ඊයේ රාත්‍රියේ සිට මා සිටියේ මේ සටහන තබන්නේ කෙසේදැයි සිතමින්. පසුගිය දින කිහිපයේත් විශේෂයෙන්ම ඊයේ දිනයේත් සිදුවූ සිදුවීම් ගණනාවක්ම නිසාත් මට මේ තීරණය වෙත යාම ඉක්මන් කෙරුණා.
මා මේ වෙබ් අඩවිය ආරම්භ කෙළේ බොහොම කැමැත්තෙන්.. ඒ වගේම හොදම හොද හිතවතුන් රාශියක් සිටි නිසා..
නමුත් මට පැමිණි බොහෝ ප්‍රශ්න සහ ඇතැම් අවස්ථාවල මුහුණ දීමට සිදුවූ විවිධ ගැටළු නිසා මේ වෙබ් අඩවියේ රැදී සිටීම මටම ගැටළුවක් උනා.. මගේ පුද්ගලික ජීවිතයේ පවා සිදුවූ විවිධ ප්‍රශ්න නිසා වහාම තීරණයකට එළඹිය යුතු කාලය මෙය බව මට වැටහී ගියා..
මාගේ ජීවිතයද? ස්ටන් එකදැයි මා තීරණය කල යුතු බව අවසානයේ මගේ පවුලේ අය විසින් තීරණය කරන්නැයි ඉල්ලන තැනට පැමිණියා.. අවසානයේ මට තීරණය කිරීමට සිදුවුයේ මගේ පුද්ගලික ජීවිතය සහ රාජකාරි ජීවිතය වෙනුවෙන් මෙම වෙබ් අඩවියෙන් නික්ම යෑමයි.. හිත හදා ගැනීමට ඉතා අසීරු උවත් අකමැත්තෙන් උවද මට දැන් මෙය කිරීමට සිදිව ඇත..

මා වැන්නෙක් නොව, ලොව දැවැන්තයන් පවා ඔවුන් ගොඩ නැගු දේ හැර දමා යාමට සිදුවූ අවස්ථාවන් අප කොතෙකුත් අසා ඇත.. මේ තීරණයට පිවිසීමේදී මට මා සමගම මගේ සිතුවිලි සමගද දැවැන්ත සටනක් කිරීමට සිදුවිය.. මා පැමිණියේ නිවැරදි තීන්දුවට බව මම තරයේ විශ්වාස කරමි. මා ගත් තීරණයක් නැවත ආපසු හරවන්නේ ද නැත. එසේ තීරණයක් ගැනීමට එපමණ කල් ගන්නෙත් එපමණ සිතන්නෙත් එබැවිනි.

මෙහි ඇති ත්‍රෙඩ්ස් සහ වෙබ් අඩවියේ අන්තර්ගතය දකින විට මට දැනෙන්නේ අපමණ දුකකි. නමුත් අපහසුවෙන් උවද මම මේ තීරණය ගත යුතුවම ඇත. අමාරුවෙන් හෝ සිත හදාගත යුතුව ඇත. අද දිනයෙන් පසු මට වෙබ් අඩවිය වෙත පැමිණීමට නොහැකි වනු ඇත.. මේ වෙබ් අඩවිය වෙනුවෙන් මම යම් කිසි දායකත්වයක්ලබා දී ඇත්නම් ඒ වෙනුවෙන් මා ඔබෙන් ඉල්ලන්නේ එක දෙයකි..
ඉදිරියේදී මෙම වෙබ් අඩවිය හොදින් පවත්වාගෙන යන්න.. මා නැවත පැමිණෙන එක මට සහතික කල නොහැක.. පැමිණියද ක්‍රියාකාරී වීමට නොහැක.

මෙම වෙබ් අඩවිය දැන් සිටින ස්ටාෆ් සහ අනෙකුත් ක්‍රියාකාරී සාමාජිකයන්ට මෙම වෙබ් අඩවිය පවත්වාගෙන යාමට නොහැකි තත්වයක් නොමැත.. 
එබැවින් මෙම වෙබ් අඩවිය දැනට සිටින ඔබ සැම, සියලුම සාමාජිකයන් විසින් ස්ටාෆ් සාමාජිකයන් හට උපරිම සහයෝගය දෙන්න.

වෙබ් අඩවිය සදහා නව ඇඩ්මින් වරයකු අවශ්‍ය වන්නේ නම් පත්කර ගන්න.. එවිට අද දින සමුගැනීමට කලින් මට ඔහු වෙත මෙහි සියලු වැඩ කටයුතු පැවරිය හැකිය. ඔහු සමගින් ඉදිරියට යන්න.
මා සැමදාමත් ඔබ සමග සිටින බවට වූ පොරොන්දුව කඩ කිරීමට සිදුවීම ගැන නම් අතිශය කණගාටු වෙමි. අප නොසිතන විදියේ ගැටළුවලට මුහුණ දීමට සිදුවීමේදී පොරොන්දු පසෙකලා අපේ ජීවිතයත් ජීවන රටවත් ගැන වැඩියෙන් සිතීමට සිදුවේ. මගේ තත්ත්වයේ මගේ මට්ටමේ ඔබද සිටියේ නම් ඔබටද ගැනීමට සිදුවන්නේ එවන් තීන්දු තීරණ බවට මට හොදටම විශ්වාසයි..

වෙබ් අඩවිය ආරාම්භ කර මෙතරම් සුළු කාලයක් තුළදී මෙවන් තීරණයක යාමට සිදුවේ යයි මම සිහිනයකින් වත් නොසිතුවෙමි.

අප සැම ගොඩ නගා ගත් මිතු දම එලෙසම පවතිනු ඇත.. ඉදිරියේදී ඇතිවන තත්ත්වයන් අනුව ඔබේ සුහද හමුවකට හෝ සහභාගී වීමට උත්සාහ ගනිමි. නමුත් පොරොන්දු විය නොහැක..

ඔබ සැම දුන් සියලුම උදව් උපකාර වලට අනේක වාරයක් ස්තුතියි.. අප සැමට කවදා හෝ මේ හැමදෙයකින් ම වෙන්ව යාමට දවසක් උදා වේ.. මෙයද එවන් අවස්ථාවකයි මම සිතමි. අප කැමති උනත් අකමැත්තෙන් උවත් යාමට සිදුවන ගමනක් ලෙස මෙය මම සලකමි.
වෙබ් අඩවියේ ඇතිවූ යම් යම් දේත් මගේ අතිශය පුද්ගලික කාරනා කිහිපයක් නිසාත් මෙම තීරණයට එළැඹි බව පමණක් සඳහන් කරමි.

අදින් පසුව මම මෙහි ක්‍රියාකාරී බවින් මිදෙමි. මෙතෙක් ඔබ මා හට දුන් සියලුම උදව් උපකාර වලට නැවතත් ඔබ සැමට බෙහෙවින්ම ස්තුතියි..