Posted By sha733 on 29 Sep 2016 09:44 AM
අනේ සාදු සේනයට වෙච්ච දේ
මට අහින්සක සතුටක් නෙවෙයි ආවේ. උපරිම සතුටක්

       අම්මා ශානු අයියගේ නම්බර් එකත් ඉල්ල ගත්තා කතා කරන්න ඕනී කියලා. ශානු අයියටත් කතා කරලා තිබුනා. හුගක් දුක කියලා තිබුනා. ශානූ අයියත් අම්මා ගැන දුක් වුනා. ආච්චි අම්මා ශානූ අයියා මං වෙනුවෙන් කරන දේවල් සේරම අම්මා එක්ක කියලා. ඒක නිසා තමා අම්මට දුක හිතිලා තිබුනේ. දැන් චූටී මාමාත් කැමති වුනානම් සේරම හරී. මං හිතාගෙන හිටියේ අම්මා කවදාවත්ම ශානූ අයියට කැමති වෙන එකක් නෑ කියලා. මොන තරම් රැය ගානක් අඩලා ඇතිද ශානූ අයියා මට නැති වෙයී කියලා. චූටී මාමා අකමැති වුනත් මගෙ පස්සෙන් ඇවිත් හොර අල්ලන්න උත්සහා කරන එක අත් ඇරලා තිබුනා. ඒත් මම බයයී නිහඩව ඉදලා එකපාරට මොනවා වෙවිද දන්නෙ නැහැනේ.

**************************************
      ලොකු අම්මගෙ ලේලී දරුවා බිහි කරලා මාස තුන හමාරක් වෙද්දී ,ලොකු අම්මා ආයෙත් මහ ගෙදරට ආවා. ලොකු අම්මට මහ ගෙදර විතර කොහෙවත් හරි ගියෙ නැහැ. ලේලී හරිම කපටි නිසා ලොකු අම්මා එහෙ ඉන්නත් කැමති වුනේ නෑ. මහප්පා ලොකු අම්මා ගැන හොයලා බැලුවෙ නෑ. රට ගියාට පස්සෙ එයා ලංකාවට ආවේ නෑ . එහෙ රටේ කෙනෙක් එක්ක විවාහා වෙලා කියලා තමා ආරංචි ආවේ. මාස කීපයකට සැරයක් පුතාගේ නමට සල්ලි එව්වත් ,පුතා සතයක් වත් ලොකු අම්මට දුන්නේ නෑ.

       මහසියයි ,බස් වියදමයි ගැන හිතලා මං නයනිලාගේ හරි ගීත්මගෙ හරි ගෙදර නවතින්න තීරනය කලා. එතකොටවත් ලොකු මාමාලට සැනසිමක් ලැබෙයිනේ කියලා . අනික දැන් මගෙ සේරම වියදම් දරන්නේ ශානූ අයියා, මට ඒක ඉවසගෙන ඉන්න බෑ. මට ඕනී මගෙ වියදම් අඩු කර ගන්න. ඒක නිසාම මං නයනිලා දිහායී ගීත්මලාගේ ගෙදරයී මාරුවෙන් මාරුවට ගියා. මං ශානූ අයියගෙන් අවසර ගත්තේ පාඩම් කරන්න යනවා කියලා. වියදම අඩු කර ගන්න යනවා කිව්ව නම් යන්න දෙන්නේ නැහැනේ. ශානූ අයියා නයනී, ගීත්මයී දෙන්නවම හොදට අදුනන නිසා මට යන්න ඉඩ දුන්නා. අම්මාට මොකුත්ම කිව්වෙ නෑ, එපා කියලා මං වෙනුවෙන් වියදම් කරන්නත් එයාට නෑනේ.

    නයනිලාගෙ ගෙදර හිටියේ නයනී අම්මයී තාත්තයී විතරයි. ගීත්මලාගෙ ගෙදර හිටියේ නංගී අම්මයී විතරයී. තාත්තා හිටියා එයා ගෙදර එන්නෙ මාසෙකට වතාවයී. ඒ ගෙවල් මට හුගක් හුරුපුරුදු තැන් බවට පත් වුනා. මම ගෙදර වැඩ කරන්න උදව් වෙන නිසා යාලුවන්ගෙ අම්මලා මට හුගක් ආදරේ වුනා.

     මම දැන් කලාතුරකින් දවසක් තමා ගෙදර එන්නෙ. මං කොහෙද ඉන්නෙ, කොහෙද යන්නෙ අහන්න කවුරුත්ම ආවේ නෑ. හැමෝටම ඕනී වෙලා තිබුනේ. මගෙ වියදම් වලින් නිදහස් වෙන්න.මාත් ඉතින් අහිකුන්ටකයා වගේ රෙදි බෑග් උස්සගෙන එහෙ මෙහෙ යනවා. වෙලාවකට මට ඒ ජීවිතේ එපා වුනා. ඒත් ඉගෙන ගන්න ඕනී නිසා මං දිගටම යාලුවන්ගෙ ගෙවල් වල ගියා. නාදුනන මිනිස්සු වුනත් ඒ අය මට හුගක් ආදරේ වුනා එයාලගෙ පව්ලේ කෙනෙක්ට වගෙ මට සැලකුවේ. සමහර දවස් වලට මහෙ අතේ වියදමට සල්ලිත් දුන්නා. ඒත් මගෙ හිතට ලොකු වදයක් වුනා, මගෙ යාලුවන්ගෙ ගෙවල් වලට කරදර කරන එක. ඒත් මට වෙන ක්‍රමයක් තිබුනේ නැහැ.

     ගීත්මා හරිම කැමතී මං එයාගෙ ගෙදරට එනවට. එයාට ගිණුම්කරනය අමාරු නිසා, මං කියලා දෙන ඒවා හොදට තේරෙනවා කියලා. අමාරු පාඩම් මගෙන් අහ ගත්තා. කිසිම දෙයක් පාඩම් කරන පුරුද්දක් මට තිබුනේ නෑ, තර්කානූකූලව මතක තියා ගැනීමේ හැකියාවක් මට තිබුනා.

       ගීත්මලාගෙ ගෙදරදී නම් හරිම විනෝදයී. සමහර දවස් වලට ගීත්මයී මායී රෑට කෑම ඉව්වා. මහ රෑ වෙනකන් පාඩක් කරනවා කියලා පෝන් වලින් ගේම් ගැහුවා. ගීත්මගේ නංගිත් එක්ක සෙල්ලම් කලා. නයනිගෙයි ,ගිත්මගෙයි ගෙවල් දෙකෙන්ම ශානූ අයියා ගැන ගැන දැනගෙන හිටියා ,ඒක නිසා මට කොහේ ගියත් ශානූ අයියා එක්ක කතා කරන්න නිදහස තිබුනා.

******************************* 

       අපේ ඉස්කෝලේ යාලුවෝ කට්ටිය එකතු වෙලා ට්‍රිප් එකක් යන්න තීරනය කලා. මුලින් හැමෝම එන්නම් කියපු නිසා රෝසා බස් එකක් කතා කර ගත්තා. හැමෝම ගෙවල් වලට කිව්වෙ ඉස්කොලේ ටීචර්ලා සර්ලා යනවා කියලා. මම නම් ට්‍රිප් එකක් යනවා කියලා විතරයී කිව්වේ. ට්‍රිප් එක යන දවස කිට්ටු වෙද්දී සමහර ළමයී එන්නෙ නෑ කිව්වා. ශානූ අයියා කොහොමත් අපිත් එක්ක යන්න පොරොන්දු වෙලා තිබුනේ. නයනි කිව්වා , තව කට්ටිය හොයා ගන්න වෙනවා ශානු අයියගෙ යාලුවෝවත් නැද්ද කියලා. 

     කොහොම හරී ශානූ අයිය එයාගේ යාලුවෝ දහදෙනෙක් විතර ගමනට එකතු කලා , ශිරාන් කියලා යාලුවෙක් හිටියා , එයාට හිටියේ තාත්තා විතරයී . ඒ තාත්තයි පුතයි හරියට යාලුවෝ වගේ. බස් එකට ළමයි ගෙනත් අරලින්න උදේට ගෙදරින් කවුරු හරි එන නිසා පෙන්නන්න සර් කෙනෙක් වත් ඕනී නිසා, අපි සිරාන් අයියගෙ තාත්තවත් අඩ ගහ ගත්තා. ශානූ අයියගෙ තව යාලුවෙක් හිටියා තිවංක කියලා. ඒ අයියා මාව ටිකක් කල් ඉදන් දන්නවා. "ශදී නංගියෝ, මං ට්‍රිප් එක යන්න එන්නම් හැබැයි මට ඔයාගෙ යාලුවෙක් සෙට් කරලා ඕනී "කිව්වා. 

       කොහොම හරී ට්‍රිප් එක යන දවස උදා වුනා. මං හිටියේ නයනිලාගේ ගෙදර. අපි යන්න සූදානම් වෙලා ඉන්නෙ අනුරාධපුරේ, ගිහින් තිබුනත් යාලුවෝ එක්ක යන්න තියෙන ආසාව නිසා මාත් යන්න කැමති වුනේ. කතා වුන විදිහටම සර් හැටියට ශිරාන් අයියගෙ තාත්තාව පෙන්නුවා. අනිත් ටීචර්ලා මගින් නගිනවා කියලා අපි ගමන පිටත් වුනා . අයියාගෙ යාලුවෝ ටික හිතන්නත් කලින් අපේ යාලුවොත් එක්ක මිත්‍ර වුනා. ශිරාන් අයියා කොන්ගෝ එකකුත් ගෙනත් තිබුනා. සිංදු කියමින් නටමින් බස් එක දෙවනක් කරමින් අපි ගමන ආරම්භ කලා. ටික දුරක් යද්දී ,තිවංක අයියා කිව්වා වගෙම නයනි දිහා බලන්න පටන් ගත්තා .ගමනින් බාගය යද්දී දෙන්නා අපිටත් හොරෙන් යාලූ වෙලා. දෙන්නා අපෙන් ඈත් වෙලා තනියෙන් ජේතවනාරාමේය චෛත්‍යය වටේ යනවා. දැන් ඉතින් ගමන තවත් විනෝදයී අපි අලුත් ජෝඩුවට විහිලු කරලා හිනා වුනා .

        ශානූ අයියයී මමයි හිටියෙත් හුගක් සතුටින් , අපි දෙන්නම මේ තරම් දුර ගමනක් යන මුල්ම වතාව. ඉස්කෝලේ යාලුවෝ හැමෝම ශානු අයිය අදුර ගත්තා. දවල් නුවර වැවෙන් නාලා කෑම කෑවා. පිරිමි ළමයී විතරයී නෑවේ,ගැහැනු ළමයි නාන්න බෑ කිව්වා. ශානූ අයියයී මායී වැව් ඉවුරේ ඉදගෙන කතා කලා. අපේ හිතේ තිබූනේ ලොකු නිදහසක් . අපිට ආපහු ගෙදර නොඑන්න හිතුනා.

     අනිත් යාලුවටත් ගෙදර එන්න කැමත්තක් නෑ , හැම තැනම බලලා යන්න ඕනී කියලා සදකඩ පහන එහෙම බැලුවේ පෝන් වල එළි ටෝච් පත්තු කරලා. අපි ගමන් නිමා කරද්දී පාන්දර එකත් පහු වෙලා තිබුනා. ශානූ අයියා පොඩි දරුවෙක් වගේ මගෙ උකුලේ ඔලුව තියාගෙන නිදා ගත්තා ,බහින තැනට එනකන්ම. නිදන් ඉන්න විදියට මට ඇහැරවන්න හිතුනෙම නෑ .නයනිලාගෙ ගෙදරට කිව්වු වෙද්දි මම ශානූ අයියව ඇහැරෙව්වා. 
ඒ ගමනින් පස්සෙ ශානූ අයියයී මමයි හුගක්ම ළං වුනා. දැන් ශානූ අයියා නිවාඩු දාට අපේ මහ ගෙදරත් එනවා. චූටී මාමට ආරංචි වෙන්නෙ නැද්ද , නැත්තම් මං ගැන හොයලා වැඩක් නෑ කියලා හිතලද කොහෙද, එයා ඒ ගැන කතා කලේවත් නෑ.

;
   ශානූ අයියා මං හවස් වෙලා පංති ඇරෙන දාට බයික් එකෙන් එක්කන් එන්න එන නිසා මං යාලුවන්ගෙ ගෙවල් වල යන එක ටිකක් අඩු කලා. ශානූ අයියා හවස මාව ගෙදර ඇරලලා , ආපහු යන්න ගියා. 

      ඉස්කෝලේ නිවාඩු දවසක ට කලින් දවසේ ශානූ අයියා මට කෝල් කරලා කිව්වා ,හෙට පොඩි ගමනක් යන්න තියෙයී ගෙදරට පංති කියලා එන්න කියලා. මමත් කියපු විදිහටම පහු වෙනිදා  ආවා. කොහෙද යන්නෙ ඇහුවට යන තැනක් කිව්වෙම නෑ. " යමුකෝ ගිහින්ම බලමුකෝ" කිව්වා.

      ශානූ අයියා මාව එක්කගෙන ආවේ එයාලගෙ ගෙදරට. ඒක බොහොම පරණ ගෙයක්, බැලූ බැල්මටම හරිම මූසල ගතියක් මට වෙනුනේ. රූස්ස ගස්වලින් වට වෙලා වට පිටාව හුගක් වදුලයී, ඒ වගෙම ගස්වල සෙවන නිසා හරිම සිසිලයී.උලු හෙවිලි කර වහලය හුගක් පරනයි. කාලෙකින් තීන්ත ආලේප කර නැත් බිත්තී තැනින් තන කැඩී ගිහින්. කුඩු ගල් හා මැටියෙන් නග්ගලා තිබුනු බිත්ති හුගක් ගනකමයි. "බිත්තිය දෙපල ඉදන් කතා කරහම නොඇහෙන තමට". ගරා වැටෙමින් තිබුන ගේ දැක්කම මට තේරුනා ඒක හුගක් පරණ ගෙයක් බව. 

ඇයි ඔහොම බලන්නෙ.....

නිකන් ශානූ අයියේ ... අම්මා දන්නවද මාව එක්කන් එන බව. මට බනීවී.

ඔව් ඔව්.. මං එයාට කිව්වා ඔයා එක්කන් එන බව.. යමු ඇතුලට.

      බයිසිකලය මිදුලෙ නවත්වල සුලු මොහොතක් ගේ දිහා බලාන ඉන්න දීලා ශානූ අයියා මට කිව්වා. ශානූ අයියා යාමු කියලා මගෙ අතින් ඇද්දත් මං එතනම ගල් වෙලා හිටියා .

ඇයි සුදු මැනික යමු ගෙට... අම්මට බයේද නැත්තම් ගේ දැක්කම බයේද....

නෑ එහෙම එකක් නෑ . ශානූ අයියේ.

ඔයාට හිතෙන දේ මට හිතා ගන්න පුලුවන්.. ඔයා මගෙ ඇත්ත තත්වය කලින්ම තේරුම් කරන්නයි මං ඔයාව මෙහෙට එක්කන් ආවේ.

මං ඔයා මොන තත්වේ වුනත් කමක් නෑ ශානූ අයියේ, ඔයා මං වෙනුවෙන් කරන දේවල් දැක්කම. 

එහෙම් යමුකෝ. 

     මම ශානු අයියලාගෙ ස්තෝප්පුවට ගොඩවුනා. ඇත්තටම ඒ ගේ දැක්කම තිබුන මූසල පාටට හිත පොඩ්ඩක් ගැස්සුනා මිසක්, ශානු අයියා ගැන පසුතැවීමක් ආවේ නෑ. ඒත් ශානූ අයියා හිතුවේ එයාලගෙ ගේ දැක්කම මගෙ හිතේ තිබුන හැගීම වෙනස් වුනා කියලා. මොනදේ වුනත් මං දන්නවා ශානූ අයියා මට මොන තරම් ආදරේද කියලා, ගෙවල් දොරවල් නම් ඕනි තරම් හදා ගන්න පුලුවන්, ඒත් හොද ආදරක් ලබන්න හුගක් පින් කරන්න ඕනී. මොන තරම් පව් කරලා තිබුනත් ,මම ශානූ අයියාගෙ ආදරය ලබන්න පින් කරලා තිබුනා.

අම්මේ.. අම්මේ.... අපි ආවා.

         ශානූ අයියා ඉස්සරහා දොරට තට්ටු කරමින් සතුටින් කෑ ගැහුවා. මම නම් බයෙන් ඉන්නෙ.ශානූ අයියලගෙ අම්මා මාව කොයි විදිහට පිලිගනිවිද.

ඊ ළග කොටසින් හමු වෙමූ..

දූශාන් අයියා ශා අයියා කියවනකන්  ඉන්මු නේද...

දුශාන් අයියා කතාව මග බලන් ඉන්නේ නේ......

        අපිට හම්බෙන්න ,කතා කරන්න ඕනි තරම් නිදහස තිබුනා. මං කරන්නෙ මොනවද හොයන්න කාටවත් උවමනාව තිබුනෙ නැ. ඒක නිසාම මං ශානූ අයියට හුගක් ළං වුනා. මගෙ ජීවිතේ වුනේ ශානූ අයියා. සමහර දවස් වල ශානු අයියලාගෙ ගෙදර යද්දී ගෙදර කවුරුත්ම හිටියෙ නෑ. අපි දෙන්නා විතරක් ගෙදර හිටියට ශානූ අයියලගෙ අම්මා මොකුත් කිව්වේ නැහැ. ශානූ අයියා ගෙදර අය කියනදේ පොඩ්ඩක් වත් ඇහුවේ නෑ. ශානූ අයියා කරන කිසිම දේකට එපා කිව්වේ නෑ. බැරි වෙලා හරි ශානු අයියගෙ අම්මා, ශානූ අයියට නරකක් කිව්වොත් එයා අම්මට සැරෙන් කතා කලා. 

          මම ශානූ අයියට දොස් කිව්වා , අම්මට එහෙම කතා කරනවට. ඒත් එයා කිව්වේ "ඔයා නොදන්න ඒවට අත නොදා ඉන්න, මට ඉගෙන ගන්නත් නැති වුනේ ඔය මිනිස්සු නිසා තමයී , මාමා විතරයී මං ගැන බැලුවේ. මං අන්තිම කාලේ ක්ලාස් ගියෙම නෑ. අම්මයි නංගී ගිහින් මාමා ගෙන් සල්ලි අරන් ආවට මට දෙන්නෙ නෑ. මං මෙයාලගෙ ළමෙක් නෙවෙද කොහෙද නංගිට විතරයි හැමදේම කරන්නෙ" කියලා.මං අම්මාලා එහෙම නෑ කිව්වත් ශානූ අයියා ඒක පිළිගන්න සූදානම් නැ. ශානූ අයියගෙ අම්මා හරිම හොද කෙනෙක් , මට හිතා ගන්න බැරි ශානූ අයියා ඇයි එහෙම හැසිරෙන්නෙ කියලා. අපි දෙන්නාගේ සම්බන්දය පටන් ගත්ත දවසේ ඉදන්ම ,අපි දෙන්නා තප්පරයකටවත් තරහා වෙලා නෑ. මට කවදාවත් කේන්තියෙන් වචනයක් කතා කරලා නෑ. හැම ප්‍රශ්නයෙදිම මං වෙනුවෙන් හුගක් ඉවසුවා, ඒත් ඇයි මේ ගෙදර අය එක්ක හැසිරෙන විදිහ. මට තේරුම් ගන්න බෑ. ශානූ අයියලගෙ ගෙදර එන්න ගත්තම තමා ශානූ අයියා ගැන තව නොදන්න හුගක් දේ තියෙන බව තේරුම් ගත්තේ. 

************************************
         ශානූ අයියගෙ නංගී හරිම කම්මැලි ගණන් හදන්න. ගණන් අමාරුයි කිව් නිසා මං එයාට ගණන් කියලා දුන්නා. ඉස්කෝලේ වැඩ වලට උදව් කලා. මාත් ක්ලාස් එකේ වැඩ කරේ ශානු අයියලාගෙ ගෙදරදී. මොකද මං දැන් හැම නිවාඩු දවසකම හිටියේ ශානූ අයියලාගේ ගෙදර නිසා.

නංගියෝ අර එන කෙනාව මං අදුරනවා. එයා අපෙ අම්මලාගෙ ගෙවල් ලග.
මම ජනේලයෙන් ඈත් එන පුද්ගලා පෙන්වමින් කිව්වෙ බය මුසු ස්වරයකින්. 

ආ ඒ ක්‍රිස්ටී මාමානේ. එයා අපේ ඈතින් නෑයෝ වෙනවා අක්කී.

මං දැක්කොත් එයා ගෙදරට කියයී මං හැංගෙනවා. 

      මං ශානූ අයියගෙ කාමරයට දුවගෙන ගියා .ශානූ අයියා මෙට්ටය අතුරගෙන හොදටම නිදී. මම ශානූ අයියව ඇහැරවලා පුලුවන් ඉක්මනට විස්තරය කිව්වා. ශානූ අයියත් දොර වහගෙන කාමරයෙන් එළියට ගියේ මොකද වෙන්නෙ බලන්න.ඒ වෙනකොට ක්‍රිස්ටී මාමා ගෙට ඇවිත් අම්මාලා එක්ක කතා කරනවා මට ඇහුනා. අයියත් එතනට ගිහින් ආගිය තොරතුරු කතා කලා. පස්සෙ ශානූ අයියා ශීරාන් අයියලාගේ ගෙදර යනවා කියලා බයික් එකේ නැගලා ගියා. ටික වෙලවකින් මාතෘකාව මගෙ පැත්තට හැරුනා. මට හිතා ගන්න බෑ, ක්‍රිස්ටි මාමා ඇවිත් තියෙන්නෙ මං ගැන කතා කරන්න.

ලතා නංගියේ . උබලගෙ ලොකු කොල්ලාගෙ සම්බන්දක් තියේ නේද, අර සේනලගෙ කෙල්ල එක්ක.

ඔව් ක්‍රිස්ටි අයියේ...

උබලා දන්නවද ඕකිගෙ තාත්තා නෙමෙයි ඔය සේනයා. ඒකිගෙ අම්මගෙ දෙවෙනි කසාදේ.

අපි දන්නවා ක්‍රිස්ටි අයියේ ඒක..

එහෙනම් මොකද ඕක නවත්වන්නෙ නැත්තේ...

තාත්තා නැතුවට මොකද ඉතිං..

ඇයි උබලා දන්නෙ නැද්ද ඕකී සේනයා අතින් අනාත වෙලා ඉන්නෙ.

          ඒ වචනය මගෙ හදවත් පසාරු කරගෙන ගියා. මොන ගිනි ගෙඩියක්ද්ද මේ පාත් වෙන්න යන්නෙ. මට එලියට ඇවිත් ක්‍රිස්ටි මාමාගෙ බෙල්ල මිරිකලා තෝ දැක්කද අහන්න හිතුනා. මං අමාරුවෙන් කේන්තිය ඉවසගෙන අහගෙන හිටියා

ඒ මොකක්ද්ද අයියේ ඒ කතාව..

ඔය කෙල්ලෙ ලොකු ළමෙක් වෙන්නත් කලින් අනාත වෙලා තියෙන්නේ. ඒකනේ ලොකු ළමෙක් වුනා කියලා කාටවත් කිව්වෙ නෑ .සති දෙකක් විතර ගමේ ගෙනිහින් ඉදලා එක්ක ආවා.

මොනවද ක්‍රිස්ටි අයියේ ඔය කියන ජරා කතා.

ඔබට මං කියන එක විශ්වාස නෑ. සේනයා මගෙ හොද යාලුවෙක්නේ. සේනයාමයි මට ඕක කිව්වෙ. ඒකිත් කැමතිලූ බං ඕවට. පස්සේ මේ.. ඔබලගෙ කොල්ලා එක්ක පැටලුනාමලූ ඒක නැවතුනේ.

මට විශ්වාස නෑ..

සේනයගෙ කටින්ම කියනවා නම් ආයි මොනවද? මං මේක උබලගෙ හොදටයි කිව්වෙ. තවත් ඔය සම්බන්දේ තියෙ නම් කඩලා දාපන්. 

       ඒ කතාවෙන් තේරුනා මේක සේන බාප්පගෙ උප්පරවැට්ටියක් බව. මොන ජරා මිනිහෙක්ද ,මොන විදිහෙන් හරි මාව තනි කරන්නයි සේන බාප්පට ඕනී. කේන්තියට වඩා මට දුකයි. මං කොහොමද මේ මිනිස්සුන්ට මූන දෙන්නෙ. මං කාමරේ මුල්ලක ඉදගෙන අමිහිරි මතකයන් මතක් කරමින් හඩන්න ගත්තා.

     ක්‍රිස්ටි මාමා තමත් මොනවදො අම්මලා එක්ක කියවලා යන්න ගියා. ඒත් ක්‍රිස්ටි මාමාට සැකයීද කොහෙද මං ගෙයි ඉන්න බව මට රිදෙන්නම ගොඩක් දේවල් කිව්වා. ශානු අයියා තාම ගෙදර ආවේ නෑ . දැන් ශානූ අයියා ආවම අම්මා සේරම කියයී, ශානූ අයියත් මාව සැක කරයිද. ඇයි දෙවියනේ මේ මිනිහා මගෙ පස්සෙම ඇවිත් මගෙ ජීවිතේ විනාස කරන්න හදන්නෙ. ක්‍රිස්ටි මාමා ගියත් අම්මයී නංගී මට කතා කලෙ නැහැ. මූන දෙන්න බය නිසා මාත් කාමරෙන් එළියට ආවේ නෑ. අන්තිමේදී මෙට්ටෙයෙ වැතිරිලා අඩමින් සිටි මට නින්ද ගිහින් තිබුනා. 

ශදී නංගී ...ශදී නංගි.. ළමයෝ දොර අරින්නකෝ..

        ශානු අයියගෙ කටහඩ ඇහෙත්ම මගෙ ඇග රත් වෙලා ගියා. නින්දෙන් අවදි වුන මම මෙට්ට මත් ඉදගෙන නිහඩව අහන් හිටියා. මගෙ කම්බුල් දෙක තවමත් කදුලු වලින් පෙගිලා.

මොකද ළමයෝ දොර අරින්න ක්‍රිස්ටි මාමා ගිහින්...

ඉන්න... අයියේ.. .මට.. නි..න්ද ගියා.

      මම වෙව්ලන කටහඩින් කියද්දි ශානූ අයියට මං අඩන බව තේරුනා. මම හෙමින් සැරේ කමරේ දොර ඇරිලා.

ඇයි අඩන්නෙ සුදු මැනික....

      ශානූ අයියා මගෙ කදුලු පිස දමමින් ඇහුවා. මට තවත් ඇඩුම් ආවා.

අඩන්න එපා ළමයෝ.. මට අම්මා සේරම කිව්වා මට ඔයාව සැක නෑ. ඔයා මට බොරු කිව්වෙ නෑනේ.

මං.. ඔයාට.. බො..රු කියලා.. නෑ මගෙ.. අයියේ..

හරි දැන් අඩන්න එපා. 

අම්මලා... මොනවා. හිතනවද .. දන්නේ නෑ... මේ බූරුවා.. මාව මැරුවා නම්...මීට වඩා ... හොදයී... දැන් ඕක ගමේම පැතිරෙයී..

අම්මලා ඕනී එකක් හිතා ගත්තුදෙන්. මට විශ්වාස නම් එච්චනේ.

එහෙම කියලා බෑනේ අයියේ. මං මේ ගෙදරත් එන නිසා එයාලා ඔය කතාව විශ්වාස කරනවා ඇති. හොද ගෑනූ ළමයෙක් නම් බදින්න කලින් කොල්ලගෙ ගෙදර එන්නෑනේ.

මං දන්නවනේ ඔයා ගැන .ඇයි දුක් වෙන්නෙ. ඔයා කවදා හරි බදින්නෙ මාව. ඔයා මොන වගෙ වුනත් ඒක වැදගත් වෙන්නෙ මට විතරයී. 

මගෙ ... අම්මයී.. තාත්තා.. හොදින්.. හිටියා නම්.. මට.. මෙහෙම වෙන්නෙ නෑ අයියේ.. ඉගෙන ගන්න කාලෙම ඔයාට මගෙ වියදම් දරන්නවත්, ඔයාලගෙ ගෙදරවත් එන්න වෙන්නෙ නෑ. එහෙම වුනානම් මට මේ කතා අහන්න වෙන්නෙත් නෑ.

       මම ශානූ අයියගෙ පපුවේ මුහුන හොවාගෙන ඇඩුවා. අම්මා කියපු කතාව ඇත්තද කියලාවත් අහන්න ආවේ නැහැ. ක්‍රිස්ටියට සැකයි වගේ ඔයා මෙහෙ බව. ආයි එන්න පුලුවන් ලෑස්ති වෙන්න අපි ගෙදර යමු. ටික දවසක් මෙහෙ නෑවිත් ඉන්න වෙනවා.
මාත් හිස වනලා ඒකට කැමති වුනා. ඉක්මනට ගෙදර එන්න සූදානම් වුනා. පිටත් වෙන්න ලැහැත්ති වෙලා මම කුස්සියට ගියෙ අම්මට වදින්න. මගෙ හිත බයෙන් පිච්චුනත් මේ වෙලාවෙ මගහැරියොත් මාව සැක කරයි කියලා. අම්මා මගෙ දිහා බැලුවේ වත් නෑ .මම ගිහින් වැන්දා. ඕනිවට එපාවට තෙරුවන් සරනයි කිව්වා. 

අම්මේ ..මම ගිහින් එන්නම්.. මාව සැක කරන්න එපා අම්මේ. ඕක සේන බාප්පගෙ කපටි වැඩක්.

මට ඕවයින් වැඩක් නෑ. 

      අම්මා මං දිහා බලලා එහෙම කිව්වෙ පිහියකින් අනිනවා වගේ.

ශදී නංගි මෙහෙ එන්න යන්න. මං කිව්වා නේද එක පාරක්.

ශානු අයියා කුස්සියෙ දොර ගාවට ඇවිත් කේන්තියෙක් කිව්වා.

ඒත් අයියේ.

මං බදින්නෙ මට ඕනී කෙනා . ඔය කවුරුත් මං වෙනුවෙන් මොකුත් කලේ නෑනේ. මගේ දේවල් මංම බලා ගන්නම්. මගෙ වැඩ වලට අත දාන්න එන්න එපා. ආයි ඔව ගැන වචනයක් හරි කතා කරලා තිබුනොත් මං බලා ගන්නම්. ක්‍රිස්ටියටත් මොකද දන්නෙ නැ එක පාරට නෑ කම් මතක් වුනේ.

          ශානූ අයියා මෙහෙම හැරිරෙනවා මං කවදාවත් දැකලා නැ. මට හිතා ගන්න බෑ ශානු අයියා මේ තරම් නපුරුයිද කියලා.

පුතේ මේ.

මේ.. මේ .. අම්මේ ඇති.

         ශානූ අයියා මගෙ අතින් ඇදගෙන ස්තෝප්පුවට එකන් ආවා. මම ගේ ලගින් බහිනකන්ම වචනයක් වත් කතා කලේ නැ..

ගෙදර ගිහින් අඩන්නවත් කාටවත් ඔය කතාව කියන්න වත් එපා හොදද. ඔයා අපේ ගෙදර යන බව කවුරුත් දන්නෙ නැනේ. 

හරී ශානූ අයියේ යමු ගෙට .

යමු .. මං එන්නම්.

       මම ගෙට ඇතුල් වෙද්දිම ආච්චි අම්මා ඇයි ඇහුවා. මං ඔලුව රිදෙනවා කියලා එයාව මගහැරියා. 
*******************************
       මම ස්කෝලේ ඇරිලා ගෙදර එනකන් ආච්චි අම්මා මගෙ බලාන ඉන්නවා දැකලා මට පුදුම හිතුනා. මං ඈත ඉදන්ම ඇයි ඇහුවා. අම්මට මල්ලියෙක් ඉපදිලාලූ. දෙවියන්ගෙම පිහිටයී. ඔයා සේනයා ලගට කෙල්ලෙක් නොඑවා කොල්ලෙක්ම එව්වට. මට දැනුනෙ කියා ගන්න බැරි සතුටක්.

ආච්චි අම්මා ගියාද බලන්න..

නෑ නෑ .. හෙට යමූ. 

හා යමු.. මං හෙට ස්කෝලේ යන්නෙත් නෑ චූටි මල්ලි බලන්න යනවා. 

මට හෙට ටිකක් වෙලා බාබා ළග ඉන්න වෙනවා. 

ඇයි ඒ.

අම්මා එල් ආර් ටී කරනවලූ.

හ්ම්ම්ම්. පව්නේ. එකපාර වේදනා දෙකක්.

ආයී ගෙදර ආවොත් ළමයි දාලා යන්න වෙන්නෙ නැති නිසා කරනවලූ. 

      මට අම්මා ගැන දුක හිතුනා. රැ පහන් වෙනකන්ම චූටී මල්ලි හම්බවෙන්න වේදනා විදින්න ඇති . ඒ පිටම තව සැත්කමකුත් කර ගන්න හදනවා. පහුවලා අපි ඉස්පිරිතාලෙට ගියා . අපි ඒ යද්දිත් අම්මා සැත්කමට අරන්. 

      මං ගිහින් මගෙ චූටී මල්ලි දිහා බැලුවා . රෝසම රෝස පාට මූන පිණි ජම්බු ගෙඩියක් වගේ. නිල්ම නිල් පාටින් අන්දලා .නිල්පාට මං ගොතලා දුන්න තොප්පියයි මේස් දෙකයී දාලා,චූටි මල්ලි හොදටම නිදි. චූටී රෝස පාර අත් මිටමොලවගෙන චූටි කකුල් දෙකත් උඩ දාගෙන එයා නිදි. මම හිමින් සැරේ එයාගෙ චූටී අත් ස්පර්ශ කලා. එයා එහෙට මෙහෙට මුන හරවමින් කිරි හොයනවා. මම අනිත් ඇදවල් වල ඉන්න බබාලා දිහාත් ඔලුව උස්සලා බැලුවා. එයාලා අපේ මල්ලිට වඩා හුගක් චූටී වගේ. මල්ලි ලොකු නිසා ඉපදෙන්නත් අමාරු වුනා කියලා ,නර්ස් ආච්චි අම්ම්ට කියනවා මම අහගෙන.

ඊ ළග කොටසින් හමු වෙමු.

Posted By gayya on 30 Sep 2016 05:03 PM
සදුනි අක්කි ලියපු කතා කියවන්න ඉන්නේ කෝස් ඒක ඉවර වෙලාම නිදහසේ.. අන්න ඒදාට මම කමෙන්ට් ඒක දෙන්නම් හොදද.. කෝස් ඒකේ ඒග්සැම ඉවරවුනු ගමන් දාගෙන තියන පලවෙන් වැඩේ ඒ්ක..

මම මග බලන් ඉන්නවා ගුරු......

ඔයාගේ විභාගේ කටයුතු සාර්ථක වෙන්න කියලා ප්‍රාර්තනා කරනවා.

හොදට විභාගෙට මූණදෙන්න.

Posted By ගීත් on 30 Sep 2016 08:26 PM
වෙලාවක කොටස් ටික ඔක්කොම කියවන්න ඕනෙ හී