හේමසිරි හල්පිට

ඒ 1994 වර්ෂයයි. එතකොට මට අවුරුදු 18 යි. ඒ කා‍ලය තමයි මාගේ සුන්දර යොවුන් අවධිය. ආදර ගීත වගේම විරහ ගීත අසන යුගය. ඒ කාලයේ ජනප්‍රිය ගායකයන් වූයේ නාමල්, රූකාන්ත, ග්‍රේෂන්, ප්‍රින්ස්, ආත්මා ආදීන්. බස් ගාස්තු හා අපට පන්ති යාමට දෙන මුදල් ඉතිරි කරමින් මෙන්ම දිවා ආහාරය සඳහා ගෙදරින් ලබාදෙන මුදල් දිවා ආහාරය නොකා ඉතිරි කර ගනිමින් කැසට් පට මිලදී ගත්තා.
ගීත අසද්දී මුලදී සංගීතයට හිත ගියත් ටික දිනක් යනවිට පදවැල් කෙරෙහි අවධානය යොමුවූවා. ඒ යුගයේ පදරචකයන් අතරින් ඉහලම තලයේ සිටියේ හේමසිරි හල්පිටයන්. ඊට පසුව ලලිත් වසන්ත, නිහාල් ගම්හේවා, රූකාන්ත, කුමාරසිරි වැන්නවුන් සිටියා. (මා පවසන්නේ සුභාවිත ගීතයන් පිළිබඳව නොව) හේමසිරි නාමල්ට ලියාදුන් “වේදනා දෙන්නේ නෑ”, “නිසල වෙලා හද” මෙන්ම ‍ග්‍රේෂන්ට ලියාදුන් “ආසිරි පැතුම්”, අතුල අධිකාරීට ලියාදුන් “තරහෙන් අහක බලා” වැනි ගීත අපව කුල්මත් කලා. ඒ අනුව එතුමාව හමුවීමට මට ආසාවක් ඇතිවුනා‍. මට ඔහුව හමුවන්නේ 1994 වර්ෂයේදී ගාල්ලේ පැවති සංගීත සංදර්ශනයකදී. එතුමා හරිම සුහදශීලී පුද්ගලයෙක්. එතුමා ගැන කතාකරන්න බොහෝ දේවල් තියෙනවා.

70 දශකයේ ගීත ලොවට පිවිසි මෙතුමා අවුරුදු 32 ක පමණ කාලයේදී ගීත 6000 කට අධික ප්‍රමාණයක් ලියා තිබෙනවා. ඒ ගායක ගායිකාවන් 300 කට අධික සංඛ්‍යාවට. අද දින වට විටත් දවසේ එක් වරක් හෝ එතුමා පද රචනා කල ගීතයක් ඇසෙනවා.

2006 වර්ෂයේ ‍අප්‍රේල් මස 28 දින හදිසියේ ඇතිවූ හෘදයාබාධයක් මේ අගනා මිනිසාගේ පන්හිද නිහඩ කරනු ලැබූවා.

01. නාමල් උඩුගමට නිර්මාණය කල ගීත

සමුගන්නේ නෑ කැසට් පටයෙන් ගීත ලොවට පිවිසි නාමල් උඩුගම
සමුගන්නේ නෑ, තනිවී, වේදනා, හදවත මාගේ, සමුගෙන යාදේ, සුදුමල් සුගන්ධිනි යනුවෙන් කැසට් පට පෙලක්ම නිකුත් කරනු ලැබු‍වා.
මේ හේමසිරි හල්පිටයන් ඔහුට පද රචනා කල ගීත කිහිපයක්‍...

i. නිසල වෙලා හද - නොසැලේ හසරැල් ආදර රතදර යුගෙන් ඔ‍බේ
සසලව යයි සිත - මැලවුණ ඔබේ වත දෝවමි කදුලැල්ලකින් මගේ
ඔබ නැතිදා මේ ලොකේ - තනිවේ මා දැවෙන සිතින්

ii. වේදනා දෙන්නේ නෑ ඔබ හැර මා යන්නේ නෑ
පාළුවේ ඔබ රදවා

iii. ඔබේ ලොවේ අද මා රැඳිලා බලා හිඳී සැනසුම පතලා
සෙනේහයේ සිහිලැල් සොයලා

iv. සිහිනෙන් සිහිනෙන් මා හඩවනවා
සැබෑ ලොවේදී ඔබ මා - නෑ මුණ ගැසිලා නෑ හමුවීලා

v. තනිවුනදා වෙරළේ ඔබ හා මා ඔබ හැඩුවා ළමැදේ හිස සතපා
ඒ දිනයේ මා අමතා - ඔබ කියු දේ සිහිනෙන් මට ඇසුණා

බොහොමත්ම ස්තූතියි මල්ලී මේ වටිනා තොරතුරු මඟින් එතුමා නැවත සිහිපත් කිරීම පිළිබඳව.

මේ තියෙන්නේ බොරැල්ල කනත්තේ එතුමාගේ සමරු සිහිවටනය.
…

කොච්චර ඇහැව්වත් එපා වෙන්නේ නෑ මෙතුමා රචනා කරපුවා.
ඒ වගේ ගී පදවැල් අද හැදෙන්නේ නැති තරම්.මේ වගේ ගීත ගොන්නකින් අපි අහලා ඇත්තේ කීයෙන් කීයද...

ජිප්සීස් ගායක කන්ඩායම ගැයුව ජනප්‍රිය ගීත බොහො ගනනකුත් මොහුගෙ රචනා නෙද ?

ඇයි නිහාල් නෙල්සන් ගෙ ගීත..

දිගටම මේ ට්‍රේඩ් එක පවත්වාගෙන යන්න .ගොඩක් වැදගත් දේවල අපිට දැනගන්න පුලුවන් වෙයි මේ මගින් .

Posted By isurusam on 05 Jun 2016 09:40 PM
දිගටම මේ ට්‍රේඩ් එක පවත්වාගෙන යන්න .ගොඩක් වැදගත් දේවල අපිට දැනගන්න පුලුවන් වෙයි මේ මගින් .

මගේ බලාපොරොත්තුව ඒක තමයි මල්ලී..

මා සතුව හේමසිරි හල්පිට විසින් රචිත ගීත 4000 කට අධික ප්‍රමාණයක් තියෙනවා. (ඔහු ගීත 6000 කට අධික ප්‍රමාණයක් ලියා තිබෙනවා)

Posted By samantha on 05 Jun 2016 08:30 AM

 ස්තුති අයියේ 

මොහු විසින් ලියපු ගීත  බොහොමයි ඒ වගේම ජනප්‍රියත් උන ඒවානේ 

නියමයි ඉන්දික අයියෙ. අපි හැමෝටම දනුවත් වෙන්න පුළුවන් වැදගත් මේ දේවල් තමයි අපට වැඩියෙන්ම ඕන කරන්නෙ.

හේමසිරි හල්පිට කියන්නේ ගීත රාචනා විතරක් නෙවෙයි. සමහර වැඩසටහන් වල පිටපත් පවා ලියපු පිටපත් රචකයෙක්.

සංගීතය පැත්තෙන් දැනගන්න ලැබෙන සවිස්තරයන් පිලිබද වැඩි ඇල්මක් දක්වනව
ඉතින් මේ තොරතුරැ වලටත් බොහොම ස්තූතියි

මට පහුගිය දවසක ඉන්දික76 අයිය සමග කත බහ කරනකොට මට ගොඩක්ම තෙරුන ඔහු ඉතාමත් කෑමති ගීත රචකයෙක් තමයි හේමසිරි හල්පිට මහත්මයා. අ ගෑන මෙ පොස්ටුව මගිනුත් තෙරෙනවා, තව මෙ වගෙ කලාකරුවන් ගෑන විස්තර ටිකක් අපට දෙන්න පුලුවන්නම් ගොඩක් වටිනව අයියෙ

02. මධුමාධව අරවින්දට නිර්මාණය කල ගීත

"සිත්" කැසට් පටයෙන් ගීත ලොවට පිවිසි මධුමාධව
"සිත්", "සරාගී", "ලඹ සවන්" ආදී වශයෙන් කැසට් නිකුත් කරනු ලැබු‍වා.
මධුමාධව ක්ෂේත්‍රයේ දිදුලවූ "සිත්" ගීතයත් හල්පිටගේ නිර්මාණයක්
මේ හේමසිරි හල්පිටයන් ඔහුට පද රචනා කල ගීත කිහිපයක්‍...

i. සිත් සිත් සිත් සිත සනසන පෙම් ලෝකයේ

ii. සඳ නැති රාත්‍රියේ නිසංසලේ පාළුවේ

iii. මේ වියෝලේ මිහිරි නාදේ

iv. මා සොයන කුමරිය ඈ .. නෑ තවම මුණගැසිලා

v. වාසනා පහන්නිවා දමා පාළුවේ මගේ පැතුම් හොවා

අපි ගාවත් කෑසට් එක තිබුනට අපි බලන්නෙ නෑහෑ නේ කව්ද සින්දුව ලිව්වෙ කියලා. ඔයා මෙව දාන නිස තමා මෙහෙම හරි විස්තරයක් දෑනගන්නෙ අයියෙ

03. ග්‍රේෂන් ජයමහ ට නිර්මාණය කල ගීත

"සුදු මීදුම" කැසට් පටයෙන් ගීත ලොවට පිවිසි ග්‍රේෂන් ජයමහ
"සුදු මිදුම", "පිනි සිසිල", "මන බන්දනා" ආදී වශයෙන් කැසට් නිකුත් කරනු ලැබු‍වා.
මේ හේමසිරි හල්පිටයන් ඔහුට පද රචනා කල ගීත කිහිපයක්‍...

i. ආසිරි පැතුම් මතුවුනා ආශා හැගුම් පිබිදුනා

ii. ගීතේ ලියා මේ වේදනා (අනුෂා)

iii. මල් වසන්තේ දවසක හමුවූ සොදුරු මල් මතකේ

iv. මා දිහා හොරෙන් බලන්නෙ ජීවිතේ පැතුම් කියන්නදෝ

v. තරු මුතු සමවන නෙතු සඟලයි

04. සංජීවනී වීරසිංහ ට නිර්මාණය කල ගීත

"ලස්සන මගෙ හිත", "ආදරේ වේදනා" ආදී වශයෙන් කැසට් නිකුත් කරනු ලැබු‍වා.
ඇය බහුලව ඉදිරිපත් කලේ පිළිතුරු ගීත ඇතුලත් කැසට් පට

මේ හේමසිරි හල්පිටයන් ඇයට පද රචනා කල ගීත කිහිපයක්‍...

i. ලස්සන මගෙ හිත ඉස්සර වාගෙම තාමත් දයාබරයි

ii. සිහිනෙන් රැයේ මට ලංවෙලා

iii. අහිංසකව මා දිහා බලා

iv. සෙනෙහස පුදසුන

v. මල් වසන්තයේ පැතුම් මවාලා

හේමසිරි හල්පිට කියන්නෙ දක්ෂ නිවේදකයෙක් කියලත් මේ මොහොතේ කියන්න ඕන.

ඉතින් පුළුවන් කෙනෙක් මේ ගීතත් මේ සමගම අහන්න සලස්වනවා නම් හොඳයි කියල මට හිතෙන්නෙ. ඒ ගීත මොනවද කියල indika76 අයිය දැනුවත් කරන අතරතුරේ.