Posted By Poddi on 16 Feb 2019 01:50 PM
ඉස්සර
පෙම්බර
ආදර
අන්දර

නිරතුර
නෙතුහැර
පෙම්පුර
පැහැසර

වගෙ පෙර
හී සැර
කොච්චර
සුන්දර

ගිය දුර
මා හැර
ඝනදුර
ගෙනහැර

- ඩිලීකා -

2.සිරි ඡන්දස
(2)මියුලු විරිත

ඉතා ලස්සන වෙනස් ආකාරයේ නිර්මාණයක්. මේ නිර්මාණය ඔයාගේද? සරල සහ රසවත්.

Posted By Poddi on 20 Feb 2019 02:45 PM
ඉපිද මැරෙන යළි ඉපදෙන
අරුමයක්ය මෙ භව ගමන
අතිර ලොවම පරද දිනන
මගක්වේද එයයි නිවන

-ඩිලීකා -

වටිනා අදහසක් ලස්සන නිර්මාණයක් ලෙසින්.

සසරක පැතුමක් විලසින් ________හමු වී
දෙහදක සෙනෙහස් බැඳුමන් _____ඇති වී
නොහිතපු රිදුමන් කොතෙකුත්____ සිදු වී
පවකද දුරකට වෙන්නත් ______හිමි වී

-පෙද විරිත -

ලස්සන කවියක් අක්කේ

Posted By Poddi on 21 Feb 2019 08:04 PM
සසරක පැතුමක් විලසින් ________හමු වී
දෙහදක සෙනෙහස් බැඳුමන් _____ඇති වී
නොහිතපු රිදුමන් කොතෙකුත්____ සිදු වී
පවකද දුරකට වෙන්නත් ______හිමි වී

-පෙද විරිත -

හූම්.....දුකායි  😟

රුදුරු හඬ
දවන හිත
නොදැනම
ඇසිල්ලකින්

අහිමි දිවි
හින්දා හැම
කඳුළු හිමි
ලතවෙමින්

යළි යළිත්
මගෙ රටට
නොවෙන් දුක
මේ ලෙසින්

කුල මල
ජාති ආගම්
පක්ෂ පාට
එපා එපා එපා
රකිනු රට
හිඳ අවදියෙන්
- poddi -

මම ලීව කවි වලින් සදැස් කවි පමණක්  60-70  ප්‍රමාණයක් එකතුවෙන් මුල්ම අත්පිටපත '' කව්සිළුමිණ'' පළාත් තරඟ වලට ඔන්න ඊයේ බාර දුන්නා

සුභ පැතුම්.....ලස්සන කවි ගොඩක එකතුවක්

ස්තුතියි දිල්කි සොයුරියේ ඔයාට ගොඩක්ම 

ගුඩ් ලක් පොඩ්ඩි අක්කී.......💜️💐

සුබ පැතුම් පොඩ්ඩි නංගි.........

ස්තුතියි නංගා 

ස්තුතියි අයියන්ඩියේ 

නියමයි නංගි. මේක ජයග්‍රහණය කරන්නම ඕන. වැඩියෙන්ම සතුටු වෙන්නෙ ස්ටන් එකේ අපි.

Posted By maduranga001 on 26 Apr 2019 05:41 AM
නියමයි නංගි. මේක ජයග්‍රහණය කරන්නම ඕන. වැඩියෙන්ම සතුටු වෙන්නෙ ස්ටන් එකේ අපි.

ස්තුතියි මධු අයියේ 

=විඳිමුද සිරි අසිරි =

සිත පුරා නැගුණු සෙනෙහෙ අරං සීත යාමයේ
පාට පාටින් දේදුන්නක් රුව මවලා තියේ
අර ඇදී නටන සකුණ පැටව් අහස් මායිමේ
තුඩින් තුඩට කව් ගීත ගයා නොපෙනිලා ගියේ

රංචු රංචු මාළු පැටව් නියරෙ දොරකඩේ
පින්නක් පැන නැවතුණු හැටි කුඹුරෙ මඩ ගොඩේ
කොක් හාමිට ඇස ගැටිලා දැන් හරිම ලෙඩේ
රිද්මය අසනුව නොනැසී ගැහෙන පපු හඬේ

දිය බුබුළු නගා ගලා හැලෙන සීත ජල රොදේ
සුව සතුට මිහිර රඳන අතර දුක පහළ ඇදේ
දියරොද සිඹිමින මල් සුවඳ සෑම දෙසට රැඳේ
තුරුපත් හිනැහි ඇදිලා ගොස් ඉවුර මතම වැදේ

- ඩිලීකා -

ජනනිය මතු බුදු වෙනු මැන

ජ නිත කරලා රිදුම් උහුලා බැති පෙමින්
නහර ඇට මස් පුරා රඳලා ගුණ සෙමින්
නිබඳ සනසන මහද නොරිදා හිමි හෙමින්
යනෙන මාවත දුක් රිදුමන් ද දුරලමින්

මහද සොඳුරුම උත්තමාවියගෙ නමින්
තුන් යාමයෙම සැනසුම අයදිමි පෙමින්
බුදුන් දැක පුරා පාරමී ගුණ දමින්
දුරස් වෙනු මැන සසර ගමනින් හෙමින්

වෙන්සන්තර රජු දවසත් හිමි දූ දරු දන් දෙමින්
නුඹ දන්නවා ඇති බිසෝ හැඩූ හැටි වැළපෙමින්
මැහැල්ල කි අද වියපත්ව සවි තෙද බල නැතිකමින්
නවතින්න හැකිද කෙලෙසක දරුපෙම අතහැරලමින්

- J .M . ඩිලීකා මධුශානි -

පතමින් සසර ඉපදුම මවකගෙ කුස _සොදුරු වෙන
ලබමින් මිහිර සැනසුම දෙදෙනම හිත_ පැතුව මෙන
තබමින් අඩිය දියතෙහි යනුහැකි දුර _ __හඳුනගෙන
සොයුරන් නමුදු මිතුරුය හැම ______ගෙවෙන දින

මාවත දුර නොවේ නෙත්තුළ රැඳි අභිමන් _සඵල වෙන
බාධක බිඳ දමා යන්නට හැක පැතුමන් _-හදෙහි ගෙන
පාළුව නිති නොයේ හින්දම අපි කඳුළින් __සිනහසෙන
ජීවිත මඟ දිගේ සුන්දර කවි ගෙත්තම් ___දකිනු මැන

පියෙන් පියට දුර මනිනා - තව යා යුතු දුර බොහොමයි
ගිරෙන් ගිරට පැන දුවනා - ඔබ හා මම එක _වගෙමයි
පැතුම් පැතුව මෙනි සසරේ -මතු දා යළි මුණ _ගැසුමයි
පවන් රොදක රැදි සෙනෙහේ - සැමදා සිත් විල සනසයි

සසර බියකරුය ලොව ඉපදෙන මැරෙන
කටුක දුක් ගිනිය එහි ඇවිලෙන දවන
නිතර සිහිකරමු සදහම අම නිවන
නිවෙන මඟ පුරමු මිදුමට භව දුකින

ඇසුරට ගනිමු හඳුනා මිතුරන් කළණ
බිඳලමු නිතර දුදනන්ගේ අව නුගුණ
වඩමින් සුගුණ යා යුතුමය යන ගමන
සැනසුම පතමු නිවෙනා මග දැක නිවන

දුක සැප නිතින් ලොව පෙරලෙන බව දන්නේ
පරතෙර නොදැන ලොබ බැඳ පසුපස යන්නේ
වෙසතුරු රජුත් තම දු දරු පුද දුන්නේ
සසරෙහි නැවතුම සොයන ගමනට සිත දුන්නේ

හිරු සදු එළිය පරදන නැණ නුවණින්නේ
දසබල ගුණය වඩවාලමු නිතැතින්නේ
නිම් නැති ගමන දැක උතුමන් විලසින්නේ
චතුවිද දහම තුළ සැනසෙමු නිවෙමින්නේ

පිං බල මහිම යුත් ගුණයෙන් සසර සරා
සත්වග සතට මෙත් ගුණදම් සිසිල පෙරා
පස්වග තවුසනුත් අමදම් නිතිම පුරා
කිත්නද මිහිර සිත් සතොසින් රැදවු යුරා

නිමක් නොමැති සසර ගමන හමු වූ මාපිය බොහොමයි
තෙරක් නොදැක අතර මගක සැනසූ දූ දරු කොතෙකැයි
මෙතුන් දොහක නෙතඟ කඳුළු මහ සයුරද නිති පරදයි
පවින් බරව නිරයෙ ඉපිද විඳවූ සෝගිනි නොදනියි

ඉපදී භවේ පසුකල බියකරු සසර
දුකින් වෙලී හිඳිමින් මද ඝණ අඳුර
නුවණින් කිමිද මැද මග දම් අම සයුර
නිවනින් නිවෙමු බිඳ දමමින් පට තිමිර ..

ගැඹූරු අර්තයකින් සසරෙ බියකරු බව ගැන ලස්සන ට ලියල........තේරුණේ ටිකයි මට නම්........ස්තුතියි පොඩ්ඩී අක්කී බෙදා ගත්තට