පොල්තෙල් බොන්න – ඇඟට හොඳයි

පොල්තෙල් කියන්නේ අපි නම් දන්නේ කෑම හදන්න භාවිත කරන දෙයක් කියලා විතරයි. ඒත් ඇමරිකාව වගේ රටවල් වල පොල්තෙල් හොඳ බීමක්. එයාලා කෝපි එක්ක පොල්තෙල් එකට මිශ්‍ර කරලා බොනවා. සාමාන්‍යෙයන් අපි හිතන්නේ පොල්තෙල් ඇඟට අගුණයි වැඩිය හොඳ නෑ කියලා නේ. ඒත් අළුත්ම වෛද්‍ය විද්‍යාත්මක මතය තමයි පොල්තෙල් ඇඟට හොඳයි කියන එක. එතකොට පොල්තෙල් හොඳ නෑ කියලා තියෙන්නේ කවුද ඉස්සර.සමහර අය කියන්නේ නම් පාම් ඔයිල් වගේ සහ එළවළු තෙල් වගේ දේවල් ජනප්‍රිය කරන්න පොල්තෙල් හොඳ නෑ කියලා මිත්‍යා මතයක් යැව්වා කියලා.

මේ කොහොම වුනත් බටහිර වාර්තා පෙන්වා දෙන්නේ පොල්තෙල් ඇඟට ඉතා යෝග්‍යයි කියලා. පුදුම කරවනසුලු ප්‍රතිඵල පොල්තෙල් භාවිතය තුළින් අත්විඳිය හැකි බව නවතම විද්‍යාත්මක තොරතුරු අනාවරණය කර තිබෙනවා.

පොල්තෙල් භාවිතය සෞඛ්‍ය සම්පන්න දිවියකට ආකාර 5කින් වැදගත්වන අයුරු විද්‍යාඥයින් පෙන්වාදෙයි.

එනම් කායික හා මානසික ක්‍රියාකාරීත්වය පිරිහීයාම නොහොත් අල්ෂයිමිර් රෝගීන්ගේ මොළයේ ක්‍රියාකාරිත්වය වැඩිවීමට පොල්තෙල් උපකාරී වේ. මොළයේ සෛලවලට ශක්තිය ලබාදීම එමගින් සිදුවේ.

තවද පොල්තෙල් රුධිරයේ කොලස්ටොරෝල් මට්ටම වැඩිදියුණු කරන අතරම හෘදයාබාධ අවදානම පහත හෙළීම සිදුකරයි. කොලොස්ටොරෝල් මගින් හෘදයාබාධ අවදානම වැඩිකළද එච්ඩීඑල් මට්ටම වැඩිවීමෙන් එම හානිය සිදුනොවන බව
වෛද්‍යවරු කියති.

රුධිරය කැටිගැසීම වැළැක්වීමේ හැකියාවද පොල්තෙල් සතුය. පොල්තෙල් මගින් ස්වභාවික ලස්සන වැඩිකිරීමක්ද සිදුවේ. ශරීරයේ බාහිර පෙනුම අලංකාරය සඳහා සතියකට වරක් හෝ දෙවරක් බාහිර සමේ පොල්තෙල් ගා සම්බාහනය කිරීම කළ යුතු බව විද්‍යාත්මකව තහවුරු කැරගෙන ඇත. කොණ්ඩයේ බොකුටු ස්වභාවය අවම කර සිනිඳු කිරීමේ හැකියාවද පොල්තෙල් සතුය. පොල්තෙල් නිතිපතා භාවිතය නියපොතු මොළොක් කරවීමට හේතුවක් වන බවද සොයාගෙන ඇත.

ආහාරයක් වශයෙන් පොල්තෙල් ඉතා ගුණ බවද කියති. බටර් වෙනුවට පොල්තෙල් භාවිතය සෞඛ්‍ය සම්පන්න දිවියකට හේතුවන බවත් රසය වැඩිකිරීමට හේතුවන බවත් සොයාගෙන ඇත.

මෙච්චර පොල් තියෙන රටේ අපි තවම පොල්ගහෙන් හරියට වැඩක් අරං නෑ වගේ කියලා තමයි පේන්නේ.