Posted By chamaramind on 28 Jan 2016 04:49 PM
මමත් කරලා බලන්න ඕන මටත් ඇග පත අමාරුව තියෙනවා

සැප කාමර තුළ සැප පුටු මත මැරී වැටෙන 'ෆුල් ඔෆ්ෂන්' මිනිස්‌සු

මෙලෝ වැඩක්‌ නොකර කකා බිබී නිදාගැනීම පමණක්‌ කරන කුසීතයන් දුටු විට අපේ පැරැන්නන් කීවේ 'කම්මැලියා ගොන් අලියා' කියාය. ඒ ගොනාටවත් අලියාටවත් නින්දා අපහාස කිරීමට නොව කම්මැලි වීමේ ආදිනව මිනිසුන්ට පෙන්වා දී කම්මැලිකමෙන් සමාජය මුදවා ගැනීම සඳහාය. එසේම 'කම්මැලියාට අනාගතයක්‌ නැත' යන්න අප කවුරුත් දන්නා ප්‍රකට කියමනකි. සෝවියට්‌ සමාජවාදී සමූහාණ්‌ඩුව තුළ ප්‍රකටව තිබූ කියමනක්‌ වන ' වැඩක්‌ නොකරන්නා නොකයි' යන කියමනෙන් ද ප්‍රකට වන්නේ කම්මැලිකමේ දුර්විපාකයන්ය. අප කුඩා කල උගත් මහලු ගොවියා සිය කම්මැලි පුතුන්ගේ කම්මැලිකම දුරු කිරීමට මරණ මංචකයේදී යෙදූ උපායෙන් ද පැහැදිලි වන්නේ ලොකුම නිධානය පහළ වන්නේ කම්මැලි නොවී වැඩ කළ විට යන්නයි.

මෙයින් අපට පෙනීයන්නේ කම්මැලිකමේ දුර්විපාකයන් පිළිබඳව දුරාතීතයේ සිටම සමාජය මනා අවබෝධයකින් කටයුතු කළ බවත් ඕනෑම සමාජ ක්‍රමයක කම්මැලිකම මහා විනාශයක්‌ සහ සමාජ අගතියක්‌ සේ සලකා සමාජයෙන් එය දුරු කරන්නට කටයුතු කළ බවත්ය. නමුත් මේ වන විට දියුණු යෑයි කියන තාක්‌ෂණික ලෝකයේ ජීවත්වන මහා කාර්ය බහුල ජීවිතයක්‌ ගත කරනවායෑයි කියන නූතන මිනිසා ලොව එදා මෙදා තුර ජීවත් වූ සුපිරිම කම්මැලියා බවට පත් වී ඇත. අද නූතන සමාජයේ ජීවත්වන අති බහුතරයක්‌ දෙනා කිසිම විටක පයක්‌ හොල්ලන්නේ නැති අතර අත සොළවන එකම කාරණය වන්නේ අධිරෝගකාරක ආහාර කටට දමාගැනීම සඳහා පමණි. තාක්‌ෂණ දියුණුවේ හිණිපෙත්තට නැඟීමත් සමඟ ඒ ටික කිරීමත් රොබෝ යන්ත්‍රයකට භාරකරන දිනය වැඩි ඈතක නොවේ.

මෑතක්‌ වන තුරු පැවති සමාජවල කම්මැලිකම මහා විනාශයක්‌ සහ සමාජ අගතියක්‌ ලෙස සලකා එය දුරු කිරීමට ක්‍රියාමාර්ග ගෙන තිබුණ ද නූතන සමාජයේ තාක්‌ෂණික දියුණුව සහ ඊට සමගාමීව කරලියට විත් ඇති ඊනියා කාර්ය බහුලත්වය ඉදිරියේ කම්මැලිකම සාධාරණීකරණය කෙරී ඇත. නිදසුනක්‌ ලෙස නූතන වාහන ඉතා සුඛෝපභෝගී හෙවත් 'ෆුල් ඔෆ්ෂන්' වන අතර ඒවා පැදවීමේදී ශරීරය කිසිදු ක්‍රියාකාරකමකට භාජන වන්නේ නැත. පැරණි වාහනවල අගුල් දැමීමේදී වාහනය වටා රවුමක්‌ ගොස්‌ ඒ සියල්ලම අත භාවිතයෙන් යතුර කරකවා අගුල් දැමිය යුතුය. නමුත් දැන් බොත්තමක්‌ ස්‌පර්ශ කළ සැණින් ඒ කටයුත්ත සිදු වන්නේය. වාහන පමණක්‌ නොව සියලු යන්ත්‍ර සූත්‍ර සහ විදුලි උපකරණ සැප පුටුවක වාඩි වී දුරස්‌ථ පාලක මගින් ක්‍රියාත්මක කළ හැකි 'ෆුල් ඔප්ෂන්' තත්ත්වයට පත් කර ඇත. අද වන විට 'ෆුල් ඔප්ෂන්' උන්මාදය කොතරම් ඉහ වහා ගොස්‌ ඇති දැයි කිවහොත් මිනිසුන්ගේ සිරුරතA දියවැඩියාව, කෙලෙස්‌ටරෝල් වැඩිවීම, අධික රුධිර පීඩනය, හෘදයාබාධ, ආඝාතය, අක්‌මාවේ තෙල් තැන්පත් වීම, වකුගඩු රෝග ආදී මෙකී නොකී රෝගාබාධ වැළඳී 'ෆුල් ඔෆ්ෂන්' තත්ත්වයට පත් වී ඇත. නූතන අඥාන මිනිසුන් විසින් 'ෆුල් ඔප්ෂන්' භාවිතය ආඩම්බරයට හේතුවක්‌ කර ගෙන ඇතුවා සේම ශරීරය ලෙඩ වලින් 'ෆුල් ඔෆ්ෂන්' වීම ගැන ද කතා කරන්නේ මහත් ආඩම්බරයෙනි.

නූතන සමාජයේ මිනිසුන් විසින් කිසිම ව්‍යායාමයක්‌ පයින් යැමක්‌ හෝ කය වෙහෙසා කරන කිසිදු කටයුත්තක්‌ කරන්නේ නැත. ඒවා නොකළත් ඔවුහු උපරිම නිරෝගීභාවය අපේක්‍ෂා කරති. එසේ අපේක්‍ෂා කරන්නේද අධිරෝගකාරක ආහාර දිනපතාම තොර තෝංචියක්‌ නැතිව ඉස්‌මුරුත්තාවට එනතුරුම ගිලදමන අතරේ වීම වඩාත් හාස්‍යජනකය. ඔවුන් සිතන්නේ නූතන තාකAෂණික පර්යේෂණ සහ මෙවලම් විසින් ද, විශේෂඥ වෛද්‍යවරුන් විසින්ද, විශ්මිත ඖෂධ විසින් ද තමන්ට නිරෝගීභාවය උදාකරනු ඇත යන්නය. නමුත් එය මහ දවල් මුළාවක්‌ බව ඔවුන්ට වැටහෙන්නේ මරණ මංචකයේදීය. එසේ නැති නම් පිළිකා ආදී අන්ත දුක්‌ත ලෙඩ රෝග සාදාගෙන අපා දුක්‌ විඳින අතරේදීය. එවිට පෙරහැර ගොස්‌ අවසානය.

ලෝකයේ දියුණුම සතා යෑයි ස්‌වයං ලේබල් අලවාගෙන ස්‌වයං මෝහනයට පත් වී සිටින නූතන මිනිසාට ශරීර ක්‍රියාකාරකම් සහ ව්‍යායාමවල අත්‍යවශ්‍යතාව වටහාගැනීමට අවශ්‍ය නම් තමන් විසින්ම නොදියුණු යෑයි ලේබල් අලවා ඇති සත්ත්ව ප්‍රජාව නිරීක්‌ෂණය කළ යුතුය.

මා ජීවත් වන නිවසට ආසන්නයේ ඇති අත්තනගල්ල රජමහා විහාරය ඉදිරියේ ඇති පොල් වත්තේ එම විහාරයට අයිති අලියෙක්‌ බැඳ සීටී. එම අලියා ශරීර ක්‍රියාකාරකමක්‌ නොකර නිකං සිටිනා අවස්‌ථාවක්‌ දැකගන්නට සෑමදාම මේ අලියා නිරීක්‌ෂණය කරමි. වසර 4 ක්‌ ඉක්‌ම ගොස්‌ ඇතත් අලියා ශරීර ක්‍රියාකාරකමකින් තොරව නිකං සිටිනා අවස්‌ථාවක්‌ සොයා ගන්නට තවමත් නොහැකි විය. එක්‌කෝ ඌ කන් සොලවයි. එක්‌කෝ හොඬවැළ හෝ වලිගය සොලවයි. එක්‌කෝ ඇඟ පද්දවයි. එක්‌කෝ කකුල් සොලවමින් එකතැන ඇවිදියි. එසේත් නැති නම් කිතුල් කොටයකට පයින් අනියි. බොහෝ විට උගේ ආහාරයක්‌ සපයි. එක්‌කෝ මේ සියල්ලම හෝ ඉන් කීපයක්‌ එකවර සිදුකරයි.

බල්ලා පිළිබඳව අප දන්නා කියමනක්‌ද ඇත. '' බල්ලට ඇති වැඩකුත් නෑ. හෙමින් ගමනකුත් නෑ'' යන්න එම කියමනයි. එහි අරුත වන්නේ නූතන මිනිසාට කදිම ආදර්ශයක්‌ සපයමින් බල්ලා සෑමවිටම කඩිසරව ඇවිදින බවය.

අලියා, බල්ලා පමණක්‌ නොව මිනිසා හැර වෙනත් ඕනෑම සතෙක්‌ සැලකුව ද නින්දේදී හැර අන් කිසිම වේලාවක ශරීර ක්‍රියාකාරකම්වලින් තොරව ගත කරන්නේ නැත. සත්ත්වයන් පමණක්‌ නොව ශාක පවා සිය නිරෝගී පැවැත්ම වෙනුවෙන් නිරන්තර චලනයන්හි යෙදේ. සොබාදහම ව්‍යායාම හෙවත් ශරීර ක්‍රියාකාරකම් ගැන මිනිසාට උගන්වන පාඩම එයයි. නමුත් අප පෙරදී පෙන්වා දුන් පරිදි එම පාඩම ඉගෙනගෙන ඒ අනුව කටයුතු කරන්නට නූතන අඥාන උඬගු මිනිසා කිසිසේත්ම සූදානම් නැත.

දම්වැල් හෝ කඹ වලින් බැඳ දමා, කූඩුවකට දමා හෝ වෙනත් ක්‍රමයකට සතුන්ගේ ශරීර ක්‍රියාකාරකම්වල යෙදීමේ හෙවත් ව්‍යායාම කිරීමේ අයිතියත් අහුරා ඇති නූතන අඥාන මිනිසා සැමවිටම හඹා යන්නේ අධි සුඛෝපභෝගිත්වය යි. අධි සුඛෝපභෝගී වාහනද, අධි සුඛෝපභෝගී නිවාසද, අධි සුඛෝපභෝගී ආසන ද, අධි සුඛෝපභෝගී කාර්යාල ද, අධිසුඛෝපභෝගී හෝටල් සහ අවන්හල් ද ආදී වශයෙන් වූ සකල සබ්බ මනාවම අධිසුඛෝපභෝගීය. එපමණක්‌ නොව ඔවුන් ව්‍යායාම සඳහා සොයන්නේ ද අධිසුඛෝපභෝගී මෙවලම් සහ ක්‍රීඩාගාරය.

මෙසේ අධිසුඛෝපභෝගී අක්‍රීය කුසීත ජීවිත ගත කරන්නන්ගේ බෙල්ල, කඳ, බඩ මහත් වී, දියවැඩියාව සෑදී, කිරීටක ධමනි කොලෙස්‌ටරෝල් වලින් අවහිර වී, හෘදයාබාධ වැළඳී, සැප කාමරය තුළදීම ඔවුන් හි`දගෙන සිටින සැප පුටුව මතම බෙල්ල කඩාවැටී මිය යන අවස්‌ථා අද ඉතාම සුලබය. රාජ්‍ය තන්ත්‍රයේ ඉහළම නිලධාරීන්, පුද්ගලික අංශයේ විධායක නිලධාරීන් සහ බැංකු ක්‌ෂේත්‍රයෙA ඉහළම නිලධාරීන් මෙම ඉරණමට ගොදුරු වන ප්‍රවණතාව ඉතාම ඉහලය. බයිපාස්‌ හෘද සැත්කම් සහ කිරීටක ධමනි පුම්බන උපකරණ (Sඑeබඑ) ඇතුල් කිරීමේ තාක්‌ෂණයන් නිසා හෘදයාබාධ නිසා වන මරණ සංඛ්‍යාවේ යම් අඩුවීමක්‌ තිබුණ ද මෙවැනි අලකලංචියකට ලක්‌ නොවූ ඉහළ නිලදරුවකු අද බේතකටවත් සොයාගන්නට නොහැකිය. උදාහරණයක්‌ ලෙස අප ශ්‍රී ලංකාවේ මූලස්‌ථාන පොලීසියක්‌ තුළ පැවැත්වූ වැඩමුළුවකට පසුව උසස්‌ පොලිස්‌ නිලධාරියෙක්‌ මහත් උජාරුවෙන් පැවසුවේ ඔහුගේ කිරීටක ධමනිවල අවහිරවීම් 17 ක්‌ තිබූ බවත් ඒ නිසා ඔහුට බයිපාස්‌ සැත්කමක්‌ කරන්නට සිදු වූ බවත්ය.

සමස්‌ත මිනිස්‌ සමාජයම ශරීර ක්‍රියාකාරකම් සහ ව්‍යායාම හෙළාදකින අධිසුඛෝපභෝගිත්වයම වර්ණනා කරමින් හඹායන අදූරදර්ශී අඥාන පිළිවෙතින් වහ වහා බැහැර විය යුතුය. එසේ නොවන්නේ නම් මිනිස්‌ සමාජයට ඇත්තේ පැවැත්මක්‌ නොව නැවැත්මකි. මෙම අඥාන පිළිවෙතින් බැහැර වීම ස`දහා අප මුලින් කී සොබාදහමෙන් පමණක්‌ නොව අපේම අතීත මුතුන් මිත්තන්ගෙන්ද පාඩම් රාශියක්‌ ඉගෙනගත හැකිය. එසේම මෙහිදී වාණිජ බලවේගවල උවමනාවන්ට නොරැවටී සෑම මිනිසෙකුම සතු සරල තර්ක බුද්ධියද උපරිම වශයෙන් භාවිත කළ යුතු වෙයි.

මෙහිදී අවධාරණය කළ යුතු තවත් ඉතා වැදගත් පැතිකඩක්‌ තිබේ. අතක්‌ පයක්‌ හෝ ශරීරයේ වෙනත් ඕනෑම අවයවයක්‌ භාවිතයට නොගෙන තිබුණහොත් එම අවයවයට අදාළ මාංශපේශි දියවී වැහැරී අස්‌ථි දුර්වල වී දරුණු අකර්මණ්‍යතාවකට පත් වෙයි. මෙය වෛද්‍ය විද්‍යාත්මකව හඳුන්වන්නේ භාවිතයට නොගැනීම නිසා සිදුවන වැහැරීම ලෙසය. අංශභාග රෝගීන්ගේ මෙය ඉතා පැහැදිලිව දැක ගත හැකිය. ස්‌නායු අක්‍රිය වීම නිසා ශරීරයේ එක්‌ පැත්තක්‌ සොලවන්නට බැරි වූ විට දින කීපයක්‌ තුළ ඒ පැත්තේ මස්‌ දිය වී වැහිරී ඒ පැත්තම දරුණු ලෙස කේඬෑරි වී යයි. එය වළක්‌වන්නට නම් වහ වහා ඒ පැත්තට ව්‍යායාම ලබා දිය යුතුය. කුසීතකම නිසා සමස්‌ත ශරීරයම අක්‍රීයභාවයට පත් වූ විට සමස්‌ත ශරීරයට අත් වන්නේද ඒ ඉරණමය. ඇත්ත වශයෙන්ම මාංශපේශී වැහැරීම ප්‍රකට නොවන්නේ නූතන මිනිසා ගේ ශරීරය තුළ තැන්පත් වී ඇති අනවශ්‍ය ඝණකම් තෙල් තට්‌ටුව නිසාය.

මිනිසා අකාලයේ ලෙඩකර දස දුක්‌ දී මරා දමන මෙම සුපිරි කම්මැලිකමෙන් මිනිස්‌ සමාජය මුදවාගැනීම සඳහා වසර ගණනාවක්‌ තිස්‌සේ වෙහෙසී අත්හදා බලා ඉතාම ප්‍රායෝගික තලයට ඔසවා තබන ලද ක්‍රමවේද 3 ක්‌ භාවිත කළ හැකිය. මෙම ක්‍රමවේද 3 ගොඩනැඟීමේදී ඉහතින් ස`දහන් කළ සොබාදහමේ පාඩම්, අතීත මුතුන් මිත්තන්ගේ පාඩම් සහ සරල තර්ක බුද්ධිය මැනවින් සංයෝජනය කර ඇත. එම ක්‍රමවේද 3 මෙසේය,

1.විධිමත් ක්‍රමවත් ව්‍යායාම

2.එදිනෙදා ගමන් බිමන් ව්‍යායාම බවට පත් කර ගැනීම.

3.එදිනෙදා වැඩ කටයුතු ව්‍යායාම බවට පත් කර ගැනීම. 

Posted By hasithad on 27 Mar 2016 08:04 AM
කරන්න වැඩක් ගෙදර ඇත්තෙම නැත්නම් ගේ වටේ හරි දුවන එක කරන්න ඕනා.

අවුරුදු කෑමබීමවලින් පසු ගතයුතු ආහාර පාන

කොල්ලු කැඳ හෘද රෝගවලට ගුණදායකය. පෙනහළු රෝගවලින් පෙළෙන අයට සෙම් රෝග පීඩා සුවපත් කරගත හැකිය. පිළිකා නසන ගුණ ඇත. සම පැහැපත් වේ. ස්‌නායු දුර්වලතා නැති කරයි. ලිංගික දුබලතා නැති කරයි.

"කදර් කයිනාදමිහි සූර්ය මංගල භාගා කුයිනාදන්හි කදර්හි කයිනාදන්" ලෙසින් මහා සෘෂි නාඩි වෛද්‍යවරුන් සූර්ය මංගල උදාව හෙවත් අලුත් අවුරුදු උදාව ගැන සඳහන් කර ඇත්තේ ජනතාව කා බී ප්‍රීති වෙමින් සූර්ය මංගල්‍යය සමරන බවය.

අතීතයේදී සිංහල දෙමළ ජනතාව සූර්ය මංගල උදාව සැමරීමේදී ආහාර පාන ගෙන ප්‍රීති වීමට පමණක්‌ නොව අටු කොටු පිරෙන්න අස්‌වැන්න නෙළාගත් කමතේ ජන ක්‍රීඩාවල යෙදෙමින්ද සූර්ය මංගල උදාව සෑමරූහ. වර්තමානයේ බක්‌මහ උළෙල පැවැත්වූවත් ඊට සහභාගීවන පිරිස සීමා සහිතය. එදාමෙන් මුළු ගම එක්‌ නොවෙති. එනිසා වැඩිපිරිසක්‌ කැවුම්, කොකිස්‌, මුං කැවුම්, අතිරස ආදී කැවිලි පෙවිලි අනුභව කළද ක්‍රීඩා කටයුතුවල නොයෙදෙති. ඉන් සිදුවන්නේ ඔවුන්ගේ ශරීරයේ නැත්පත් වන සීනි ප්‍රමාණය, තෙල් ප්‍රමාණය අවුරුදු සමයේදී ඉහළ යාමය.

අවුරුදු යෑයි කියමින් පිරිමි පාර්ශවයද වෙනදාට වඩා මත් පැන් පානයට යොමුවෙති. මත් පැන්වලද සීනි අධිකව පවතින නිසා රුධිරගත සීනි ප්‍රමාණය ඉහළ යා හැකිය.

එනිසා අවුරුද්දෙන් පසු වෙනදාට වඩා තම ශරීර සෞඛ්‍යය ගැන වැඩි අවධානයක්‌ යොමු කළ යුතුය. එසේ නොවුනහොත් සිදුවන්නේ අලුත් අවුරුදු සමරා, ලෙඩවී රෝහල් ගත වීමටය.

අලුත් අවුරුද්දෙන් පසු ගත යුතු ආහාර පාන

අලුත් අවුරුද්ද සමරන්න පැණි රස කෑම තෙල් කෑම වැඩිපුර කෑවානම් දැන් ඒවායේ සැර බාලවන ආහාර පාන ගතයුතුය.

ඒ සඳහා හීනටි හාල් හෝ තණ හාල් වලින් බැදි හාල් කැඳ සාදාගෙන උදැසනට ගත හැකිය.

මෙම බැදි හාල් කැඳ පානය මඟින් ශරීරයේ ඇති විෂ නසයි. රුධිරගත සීනි ප්‍රමාණය පාලනය කරයි.

කොල්ලු කබලේ බැද කුරහන් ගලක හෝ ගල් වංගෙඩියක දමා පිටිකර ගෙන එම පිටි වලින් සාදාගත් කැඳ උදැසනට ආහාරයට ගැනීම සුදුසුය.

කොල්ලු කැඳ හෘද රෝගවලට ගුණදායකය. පෙනහළු රෝගවලින් පෙළෙන අයට සෙම් රෝග පීඩා සුවපත් කරගත හැකිය. පිළිකා නසන ගුණ ඇත. සම පැහැපත් වේ. ස්‌නායු දුර්වලතා නැති කරයි. ලිංගික දුබලතා නැති කරයි.

දහවල් ආහාරය සඳහා ගනු ලබන ව්‍යංජන අතරට වට්‌ටක්‌කා, කලුපොල් මැල්ලුමක්‌ එක්‌කර ගැනීමෙන් ශරීරයේ අනවශ්‍ය මේදය ඉවත් කරයි.

අඟුලාන ලියන්වෙල
සෘෂි නාඩි වෛද්‍ය මධ්‍යස්‌ථානයේ
වෛද්‍ය මහාචාර්ය
ජිනසිරි ලියන්වෙල