙන් ඉවත්කළහ.

කොට්ටා පොර තරගය ගුටි කෙළියක් බවට පත්වීම මෙයින් නතර වුවත් ත්‍යාග ප‍්‍රදානෝත්සවයේදී එකිනෙකා ජයගත් බව පවසමින් නැවත අරගලයකට සූදානම් වුණාලූ. තොරතුරු සෙවීමේදී අනාවරණය වූයේ මේ දෙදෙනා කලක පටන්ම සතුරන් බවට පත්වී සිටි බවක්ලූ.

රතිඤ්ඤා කරලක් එක්ක කවරය ළිපට දාලා

(මහනුවර විශේෂ චමිල් රූපසිංහ)

අලූත බැඳපු යුවළක් කන්ද උඩරට ඉඳලා මහගෙදර මනමාලයගෙ නිවසේ පදිංචියට ඇවිත් හිටියලූ. අලූත් මනමාලි ගෙදර දොරේ වැඩට ගොඩාක් දක්‍ෂයිලූ. උදෑසනින්ම අලූත් මනමාලි ගෙදර දොර අස්පස්කරල අවුරුද්දට නැකතට පත්තු කරන්න රතිඤ්ඤා වෙන්කරල රතිඤ්ඤ පෙට්ටි ඔතපු කවර ටිකත් ළිපට දාන්න කුස්සියට ගෙනිහින් තිබ්බලූ.

ඔය අතර අලූත් යුවළ බලන්න නෑයෝ කට්ටියකුත් ආවලූ. මනමාල මහත්තයගෙ අම්ම කිව්වලූ අලූත් මනමාලි එක්ක කතා කරන්න දේවල් ඇති මම තේ එකක් හදන් එන්නම් කියලා. මනමාලයගෙ අම්ම කුස්සියට ගිහින් ටික වේලාවකින් ඩෝං කියල මහ සද්දයක් කුස්සිය පැත්තෙන් ආවලූ. ඒ එක්කම මනමාල මහත්තයගෙ අම්ම මූණ පුරාම අලූ ගාගෙන නෑයෝ කට්ටිය හිටපු තැනට ආවලූ.

සිද්ධිය මොකක්ද කියල බැලින්නම් අර රතිඤ්ඤ කොළ අස්සෙ බැරිවෙච්ච රතිඤ්ඤයක් තිබිල ඒ කොළයක් ළිපට දාල අම්ම තේ හදන්න පත්තු කරල ඒ රතිඤ්ඤයක් පත්තු වෙලා සිද්ධිය වෙලා තියෙන්නෙ කියල මනමාල මහත්තයට තේරුම් ගියාලූ. නිවසේ සියලූම දෙනා මනමාලිට ගොඩාක් ආදරේ නිසා ප‍්‍රශ්නයක් වුණෙත් නෑලූ.

අලූත් යුවළ බලන්න ආපු නෑයො කිවුවලූ අලූත ගෙනා මනමාලි සද්දෙ දාලම වැඩ පටන් අරගෙන කියල සියල්ලන්ම සතුටින් හිනා වුණාලූ.

විදුලි සැරවැදී මියගිය සැමියා පණපිටින් ගෙදර ඇවිත්

කොළඹට ආසන්න ප‍්‍රදේශයක ජීවත්වූ යුවළක් සිය දරු දෙදෙනාත් සමඟ සෙනෙහසින් කාලය ගෙවනු ලැබුවේ අගහිඟකම් මැද්දේය.

මෙම කාන්තාවගේ සැමියා සේවයේ යෙදී සිටියදී විදුලි සැර වැදී ඇති බවට ලැබුණ පණිවිඩයෙන් දරාගත නොහැකි වේදනාවට පත්වූ අය සිය සැමියා සොයා රෝහල වෙත දිව ගියේ සිහිවිකල් වූ ලෙසය.

සැමියාගේ නෑ හිතවතුන්ටද මෙම අනතුර පිළිබඳව දැනුම් දුන් බිරිය රෝහලට ගොස් සැමියා පිළිබඳව සොයා බැලීමේදී ඔහු මියගොස් ඇති බව දැනගන්නට ලැබීමත් සමග අසල සිටි සියලූම නෑ හිතවතුන් වැළපෙන්නට වූයේ මියගිය පුද්ගලයාගේ ගුණවත්කම ගැන මෙනෙහි කරමිනි.

හදිසියේම බිරියගේ දුරකථනය නාදවූයේ සැමියාගේ දුරකථන අංකය ජංගම දුරකථන තිරයේ සටහන් කරමිනි.

මියගිය සැමියාගෙන් ලැබුණ දුරකථන ඇමතුමෙන් බියට පත් බිරිය තව තවත් හැඬුවා පමණය.

මම මැරිලා නෑ ගෙදර එනවා ඉක්මනට යයි සැමියා ඇමතුම් ගනිමින් පැවසුවද සිය සැමියාගේ නමත් හරි නම් මැරුණු පුද්ගලයා මියගොස් ඇත්තේ විදුලි සැර වැදීනම් සැමියාගෙන් දුරකතන ඇමතුම ඔස්සේ තමා අමතන්නේ කෙසේදැයි සිතාගත නොහැකි විය.

බිරියගේ සහ නෑයන්ගේ ඇස් ඇරුණේ මියගියා යැයි පැවසූ සැමියා රෝහලට සිනාසෙමින් පැමිණි විටය. පසුව සියල්ල පැහැදිලි විය. සැමියාගේ නම ඇති පුද්ගලයකු විදුලිසැර වැදී මියගොස් ඇත.

සිද්ධියෙන් පසුව මියගියා යැයි සිතූ සැමියාගේ හිතවතුන් ඔහුට හොල්මනක් යයි උසුලූ විසුලූ කරන බව දැනගන්නට ඇත.

හොඳ පොල් ‘පුහුවී’ මුදලාලි අමාරුවේ

(කමල් ශ්‍රී ලියනගේ කොස්ගොඩ)

මුරයට පොල්කඩන ලද වත්තකින් පුහු පොල් ඉල්ලා ගෙන පැමිණි කාන්තාවක් පුහු පොල් ගෙඩි පහක් හොඳ පොල් ගොඩට දමා හොඳ පොල් ගෙඩි රැුගෙන යෑමේ පුවතක් පසුගියදා අහුන්ගල්ලෙන් වාර්තා විය.

සිද්ධිය සැකවින් මෙසේය. ඉඩම් හිමියා වත්තේ මුරයට පොල් කැඞීය. හොඳ පොල් ගෙඩි 500ක් පමණ තිබූ අතර පුහු පොල් ගෙඩි 20ක් පමණද එහි විය. තොගයට පොල් ගන්නා තොග වෙළෙන්දා පොල් රැුගෙන යාමට සවසට එන බව දන්වා පොල්ගොඩ ගැන යන්න ගියේය. ඒ අතර පුහුපොල් ඉල්ලාගෙන පැමිණි කාන්තාවකට ඉඩම් හිමියා පුහු පොල්ගොඩ පෙන්වා අරන් යන්නැයි දන්වා තිබේ.

ඉඩම් හිමියා වත්තේ සිටියදී පුහු පොල් අතට ගත් කාන්තාව ඒවා හොඳ පොල්ගොඩට දමා ඉඩම් හිමියාට ඇස් වසා හොඳ පොල් ගෙඩි පහක් රැුගෙන ගොස් ඇත.

සවස් වී තොගයට පොල් ගැනීමට කුඩා ලොරියද රැගෙන තොග වෙළෙන්දා පැමිණි අතර ඔහු පොල් ගෙඩි යළිත් ගණන් කරමින් ලොරියට දැමීමේදී පුහු බොල් ගෙඩි පහක් තිබෙනු සොයා ගෙන තිබේ. ඒ බව ඉඩම් හිමියාට දැන්වූ විට පුහු පොල් ගෙඩි හොඳ පොල් ගොඩට දමා එයින් ගෙඩි පහක් කාන්තාව රැුගෙන ගිය බව හෙළිවී ඇත.

සැඟවුණු අමුත්තා නංගීටම අහුවෙලා

සැඟවුණු අමුත්තා සෙවීමේ තරගයකදී සැඟවුණු අමුත්තා ලෙස පෙනී සිටි අය ඔහුගේ නංගී විසින් අල්ලා ගැනීමෙන් පසු තෑග්ග ගෙදරටම ලබා ගැනීමේ සිද්ධියක් දකුණු පළාතේ පැවැති අවුරුදු උත්සවයකදී අනාවරණය විය.

උදෑසනම සිට සැඟවුණු අමුත්තා තරගය විවෘත වූයෙන් අවුරුදු උත්සව භූමියට පැමිණි ලොකු කුඩා ගැහැණු පිරිමි බොහෝ දෙනෙක් ඔබ මොබ යමින් සැඟවුණු අමුත්තා සෙවීමට මහන්සි ගත්හ. මෙම අවුරුදු උත්සවයේ වේදිකාවේ පැවැති තරග කිහිපයක් විනිශ්චයට පැමිණි විනිසුරුවරු පවා සැඟවුණු අමුත්තා යැයි සිතා සමහරුන්ගෙන් ප‍්‍රශ්න කළහ. ජන ගී ගායනා තරගය විනිශ්චය කරන අතරතුර සැඟවුණු අමුත්තා සොයා ගනු ලැබීය. ඒ අනුව සැඟවුණු අමුත්තා වේදිකාවට ගොඩවිය.

ඒ සමඟ ඔහු සොයා ගත්තා කියන අයද වේදිකාවට නැග්ගේය. සැඟවුණූ අමුත්තා ලෙස පෙනී සිටියේ සංවිධායක මණ්ඩලයේ අයෙකි. ඒ අවස්ථාවේදී සැඟවුණූ අමුත්තා ලෙස පෙනී සිටි තැනැත්තාගේ නැගණිය මහත් ප‍්‍රීතියෙන් යුතුව මමයි සැඟවුණු අමුත්තා ඇල්ලූවේ යැයි කීවාය.

මෙය අවුරුදු උළෙලේ සිරි නරඹමින් සිටි බොහෝ දෙනෙකුට ද ඇසුණු අතර සැඟවුණු අමුත්තා ලෙස පෙනී සිටි අයියා වෙන කෙනෙකුට සොයා ගැනීමට බැරිවී නංගීට අසුවීම අරුම පුදුම වැඩක් යැයි ඇතැමෙක් කසු කුසු ගාන්නට වූහ. සැඟවුණු අමුත්තා ලෙස පෙනී සිටි අය ඒ බව නංගීට දැනුම් දුන්නාද නැතිනම් ඇයගේ දක්ෂතාවය නිසා සැඟවුණු අමුත්තා අල්ලා ගත්තාද යන්න බොහෝ අයට ප‍්‍රහේළිකාවක් විය.

දුරකතනයෙන්

පාර අහගෙන පෙම්වතිය සොයා ගිහින් පොලිස් රියෙන් ආපසු ඇවිත්

(උණවටුන - ඞී.ජී. සුගතපාල)
ඌව පළාතේ පදිංචි විසිතුන් හැවිරිදි ඔහු රැුකියාව කළේ දකුණු පළාතේ ප‍්‍රධාන නගරයක පිහිටි පෞද්ගලික ආයතනයකය.

දිනක් රාති‍්‍ර ඔහුගේ ජංගම දුරකථනයට ඇමතුමක් ලැබුණේය. ඔහු ”හලෝ” කියා පිළිතුරු දුන්නේය. ‘‘අනේ  සොරි වැරදීමක්” යනුවෙන් මිහිරි කටහඬකින් පැවසූ තරුණියක් දුරකථනය විසන්ධි කළාය.

 එහෙත් ඒ කටහඬ ඔහුගේ ආදර සිතුවිලි අවදි කළේය. ඔහු පසුබට වුයේ නැත. එම අංකය යළිත් එබුවේය. ඔහුගේ උත්සාහය  සාර්ථක විය. ප‍්‍රතිඵලය වුයේ ටික දිනක් යනවිට දෙදෙනා එක්ව පේ‍්‍රමයේ කුඩා පැළයක් රෝපණය කිරීමය. මාස කිහිපයක් යනවිට එම පැළය මල්බර වන්නට විය. දැන් දෙදෙනාටම නොදැක සිටීමට බැරිය.

‘‘මේ අවුරුද්දට ඔයා අපේ ගෙදර එන්න. මං කාමරයේ ජනේලය ඇරල තියන්නම්.’’ ඇය ආදරයේ නාමයෙන් ඉල්ලා සිටියාය. එය ප‍්‍රතික්‍ෂේප කිරීමට ඔහුට නොහැකිවිය.

 අවුරුද්දට පසුදින රාති‍්‍ර ඔහු ඇයගේ නිවස සොයා පියමැන්නේය. එවිට වේලාව රාති‍්‍ර දහය පසු වී තිබිණි. එක අතක චොකලට් පාර්සලයකි. අනෙක් අතේ ජංගම දුරකතනය විය. ජංගම දුරකතනය මඟින් දෙන මං සලකුණු ඔස්සේ ඔහු ඉදිරියටම ගියේය. මේ වනවිට ප‍්‍රධාන මාර්ගය සිට මීටර් පන්සීයකට වඩා දුරක් ගම ඇතුළට ගොස් සිටියේය.

ඇය දුන් මං සළකුණු ඔස්සේ ඇයගේ නිවසයයි සිතිය හැකි නිවසක් අසළට ඔහු පැමිණියත් එම නිවසේ කියූ පරිදි ජනේලයක් විවෘත කර තිබුණේ නැත.
ඔහුගේ හැසිරීම පිළිබඳ සෙවිල්ලෙන් සිටි අසල්වැසියෝ පිරිසක් වැඩි වේලාවක් යාමට පෙර ඔහු අල්ලාගෙන ප‍්‍රශ්න කරන්නට වූහ.

තමා එම තරුණියගේ පෙම්වතා බවත් ඇය හමුවීමට පැමිණි බවත් ඔහු කියා සිටියේය.

 එහෙත් අසල්වැසියන් එම නිවසට ගොස් ඔහු පෙන්වා සිද්ධිය පැවසූ විට නිවැසියෝ අන්ද මන්ද වූහ. තරුණිය කැඳවා ඔහු හඳුනනවා දැයි විමසූ විට ඇය කිවේ තමා කිසි දිනයක ඔහු දැක නැති බවය.

ඔහු අත තිබූ චොකලට් පාර්සලය සීසීකඩ ගියේය. එවිට වේලාව මධ්‍යම රාති‍්‍රයට ද ආසන්න වී තිබූ නිසා පොලිස් ජීප් රථයක් පැමිණ ඔහුට ප‍්‍රවාහන පහසුකම් සැලසුවේය.