මට මතකයි මට නවසීලන්තෙ මුද්දරයක් ගන්න මම මුද්දර 25 ක් දුන්නා යාලුවෙකුට
එපාම වෙච්ච තැන මුද්දර ගල් ටික් කරපු අවස්ථාත් නැතුවාම නෙවෙයි
මොකද මුද්දර පිස්සුව ආවම හැම කෙනාලගම මුද්දර තියෙනවනේ

ඒ කියන්නේ ෂා මල්ලිත් මුද්දර එකතුකිරීම කරල තියෙනවා..

ශ්‍රී ලංකාවේ මුද්දර පරිච්ඡේද


1 පරිච්ඡේදය -Queen Victoria (1857 - 1900)

1857 අප්‍රේල් 1 දින ශ්‍රී ලංකාවේ ප්‍රථම මුද්දරය නිකුත් විය. එහි වටිනාකම පැන්ස 6 ක් විය.
(ශ්‍රී ලංකාවේ සිට එංගලන්තයට ලිපියක් තැපැල් කිරීමේ එවකට ගාස්තුව වූයේ පැන්ස 6 කි)
මෙතැන් සිට වසර 1900 දක්වා ශ්‍රී ලංකාවෙන් නිකුත් කරන ලද සෑම මුද්දරයකම බ්‍රිතාන්‍ය මහරැජිණගේ (වික්ටෝරියා රැජිණ) රුව සිතුවම් විය.
1872 වර්ෂයේ සිට පැන්ස සහ සිලිං වෙනුවට රුපියල් ශත භාවිතා විය.

2 පරිච්ඡේදය - King Edward VII (1903 - 1910)

වික්ටෝරියා රැජිණගෙන් අනතුරුව බ්‍රිතාන්‍යයේ කිරුල 1901 සිට 7 වන එඩ්වඩ් රජුට හිමිවිය.
එතුමන්ගේ රුව සහිත මුද්දර නිකුත් වීම ඇරඹුනේ වසර 1903 සිටය.
වසර 1910 තෙක් එතුමන්ගේ රුව සිතුවම්වූ මුද්දර 36 ක් එළිදැක්විණ.

3 පරිච්ඡේදය -King George V (1912-1935)

7 වන එඩ්වඩ් රජුගෙන් පසු කිරුළ හිමිවූයේ 5 වන ජෝජ් රජුටය. ඒ 1910 වර්ෂයේදීය.
එතුමන්ගේ ශීර්ෂය සිතුවම් පළමු මුද්දර නිකුතුව සිදුවූයේ 1912 දීය.
එතුමන්ගේ ශීර්ෂය සහිත මුද්දර 1935 වර්ෂය දක්වා නිකුත් විය.
වැඩිම වටිනාකම් සහිත මුද්දර 4 වර්තාවනුයේ එතුමාගේ කාලයේදීය.
තරමක් විශාලත්වයෙන් සකස් කරන ලද මෙම මුද්දර වල වටිනාකම වූයේ රු. 50, රු. 100, රු. 500 හා රු 1000 වශයෙනි.

ලාංකීය සෞන්දර්ය මුද්දර මත සිතුවම්වීම

මුද්දර ඉතිහාසයේ මෙතෙක් සාම්ප්‍රදායික මගක් ඔස්සේ වසර 78 ක් පැමිණි ගමන් මගේ පරිවර්තනික වෙනසක් සනිටුහන් වනුයේ 1935 දීය.
බ්‍රිතාන්‍ය රාජකීයනට පමණක් සීමාවී තිබූ මුද්දරය සැරසීමට ලංකීය අභිමානය මුසුවූයේ එම වසරේ මැයි 1 දින සිටිය.
ශ්‍රී ලංකාවේ දර්ශන සහිත මුද්දර නිකුත් කිරීම ආරම්භ විය.
රබර් කිරි කපන්නියකගේ රුව, ගංගාවක දර්ශනයක්, දළදා මාලිඝාව යන මුද්දර එදින නිකුත් විය.
පසුව කුඹුරු යායක්, ත්‍රිකුණාමල වරාය, පුරාණ වැවක්, කොළඹ වරාය, ශ්‍රීපාද කන්ද, තේ දළු නෙලන්නිය, පොල්ගස්, ශ්‍රී ලංකාවේ අලි ඇතුලත් මුද්දර නිකුත් විය.
මේ සෑම මුද්දරයකම කුඩාවට 5 වන ජෝර්ජ් රජුගේ රුවද සිතුවම් වී තිබුණි.

Posted By indika76 on 03 Sep 2016 06:06 AM
ඒ කියන්නේ ෂා මල්ලිත් මුද්දර එකතුකිරීම කරල තියෙනවා..

ඔව් අයියෙ දැනටත් ඒව තියෙනවා

ඉන්දික අයියා ලස්සනට වැඩේ කරනවා.

Queen Victoria (1857 - 1900) යුගයේ නිකුත් වූ මුද්දර

King Edward VII (1903 - 1910) යුගයේ නිකුත්වූ මුද්දර

King George V (1912-1935) යුගයේ නිකුත්වූ මුද්දර

5 වන ජෝර්ජ් රජුගේ සමයේ නිකුත් වූ ශ්‍රීපාදය, ගංගාව හා දළදා මාලිගාව සිතුවම් වූ මුද්දර ..

ඔය වගේ මුද්දර කිහිපයක් මගේ ළඟත් තිබුණ. මේ ත්‍රෙඩ් එකෙන් විශාල දැනුමක් වගේම අපේ මුද්දර අතීතෙට ආයෙත් ගෙනියනවා.

මගේ ලගත් පැරණි මුද්දර ටිකක් තිබුනා නිවාඩු වෙලාවක හොයල බලන්න ඕනේ

ඉන්දික අයියා කොල්ලගේ මුද්දර ටික අරන් මෙකට දානවා නේද. කොහොම උනත් හැමොටම බලන්න බෙදා ගන්නවට ගොඩාක් ස්තුති.

ගොඩක් අගය කලයුතු වැඩක් අයියගේ.

මේවා දකිද්දී මට හරි කණගාටුවක් ඇතිවෙනවා. මේ මුද්දර සියල්ලම මගේ නැතිවුණ මුද්දර ඇල්බමයේ තිබුණා..

අය්යො අපරාදෙ

Posted By samantha on 05 Sep 2016 11:29 PM
මේවා දකිද්දී මට හරි කණගාටුවක් ඇතිවෙනවා. මේ මුද්දර සියල්ලම මගේ නැතිවුණ මුද්දර ඇල්බමයේ තිබුණා..

නැති උනා කියන්නෙ මොකද අයියේ උනේ

කවුරැ හරි ගත්තද කොහේ හරි දාලද

මොනව නමුත් අපරාදේ තමා

මොකද දැන්තාලේ මුද්දර ආසාවෙන් එකතු කලත් ඒ වගේ පරණ මුද්දර හොයාගන්න නැහැ

අවුලක් නෑ සමන්ත අයියේ, ආයේ ඔන්න ඉන්දික මහතාගෙන් බලා ගන්න පුලුවන්.