ජංගම දුරකථන භාවිතයෙන් වන සතුන්ට බලපෑම් හිරිහැර වන බැවින් යාල ජාතික වනෝද්‍යානය තුළ ජංගම දුරකථන භාවිතය සීමා කිරීමට විශේෂ වැඩපිළිවෙළක් ක්‍රියාත්මක කිරීමට වනජීවි දෙපාර්තමේන්තුව සැලසුම් කර ඇති බවට වාර්තා වේ.

වන සතුන් වැඩි වශයෙන් දැකගත හැකි පෙරවරු 6.00 සිට පෙරවරු 9.00 දක්වා කාලය තුළ සහ පස්වරු 3.00 සිට පස්වරු 6.00 දක්වා කාලය තුළ මෙම වැඩපිළිවෙළ ක්‍රියාත්මක කිරීමට නියමිතය.

අදාළ කාලසීමාවන් තුළ දී යාල වනෝද්‍යානය තුළ ජංගම දුරකථන සඳහා ලබාදෙන සංඥා විසන්දි කිරිමට මේ යටතේ සැලසුම් කර තිබේ.

ඒ පිළිබඳව සියලු දුරකථන සමාගම් සමග මේ වන විට සාකච්ඡා සිදුකර ඇති බව වනජීවි අධ්‍යක්ෂ ජනරාල් එච්.ඩි.රත්නායක මහතා සඳහන් කළේය.